رواية أسيرة لحصون قلبه للكاتبة سلسبيل كوبك الفصل السابع والعشرون

طيف الصداع زاد في رأسها لدرجة انها حست بأن كل اطرافها اتجمدت و كانت هتقع بس سندت علي ترابيزة جمب الباب.
بس فجأة كل حاجة علي الترابيزة وقعت مع جسم طيف اللي وقع في الارض مغمي عليها...
سارة(بضيق): و هو ده وقته.
صقر: اخرجي يا سارة.
صقر قام وطي ناحية طيف بدأ يشوف نبضها شالها بين ايديه و راح ناحية السرير.
صقر(بحدة): مش قولتلك قومي لو ماتت هتبقي مصيبة علينا.

سارة قامت من علي السرير و صقر حط طيف علي السرير.
صقر: بره قولتلك بره.
سارة: من امتي و انت بتخاف يا صقر؟!
صقر مسك سارة من دراعها و خرجها بره الاوضة و قفل الباب,صقر قرب من طيف قلعها الكوتشي و رماه في الارض و جاب كرسي و قعد قدام طيف و طفي كل الانوار...
-بعد فترة كبيرة...
طيف بدأت تفوق و كل اللي حصل مستحضر في رأسها حطت ايديها علي رأسها بتعب.
صقر: طيف.

طيف لفت رأسها لقت صقر قاعد علي كرسي و في ضوء بسيط مش ظاهر وشه بشكل كامل و كان حاطط رجل علي رجل...
طيف قامت بسرعة مفزوعة علي السرير,طيف بصت حواليها اول ما لقت نفسها علي السرير قامت بسرعة من عليه.
صقر مسك ايد طيف,طيف شدتها منه بغضب.
طيف(بغضب): اياك تلمسني، اياك ايدك القذرة دي ابعدها عني.
صقر: مالك متعصبة ليه؟! و ايه اللي يضايق في الموضوع؟!
طيف(بغضب): يا برودك يا شيخ يا برودك، وسع كدة.
صقر: بتحبيني؟!

صقر: اصل مفيش سبب يخليكي تكوني زي التور الهايج كدة الا ده.
طيف(بغضب): لا مش بحبك، بس انا في الاول و في الاخر اسمي مراتك و نمنا في نفس الاوضة مع بعض لكن انت تجيب واحدة و تدخلها في اوضتي و تعمل اللي كنت بتعمله ده مش يخليني زي التور الهايج ده ممكن يخليني قاتلة.
طيف(بغضب): حتى و لو متجوزين مصلحة بس انا اكتر حاجة بكرهها الخيانة يا صقر.

طيف قامت من جمب صقر و مسكت الكوتشي بتاعها من علي الارض و خرجت علي اوضتها القديمة اللي في القصر...
طيف قفلت الباب بالمفتاح و طلعت علي السرير و ضمت رجليها ليها و بدأت تعيط...
تحت...
مهران: حاجة تاني يا بيه؟!
آسر: لا يا مهران روح انت.
مهران: صقر بيه فوق في اوضته.
آسر: مش عايز حد انا هطلع انام.
مهران: تمام يا بيه.
مهران خرج بره ال?يلا و راح وقف مكانه,آسر طلع لاوضته بتعب و نام.
علي الفجر...

طيف مسحت دموعها من علي خده بهدوء و قامت غسلت وشها في الحمام و خرجت لبست الكوتشي بتاعها و خرجت بره اوضتها نزلت علي السلالم و كانت بتبص يمين و شمال.
مها: طيف هانم.
طيف(بخضة): ايه؟!
مها: حضرتك عايزة حاجة؟!
طيف: لا روحي نامي انتي.
مها: طيب يا هانم.
طيف فتحت باب ال?يلا و مكنش في حراس كتير,طيف خرجت من باب ال?يلا محدش قدر يمنعها.
طيف اول ما خرجت من ال?يلا قعدت تجري كتير لغاية ما وقعت في الارض بتعب.

