رواية أسيرة لحصون قلبه للكاتبة سلسبيل كوبك الفصل الثامن والعشرون
صقر كان واقف و مستني العربية تيجي اول ما جت و هو بيركب العربية...
حصل ضرب نار من شخص مجهول...
مهران(بصوت عالي): صقر بيه!
صقر وقع علي ركبته في الارض و مهران و حراسه حاوطوه.
مهران: صقر بيه حضرتك كويس؟!
صقر(بخفوت): وديني البيت...
صقر غمض عينيه ببطء و وقع بين ايدين مهران.
مهران(بزعيق): جهزوا العربيات بسرعة.
مهران نقل صقر العربية و بدأ يسوق و راح ناحية البيت.
مهران: اتصلي بالدكتور ربيع يا ميرا.
ميرا: هو البيه ماله؟!
مهران(بحدة): مش وقته.
نقلوا صقر لاوضته حطوه علي سريره.
سارة(بقلق): صقر ماله؟!
مهران: لسة هنشوف. ممكن تخرجي بقي.
سارة(بعصبية): انت فاكر نفسك مين؟!
مهران: صقر بيه تعبان اعتقد مش وقت جدال خالص.
ميرا: الدكتور وصل يا مهران.
مهران: دخليه.
ربيع: خير في ايه؟!
مهران: صقر بيه اتصاب.
ربيع قرب من صقر و بدأ يشوف اي اصابة في جسمه لقي جمبه مفتوح بسكينة...
ربيع: هتحتاج خياطة.
مهران: تمام اتصرف.
مهران: ميرا تعالي لحظة.
ميرا: نعم.
مهران: هو فين مدام طيف؟!
ميرا: علي ما اعتقد كدة سابت البيت و مشيت.
مهران: ليه؟!
ميرا: بص هحكيلك.
مهران: قولي.
ميرا: علي ما اعتقد كدة طيف هانم قفشت صقر بيه مع سارة الحرباية دي. و. يا عيني مقدرتش تستحمل فسابت البيت و مشيت.
ميرا: بس سارة بقي مسكتنا مرمطتتنا معاها. و كل شوية اوامر لدرجة اننا زهقنا من اول يوم.
مهران: تمام يا ميرا روحي شوفي شغلك دلوقتي.
ميرا: حاضر.
مهران: ايه الاخبار يا ربيع؟!
ربيع: احسن، محتاجة رعاية و بلاش انفعال.
مهران: سمعتي يا سارة هانم اتفضلي بعد اذنك اطلعي.
سارة(بغضب): نعم با روح امك؟!
مهران(بحدة): اياكي تجيبي سيرة امي و الا و ربي هنسي انك واحدة ست اصلا.
مهران: اطلعي بره علشان صقر بيه يرتاح مش ناقصين وجع دماغ.
سارة: هطلع علشان خاطر صقر حبيبي بس.
مهران: متشكرين لخدماتك.
سارة خرجت بره اوضة صقر,مهران قعد قدام صقر و هو مستغرب من اللي حصل.
-بعد فترة...
صقر بدأ يفوق ببطء و حط ايده علي جمبه بسبب الوجع.
مهران: حضرتك كويس يا صقر بيه؟!
صقر(بتعب): الحمدلله.
مهران سند صقر و قعده نص قاعدة علي السرير و حط مخدات ورا ضهره...
صقر: في خاين موجود هنا ضرب النار كان مجرد خدعة.
مهران: قصدك حد من الحراس؟!
صقر: بالظبط.
مهران: بس ممكن يكون مين؟! و ليه؟!
صقر: وظيفتك ايه؟!
مهران: وظيفتي احمي طيف هانم. هي فين صحيح؟!
صقر: مشيت...
مهران: ليه؟!
صقر: احسن ليها.
مهران: و مشاعرك؟!
صقر: مشاعر ايه؟!
مهران: مش انت بتتعذب بفراقها؟!
صقر: لا مين قال كدة؟! ده انا ما صدقت اخلص من غبائها اصلا علطول حطاني في مشاكل.
مهران: متأكد؟!
صقر(بحدة): ما تخرس بقي يا مهران...
تحت...
آسر وصل لل?يلا و دخلها.
آسر: ميرا ميرا.
ميرا: نعم يا بيه.
آسر: ماله البيت كدة ليه؟! مع انه لسة بدري.
ميرا: اصل طيف هانم مشيت و صقر بيه متصاب فوق.
آسر: صقر متصاب؟!
آسر طلع جري علي اوضة صقر و دخلها.
آسر: صقر؟!
صقر: خير؟!
آسر(ببرود): كدة انت كويس، عن اذنك.
مهران(بنفاذ صبر): صقر بيه آسر بيه.
صقر(برفعة حاجب): انت بعد صوتك ده خليت فيها بيه؟!
مهران: اسف بس انتوا لازم تنهوا خلافكم ده.
مهران: انا معاكوا من و انتوا صغيرين مكنتوش كدة. مش سبب زي اللي حصل ده يوصلكم ل كدة.
