رواية أسيرة لحصون قلبه للكاتبة سلسبيل كوبك الفصل السادس
طيف قامت و طلعت علي الكرسي علشان ترجع الملف مكانه.
فجأة النور قطع و طيف وقعت من علي الكرسي علي الارض و رأسها اتخبطت في الارض جرحها اتفتح و بدأت تحس بتقل رأسها و استسلمت للظلام.
عند صقر.
زين: في غريب.
صقر: خرج كل اللي موجود في الشركة.
زين: طيب.
صقر: و شغل الغاز.
زين: طيب.
صقر خرج هو و زين و مشيوا.
صقر: نانسي روحي شوفيلي البنت اللي كانت معايا في اوضة الملفات...
نانسي: حاضر.
نانسي جريت علي اوضة الملفات بسرعة و فتحت الباب القت نظرة سريعة مشافتش حاجة خرجت علطول بره الشركة.
صقر: اقفل كل الابواب يا زين الكتروني و الغاز يشتغل في كل اوضة من الاوض.
زين: كله حصل و دلوقتي زي ما عرف يدخل مستحيل يعرف يخرج.
صقر: تمام.
الكل خرج بره الشركة و هما مستنين هيحصل ايه.
عند طيف.
طيف بدأت تفوق و اول ما فتحت عينيها و خدت نفسها بدأت تتخنق من الغاز و قعدت تكح كتير.
طيف قامت بصعوبة و راحت ناحية الباب حاولت تفتحه معرفتش.
طيف(بصريخ): في حد هنا!؟ حد سامعني؟! الحقوني.
طيف(بصريخ): انا هنا حد يفتح، هموت.
الغاز بدأ يخنق طيف جامد و طيف بتحاول تقاوم لغاية ما حست بتعب في كل جسمها و اعصابها بقت سايبة.
طيف قعدت تصرخ و تخبط علي الباب كتير لغاية ما بدأت ترجع و تفقد توازن جسمها و وقعت في الارض قعدت علي الارض و اعصابها كلها سايبة و الغاز بيخنقها اكتر و اكتر.
بره.
زين: الحراس مسكوه با صقر.
صقر(بهمس): ابعتوه علي المخزن و انا بعد الشغل جايله.
زين(بهمس): تمام.
زين: جيبوه يلا.
صقر: الكل يمارس شغله عادي. يلا.
نانسي: طب الغاز يهدي يا صقر بيه.
صقر: الغاز مبقاش مضر في الحالة دي.
صقر سابهم و دخل الشركة و الكل بدأ يدخل وراه و بدأ يحصل عملية تنقية في الشركة كلها مكان مكان.
عند صقر.
صقر كان مستغرب من اختفاء طيف و فتح كاميرات اوضة الملفات لقي طيف مرمية في الارض بين الوعي و اللاوعي.
صقر قام بسرعة جري علي اوضة الملفات فتحها ببصمة ايده و دخل بسرعة.
كانت طيف خلاص هيغمي عليها و رأسه هتخبط في الارض صقر لحقها و مسك رأسها و جسمها قبل ما تقع في الارض.
صقر: طيف!؟
صقر شال طيف بين ايديه و خرج من اوضة الملفات و راح لاوضة مكتبه...
صقر: نادي دكتور شفيق بسرعة.
نانسي: حاضر يا فندم.
صقر حط طيف علي الكنبة الكبيرة اللي في مكتبه و بدأ يشيل شعرها من علي وشها.
صقر قام و دخل الحمام جاب برفيوم بتاعه و خرج رش علي ايده و بدأ يشممها.
طيف(بوجع): آآآه. امممم.
صقر: انتي. فتحي عينك يلا.
طيف كانت بتحاول تفتح عينيها ببطء و بصت لقت صقر جمبها بصت حواليها لقت نفسها في مكان غير اوضة الملفات.
