رواية أسيل و اللورد للكاتبة أماني فهمي الفصل السادس
في غرفة أسيل
صحيت أسيل ووجدت نفسها بين احضان جدها فوضعت قبلة على خده وقامت وتوجهت إلى الحمام واخذت دش ولبست ملابسها وخرجت صلت وجلست ووجدت الوقت مبكر على إيقاظ جدها فمسكت لاب توب الخاص بجدها والأوراق الخاصة بالعمل والغريب انها بدأت تشاهد الأوراق بتمعن شديد ولكن وضعته مكانه وفتحت الاب توب وأخذت تلعب لعبها الإلكترونية الموجودة عليه.
لك تشعر أسيل بالوقت ولكن شعر بقبله على رأسها فبتسمت لحنان جدها الطيب
ماجد بحب: صباح العسل ايسو
أسيل بفرحة: صباح الورد بابي
ماجد بستغراب: انتى بتقوليلي بابي
أسيل بتأكيد: ايوة انت من النهاردة بابي و مامي و جدو واخويا وحبيبي وكل حاجة بالنسبة ليا في الدنيا ربنا يخليك ليا ميجو
ماجد بسعادة: ويخليكي ليا يا قلب ميجو هدخل اخد دش وبعد كده هنفطر علشان هروح مشوار سوا هيفرحك اوي.
أسيل بحنان: انت سر فرحتي و وجودي لسه في الدنيا
توجه ماجد واخذ دش ولبس وصلي الضحي وجاء الفطار وبعد تناولهم اخذ أسيل ونزلو الى الاسفل.
فى الاسفل.
جلس الجميع على السفرة في انتظار نزول ماجد ولكن وجدو مايسا بدأت بالاكل ومعها ملك
عامر: مايسا بابا لسه منزلش
مايسا بسخرية: زمانه نازل رايح الشركة
يوسف: يعني مش هيفطر
ملك بسخرية: لا فطر مع الملعونة اصل امبارح جت خدامة والحرس كانو شيلين شنط كتير ولما سألت عرفت انهم جيبين اكل و عصير و فاكهه وحلويات للملعونة وكمان عمي نقل كل هدومة للاوضة بتاعتها علشان يفضل جمبها.
مريم بدموع: هو ليه بيحبها اكتر مني المفروض يحبني انا اكتر او يحب منه
مازن بحنان: بلاش دموع يا قلبي أصلها لعنه ومسيطرة عليه ولازم نستحمل ان شاء الله هتموت و نستريح منها
جاسم: بس هي عاشت اذاي ومين اتبرع ليها بالدم
عامر: انا لما سألت في المستشفي قلولي ان جدك طلع ومعاه شاب حوالى 16 او 17 سنة وتبرع ليها بكمية اكبر من اللى عوزنها
مايسا: والواد ده نفس الفصيلة.
يوسف: لا فصيلة نادرة ذيها هما الاتنين يدو كل الناس ويخدو من بعض بس ميخدوش من ولا فصيلة تانية
ملك بغل: ياريتهم سبوها تموت افيد
قطع كلامهم نزول ماجد وهو يضحك مع أسيل فتوجهت له منه حتى يلعب معها وبالفعل حملها وباسها
ماجد بابتسامة: صباح الخير منمنه
منه بضحك: ادو بيبي
أسيل بضحك: صباح العسل منمونه
جاءت لتضع قبله على خدها وجدت من يبعدها بقسوه عنها ووقعت على الارض.
ملك بغضب: ابعدي عن بنتي يا ملعونة اوعي تقربي منها تاني مفهوم
ماجد بغضب: انتى اتجننتي ملك
يوسف: لا يا بابا ملك بتقول الصح انا عاوز بنتي أفضل معايا مش يكررها حاجة
مايسا: حضرتك عارف ان ملك جابت منه بعد عذاب وبصراحة الملعونة ديه شر ولازم يموت
أسيل بصراخ: حرام عليكو انا معملتش حاجة ليكم ليه بتكرهوني اوي كده حرام عليكم
جاسم بغضب: لا عملتي بسببك ماتت مليكة و حاتم ساب البيت والخراب شغال.