طيف(و هي بتنهج): انا لازم امشي من هنا مستحيل افضل.
طيف قامت وقفت بتعب بسبب رجليها لقت تاكسي.
طيف: اقف اقف.
طيف: لو سمحت.
سواق: نعم يا بنتي؟!
طيف: لو سمحت ممكن توديني القاهرة لبيتي و انا هودي لحضرتك الفلوس كلها اول ما اوصل. بس بليز لازم اخرج من هنا.
طيف: في حد خطفني و جابني هنا ممكن تساعدني بليز...
السواق بصلها ل ثواني و بعدها وافق.
السواق: اركبي يا بنتي...

طيف لفت و ركبت جمب السواق و هي بتدعي في سرها ان محدش يوصل ليها.
السواق: انتي ايه اللي ممشيكي دلوقتي؟!
طيف: الوقت اللي عرفت اهرب فيه.
السواق: و هما كانوا خاطفينك ليه؟!
طيف: انا معرفش معرفش المهم اني عاوزة اروح بيتي بسلام زمان اهلي قلقانين عليا...
السواق: ربنا معاكي.
طول الطريق طيف كانت خايفة و تعبانة لغاية ما السواق وصل ل عمارة طيف.
طيف(بدموع): شكرا لحضرتك. انا هنزل اجيب الفلوس بس اصبر.

طيف فتحت باب العربية كان رامي واقف قدام عربيته مستني نزول عبير و صابر.
رفيف: خلاص يا طنط اكيد هتتكرر تاني.
رامي: يلا.
صابر: كان يوم حلو يا رفيف شكرا.
رفيف(بدموع): طيف!
طيف جريت علي رفيف و حضنتها جامد و قعدت تعيط هي و رفيف...
رفيف(بعياط): حبيبتي كنتي كويسة؟! طمنيني عليكي حد عملك حاجة؟! ماله وشك؟!
طيف(بعياط): انا كويسة بس.
رفيف(بعياط): احكيلي يا نور عيني. غيابك كان ثعب اوي بالنسبة ليا.

السواق ابتسم بحنان و مشي بعربيته...
رامي(لنفسه): ازاي حصل؟!
عبير: هي دي طيف؟!
رفيف هزت رأسها بمعني اه و هي بتعيط.
رفيف(بعياط): احكيلي حصلك ايه؟!
صابر: حمدلله بالسلامة، هنمشي احنا و انتي براحة علي صاحبتك يا رفيف.
صابر: يلا يا رامي.
رامي: تمام.
رامي: هبقي اكلمك يا رفيف...
رامي ساعد صابر و ركبه العربيه و عبير ركبت جمبه و رامس ابتسم ل رفيف بهدوء و ركب عربيته و مشي...
رفيف(بعياط): تعالي معايا.

رفيف و طيف طلعوا لشقتهم و طيف اول ما دخلت الشقة قعدت علطول علي الكنبة...
رفيف(بعياط): وحشتيني اوي يا طيف.
طيف(بعياط): و انتي كمان، فهد فهد؟! عامل ايه!؟
رفيف(بدموع): الحمدلله كويس.
رفيف(بدموع): احكيلي ايه اللي حصلك؟!
طيف(بدموع): مش قادرة احكي يا رفيف.
رفيف: طيب يا روحي مش مهم دلوقتي المهم انك معايا، يلا خشي ريحي...

رفيف سندت طيف و دخلوا اوضتها طيف رمت جسمها علي السرير و نامت علي جمبها و ضمت رجليها ليها,رفيف غطتها بعد ما قلعتها الكوتشي بتاعها و نامت جمبها و هي حضناها.
رفيف(بدموع): وحشتيني اوي مش مصدقة انك معايا دلوقتي.
رفيف غمضت عينيها و نامت بعد ما طيف نمت من كتر التعب...
-رامي كان اتأخر في الشغل علشان كدة جه خد مامته و باباه متأخر...

-في الصباح الباكر...
عند نيران.
نيران كانت في الكلية هي و ليلي...
نيران: انا اسفة يا ليلي بس معرفش حصل ايه بابا قال هيتصرف.
ليلي: مش مهم اصلا.
نيران: انتي زعلانة متنكريش يا ليلي.
ليلي: بس كرامتي قبل زعلي يا نيران.
نيران: طب اخرسي بقي.
بنت: نيران...
نيران: ايه؟!
بنت: في واحد منتظرك بره انتي و ليلي.
بنت: بس واد ايه مز مز...
نيران: منتظرني؟!
ليلي: مين ده؟!
بنت(بغمزة): معرفش...