مهران: اينعم آسر بيه هو اللي غلط بس انت الكبير برضو.
مهران: هو ودني و بيسمع للكل معلش استحمله انت الكبير برضو.
آسر و صقر بصوا ل بعض و كل واحد بص في حتة تانية...
مهران(بنفاذ صبر): انتوا عايزين حسام يخلص عليكوا.
صقر(بعصبية): و هو مين اتعاون معاه علشان يأذيني؟!
مهران: كان لسة صغير.
صقر: و بعد ما كبر؟!
آسر: طب ما انت الكل في الكل و الجميع بيهتم بيك انت و بيعبرك انت، اما انا انا مليش لازمة انا دايما التابع...
صقر: انا! انا اللي مشيت و اعتمدت علي نفسي انا اللي مغرقنيش حب الاب انا اللي كنت بتلقي اهانات من امك بسببك و بسبب حبي ليك انت و نيران.
صقر: انت بتحاسبني علي ايه مين يحاسب مين؟! و هو مش بسبب امك بقيت انا و امي علي الرف مركونين. انت بتقول ايه انت ليك عين اصلا تتكلم.
آسر: حتى و انت بعيد كانت بتيجي سيرتك، انت انت.
صقر: انا ايه انا ايه؟! انا اللي لما انت حبيت خونتك مع حبيبتك و لا انا اللي لما انت بقيت لوحدك روحت اتفقت مع واحد تاني علشان نوقعك...
آسر: طب ما انت خدت مني طيف.
صقر: انا لو كنت حسيت للحظة واحدة انك بتحبها كنت سبتها ليك مش انا اللي اخد حاجة بتاعت حد...
صقر: ما تتكلم يا مهران ايه مش هو ده اللي انت عايزني اسامحه و اتكلم معاه عادي.
مهران: كفاية بس خوفكم علي بعض لما يكون في واحد منكم متصاب او تعبان.
مهران: كفاية انكم بتحبوا بعض.
آسر: مش كفاية مش كفاية يا مهران...
صقر: سيبوني انام انا تعبان.
مهران: عارفين انك تعبان بس لازم ننتهي من الموضوع ده لان حسام لما بيشوف كل واحد بيبقي سهل بالنسبة ليه انه يكسره.
آسر: طيف بيقولوا انها مشيت؟! مشيت ليه؟!
صقر: كدة.
آسر: ليه برضو؟!
صقر: مزاجها انت مالك شاغل نفسك بيها ليه؟!
آسر: مش مراتك؟!
صقر: اديك قولتها مراتي. و كمان انت بعد اللي حسام عمله في نيران لسة بتكلمه يا بجاحتك.
آسر: كنت بحاول اشوف دماغه فيها ايه؟!
مهران: طب بصوا عندي حل، كل واحد اكيد خايف علي عائلته تتحدوا بس لفترة لغاية ما تخلصوا علي حسام.
آسر: موافق.
صقر: و انا كمان.
مهران: طيب.
الباب خبط.
صقر: ادخل...
ميرا: صقر بيه معتصم بيه عايز حضرتك.
صقر: دخليه.
معتصم: حبيبي اخبارك؟!
صقر: ايه الاخبار؟!
معتصم: تمام بس في حاجة كدة.
صقر: قول.
معتصم قرب من صقر و قاله حاجة في ودانه.
صقر(بعصبية): و الله؟! طيب نهار ابوه اسود.
معتصم: تمام.
آسر: في ايه؟!
مهران: نقدر نساعد؟!
صقر: لا مفيش حاجة مفيش...
صقر: تمام لما افوق من اللي انا فيه نبقي نتكلم...
صقر: مهران شوفلي الخاين اللي موجود هنا...
مهران: اكيد...
صقر: اخرجوا عايز انام.
مهران ساعد صقر انه ينام و غطاه و كلهم خرجوا.
صقر غمض عيونه ببطء و بدأ ينام...
-في الصباح الباكر...
في القصر...
مهرة: يا حبيبي نيران كبرت طب نعمل خطوبة بس.
محمد: انا عارف رأي بنتي يا مهرة و هي هترفض...
محمد: سيبيها في جامعتها و شغلها مش هنزود عليها الموضوع.
محمد: بعد الكلية.
مهرة: طيب يا محمد.
نجلاء: صباح الخير.
محمد: صباح النور.
مهرة(بضيق): صباح الخير.
انتصار: نجلاء هانم الاكل جاهز.
نجلاء: تمام.
محمد: بلا بينا.
راحوا التلاتة علي السفرة بدأوا يفطروا...
مهرة: هي نيران مرجعتش ليه من امبارح؟!
محمد: باتت في الشغل.
نجلاء: لوحدها؟!
محمد: متنسوش ان في حراسة في الشركة.
عند نيران.
كان مكتب ماهر مليان ورق كتير في الارض و علي ترابيزة الاجتماعات,و نيران نايمة علي الكنبة و شعرها منكوش,و ماهر كان نايم علي الشازلونج.
