رواية أسيل و اللورد للكاتبة أماني فهمي الفصل السابع
عند أسيل
صحيت أسيل وسمعت صوت مياة فقامت من جوار ماجد وتوجهت الى الشنط وأخذت ملابس وتوجهت الى الحمام حتى تنعم بدش منعش وتؤضات وخرج
صلت أسيل وبعد ذلك خرجت تستكشف المنزل وجدته عادي فعادت الى غرفة جدها وفتحت البلكونة ووجدت أمامها البحر فصرخت بسعادة فنتفض ماجد من النوم
ماجد بخضة: مالك يا عمري فيكي ايه حالك
أسيل بفرحة: بحر جدو بحر تعالى نلعب
ماجد بذهول: يعني انتى بتصرخي علشان شفتي البحر.
أسيل ببراءة: اه جدو في بحر تعالي نلعب
ماجد: احنا فعلا هنلعب بس الأول هضربك وبعد كده نلعب
أسيل بغمزة: وهون عليك ميجو
ماجد بضحك: تعالي يا بقرة
ضحكت أسيل بصوت عالي وخرجت تجري على البحر وخلفها ماجد يضحك على سعادة حفيدته و صغيرتة و ابنته
بعد فترة كانت أسيل تجلس على الرمل والبحر يداعب قدمها وجاء ماجد وجلس بجوارها وضمها لحضنه رفعت أسيل الكاميرا وأخذت تصورهم وهما يجلسون
أسيل: احكي جدو هما ليه بيكرهوني اوى كده.
ماجد: حاضر يا قلبي هحكيلك
حكي ماجد كل شيء لها منذو حمل مليكة حتى وفاتها
أسيل: طب انا ذنبي ايه المفروض يحبوني انا حته من حبيبتهم يعني بدل ميحتوني يهملوني كده ربنا يسامحهم.
ماجد بجدية: اسمعيني دلوقتي للآخر من غير مقاطعة انا مش هعيش العمر كله كل واحد وليه ميعاد وأجل انا بكلم البنت اللى ربتها وكبرتها بكلم بنتي و حبيبتي و حفيدتي اوعي في يوم تفرطي في شرفك اوعي تخلي حد يضحك عليكي باسم الحب انتي هتكملي بقيه حياتي في بلد متحرره عندهم العلاقة بين البنت و ولد متاحة وعادية لكن انتى مسلمة ومؤمنه و موحده بالله يوم متحبي يبقي جوزك الراجل اللي هتختارية يكمل معاكي عمرك كله الراجل اللى هيكتب كتابة عليكي ادام الناس كلها الراجل اللي هيلبسك فستان الفرح الراجل اللي هيحميكي من اي حاجة حتى من نفسه الراجل اللي هيبقي امانك و حمايتك وقلبك و حياتك عهديني أسيل انك هتفضلي محافظة على نفسك اوعي تعملي حاجة حرام ربنا نهانها عنها اوعي تكسريني وتخلى رأسي في الأرض عوزك يوم القيامة لما اشوفك رافع راسي بادبك و أخلاقك مفهوم عوزك تبقي قوية وصلبة وباردة اوعي تظلمي حد حققي حلمك وفتحي المطاعم و المزارع مفهوم يا قلب و عمر جدك.
أسيل: مفهوم جدو واوعدك أن الكل يشاور عليا ويقول ديه تربية ماجد العمري الراجل المحترم الطيب اللي ربي بنته على الأمانة و الصدق
ماجد: يوم مهتخرجي برا مصر ممنوع ترجعي تاني خلاص حيات أسيل حاتم ماجد العمري انتهت منها وأول مالطيارة تستقر في الجو برا مجال مصر في اللحظة ديه اتولدت أسيل العمري أقوي و أشجع بنت في الدنيا.
أسيل بثقة: اوعدك جدو انك هتبقي فخور بيا وكمان يوم مهخرج من مصر مش هدخلها تاني حياتي انتهت في مصر
ماجد بحزن: سامحيني يا عمري انا معرفتش اخليهم يحبوكي
أسيل بسرعة: انت بيهم كلهم وهما والله العظيم ميفرقو حاجة عندي وجدهم ذي عدمه ربنا يخليك ليا وميحرمنيش منك ابدا
ماجد: السلسلة اللي باسم ديه هديه امك والسلسلة التانية ديه هدية من واحد هو اللي ادهالك وكمان اتبرع ليكي بالدم
أسيل: هو مين.
