رواية أنا الرعد الجزء الأول للكاتبة شيماء أشرف الفصل العشرون
عند مارك و ماك و كانوا هما و رنا و جميلة واقفين قدام عادل و رافعين المسدسات في اتجاه راسه. ، و كان عادل بيقول...
عادل: طلما هموت، يبقى مش هموت لوحدي و هخدكم معايا، و هنا اطلق عادل رصاصه من مسدسه ألي كان مخبيه ورا ضهره، و في نفس اللحظه اطلق رصاص معه أيضا، و من تلقى رصاصة التي اطلقها عادل كانت سوفه تصيب جميلة لكن رنا زقت جميلة بقوة و وقفت مكانها و خدت الرصاصه بدالها، و لحسن الحظ الرصاصه اصابت رنا في ذراعها الشمال، و في وقت اطلاق عادل النار كان مارك و ماك اطلقوا النار عليه و معهم جميلة، و لكن رنا كانت في الأرض بسبب اصابتها، و بعد موت عادل جريت جميلة ناحية اختها رنا بخوف و لهفة عليها و قالت و هي بتسندها عليها...
جميلة: رنا، رنا انتي كويسه...
رنا بألم: لا أبدا بس واخده رصاصه بسيطه في دراعي حلوة دي...
جميلة: انتي ليكي نفس تهزري في الوقت ده...
رنا: طب اسنديني لحسن هموت من الوجع...
جميلة بلهفة: تعالي يا حبيبتي، و مسكت جميلة رنا و بدأت تمشي بيها و نسيت مارك و ماك الموجودين، و لكن انتبهوا لصوت مارك و هو بيقول...
مارك: انتوا رايحين فين، و هتخديها على فين و هي مضروبة بالنار كده...
جميلة بسخريه: أبدا هخدها افسحها شوية، ثم اكملت كلامها ببرود، ملكش دعوة انت و هو بألي هنعمله. ، و جت تمشي هي و نور لكن وقفت على ايد ماك ألي مسك ايديها و قال ببرود...
ماك: مينفعش تخرجي كده و كمان هي بتنذف و مش وقت اعتراض هتيجوا معانا، و اكيد انتي مش هتسيبي اختك دمها تتصفى بسبب عنادك معانا، و متخفيش احنا هنساعدكم بس مش هنضركم، و مع انتهاء كلام ماك بصت جميلة لرنا و شافت دراعها ألي بينذف و شكلها و هي في حالة الأغماء فوافقت على كلام ماك، و قالت.
جميلة: طيب هنروح معاكم بس بسرعه عشان الرصاصه اخرجها بسرعه من دراعها...
ماك: تمام، ثم اشار ماك لأحد الحراس ألي كانوا معاه بيقرب عشان يشيل رنا، لكن ألي فاجئة هو ان اخوه مارك قرب من رنا و راح شالها و خرج بيها متجاهل الكل...
جميلة: هو واخدها و رايح فين...
ماك: متخافيش هيروح بيها على بيتنا تعالي معايا، ثم واجه كلامه للحرس بتوعه، و انتوا نضفوا المكان هنا يلا بسرعه، و خرج ماك مع جميلة و لقى ان اخوه مشي بعربيته فراح ماك ناحية عربيته و معاه جميلة و ركبوا هما الاتنين، و كان ماك مستغرب من اخوه و من ردة فعله ألي عملها من شوية، اما جميلة فكان الخوف و القلق يتأكلها على اختها رنا لكن اخفته ببراعه عن ماك...
.
في بيت عيلة الهواري، و في الجنينه و كانت مريم بتسأل رعد و بتقول...
مريم: طب ناوية على ايه...
رعد: ناوية اني خلاص عرفت ان عاصف مخبي حاجه و جه الوقت اني اعرفها...
معتصم: مش مرتاح لدماغك يا رعد...
