رواية أسيرة لحصون قلبه للكاتبة سلسبيل كوبك الفصل التاسع والعشرون

رواية أسيرة لحصون قلبه للكاتبة سلسبيل كوبك الفصل التاسع والعشرون

في الصباح الباكر...
رفيف صحيت من النوم قامت بنشاط شديد فتحت باب اوضة طيف ببطء لقت طيف نايمة علي صدر صقر و ماسكة فيه جامد.
رفيف(بفرحة): اخيرا!
رفيف: نحضر بقي فطار ملوكي.
الباب خبط.
رفيف: حاضر.
رفيف راحت فتحت الباب فتحت عينيها علي اخرهم.
رفيف(بصريخ): عااااااااااااا.
في شخص ضرب رفيف زق رفيف و وقعت علي الارض.
عند صقر.
صقر سمع صوت صريخ بص جمبه لقي طيف نايمة,قام و مسك سلاحه و خرج بره الاوضة.
رفيف: انتوا مين؟!

شخص: انتي بقي رفيف مش كدة؟!
رفيف كانت بتزحف لورا لغاية ما حست بحد بيقومها من علي الارض.
رفيف(بدموع): معرفش مين دول.
صقر رفع مسدسه في وش اللي قدامه و رفيف استخبت في ضهره.
صقر: انتوا مين؟!
شخص2: و انت مين انت كمان؟!
صقر: مش مهم.
في شخص قرب من صقر بس صقر ضرب رصاصة في رجله...
طيف قامت مخضوضة من صوت ضرب النار و قامت بسرعة من اوضتها خرجت علي بره و كان فهد صحي مخضوض برضو...
طيف: ايه اللي بيحصل هنا؟!

بدأوا الجيران يطلعوا علي صوت الرصاصة و اتلموا حوالين بيت طيف...
البواب: في ايه بيحصل هنا؟!
الاشخاص اللي اتهجموا علي رفيف كانوا واقفين مصدومين من اللي بيحصل و خايفين يتمسكوا.
طيف قربت من صقر نزلت ايده اللي ماسكة السلاح.
طيف: انت غبي ايه اللي عملته ده؟! و لما تجيلك مصيبة دلوقتي...
فهد: ما حد يفهمنا بيحصل ايه؟!
رفيف(بعياط): معرفش.

رامي كان جاي ل رفيف يطمن عليها و لما لقي الناس حوالين بيتها جري بسرعة علي جوا...
رامي(بقلق): رفيف.
رفيف جريت بسرعة علي رامي و رامي حضنها و باس رأسها...
رامي: مالك حصلك ايه؟!
رامي(بصدمة): صقر بيه!
صقر: مش وقته، شكلهم هما نفس الناس اللي خطفوها اول مرة.
رامي بصلهم بغضب و كان هيروح ناحيتهم بس صقر وقفه...
صقر: اهدي مش عايزين مشاكل دلوقتي.

صقر: يا رجالة الناس دي كانت بتتعدي علي الانسة رفيف اللي هي جارتكم ايه مش هتعملوا الواجب معاهم؟!
جيران رفيف قربوا من الخمس الاشخاص اللي رجعوا لورا بس كان وراهم صقر و رامي,جيران رفيف خدوا الرجالة علي تحت و ربطوهم و شالوا كمان اللي صقر ضربه و الستات بدأت تضربهم بالشباشب و بعدها اتصلوا بالبوليس...
رامي: انا مش فاهم حاجة...
طيف: انت مين قالك ان رفيف اتخطفت؟!

صقر: بعدين. دلوقتي خشي غيري هدومك علشان نرجع الاسكندرية.
طيف: في احلامك قولتلك.
صقر(بملل): طيب يا طيف براحتك.
صقر: ايه مفيش فطار حلو كدة؟! يلا يا رامي ننزل نشتري فطار و بالمرة احكيلك اللي حصل بدل ما انت عامل زي الاهطل في الزفة كدة.
صقر: قدامي.
رامي و صقر نزلوا ل تحت...
رامي: لازم اوقفه عنده حده ابن المحمدي ده.
صقر: اكيد، بس لازم يبقي في ذكاء في التعامل...

