قصص و روايات - قصص بوليسية :

رواية أكيرا للكاتبة أماني فهمي الفصل الأول

رواية أكيرا للكاتبة أماني فهمي الفصل الأول

رواية أكيرا للكاتبة أماني فهمي الفصل الأول

فى منطقة مصر القديمة
صوت رجولي: يا كوكي يا كوكي يا كوكي اصحي بقي
كوكي:
الرجل: ههههههههههههه الله يكون فى عون الشخص إللى هيتجوزك هيتجوز باندا نوم
طبع قبله رقيقة على خدها و وضع فلوس بجوار التليفون وغادر الى الشغل
نزل الراجل الشارع ومن يراه يسلم عليه ويساله على كوكي ويطمان عليها وأخيرا ركب الراجل العربية وتوجه الى الشغل.

الراجل: يخربيت فقرك يا كوكي عايش فى المنطقة بقالي 29 سنة وكنت بقول السلام مرة اه وعشرين لا حتى اخوكي بقاله 27 سنه عامل ذي بس انتي ما شاء الله عليكي المنطقة كلها عرفاكي وكمان الكل بيخدمك ربنا يهديكي يا بنتي ربنا ييسر حالى وحالكم يا ولادي.

عند كوكي
كان التليفون يرن بستمرار واخير استيقظت الباندا وأخذت التليفون وردت
كوكي بنوم: الو
بنت بصراخ: انتى لسه نايمة يا مزغودة قوم ربنا يبعت ليكم فرح متعرفيش تنامي لمده يومين
كوكي: عوزة ايه على الصبح يا زعقوقة
البنت: نص ساعة وتكونى قدامي فى الكلية يا بقرة
كوكي: انا نفسي اعرف مالها حقوق ولا تجارة انام طول السنة و برشم المنهج آخر أسبوع ونجح وقعد فى البيت استني العدل.

البنت: عدل هو اللى زيك هيجيله عدل قومي يا بقرة خلصي سلام
كوكي: سلام ايه الغم ده لما اقوم
توجهت الى الحمام وأخذت دش سلوبيت جينز وتيشيرت اسود ولمت شعرها للاعلي ولبست شنطه سوده كروس ونزل
مع نزول كوكي الشارع لم تسلم من أحد الكبير قبل الصغير يصبح عليها وهى ترد الصباح وتبتسم للكل سمعت شخص ينده عليها فوقفت فوجت عامل القهوة { الكافيه } يجري وراها فبتسمت له
كوكي: صباح العسل منعم
منعم: يسعد صباحك يا كوكي اتفضلي.

كوكي: اااااه قلبي تسلم يا منعم والله القهوة جت فى وقتها
منعم: بالف هنا يا عسل يالا اسيبك علشان متتاخريش
مشيت كوكي ووجدت شخص يقف امامها ويصبح
الشخص: صباح الجمال يا ست البنات
كوكي: يسعد صباحك يا عم مجدي
عم مجدي: خدي افطري وانتى فى الكلية انا شفت الحاج مشي وأكيد لسه مفطرتيش
كوكي: يا سلام والنعمة انت عسل تسلم يا راجل يا طيب
توجهت الى الجامعة ودخلت تحت أنظار الجميع.

فى كليه الآثار
كانت هناك فتاة تجلس فى الكافيتريا وهى تغلي
كوكي: يا صباح اللي بتغني
البنت بغيظ: هخليها تغني على قبرك
كوكي: مالك بس يا ميكا المهم فطرتي
ميكا: لا مستنية الهانم
كوكي: عن مجدي بيصبح علينا شوية سندوتشات فول و طعمية يستهلو خاشمك { فمك }
ميكا: هات اهو نسد جوعنا وخلاص
جلسو ياكلو ويهزرو بما ان المحاضرة الاولي راحت عليهم.