ماجد بصراخ: مش عاوز كلمه من حد فيكم خلاص بنتك عندك يا ملك يالا أسيل
امسك ماجد يد أسيل وخرجو وركبت السيارات وغادرو القصر
مايسا: احنا هنفضل ساكتين على البيت ديه كتير
عامر: طب نعمل ايه
ملك: انت السبب عامر قولنا من زمان نوديها ملجي قولت لا وقيت كلام عمي
مازن: طيب دخلتها مدرسة داخلي و نستريح منها
جاسم: صح بابا انت و عمي دورو على مدرسة داخلى
مريم بدموع: بس تكون بعيدة علشان جدو مش كل شوية يروح ليها ويسبنا.
مازن: صح مريومة بتتكلم صح
عامر: خلاص انا هخلي السكرتيرة تسأل على أبعد مدرسة داخلي في الصعيد او اي حته تانيه
مايسا بابتسامة راحة: صح كده خلينا نستريح
بعد انتهائهم من تناول الفطار ذهب جاسم و مازن بسيارة الى المدرسة وذهبت مريم بسيارة الى المدرسة.
عند ماجد
كان ماجد يهدء أسيل ويتحدث معها ولكن هي كانت تنظر من النافذة فقط ومنعت دموعها
احمد بضحك: العسل القمر اللى هيشوف المفاجأة الحلوة
ماجد: خلاص احمد خد انت الشكولاتة ادام ايسو مش عوزة
احمد بصدمة مصطنعة: ايسو الشكولاتة
أسيل: عوزة اشوف مامي
ماجد بحزن: ليه بس يا بنتي
أسيل: عوزة أسألها هي ليه مش خدتني معاها عند ربنا وسابتني الناس ديه.
احمد بحنان: علشان ربنا عادل وحكيم وأكيد عنده حكمه من انك تفضلي عايشة احنا المفروض نحمد ربنا ونشكره وعسي ان تكرهو شي وهو خير لكم وعسى ان تحبو شئ وهو شر لكم
أسيل: يعني ايه
احمد: يعنى الحاجة اللى انت دلوقتي بتكرهيها ممكن تبقي خير وسعادة و الحاجة اللى بتحبيها ممكن تبقي شر ودمار ليكي
أسيل: يعني احمد ربنا وشكره
ماجد بحنان: وتصلي و تصومي وتقراي القرآن
أسيل بحزن: بس انا مش بعرف اقري قران كلامه كبير اوى عليا.
ماجد: علشان كده احنا هندخل المدرسة وتبقي بنوتة شطرة وبتسمع كلام الاستاذ و المدرسة وتعمل الواجب ولو حاجة وقفت معاكي انا موجود او عمو احمد او طنط سما ماشي
أسيل بفرحة: هااااااا يعني تعرف اقري ذي مريم وجاسم و مازن ومحدش فيهم بقالى يا جاهلة
ماجد: ايوة يا قلبي
احمد بغمزة: كمان يا ايسو لما اظن باشا عرف انك هتدخلى المدرسة صمم تدخلي معاه المدرسة وتخانق معايا
أسيل: ادم طيب اوى ومش بيحب يزعلني.
احمد بصدمة: ادم طيب ريم يستر ومنشفش نسخة جديدة من أسيل
ماجد بضحكة: هواك تبقي شطورة مفهوم
أسيل بفرحة: ماشي بابي
احمد: يالا وصلنا
نزل أحمد وحيد ايد اسيل حتى تنزل وبعد ذلك مسك ايد ماجد ودخلو المدرسة
توجهو الى مكتب مدير المدرسة وحاولو يدخلو أسيل لانها سوف تدخل بعد الترم الأول وكان المدير يرفض بشدة ولكن ذلك الصغير الشقي اقتحم المكتب ونظر الى المدير
ادم: اذيك جدو
ماجد: الحمد لله آدم
ادم بحنان: وحشتيني ايسو.
أسيل: وانت كمان دومي
ادم للمدير: خلصت إجراءات أسيل علشان تدخل المدرسة
المدير: مينفعش آدم انا لسه بشرح لماجد بيه
ادم بابتسامة شر: مش هينفع لا هينفع بسيطة احنا نقول للادارة انك بتقبل رشاوي من أولياء الأمور وهما يتصرفو
المدير: مبروك أسيل انتى اتقبلتي في المدرسة وهوصلك بنفسي للفصل
ادم بسخرية: خلي عندك انا موجود يالا جدو خلص الورق وانا بعد المدرسة هخد ايسو معانا البيت
ماجد بضحكة مكتومة: ماشي يا دومي.
