قصص و روايات - قصص رومانسية :

رواية أسيل و اللورد للكاتبة أماني فهمي الفصل الثالث والعشرون

رواية أسيل و اللورد للكاتبة أماني فهمي الفصل الثالث والعشرون

رواية أسيل و اللورد للكاتبة أماني فهمي الفصل الثالث والعشرون

في قصر السيوفي
في الصالون
بعد مرور كذا يوم وكانت أسيل كما هي تنام فقط ولا تشعر بأي شي يحدث بجوارها لا تعلم بكمية تعب و معناة سادن و حزنة
عثمان بحزن: هتفضل كده كتير يا ابني
سادن بحزن: اعمل ايه يا جدي مقدرش ابعد عنها ديه روحي و انا مصدقت لقيت روحي على يدك
مايا بحزن: بإذن الله هتقوم بالسلامة
سادن بحزن: يارب انتي اخبارك ايه يا أميرتي انا اسف بسبب مشاكلي نسيت اسأل عليكي.

مايا بحبك: ولا يهمك حبيبي انا كويسة وانا مش زعلانة ربنا يقوم أسيل بالسلامة و يرجع ضحكتك تاني
ادم: اطمن انا معاها وبلاش تقلق على الشغل ماشي ذي الساعة
سادن: عارف انك قدها وقدود ربنا يخليك ليا يا اجدع اخ و صاحب في الدنيا
عثمان: يالا تعالو ناكل
سادن: انا مش جعان انا طالع انام
عثمان بجدية: الكل علي الأكل وبعد كده ابقي اطلع يالا
توجه الكل إلى السفرة وأكل سادن بالغصب وبعد فترة صعد إلى معذبة قلبة و جسده.

في جناح سادن
توجة إلى الحمام واخذ دش و تؤضا و جلس يصلي و يناجي ربنا ان يشفي جنتة وبعد انتهاء الصلاة جلس يقرأ ورده اليومي
اما أسيل فكانت في دنيا غير الدنيا لا تشعر بشئ ولا بأحد وكانت تحلم بأجمل حلم في حياتها
كانت أسيل تجلس في جنينة جميلة جدا و بجوارها مطر يلعب وأمامها شلال جميل رائع الجمال و بعد مطر عنها فقامت تجري خلفة وهي تضحك وسعيدة وبعد فترة جلست ولكن وجدت امرأة تجلس أمامها
أسيل: حضرتك مين.

المرأة بابتسامة: يعني انتي مش عرفاني
أسيل: حضرتك شبهي اوي هو انا قاعدة قدام مرايا
المرأة بابتسامة: لا يا عمري انا قدامك مش مرايا
أسيل: حضرتك مين
المرأة بابتسامة: انتي عرفاني أسيل بس مش مصدقة
أسيل بخوف: حضرتك بتكوني مليكة صح
المرأة بحزن: مليكة انا امك يا اغلي الناس
أسيل بدموع: انتي ليه موتي و سبتيني لوحدي كلهم بيكرهوني ومحدش بيحبني
مليكة بدموع: والله يا قلبي مكنت اعرف أنهم هيعملو كده سامحيني يا قلبي.

أسيل بحنان: خلاص مامي بلاش دموع انا مسمحاكي بس بلاش تسبيني تاني
مليكة بحنان: انا مش هسيبك يا قلبي انا هفضل معاكي
أسيل بفرحة: يعني هعيش معاكي هنا على طول صح
مليكة بحنان: طيب هتفضلي هنا و سادن اللي هيموت عليكي
أسيل بحزن: سادن بكرا هيسبني ذي مهما كرهوني
مليكة بحنان: بس انتى عارفة ان سادن عمره مهيكرهك ولا حتى هيزعلك لأنه مش بس بيحبك لا ده بيعشقك
أسيل بدموع: بس انا ملعونة وعمري مهحمل حاتم بيدعي عليا بكده.

مليكة بحنان: انتى مش ملعونة وهتخلفي بدل العيل 100 لو عوزة غير كده طفلتي الصغيرة حامل في نونو حلو هيبقي شبه ابوه و امه لازم تخلي عندك ثقة في ربنا لأنه هو مقسم الأرزاق
أسيل: والله بثق فيه لأني مليش حد أتكلم معاه او اشكيلة همي غير ربنا انا بحبة اوي.

