رواية أسيرة لحصون قلبه للكاتبة سلسبيل كوبك الفصل السادس والعشرون
طيف جريت علي مكتبها و صقر راح ناحية التليفون.
الخط اتفتح.
صقر: الو...
: اخوك عندنا تحب تأخده جثه و لا تيجي و تجيب 5 مليار دولار معاك.
صقر: مين معايا؟!
: العنوان هنبعته ليك. باي.
: قدامك لبكرة الصبح و اخوك هيشرف معانا النهاردة.
صقر رمي التليفون علي المكتب بعصبية و مسك اللاب توب بتاعه...
عند طيف...
الباب خبط.
طيف: ادخل.
مازن: هاي انسة طيف...
طيف: اتفضل.
مازن: انا عملت حاجة كدة بمناسبة وجودك معانا في الشركة يا رب تعجبك.
طيف: ايه هي؟!
مازن: السلسة دي والدي عنده مصنع بحب اشتغل معاه فعملت دي ليكي يا رب تعجبك.
طيف: واو حلوة اوي بجد تسلم ايدك.
طيف: ميرسي.
مازن: عجبتك؟!
طيف: اوي.
مازن: ايه رأيك نبقي اصحاب؟!
طيف: موافقة.
طيف قعدت تتكلم مع مازن فترة و بعدها مازن قام وقف.
مازن: مبسوط انها عجبتك. عن اذنك علشان همشي تحبي اوصلك معاياا؟!
طيف: لا ميرسي. هوصل انا.
طيف: ورايا شغل هقعد نص ساعة كدة.
مازن: تمام باي، اشوفك بكرة.
مازن خرج من عند طيف و طيف قامت دخلت مكتب صقر لقته مندمج مع اللاب توب بتاعه و تعابير وشه مش مبشرة بخير...
طيف حطت ايديها علي كتف صقر,صقر رفع رأسه ليها و بعدها بص علي اللاب.
طيف: مالك؟!
صقر: مفيش. هكلملك السواق يوصلك البيت.
صقر: و لما توصلي تطمنيني...
طيف: مالك يا صقر في ايه؟! انت غريب اوي دلوقتي.
صقر(بحدة): قولتلك مفيش حاجة.
صقر فتح درج مكتبه و طلع تليفون حطه علي المكتب.
صقر: ده موبايلك الجديد فيه ارقام الناس اللي بتتعاملي معاهم حاليا...
صقر: يلا امشي السواق مستنيكي تحت.
طيف(بعناد): ورايا شغل.
صقر(بعصبية): يا ستي ينعل ابو الشغل، المهم دلوقتي ترجعي البيت امان ليكي.
طيف مسكت الموبايل و سابت صقر و دخلت مكتبها قعدت فيه تكمل شغل.
عند صقر.
صقر طلع تليفونه و اتصل بحد، الخط اتفتح.
صقر: ازيك يا معتصم.
معتصم: ايه يا باشا اخبارك ايه؟! عاش من شافك.
صقر: مش مهم دلوقتي. اسمعني.
معتصم: قول.
صقر: آسر اتخطف.
معتصم: ازاي؟!
صقر: مش مهم.
صقر: هبعتلك مكان تأخد الرجالة و تجيبوا آسر.
معتصم: و انت عرفت منين انه هناك؟!
صقر(بعصبية): معتصم فوق انت لسة نايم؟!
معتصم(بخضة): لا قومت اهو قومت، اقفل اقفل.
صقر: طيب.
عند معتصم.
معتصم: كان مال امي انا بيك يا صقر ده ايه ده؟!
معتصم قام بسرعة دخل الحمام غسل وشه و طلع غير هدومه.
معتصم طلع تليفونه و اتصل بشخص. الخط اتفتح
معتصم: جهز الرجالة هنتحرك بعد عشر دقايق.