ماهر بدأ يفوق بسبب وجع ضهره و قام قعد و بدأ يفرك في عينه كتير لغاية ما فاق.
ماهر: ادي اخرة اللي يشتغل.
ماهر قام و راح ناحية نيران و بدأ يهزها.
ماهر: بت انتي يا بت، نيران.
ماهر(بصوت عالي): نيران...
نيران(بفزع): يا ماما.
نيران وقعت في الارض و كانت في حالة فزع.
نيران(بعصبية): في حد يصحي حد كدة؟!
ماهر: معلش اصلك نايمة في بيتكوا انتي.
نيران: اوف يا برودك.
ماهر: قومي لمي شعرك اللي عامل زي سلك المواعين.
نيران: ده علشان مهتمتش بيه بس.
ماهر: طب قومي يا اختي قومي...
نيران: اوف علي الشغل و اللي عايز يشتغل.
نيران قامت و قعدت علي الكنبة و ماهر قعد جمبها بتعب.
نيران: بس كويس اننا لقينا حل للمشكلة.
نيران: يعني تعبنا مراحش علي الفاضي.
ماهر: النهاردة اجازة ليكي.
نيران: ده انا كنت ممكن ارفع عليك قضية لو مودتنيش اجازة.
ماهر قام و مسك حاجته في ايده.
ماهر: ابعتي حد ينضف المزبلة دي.
نيران: ابقي كلمهم انت هو انا قادرة.
نيران خرجت بره المكتب خدت حاجتها هي كمان و مشيت.
ماهر(من وراها): واطية.
نيران: متشكرة.
نيران و ماهر خرجوا من الشركة و كانوا لسة الموظفين بيبدأوا شغلهم.
كل واحد ركب عربيته و رجع علي بيته.
بنت: بصي يا شيري الموضوع فيه إنَ.
شيري: عندك حق يا جهاد.
جهاد: الحقيه قبل ما تأخده منك.
شيري: لا هي مش هتضيع اللي انا بعمله بقالي سنين.
جهاد: اهدي كدة و فكري هتعملي ايه...
شيري: تمام.
عند ليلي...
ليلي وصلت الشركة ملقتش آسر لسة جه.
ليلي قعدت في مكتبها و تليفونها رن...
الخط اتفتح.
ليلي: الو.
آسر: انا مش جاي انهاردة.
ليلي: تمام هروح.
آسر: مفيش مرواح، هتكملي الشغل النهاردة.
آسر: عايزك تجيبيلي كل صفقات المناقصة ل سنة() و سنة() و تقارني بينهم...
آسر: مش عايز غلطة و تكوني دقيقة و تفضلي في الشركة لغاية ما تخلصيهم هأخدهم منك بكرة.
آسر: باي...
ليلي: استني ا.
آسر: و اه بعمل كدة انتقاما منك متحاوليش و لو منفذتيش اعتبريه ملفك بقي فيه نقطة سوداء.
آسر: باي باي يا ليلي. اشوفك بكرة...
ليلي: ربنا و لا اقولك ماشي يا آسر.
ليلي: اقصد يا آسر بيه، باي.
ليلي قفلت التليفون في وش آسر و كانت متعصبة و رمت تليفونها علي المكتب و ضربت رأسها في المكتب...
ليلي: انا غبية انا حمارة.
ليلي: بس لا يا آسر يا انا يا انت.
-في مكان تاني...
عند قاسم.
وعد(بضيق): يوووووووه يا ابني انت خدت عليا اوي علفكرة...
قاسم: طب ما احنا لازم نأخد و نودي مع بعض علشان نفهم بعض و نشوف هنكمل بعدين و لا لا.
وعد: هنكمل في ايه؟!
قاسم: اجيب الوالد و الوالدة و نيجي ل بابا و ماما.
وعد: توفوا.
قاسم: احم طب ادخل قلبك اخد رأيه.
وعد: مات.
قاسم(بغمزة): اعمله كام صدمة كهربائية خاصة بيا.
وعد ضربت قاسم علي كتفه جامد و كانت هتمشي.
قاسم: عندي شقة خاصة بيا في المهندسين و انا اصلا مهندس و انا اللي مصمم الشقة الجميلة اللي ذات منظر رائع و وجهة جيدة هتعجبك اوي علفكرة مش حابة تيجي تشوفيها.
قاسم: و بابا و ماما هيحبوكي اوي، اما بقي اختي دي هتبقي اختك التانية.
قاسم: اما انا بقي هكون ابوكي و اخوكي و عمك و خالك و امك و اختك و صاحبتك و صاحبك و جوزك و حبيبك بصي هتشقلبلك في الشقة كدة كأنك عايشة في طرزان...
وعد كانت مودية ضهرها ل قاسم و مبتسمة.
وعد: بس انا مبحبش طرزان.
قاسم(بابتسامة): و الاميرة بتحب ايه؟!
وعد: الاميرة بتحب الامير...