مليكة: يبقي ترجعي وتحافظى على جوزك و نفسك و النونو وتعرفي دائما ربنا مش بيقبل دعوة الظالم و بيقبل دعوة المظلوم وانا قريب اوي هكون بين ايدك وهتعيشي احلي و أجمل حياة في الدنيا و هتفضلي عايشة لغاية متشوفي احفادك وتحققي كل أحلامك تعرفي ان ربنا اسمه الحكم العدل بيحكم للصالح و بيرجعله حقه تفرحي يا بنت قلبي و سعدي
أسيل بسعادة: انا بحبك اوي مامي افضلي تعالي ليا في أحلامي علشان افضل مطمنه.

مليكة بحب: حاضر يا قلب مامي شوفي مين هنا
لفت أسيل وشها وجدت جدها ماجد يبتسم لها و يفتح لها ذراعه فاسرعت له ورمت نفسها في حضنه وأخذت تقبلة و تضمه بسعادة وبعد فترة بعدت عنه وجلسو بجوار مليكة
أسيل بسعادة: انا النهاردة احلى يوم في حياتي مش عوزة ارجع تاني
ماجد بحنان: احنا معاكي جوه قلبك والدليل على كده السلسلة اللى في صدرك
أسيل: انا عمري مهقلعهم ابدا بحس ليهم بالأمان.

ماجد بحنان: واحنا بنحبك و بنعشقك يا طفلتي
أسيل: ونبي ميجو خليني هنا معاكو مش عوزة ارجع تاني
ماجد بحنان: مش أسيل بتثق في ميجو
أسيل: طبعا بثق في ميجو حبيبي
ماجد: يبقي لازم تفوقي وترجعي تقفي على رجلك دلوقتي عندك سادن اسدك هو امانك و حمايتك
أسيل: بس.

ماجد بجدية: طفلتي اللي ربتها مكنتش ظالمة ولا مستبدة علقتي راجل بيكي و سيباه لوحده دلوقتي شوفي بقي عامل اذاي ضعف بسبب نومتك وبيعيط ودموع الراجل غالية عليه وهو نزلها عليكي بلاش تبقي ذي حاتم و الباقي
أسيل بسرعة: لا انا مش ذيهم انا بعشق اسدي
مليكة بغمزة: حبيبي العاشق.

ماجد بابتسامة: ارجعي لعشيقك و جوزك مش عيب و لا حرام لما تعشقي جوزك هو حلالك والإنسان الوحيد إللى يملك قلبك و عقلك و جسمك عيشي يا طفلتي و تهني وقوي بيه و بخواتك الرجالة ربنا رزقك ب 3 اخوات وعندك كمان جد بيحبك واخت وأحمد و سما كمان موجودين عوزة ايه تاني عندك عيلة كبيرة بتحبك وبيتمنو رضاكي افرحي و تهني يا طفلتي
أسيل بابتسامة: حاضر جدو هسمع الكلام وهصحي بس اوعو تنسوني و فضلو حبوني على طول.

مليكة بحب: ربنا يجمعنا ببعض تاني في حياتنا التانية يا قلبي مع السلامة
ماجد بابتسامة: لو كنت اخترت عيالي هختارك بنتي الوحيدة ارجعي لجوزك و لطفلك وعيشي متهنية مع السلامة يا قلب ميجو
اختفي ماجد و مليكة وفضلت أسيل تبحث عنهم وبتدت تجري في المكان وصرخت باسم امها مع نفضتها من على السرير
أسيل بصراخ: ماميييييييييييي
سادن بفلعة: أسيل جنتي اهدي يا قلبي
أسيل بتعب: مامي و جدو مشيو صح.

سادن بعشق: هما راحو عند ربنا و سبولك الشخص إللى بيعشقك و بيتمني يسعدك
أسيل بابتسامة: وحشتني اسدي وحشتني اوي
سادن بعشق: وانتى وحشتي اسدك وأخيرا روحي رجعت ليا تاني
أسيل بحزن: آسفة سادن آسفة اسدي حقك ليا
سادن بسرعة: اسفة على ايه يا قلبي اهم حاجة انك رجعتي تاني لحضني و حياتي
أسيل بسعادة: ربنا يخليك ليا يا اسدي و تفضل سندي و ظهري
سادن بغمزة: طب ايه
أسيل: ايه
سادن بعشق: هنعمل ايه دلوقتي.