معتصم: -شاب مرح عنده 27 سنة,يبقي صديق صقر من ايام الطفولة بس بعد ما كبروا مبقوش يتقابلوا كتير بس صقر بيوكلهُ في الحاجات اللي زي خطف آسر احيانا. بيحب صقر و بيعتبره اخوه و بينهم صداقة حلوة. يعتبر عاطل عن العمل مع انه عنده شركة والده سابها ليه قبل ما يموت بس مخلي حد يمشي ادارة الشركة بدلا منه وهو بيقعد في بيته و بيهرج و بيسافر علي مزاجه. طوله متوسط,بشرته قمحاوية, عيونه باللون العسلي, شعره اسود.
معتصم خرج من ال?يلا بتاعته و ركب عربيته و خرج بعدها كان وراه عربيات كتير فيها حراس.
معتصم فتح تليفونه و دخل علي الموقع اللي صقر بعته...
معتصم: جاي ليكوا يا حبايبي يا حلوين.
معتصم زود سرعته و وصل للمكان اللي صقر بعته في وقت قصير و نزل من العربية.
معتصم: حاوطوا المكان. و انتوا تعالوا معايا.
معتصم مسك سلاحه في ايده و بدأ يقتحم المكان.
و بدأ يحصل ضرب نار متبادل رجالة معتصم خلصوا عليهم,معتصم بدأ يدور علي آسر.
معتصم: آسر انت هنا؟! يا ابني.
حارس: يا بيه.
معتصم: ايه؟!
حارس: آسر بيه مغمي عليه في الاوضة دي...
معتصم جري علي الاوضة اللي الحارس شاور عليها لقي آسر مرمي في الارض بينزل دم من انفه.
معتصم(بزعيق): حد يجي هنا بسرعة.
معتصم و حارس تاني سندوا آسر و خرجوا معتصم حط آسر في عربيته و اتحرك بيها ناحية المستشفي.
معتصم طلع تليفونه و اتصل ب صقر.
صقر: ها يا معتصم؟!
معتصم: معايا اهو بس هنروح المستشفي.
صقر: ليه؟!
معتصم: مغمي عليه.
صقر: طب ابعتلي عنوان المستشفي. باي.
عند صقر.
صقر قام من علي الكرسي بتاعه و لبس جاكت البدلة و خد حاجته و خرج بره المكتب...
صقر قفل الشركة كلها الكتروني و ركب عربيته و راح ناحية المستشفي.
عند طيف.
طيف لقت فجأة النور قطع في مكتبها اتخضت...
طيف: اوف و هو ده وقته.
طيف: هقوم اشوف صقر.
طيف قامت فتحت باب مكتبها لقت كل المكتب ضلمة.
طيف: صقر؟! يا صقر.
طيف: صقر.
طيف جريت علي اوضتها مسكت تليفونها و شغلت الكشاف و بدأت تمشي في الطابق اللي فوق بخوف,الاسانسير مقفول و الانوار مطفية و كل الابواب الازاز مقفوله برمز الكتروني.
عند صقر.
معتصم بعت ليه المكان و صقر راح علي المستشفي و دخل علطول.
صقر: ها يا معتصم ايه الاخبار؟!
معتصم: ارتفاع ضغط الدم عنده...
صقر: طب و هو عامل ايه دلوقتي؟!
معتصم(بمرح): و هي عاملة ايه دلوقتي و مين هون عليها الوقت؟!
صقر(بعصبية): و هو ده وقته يا بغل انا.
معتصم: انا اسف يا باشا.
معتصم: هو كويس متقلقش ودوه حقنة مهدئة.
صقر: شكرا يا معتصم.
معتصم: كدة حاف؟!
صقر: اجي ابوسك يعني. ده انت مقرف.
صقر دخل لاوضة آسر و قرب من سريره,صقر حط ايده علي رأس آسر و وطي باس رأسه...
صقر: انا السبب يا آسر في ده. سامحني.
صقر خرج بره اوضة آسر و خرج قعد علي الكرسي جمب معتصم.
صقر طلع تليفونه و اتصل بحد، الخط اتفتح.