طيف(بتعب): حصل ايه!؟
صقر: هو مش جهاز الانذار اشتغل متحركتيش ليه من مكانك.
طيف(بتعب): جهاز ايه انا مسمعتش حاجة، انا اللي فاكراه كنت برجع الملفات مكانها وقعت في الارض محستش بعد كدة الا و انا بفوق و لقيت ريحة غاز بتخنقني و قعدت انادي و اصرخ و محدش سمعني.
الباب خبط.
صقر: ادخل.
نانسي: دكتور شفيق يا صقر بيه.
صقر: دخليه.
شفيق: مساء الخير يا استاذ صقر. اؤمرني؟!
صقر: اختنقت بسبب الغاز و اغمي عليها.
شفيق: تسمحلي؟!
صقر قام من جمب طيف و شفيق بدأ يفحص طيف و قاس ليها الضغط و شاف النبض و غير علي الجرح بتاعها و كتب ليها دواء.
شفيق: الدواء ده تأخده كل يوم قبل ما تنام.
صقر: تمام.
نانسي: اتفضل يا دكتور.
صقر: قومي اتعدلي.
طيف قامت من علي الكنبة و قربت وقفت قدام مكتب صقر.
صقر: قبل ما تبقي سكرتيرة تانية ليا و تبقي مساعدة ل زين هتروحي ل نانسي تكسبك خبرة عن طبيعة شغلنا هنا.
طيف: تمام.
صقر طلب نانسي من التليفون و نانسي دخلت المكتب.
نانسي: نعم يا صقر بيه؟!
صقر: خديها علميها قواعد و اساسيات الشغل هنا و طبيعة شغلنا...
نانسي: حاضر يا فندم. اتفضلي معايا يا؟!
طيف: طيف.
نانسي: اتفضلي معايا يا انسة طيف.
طيف: تمام.
نانسي و طيف خرجوا و اتعرفوا علي بعض طيف كانت متوترة مع كل سؤال هي بتسأله ليها.
نانسي: تعالي بقي نشتغل يا طيف.
طيف: تمام.
نانسي و طيف بدأوا يشتغلوا و زين كان داخل لاوضة صقر بص ل طيف باستغراب و دخل ل صقر.
صقر: متسألنيش مين دي و انجز ابدأ الشغل.
زين(بغيظ): طيب.
-في مكان تاني...
عند قاسم.
قاسم كان في شركته بيشتغل.
قاسم مهندس معماري عنده 26 سنة. طوله متوسط و عيونه بني غامق و عنده غمازة في خده الشمال و بشرته باللون الابيض، جاد وقت اللزوم و باقي الوقت مرح و بيحب الضحك.
قاسم كان قاعد بيرسم مخطط و تليفونه رن...
الخط اتفتح.
قاسم(باستغراب): الو مين؟!
(باحراج): احم ممكن اكلم استاذ قاسم؟!
قاسم: ايوه مين حضرتك؟!
(باحراج): انا نيران زميلة ليلي.
قاسم: اه افتكرت. اهلا يا انسة نيران ليلي فيها حاجة؟!
نيران: لا لا هو الموضوع هو.
قاسم: اتفضلي.
نيران: انا كنت عايزة اعتذر لما زعقت لحضرتك و هزأتك كنت متعصبة و خايفة بعتذر.
قاسم: لا عادي و لا يهمك يا آنسة نيران.
نيران: شكرا و بعتذر عن الازعاج.
قاسم: لا مفيش حاجة.
نيران: تمام باي.
قاسم: باي.
عند نيران.
نيران(باحراج): اوف بقي ما هو كان لازم اعمل كدة.
نيران: بصي يا نيران انتي المفروض كنتي تعتذري و اهو اعتذرتي انسي بقي انسي.
الباب خبط.
نيران: ادخل.
مهرة: بكرة بليل جهزي نفسك ورانا حفلة.
نيران: حفلة ايه يا ماما؟!