قاسم: مش مشكلة هقلبلك امير.
وعد لفت ل قاسم و قربت منه و من سريره.
وعد: و انا ايه اللي يضمنلي انه هيبقي امير طيب؟!
قاسم: اختبريه.
وعد: مش الاول اعرف الامير عايز يتجوزني ليه؟!
قاسم: علشان الامير حب الاميرة من اول نظرة.
وعد: و هو لسة في حب من اول نظرة الايام دي اصلا...
قاسم: انا بؤمن بيها.
وعد: بكرة هكتبلك علي خروج، باي و خاي احلامك دي علي جمب لغاية ما تمشي و تغور في ستين داهية.
وعد قامت و كانت هتمشي...
قاسم: و هو انتي فكراني هسيبك حتى بعد ما اخرج من هنا، قاعد علي قلبك و مربع.
وعد خرجن بره الاوضة و قاسم رمي رأسه علي السرير...
قاسم: آه من وجع القلب آه...
قاسم ابتسم علي تصرفات وعد و غمض عيونه و نام...
-في مكان تاني...
عند رفيف.
رامي: طب ما فيها ايه يا رفيف فيها ايه عادي جدا عادي، واحدة و هتتجوز عادي جدا.
رفيف: بقولك مش بتطيقه دي تطيق العمي و متطيقهوش.
رامي: حبته فجأة يا ستي انتي مالك دي حياتها...
رفيف: لا الموضوع فيه حوار، طيف فيها حاجة.
رامي: هي رجعت ازاي؟!
رفيف: معرفش و مش عايزة تقول، هي قالت انها كانت مخطوفة و هربت.
رامي: دي محظوظة مش ناس كتير بترجع بعد ما بتتخطف و بتبقي فرصة الهرب ضعيفة.
رفيف: انا قلقانة عليها اوي مرجعتش طيف اللي بضحكة من الودن للودن مهما بيحصل فيها بتضحك لكن لا طيف فيها حاجة.
رامي: طب اهدي معلش، هي برضو معذروة هو الخطف سهل كدة يعني.
رفيف: بس برضو مستحيل اخلي الجوازة تتم.
رامي: ده انتي خرابة بيوت يا رفيف...
رفيف: اختي و لازم اطمن عليها و مش ده الراجل اللي يستحقها و يستحق جمالها و برائتها.
رامي: اوف يا ربي، طب ممكن تسمعيني.
رفيف: اتفضل.
رامي: بما انه طيف رجعت مفيش داعي أجل كلامي.
رفيف: قول يا ابني.
رامي: تتجوزيني؟!
رفيف: كدة من غير خاتم و لا انك تقعد علي ركبتك و لا اي حاجة...
رامي: المرة الجاية، انتي متعرفيش قعدت قد ايه علشان اقولها...
رفيف: اديني فرصة افكر...
رامي: ماشي ماشي.
رفيف: مش هتوصلني؟!
رامي: اه يلا بينا...
رفيف: هنزل السوبر ماركت اشتري حاجات ل طيف.
رامي: طيب يلا.
رامي و رفيف ركبوا عربية رامي و راحوا ناحية السوبر ماركت رفيف بدأت تشتري حاجات حلوة ل طيف...
رامي: يلا...
رفيف: هحاسب...
رامي(بحدة): روحي العربية و انا هحاسب و اجي.
رفيف(لنفسها بضحك): راجل حمش اوي.
رفيف: تمام.
رفيف راحت ناحية العربية و رامي حاسب و رجع.
رامي: بعد كدة لما اكون معاكي انا اللي هحاسب...
رفيف: ان شاء الله.
بعد فترة وصلوا للبيت و رفيف نزلت و خدت الحاجة.
رامي(بابتسامة): خدي دي معاكي.
رفيف(بخجل): ايه ده؟!
رامي(بابتسامة): ليكي انتي.
رفيف(بخجل): شكرا.
رفيف: باي.
رامي: هستني رأيك.
رفيف: باي.
رفيف طلعت جري علي اوضتها و رامي مشي بعربيته ناحية الشغل...
في البيت...
فهد(بفرحة): انا مبسوط اوي.
طيف: ربنا يزيد فرحتك يا روح قلبي.
فهد حضن طيف و طيف نزلت ل مستواه باست رأسه...
رفيف: مليش في الحب نصيب يعني.
طيف: ايه اللي في ايدك ده؟!
رفيف: حاجات حلوة كدة ل ناس.
طيف و فهد: هاتي.
الباب خبط.
طيف: هروح افتح.
طيف: كملي مكاني يا رفيف.
طيف راحت ناحية الباب و فتحت الباب...
طيف(بملل): خير يا فريد؟!
فريد(بفرحة): فستانك يا عروسة.
طيف: طيب يا فريد.
فريد: طب تقيسيه و اشوفه عليكي.
طيف: لا انا واثقة من المقاس و كدة كدة الخطوبة هتبقي علي الضيق و ده اللي اتفقنا عليه.