صقر: الهانم جت؟!
ميرا: لا يا باشا لسة.
صقر: ازاي يعني؟!
ميرا: مجتش و الله.
صقر: طب الزفت السواق جه؟!
ميرا: لا برضو.
صقر: اقفلي.
صقر اتصل ب السواق، الخط اتفتح.
صقر: انت فين؟!
السواق: تحت الشركة زي ما حضرتك امرتني يا بيه...
صقر: طيف منزلتش؟!
السواق: لا الهانم منزلتش يا بيه.
معتصم: في ايه يا صقر؟!
صقر: طيف.
صقر جري علي بره المستشفي و معتصم راح وراه.
عند طيف.
طيف كانت خايفة اوي و حست ان في حاجة في الشركة غريبة...
طيف محستش بالشخص اللي واقف وراها و بيبص ليها.
: خرج يا بيه و هي مخرجتش معاه.
حسام: متأكد؟!
: ايوه يا بيه. و قفل الشركة كلها.
حسام: امشي انت.
: حاضر.
حسام: طيف.
طيف(بخضة): يا ماما.
طيف التليفون وقع منها و لفت ل حسام بخوف.
طيف: انت انت بتعمل ايه هنا؟!
طيف: رد.
حسام: جايلك.
طيف: اقف عندك اياك تقرب اياك تقرب.
حسام: ليه بس يا طيف؟!
حسام كان بيقرب من طيف و طيف بترجع ل ورا بخوف.
طيف: انت ازاي جيت هنا؟!
حسام: لقيت صقر سابك و مشي قولت ينفع يعني كدة انا اسيبك.
طيف: انت مجنون مريض.
تليفون طيف قعد يرن و طيف بدأت تعيط بس بتمسح دموعها و حسام بيقرب منها اكتر.
طيف سندت علي الباب الازاز و حسام حط ايديه جمب رأس طيف و بيبص عليها.
طيف: ابعد كدة. حرام عليك انت بتعمل كدة ليه؟!
حسام: عِند في صقر.
طيف: طب و انا ذنبي ايه؟!
حسام: انك مراته.
حسام قرب من طيف و قال كذا كلمة في ودن طيف خلاها تتصدم و فتحت عينيها علي آخرهم.
طيف زقت حسام و جريت ناحية الموبايل بس حسام زقها علي الارض.
طيف: ابعد عني بقي يا اخي انت ايه؟! مريض انت مريض.
طيف بدأت تزحف لورا علشان توصل للموبايل حسام شدها جامد من رجليها.
طيف(بعياط و صوت عالي): بس بقي.
حسام ضرب الارض جمب رأس طيف بغضب و طيف قعدت تعيط بتعب و خوف.
طيف(بعياط): حرام بقي حرام عليك...
حسام: تعالي معايا...
حسام قام و شد طيف معاه.
طيف(بعصبية): سيبني بقولك سيبني يا حيوان.
طيف بدأت تضرب حسام علي ضهره بغضب لكنه مسبهاش و دخلها اوضة مكتب صقر...
عند صقر...
معتصم: اهدي يا صقر في ايه براحة سوق براحة هنعمل حادثة...
صقر(بغضب): لو بس لمسها لاكون قاتله.
معتصم: هي مين دي؟!
معتصم: و كمان هي مش الشركة بتتقفل الكتروني بليل و محدش بيقدر يدخلها.
صقر: ما انت تعرف ان حسام بيفهم في مجال العمل بتاعي و قدر يخترقه بكل سهولة...
معتصم(بصدمة): حسام خرج من مستشفي الامراض العقلية؟! ازاي!؟
صقر: مش مهم المهم اني الحق طيف...
معتصم: و مين طيف دي كمان؟!
صقر(بعصبية): معتصم مش وقته اخرس.
صقر وقف قدام الشركة و دخلها بسرعة و معتصم وراه.
صقر: طيف طيف.
بدأت كل الانوار ترجع للشركة و كل الابواب تتفتح.