أسيل: ممكن تبعت لأي خدامة
سادن بحنان: ليه يا قلبي
أسيل بكسوف: اصل يعني
سادن بابتسامة: طول ما انا عايش على وش الدنيا محدش يخدمك غيري عوزة تدخلي الحمام يا عمري
اكتفت أسيل بهز دماغها فقام بحملها وتوجه إلى الحمام وساعدها كما جهز البانيو بالماء الدافي و الزيوت المعطرة المنعشة و حملها مرة أخري و ساعدها على الاستحمام وبعد فترة خرجو و احضر ملابسها ولبسها وهي تبتسم له فقط
سادن بستغراب: مالك يا جنتي.

أسيل بابتسامة: شكرا بابي
سادن بستغراب: بابي اذاي
أسيل بابتسامة: انت بابي و جوزو و حبيبي و عشيقي و ابني
سادن بغمزة: طيب جوزو وحشته جوزته
أسيل بضحكة رنانة: جوزته انا جوزته
سادن: بت انتي بتضحكي عليا
أسيل بدلع: وحشتني اسدي
سادن بعشق: واسدك وحشتيه
حملها سادن و توجه إلى السرير و عاشو احلي ليلة بين احضان بعضهم وبعد فترة ليست بقصيرة ولا بطويلة كانت تنام أسيل وهي تضع رأسها على صدره وهو يلعب بشعرها.

سادن بحنان: جنتي انتى ليه قومتي بتندهي على مامتك و جدك
أسيل: عارف مامي و ميجو هما السبب في رجوعي ليك
سادن بستغراب: إذا وكمان مين ميجو ده
أسيل بضحك: ميجو يبقي جدو و ابويا واذاي انا كنت عوزة أفضل معاهم بس هما قلولي انك موجود جمبي وكمان انت بتعشقني و بقي ظالمة لو سبتك علشان كده صحيت
سادن بشر: كنتي عوزة تفضلي معاهم والله لوريكي
أسيل بضحكة: استني بس مامي قالتلي على خبر
سادن: ايه هو يا قلبي.

أسيل بخوف: قالتلي ان في عندي نونو
سادن بستغراب: وهي عرفت اذاي
أسيل: يعني انا فعلا حامل
سادن بحنان: ايوه يا قلبي حامل ثمرة عشقنا بتنمو في بطنك
أسيل بدموع: يعني فعلا انا مش لعنة صح يعني انا ربنا بيحبني صح.

سادن بعشق: لا يا عمري انتي مش لعنة ولا عمرك هتكوني لعنة لو ربنا مكنش بيحبك شوفي بقي معاكي فلوس قد ايه وعندك مشاريع قد ايه و كمان ربنا مكنش كرمك بطفل يغنيكي عن كل الناس ربنا رزقك بالأخ بالأخ الاب و الصديق و الأم و الزوج والأخت و حتى الابن عندك عيلة متكاملة انسي التانين انا عيلتك و كل حاجة في حياتك انسي وعيشي
أسيل بنوم: اسدي دفيني حاسه اني بردانة
سادن بحنان: تعالي يا جنتي حضني موطنك.

ضمها سادن لحضنة بشده يبعث في جسدها الدفء و الأمان
نامت أسيل براحة وامان بين احضانه لأنها وأخبر شعرت بالأمان.

في الصباح
صحيت أسيل على قبلات جميلة فعلمت مصدرها من عشيقها و زوجها الأول و الأخير ففتحت عيونها وجدته ينظر لها بعشق
أسيل بابتسامة: صباح الخير اسدي
سادن بعشق: صباح العسل و الورد يا جنتي
أسيل: اسدي عوزة اروح للدكتور علشان النونو
سادن: اوامرك مطاعة جنتي نروح
أسيل: حبيبي انت اتصلت على عمو جورج و الباقي
سادن: هاااااا لا
أسيل: يالهوي يا سادن ممكن يزعلو
سادن: كبري دماغك المهم تعالي ناخد دش.

أسيل بضحكة: لا هخده لوحدي
سادن بجدية مصطنعة: لا طبعا انا بدفع فواتير ماية كتير علشان نوفر هنستحما مع بعض يالا
حملها سادن تحت ضحكتها وذهبو إلى الحمام.