فريد: اه طبعا طبعا كل اوامرك تتنفذ، همشي انا دلوقتي.
طيف: تمام.
طيف حطت الفستان علي الكنبة و لقت رفيف واقفة مربعة ايديها...
طيف: عايزة ايه؟!
رفيف: مبسوطة؟!
طيف: ميتة من الفرحة. بصي همسك الفستان ده و هنيمه في حضني.
رفيف: و هو انتي كنتي شوفتيه اصلا.
فهد: ازاي هتقبلي البغل ده يبقي جوزك، دي ريحته زبالة.
طيف: هنام...
رفيف قربت من طيف و شدتها من دراعها.
رفيف: فيكي ايه بقي علطول بتنامي بتنامي في ايه متقلقنيش عليكي.
طيف: انا مكنتش بنام ايام الخطف فبعوض فيها ايه دي...
طيف: يلا تصبحوا علي خير.
طيف مسكت الفستان و دخلت اوضتها و قفلت الباب عليها...
طيف دخلت الحمام خدت دوش و خرجت تغير هدومها...
طيف لبست جيبة بيتي قصيرة لغاية الركبة باللون الاسود و فوقها تي شيرت بنص كم باللون الاحمر و سيبت شعرها علي ضهرها.
طيف فتحت الشباك و فضلت تبص علي القمر و النجوم و مستمتعة بنسمة الهواء اللي موجودة...
-في مكان تاني...
عند فريد...
منال: مش عارفة انت ازاي تروح تخطبها.
منال: دي عايزة الحرق.
فريد: منال اطلعي من دماغي.
فريد: انا بحبها و هي بتحبني انتي مالك؟!
منال: انا ليا اني اخاف علي مصلحتك و بصراحة كدة انت مصلحتك مش مع طيف.
فريد: بطلي غيرة يا منال بطلي شوية يا اختي.
منال: انا مش بغير منها.
منال: دي متستاهلش اصلا.
فريد: وسعي كدة مش امك موافقة خلاص.
منال: و هي ست الحسن و الجمال قبلت الخطوبة تبقي في الشارع؟!
فريد: ملكيش دعوة يا منال ملكيش دعوة...
فريد: سيبيني انام...
في الصباح الباكر...
فريد قام من بدري و نزل بدأ يظبط احوال الخطوبة و المكان و التزيين و المشروبات و الاكل و كان في قمة نشاطه...
عند طيف.
طيف قامت قبل الخطوبة بساعة واحدة و بدأت تلبس لوحدها و رفيف كانت شاكة في حاجة.
طيف لبست فستان باللون ال pink بنص كم فيه حزام باللون الابيض و لبست صندل ابيض بكعب. سيبت شعرها علي ضهرها و حطت مكياج بسيط...
رفيف: لو تحكيلي و تريحي قلبك.
طيف: يا رفيف انا بخير بخير و الله.
طيف: الموضوع كان صعب بس.
رفيف: انتي عارفة اني اتمني تبقي كويسة يا طيف.
طيف: عارفة يا حبيبتي.
رفيف: ربنا يسعدك.
طيف: يا رب.
فهد: عريس الغفلة وصل.
طيف: فهد عيب يا حبيبي.
فهد: اوف بقي متعصبنيش مش كفاية اني مستحمل اللي بيحصل ده...
طيف: سيبوني لوحدي خمس دقايق.
رفيف و فهد خرجوا و طيف قعدت علي السرير بتعب و حطت رأسها بين ايديها...
طيف: يا رب قويني انا مش عايزة الموضوع ده يكمل بس لازم علشان اعرف انسي و علشان انا زهقت زهقت من حياتي.
طيف قامت وقفت و خرجت بره اوضتها نزلت هي و رفيف و فهد كان في هيصه تحت العمارة.
رفيف: بلدي اوي.
طيف: معلش ان شاء الله هيتعلم الرقي.
فهد: بتحلمي، انتي شايفاه لابس ايه بدلة بيضاء في قرف كدة...
فريد: يلا يا حبيبتي.
فريد و طيف و فهد ركبوا ورا و قدام السواق و رفيف.
بعد فترة وصلوا للحارة و نزلوا.
طيف(بغضب): الخطوبة في الشارع؟! انت مجنون؟!
فريد: يا حبيبتي حلوة و الله و احلي من مليون قاعة اسمعيني بس متنكديش علينا.
رفيف: مش قولتلك...
طيف(بغضب): تعرف يا فريد لولا اني بفهم في الاصول كنت فرجت عليك كل الناس. و حسابنا بعد الخطوبة.
فريد: طيب يا حبيبتي يلا بينا.
فريد و طيف طلعوا قعدوا في الكوشة اللي في الشارع طيف كانت هتعيط من كتر الاحراج و رفيف واقفة جمبها...
منال كانت بتبص ليهم بغضب و مضايقة.
ام فريد: يلا يا عريس لبس العروسة شبكتها.
فريد: حاضر.
فريد: ايدك يا حبيبتي.