مهرة: صاحب والدك عازمنا علي حفلة بمناسبة نجاح صفقة.
نيران: مبحبش الحفلات اللي زي دي يا ماما بعد اذنك فكك مني.
مهرة(بحدة): لا هتيجي و رجلك فوق رقبتك. و كمان ابوكي هو اللي قال مش انا.
نيران: ماشي اوف حاضر.
مهرة: احترمي نفسك.
نيران: قولت حاضر يا ماما.
مهرة: و البسي فستان كدة شيك و قصير حلو.
نيران: لا هلبس مايوه احسن في ايه يا ست ما تهدي كدة شوية.
نيران: لما يجي بكرة بقي.
مهرة: اوف طيب.
مهرة خرجت من اوضة نيران و نزلت ل تحت لقت نجلاء قاعدة بتتفرج علي التلفزيون.
نجلاء: نظرتك مش مطمناني لو جاية تعكنني عليا فامشي يا مهرة.
مهرة: انا عملت حاجة؟!
نجلاء: انا بقولك بس.
مهرة(بخبث): انتي جاية معانا بكرة؟!
نجلاء: ايوه.
مهرة(بخبث): طيب هطلع بقي اشوف فستاني.
مهرة: باي يا روحي.
مهرة سابت نجلاء و طلعت جري لاوضتها.
نجلاء: ربنا يهديكي يا مهرة.
-في مكان تاني...
عند محمد و آسر.
آسر: و بكدة الارباح هتزيد و هتزيد معاها نسبتنا في السوق.
محمد: فعلا عندك حق، بس لازم نحط خطة بديلة.
آسر: الخطة البديلة انا حطيتها بس الاول حضرتك توافق علي الفكرة.
محمد: انا موافق.
آسر: تمام كدة اتفقنا خد بقي وقع هنا.
آسر: ده علشان نزود النسبة و هعرضها علي مجلس الادراة.
محمد: و الشحنة اللي جاية دي؟!..
آسر: دي الميزانية بتاعتها قليلة مش هتستهلك وقت كبير و لا فلوس كتيرة...
محمد: تمام.
آسر: كدة خلصنا النهاردة بليل هيبقي في اجتماع مع مجلس الادارة هكون خلصت الموضوع ده ان شاء الله.
محمد: ايه اخبارك انت و صقر؟!
آسر: مهما عملت برضو مش هتغير اللي جوانا.
آسر لم الملفات و خدها و خرج من المكتب.
محمد اتنهد و طلع تليفونه اتصل ب نيران...
الخط اتفتح...
نيران: بابا حبيبي...
محمد: ازيك يا حبيبتي.
نيران: بخير الحمدلله.
محمد: مامتك قالتلك ان بكرة في حفلة!؟
نيران: ايوه.
محمد: تمام انتي عايزة حاجة؟!
نيران: لا يا حبيبي سلامتك.
محمد: تمام باي.
نيران: باي.
-في مكان تاني...
في القسم.
رفيف دخلت بتعيط جامد و بتصرخ.
ظابط(بعصبية): بس بقي خلاص.
رفيف(بعياط): عايزة محفظتي كان فيها فلوس كتير. حرام.
ظابط(بعصبية): طب بطلي عياط هو انا في عزاء؟!
رفيف(بعياط): انت بتزعقلي!؟
ظابط(بعصبية): بت انتي متعصبنيش.
ظابط كان عصبي و كان هيمد ايده علي رفيف.
رامي(بغضب): حسام؟!
حسام: رامي بيه.
رامي(بغضب): من امتي بنهين الناس بالشكل ده؟!
حسام: ما هي عصبتني يا باشا.
رامي(بغضب): و لو برضو.
رامي: تعالي ورايا...
رامي دخل لمكتبه و رفيف دخلت وراه و هي بتعيط.
رامي: اهدي و احكيلي حصل ايه؟!
رفيف(بعياط): انا كن.
رامي: اقعدي و اهدي الاول.