في الأسفل
نزلت أسيل و سادن يحتضنها بحب وانا يضحكو ودخلو الى الصالون وجدو الكل
أسيل بابتسامة: صباحو شباب
ماكس بلهفة: أميرتي
جورج: بنتي حبيبتي
توجهت أسيل الى أحضان جورج الذي استقبلها بكل حنان و حب وبعد ذلك حضنت سلفا و بعدها ماكس و كريس و الفريدو و مايا و جد عثمان وجلسو يضحكون و يطمانون عليها وبعد ذلك توجهت إلى السفرة وجلسو ياكلو وبعد فترة توجه سادن ومعه أسيل إلى المستشفي.

علمت أسيل بأنها حامل في شهر و نصف وهذا اسعدها بشدة
نزلت أسيل المطعم وكان معها لوسيفير و جاك و ماك
كان ماك يتصارع مع لوسيفير و جاك على الاهتمام باسيل
تعرف الفريدو على فتاة صغيرة تبلغ من العمر 20 عام و بريئة جدا و طيبة وكانت تعمل في مطعم أسيل
جاءت ولاده مايا و كانت ترفض الولادة بسبب تأخر ادم وعندما جاء ادم فضلت تتخانق و تزعق و تضربة وأخيرا وبعد عذاب و ضعت بنوتة جميلة سمتها روان على اسم امها.

تجمع الجميع في قصر السيوفي لعمل السبوع حفيدة عثمان الجديدة
علمت أسيل بأنها تحمل في صبي وقررت ان تسمية على اسم والد سادن
كان جاسم العمري يخطط لاذيه أسيل و تفرقتها عن سادن حتى قرر
جاء شخص إلى الفريدو وطلب مقابلته للاهمية لشي يخص الأميرة الساحرة فوافق على مقابلتة
الشخص بخوف: سيدي العقرب
الفريدو: انت مين وايه هو الخبر إللى يخص الأميرة.

الشخص بخوف: لقد كنت اعمل لدي أشخاص في ايطاليا فطلب مني ان اخطف الأميرة و اعطي له الصورة وهي بين أحضاني
الفريدو بغضب: من هذا الوغد
الشخص بخوف: سيدي انا لم اذيها عندما اتيت الى هنا وجمعت عنها المعلومات علمت بأنها من عيلة الشيطان الأعظم و حضرتك و زوجه سيدي اللورد
الفريدو بغضب: من الذي أرسلك
الشخص بخوف: إنه الحوت سيدي
الفريدو بغضب: من ذلك الحوت
الشخص بخوف: إنه سيدي جاسم العمري.

الفريدو بغضب كالجحيم: الملعون جاسم العمري سوف اقتص منه
الشخص بخوف: وانا سيدي ماذا أفعل
الفريدو بتوعد: أذهب الآن وسوف اتحدث معك
غادر الشخص بخوف وفضل يلعن نفسه كيف يذهب و العقرب المميت
اتصل الفريدو على سادن وطلب منه الذهاب الى قصر دادريو للاهمية.

في قصر دادريو
كان ماكس و جورج و الفريدو يجلسو في انتظار سادن وبعد فترة دخل سادن
سادن: في ايه الفريدو
ماكس بغيظ: مش عاوز يتكلم بقاله نص ساعة قاعد القعدة ديه
جورج بعصبية: أنطق يا زفت في ايه
أسيل وهي تدخل: تحبو أقول انا
الكل: أسيل
سادن بحنان: تعالي جنتي
أسيل: اتكلم الفرو
الفريدو: طفلتي هو يعني
أسيل: جاسم عاوز يفضحني صح
الفريدو: أيوة
سادن بغضب: الواد ده اتجنن اكيد
ماكس: لازم نخلص عليه.

سادن: عجبك كده قولت من الأول انسفهم قولتي لا
أسيل بهدوء: وهفضل اقول لا وهنبعد بس خلاص
ماكس بغضب: انتى مجنونة أسيل
جورج بعصبية: اخرسو كلكم
الفريدو: بس
جورج: اخرس وانتي يا أميرتي عملتي ايه
أسيل ببرود: وصلتلهم رسالة هتخليهم يبعد عني و عنكم
سادن: عملتي ايه
أسيل بابتسامة: مش انا ادم هو اللي عمل
جورج: وادم عمل ايه
أسيل: طلعلهم مشاكل في شغلهم
سادن بغيظ: ودلوقتي
أسيل: ولا حاجة هنرجع نعيش براحتنا ذي الأول.