رعد: بالعكس يا معتصم، ده دماغي حته بتجيب من الأخر، بس الخطه دي هتكون هتركز مع حمدي بزيادة...
حمدي: انا دلوقتي بأيد كلام معتصم و بقولك اني مش مرتاحلك...
رعد: خالو، مش وقت هزار لازم ننفذ الخطه بأسرع وقت...
حمدي: خلاص يا رعد قولي ناويه تعملي ايه، و بدأت رعد تقولهم عن الخطه ألي ناوية تعملها و كان الكل مركز معاها و بيسمع للي بتقوله. ، و بعد ما خلصت شرح لخطتها قالت مريم...
مريم: يا بنت الأيييه، ده انتي دماغك لوز...
معتصم: لوز ايه بس دي دماغ سم بعيد عنك...
رعد: طب خلي بالك بقى بدل ما السم يطولك انت اكيد فاهمني يا معتصم على نور صح، نور اوي...
معتصم و قد فهم انها تقصد نور معه فقال: لا طبعا يا كبير هو حد يقدر يقول حاجه على دماغك، دي دماغ علماء و اساتذة...
رعد ببرود متجاهلة معتصم: هااا يا خالو، مش شيفاك بتقول حاجه، بتفكر في ايه...
حمدي: واللهي يا بنتي انا مش مرتاح للخطه دي، ممكن هنا تتأذي او انا...
رعد: لا متقلقش من الناحيه دي انا حسباها صح...
حمدي: رعد انتي كده بتلعبي بالنار، انتي كده مش بتصلحي انتي بتدمري.
رعد: متخافش يا خالو، ماهو لازم عشان توصل للورد لازم تقابل شوكه، و انا بقى هقطع الشوك ده و اخد الوردة...
حمدي بستسلام: طيب يا رعد انا معاكي، معاكي و انا متأكد ان كل خطوة بتخديها بتكوني حسباها ميت مرة و انا واثق فيكي...
رعد: و صدقني يا خالو اني هكون قد الثقه دي...
حمدي: طب بلاش خالو دي عشان بتكبرني اوي، خليني حودة احسن...
مريم: فينك يا منال تسمعي كلام جوزك ألي بيقول كده...
معتصم بضحك: هههههههه، دي كان زمانها قلبت عليه و متجننه. هههههههههه...
حمدي: اهو منال دي الوحيدة ألي متغيرتش لسه بعقلها و عصبيتها و غيرتها من اي ست تقربلي، بحسها عامله زي ميلاد كده...
رعد ببتسامه: طب خلي بالك بقى للكلام ده يوصلها يا حودة...
حمدي: مش مطمنلك يا رعد...
مريم: معلش يا حودة، ماهو انت عارف ولاد الحرام مسبوش لولاد الحلال حاجه...
حمدي بغيظ: تصدقوا انكم عيال بنت كلب، كتكم القرف، الله يخرب بيت اليوم ألي عرفتكم فيه، انا طالع انام عشان ارتاح من وشكم، و من غير تصبحوا على خير حتى، و مشي حمدي من قدامهم، فقال معتصم...
معتصم: ألحقي خالك اتجنن...
مريم: يا عيني دي راحت منه خالص، و هنا صدع رنين هاتف رعد، و كان المتصل غيث، فقامت و لكن قبل ما تمشي قالت...
رعد ببرود: انا هرد على التلفون عاوزة اخلص ارجع ألاقي كل واحد فيكم على اوضته ماشي، و سابتهم و مشيت، و بعدها قالت مريم...
مريم: انا طالعه يا عم انا مش مستغنيه عن عمري...
معتصم: خوديني معاكي انا كمان مش عاوز ابات مع عم مطر لحسن ده لو جاع هيفتكرني الوجبة بتاعته...
.
في ألمانيا و في احد ال يلا الخاصه بغيث كان قاعد هو و سليم بيتكلموا في امور تخص الشغل و بعد مدة ما خلصوا قال غيث لسليم....