صقر: المحمدي مش شخص سهل ده راجل اعمال كبير و كونه انه بيهرب كتير يبقي لازم التعامل معاه يبقي بذكاء.
رامي: بفكر كتير بفكر كتير، بس من ساعة ما رفيف دخلت حياتي و هي في خطر...
رامي: بقول ابعد عنها بس مش قادر.
صقر: اياك، انا عملت كدة.
صقر(بسخرية): و السنيورة في الاخر راحت تتخطب.
صقر: الاحساس صعب اياك تعمل كدة، فاهم.
رامي: مش هتحكيلي؟!
صقر: اكيد...
البواب: بس انت مين يا ابني؟!

البواب: ده الظابط رامي و احنا عارفينه انت بقي مين؟!
صقر: انا ابقي زوج طيف، و محدش يسألني ازاي.
صقر طلع قسيمة الجواز من جيبه و خلي الكل يشوفها.
صقر: علشان محدش يقدر يجيب سيرتها علي لسانه لانه اللي هيعمل كدة هقطعله لسانه.
صقر: يلا يا رامي.
صقر و رامي مشيوا و راحوا للسوبر ماركت و المطعم,و صقر حكي ازاي عرف طيف بالمختصر ل رامي.
عند طيف و رفيف.
رفيف: جوزك ده gentle اوي، ازاي مش عايزة ترجعي معاه بس؟!

طيف: و النبي يا رفيف حلي عني مش ناقصة كام كلمة من حد انا.
طيف: مش راجعة معاه.
طيف: و هتجوز فريد هه.
رفيف: بتعاندي مين يا بت؟! بتعاندي نفسك و لا بتعانديه.
رفيف: احب اقولك لو بتعانديه فهو مش هيرجع من هنا الا و انتي معاه، احب اعرفك بس.
رفيف: و اه اكدبي علي الدنيا كلها الا انا، حبك ليه باين في عيونك.
طيف جريت علي المراية و بصت علي عيونها.
طيف(بسخرية): تصدقي فعلا.
رفيف قلعت الشبشب بتاعها و ضربت بيه طيف.

طيف: بيوجع يا غبية.
فهد: بس عمو صقر ده حلو اوي.
رفيف: حتى اسمه.
طيف: اسم حيوان.
رفيف: بس ليه هيبة يا اختي. و الله انتي بتتبتري علي النعمة.
طيف: عندك حق، انا مفترية يا ستي انتي مالك.
رفيف: يا بت متعصبنيش.
طيف: هروح افتح الباب لما اشوف مصيبة تانية.
رفيف: لا لا استني لما صقر يرجع هو و رامي.
طيف(بسخرية): شايفاكي معجبة اوي ب صقر جوزي يعني.
رفيف(برفعة حاجب): بتغيري؟!
طيف: مين انا مستحيل.

طيف فتحت الباب لقت فريد واقف قدامها و ماسك بوكيه ورد احمر...
رفيف: و الله شكي كان في محله مصيبة جديدة اهي.
فهد(بقرف): اهلين...
فريد: طيف انتي كويسة اصل في بوليس تحت و ناس غريبة كدة.
فريد: وحشتيني من امبارح للنهاردة.
فريد: خدي الورد ده علشانك.
طيف خدت بوكيه الورد من فريد بتوتر.
فريد: ايه ده من كتر استعجالك في جوازنا لبستي الدبلة في ايدك الشمال.
فريد: اومال فين باقي شبكتك؟!

فريد: انا مستعجل اوي اوي علي فرحنا هيبقي اسعد يوم في حياتنا كلها، اوعدك اني هخليكي ملكة متوجة.
رفيف و فهد كانوا بيضحكوا بصمت و طيف كانت بتبص علي صقر اللي ورا فريد بتوتر و بتبلع ريقها بصعوبة.
طيف: انا بقول سلم علي الشهداء اللي معاك...
فريد: مالك يا حبيبتي!؟
رامي: احم احم ممكن تبص بس وراك سيكا كدة.
فريد لف و بص وراه لقي قدامه صقر...
صقر(بابتسامة مخيفة): شكلك كدة كنت مستجعل علي موتك مش الجواز...