سادن: صح فين لوسيفير بقاله يومين
أسيل بتوهان: جوجو انا جعانة
جورج بحب: تعالي يا روحي انتى لازم تتغذي كويس تعالي حبيبتي
أسيل بدلع: تعالى جوجو ساعدني
قام جورج وساعد أسيل وتوجهو إلى الخارج وطلب من الخدم تجهيز السفرة بكل شي تعشقة أسيل
خرج الشباب من المكتب وجدو أسيل في حضن سلفا واسيل تحتضن جورج الصغير
سادن: يالا حبيبتي نروح
سلفا: بنتي جعانة هتخرج من بيت أهلها جعانة
جورج: اقعد سادن.

جلسو يتكلمو وبعد فترة جاء الخدم واخبرتهم بتجهيز الطعام فتوجهو إلى السفرة وجلست سلفا من جهه و جورج من جهه واخذو يطعمونها كأنها بطة
أسيل بصراخ: كفاية بطني وجعتني
سلفا: انتي حامل ولازم تاكلي
أسيل بغضب: اكل مش انفجر حرااااااااام انا لسه فب الشهر 5 سادن الحقني
سادن: اكليها طنط سوفي لأنها بتعذبني جدا في الأكل
جورج بصوت عالي: والهانم مانعه الاكل وانا اقول خسه مش جسم واحدة حامل.

أسيل بحزن مصطنع: انتي بتزعقلي جوجو والله مانا قاعدة هنا
سلفا: خلاص يا ايسو تعالي ناكل الحلو عملالك بسبوسة و جلاش و كنافة و كمان جبتلك جاتوة شوكولاتة
الخادمة: بعتذر سيدتي السيد لوسيفير وصل في الخارج ويطلب الدخول
سلفا: دخليه
دخل لوسيفير وهو يحمل شنطة صغيرة
لوسيفير بحنان: أميرتي
أسيل: عمو لوسي جبت الحاجة
سادن: حاجة إيه
لوسيفير: مفيش أميرتي طلبت مني شويه حاجات
أسيل: وهي ديه الحاجة يا ظالم.

لوسيفير: لا أميرتي الحاجة في القصر بس ديه هديه من أستاذ أحمد
أسيل: تمام عمو لوسي
جلست أسيل تاكل الحلويات وهي تستمتع تلك المأكولات المصرية التي تأمر سلفا بصناعتها خصيصا لاسيل وبعد فترة غادر الجميع.

في جناح سادن.

كانت أسيل ترتدي ملابس مغرية و تتدلل في مشيتها و تسريح شعرها ولكن كان سادن كالجبل لا يتحرك فبتسمت بخبث و توجهت إلى الاب توب وشغلت اغاني مصرية لام كلثوم ورقصت باحترافية عالية ولا أجدع راقصة وكان سادن يجلس على جمر من النار يريدها بشدة ولكن يرغب الأول في معرفة اين اختفي لوسيفير ولكن نفض غرورة و غضبة و نسحر بالك الحورية الجميلة الجذابة و المتفجرة بالانوثة الطاغية ولعن سادن ذلك الحمل الذي زادها جمال و انوثة وتوجه إليها و شاركها رقصها و بعد انتهاء الأغنية خلعت اسيل الايشارب الوسط وأغلقت الاب توب وتوجهت إلى السرير و تركته يقف في منتصف الجناح بعد أن وضعت قبله على خده.

نامت اسيل فتغاظ سادن فذهب إليها واخذها في حضنه وأخذ يقبلها إلى أن رضيت عنه و استمتعو بالك الليلة الرومانسية.

اما في مصر
كانت الجرائد و وسائل الإعلام ينقلون خبر الموسم بفضيحة تهز و تزلزل وسط رجال الأعمال حيثو تم إلقاء القبض على شبكة دعارة وكان من وسط الرجال يخرج ابن رجل الأعمال عامر العمري وهو في وضع مخل و مخذي وهو يلا جسده باحدي الملايات
المذيع: هو ده الحوت هو ده ميثال الشرف والصدق رجل الأعمال جاسم العمري نجل رجل الاعمال عامر العمري و جده رجل الاعمال الصالح ماجد العمري رحمه الله.