ماجد: قالي فاعل خير وأكيد هيجي يوم مهتشوفيه حافظي عليهم
أسيل بابتسامة: امرك يا ميجو كلامك أوامر عندي
ماجد بابتسامة: ايه حضره الشيف مش هياكلنا ولا ايه
أسيل: احلي و اجمد اكل للقمر ميجو
ماجد بضحك: يالا بسرعة يا قردة
جريت أسيل الى الداخل حتى تجهز الطعام وتركت ماجد حزين عليها قطع تفكيرة صوت رنين تليفونه
ماجد: الو جورج
جورج: عمي ماجد اخبارك
ماجد: الحمد لله يا ابني
جورج: انا بكرا الصبح هركب الطيارة ووصل عندكم.
ماجد بحزن: جورج خلي بالك منها ديه حبيبتي و حفيدتي اوعي تضيعها
جورج: انا اضيع نفسي ومضيعاش
ماجد: المزرعة بقت بتاعتها
جورج: العقود اتكتبت وكل حاجة خلصت بلاش تقلق انا مستني أسيل توصل وتمضي ويبقي المكان ملكها
ماجد: جورج علمها اذاي تدافع عن نفسها وتبقي قويه
جورج: صدقني هتبقي في عيوني كمان ماكس متحمس اوي انه يشوفها
ماجد بحزن: حفيدتي أمانة في رقبتك ليوم القيامة
جورج بقلق: مالك عمي فيك ايه.
ماجد: انا خلاص هموت طلع عندي سرطان في المرحلة الأخيرة والمده اللى فاضلة مش كتير
جورج بحزن: بعد الشر عليك اكيد في علاج
ماجد: اسمعني لآخر مرة حافظ على بنتي جورج متخليش اي راجل يقرب منها ابعدها عن اي شخص سي خليك الاب اللى اتحرمت منه مفهوم
جورج: مفهوم عمي ماجد
ماجد: سلام دلوقتي علشان جاية عليا
اغلق ماجد مع جورج وبتسم عندما جائت أسيل بالطعام وجلسو ياكلو بتلزز.
مر باقي اليوم وكان ماجد يسعد أسيل في كل شي حتى جاء الليل وصل أحمد وخلفة سيارة مغلقة كبيرة
امر أحمد السائق بإنزال محتويات السيارة وغادر
دخل أحمد المنزل وجد أسيل بين احضان ماجد وتبكي بصمت فجلس بجوارها
احمد: ايسو حبيبتي جدو بيعمل الصح انتى حياتك هنا خطر عليكي
أسيل بغضب: ليه
ماجد: علشان جاسم عاوز يموتك ارتحتي
احمد: يا عمري احنا خيفين عليكي منهم لازم تسافري.
أسيل بكسرة: حاضر جدو هسافر ومش هرجع مصر تاني ويوم مهموت هخليهم يدفنوني هناك يمكن الغرب يبقي احن من الأهل
ماجد بدموع: حقك عليا يا قلبي معرفتش ازرع حبك في قلبهم
أسيل بابتسامة: خلاص جدو مش انت قولت هتيجي تشوفني انا مش زعلانه منك ربنا يخليك ليا وميحرمنيش منك ابدا
احمد بضحك: انا بقي جبتلك هدية هتحبيها جدا
أسيل بسرعة: هدية ايه بسرعة قول
احمد بابتسامة: جبتلك كلب صغنن و مهرة لسه مولودة بقالها شهر.
أسيل بفرحة: هااااااااا شكرا حمادة
ماجد بضحك: يعني احمد فرحتي بهديته وانا بقي هتعملي ايه في هديتي
أسيل بابتسامة حنينة: انت وجودك في حياتي اكبر نعمة و هدية
ماجد بابتسامة حنينة: ربنا يكرمك و يحميكي يا قلبي وديه هديتي يا عيوني
اخرج ماجد سلسلة على شكل قلب باللون الازرق من الألماس رائعة الجمال
فرحت أسيل بالهدايا
ماجد بابتسامة: عوزك طول عمرك متقلعيش 3 سلاسل دول من رقبتك مفهوم
أسيل: حاضر جدو.
جلس الجميع مع بعضهم شوية وبعد فترة ودعها ماجد و احمد وعادو الى القاهرة.