غيث: بكرة عاوزك تخلي مروان يروح و ياخد دكتور ماكسميس عشان نسافر...
سليم: متقلقش حصل و فهمته هيعمل ايه بكرة، بس قولي مفيش جديد بينك و بين رعد...
غيث بتعب: لا، لسه بتتصرف معايا ببرود و مش مدياني فرصه و مش قادرة تنسى...
سليم: معلش يا صاحبي هي اكيد موجوعه منك و انك اتخليت عنها، استحمل...
غيث: مستحمل، مستحمل و صابر، مستحمل و انا بشوفها و مش قادر اخدها في حضني، مستحمل و انا شايفها بتهزر مع معتصم او بتتكلم مع غيرة و انا مش قادر اخبيها بين ضلوعي و اخفيها عن اي راجل مهما كان، مستحمل و انا شايف عنادها و تمردها و مش قادر اخد شفايفها...
سليم: ياااااه يا غيث لدرجة دي بتحبها، لدرجه دي قدرت رعد تاخد قلب الحوت و تفوز بيه، قدرت تستحوذ على قلبك...
غيث: من قبل ما اكون الحوت و هي واخده قلبي، من اول ما خلقت على الدنيا و شلتها بين ايديا و انا لسه طفل عندي خمس سنين سرقت قلبي، من اول ضحكه بتضحكها من قلبها بتسرق قلبي، انا بقيت مهووس بيها، تعرف ان هي كانت ألي بتقولي حوت، كانت مسمياني حوتها ألي جنبيها و بيحميها، عشان كده قطعت وعد على نفسي اني اكبر من نفسي و اكون اشهر رجل اعمال و اخلي الكل يعرف بأسمي حوت الأقتصاد...
سليم: طب افرض هي مش عاوزة تكون جنبك يا غيث هتعمل ايه، غيث بنبرة اول مرة يسمعها سليم منه و كانت نبرة كلها هوس و تملك. نبرة مرعبه، فكان بيقول.
غيث: صدقني يا سليم رعد ليا و بس و لو رفضت تكون معايا هخليها معايا بالغصب هخطفها و اخفيها عن الكل و اخليها ليا و بس مش لحاد، و لو فكرت في غيري هقتله و انهي حياته، لو بس فكرت تسيبني او ترفض تكون معايا هقتلها و اقتل نفسي، لأن غيث لرعد و رعد لغيث و مش لحاد تاني، و لم يشعر غيث بسيلم و هو كان يسجل كل كلمه كان بيقولها...
سليم: انا عاوزك يا غيث تفضل متمسك بحبك ده و متتخلاش عنه، بس في نفس الوقت متخليش غيرتك تعميك يا غيث، و يلا بقى انا هطلع انا، تصبح على خير...
غيث: و انت من اهله، و طلع سليم و فضل غيث يفكر في كلام سليم، و بعد مدة من التفكير مسك غيث تلفونه و اتصل على رعد، و بعد دقيقه جه ليه الرد من الترف الأخر...
رعد: غيث، ألو، غيث، و لكن لم يرد غيث فكان يفكر في عقله يا الله اهذا الصوت له وجود في الحياة، صوتها كالنغم الهادئ الذي يدخل القلوب سريعا و يريحها، و لكن أيضا كاللهب التي تشعل قلبه و عقله بها، و لكن فاق غيث عن تفكيره عندما سمع انها هتنهي الاتصال بسسب انها مش سامعه صوت. فقال...
غيث: استني يا رعد انا معاكي على التلفون...
رعد: ايه بقالي ساعه بكلمك مش بترد ليه...
غيث: متخديش في بالك بس افتركت حاجه بخصوص الشغل بتاعي...
رعد: طيب انت كويس...
غيث: متقلقيش عليا انا كويس...
رعد: طب قولي، عملت ايه مع دكتور لعمتو شادية...