فريد مسك ايد طيف و لبسها الدبلة و طيف لبسته الدبلة بقرف,فريد بدأ يلبس طيف السلسلة و 4 غوايش و حلق.
طيف: شكرا شكرا.
فريد: النهاردة يوم حلو اوي و الليلة الكبيرة هتبقي اسعد يوم في حياتي.
طيف(لنفسها): لما اتطلق اصبر بقي.
رفيف(بهمس): مبسوطة يا عروسة؟!
طيف(بهمس): مصيري احبه عادي يعني الله بالعِشرة.
رفيف(بهمس): هقتلك هقتلك.
طيف(بابتسامة و همس): طيب.
عدوا كام ساعة في الخطوبة و بدأوا يروحوا...
فريد: تيجي نخرج؟!
طيف: بص الكعب وجعلي رجلي روحني احسن.
فهد: يلا.
فريد: ما تجبني هنا يا فهد؟!
فهد: لا بحب اقعد في النص، اصبر لما تتجوزوا.
فهد(بهمس): ده لو حصل اصلا.
بعد فترة وصلوا للبيت و رفيف و فهد طلعوا علي فوق.
طيف كانت هتطلع فريد وقفها و مسك ايديها.
طيف: ايه؟!
فريد: هتوحشيني.
طيف: و انت كمان.
فريد(بفرحة): بحبك.
طيف: بس انا مش بحبك.
فريد: مش مهم المهم اني هوحشك. و اكيد هتحبيني في يوم.
فريد: اسف يا طيف لو زعلتك في يوم.
طيف: لا عادي و لا يهمك احنا اخوات.
طيف عضت لسانها بسبب الكلمة اللي هي قالتها...
طيف: احم اطلع انا بقي باي.
طيف طلعت جري علي البيت فوق,فريد كان مبسوط.
في البيت...
رفيف: هنام مش قادرة...
فهد: و انا كمان، بقولك تيجي نخاصم طيف ممكن تستغني عن فكرة الجواز دي.
رفيف: فكرة.
رفيف: بس مبقدرش ازعل منها و لا اخاصمها...
فهد: ده كدة و كدة علشان مصلحتها.
رفيف: اشطا بس بكرة بقي...
رفيف: يلا تصبح علي خير.
فهد: و انتي من اهله.
كل واحد راح اوضته. طيف طلعت من تحت و لقت الكل نايم.
طيف: اوف شكلي هتعب معاكوا اوي.
طيف دخلت اوضتها و قفلت الباب و دخلت.
صقر(بابتسامة باردة): هاي طيف.
صقر كان قاعد علي السرير و مرجع رأسه لورا و وشه عليه نظرات مخيفة.
طيف كانت كلمة واحدة بتتردد في دماغها اجري.
طيف كانت هتجري بس لقت صقر شايلها من خصرها بايد واحدة و قفل الباب و سند عليه بضهره.
طيف(بغضب): نزلني نزلني بقولك. سيبني سيبني يا حقير.
طيف(بغضب): لو منزلتنيش هصوت و الم عليك الناس...
صقر: صوتي و لمي الناس هقولهم مراتي و اوريهم قسيمة الجواز و ابقي خلي حد بس يعترض.
طيف قعدت تتحرك كتير فأثرت علي جرح صقر فنزلها في الارض,طيف لفتله بغضب و ضربته علي صدره...
صقر: ايه فكرتي انك هربتي بمزاجك انتي. و فكرتي اني سايبك بمزاجك انتي برضو، كل ده بمزاجي انا يا طيف.
صقر مسك ايدين طيف ورا ضهرها و قربها منه.
صقر: كنت هسيبك و مش هقرب منك بس انك تروحي تتخطبي لواحد و انتي علي ذمتي انسي ان ده يحصل يا طيف علي جثتي.
طيف: وسع كدة، لكن انك تروح تلمس واحدة غيري و في اوضة نومي و انا علي ذمتك عادي جدا صح.
صقر: مش مهم و مش هبرر ليكي.
صقر: بس انتي من بكرة تفكي الخطوبة دي.
صقر: فاهمة؟!
طيف: لا انا عايزة اتجوز فريد علي الاقل بيحبني و بيخاف عليا راجل ممكن اتسند عليه في يوم من الايام و قد الثقة و عمره ما هيخوني.
صقر: في احلامك يا طيف تبقي ليه او ل غيره...
صقر مسك طيف من رأسها و شدها ناحيته بغضب.
صقر: انتي ملكي انا لاخر يوم في عمرك و عمري. اعتبريه تملك بقي اعتبريه غيرة اعتبريه اي حاجة انتي مراتي و ملكي انا...
صقر زق طيف علي الحيطة و شد السلسلة اللي فريد لبسها ليها و بعدها شد الحلقين بغضب.
طيف(بوجع): آه يا غبي.
صقر قلعها الغوايش بغضب و جرح ايديها و طيف كانت بتبصله و هو بيقلعها كل اللي فريد لبسه ليها بكل غضب...