رامي ودي رفيف منديل و رفيف بدأت تمسح دموعها.
رفيف(بدموع): انا كنت خارجة من الشغل و مروحة فجأة واحد بموتسيكل شد مني شنطتي اللي كان فيها فلوس كتير هيمشوني الشهر. و كان فيها ورق مهم.
رامي: طب اهدي انتي دلوقتي. انا هتصرف.
رفيف: طب اعمل ايه؟!
رامي: بكرة الصبح حاجتك هتلاقيها معاكي.
رفيف: وعد؟!
رامي: وعد و الحاجة هتجيلك لغاية عندك.
رفيف: طيب شكرا.
رفيف كانت هتمشي بس رامي وقفها.
رامي(بتردد): احم اتفضلي.
رامي فتح محفظته طلع فلوس ل رفيف.
رفيف(بمقاطعة): لا ابدا مستحيل اوافق اخدهم ابدا. عن اذنك.
رفيف سابت رامي و جريت بره القسم و رجعت البيت مشي كان قريب منها شوية.
رفيف طلعت الشقة و اترمت في الارض تعيط خوف علي صاحبتها و علي اللي حصلها.
-في مكان تاني...
عند طيف...
نانسي: طلعتي سريعة الفهم برا?و...
طيف: انا بحب المجال ده.
نانسي: هدخل اسأل صقر بيه تقدري تستلمي وظيفتك امتي؟!
طيف: تمام.
نانسي دخلت ل مكتب صقر,طيف قعدت علي الكرسي بتعب و هي بتفكر في رفيف و فهد و خايفة عليهم و بتفكر تقوم تهرب بس مش عارفة حتى هي فين...
طيف(لنفسها): يا رب خليك معايا.
نانسي: خشي يا طيف.
طيف: تمام.
طيف دخلت ل مكتب صقر و فضلت واقفة مكانها.
صقر: قربي.
طيف قربت و وقفت قدام المكتب و صقر مرفعش عينه ابدا كان بيشتغل في ورق قدامه هو و زين.
صقر: زين دي هتبقي مساعدتك و السكرتيرة بتاعتي.
زين بص ل طيف من فوق ل تحت كذا مرة و بعدها لف ل صقر و بص عليه.
زين: براحتك يا صقر.
صقر: روحي مع زين هيوريكي مكتبك الجديد.
طيف: تمام.
طيف حست بدوخة قعدت علي الكرسي علطول...
زين: انتي كويسة يا انسة؟!
صقر(بحدة): انا سمحتلك تقعدي؟!
زين: اهدي يا صقر شكلها تعبانة.
طيف قامت و حاولت توازن نفسها و جسمها و بصت ل صقر...
طيف: اقدر امشي؟!
زين: تعالي معايا يا انسة طيف...
زين مشي و طيف وراه، زين ودي طيف لاوضة مكتبها الجديد...
زين: انا قصادك علطول.
طيف لقت نفسها في مكتب ازاز ظاهر كله ل مكتب صقر و ظاهر ل مكتب زين.
طيف(لنفسه): هو انا هفضل متراقبة كدة!
طيف: هو ده المكتب يعني هو.
زين: بصي تقدري تنزلي الستارة دي انا فهمتك...
طيف: شكرا لحضرتك.
زين: تمام. اكيد نانسي فهمتك الشغل هنا.
زين: من اول بكرة هيكون في لاب باسمك موجود هنا.
طيف: اوك...
زين: انطلقي.
زين ساب طيف و خرج راح ل مكتبه,صقر بص علي طيف و بدأ يشوف بتتعامل ازاي.
تليفون صقر رن صقر ابتسم بخسرية و فتح الخط.
صقر: من امتي كان في بينا مكالمات!؟
آسر: وديني طيف اكلمها اطمن عليها.
صقر: لا. معنديش حد بيشتغل و يتكلم في التليفون و انت اللي اخترت انها تشتغل عندي يبقي بقوانيني...
