رواية أسيرة لحصون قلبه للكاتبة سلسبيل كوبك الفصل العشرون
تليفون صقر رن، الخط اتفتح...
: العربية فيها قنبلة.
صقر(بغضب): يا حسام الكلب.
حسام(بضحك): صقر انت قفوش اوي كدة ليه، اهدي يا عم...
حسام: وريني دي هتطلع منها ازاي يا بطل.
حسام: تيك توك تيك توك تيك توك تيك توك. بووووووم.
طيف(بصريخ): صقر؟!
صقر خد طيف في حضنه بسرعة و سمعوا صوت انفجار وراهم عربية من عربيات حراس صقر انفجرت,طيف و صقر سمعوا صوت ضحك كتير من موبايل صقر. صقر مسك الموبايل قفله.
طيف(بحدة): ممكن افهم مين ده بقي؟!
صقر: مش مهم...
طيف(بعصبية): ازاي يعني مش مهم كنت هموت دلوقتي.
صقر ركن العربية علي جمب و نزل طيف كانت هتنزل لقت الباب مقفول.
طيف(بغيظ): يا حيوان.
مهران: شكل في حد عايز يلعب مع حضرتك يا بيه.
صقر: مهران حماية طيف من النهاردة مسئوليتك.
مهران: بس دي مسئولية كبيرة يا بيه.
صقر: علشان كدة وكلتك انت بالمهمة دي يا مهران.
تليفون صقر رن، الخط اتفتح.
زين: صقر تعالي.
صقر: خير؟!
زين: في ظابط هنا عايزك.
صقر: بخصوص؟!
زين: مش عارف عايزك انت شخصيا.
صقر: طيب انا جاي.
زين: طيب.
صقر: اتصرف في الموضوع ده يا مهران و بعدها تعالي علي الشركة.
مهران: حاضر يا بيه.
صقر راح و ركب العربية و بدأ يسوق بس طيف قعدت تضربه علي كتفه.
صقر: في ايه يا بت انتي؟!
طيف: انت قفلت عليا.
صقر: ايوه.
طيف: ليه بقي يا رخم؟! انا بتخنق.
صقر: انتي بتتخنقي من ايه بالظبط او قوليلي ايه اصلا اللي انتي مش بتتخنقي منه.
طيف: انت بتتريق؟!
صقر: اه.
طيف: اقف هنا.
صقر وقف العربية و طيف خدت شنطتها و نزلت و صقر نزل وراها.
طيف(برفعة حاجب): انت لحقت تيجي يا فندم؟!
صقر(بغمزة): لا انا سريع متقلقيش.
طيف و صقر دخلوا الشركة مع بعض.
زين(باستغراب): صقر؟!
صقر: قابلتها علي باب الشركة عادي يعني.
زين: طيب الظابط فوق في المكتب.
طيف(بهمس): قتلت مين؟!
صقر: بذمتك ده شكل قاتل؟!
طيف(بهمس): اسأل عيونك.
زين: صقر صقر انت معايا؟!
زين حط ايده علي كتف صقر و هزهُ.
صقر: ها؟! معاك في ايه؟!
زين: لا ابدا الظابط مستنيك جوا في المكتب.
صقر: وريني شكله قبل ما ادخله.
زين: تعالي.
طيف: هسبقكم انا علي المكتب.
زين: اه طيف اعمليلي فنجان قهوة.
طيف: حاضر.
طيف راحت لمكتبها,صقر و زين راحوا اوضة التحكم الرئيسية و كاميرات المراقبة...
زين: ده...
صقر بدأ يشوف صورة الظابط...
صقر: ده في مكتبي؟!
زين: ايوه.
صقر خرج جري بره اوضة التحكم و جري علي مكتبه.
صقر(بصوت عالي): طيف.
طيف(بخضة): اعوذ بالله من الشيطان الرجيم، في ايه يا صقر؟!
طيف: اقصد يا صقر بيه.
صقر شد طيف من دراعها وراه تحت استغرابها.
طيف(بحدة): سيب ايدي يا صقر احنا في الشركة.
صقر: خليكي هنا.
طيف(بضيق): في الارشيف؟!
صقر: ايوه في الارشيف متخرجيش منه لو بتموتي.