صقر(بغضب): رايحة تتخطبي في الشارع و كوشة في الشارع و الكل بيتفرج عليكي، فرجة انتي.
طيف: علي الاقل احسن من اللي كتب كتاب باتنين شهود حراس و مقالش لحد اني مراته غير شخص و لا اتنين...
صقر شد منها الدبلة و طلع دبلة تانية من جيبه و لبسها ليها بغضب.
صقر(بغضب): من بكرة تلغي الخطوبة، و من بكرة هترجعي معايا لبيتي بمزاجك او غصب مليش دعوة، و الدبلة دي اياكي تقلعيها لانك مش هتقدري اصلا.
طيف كانت بتحاول تقلع الدبلة معرفتش كانت ضيقة اوي علي ايديها طيف بصت بغضب ل صقر...
صقر(بتحذير): فهمتي؟!
صقر: شكلي لما سيبتك يومين اتجننتي، في احلامك حد يلمسك غيري في احلامك اسمك يتكتب جمب اسم غيري، اللي بتعمليه ده اسمه احلام مش موجودة في قاموس صقر الجارحي يا طيف...
طيف قعدت تضرب صقر علي جسمه و غصب عنها ضربته علي الجرح,صقر حط ايده علي الجرح و كان في دم في ايده بس طيف ملاحظتش لان القميص كان اسود...
طيف: اياك تفتكرني اني عابدة هتشتريها بفلوسك اصحي يا صقر اصحي و فوق.
صقر وقع علي السرير بتعب و ايده اتفردت طيف شافت الدم صرخت...
طيف: صقر صقر انت كويس؟!
طيف قربت من صقر و بدأت تتفحصه و حطت ايديها علي خده...
رفيف(بقلق): طيف طيف انتي كويسة، طيف ردي عليا...
طيف قامت بسرعة فتحت الباب بخوف...
طيف: نادي الدكتور سلامة من تحت بسرعة.
رفيف: في ايه؟!
طيف: بسرعة.
طيف جريت علي صقر و لقت وشه بقي احمر و فتحت كام زرار من القميص...
فهد: مين ده يا طيف؟!
طيف: صقر.
طيف: اعدله معايا يا فهد اعدله معايا.
طيف و فهد عدلوه و كان الدكتور طلع و هو قلقان هو و رفيف...
سلامة: في ايه بيحصل؟!
طيف: بينزل دم.
سلامة: من فين طيب؟!
رفيف بصت بصدمة ل طيف لما شافت صقر.
طيف نزلت ل مستوي طيف و حطت ايديها علي خده.
طيف: صقر انت موجوع؟!
صقر هز رأسه بمعني أه.
طيف: طب ممكن تشاورلي علي جرحك علشان خاطري.
صقر رفع ايده و حاول يفتح زرار القميص مقدرش,طيف فتحت القميص ليه لقت جرح بسكينة و دم نازل.
سلامة(بحدة): انتي واقفة تتفرجي لازم نوقف الدم.
سلامة فتح شنطته و طلعت قطن و بدأ يوقف الدم,طيف كانت باصة ل صقر و بتعيط.
صقر رفع ايده بتعب و ارهاق و حط ايده علي خدها.
صقر(بخفوت): حاجة بسيطة متقلقيش.
بعد فترة بسيطة.
سلامة: الحمدلله قدرنا نوقف النزيف...
سلامة: مين ده؟!
طيف: قريبي.
صقر شد علي ايد طيف جامد و بصلها بغضب.
طيف: وصليه يا رفيف.
صقر(بحدة): انتي.
طيف: ممكن تسكت من ساعة ما جيت و انت بتتكلم بتتكلم، في ايه ما تخرس حبة.
طيف: يلا نام.
صقر: اياكي تزعقي ليا بحذرك.
رفيف(بغضب): ممكن افهم يا استاذة مين ده؟!
رفيف(بغضب): انت مين يا عم انت؟!
صقر(بتعب): جوزها...
فهد(بصدمة): نعم!
صقر(بتعب): و جيت اخد مراتي و ترجع بيتها اللي هو بيت جوزها.
طيف: مش هرجع البيت اللي سارة فيه و مين قالك اني سامحتك اصلا و مين قالك اني راجعة؟!
فهد: لحظة بس...
فهد قرب من صقر تحت استغراب الكل.
فهد: لا ممتاز ريحته حلوة احسن من ريحة المعفن التاني...
صقر: يعني انتي اللي ركبتي دماغك مع انهم رافضين؟!
طيف: ملكش دعوة. بكرة الصبح انت هتمشي من هنا.
صقر: ا.
طيف: و لوحدك ده اخر كلام.
طيف خرجت بره الاوضة,رفيف قعدت قدام صقر ب حيرة...
رفيف: ممكن تفهمني اي اللي حصل؟!
صقر: اكيد.
صقر: ممكن تسندوني.
رفيف و فهد سندوا صقر و قعدوه,صقر بدأ يحكي اللي حصل و اختصر شوية احداث.