معتصم: طب اتصل بيها كدة.
صقر اتصل ب طيف و سمع صوت التليفون راح ناحيته لقاه مرمي في الارض.
معتصم: شكلها فعلا هنا.
صقر جري علي مكتب طيف ملقهاش فيه فتح باب مكتبه.
صقر(بلهفة): طيف!
صقر لقي طيف قاعدة علي سلمة جمب الازاز اللي في اوضة صقر و بتعيط...
طيف(بعياط): خلي بالك.
حسام: كدة يا طيف بوظتي المفاجاة بتاعتي لابن عمي...
حسام كان ورا صقر و حاطط مسدسه علي رأسه.
حسام: عجبتك المفاجاة.
صقر لا رد، كان بيبص ل طيف اللي بتعيط و بس.
معتصم جه من ورا حسام و ضربه بضهر مسدسه فوقع في الارض من أثر الضربة.
طيف قامت وقفت و جريت علي صقر و هي بتعيط و هو راح عليه و حضنها.
صقر: هشششش. خلاص اهدي انا موجود.
طيف(بعياط): كنت فين؟!
صقر: انا آسف خلاص انا اهو موجود متقلقيش.
صقر: خلي حراسك يجيوا ينقلوه ل بيته يا معتصم...
معتصم لا رد.
صقر(بعصبية): معتصم.
معتصم: ها؟! مين دي يا صقر؟!
صقر(بعصبية): و هو ده وقته؟!
طيف(بخوف): مين ده؟!
صقر: مش مهم.
صقر و طي شال طيف بين ايديه و خرج بره المكتب.
معتصم: استني استني يا ابني طب اعمل ايه في المصيبة دي.
صقر: اتصرف و تعالي علي ال?يلا بعد ما تخلص...
صقر خرج من الشركة و حط طيف في العربية و لف ركب و رجع علي ال?يلا...
صقر: خلاص بقي اهدي متعيطيش.
طيف: ده بيطلعلي زي العفريت في الضلمة ده بيخوفني اكتر ما انت بتخوفني...
صقر: ايه ده هو انا بخوفك؟!
طيف: ايوه لما بتقلب وشك.
صقر: و من امتي و انتي بتخافي ده انتي لسانك طوله مترين.
طيف: اتريق اتريق.
صقر: طب انزلي يا اختي.
طيف نزلت من العربية هي و صقر و صقر مسك ايديها و دخلوا ال?يلا...
طيف: اوف الحمدلله انها نايمة.
صقر: طب يلا قدامي علي فوق.
صقر و طيف طلعوا اوضتهم,طيف قعدت علي السرير بتعب,صقر دخل جاب ليها هدوم و حطهم جمبها علي السرير.
صقر: غيري هدومك و انا هدخل اغير هدومي.
طيف بدأت تغير هدومها طيف لبست بيجامة قماشها شبه الحرير باللون الاسود و فيها ورود باللون الاحمر كتير و سيبت شعرها علي ضهرها.
طيف حطت هدومها في سلة الغسيل و راحت قعدت علي السرير بتعب,صقر خرج من الحمام و قعد جمبها.
طيف: ايه؟!
صقر: ايه؟!
طيف: ايه؟!
صقر: ايه انتي؟!
طيف: اوف هنام.
صقر: نامي.
طيف حطت رأسها علي المخدة و بدأت تغمض عينيها صقر شدها ناحيته بهدوء و حاوطها بايده و باس رأسها.
طيف: شكرا.
صقر: علي؟!
طيف: انك بتيجي دايما في اللحظات الاخيرة تنقذني. شكرا لاهتمامك بيا شكرا انك موجود حتى و لو لفترة بسيطة في حياتي. بس هي فترة حلوة...
طيف: لانه مصيري ارجع لبيتي.
طيف غمضت عينيها و نامت في حضن صقر,صقر ولع سيجارة و بدأ يشربها بس طيف قعدت تكح و هي نايمة صقر طفاها.