طيف(بضيق): لا بقي لازم افهم في ايه!؟
صقر(بحدة): طيف اسمعي الكلام.
طيف: هتخنق.
صقر: متخرجيش من هنا و لا تيجي مكتبي و لا تتجولي في الشركة.
صقر: فاهمة؟!
طيف: لمدة قد ايه؟!
صقر: ساعة كدة.
طيف(بضيق): اوف بقي. حاضر.
طيف راحت قعدت علي الكرسي اللي في الارشيف,صقر بص عليها ثواني و بعدها خرج و طلع مكتبه.
نانسي: مستر صقر اسفة ان طيف اتأخرت هو.
صقر: انا عارف طيف فين و مش محتاجها حاليا.
صقر دخل المكتب و وراه نانسي.
رامي: مستر صقر احم اسف اني جيت من غير ميعاد و اعتقد انك متعرفنيش...
صقر: اتفضل يا استاذ؟!
رامي: رامي.
صقر: اتفضل.
صقر: تحب تشرب ايه؟!
رامي: لا مش لازم، انا جاي لحضرتك لموضوع مهم.
صقر: نانسي روحي انتي.
نانسي: حاضر يا فندم.
صقر: اتفضل يا استاذ رامي اتكلم.
رامي: انا ظابط في محافظة القاهرة و اللي خلاني اجيلك النهاردة سمعتك اللي طبعا سبقاك و عن خبرتكم و خبرة حضرتك بالتحديد...
رامي: في بنت اسمها رفيف محسن دي اتخطفت الشرطة لسة بتعمل تحريات و الكلام ده. و طبعا انت عارف هيأخدوا وقت علي ما يعرفوا مكانها بالاضافة ان اللي خطفها شخص كبير اوي في البلد و هيبقي صعب اننا نوصلها بسهولة، فكنت محتاج مساعدتك.
صقر: تمام ممكن اخد اسم الشخص اللي انت شاكك فيه؟!
رامي: مسعد المحمدي.
صقر: رجل الاعمال المشهور؟!
رامي: ايوه.
صقر: تمام يا استاذ رامي. سيب رقمك هنا و انا هشوف الموضوع ده.
رامي: انا هثق في حضرتك البنت دي مهمة.
صقر: تمام يا استاذ رامي تقدر تتفضل.
رامي: تمام يا مستر صقر يا ريت في اسرع وقت.
صقر: تمام.
صقر اتصل ب زين و خلاه يجي.
صقر: زين وصل استاذ رامي.
زين: تمام.
صقر اول ما رامي مشي قام و راح للارشيف.
طيف: اخيرا كنت قربت اطق و اموت زهقت يا اخي زهقت.
طيف استغربت لما لقت صقر شدها ناحيته و حضنها جامد,طيف بتلقائية حاوطته بدراعها.
طيف: احم في ايه؟!
صقر شدد علي طيف و هي في حضنه و رفعها من علي الارض علشان توصل ل رأسه...
طيف: انا مستغربة يا صقر في ايه متقلقنيش؟!
صقر لا رد، طيف غمضت عينيها و ضمت صقر ليها اكتر و دفنت وشها في رقبته.
صقر قرب من طيف و هما مغمضين عينيهم و (لخيالكوا).
سارة: صقر قالولي انك هنا.
طيف فتحت عينيها و بصت ل صقر و صقر بص ل طيف و نزلها ببطء من حضنه...
صقر(ببرود): عايزة ايه؟!
سارة(باحراج): شكلي جيت في وقت مش مناسب بعتذر. انا بس.
طيف: لا تعالي عادي مفيش حاجة...
طيف: عايزة صقر؟!
سارة: اه.
طيف(لنفسها): بجحة.
طيف: احم تمام همشي انا.
طيف: هروح المكتب علشان ورايا شغل يا صقر عن اذنك.
طيف سابت صقر و سارة، سارة قربت من صقر و قفلت باب اوضة الارشيف.
سارة: صقر.
صقر(بهدوء): عايزة ايه؟!
سارة: نسيت صداقتنا يا صقر نسيت ايامنا اللي كانت سوا.
صقر: اديكي قولتي صداقتنا احنا كنا اصدقاء يا سارة.