صقر ضرب فريد بوكس في وشه و ضربه في بطنه و بدأ يضربه و طيف مع كل ضربة تتنفض من منظر فريد و صقر...
فهد: اديله اديله يا صقر...
صقر(بغضب): من هنا و رايح رجلك متعتبش البيت ده و الا و ربي اقطعه ليك.
صقر(بغضب): و دي اسمها مدام صقر الجارحي مش طيف و لا حبيبتك فاهم.
صقر(بغضب): و الخطوبة اتلغت هي متجوزة اصلا.
رامي: خلاص كفاية يا صقر.

صقر و رامي دخلوا البيت و رامي قفل الباب و صقر بص علي طيف و قرب منها و هي بدأت ترجع لورا...
صقر مسك منها بوكيه الورد و رماه في الارض و قعد يدوس عليه...
طيف: ليه بحبه؟!
صقر(بزعيق): مفيش بحبه و لا زفت من هنا و رايح تكرهي كل الورد اللي موجود في الدنيا فاهمة؟!
طيف كانت هتجري علي اوضتها بس صقر شدها لحضنه و غمض عيونه و بدأ يرجع لطبيعته و هدوءه,طيف خبت وشها فيه باحراج.

رامي: احم احم خدي يا رفيف يلا علشان نحضر الفطار...
رفيف: طيب.
فهد: طب و انا انا اعمل ايه؟!
فهد: عمو صقر عمو صقر.
صقر بعد عن طيف اللي جريت علي اوضتها بخجل,صقر نزل ل مستوي فهد.
صقر: نعم؟!
فهد: انت بتحبها؟!
صقر: عايز ايه ياض انت؟!
فهد: مش هترجعوني لعمتي و عيالها تاني؟!
صقر: لا متقلقش، هترجع معايا انا و طيف.
فهد(بفرحة): بجد؟!
صقر: ايوه.
فهد(بحزن): طب و رفيف هنسيبها لوحدها؟!
صقر(بغمزة): لا هنسيبها مع عمو رامي.

فهد: بجد؟!
صقر: ايوه.
فهد: ماشي...
صقر حضن فهد و باس رأسه.
صقر: يلا بقي روح حضر السفرة عقبال ما اجيب الفراولة من الاوضة.
فهد: فراولة ايه؟!
صقر: بعدين هقولك.
صقر دخل اوضة طيف و هي اول ما شافته كانت هتجري علي الحمام مسك ايديها و شدها ناحيته.
صقر: ايه الخدود الحمراء دي؟!
طيف: انت عايز ايه؟!
صقر: اوبا طلع عندنا ثقة كبيرة اهو اومال بتختفي لما بحضنك ليه؟!
طيف: الله مش متعودة راجل غريب يحضني.

صقر: و هو انا راجل غريب؟!
طيف: ايوه. وسع كدة هساعدهم في الاكل.
صقر: لا ارسي علي حل عايزة تخشي الحمام و لا تروحي تساعديهم انتي بكذا حال كدة ليه.
صقر: الجو حلو اوي.
صقر: تعالي معايا.
صقر شد طيف و راح ناحية الشباك فتحه حضن طيف من ضهرها و سند بدقنه علي كتفها.
طيف: ايوه ايه بقي؟!
صقر: بصي علي انعكاسنا في المراية.
طيف بصت علي المراية و كان شكلهم حلو اوي مع ضوء الشمس.
طيف: كتفي في ذمة الله...

صقر: اسف لسيادتك يلا نخرج ليهم...
طيف: طيب.
صقر و طيف خرجوا للباقي و بدأوا يجهزوا الاكل و قضوا اليوم مع بعض...

-في مكان تاني...
عند آسر في الشركة.
آسر: لا برافو.
ليلي(ببرود): دي حاجة بسيطة يا فندم.
آسر: امتحاناتك امتي؟!
ليلي: ملكش دعوة.
آسر رفع عينه ل ليلي فجأة و ليلي خافت من منظره.
ليلي: كمان اسبوعين...
آسر: تمام...
آسر: كتبك جبيها معاكي و انتي جاية علشان تذاكري.
ليلي: بس.
آسر: مفيش اجازة.
ليلي: بس ده ظلم و ضغط عليا.
آسر: اعتقد سمعتيني.
آسر: و الجيبة القصيرة دي متجيش بيها تاني.