نيران و ليلي خرجوا بره الكلية لقوا ماهر واقف ساند علي عربيته.
نيران: مستر ماهر؟!
ماهر(ببرود): يلا اركبوا انتوا الاتنين.
نيران: ايه ده في ايه؟!
ماهر(ببرود): آسر قالي اجي اخدكوا انتوا الاتنين.
ليلي: و انا مالي؟!
ماهر(ببرود): لما تروحي ابقي اساليه.
ماهر(ببرود): يلا اركبوا.
ماهر لف و ركب مكانه و نيران و ليلي ورا...
ماهر(بحدة): مش سواق ابوكوا انا. حد يجي قدام.
ليلي(بهمس): روحي انتي سكرتيرته.

نيران نزلت و ركبت جمب ماهر و بصتله بغيظ...
بعد فترة وصلوا للشركة و نزلوا هما التلاتة.
ليلي: نيران انا عايزة امشي.
نيران: اصبري نعرف في ايه؟!
نيران و ليلي دخلوا ورا ماهر و ركبوا الاسانسير و بعدها خرجوا و راحوا ل مكتب آسر.
نيران: في ايه يا آسر؟!
آسر: اقعدوا.
آسر طلع تليفونه و اتصل بحد.
الخط اتفتح.
آسر: ابعتوه.
بعد دقايق دخل محسن اللي حاول قبل كدة يتعدي الحدود مع ليلي.
آسر: قومي خدي حقك منه.
نيران: مش فاهمة.

آسر: بكلمها هي.
ليلي رفعت رأسها و بصت ليه باندهاش...
ليلي: انا بس ليه؟!
آسر: هو مش قال عليكي كلام وحش.
ليلي(بسخرية): و هو بس اللي قال كدة و لا في واحد تاني...
آسر: حسابك معايا بعدين، دلوقتي قومي خدي حقك منه زي ما انتي عايزة.
ليلي: سامحته.
آسر(بحدة): و الله؟!
ليلي: ايوه براحتي.
آسر: فعلا براحتك، اخرج بره انت مطرود من هنا و رايح.
محسن: ا.
آسر(بعصبية): مش عايز اسمع كلمة مطرود.
آسر: و انتوا اخرجوا. و انتي استني.

ماهر و نيران خرجوا بره المكتب و راحوا ل شغلهم.
آسر: هتبدأي شغل من دلوقتي.
ليلي(بسخرية): واثق اوي.
آسر: افندم ليكي رأيي تاني؟!
ليلي: طبعا. انت غلطان...
آسر: ما انا رجعتك الشغل.
ليلي: طظ في الشغل.
آسر: و انتي عايزة ايه؟!
ليلي: تعتذر.
آسر(بعصبية): نعم يا اختي؟!
ليلي(بملل): تعتذر يا آسر...
آسر(بعصبية): آسر حاف كمان؟!
ليلي(بملل): مالك با آسر قفوش ليه هو انا بشتغل عندك و لا حاجة؟!

آسر دخل ايده في شعره بغضب و بص ل ليلي اللي بتبصله ببرود.
آسر قام وقف و قرب من ليلي مسكها من دراعها و وقفها قدامه...
آسر(بحدة): بصي بقي انتي هتشتغلي هنا غصب عنك. و مش هعتذر كمان.
آسر(بحدة): و هتنفذي كلامي غصب عنك.
آسر(بحدة): و الا و ربي اجبلك مصيبة.
ليلي(بعصبية): انت متمسك بيا كدة ليه؟!
آسر(بحدة): لانك و للاسف حلوة في شغلك و كمان انا عمري ما يتقالي لا الا بمزاجي.

آسر(بحدة): قدامك تلت دقايق تقولي قرارك فيهم.
ليلي(بتحدي): تمام و انا موافقة.
آسر: علي شغلك.
ليلي: تمام يا فندم.
ليلي خرجت بره و قبل ما تخرج بصت ل آسر,آسر قعد علي مكتبه بهدوء.
الباب خبط و ليلي دخلت من غير ما تسمع رأي آسر و آسر طنش الموضوع ده.
ليلي: عملت لحضرتك قهوة لانك بتحبها.
ليلي: عن اذنك.
ليلي خرجت بره الاوضة,آسر بدأ يشرب من القهوة تحت استغرابه الشديد من ليلي.
آسر(بصوت عالي): ليلي!