دعونا نذهب إلى إحدى الكمائن العسكرية المتواجدة على الطريق بين مصر و شرم الشيخ
علاء: مالك يا عم شايل طاجن ستك ليه
أمجد: هتلقيه بيفكر فى المصيبة اللى محضرها كوكي
مصطفي بضحك: اسكت متفكرنيش كوكي ديه لو انضمت لجماعة إرهابية هتولع فى العالم كله.

مراد بضحك: انت هتقولي ديه مجنونة انا اول منزل المنطقة كلهم بيجرو عليا اللى يشيل الشنطة ويحلف ميت يمين واللى تفضل تدعيلي اول مرة استغربت بس تاني يوم لما نزل معها لقيت المنطقة كلها بيكلمها وده يحلف وده يتخانق انها مترحش السوق فخدو الورقة بالطلبات وقعدت بنت المفترية على القهوة وبعد نص ساعة كل الطلبات جت لغاية عندها
علاء: فاكر اول مرة جيت عندك سألت عليك لقتهم بيقولولي تقصد أخو كوكي تعالى احنا هنوصلك.

مصطفي بضحك: ده كده ارحم انا فى مرة مراد اتصل عليا علشان اروح أخرجها من القسم كانت فاتحة دماغ واحد
أمجد بذهول: مش معقولة للدرجادي
مراد بضحك: واكتر والنعمة هيجي يوم وتشفها بس ربنا يعينك انا جمبها ببقي كيوت
فهد القائد: فى ايه يا شباب يالا ورانا شغل
الكل: تمام يا فندم
ابتدي الشباب يباشرون عملهم.

فى قصر الدالي
على تربيزة السفرة يجلس على رأس التربيزة شريف وبجواره على اليمين يجلس عبدالله ابنه وبجوارة زوجته سلوي وعلى الجهه الاخري كان يجلس ياسر و بجوارة يجلس زوجته ماهي
شريف: فين الولاد
سلوي: جسار زمانه نازل كان بيلبس
ماهي: مالك كمان زمانه نازل
شريف: وفين كلير
ياسر: كانت بتذاكر طول الليل ومعندهاش محاضرات النهاردة
جسار: صباح الخير وجلس
الكل: صباح النور
مالك بروشة: يا صباح العسل على الناس العسل.

ماهي بعصبية: مش هتبطل الأسلوب ده
مالك ببرود: انا بصبح على جدو وعمى مش عليكي
شريف بضحك: يسعد صباحك يا حبيبي
مالك: امال فين كيكي
سلوى: نايمه مفيش عندها محاضرات مهمه
جسار: يعني ايه الكلام ده فى كليه يبقي تروح
عبدالله: سبها يا بني يمكن مفيش حاجة مهمه
جسار بصوت عالى: فتحية فتحية
فتحية بخوف: تحت امرك
جسار: اطلعي صحي كلير وخليها تجهز يالا
فتحية: أمر حضرتك.

مالك: متسبها يا جسار براحتها كمان هى نايمه بعد الفجر كانت بتذاكر
جسار: عاوزها تبقي ذيك
مالك ببرود: وانا مالي أشهر رسام فى العالم الكل بيجري على شغلي
بعد قليل نزلت فتحية واخبرت جسار بأنها صحيت.

فى الاعلي
حزنت كلير بشده علي معاملة جسار لها وتوجهت الى الحمام واخذت دش ولبست بنطلون اسود وبدي اسود و جاكت كريمي و جذمة بكعب سوده ولم تضع أى مكياج او عطر ونزلت
كلير بهدوء: صباح الخير جدو
شريف بحنان: صباح الورد كيكي اقعد افطري
كلير: صباح الخير وجلست بجوار مالك
مالك بحنان: صباح العسل كيكي
كلير بابتسامة جميلة: صباح الفل ميكا
جسار بحده: الهانم وراها كليه صح.