ليلي: ما كل اللي في الشركة بيلبس كدة و كمان.
آسر: و انا سكرتيرتي متلبسش كدة، تمام.
آسر: يلا علي مكتبك.
ليلي: علفكرة دي اسمها رخامة.
آسر: انا رخم انتي مالك؟!
ليلي: تعرف...
آسر: اتفضلي بره.
ليلي(بغيظ و همس): ضربة في قلبك.
آسر(بوجع): آه.
ليلي لفت لقت آسر حاطط ايده علي قلبه ليلي جريت علي بره بسرعة.
ليلي: ايه في ايه لاكون مبروكة و انا مش عارفة.
ليلي: اشوف فيك يوم يا بعيد.

ليلي: لا بعد الشر ما هو برضو مديري اوف بقي.
ليلي: ما انا دايما بدعي اجيب امتياز و مش بجيب امتياز يوم ما ادعي علي حد تتحقق الدعوة.
ليلي: غريبة.
عند نيران و ماهر.
ماهر: كدة هتبدأي امتحاناتك بعد اسبوعين!؟
نيران: بالظبط.
ماهر: طيب.
ماهر: خليكي هنا اسبوع و بعدها خدي اسبوع قبل الامتحانات تذاكري فيه.
نيران: تمام شكرا.
ماهر: احتمال مش اكيد نضطر نسافر مع بعض بكرة لالمانيا.
نيران: اشمعنا؟!

ماهر: حصلت مشكلة في الشركة هناك محتاجة مدير متميز و آسر مش فاضي يسافر فهروح انا و انتي السكرتيرة بتاعتي يبقي هتيجي معايا.
ماهر: في اي اسئلة تانية؟!
نيران: لا بس هستأذن من بابا.
ماهر(برفعة حاجب): افندم!
ماهر: مش باباكي يبقي محمد الجارحي؟!

نيران(بابتسامة): ايوه بابا يبقي صاحب الشركة كلها، بس انا هنا في شغلي و لا آسر يبقي اخويا و لا محمد بيه يبقي ابويا. لكن لما اروح البيت يبقوا اخويا و ابويا لازم لما ابني نفسي ابنيه بشخصيتي انا نيران لكن مش نيران الجارحي.
ماهر بص ل نيران بفخر و بعدها الباب اتفتح.
آسر: نيران؟!
نيران: نعم يا فندم!
آسر: بقولك روحي بدري النهاردة.
نيران: اشمعنا؟!
آسر: كدة و هيكون وراكي حراسة.
ماهر: في ايه يا آسر؟!
آسر: مفيش.

نيران: بس.
آسر(بحدة): يلا.
نيران(بقلق): طيب.
نيران خرجت بسرعة و خدت حاجتها و مشيت.
محمد: نيران.
نيران(بقلق): نعم يا بابا.
محمد: متخافيش كله هيبقي تمام.
نيران: حاضر. باي.
نيران خرجت بسرعة ركبت عربيتها و وراها عربية حراس...
عند ماهر و آسر...
ماهر: في ايه يا ابني؟!
آسر: حسام رجع و محدش عارف خطوته الجديدة هتبقي ايه.
ماهر: قصدك ان نيران في خطر؟!
آسر: كل العائلة في خطر بسبب حسام المجنون ده.

ماهر خد حاجته بسرعة و خرج بره الشركة.
آسر: ماله ده؟!
ماهر ركب عربيته و مشي ورا نيران بعربيته و لاحظ عربية غريبة وراها.
ماهر فتح درج العربية بتاعته و طلع مسدسه و ضرب رصاصة.
في العربية الغريبة.
حسام(بغضب): مين الغبي ده؟!
حسام بص ورا علي عربية ماهر لمحه.
ماهر(بغضب): بتلعب يا ابن ال.
ماهر ساق بسرعة اكبر. حسام ابتسم بخبث و قرب من عربية نيران و خبطها بقوة و مشي بعيد عن الانظار...

سواق عربية نيران خبط في العربية اللي قدامه و نيران اتخبطت بقوة و كانت حاسة بوجع كبير...
ماهر قرب من عربية نيران و وقف العربية علطول و نزل جري علي عربية نيران و فتح الباب.
ماهر: نيران نيران، انتي كويسة؟!
نيران: انت جيت أزاي؟!
ماهر: مش مهم دلوقتي...
ماهر: تعالي.
حارس: ماهر بيه.
ماهر(بزعيق): يا بهايم روحوا وراه.
ماهر: تعالي يا نيران.