غادر ادم اه يمسك يد أسيل وتوجهو الى الفصل الخاص بيها ونبه على الجميع عدم ازعاجها
ادم بحنان: هجيلك في البريك اوعي تخرجي برا الفصل ماشي
أسيل: حاضر ادم
غادر ادم الى فصله وترك أسيل تتعلم
اما ماجد و أحمد غادرو المدرسة وكان ماجد يضحك بشدة على تعابير وجه احمد المصدوم من عمايل ادم وكيف هدد المدير واجبره على ان يوافق ان تنضم أسيل الى المدرسة
ماجد بضحك: بس الواد آدم ده تحفة.
احمد: الواد عدد المدير وخاف منه لا وكمان دخلت الفصل من غير لبس المدرسة
ماجد: والله جدع مش ذينا انا كده هكون مطمن عليها مع ادم
احمد: ربنا يستر منرحش نطلعهم من القسم
ماجد: يالا يا بني وصلنا الشركة.
مر باقي اليوم وبالفعل حصلت أسيل على مميزات كتير من الجميع علشان خاطر زعيم العصابة ادم
فتح ماجد حساب بنكي باسم أسيل في الولايات المتحدة الأمريكية بعيد كل البعد عن شركاتهم الموجودة في اوروبا
عام الجميع بالتحاق أسيل بالمدرسة كما زاد غضبهم عليها
اهتم ادم بكل تفاصيل الدروس الخاصة باسيل
اشتري ماجد جهاز لاب توب وتليفون حتى تستطيع أسيل ان تتعلم من خلالهم.
كان ماجد يضع مبالغ في حساب أسيل من حسابه الشخصي بعيد عن حساب أبنائه و الشركة حتى لا يعلمو بذلك
مر 3 أعوام واستطاعت أسيل التفوق بشدة واستطاعت دمج المراحل مع بعض
أصبح يحتوي حساب أسيل في الخارج على ملايين الدولارات وهذا ما أسعد ماجد بشدة لأنه امن مستقبل تلك اليتيمة
مرت الأيام و الاسابيع و الشهور و السنوات حتى جاء الوقت الذي قسم ظهر أسيل للابد واصبحت لا تبكي ولا تشعر بالذل ولا تهتم لأحد.
اصبح عمر جاسم 21 سنة
اصبح عمر مازن 19 سنة
اصبح عمر مريم 16 سنة
اصبح عمر منه 10 سنة
اصبح عمر أسيل 14 سنة.
وكان ماجد مسافر الى إنجلترا في رحلة عمل وطلب جاسم من حاتم سرعة المجي إلى مصر لان والده مريض بشده وبالفعل جاء حاتم ووجد الجميع في انتظارة وعلم بأنها خدعة منهم وجلس يضحك و يهزر مع الجميع مع دخول أسيل وعندما نظرت لهم وقع نظرها على حاتم السعيد والضاحك وللحظة واحدة تخيل انه يضحك لها ويفتح ذراعيه لها حتى تدخل مهرولة بين احضانه وبالفعل استجابت أسيل للتخيلات ورمت شنطة المدرسة واسرعت لاحضان والدها.
أسيل بفرحة و صراخ: بابيييييييييييي
تسمر الجميع وتمحت الابتسامه و السعادة من وجوههم عندما استمعو صوت أسيل والتر أسرعت لرمي نفسها بين احضان حاتم وبالفعل من شدة الصدمة كانت أسيل تحتضن وبكل حب حاتم وتقبله بنعومة و لهفة وهو متسمر في مكانه وفي لحظة استعاد حاتم وعيه ورماها بعيد عنه غير ابي لتلك الطفلة التي سقطت على طرف التربيزة بشدة.
حاتم بغضب: انا مش ابوكي انتى لعنة ربنا يريحني منك وخلص بقي انا بدعي ليل و نهار أنه يخدك ويريح الكل منك انتى السبب في موت حبيبتي مليكة لو مكنتيش اتولدي كان زمانها عايشة منك لله انتي لعنة.
أسيل بصراخ رج القصر كله: انت ظالم و مفتري انت عمرك محبيت مامي انت لو كنت بتحبها كنت عرفت انها تعبانة لاكن انت مش حبيتها حسبي الله و نعمه وكيل انا خصمتك يوم القيامة تشوف العذاب يا حاتم في الدنيا و الآخرة انا خصيمة الكل ربنا يوريني فيكم يوم علشان استريح منكم لله منكم لله انا فعلا يتيمة يوم موت امي انتم كلكم موتم ربنا يهدكم وينتقم منك.