في قصر العمري
شيري بغباء: ايه ده ابيه جاسم هو في منك اتنين
جاسم بضحك: مالك شوشو هو انتى اتجننتي
شيري: لا لسه بس انت اتفضحت في وسائل الاعلام يا برنس
مايسا: يعني ايه
ماجد: افتحو التلفيزيون وانتم تعرفو خبر الموسم
شيري: القبض على رجل الاعمال جاسم العمري في وضع مخل بالشرف.

اسرعو وسرعة التلفزيون ووجدو الخبر ينقله أكثر من قناة فأسرع مازن بالاتصال على الصحافة التي كانت بالفعل خارج أبواب القصر فخرج الجميع ووقف جاسم أمامهم
جاسم بغضب: إللى اتقبض عليه مش انا انا موجود في بيتي وأظن الحادثة بقالها اقل من ساعة
صحفي: تفتكر حضرتك ده شوشرة علي سمعتك و شرف عيلتك ليه.

عامر: الله وأعلم إحنا اتصلنا بيكم لاكن انتم كنتم موجودين ومحدش دخل ولا خرج يبقي اكيد خبر كداب وهنعرف مين الشاب إللى استغل شبة ابني علشان يسوء سمعته و سمعه عيلة العمري
مازن بقوة: إحنا معروفين في البلد من زمان ومن أكبر رجال الأعمال وأظن خبر ذي ده اكيد وراه
صحفي آخر: مهو ده الكلام المعروف عن عيله العمري
يوسف: الحمد لله ويارب نفضل كده على طول
غادر الصحفيين ودخلو وهما يغلو من الغضب و الاستغراب.

مازن: بس اذاي
عامر: أول مرة حد يعمل موقف ذي ده
ملك: طول عمر المنافسين مش بيعملو حاجه ذي كده
عامر: هنشوف ولازم نعرف
حاتم: جاسم انت عملت ايه
جاسم: ولا حاجة
حاتم: جاسمممممممم
جاسم: في ايه عمي
حاتم بعصبية: زمان كنت عاوز تموتها هربت عملت ايه المرة ديه
جاسم بغضب: أيوة كنت عاوز اذيها
عامر بعصبية: عملت ايه يا غبي
جاسم ببرود: بعت واحد يخطفها ويصورها صور مخله و جوزها يشوف الصور ويطلقها و تدفضح.

عامر بياس: منك لله يا جاسم اديك فضحتنا احنا
مايسا: يعني ايه
عامر: يعني البنت متجوزة من اللورد و ما أدراك ما اللورد كيان اقتصادي عملاق ده ماسك الشركات وهو عنده 16 او 17 سنة واسمه بيهز السوق
مازن: مين الراجل الكبير و الشابين إللى شفناهم هناك.

يوسف بسخرية: دول يا روح ابوك زعماء مافيا و أكبر و اعظم رجال أعمال الراجل الكبير ده جورج دادريو الشيطان الأعظم و ابنه ماكس دادريو الشيطان الأسود تاني الفريدو العقرب المميت
حاتم بغضب: عرفتم جدكم الله يسامحو معيشها مع مين زعماء مافيا ومحدش فيهم هيضحي بيها بسهولة
ملك: خلاص خلصنا وانت جاسم أبعد عنها وخلونا نرجع نعيش حياتنا ذي الأول
مايسا: ملك بتتكلم صح احنا مش عوزين حاجة منها انسوها بقي.

تركهم جاسم وصعد الى جناحة حتى يستريح
اما حاتم فصعد الى غرفة ماجد وطمان عليه و توجه الى غرفة شيري وجدها تجلس وتنظر إلى السماء
حاتم بابتسامة: حبيبي الصغنن بيفكر في ايه
شيري بابتسامة: مفيش بابي
حاتم: انا عارف انك هو تسافري عند جدك صح
شيري: بصراحة اه عوزة اسافر
حاتم بابتسامة: طفلتي تأمر وانا انفذ جهزى نفسك وانا هكلم المطار يجهزو الطيارة
شيري بفرحة: بجد بابي
حاتم بابتسامة: بجد يا روح بابي.

حضنته شيري بسعادة واسرعت الى الدولاب تجهز ملابسها فبتسم على جنان طفلته وغادر الغرفة وتوجه إلى جناحة وجد زوجته تجلس حزينة فجلس بجوارها
حاتم بتنهيدة: اسف مايا اني زعلتك بس غضب عني حسيت بنار في جسمي انا عرفت أنها عايشة و مش بس كده لا شبه مليكة اصل و صورة سامحيني
مايا بحزن: ليه الكره ده كله حاتم هي ملهاش ذنب في موت مليكة
حاتم بعصبية: اذاي ملهاش ذنب.