صقر بعد عن طيف و نزل ل تحت لما معتصم بعتله رسالة.
معتصم: مين دي بقي يا عم؟!
صقر: مراتي يا معتصم.
معتصم(بصدمة): نعم؟!
صقر: اللي سمعته، قولي عملت ايه في حسام؟!
معتصم: رميته قدام بيته...
صقر: هحتاجك الفترة اللي جاية يا معتصم.
معتصم: رقبتي سدادة. بس ازاي اتجوزت!؟
صقر: تعالي هحكيلك.
صقر بدأ يحكي بالمختصر اللي حصل ل معتصم.
معتصم: طب و انت حبيتها؟!
صقر: لا طبعا يا معتصم اصلا آسر كان باصص ليها انا مش هبص لحاجة اخويا باصص ليها.
معتصم: حتى بعد اللي عمله؟!
صقر بص ل معتصم بهدوء مخيف...
صقر: هي مجرد بنت غلبانة آسر دخلها في حياتنا ملهاش هي في المشاكل. في اقرب وقت هترجع لبيتها...
معتصم: طب استأذن.
صقر: ما تبات؟!
معتصم: لا نبقي نتقابل بقي.
صقر: ماشي.
-في الصباح الباكر...
في القصر...
كان محمد في اوضة مكتبه و الباب خبط.
محمد: ادخل.
نجلاء: محمد عايزة اتكلم معاك.
محمد: ادخلي.
نجلاء: انا مش عاجبني الحالة دي ابدا يا محمد. ولادي في حتة و انا في حتة.
محمد: بس دي حريتهم. و كمان انا لو بعدتهم عن هنا ف ده علشان آسر يبطل يسمع كلام مهرة و صقر ميعملش خناقة و مشاكل.
نجلاء: بس متنساش انك هددتهم يا محمد و ده مش موضوعنا.
نجلاء: بما ان صقر متجوز فلازم مراته تتعرف علينا و نتعرف عليها...
نجلاء: لازم مراته تعيش وسطينا اصل ممكن تبقي حامل او كدة و كمان بقي كفاية اوي السنين اللي صقر كان بعيد عني فيها.
نجلاء: لازم يستقروا هنا و القصر واسع و كبير.
نجلاء: و لا انت ايه رأيك؟!
محمد: اتكلمتي مع صقر؟!
نجلاء: قولتله انه لازم يجيبها و يجي في يوم.
محمد: لما يجي نبقي نعرض عليه الفكرة.
نجلاء: ماشي.
نجلاء: هقوم انا.
محمد: احم نجلاء.
نجلاء: حاجة بخصوص صقر و آسر؟!
محمد(بتنيهدة): لا بس.
نجلاء: عن اذنك.
نجلاء سابت محمد و خرجت بره اوضة المكتب و طلعت لاوضة نيران.
نجلاء: يا نيران اصحي يلا. نيران.
نجلاء: نسيتي شغلك. يا بنتي.
نيران(بنوم): اجازة و الله اجازة.
نجلاء: متأكدة؟!
نيران: اه و الله سيبيني انام بقي...
نيران حطت البطانية على وشها و كملت نوم.
نجلاء: ربنا يحفظك.
نجلاء نزلت ل تحت لقت مهرة قاعدة علي اعصابها.
نجلاء: خير؟!
مهرة: سيبيني يا نجلاء.
نجلاء: براحتك.
عزة: نجلاء هانم.
نجلاء: ايه؟!
عزة: مؤمن بيه جه ل محمد بيه.
مهرة و نجلاء بصوا ل بعض بصدمة.
مهرة: ازاي؟! اكيد في حاجة.
نجلاء: مجيته بخراب اكيد.
عند محمد.
محمد: خير يا مؤمن؟!
مؤمن: جاي اقولك ان لازم حد يوقف حسام و صقر؟!
محمد: حسام و صقر؟! ازاي بقي؟!
مؤمن: صقر ابنك بيلعب مع حسام و حسام انت عارفه غبي مش بيفكر كويس.