غيث بهدوء: اتكلمت معاه و قال ان حالتها مش صعبه و انها هتقدر ترجع تمشي بس لازم يشوفها و يعمل ليها كام حاجه عشان يتأكد، و يعرف كمان نوع السم ألي اتعرضت ليه...
رعد: متقلقش انشاء الله عمتو شادية هتخف و ترجع زي الأول...
غيث: انشاء الله، واحشتيني...
رعد: صحيح يا غيث انتوا هترجعوا امتى من ألمانيا، فهم غيث انها تتجاهل كلامه...
غيث: بكرة يا رعد، هنرجع بكرة...
رعد: طب و ماكسميس هيجي معاكم ولا يوم غيره...
غيث بغيرة: و انتي بتقولي ماكسميس بس ليه هاااا، اسمه دكتور متنطقيش اسمه على لسانك سامعه...
رعد ببتسامه على جنون هذا الغيث: يا غيث حرام عليك ده من سن بابا...
غيث بغيرة: و لو اكبر من جدك، متنطفيش اسم ي راجل على لسانك...
رعد بخبث: يعني مندهش عليك بأسمك و اقولك يا عمو، ولا يا حوتي...
غيث: قولت ايه، انتي قولتي ايه...
رعد: قولت عمو...
غيث: لا ألي بعد عمو...
رعد: مقولتش...
غيث: رعد...
رعد: غيث سلام عشان حودة بيندهلي، و قفلت على طول، اما غيث فأبتسم بفرحه لأنها نطقت اللقب ألي كانت من و هي صغيرة تقوله ليه دايما صحيح انها بتقوله حوت، لكن لما قالت حوت و وضعت ياء الملكيه، اقال انه يعشق هذه المجنونه لدرجة الهوس، و لكن لحظه هنا، هي قالت حودة، اسم راجل، مين هذا، و رفع غيث هاتفه و اتصل على مروان و قال ليه...
غيث ببرود: مروان جهز الطيارة الخاصه و ابعت جيب دكتور ماكسميس لأننا هنسافر حالا...
مروان: طب هو في حاجه يا غيث...
غيث: لا و نفذ ألي قولته يا مروان...
مروان: حاضر يا غيث، و قفل غيث مع مروان و كل محور عقله من هذا الشخص التي نطقت اسمه اميرته، و لكن اقسم ان يعاقبها. ، و بعدها طلع غيث بتجاه اوضة سليم...
.
اما في اوضة سليم فبعد ما ساب غيث و طلع لأوضته كان عقله بيفكر بهذه المجنونه التي احكى له كل اسراره، لقد اشتاق ضحكاتها اشتاق لطفولتها ألي بتعصبه، اشتاك لهزارها و كلامها، و هما امسك سليم تلفونه و قام بالاتصال عليه، و بعد دقيقه اتى له الرد و هي تقول...
مريم: ألو، لو واحد بتستظرف اقفل بدل ما اهزقك و اخرب بيتك لكن لو مز و عسل استظرف براحتك خلاص....
سليم بغيرة: و حياة امك، هو انتي اي رقم غريب بتقولي ليه كده، و يا ترى عرفتي كام واحد بقى لحاد كده ياختي...
مريم بضحك: هههههههههههههه، اهدى يا جلاد انا بهزر معاك طبعا...
سليم: ازاي و دي اول مرة اتصل بيكي...
مريم: مش محتاجه ذكاء يعني يا سليم الرقم دولي، و انت في ألمانيا مين بقى ألي هيتصل عليا برا مصر اكيد موصلش معجبيني للخارج...
سليم: مريم، فكريني لما ارجع اقص ليكي لسانك ده لأنه طول اوي...
مريم: و اهون عليك يا سولي...
سليم بتفاجئ: انتي قولتي ايه، سولي، سولي مين...
مريم: انت طبعا يا سولي، مش بدلعك بأسمك الله...