ليلي(بخبث): بتنادي يا فندم؟!
آسر(بغضب): حطيتي ايه يا في القهوة؟!
ليلي(ببرائة مصطنعة): ملح هو حضرتك مش بتحبه؟!
آسر(بغضب): يا.
آسر(بغضب): امشب من وشي و خدي القرف ده من هنا، و ربي يا ليلي لينقلب عليكي كل حاجة بتعمليها.
ليلي(ببرائة مصطنعة): حضرتك متعصب ليه يا فندم مفيش داعي.
ليلي قربت من آسر مسكت صينية القهوة و سابته و خرجت.
آسر(بغضب): طيب يا ليلي انتي اللي بدأتي...

-في مكان تاني...
عند صقر.
سارة: احسن يا صقر ما تغور في داهية انت متعصب ليه.
سارة: انت مش بتحبني يا حبيبي؟!
صقر كان قاعد علي الكنبة تني اكمام قميصه و كان بيشرب سجاير و باصص في الارض...
سارة نزلت ل مستواه و حطت ايديها علي رجله.
سارة: صقر متشغلش بالك بيها.
سارة: مش انت امبارح قولت انك بتحبني؟!
صقر: سيبيني لوحدي يا سارة.
سارة لا رد.
صقر(بعصبية): قومي.

سارة قامت و طلعت اوضتها قفلت الباب و طلعت تليفونها اتصلت بحد.
الخط اتفتح.
سارة: كله تمام، خرجت بره اللعبة خالص.
سارة: و هو دلوقتي مضايق.
سارة: هقفل دلوقتي.
تحت.
ميرا: صقر بيه واحد منتظرة حضرتك بره.
صقر: مش عايز اقابل حد.
ميرا: حاضر.
ميرا راحت و رجعت تاني ل صقر.
ميرا: اسمه معتصم يا بيه و عايز يقابلك.
صقر: دخليه.
ميرا: حاضر.
معتصم: في ايه يا ابني مالك؟!
صقر: مفيش.
معتصم: ايه حالتك دي؟!
صقر: مفيش حاجة.

معتصم: صقر احنا.
صقر(بعصبية): خلاص بقي مش عايز اتكلم...
معتصم راح قعد جمب صقر و حط ايده علي كتفه.
معتصم: مالك فيك ايه يا صقر احنا اخوات قبل ما نكون صحاب و زمايل، اتكلم.
معتصم: فيك ايه؟! و كمان فين مراتك؟!
صقر: مشيت.
معتصم: مشيت راحت فين؟! و ليه؟!
صقر: مشيت يا معتصم هربت هربت مني.
معتصم: طب ليه؟!
صقر: مش مهم دلوقتي، المهم اني عايزك تظبطلي اجراءات الطلاق مش هربط نفسي بيها.
سارة: عين العقل يا حبيبي.

معتصم(بصدمة): انتي! يخرب بيتك عملتي ايه للبت؟!
سارة: انا معملتش حاجة ما تتكلم يا صقر.
صقر(بعصبية): انا ورايا شغل. تعالي ورايا يا معتصم.
صقر و معتصم خرجوا بره ال?يلا.
سارة قعدت علي الكنبة و حطت رجل علي رجل.
سارة: من هنا و رايح يا بتاعة منك ليها الكلمة كلمتي.
سارة: انا هغير نظام ال?يلا كلها...
سارة: عايزة انقل الكنبة دي من هنا و هشتري فرش جديد.
ميرا(لنفسها): ربنا علي المفتري يا شيخة.

مها(لنفسها): حرام ده انتي ظالمة.
سارة: روحوا اجمعولي كل الخدم هنا.
بعد كام دقيقة كان كل الخدم اللي بيشتغل في ال?يلا قدام سارة.
سارة: من هنا و رايح كلمتي انا اللي هتمشي انا هنا ست البيت.
سارة: فاهمين؟!
الكل: فاهمين.
سارة: اي حاجة اؤمر بيها تتنفذ.
سارة: انتوا علي المطبخ عايزة اكل النهاردة شوربة خضار.
سارة: و انتوا هتروحوا الجنينة تقصوا كل الورد الابيض و تجمعوه ليا هنا.