آسر(بغيظ): ماشي يا صقر...
صقر: باي.
بعد فترة طيف كانت بتشتغل فيها و نسيت الظروف اللي هي فيها و نسيت انها مخطوفة اصلا و كانت منشغلة في الشغل اللي كان نفسها تشتغله طول حياتها...
نانسي: هتروحي يا طيف؟!
طيف(بتردد): ها لا لسة.
نانسي: طيب يلا باي.
نانسي مشيت و بدأ الكل يمشي واحد ورا التاني و طيف مش عارفة تعمل ايه.
طيف قامت من مكتبها و بدأت تتسحب بره الشركة بهدوء بس فجأة لقت اللي بيمسكها من التي شيرت بتاعها من ورا و كانت هتقع لولا انها مسكت فيه.
صقر: الغباء صفة اساسية فيكي.
صقر: دي شركة صقر الجارحي يعني الدخول بحساب و الخروج بحساب يا انسة طيف.
صقر: قدامي.
صقر بص ل طيف و طيف بسرعة بدأت تجري صقر جري وراها و فضلوا يجروا في الشركة و مكنش في حد في الشركة.
طيف(بحدة): انت عايز مني ايه ده بدل ما تعقل اخوك و لا ابن عمك ده.
طيف(بحدة): هي بنات الناس لعبة لدرجة انكم تخطفوهم من بلادهم و مكانهم علشان بس تحققوا رغبتكم الحيوانية.
صقر: مش كفاية اني مشغلك عندي.
طيف(بحدة): انت هتذلني؟! و كمان انا مطلبتش منك تشغلني انت اللي وافقت.
صقر: طب قدامي نخرج بشياكة بدل ما اخرجك بطريقة متعجبكيش.
طيف: مش هخرج من هنا الا علي بيتي...
صقر: انتي عارفة انتي فين حتى؟!
طيف لا رد.
صقر: انتي في الاسكندرية يعني من هنا لحد بيتك هتمشيها مثلا.
طيف: ايوه.
صقر: غبية.
صقر جري ناحية طيف و شدها ناحيته بس وقعوا هما الاتنين في الارض.
زين(باستغراب): صقر!
صقر زق طيف بغضب بعيد عنه. و قام وقف و حط ابده في جيبه و حافظ علي هدوءه.
صقر: يلا بينا.
صقر بص ل طيف بتحذير و خرج بره الشركة و هي وراه.
زين: انا مش فاهم حاجة ايه ده في ايه؟!
صقر ركب الموتسكل و طيف ركبت وراه و بدأ يسوق ناحية ال?يلا. و لما وصلوا كان آسر وصل هو كمان.
آسر: حبيبتي طيف.
آسر قرب من طيف و حاوط وشها و باس رأسها.
طيف(بحدة): ابعد عني. ده انتوا ايه ده؟!
طيف سابتهم و طلعت اوضتها قفلت الباب و اترمت علي السرير تعيط علي اللي بيحصل ليها.
آسر(بغضب): عملتلها ايه؟!
صقر: و لا اي حاجة.
آسر: و المفروض اصدقك؟!
صقر: حد طلب منك كدة!؟
صقر لسة هيدخل ال?يلا آسر شده بغضب معاه لورا ال?يلا.
صقر: مش عايز.
آسر(بغضب): و انا عايز.
آسر دخل ب صقر ل حلبة مصارعة و رمي ل صقر قفازات الايد و بدأ يلبس بتوعه.
و الاتنين وقفوا قدام بعض كل واحد بيبص للتاني بمشاعر مختلفة عن التاني.
آسر(بغضب): اضرب...
صقر(بهدوء): دايما لازم اخلي عدوي يبدأ بالخطوة الاولي علشان لما تيجي ضربتي تكون قاضية.
آسر بص ل صقر بغضب و صقر بصله بتحدي و بدأوا يضربوا بعض.