كلير بخوف: معنديش محاضرات مهمه فعلشان كده هذاكر هنا
جسار بحده مرعبة: اتفضلي البسي علشان الكلية مفيش حاجة اسمها مش مهمه مفهوم
كلير بخوف: مفهوم هطلع اجيب الكتب والشنطة بعد اذنكم
جسار: استنى عندك هي الهانم هتروح كده البسي حاجة محترمه وطويلة يالا
صعدت كلير تجري وهى مرعوبة وتبكي
نظر مالك لامه و لابوه لقاهم يكملو افطارهم بكل برود ولا مبالاة
مالك بكرة لهم: انتم مش شيفين جسار بيعمل ايه معاها.

ياسر: ابن عمها و خطبها لازم تسمع كلامه.

في الاعلي
صعدت كلير الى الاعلي ونهارت من البكاء وفتحت الدولاب وأخذت تنظر على الملابس السيئة التى تشبة ملابس جدتها وبقله حيلة ارتدت فستان طويل للارض وبكم طويل ولمت شعرها للاعلي ومسحت دموعها ونزلت
كلير بحزن: بعد اذنكم هروح الجامعة
مالك: استني كيكي هوصلك
جسار بحده: الحرس والسواق برا اتفضلي يا هانم ولما ترجعي لينا كلام تاني اتفضلي
كلير بخوف: حاضر بعد اذنكم.

توجهت الى السيارة و جلست وفضلت تبكي بحرقة تحت أنظار السائق و الحارس المشفقين عليها
السواق بحنان: امسحي دموعك يا بنتي قربنا على الجامعة
كلير بحسرة: محدش هيبص لواحدة ذي انا منبوذه يا عمو
مسحت دموعها ونزلت وسمعت همس الشباب عليها وعلى لبسها المهمل
جلست كلير فى القاعة بمفردها ولم يقترب احد منها وكانو ينظرون لها بشمئزاز.

عودة لكوكي
ميكا: يالا يا بت عندنا محاضرة الدكتور رائد
كوكي: اه يا ختي دكتور رائد مهو الاخ الحيلة
ميكا: يخربيت لسانك مبرد غوري ادامي
وصلو القاعة ووجدو الدكتور رائد فى القاعة
الدكتور رائد: مفيش دخول بعدي اتفضلي برا
كوكي ببرود: معاد محاضرتك الساعة 11 الصبح و دلوقتي الساعة 55: 10 الصبح يبقي ناقص 5 دقائق وحضرتك تقفل الباب يبقي ادخل بمزاجي واكل واشرب كمام لغاية 11 الصبح
الدكتور رائد: انتى مجنونة.

كوكي: ههههههه اه اول مرة تعرف انى مجنونة يا عم الجامعة كلها عارفة انى مجنونة بعد اذنك بقي عندي محاضرة
سحبت كوكي ميكا ودخلت وجلسو وهذا عصب رائد بشدة
انتهت المحاضرة وغادر رائد بعصبية وشاور ميكا فاسرعت خلفى ولكن امسكتها كوكب ببرود
كوكي: معلش بقي يا دكتوور عندنا محاضرة تاني بالاذن بقي يا انكل
غادرو البنات وتركو رائد يغلي وغادر الجامعة وتوجه الى الشركة.

فى وزراة السياحة
كان عبد الرحيم يعمل وقطع شغله صوت رنين تليفونه وكان مراد
عبدالرحيم: وحشتني يا واد كل ده وقت
مراد بحب: حبيبي يا بودي والله وحشتني يا كبير
عبدالرحيم: ايوه خش عليا بجو الحنية وانا هيدا
مراد: كده يا بودي يعني انا كنت هعرفك انى نازل يوم الخميس اجازة تعمل معايا كده مكنش العشم
عبدالرحيم بلهفة: بجد يا مودي نازل
مراد: اه يا قلب مودي نازل يوم الخميس عرف بقي المجنونة علشان متزعلش.

عبدالرحيم: ماشي يا حبيبي توصل بالسلامة.

مر باقي الاسبوع على هذا النحو جنان كوكي و ميكا و ذل ورعب كلير و سيطرة جسار على كلير بشدة.