سليم: سولي، انا بيتقالي سولي. بقى الجلاد ألي بيرعب رجال الأعمال و المافيا يتقاله سولي...
مريم: مش انا قلت...
سليم: ايوه...
مريم: يبقى يتقاله...
سليم ببتسامه: ماشي يا ام لسان و نص...
مريم: قولي بقى بتتصل بيا ليه يا عم سولي في نص الليل كده مش عيب انا ابويا ممكن يطخك و يطخني عيارين، ايوه التار ولا العار يا ابن عمي، ولا عاوزني اخرج بفضيحه و الناس تقول كانت بتكلم سولي على التلفون و اروح اتجوز جعفر الغفير عشان يستروا عليا، ولا...
سليم بتفاجئ و صدمه: بااااااس، اييييييه، كل ده عشان اتصلت بيكي، و كمان مين جعفر ده...
مريم بضحك: ههههههه، ههههههه، مش بقولك على ألي هيحصل يا سولي، و كمان جعفر ده الغفير تبع جدي...
سليم: طب و تتجوزيه ليه...
مريم: الله، مش هيعوزو يتستروا عليا، فيجوزوني الغفير...
سليم: هما مش هيقفشوكي معايا، طب ما اتجوزك انا...
مريم: ونبي فكرة يا وسيم. تعالى نضرب ورقتين عرفي.
سليم بصدمه: ورقتين عرفي، مريم ادخلي نامي و اضغطي انا استهال ضرب الجزمه اني فكرت اكلمك...
مريم: ليه بس يا زوجي العزيز تعالى بس و انا اتجوزك و انا ابسطك...
سليم بقرف: ابسطك، اقفلي يا مريم و روحي اتخمدي كتك القرف...
مريم بضحك: ههههههههههه، سلام يا وسيمي، تصبح على خير، و قفلت بسرعه، اما هو فضل يضحك على الطايشه دي و جنونها، و هنا لقى سليم باب اوضته بيتفح بقوة و غيث بيدخل منها، فقال...
سليم: في حد يدخل على حد كده. دي طريقه...
غيث: لما بتدخل عليا بتخبط على الباب قبلها...
سليم: لا طبعا بدخل على طول، بس قلة ذوق لما تدخل عليا كده بردو...
غيث: طيب كويس انك عارف انك قليل الذوق لما بتدخل عليا كده، المهم انا كنت جاي اقولك اننا راجعين مصر بكرة جهز نفسك و سابه و خرج....
سليم: يا رب ايه الناس المجنونه ألي انا عايش معاهم دول، هو و اخته اجن من بعض...
.
اما في القصر ألي يخص رعد، و كان مارك دخل البيت و هو شايل رنا على ايديه. ، و في نفس اللحظه شافته نور، فقالت...
نور بخضه: مارك هو في ايه...
مارك: متخافيش هي خدت طلقه في دراعها...
نور: طب اطلب الدكتور بسرعه...
مارك: لا انا هعالجها...
نور: طب خليني اساعدها انا واخده كورسات في الأسعافات الأولية، طلعها فوق...
مارك: طيب انا هطلعها اوضتي و انتي روحي و هاتي علبة الاسعافات.
نور: حاضر، و طلع مارك برنا على الأوضه و جريت بسرعه نور تجيب علبة الاسعافات الاولية، و بعد مدة و كانت نور طالعه لمارك لكن لقت في وشها ماك و جميله، (طبعا نور عرفت قصه ماك و مارك لأن معتصم حكالها، و هي بقت بتعتبر ماك و مارك زي اخواتها. )....
ماك: نور فين مارك...
نور: مارك في اوضته و معاه بنت مصابه في دراعها...
جميلة: طب انا عاوزة اطلع ليها...
نور: طب تعالي، و طلعوا كلهم على فوق بسرعه، و دخلت نور و قعدت جنب رنا، فسمعت مارك بيقول.
مارك: نور هتقدري تساعديها...