محمد: مش جايبه من بره.
محمد: مش انت اللي زرعت جواه الكره ناحيتي انا و ولادي...
مؤمن: مش مهم دلوقتي المهم، صقر رمي حسام قدام باب البيت المرة دي المرة الجاية مش عارف ممكن يعمل ايه.
محمد: و اكيد حسام هو اللي بدأ معاه، صقر مش عدواني خالص...
مؤمن: لازم نتصرف بسرعة يا محمد.
محمد: تمام هتكلم مع صقر انا...
مؤمن: همشي دلوقتي. باي.
مؤمن خرج بره اوضة المكتب لقي نجلاء و مهرة.
مؤمن: ازيك يا نجلاء؟!
نجلاء: في نعمة الحمدلله...
محمد(بحدة): نجلاء تعالي، اعتقد خلصت اللي انت جاي علشانه يا اخويا صح...
مؤمن: باي.
محمد: و انتي يا مهرة اطلعي علي اوضتك...
مهرة: حاضر...
محمد(بحدة): حسك عينك الاقيكي واقفة معاه تاني.
نجلاء بصتله باستغراب كبير و سابته و مشيت...
-في مكان تاني...
عند رفيف.
رفيف صحيت بدري و قامت دخلت للمطبخ بعدها حست بحد جاي عليها، رفيف مسكت السكينة و حطتها ورا ضهرها...
رامي: صباح الخير...
رفيف: انت بتعمل ايه هنا؟!
رامي: افندم!
رفيف: ازاي دخلت الشقة؟!
رامي: يا هبلة مش احنا انا و عائلتي بيتنا معاكي امبارح.
رفيف: اه صح نسيت.
رامي: يالهوي يعني انتي مصحتيش لقيتي امي جمبك.
رفيف: مبركزش الله.
رامي: هبلة. اومال لما تتجوزي هتعملي ايه؟!
رفيف: هعمل صينية بطاطس ليك فيه...
رامي: خلاص ده انتي دبش...
رفيف: انا! ده انا نسمة...
رامي: اخرسي كدابة اوي...
رفيف: متشكرة.
رفيف: تصبح علي خير.
رامي: لحقتي تصحي؟!
رفيف: ملكش فيه بقي اطلع من دماغي عايز تأكل اعملك تأكل متعمليش فيها مكسوف بقي.
رفيف دخلت اوضتها كملت نوم و رامي ضحك عليها و علي تصرفها...
رامي دخل اوضته غسل وشه و ظبط نفسه و خرج بدأ يعمله فطار خفيف و نزل علي الشغل بعد ما بعت ماسدج ل عائلته مضمونها و انا راجع من الشغل هأخدكم...
-في مكان تاني...
عند قاسم...
قاسم: مخبية ايه يا ليلي؟!
ليلي: و الله مش مخبية حاجة.
قاسم: هحاول اصدقك يا ليلي هحاول.
ليلي: معلش تعالي علي نفسك.
قاسم: اخبار بابا و ماما و نيران و الشغل؟!
ليلي: بص كله كويس يا معلم.
قاسم: يا رب فعلا...
الباب خبط...
قاسم: ادخل.
رعد: السلام عليكم...
قاسم و ليلي: عليكم السلام.
وعد: ادويتك ده اولا.
قاسم: ثانيا؟!
وعد: بيقولوا انك بتشتري اكل من بره و مش بتاكل اكل المستشفي.
قاسم: و هو اكل المستشفي ده اكل اصلا؟!
وعد: بعد كدة مفيش غير اكل المستشفي و كلامي هو اللي هيتسمع فاهم.
قاسم: لا.
ليلي: يا قاسم متعاندش.
وعد: بص بقي شكلي اتساهلت معاك كتير، مفيش غير اللي انا اقول عليه يتنفذ و بالحرف الواحد.
قاسم: روحي العبي بعيد...
وعد: شايفة اخوكي يا استاذة شخص مهمل...