صقر: و طبعا هي بتحبني و بتكابر بعد اللي حصل بس انا ليا اسبابي و مش هقدر اقولها لحد دلوقتي حتى هي...
طيف: لحظة لحظة ب ايه؟!
طيف: بتحبني ليه فاكر نفسك ادورد في فيلم twilet...
صقر: انا احلي منه...
طيف: يا شيخ اتلهي، خلص الكلام و متعملش فيها برئ.
طيف: من بكرة هتمشي بره حياتي كلها و هتطلقني غصب عنك او بارادتك...
صقر(بلامبالاة): مش لما تعرفي تشيلي دبلتي من ايدك الاول؟!
طيف: هروح عند الصايغ بكرة و هشيلها.
صقر: هقطعلك صابعك...
طيف(بعصبية): و انتوا صاحين ليه يلا خشوا ناموا...
فهد: هقابلك بكره باي.
صقر: باي.
رفيف: تصبحوا علي خير.
رفيف و فهد خرجوا قعدوا يتنططوا و هما مبسوطين.
رفيف: هييييييييه.
فهد: هششش وطي صوتك يلا ننام...
رفيف: مبسوطة اوي الواد مز اوي اوي الصراحة و يتحب.
فهد: عندك حق...
عند صقر و طيف.
صقر قلع قميصه كله و رماه علي الارض...
طيف: بتعمل ايه؟!
صقر: القميص فيه دم هنام ازاي بقي؟!
صقر: طيف ناوليني من جمب هدومك اللي هناك دي التي شيرت بتاعي ده.
طيف: اي هدوم؟!
صقر: اللي انا شاورت عليها.
طيف بصت جمب هدومها لقت كام تي شيرت ل صقر...
طيف(بشهقة): يا سافل!
صقر(بخبث): لا اعجبك برضو، يلا بقي ناوليني التي شيرت.
طيف رمت التي شيرت في وش صقر و كانت هتمشي صقر مسك ايديها و شدها ناحيته.
صقر: ياللي معندكيش دم انا تعبان لبسيني.
طيف بصت ل صقر بغضب و بدأت تلبسه التي شيرت بتاعه و خدت هدوم ليها و دخلت الحمام.
طيف لبست بنطلون اسود و فوقه تي شيرت بكم باللون البترولي قصير لغاية الخصر و سيبت شعرها علي ضهرها و عملت فيهم ضفرتين شدتهم مع بعض علي ورا بضفيرة واحدة و باقي شعرها علي ضهرها سايب...
طيف كانت بتفكر هتعمل ايه و خرجت من الحمام,لقت صقر فارد جسمه علي السرير و حاطط ايده تحت رأسه...
طيف: استوليت علي السرير؟!
صقر: ايوه يا حبيبتي سريرك مريح اوي يا روحي، يلا تيجي تنامي.
طيف: حبيبتي و روحي و تنامي؟!
طيف: لا هنام علي الكرسي...
صقر(بتحذير): مبحبش احذر كتير يا طيف 20 ثانية و تكوني نايمة جمبي علي السرير...
طيف(بعصبية): مش هتمشيني علي مزاجك هو كل حاجة بأمرك انت و كمان هنام علي الكرسي ملكش فيه.
صقر: 19 ثانية.
طيف لقت صقر هيقوم من علي السرير جريت علي السرير و قعدت عليه.
صقر: نامي و انجزي مش عايز رغي كتير.
طيف: حيوان.
صقر: متشكر نامي.
طيف نامت علي جمبها ودت ضهرها ل صقر و غصب عنها بدون سبب بدأت تعيط بصمت...
صقر كان متعصب لانها بتعيط قرب منها و حط ايده علي دراعها.
صقر: بتعيطي ليه؟!
طيف لا رد.
صقر: انا اسف يا ستي خلاص بقي، متكبريش الموضوع ده انا وحداني و بحبك.
طيف لفت بسرعة كبيرة ل صقر و حطت ايديها علي كتفه...
طيف: انت قولت ايه؟!
صقر: وحداني.
طيف: اللي بعد كدة.
صقر: مفيش حاجة.
طيف(بضيق): تمام...
طيف: ابعد عني.
صقر: طب ما تبعدي انتي عني.
طيف(بضيق): عندك حق.
صقر شد طيف ل حضنه و طيف حاولت تقاومه.
صقر: جرحي واجعني نامي بقي متوجعيش قلبي...
طيف هديت و غمضت عينيها و نامت بعمق في حضن صقر من غير ما تحس بمرور الوقت...
في الصباح الباكر...
رفيف صحيت من النوم قامت بنشاط شديد فتحت باب اوضة طيف ببطء لقت طيف نايمة علي صدر صقر و ماسكة فيه جامد.
رفيف(بفرحة): اخيرا!
رفيف: نحضر بقي فطار ملوكي.
الباب خبط.
رفيف: حاضر.
رفيف راحت فتحت الباب فتحت عينيها علي اخرهم.
رفيف(بصريخ): عااااااااااااا.