صقر: و يا ريت يبقي عندك كرامة و غوري في داهية.
سارة: صقر انا لسة بحبك.
صقر مسك سارة من رقبتها و زقها علي الحيطة بعصبية...
صقر(بغضب): اياكي اياكي تقوليها، انتي واحدة رخيصة و واطية و متربتيش و و من كدة.
صقر(بغضب): مش عايز اشوف ضلك في شركتي و البيت لو لمحتك او عملتي تصرف مش هيعجبني هقتلك.
صقر(بغضب): انتي لسة عايشة و انا مكملتش عليكي بعد اهلك علشان خاطر طيف. انتي عايشة في بيتي علشان خاطر طيف.
صقر(بغضب): لو حاولتي بس تأذيها او حاولتي تتمادي في تصرفاتك هقتلك و ارميكي لكلاب السكك ينهشوا في لحمك الرخيص ده...
صقر ساب سارة و خرج بره اوضة الارشيف...
صقر(بزعيق): بتعيطي ليه انتي كمان؟!
طيف(بحدة و دموع): معيطتش.
صقر(بزعيق): تعالي ورايا...
نانسي(بهمس): هو ماله؟!
زين(بهمس): في حاجة بس مش عارف ايه هي، هموت و اعرف...
صقر: في ايه؟!
طيف(بغيظ): اللي اسمها صافي دي.
صقر: عملت ايه؟!
طيف: طلبت مني اني انفذ مشروع لوحدي و انا لسة مش متعودة و لسة يعتبر متدربة.
صقر(بنفاذ صبر): و هو ده سبب تزعلي علشانه؟!
طيف(بغيظ): ما انا لو معملتش حاجة صح و كويسة و مميزة هتأخدني تريقة و مش بعيد تطردني من قسم التخطيط و التطوير...
صقر: جيبي المشروع اللي هي عايزاكي تعمليه و هاتي اللاب توب بتاعك و ابعتي جيبي قهوة ليا و عصير ليكي و تعالي اترزعي هنا.
طيف(بحماس): هتشتغل معاياا؟!
صقر: ورايا حل غير كدة يعني، انجزي.
صقر قلع جاكت البدلة و فك زرارين من قميصه و تني اكمام قميصه و راح قعد علي ترابيزة الاجتماعات عدت دقايق بسيطة و كانت طيف داخلة بكل اللي هو قال عليه.
طيف(بحماس): انا جاهزة.
صقر: اترزعي جمبي.
طيف و صقر بدأوا يشتغلوا و طيف كانت مبسوطة و بتحاول تكتسب من خبرة صقر...
-في مكان تاني...
عند نيران.
ماهر(بزعيق): مبتسمعيش الكلام ليه؟!
نيران(بحدة): في ايه بقي هو انا كل ما اعمل اي حاجة تتعصب عليا قولتلك مكنش قصدي و بعت الملف الغلط مش مشكلة لسة قدامنا يومين.
ماهر(بزعيق): متعصبنيش. انا قولتلك اهم حاجة عندي الدقة.
نيران: و الانسان دايما بيخطئ.
ماهر: و الله؟!
نيران: انت عايز ايه دلوقتي؟!
ماهر: تسهري علي الملف ده و ملكيش خروج من الشركة الا لما تخلصي الملف المظبوط خلص الكلام. واتفضلي علي مكتبك.
نيران: ده ا.
ماهر(بزعيق): متنسيش نفسك انتي مش نيران الجارحي انتي مجرد سكرتيرة بتشتغل هنا.
نيران: طب و انا عليا محاضرة مهمة في الكلية.
ماهر: مش شغلي. اتفضلي علي مكتبك.
نيران(لنفسها): يا شيخ يا رب تموت.
نيران خرجت و قعدت علي مكتبها و بدأت تشتغل.
عند آسر.
آسر: الاجتماع بره.
ليلي: ايوه يا فندم بناءا علي طلبهم.
آسر: تمام، جهزي نفسك...
ليلي: هو انا هاجي مع حضرتك مش مستر ماهر؟!
آسر: لا...
آسر: انتي اللي هتيجي ماهر هيمسك الشركة مكاني، و محمد بيه وراه حفلة بليل.
ليلي: تمام يا فندم، الاجتماع 10.