سارة: و انتوا هتطلعوا اوضتي تنقلوا كل هدومي لاوضة صقر.
سارة: و انتي هتيجي معايا اقولك ايه اللي هيتغير في البيت، يلا.

-في مكان تاني...
عند طيف...
طيف بدأت تصحي من نومها و فتحت عينيها ببطء شمت ريحة اكل في المكان و قامت قعدت علي السرير بصت حواليها و افتكرت كلها حاجة حطت ايديها علي عينيها.
طيف: اياكي تعيطي اياكي.
رفيف(بفرحة): اخيرا صحيتي يلا قومي حضرتلك الفطار.
طيف(بابتسامة): شكرا يا رفيف.
رفيف جريت علي طيف حضنتها جامد و طيف باست رأسها...
طيف: الحمدلله اني رجعتلك يا روحي.
رفيف: مش هتحكيلي؟!

طيف: سيبيني انسي يا رفيف سيبيني...
طيف: وحشتني هدومي اوي اوي.
طيف: هقوم اخد دوش بقي علي السريع كدة.
طيف باست خد رفيف و قامت دخلت الحمام خدت دوش سريع و خرجت تغير هدومها.
طيف لبست بنطلون ابيض و فوقه تي شيرت صوف باللون الكلي بكم و سيبت شعرها علي ضهرها.
طيف خرجت و قعدت علي السفرة قدام رفيف و بدأوا يأكلوا.
طيف: هروح اخد فهد من قدام المدرسة.
رفيف: طيب يا حبيبتي.
طيف: اوف عمو السواق مودتش ليه فلوس.

رفيف: زمانه مشي شكله حس بظروفك.
طيف: ربنا يكرمه يا رب.
رفيف: اخيرا رجعتي متعرفيش كنت حاسة بايه في غيابك.
طيف: انا قاعدة علي قلبك يا اختي.
رفيف: عسل يا قمر انتي.
طيف: هروح البس الكوتشي.
طيف بدأت تلبس الكوتشي الابيض و قامت وقفت.
طيف: هنزل انا.
رفيف: رجلي علي رجلك علشان لما اتخطف معاكي.
طيف: يلا قدامي يا هبلة.
طيف و رفيف خرجوا بره الشقة و نزلوا.
هاشم: اوبا اسطورة العمارة ظهرت اهي يا جدعان...
هاشم: كنتي فين؟!

طيف: ملكش فيه اروح اجي امشي اغيب براحتي انا مش انت، انا مِلك نفسي انا اعرف انا اروح فين و اجي منين انت متدخلش في اللي ملكش فيه.
طيف: يلا يا رفيف.
طيف زقت هاشم و نزلت علي السلالم هي و رفيف.
رفيف: بتغيب تغيب و ترجع بهيبتها.
طيف: و هو احنا قليلين و لا ايه؟!
طيف: احكيلي احكيلي حصل ايه في غيابي؟!
رفيف: حاجات كتير.
طيف: احكي و احنا في المواصلات.
رفيف بدأت تحكي اللي حصل ليها ل طيف.

طيف: مش عارفة يا رفيف اقولك ايه، ربنا يتولانا برحمته.
طيف: معلش يا حبيبتي خير.
طيف: لازم نشوف شغل.
رفيف(بدون وعي): ما هو رامي مش مخليني عايزة حاجة.
طيف: و مين سي رامي ده اللي طلعلنا في البخت...
طيف(بغمزة): بتحبيه؟!
رفيف(بخجل): بس يا بت.
طيف(بغمزة): يا بت يا بت.
رفيف(بخجل): يا رخمة.
طيف(بضحك): قمر.
طيف و رفيف نزلوا و طيف لاحظت ان في اتنين وراهم.
طيف: لازم نجري و نهرب.
رفيف: ليه؟!
طيف: في اتنين ورانا و.