نور: متقلقش يا مارك الرصاصه مدخلتش لجوا اوي، بس دلوقتي اطلع انت و ماك من الأوضه...
ماك: حاضر احنا هنطلع و اختها هتفضل معاكي هنا، و خرج ماك و مارك، فقالت نور...
نور: ينفع تفكي ليها القميص عشان دراعها و انا هجهز الأدوات عشان نخرج ليها الرصاصه...
جميلة: حاضر...
.
برا الاوضه كان مارك و ماك واقفين برا. ، و في الوقت ده تلفون ماك رن، فقال...
ماك: دي رعد بتتصل...
مارك: اكيد بتتصل عشان تطمن، رد عليها...
ماك: الو يا رعد.
رعد بلهفه: قولي ايه ألي حصل معاكم، انت حصلك حاجه، مارك كويس...
ماك: اهدي اهدي، متخافيش احنا كويسين الحمدلله...
رعد براحه: طب الحمد لله، قولي مارك جنبك. ادهولي اكلمه...
ماك: خد يا عم مارك محدش قدك رعد هتموت من القلق عليك، و ادا ماك التلفون لمارك...
مارك: انا كويس يا رعد و محصلش حاجه و بطلي دور الأم ده مش لايق عليكي...
رعد: تصدق انا غلطانه اني بطمن عليك...
مارك: و يعني انا اطول امي تكون حلوة كده...
رعد بجدية: دلوقتي احكيلي ايه ألي حصل معاكم...
مارك: حاضر يا ستي، و بدأ مارك يقص لرعد كل ألي حصل معاهم و انهم ليهم بنات عم، و اصابة رنا، و بعد ما انهى معها قالت رعد...
رعد: مارك انت و ماك و بنات عمك متسبوش القصر لأن منصور الهواري مش هيسكت على ألي حصل و متنساش انه خسر اكبر صفقه ليه...
مارك بغضب: يعني ايه يا رعد، عاوزاني ابقى جبان و زي ألي بيعمل العمله و يستخبى...
رعد بهدوء: مارك، انا مقلتش انك جبان. انا عارفه انك تقدر عليه و على اكتر منه، بس عشان خاطري خليك في القصر و متخليش بنات عمك يمشوا عشان ميتأذوش، اما منصور الهواري فأنا هعرف هو هيعمل ايه و اقول ليكم تمام، بس اسمع كلامي و حياتي يا مارك عندك متخرجش من القصر...
مارك: حاضر يا اميرتي مش هخرج انا و الباقي...
رعد: تبقى تطمني على بنت عمك.
مارك: حاضر يا اميرتي سلام...
رعد: سلام يا حبيبي، و قفل مارك مع رعد و كان وقت خروج نور، فأقترب مارك و ماك منها. و قال مارك...
مارك: هاااا يا نور هي عامله ايه...
نور: متقلقش يا مارك انا خرجت ليها الرصاصه و عالجت دراعها هي دلوقتي نايمه بعد ما ادتها حقنه مخدرة و مهدئة للحرارة، بس لازم الأول تجيب شوية ادوية عشانها...
ماك: طب قولي اسماء الادوية و انا اخلي واحدة من الخدم تجيب من صيدلية القصر، (ملحوظه في القصر في مكان مخصص لأدوية، ).
نور: طب تمام انا عاوزة، و بدأت نور تقوله الادوية ألي محتاجاها، ثم اكملت بصرامه و قالت، ويلا كل واحد فيكم يروح يرتاح و يغير هدومه يلا...
ماك: هو في ايه انهاردة انتي و رعد واخدين دور امهاتنا...
نور: ايوة شاطر، عشان كده روحوا ارتاحوا و بكرة تبقوا تطمنوا عليها يلا انت و هو، و متخافوش اختها جمبيها و هتنام معاها، يلا بقى روحوا ارتاحوا. ، و نفذ مارك و ماك كلام نور و راحوا يرتاحوا...