ليلي: تسمحلي اروح قبل الميعاد ساعتين اجهز نفسي و ارجع الشركة لان زي ما حضرتك شايف لبسي مش مناسب لاجتماع بره خالص.
آسر: تمام مسموح.
ليلي: شكرا يا فندم.
تليفون ليلي رن، الخط اتفتح.
ليلي: الو يا حبيبي...
قاسم: ايه يا ليلي بقولك؟!
ليلي: ايه؟!
قاسم: نيران مش بترد علي التليفون شوفيها مالها.
ليلي: وراها شغل كتير.
قاسم: طيب لما تفضي خليها تكلمني.
ليلي: حاضر.
قاسم: تمام عايزة حاجة؟!
ليلي: لا تسلم باي.
ليلي: بعتذر يا فندم عن اذنك.
آسر: الملفات تكون جاهزة قبل ما تمشي.
ليلي: كلها جاهزة من امبارح.
آسر: تمام كويس.
-في مكان تاني...
في القصر.
انتصار و عزة: ايه الحلاوة دي؟!
نجلاء: بجد حلو؟!
انتصار: ايوه طبعا.
نجلاء: طب يا انتصار متاكدة ان الاولاد بخير؟!
انتصار: قولتلك اه حبيت بس اجي اقعد هنا و كمان ما هما عندهم شغالين تانين.
نجلاء: طيب طب ايه رأيكم في الفستان؟!
عزة: خلي عندك ثقة في نفسك قمر طبعا.
نجلاء كانت لابسة فستان باللون الاسود طويل مفتوح من الضهر ب ¾ كم و رفعت شعرها علي شكل كحكة و حط مكياج بسيط اوي و لبست جذمة سوداء بتلمع بكعب.
-نجلاء رغم كبر سنها كانت محافظة علي نفسها و جسمها...
عزة: محمد بيه وصل تحت...
نجلاء(باحراج): طيب انا نازلة.
نجلاء مسكت الفستان في ايديها لانه كان طويل و نزلت ل تحت لقت محمد واقف مستنيها.
محمد: جاهزة؟!
محمد رفع رأسه و لقي نجلاء و هي نازلة علي السلالم فضل مصدوم و كانت مهرة واقفة بغيظ مربعة ايديها.
محمد: احم احم.
محمد: اتفضلي.
نجلاء: تمام.
مهرة(بغيظ): شكلك حلو يا نجلاء.
نجلاء: من ذوقك يا مهرة.
محمد و نجلاء خرجوا بره القصر و محمد ركبها العربية و لف ركب جمبها.
محمد: اطلع يا عوض.
عوض: حاضر يا بيه...
محمد: شكلك جميل.
نجلاء: ميرسي، بس كنت تقدر تقولها و احنا في القصر قدام مهرة و لا كنت خايف علي مشاعرها اوي.
محمد(بهدوء): نجلاء خلينا حلوين.
نجلاء: انا ساكتة اهو.
بعد فترة وصلوا للحفلة و محمد و نجلاء دخلوا الحفلة.
راجل: محمد عاش من شافك.
محمد: اهلا يا صبري.
صبري: اهلا يا مدام نجلاء تسمحيلي اتغزل في جمالك؟!
نجلاء: ميرسي علي ذوقك يا صبري بيه.
صبري: مش اي كلام و الله.
محمد(بحدة): صبري ما نتكلم في الشغل بقي.
صبري: احنا جايين حفلة يعني نحتفل دايما دماغك في الشغل يا محمد كدة.
صبري: ازاي بتتعاملي معاه يا نجلاء هانم، يا ابني في حاجات تانية غير الشغل.
محمد(بحدة): اصلي لو شغلت بالي بحاجات تانية هرتكب جريمة، و كمان انا عارف ورايا ايه كويس.
محمد: تعالي يا نجلاء معايا.
محمد شد نجلاء و راحوا ل ترابيزة تانية...
نجلاء: في ايه؟!
محمد: مفيش حاجة.
نجلاء(برفعة حاجب): المفروض اصدقك؟!
محمد(بحدة): نجلاء اخرسي انا متعصب.
نجلاء: طيب.
-في مكان تاني...
عند آسر.