ماهر مسك ايد نيران و خرجها بره العربية,نيران مكنتش متوازنة و كانت هتقع بس سندت علي ماهر...
ماهر: اهدي كدة.
ماهر: تعالي معايا.
ماهر سند نيران و ركبها عربيته و لف ركب عربيته و بدأ يسوق ناحية القصر...
ماهر: انتي كويسة؟!
نيران: حاسة بوجع في رأسي شوية.
ماهر: الف سلامة.
نيران: الله يسلمك.
ماهر: اهدي خالص محصلش حاجة ان شاء الله خير.
نيران: شكرا لوجودك.
ماهر: عادي.
بعد فترة وصلوا للقصر و نيران نزلت من عربية ماهر.

نيران: باي. شكرا.
نيران كانت هتمشي وقعت في الارض,ماهر فتح عربيته و نزل جري علي نيران.
ماهر: نيران يا بنتي فتحي عينك.
ماهر شال نيران بين ايديه و راح ناحية البيت,حد من الحراس رن الجرس...
عزة: نيران؟!
ماهر: مش وقته وسعي.
ماهر دخل ب نيران و حطها علي الكنبة.
ماهر: هاتي ماية بسرعة.
عزة جريت جابت ماية و رجعت ل ماهر.
نجلاء(بخضة): مالها نيران؟!
ماهر: مفيش.
ماهر بدأ يرش ماية علي وش نيران لغاية ما فاقت.

ماهر: انتي كويسة؟!
نيران(بتعب): اه.
ماهر: قومي يلا.
نجلاء: نيران حبيبتي انتي كويسة؟!
نيران: اه متخافيش يا نوجة انا كويسة.
نجلاء: شكرا يا ابني. معلش تعبناك.
ماهر: لا عادي مفيش حاجة، باي.
ماهر: هبقي اطمن عليكي في التليفون يا نيران.
نيران: تمام شكرا يا استاذ ماهر.
ماهر: باي.
ماهر خرج بره القصر و نجلاء خدت نيران في حضنها.
نيران: حبيبتي متخافيش.
نجلاء: الف سلامة عليكي يا روحي.
نجلاء: تعالي معايا.

عزة: الف سلامة عليكي يا نيران.
نيران: تسلمي.
نجلاء خدت نيران و طلعتها اوضتها نيمتها علي السرير...
نجلاء: نامي يا حبيبتي ارتاحي، هطلعلك الغداء كمان شوية.
نجلاء قربت من رجل نيران علشان تقلعها الكوتشي.
نيران: لا طبعا يا نوجة مينفعش كدة.
نيران قلعت الكوتشي و رمته في الارض.
نجلاء: يا مهملة.
نيران: تصبحي علي خير يا مزة.
نجلاء: ربنا يسعدك يا حبيبتي.
نجلاء باست رأس نيران و خرجت بره اوضتها...

-في مكان تاني...
عند صقر و طيف.
طيف: قولتلك احلم مفيش رجوع معاك.
رامي: ما هو انتي لازم تروحي معاه.
طيف: لا.
رفيف: يا طيف زي ما بيقولك كدة في خطر عليكي.
طيف: برضو لا.
فهد: حماية ليكي يا طيف.
طيف: لا و مش هرجع معاه و مش هسيب رفيف لوحدها هنا.
رامي: اكتب الكتاب عليها يا ستي علشان ترتاحي.
طيف: لا برضو.
رفيف: انت بتزيط في الزيطة، قال اكتب الكتاب قال.
رامي: انتي تخرسي دلوقتي علشان مكسرش دماغك.

رفيف: احترم نفسك...
طيف: بس بقي بس بقي.
رفيف: طب اسمعي الكلام.
طيف: لا برضو.
صقر(بغضب): بس بقي متعصبنيش.
صقر(بغضب): هنمشي النهاردة بليل و ده اخر كلام عندي.
طيف وقفت و ربعت ايديها و بصت ل صقر.
طيف: لا و كمان احنا فاهمين بعض كويس انت عايزني ارجع ليه اصلا؟! ايه سببك؟!
طيف: خايف عليا؟! لا يا حبيبي متخافش اقدر احمي نفسي كويس مش محتاجة ليك.
طيف دخلت اوضتها و نامت علي السرير و كانت متأكدة ان صقر هيمشي.