مايا: اهدي حاتم مليكة ده نصبها الموت افرض لو كانت ماتت كانت حادثة أو طبيعي كنت هتعمل ايه لاكن هي ماتت وسابت حته منها في الدنيا كنت المفروض تحتويها و تحبها وتبقي الام و الاب ليها لكن انت رمتها و يتمتها وانت موجود ومش بس كده لعنتها و كسرت قلبها و خاطرها وهي صغيرة و دلوقتي وهي عروسة بدل مكنت انت وصلتها لغاية عرسها و وصيته عليها ان يحافظ عليها لا ضربتها و ذلتها قدامة مسالتش نفسك في يوم هي عاشت اذاي كان نفسها في ايه محستش بيها ساعة مطره شديدة وهي خايفة ولا والنور قاطع وهي مرعوبة فرحت بيها أول يوم مدرسة او جامعة او أول خطوه مشيتها مسالتش نفسك يوم متحمل و تولد مش نفسك تسمع كلمه جدو ولا تشيله في حضنك وينام فيه راجع نفسك حاتم بس للاسف الوقت فات والبنت بقت بتكرهك وحرمتك من ابست الحقوق لو عليا انا مش زعلانة منك انا حزينة عليك روح لشيخ وحكي ليه على كل شي عيشته لبنتك انا اكتر واحدة حاسه ببنتك لانى يتيمة الام بس ابويا وأهلي محدش فيهم حسسني باليتم ارجع لربنا و تستخفره و مخنوقة أوي عوزة اسافر لابويا وعرف ان الاب سند و ظهر مهما الاب كبر هيفضل السند و الظهر.

حاتم: سافري مايا سافري
نام حاتم ولكن اي نوم وهو يفكر في كلام مايا نفس كلام ابيه من زمن قام و توجه الى البلكونة وجلس حتى الصباح
قام حاتم وغادر الغرفة والقصر بالكامل وكان كلام مايا يتردد على اذنة وفي لحظة استمع لصوت أذان الظهر فركن السيارة وتوجه الى الجامع و تؤضا و صلي الظهر وجلس يبكي بشدة
هل بالفعل ظلم ابنته؟
هل مر الوقت على المغفرة؟
هل سيحرم من كلمة جدو كما حرم من كلمة بابا منها؟

هل ستلعنة الملائكة يوم القيامة؟
هل كانت اسيل تخاف وقت الأمطار و نقطاع النور؟
هل كانت تحتاج إلى دفئ و حناني؟
هل انحرمت من إيصال اسيل الى زوجها؟
هل حرمت من ضمها يوم زفافها؟
هل أصبحت تكرهني؟
هل كسرتها أمام زوجها؟
هل الغريب كان احن مني عليها؟
هل كسرها أمام زوجها؟
هل طاوعة لسانة ان يلعنها ويدعي عليها؟
هل عندما نطق إسمها كان الفراق؟
شعر حاتم بأيد شخص توضع علي قدمة وعندما نظر وحده شيخ كبير ينظر له بابتسامة.

الشيخ: مالك يا ابني بتعيط ليه
حاتم بدموع: مش عارف
الشيخ: احكي يا بني لو عاوز
حاتم بدموع: حاضر يا شيخ
حكي حاتم كل شي منذو وفاة زوجته حتى تلك اللحظة.

الشيخ بغضب: استغفر الله العظيم استغفر الله العظيم ليه كده يا ابني تظلم بنتك وتجرحها أوي كده استغفر ربك و روح ليها و مش عيب تطلب منها السماح ولو رفضت حاول مرة و اتنين و مليار إذا عملت كده بنتك محت اسمك من حياتها للأبد لله الامر من قبل ومن بعد لو كنت بتحب مراتك قراط المفروض كنت عشقت بنتك مليار قراط استغفر ربك وطلب منه السماح.

قام الشيخ وترك حاتم بمفردة يبكي على السنين التي فاتت وضاعت على اهماله لابنته البكرية وقرر الذهاب لها وطلب السماح ولكن هل ستوافق ولكن سوف يحاول أكثر من مرة.

الفصل التالي
جميع الفصول
روايات الكاتب
روايات مشابهة