آسر كان واقف بيبص في ساعته منتظر ليلي قدام الشركة.
فجأة في عربية سوداء ظهرت قدام آسر و ليلي نزلت منها...
آسر حس ان انفاسه اتخطفت و كان مركز مع كل خطوة من خطوات ليلي لغاية ما وقفت قدامه.
ليلي: مستر آسر.
آسر: ها؟!
ليلي: انا جاهزة نقدر نتحرك.
ليلي كانت لابسة فستان باللون ال pink كب و قصير من قام لغاية الركبة و طويل من ورا و لبست صندل بكعب باللون الابيض و سيبت شعرها علي ضهرها و حطت مكياج بسيط.
آسر: يلا بينا.
آسر و ليلي ركبوا العربية و آسر كان بيأخد نفسه كل شوية بصوت عالي.
ليلي: حضرتك كويس؟!
آسر: عايزة ايه بصي قدامك.
ليلي لا رد.
بعد فترة وصلوا لمكان الاجتماع كان في مطعم غالي و شيك.
آسر و ليلي نزلوا و دخلوا المطعم.
ليلي: هما مش المفروض يجيوا الاول؟!
آسر: انا اعرفلك تعالي هنا.
آسر و ليلي قعدوا علي ترابيزة و كانوا قاعدين قصاد بعض.
ليلي: بتبصلي كدة ليه؟!
تليفون ليلي رن، الخط اتفتح.
ليلي: الو يا مستر متولي حضراتكوا فين؟!
ليلي: تمام يا مستر، و لا يهم حضرتك.
ليلي: انا هتكلم مع مستر آسر.
آسر: خير؟!
ليلي: بيعتذروا حصلهم ظرف مفاجئ.
ليلي كانت هتقوم تمشي بس آسر مسك ايديها و قعدها تاني.
آسر: بما اننا جينا يبقي نستفاد.
ليلي: و ازاي بقي؟!
آسر: اطلبي غداء.
ليلي: اعتبره اعتذار اللي انت بتعمله معاايا...
آسر: ليلي قومي امشي قومي.
ليلي(بضحك): خلاص.
آسر: شوفي عايزة تأكلي ايه؟!
ليلي و آسر كل واحد اختار اكلة ليهم. و كملوا باقي السهرة مع بعض...
-في مكان تاني...
عند صقر و طيف.
صقر كان بره المكتب و دخل لقي طيف فاردة دراعها علي الترابيزة و نايمة عليه وسط ورق كتير علي المكتب و شعرها جاي علي وشها...
صقر قرب منها و شد كرسي و قعد قدامها بالظبط و بدأ يشيل شعرها من علي وشها ببطء.
الباب اتفتح فجأة و زين دخل بسرعة.
زين(بصوت عالي): صقر مصيبة...
طيف اتخضت و قامت مفزوعة و كانت هتقع و هي علي الكرسي بس صقر شدها و قعدها علي رجله...
طيف كانت لسة في حالة صدمة من الخضة بتاعتها و مسكت في قميص صقر.
زين(باحراج): احم احم صقر.
طيف بصت ل زين و بصت ل صقر و بعدت عن صقر بسرعة و قامت وقفت.
طيف(بخجل): انا بعتذر لحضرتك.
صقر(بهدوء): خير يا زين؟!
زين: حد بيحاول يخترق ال system.
صقر(بعصبية): ازاي يعني؟!
صقر قام بسرعة و مشي و وراه زين و طيف.
طيف: ازاي ده يحصل؟!
صقر: ابعتلي صافي و مازن.
زين(بخوف): تمام.
زين: طيف روحي ناديهم بسرعة.
طيف مشيت بسرعة ناحية مكتب التخطيط و التطوير.
طيف: مستر مازن ممكن تيجي لحظة ضروري. صقر بيه عايزك...
مازن: تمام حاضر.
صافي حست بحاجة غريبة راحت وراهم...
كلهم راحوا اوضة التحكم الرئيسية مش اي حد يقدر يدخلها صقر بس الوحيد اللي يقدر يدخل ببصمته...
صقر فتح الاوضة و كلهم دخلوا وراه.
طيف(باندهاش): واو!
طيف(باحراج): احم اسفة. احنا بنعمل إيه هنا؟!