رفيف: لا متخافيش دول تبع رامي.
طيف: امان بعني؟!
رفيف: امان.
طيف: طيب.
طيف و رفيف راحوا مدرسة فهد و استنوا قدام المدرسة.
فهد كان بيخرج من المدرسة لقي رفيف و طيف ظهرت من وراها...
فهد(بصريخ): طييييييييييف.
فهد جري علي طيف و نط عليها حضنها و طيف شالتها بسرعة و حضنته جامد، فهد قعد يبوسها و هو حاضنها.
طيف(بدموع): حبيبي كنت واحشني اوي.
فهد(بدموع): و انتي كمان يا روحي.
طيف(بدموع): خلاص متعيطيش.

فهد(بدموع): مش بعيط انتي اللي بتعيطي.
طيف: حبيبي انت، ربنا يخليك ليا.
طيف: وحشتني اوي يا فهد. كنت مشتاقة ليك...
رفيف: ايوه علي الناس اللي كلت الجو يا ست طيف.
فهد: اخرسي انتي.
رفيف: ايه ده في ايه؟!
طيف(بابتسامة): حبايب قلبي انتوا الاتنين.
فهد: وحشتينا.
طيف: حبيب قلبي انا الجميل.
طيف باست فهد و حضنته اكتر و بعدها حطت دراعها علي كتف رفيف.
طيف: يلا بينا.
رفيف و فهد: يلا يا ماما.
طيف(بضحك): يلا.

التلاتة قضوا طول اليوم مع بعض ضحك و هزار و قعدوا يتكلموا كتير.
طيف: يلا يا حبيبي اطلع انت دلوقتي.
فهد: هتاخديني منهم؟!
طيف: اه يا حبيبي.
فهد: هطلع انا باي.
طيف و رفيف: باي.
فهد طلع جري علي البيت و خبط الباب.
فريد(بزعيق): ايه ياض انت؟!
فهد: وسع بسرعة انا مبسوط و مش عايز حاجة تضايقني.
فريد(بزعيق): كنت فين ياض؟!
فهد: كنت خايف عليا يا بيبي؟!
فريد(بزعيق): انطق.
طيف(بحدة): مش عيب كدة تزعق ليه؟!

فريد(باندهاش): طيف! وحشتيني احم وحشتينا.
فريد(بحدة): كنتي فين ده كله؟!
طيف: اولا ملكش فيه. ثانيا مش معني اني كنت غايبة تعامل فهد كدة.
فريد(بعصبية): يعني ايه مليش فيه انا ابن خالتك.
طيف: جوزي يعني؟!
فريد: ها؟!
طيف: انت جوزي؟! لا يبقي متتكلمش.
طيف: و علي العموم كنت عند اهل بابا.
طيف: يلا يا رفيف. باي يا فهد.
طيف رجعت بيتها هي و رفيف و اترمت بتعب علي الكنبة...
رفيف: انهاردة كان يوم حلو.

طيف: فعلا مبسوطة اننا خرجنا مع بعض كنتوا واحشني اوي.
رفيف قعدت جمب طيف و حاوطتها بايديها.
طيف: عايزة مني ايه يا بت؟!
رفيف: كنتي فين و حصلك ايه؟!
طيف: كنت في جهنم ارتاحتي وسعي بقي.
طيف دخلت اوضتها و قفلت الباب و قعدت علي السرير بتعب و بدأت تغير هدومها.
طيف لبست شورت باللون الازرق الهادئ و فوقه تي شيرت ب ¾ كم باللون الاسود و فيه قلوب باللون الابيض. رفعت شعرها علي شكل كحكة عالية.

طيف قامت فتحت الشباك و وقفت قدامه.

صقر: هو الواحد ميعرفش يأخد راحته في البيت مع اللي بيحبه و لا ايه؟!
صقر: اخرجي يا طيف من الاوضة و لما اخلص مع سارة ابقي اناديكي.

صقر: الصراحة بكن ليها مشاعر.
صقر: بس مشاعر عن مشاعر تفرق و مش كل المشاعر بتبقي حب.

صقر(بغضب): تشيلها من تفكيرك انت فاهم، حتى ممنوع تفكر فيها احسنلك.

صقر: هششششش اهدي انا موجود جمبك اهدي.