مر يومين ولم يأتي أحد حتى تسافر أسيل فجلست وهي مرعوبة من اقل حركة في الخارج
فى عز الليل وجدت أسيل أحد يمشي ايده على شعرها فنتفضت برعب ونظرت للشخص الذي أمامها
الشخص بابتسامة: متخفيش أسيل
أسيل برعب: انت مين يا عمو انت اللى بعتك جاسم علشان يقتلني
الشخص: لا صغيرتي انا جورج دادريو صاحب جدك ماجد
أسيل برعب: وأنا اضمن منين انك هو
جورج بابتسامة: حفيدته العمري صح
أسيل: اتصل على جدو وانا اصدقك.
جورج: حاضر يا أسيل
اتصل جورج على ماجد وجعله يكلم أسيل وبعد ذلك قفلت معه
جورج: كده اطمنتي ايسو يالا اجهزي
أسيل: حاضر عمو
توجهت أسيل وبدلت ملابسها وخرجت وأمر جورج الحرس حمل الحقائب و احضار الفرسة و الكلب
ركبت أسيل العربية ووجدت مجموعة كبيرة من السيارات والحرس و ركب بجوارها جورج وفي لحظة كان المنزل ينفجر
أسيل بشهقة: عمو البيت انفجر
جورج: اهدي ايسو ديه أوامر عمي ماجد
أسيل بحزن: جدو وحشني اوي.
جورج بحنان: هيجي ليكي متخفيش
بعد فترة استقرت السيارات و نزل الكل وجدت أسيل نفسها داخل المطار وأمامها طائرة فامسك جورج اديها وصعدو الى الطائرة وجعلها تجلس على الكرسي وقفل ليها الحزام وابتسم لها وتوجه وجلس أمامها وأحضر إحدى الحرس الكلب وأعطاه لها
بعد فترة كانت الطائرة تستقر في الجو وكما وعدت جدها بعد خروج الطائرة من المجال الجوي المصري
انا أسيل
انا اليتيمة
انا الميتة
انا القوية
انا الباردة
انا الصلبة.
انا فخر امي وجدي
انا من مت وانا على قيد الحياة
انا من ودعت الدموع والحزن
انا من ودعت مصر للأبد
انا من خرجت من مصر على قدمي
انا من سأعود لمصر في صندوق
انا أسيل العمري
رحب بي ليها العالم فقد ولد اليوم
اندس الكلب جيدا بين احضان أسيل فضمته واغمضت عيونها
مر الوقت وشعرت أسيل بيد تصحيها وكان جورج يعلمها بوصولهم الى أمريكا
بعد مرور أكثر من ساعتين وصلت السيارات الى قصر غاية من الجمال ودخلو.
حمل الخدم الحقائب وصعدو الى الاعلي ومنع جورج اي احد من لمس اغراضها واخذ الحرس المهرة الصغيرة الى مكان الفرس اما الكلب مازال بين أحضانها
جلست أسيل و هي تشعر بالخوف من القادم وجلس أمامها جورج وما هي الا لحظات ودخلت امرأة غاية من الجمال بطولها و وجسدها الممشوق
{الحوار بالانجليزي منذو الان }
المرأة بفرحة: أسيل اذيك
أسيل: اهلا انطي
المراة: انا اسمي سلفا
أسيل: اهلا انطي سلفا.
سلفا بفرحة: ايه رايك تقوليلي مامي اصل انا معنديش بنات قولتي ايه
أسيل بحزن: انا عمري مقولت الكلمة ديه اسفة انطي مش هقدر اقولها
سلفا بابتسامة: ماشي يا ايسو
شاب: مساء الخير
جورج: اهلا ماكس تعالي اتعرف على أسيل
ماكس بارف: اهلا انا خارج
سلفا: ماشي حبيبي باي
جورج: سلفا طلعي ايسو جناحها وخليها تستريح وانت ورايا على المكتب
سلفا بابتسامة: حاضر جورج.
توجه جورج الى غرفة المكتب و خلفة ماكس وصعدت ايسو مع سلفا الى الاعلي.
فى المكتب
جورج بغضب: انت اذاي تكلمها كده
ماكس بغضب: انا مش هقبل ببنت غير شرعية تعيش هنا
جورج بذهول: غير شرعية تقصد مين
ماكس بسخرية: البنت اللى برا ديه
جورج: لاااااا انت مجنون رسمي البنت ديه حفيده صديق ليا وجاية تقعد معانا هنا
ماكس بسخرية: اااااه حفيدة صديق و
قطع كلامهم دخول سلفا بغضب
سلفا بغضب: انت ايه زعلت البنت ماكس
ماكس بذهول: انتى زعلانه علشانها هتلقيها بنته.