تحاملت أسيل على نفسها وصعدت إلى غرفتها وتركت ورائها الجميع مصدوم وعندما نظرو وجدو ماجد يقف أمامهم فخور بما قالته تلك الصغيرة ونظر لهم نظرة سخرية وصعد الى الاعلي.
فى غرفة أسيل
كانت تجلس وتنظر إلى السماء بحزن و برود وصلابة فشعرت باحد يضع ايده عليها وعندما لفت وجدته جدها
أسيل بفرحة: جدو حبيبي حمدلله على السلامة وصلت امتي
ماجد بحنان: وصلت من شويه يا قلبي
أسيل: عقبال متاخد دش هجهز الاكل انا بقيت بريمو في عمايل الاكل
ماجد بحنان: ماشي يا قلبي روحى وانا هاجي اساعدك
أسيل بضحكة: بقي ماجد بيه العمري هيقف في المطبخ يادي الهنا و السعادة.
ماجد بضحك: شوفتي بقي اتنزلت علشان العيون الزرقة اللى مجنناني
أسيل بتسبيل: وصاحبة العيون الزرقا بتعشقك يا احلي بابي و جدو وأخ و أم في الدنيا
ماجد بضحك: يالا يا بكاشة على المطبخ
أسيل بتكبر: من فضلك انا الشيف أسيل العمري مش اي حد
ماجد: طبعا و احلى و اجمل شيف في الدنيا
اسيل بأمل: عارف ميجو انا نفسي افتح مطاعم كتير وكمان نفسي يكون عندي مزارع خضار و فاكهه وحيوانات تبقي ملكي انا وبس.
ماجد: خلصي تعليمك الأول وانا معاكي يالا يا قلبي انا هموت من الجوع
أسيل وهي تقدم التحية العسكرية: اومرك حضره القائد
ذهبت أسيل الى المطبخ و ارتسم معالم الحزن على وجهه ماجد وتحدث
ماجد بحزن: مش عارف هما هيسبوكي عايشة ولا هيموتوكي يارب انت الحكم العدل طول في عمري شوية كمان لغاية مخلص كل حاجة ليها هي أمانة مليكة و اخويا.
تنهد ماجد وتوجه الى الحمام حتى يحصل على دش منعش وخرج لصغيرتة وجدها تجهز الأطباق بطريقة إحترافية و خبرة كما تنزل في أفخم و أشهر مطاعم العالم
ماجد بانبهار: لا يا بت فعلا طلعتي شيف مخضرم
أسيل بتكبر: علشان تعرف بس مين هي الشيف أسيل العمري
ماجد: نفسك تسافري تكملي دراستك فين وتفتحي المشروع
أسيل: أمريكا نفسي استقر هناك انا و انت وبس ونسيب كل حاجة ليهم
ماجد بضحك: انتى عمله الاكل ده للزينة ولا ايه.
أسيل: اتفضل يا برنس الزمان
جلسو ياكلو وسط جو ملي بالهزار و الضحك والسعادة.
في الاسفل
كان الجميع يجلس وهما غاضبين بشدة ولكن قطعت مريم غضبهم بكلامها
مريم: ايه رايكم نسافر شرم او دهب
عامر: والله فكرة حلوة
مايسا: هي ديه بنوتي العسل
ملك: صح الجو هنا بقي خنقة
جاسم: ماما ابعتي الخدم يجهزو الشنط حالا
مريم: بس احنا عوزين حاجات كتير
مازن بحنان: نوصل بس وبعد كده ننزل انا و انتى نجيب اى حاجة ناقصة
ملك: انا هبعت الخدم على أوضة مازن و جاسم والبنات
حاتم: وانت شنطي جاهزة
يوسف: طيب يالا بسرعة.
توجه الجميع الى غرفهم و خلفهم الخدم
حاتم: انت ناوي على ايه جاسم
جاسم بابتسامة شر: نويت ارجعك تعيش معانا هنا على طول كفاية غربه وفراق
حاتم: تقصد ايه
جاسم: كل خير يوم الميلاد هو يوم الوفاة
حاتم: غلط جاسم
جاسم بلا مبالاة: لا صح يالا حاتو سلام موقت
بعد حوالي ساعتين كان الجميع جهز نفسه وغادرو القصر.