آسر ضرب صقر في وشه و صقر ردله الضربة,و فضلوا كدة ل فترة.
انتصار(بحدة): ايه اللي بيحصل هنا؟!
آسر: بنتمرن.
انتصار: و هو انا لو شايفة انكم فعلا بتتمرنوا كنت هأجي ازعجكم اصلا. انتوا بتقتلوا بعض بالبطئ.
آسر: احسن علشان ارتاح منه.
آسر: مش عارف عايش ليه هو و امه يعني؟! اي.
صقر عند الجملة دي غضب من آسر و شده ناحيته و بدأ يضرب فيه انتصار حاولت تدخل معرفتش.
انتصار(بصريخ): حد يلحقنا.
عند طيف.
طيف قامت خدت دوش و خرجت تغير هدومها.
طيف لبست بنطلون بيتي ابيض و فوقه تي شيرت اسود ب ¾ كم لغاية الخصر و سيبت شعرها علي ضهرها.
طيف لسة هتروح علشان تنام سمعت صوت صريخ قامت بسرعة و نزلت ل تحت لقت الصريخ من بره ال?يلا خرجت جريت و بدأت تروح ناحية الصوت.
انتصار: نادي حد من الامن بسرعة هيقتلوا بعض.
طيف وقفت مش عارفة تتصرف و راحت ناحيتهم هما الاتنين و بدأت تشد كل واحد بعيد عن التاني.
طيف(بعصبية): هتستفادوا ايه يعني؟! وسع منك ليه كدة!؟
صقر زق آسر بغضب بعيد عنه و سابهم لسة هيمشي طيف مسك دراعه بس هو شد دراعه بعنف من ايديها.
انتصار: صقر يا صقر.
آسر(بغضب): روحي وراه ما تروحي.
طيف حاوطت وش آسر بين ايديها تشوف جروحه مسكت ايده و مشيت بيها ناحية ال?يلا قعدته علي الكنبة.
طيف: ممكن تلج و علبة الاسعافات؟!
انتصار: حاضر لحظة.
طيف: اهدي الغضب مش هيفيدك في المواقف اللي زي دي...
انتصار: خدي يا بنتي.
طيف: شكرا.
طيف بدأت تحط تلج علي جروح آسر اللي اتوجع و مسك ايديها...
طيف: اهدي اهدي.
طيف بدأت تمسح الدم من علي وش آسر و تحط لازق طبي علي جروحه.
طيف: كدة افضل.
طيف: حاسس بوجع؟!
آسر(بحدة): لا.
طيف: تمام.
طيف: تقدر ترتاح و يا ريت متفكرش في اي حاجة و نام علطول.
طيف كانت هتقوم آسر مسك ايديها و باسها و قربها منه.
طيف: انا عايزة انام.
طيف سابت آسر و طلعت لاوضتها اول ما قعدت علي السرير بصت علي ايديها اللي صقر شدها كانت بتوجعها اوي حصلها التواء صقر لما شد دراعه من ايديها التف كف ايديها مع دراعه حصل التواء.
طيف(بدموع): يا رب توب عليا يا رب.
طيف حطت رأسها علي المخدة و ضمت نفسها.
طيف(بدموع): يا تري عاملين ايه دلوقتي؟!
طيف(بدموع): يا رب بقي عايزة ارجع ارجوك.
طيف غمضت عينيها و بدأت تروح في النوم.
عند آسر...
آسر كان غضبان و طلع لاوضته رمي جسمه علي السرير و حط ايده علي عيونه بتعب و غمض عينيه و بدأ يحلم و هو نايم...
عند صقر.
صقر لما سابهم خرج ركب عربيته بغضب و ساقها بأقصي سرعة عنده و بدأ يمشي في طرق ضلمة و مخيفة مختلفة.
صقر وقف العربية بسرعة فجأة لما...
السؤال: يا تري هيحصل ايه؟! خمنوا????.