جورج بغضب: عاوز تعرف ايه ليه هي موجودة هنا حاضر ماكس زمان لما كنت انا وانت و امك مسافرين ايطاليا حصل علينا هجوم وكنا هنتخطف انا خت 3 رصاصات وخطفو امك وانت عارف يعني ايه هيخطفوف امك الله وأعلم كانو هيعملو ايه فيها وانا كنت ممكن يبعوك او يقتلوك بس جدها هو اللي انقذنا رجالته ضربو النار على الناس ديه و خدني وانا منصاب فيلته وعلالجني يعني حمي شرفي و ابني وانا مديله بعمري كله كمان هي هتقعد معانا فترة وهتدخل المدرسة وممكن انت تقعد بالشهور متشفعاش ولا تسمع صوتها ارحم يا بني.
سلفا بحزن: علشان خاطري ماكس بلاش تعاملها وحش ديه يا ابني يتيمة وانا مجربه شعور اليتم
ماكس بحنان: اسف سوفي وحاضر جو هتعامل كويس معاها يالا سلام وغادر
سلفا: متزعلش حبيبي مامي لسه صغير وبيغير علشان خاطر أهتم بيه شوية
جورج بحب: مش زعلان حبيبتي بقولك ايه وحشتيني اوي
سلفا بدلع: وانت كمان جوجي
جورج بضحكة: ادام فيها جوجي يبقي نطلع فوق للصبح مفيش نوم
حملها جورج وصعدو الى الاعلي.
في غرفة أسيل
دخلت أسيل الغرفة وكانت الغرفة ملكية وفخمة
جلست أسيل على الكرسي و تنهدت وسمعت الباب بيخبط و دخل خادمتان وطلبت منهم أسيل إفراغ الشنط منعت أسيل الخدم من لمس شنطتين وتركوها بعد ان جهزو ليها الحمام وخرجو
قامت أسيل بوضع الشنط في غرفة الملابس وحملت ملابس وتوجهت الى الحمام وبعد انتهائها وجدت الخادمة تدخل وهي تحمل الطعام ووضعته على التربيزة وغادرت.
جلست أسيل تاكل وبعد ذلك اطعمت الكلب ونامت على السرير والكلب بين أحضانها
أسيل: عارف جدو وحشني اوي انا عوزة اسميك اسم حلو ايه رايك في امممممممم مطر حلو مطر علشان انا بحر المطر اوي تصبح على خير مطر تصبح على خير جدو
نامت أسيل وهي تحتضن مطر و ذهبت في عالم الأحلام.
في قصر العمري
كان ماجد يجلس وهو حزين لفراق حفيدته ولكن ما باليد حيلة قطع وحدته دخول العائلة كلها
عامر: فين الملعونة بابا
ماجد: خلتها تسافر اسكندرية كام يوم ليه
يوسف: وانت مش معاها ليه
ماجد: مين قلك اني سايبها لوحدها انا جيت اول امبارح علشان طلبوني من الشركة ضروري فسبتها وجيت وكنت تسافر بكرا بالليل
جلست بشماته: خلاص مش لازم تسافر ولا بكرا ولا بعدين
ماجد بقلق: أسيل جرالها حاجة.
جاسم: ولا حاجة اصلها ماتت امبارح
ماجد بصدمة: انت بتقول ايه أسيل ماتت حفيدتي ماتت انت كداب ايوة كداب
مايسا بفرحة: لا مش كداب هي فعلا ماتت
ماجد بدموع: اذاي يا قلبي يا بنتي
جاسم بشماتة: شكلها كانت بتعمل طفح علشان تاكل والبتوجاز انفجر والبيت ولع وهي جوا والبوليس اتصل على بابا علشان هيجيبو الجثة
مازن: متخفش جدو هندفنها عندما في المقابر صدقة يعني.
مريم بسعادة: كده خلاص جدو بقي ملك لينا و الملعونة غارت في 60 داهية
ماجد بدموع: وانت حاتم مش زعلان على بنتك الوحيدة
حاتم: انا مليش بنات
ماجد بحزن: فعلا انا لما قررت ادخلها مدرسة داخلي هناك كان قرار صح بس الحمد لله ربنا ريحها منكم الجثة هتيجي امتي
مريم بصراخ: الملعونة مش هتدفن جمب لوكا ولا تيته ادفنوها في اي حته تانية
مازن بحنان: امرك مريومة هندفنها في مدافن صدقة ومحدش هيعرف طريقها للأبد.