صقر: في حد حاول يخترق ال system جزئيا.
صقر: صافي انتي و مازن مسئولين عن تغيير البرمجة و هتعملوا تحديث...
صافي: حاضر يا فندم.
زين: بقترح نغير كلمة المرور.
صقر: هعمل كدة، اخرجوا كلكوا.
الكل خرج ما عدا طيف و صقر بدأ يغير كلمة المرور و طيف كانت بتحاول تشوف ايه هي كلمة المرور بس معرفتش.
صقر: يلا.
صقر خد طيف و خرجوا بره الاوضة و رجعوا المكتب.
صقر: لمي الفوضي دي علشان هنسهر علي المشروع ده في البيت.
طيف: تمام بس ممكن استفسار؟!
صقر: لا.
صفر خد الجاكت بتاعه و مشي و طيف خدت حاجتها و مشيت وراه.
طيف(بغيظ): بتجريني وراك يعني؟!
طيف مشيت مسافة و جمبها عربية صقر لغاية ما صقر وقف و طيف فتحت باب العربية و ركبت جمبه...
طيف(بكسل): هو رزق فين يا صقر؟!
صقر(بتريقة): هو رزق فين يا صقر؟!
طيف: يا حيوان بتقلدني.
صقر: رزق يا ستي في مكان امن انا وديته فيه.
طيف: طب ليه مكلمش معانا؟!
صقر: امان ل رزق.
طيف: صقر انت ليه حياتك مليانة بالغموض اوي كدة؟!
صقر: لانها حياتي حياة الصقر.
طيف: بتقولها عادي يعني.
صقر: عايزة إيه يا بت؟!
طيف: مش عارفة. بص. و لا اقولك خلاص.
صقر: تصرفاتك بتجننني يا طيف.
طيف: طبعا لاني مختلفة.
بعد فترة وصلوا للبيت و نزلوا هما الاتنين.
سارة(بلهفة): صقر.
صقر(ببرود): خير؟!
سارة: اتصلوا بيا هددوني.
طيف(بقلق): مين؟!
صقر بص ل سارة بسخرية و شد طيف من دراعها.
طيف: استني يا صقر نشوف مالها و ايه اللي حصل.
طيف: يا صقر اصبر.
صقر(بزعيق): بس بقي بس، اطلعي علي فوق.
صقر(بزعيق): علي فوق.
طيف سابت صقر و جريت علي اوضتها و رمت شنطتها و الورق اللي في ايديها علي السرير و حست بخنقة فطلعت التُراس...
تحت.
صقر(بغضب): انتي عايزة ايه؟!
سارة(بعياط): عايزة اكون معاك يا صقر. عايزة نرجع زي زمان...
صقر مسك رقبة سارة بغضب.
صقر(بغضب): ابعدي عني يا سارة ابعدي. انا نار و هتحرقك فاهمة.
صقر(بغضب): انتي هنا مجرد ضيفة كام يوم و هتغوري في داهية...
صقر رمي سارة علي الارض و طلع ل فوق.
آسر كان وصل لل?يلا و حط ايده في جيبه ببرود.
آسر: تؤ تؤ تؤ. مكانك في الارض دايما.
آسر: فاكرة انه هيرجعلك بعد اللي عملتيه.
آسر: اذا كانت علاقتنا انا و هو مرجعتش لحد دلوقتي انتي علاقتك معاه هترجع...
سارة: لان حبنا حقيقي.
آسر(بسخرية): مصدقة نفسك.
سارة: هنشوف يا آسر، صقر بيحبني انا.
سارة قامت وقفت و بصت ل آسر برفعة رأس...
آسر(بسخرية): مش عارف شايفة نفسك علي ايه؟!
سارة قربت من آسر و حاوطت رقبته بايديها و همست في ودنه بكلام كتير.
آسر زق سارة علي الحيطة بعصبية.
آسر(بعصبية): خيانتك افظع و مفيش حاجة هتبررها يا سارة.
آسر طلع علي اوضته و قفل الباب بغضب...
عند صقر.
صقر دخل اوضته لقي حاجات طيف مرمية علي السرير و ملقاش طيف...
صقر لقي ثعبان لونه اسود مرمي في الارض.
صقر(بصوت عالي): طيف!