ليلي: اسفة لحضرتك هو علطول كدة للاسف معلش...
وعد: خليه يحترم نفسه شخص قليل الحياء و الادب.
وعد سابتهم و خرجت بره الاوضة.
ليلي: بتعاند ليه يا قاسم؟!
قاسم: بحب اشوفها و هي متعصبة بتبقي طفلة غبية.
ليلي: ايه ده ايه ده؟! وقعت يا قاسم؟!
قاس: مش وقعت بس اعجاب ممكن نتجوز ليه لا...
ليلي: و نيران؟!
قاسم: دي العشق كله و الله يا بنتي صنفكوا كله قمر و عسل كدة لما بتكونوا مطيعين بس.
ليلي: يا ابني اتهد ده انت ايه ده؟!
قاسم: مش بقدر الله.
ليلي: معلش حاول. هروح انا...
قاسم: طيب يلا باي.
ليلي: باي.
-في مكان تاني...
عند صقر و طيف...
طيف بدأت تفتح عيونها لقت صقر نايم,طيف بصت علي المنبه لقت انها متأخرة.
طيف: صقر صقر صقر يلا قوم يا ابني.
صقر فتح عينه و قام قعد علي السرير.
صقر: عايزة ايه؟!
طيف: اتاخرنا علي الشركة.
صقر: ورايا مشوار روحي انتي بالسواق.
طيف: مشوار ايه؟!
صقر: و انتي مالك؟!
طيف قامت دخلت الحمام و غسلت وشها و خرجت تغير هدومها...
طيف لبست بنطلون اسود و فوقه تي شيرت باللون الاسود بكم و لبست كوتشي ابيض عالي نوعا ما و سيبت شعرها علي ضهرها و حطت مكياج خفيف...
صقر: اخرجي علشان اغير...
طيف خدت جاكت باللون الجملي و خرجت بره ال?يلا و كانت متعصبة.
طيف: انت السواق؟!
السواق: اه يا هانم.
طيف ركبت جمب السواق و بصت ل قدام.
طيف: اطلع.
بعد فترة طيف وصلت للشركة شكرت السواق و طلعت ل مكتبها...
-طيف قعدت تشتغل و تشتغل كتير بس صقر مجاش و حاولت تنسي الموضوع لغاية ما خلصت شغل بدري.
نانسي: هتمشي؟!
طيف: اه.
نانسي: طب خلي بالك من نفسك.
طيف: ماشي يا قمري.
طيف نزلت من الشركة ركبت العربية و كانت طول الطريق حاسة بصداع.
بعد فترة وصلت لل?يلا.
طيف: شكرا ليك...
طيف نزلت و دخلت ال?يلا لقت مها في وشها...
طيف: مها صقر هنا؟!
مها: مخرجش اصلا يا هانم.
طيف: و سارة دي؟!
مها: فوق...
طيف: تمام.
طيف طلعت الدور التاني و مشيت في الممر لغاية ما قربت من اوضتها سمعت صوت ضحك حست بنفسها اتخطف منها و حطت ايديها علي قلبها لانه بدأ يوجعها...
طيف فتحت باب الاوضة ببطء و لعنت نفسها مليون مرة...
سارة: طيف؟! ليه جيتي بدري كدة؟!
طيف كانت بتبص ل صقر اللي اتفاجئ في الاول و بعدها بص ليها ببرود.
صقر: هو الواحد ميعرفش يأخد راحته في البيت مع اللي بيحبه و لا ايه؟!
صقر: اخرجي يا طيف من الاوضة و لما اخلص مع سارة ابقي اناديكي.
سارة: خدي الباب في ايدك...
طيف الصداع زاد في رأسها لدرجة انها حست بأن كل اطرافها اتجمدت و كانت هتقع بس سندت علي ترابيزة جمب الباب.
بس فجأة كل حاجة علي الترابيزة وقعت مع جسم طيف اللي وقع في الارض مغمي عليها.