ماجد بكسرة: خلوني اشوفها لآخر مرة
عامر: بلاش بابا انت ممكن تتعب
ملك: اطلع استريح عمي بس في جناحك القديم وانا هامر الخدم ينقلو هدومك فيه خلاص الاوضة الملعونة ديه هتتقفل للأبد
مريم: تعالي اوصلك جدو
صعد ماجد الى الاعلي بعد ان رفض مساعدة مريم وجلس الباقي وهو سعيد ولا كانهم علمو بموت ابنه شقيقتهم.
جلس حاتم في مصر بعد اختفاء الملعونة
كانت أسيل لا تخرج من غرفتها ابدا ولكن كانت سلفا تحاول معها لتناول الطعام معهم ولكن ترفض
شعر ماكس بهدوء أسيل وحاول التقرب منها ولكن كانت تبتعد عنه وعن أي مكان هو متواجد بيه
طلب جورج من أسيل ان تمضي على بعض الاوراق فمضت بكل سهولة
أعطت أسيل إحدى الشنط المغلقة لجورج دون معرفة محتوياتها
مر 3 شهور وكان ماجد يتحدث مع أسيل صوت و صورة بلا انقطاع.
مرض ماجد بشدة وعلم الجميع بأنه مريض سرطان في المرحلة الأخير وباقي له أيام معدوده كما احزن الجميع.
في قصر السيوفي
في غرفة ملكية ضخمة
نشاهد شاب نايم بسلام و امان غير عالم بتلك المجنونة التي تتسحب بكل هدوء وفي لحظة واحدة تصرخ بشدة فنتفض ذلك الشاب بخضة
الشاب: في ايه
المجنونة بضحكة: هههههههههه وصحيتك وصحيتك
الشاب: والله مانا سايبك
طلعت المجنونة تجري وهو خلفها حتى الاسفل وخرجو لجنينة القصر وهما يضحكون وفي النهاية استطاع الشاب امساكها وفضل يهزر معها وأصوات ضحكاتهم تملي المكان بشدة.
كان رجل كبير يجلس بكل وقار يشاهد ماذا يحدث وهو يبتسم على جنان أحفاده وخاصا حفيدة الكبير الذي يدير اكبر مؤسسة في العالم مؤسسة السيوفي العملاقة ولكن هو يفعل مثله و مثل ابنه المتوفي عندما بصل الى المنزل يترك كل شيء حلقة ويتحرر من قوته و صلابته ولكن حفيده مثلة تماما في كل شي
المجنونة بصراخ: جدوووووو خليه يسبني
الجد بابتسامة: معلش سادن علشان خاطري سابها
سادن بابتسامة: علشان خاطرك انت بس.
المجنونة بضحك: شكرا عثمان بيه والله ما خيرك بدل متقوم تضربه بتتحايل عليه.
ادن بضحك: ايه رايك مايا هانم اضربك انا
مايا بضحك: وعلى ايه انا ممكن اموت في ايدك
سادن بلهفة: بعد الشر عليكي يا عمري
عثمان: يالا سادن اطلع البس ونزل يالا خلينا نفطر ونروح الشركة
مايا بسرعة: ونبي سيدو خلي خلي ادم يجي يلعب معايا
سادن: انا نفسي اعرف ليه ملكيش اصحاب غير ادم
مايا: وانت بردو ملكش غير ادم هو اللى صحبك ليه قولي ليه
عثمان: ليه.
مايا: علشان محترم و كويس وذيه ذينا موحد بالله وعمره ميفكر يخونك كمان ده مولود ومتربي هنا كمان هو ذي سادن اخويا
ادم بلهفة: ماشي انا كل ده بس مش اخوكي ماشي حوريتي
مايا: ماشي أميري
سادن: اتعدل ياض وتنيل اقعد عقبال منزل
ادم: ربنا على المفتري
صعد سادن الى الاعلي حتى يحصل على دش بارد يهدي اعصابة ورتدي بدلة باللون الرومادي ورفع شعره الى الاعلي و رش عطرة ونزل.
تناول الجميع الإفطار و غادر عثمان و سادن الى الشركات وتركو ادم مع مايا لأنهم يعلمون جيدا بأن ادم تربية عثمان السيوفي.