رواية إطلاق سراح مشروط للكاتبة روز الفياض الفصل التاسع عشر
وديان: لاطبعا مااعوف شغلي واصلا وين اعرف للجهال اني حتى اربيه.
حسام: لعد منو يربيه لاكيشا لو امي؟
وديان: اي شكو بيها.
حسام: تدرين هسه شنو من فكره اجت ابالي؟
وديان: شنو؟
حسام: يمكن الله جان حارمني من الاطفال بسببج.
وديان: بسببي ليش هسه صرت مو زينه؟
حسام: لان انتي ماعندج استعداد تكعدين تربين طفل حتى لو ابنج اهم شي انتي اهم شي دوامج وراحتج وحياتج.
وديان: دتعيرني هسه حسام لان ميصير عندي جهال؟
حسام: لا حشا مااعيرج بس الله سبحانه وتعالى بكل شي اله حكمه وهسه عرفت حكمته بحرماني من طفل طول هالسنين لان الطفل اليجي ماعنده ام بيها خير.
وديان: يعني هسه اني ما بيه خير. يصير خير حسام يصير خير.
مجاوبتها كامت من يمي بعدين دارت علي كالت: يكون بعلمك لو اني لو الزعطوطه القرويه العندك.
مجاوبتها.
ثاني يوم امي رادت ترجع للبيت اخذتها هي ولاكيشا للبيت من وصلنه شفنه مره واكفه تدك بالباب لابسه عبايه راس وظهرها النه مشفناها منو.
نزلت اني من السياره التفتت هي ام حسناء.
حسام: هلا خاله شلونج اليوم هنا؟
مبين عليها تعبانه ومالها خلك محجت شي باوعت على امي بالسياره ورفعت ايدها سلمت على امي.
رجعت دارت علي وبجت ومن شفتها بجت كلبي وكف.
حسام: شكو خاله شصاير شبيكم؟ حسناء بيها شي؟
ام حسناء: وينك ياخاله حسناء بالضيم راح تموت بنيتي وانت ماكو.
حسام: شكو؟ شبيها؟
ام حسناء: رجعت حالتها مثل ذيج الفتره.
تبجي واني معصور كلبي مالحكت ارتاح واكول صارت زينه.
حسام: شوكت صار هالحجي؟
ام حسناء: صار اسبوعين ماخليت شيخ ولاسيد ولا طبيب ماجبته الها محد فادها.
تحجي وتبجي كطعت كلبي حسيت جبل طابوك كعد على صدري.
نزلت امي ولاكيشا للبيت واخذت ام حسناء ورحنه لبيتهم.
حسام: ليش ماانطيتوني خبر عبالي صارت زينه وانتهت هالقصه.
ام حسناء: ندك عليك ماكو مغلق ويوميه اجي لبيتكم الصبح والعصر محد موجود.
حسام: تليفوني ضاع. والبيت محد بي لان الحجي ابو وديان انطاج عمره وجنت ملتهي ومشغول بالعزا واخذت امي وياي حتى لتبقى وحدها.
ام حسناء: البقيه بحياتكم خاله مندري والله بس اني اتصلت على وديان وكتلها على حسناء تعبانه ووصيتها تبلغك.
اتعجبت من حجيها كتلها: شوكت؟
ام حسناء: من اول يوم وكعت بي حسناء اتصلت بيها وكتلها ويوميه اتصل بيها وتكولي مشغول بعدين ظلت مترد عالتليفون من نتصل بيها.
اتنفست حيل حسبي الله عليج ياوديان ليش هيجي تتصرفين.
حسام: والله ماادري ياخاله محد كلي ماكلتلي ابد بسيطه حسابها بعدين...
حسابها بعدين.
وصلنه لبيتهم ونزلنه بس دخلت سمعت صوت صريخها.
فتت للغرفه اتفاجأت بشكلها شعرها منكوش ووجها كل مزلغ ومجرح ورابطيها من ايديها بالشباك.
بس شفت حالتها انتهيت كعدت يمها وظليت ابجي واحاجيها.
حسام: حسناء حبيبتي شلونج؟ ليش هيجي صاير بيج؟ شيوجعج شيأذيج؟ حاجيني.
مترد علي صافنه على باب الغرفه وتصرخ ماادري شتشوف.
حسام: خاله فهميني شكلولكم شبيها؟ شنو عدها؟
ام حسناء: خاله يكولون متلبس بيها جن من عمل نكس بس محد كدر يطلعه.
رجعت ابجي عليها وعلى حظي منظرها يكطع الكلب هاي الورده البريئه هيج حالتها؟
هذا الوجه الحلو هيجي متشوه ومتجرح؟
منو هيجي عنده جرأه يأذيج؟
درت على امها كلتلها: منو ممكن يسوي هيج شي؟ شاكين بأحد؟ عدكم مشكله ويه احد وممكن تطلع منه هيج اذيه؟
احد جان رايدها قبل؟ ابن عمها؟ ابن خالها؟ اي احد من العائله او الجيران؟
اي شخص يعني؟
هزت راسها لا كالت: ولد عمها زغار كلهم وولد خوالها متزوجين وعدهم جهال ومحد بيوم من الايام حسينه بي حاط عينه عليها.
والجيران وين شايفيها هي بس خلصت الثالث متوسط اخوتها بطلوها من المدرسه وانحبست بالبيت رغم هي تلبس عباية بس مقبلوا تروح للمدرسه بعد كالوا كبرت والعين عليها ويخافون عليها من الشباب بالشارع.
ظلينه كاعدين نفكر ونحجي ونستنتج نريد نعرف منو هيج ماعنده مخافة الله ويسويلها هيج.
حسام: والله ماادري خاله عقلي راح يوكف وكلبي والله بعد ميتحمل كل هالتعب ماصدكت صارت زينه وكلت هسه يمكم مرتاحه خليها وهم تغير جو ماادري بيها هيج الله لايوفقه إلى سواها الله لايوفقه شيريد من عدنه؟
ام حسناء: خاله اني بكلبي حجايه اريد احجيها بس اخاف تزعل مني؟
حسام: احجي خاله ماازعل منج كولي.
ام حسناء: والله ياخاله اني وخواتها شاكين بشخص هو إلى وره الموضوع.
حسام: احجي خاله بيمن شاكين اني اريد اعرف مو توني سألتج كلتي لا؟
ام حسناء: صحيح بس الشخص إلى شاكين بي من طرفك مو من طرفنه.
حسام: من طرفي اني؟
ام حسناء: اي مره مو رجال.
حسام: منو تقصدين؟
ام حسناء: اكو غيرها وديان.
كالتها بعصبيه ودارت وجها مني.
ظليت ساكت متفاجأ معقوله يشكون بوديان؟
حسام: خاله صدك تحجين؟ صحيح وديان ماعدها اسلوب ولسانها ينرادله كص بس مو لدرجة تأذيلها بشر بهالطريقه.
واصلا وديان وين تعرف هيجي اشياء؟
لاخاله غلطانه انتي مو وديان.
مجاوبتني ضاجت يمكن لان دافعت عن وديان.
كمت اني اترخصت اروح حتى ادورلي احد يعرف بهيجي امور اجيبه لحسناء إلى كعدت وكمت وهي عينها عالباب ومتدري بيه ولاحست بوجودي الى ان اتدنيت يمها بست راسها قبل لا اطلع.
رفعت راسها باوعتلي وطاحت دموعها كالت: كتلك اذا تعبتك بعد عوفني وطلكني.
حسيت حجايتها زرفت كلبي رجعت كعدت وشبكتها وظليت ابجي.