عند أسيل
كانت أسيل تلعب على الاب توب و كان يقف ماجد في البلكونة يتحدث مع احد ويطلب منه سرعة الوصول الى مصر خلال يومين فقط وبعد ذلك أغلق معه ودخل إلى أسيل
ماجد: حبيبتي قومي بسرعة لمي كل هدومك في الشنط
أسيل: ليه جدو
ماجد: علشان خاطر مفيش وقت
أسيل: في ايه جدو
ماجد: والله هحكيلك بس لازم نمشي من هنا بسرعة
أسيل: امرك جدو.
توجهت أسيل الى غرفة الملابس وفتحت الشنط ووضعت الملابس الخاصة بيها فيها ولم تترك شي وخرجت تلم أدوات شعرها و الاب والتليفون ولكن أخذ ماجد التليفون وأخرج كارت الميموري واعطاه لها وقام بتكسير الهاتف
أسيل بصدمة: ليه كده جدو
ماجد: هجبلك غيرة بس كده خلصتي
أسيل: ايوة خلاص
ماجد: تمام
تحدث ماجد مع احد وبعد لحظات انقطع التيار الكهربائي وقام بانارة الكشاف فشهقت أسيل عندما وجدت أحمد و معه 2 من الحرس أمامها.
احمد: متخفيش يا ايسو يالا شباب شيلو الشنط
وبالفعل حمل الحرس الشنط واحمد أيضا وقام ماجد بامساك يد أسيل ونزلو خلفهم وتوجهو الى آخر القصر وفتحو الحائط وظهر الطريق الخارجي ووجدو سيارة في انتظارهم
وضع الحرس الشنط في السيارة وعادو الى القصر حتى لا يعلم احد اختفائهم
ركبت أسيل في الخلف و بجوارها شنطة ملابس وجلس ماجد و احمد في الأمام ونطلق وتطلق بسرعة البرق على الطريق.
نامت أسيل من وجع رأسها و دموعها التي تنزل بهدوء.
فى مكان ما
وصل أحمد ونزل وفتح الباب وعاد الى السيارة ودخل بيها ونزل اغلق الباب
حمل أحمد الشنط ووضعها في الداخل ووجد بسنت تفتح له الباب
انتهى احمد من حمل الشنط وبعد ذلك عاد الى السيارة وحمل أسيل النائمة ووضعها على السرير وخرج
احمد: احنا لازم نرجع دلوقتي حضرتك محتاج حاجة مننا
ماجد بحزن: شكرا يا احمد
بسنت بابتسامة: انا جبت اكل جاهز بس تحطة في الميكروفير وتسخنه وتاكلو
احمد: حضرتك مربيني ومفيش بينا شكر.
بسنت: عمو ماجد انت ابونا التاني انا متربية كتابية ايدك
ماجد: ربنا يخليكم لبعض يا ولاد يالا لازم تسافرو
احمد: بإذن الله بكرا بالليل هكون عندك سلامه عليكو
غادر احمد و شقيقتة بسنت وعادو الى القاهرة في الليل كما يقول الناس الليل ستار لكل شي
دخل ماجد ونام بجوار أسيل وبكي
ماجد بدموع: سامحيني يا قلب جدك جيه اليوم اللي سمعت ولادى و احفادي بيتفقو على قتل اختهم.
أسيل: بلاش دموع جدو احنا عرفين من اول يوم انهم بيكرهوني
ماجد بحزن: حقك عليا يا قلب جدك والله اسف
أسيل بابتسامة: ولا يهمك حببيبي شوف هنعمل ايه وانا معاك
ماجد: انتى هتفضلي هنا كام يوم وبعد كده في شخص هيجي ياخدك وهتسافري أمريكا وهتعيشي هناك
أسيل: وانت جدو
ماجد: فترة بس و هجيلك
أسيل: يعني الفراق صح
ماجد بحزن: عمري مهنفترق ابدا اللى بالموت
أسيل: بعد الشر عليك يا جدو.
ماجد: يبقي تسمعي كلامي ولما يوصل الشخص ده لازم تسافري معاه
أسيل: اسمه ايه جدو
ماجد: اسمه جورج دادريو
أسيل: حاضر جدو
ماجد: نامي يا عمري
ضمها ماجد لحضنه بشده لأنه يعلم جيدا بانه آخر يوم سوف يضم تلك الطفلة اليتيمة.