طيف(بعصبية): بس بقي كفاية كفاية.
طيف(بعصبية): بطلي تفكري بيه بطلي تفتكري اي حاجة تخصه بس بقي اهدي.
طيف قفلت الشباك بتاعها و راحت ل سريرها نامت...
في الصباح الباكر.
طيف و رفيف قاموا من نومهم و بدأوا يفطروا.
رفيف: انتي متغيرة يا طيف.
طيف: الموضوع كان صعب شوية.
رفيف: طب ما تحكيلي.
طيف(بتنهيدة): اتخطفت و هربت يا رفيف، بس كدة.
الباب خبط و طيف قامت فتحت الباب.
طيف: خير يا فريد؟!
فريد: طيف عايزك في موضوع.

طيف: ادخل يا فريد.
رفيف: خير يا فريد بمصايبك؟!
فريد: قولت عايز طيف مش انتي.
طيف: هششش متتخانقوش تعالي يا فريد.
طيف و فريد راحوا مكان بعيد عن رفيف و قعدوا...
طيف: اتفضل.
فريد: بصي يا طيف مش هنلف و ندور، انتي عارفة اني بحبك و رايدك و شاريكي. و نستعد ادفع من جنيه لالف.
فريد: بصي يا طيف انا واثق فيكي و في اخلاقك و متقبلك زي ما انتي.
فريد: انا بحبك يا طيف تقبلي تتجوزيني؟!

طيف رجعت جسمها ل ورا و حطت رجل علي رجل و ربعت ايديها.
طيف: ممكن افكر في الموضوع بس بشروط.
فريد(بحماس): قولي...
طيف: فهد يجي يعيش معايا من دلوقتي.
فريد: موافق.
طيف: و من غير دفع فلوس و لا اي حاجة...
فريد: اكيد انتي هتبقي مراتي.
طيف: خطوبة علي الضيق.
فريد: ماشي.
طيف: الفرح بعد سنة من ميعاد الخطوبة.
فريد: كتير اوي يا طيف ارجوكي.
طيف: ست شهور اقل من كدة لا...
فريد: ماشي موافق.

طيف(خدت نفس عميق): تمام و انا موافقة يا فريد، بس اهم حاجة اياك ثم اياك تخوني يا فريد.
طيف(بهدوء مخيف): لاني و ربي ما هسيبك تتهني بأي حاجة في حياتك.
فريد: مقدرش يا طيف مقدرش انتي حياتي كلها.
طيف و فريد قاموا وقفوا و فريد كان مبسوط اوي.
فريد(بفرحة): هبعتلك فهد بكل حاجته من النهاردة.
طيف: يا ريت تكون قد كلمتك.
فريد حضن طيف جامد بس طيف زقته بعصبية.
طيف: متنساش نفسك.

فريد: آسف و الخطوبة بعد بكرة و انا هنزل اشتريلك الفستان بنفسي.
طيف: مش مهم، تمام موافقة.
فريد: همشي انا خلي بالك من نفسك.
طيف: باي.
فريد خرج من الشقة و هو مبسوط رفيف دخلت بغضب علي طيف.
رفيف(بعصبية): انتي غبية ازاي توافقي عليه؟!
طيف(بهدوء): عادي عريس مناسب و بيحبني.
رفيف(بعصبية): انتي اتجننتي؟!
طيف(بهدوء): رفيف تصبحي علي خير لما يجي فهد ابقي قوليلي.
طيف دخلت اوضتها اترمت علي السرير بتاعها و نامت...

-في مكان تاني...
عند صقر.
صقر: زين عايزك تشوفلي سكرتيرة تانية.
صقر: و انتي يا نانسي هتكوني مسئولة معايا عقبال ما زين يجبلي سكرتيرة.
نانسي: حاضر يا فندم. بس هو طيف.
صقر(بهدوء): سابت الشغل.
نانسي: تمام عن اذنك.
زين: مالكوا في ايه؟!
صقر(بهدوء): قصدك ايه؟!
زين: انت و طيف مالكوا؟!
صقر(بهدوء): راجل و مش عايز مراته تشتغل انت مالك، و كمان تنسي اننا متجوزين و اياك تقول لحد فاهم.
صقر: يلا بره...

صقر مسك الجاكت بتاعه و خد حاجته و خرج بره الشركة.
صقر: مهران جيب العربية.
صقر كان واقف و مستني العربية تيجي اول ما جت و هو بيركب العربية...
حصل ضرب نار من شخص مجهول...
مهران(بصوت عالي): صقر بيه!