يوم الخميس
فى تمام الساعة 10 صباحا نزلت كوكي الى الشارع وتوجهت الى السوق وبتدت تحضر الاكل وتوجهت إلى الفرارجي وأخذت الفراخ والبانية وبعد ذلك توجهت الى محل الجزار وقطعت اللحمة ولكن عاكسها إحدى الشباب فوضعت الشنط وقامت بضربة وحصلت خناقة لرب السما ولكن فى لحظة واحدة كانت كوكي ترجع للخلف ودخل شباب المنطقة وقامو بضرب الشباب الآخرين ونزلت الشرطة فأخذ الجزار الشنط ووضعها فى المحل.

فى القسم
الضابط: والله العظيم قولت اكيد بقالك شهر منورتيش القسم خوف عليكي
كوكي بضحك: عيب عليك يا ريس اديني جيت بلاش تقلق
الضابط بضحك: منورة والله يا اكيرا
اكيرا بخضة: اكيرا بلاش اكيرا ديه قولي كوكي احسن
الضابط: اه سبب الزيارة السعيدة ديه
اكيرا: العيال ديه عكسوني فضربتهم وشباب الحيته ادخلو انا مليش دعوة يبقي هما اللي يتحذبو مش انا و شباب المنطقة
الضابط: تصدقي بالله انتى عندك حق روحي بيتك وترحمي أهلي.

اكيرا: اصلي يا معلم يالا سلام
غادرت اكيرا القسم وخلفها شباب المنطقة وأخذت الشنط وعات الى المنزل.

في المساء
عاد مراد ووجد اكيرا تقف فى المطبخ وتشغل الأغاني وترقص وهى تجهز الاكل ووالده يجلس يساعدها
اكيرا برقص: لفي بينا يا دنيا دوخينا يا دونيا خدينا شمال شوية خدينا يمين شوية وهى مشين يا دنيا
عبدالرحيم: مدوخانا وموريانا الهم ليه
مراد برقص: بنت الجيران شغله انا دماغي
اكيرا برقص: والله ولعب يا زهر
عبدالرحيم: بس بس
مراد برقص: طب بس بس بس ولعب يا بودي و رقصي كوكي
اكيرا برقص: لولولولولوي أرقص يا عبده.

استمر الهزار و الضحك بين الأب و اولادة وتناولو الاكل ودخل عبدالرحيم ينام ونطت اكيرا بين احضان شقيقها.

في قصر الدالي
كانت الحياة تختلف تماما كل شخص مع نفسه كانت كلير تجلس وتنظر إلى السماء لبعد مالك الحنين عنها وسفره الى فرنسا وتركها بمفردها وما هى الا لحظات ودخل جسار بطوله وعرضة الغرفة وسحب كلير من شعرها ولم يهتم لصراخها ولا دموعها وصفعها بشده على وجهها ارتمت على السرير ونزلت دموعها بشدة و رعب منه ولكن سحبها تاني من شعرها
كلير بتلثم: انااااا ممممععممملللتششش حححااااجججةةة ججججسار.

جسار بحده: اخرسي خالص انتى اذاي تنزلى الجنينه بلبسك ده
كلير بدموع: ممممكنننتش اقصد والله
جسار بغضب: وعزة وجلاله الله يا كلير لربيكى من اول وجديد مفهوم
كلير برعب: مفهههههوم
رماها جسار على الارض بغضب وغادر الغرفة وجلست تبكي بشدة ولكن نظرت على الباب وجدت امها فنظرت ليها بلامبالاه وقفلت الباب ولا تهتم بها
كلير بدموع غزيرة: ااااااه يا رب ريحني من الذل ده انا تعبت والله تعبت يا رب خدنى وريحي.

بعد دموع كتير نامت كلير مكانها ولا احد يهتم بها.

الفصل التالي
جميع الفصول
روايات الكاتب
روايات مشابهة