صقر: طيب و انا يا انتي يا طيف.
صقر: رامي تعالي هنا انت و رفيف و انت يا فهد.
الاربعة قعدوا علي السفرة و بدأوا يتكلموا...

-في الصباح الباكر...
عند طيف.
طيف فتحت عينيها ببطء حست بريحة برفيوم صقر جمبها رفعت رأسها لقت نفسها في حضن صقر بصت حواليها لقت مكان غريب عليها.
طيف قامت مفزوعة من علي السرير,صقر صحي بسببها فتح عينه و بص ليها.
صقر: خير؟!
طيف: انت جبتني فين؟!
صقر(ببرود): بيتك يا حبيبتي.
طيف: ده مش بيتي.
صقر(ببرود): لا ده بيتي انا و انتي.
صقر: هو انا مش قولتلك.
طيف: قولت ايه؟!
صقر شد طيف ل حضنه تاني طيف حاولت تزقه.

صقر: انا قررت اكمل حياتي معاكي اهو بقي زوجة و لقيتها اقول لا و كمان في حد يرفض الجمال ده.
صقر مسك دقن طيف و قرب منها.
صقر: و كمان الجمال ده مش بيتكرر مرتين، و اعتبري كدة اني متجوزك تخلفي ولاد جمال شبهك و نبقي نطلق براحتنا، و كمان جربيني ممكن اعجبك.
طيف زقت صقر و قعدت تضربه.
طيف: يا سافل جبتني فين؟!
طيف: انت خطفتني و انا هبلغ عليك البوليس.
صقر: و هو في راجل بيخطف مراته يعني.
طيف: طلقني طلقني طلقني.

صقر(بملل): طيف طلاق مش هيحصل ريحي حنجرتك بقي دي شوية...
صقر قام من علي السرير و دخل الحمام,طيف قامت من علي السرير و هي بتبص حواليها و فتحت الباب و نزلت علي السلالم.
طيف(باستغراب): فهد!
فهد: صباح الخير.
طيف: ايه اللي بيحصل هنا؟! و فين رفيف؟!
فهد: مع جوزها.
طيف(بصدمة): مين؟! و ازاي و ليه في ايه؟!
Flash back...
صقر: كدة رفيف في خطر و طيف في خطر تمام.
صقر: هأخد طيف و فهد معايا في مكان امن.

صقر: و انت يا رامي هتاخد رفيف معاك ل بيتك.
رفيف: بصفتي مين بقي؟!
صقر: مراته هتكتبوا الكتاب، و مش هتكدبوا علي بعض انتوا الاتنين بتحبوا بعض مجرد كتب كتاب علشان تعرف تقعد في بيتك و كمان علشان تبقي تحت عينك و تعرف تحميها.
رامي(بفرحة): حبيبي.
رامي قام حضن صقر و باسه و فهد ضحك عليه.
رفيف: مفيش حل تاني؟!
صقر: لا.
رفيف: خلاص بقي هقبل و خلاص.
رامي: نعم يا اختي؟! طيب اصبري عليا.
رفيف: هتعمل ايه يعني؟!
رامي: مش هعمل.

صقر: هششش وطوا صوتكوا مش عايزها تصحي.
صقر قام و دخل ل طيف وداها حقنة مهدئة و طلع تليفونه عمل مكالمة و قفل.
صقر: رفيف جهزي هدوم فهد ليه، ماشي.
رفيف: حاضر.
رامي: و جهزي هدومك انتي كمان.
رفيف: طيب.
-بعد فترة...
الباب خبط.
صقر قام فتح لقي معتصم و المأذون سلم عليه و حضنه.
معتم: رامي صاحبك في الفندق كدة.
صقر: معلش ممرمطك معايا.
صقر: يلا ادخلوا.
رامي: ياااااه علي عصر السرعة. يلا.

المأذون دخل و قعد و معتصم و صقر كانوا الشهود و رفيف و رامي قعدوا جمب المأذون...
رفيف: نفسي طيف تبقي معايا.
صقر: ساعة الفرح دلوقتي ده كتب كتاب يقضي المواضيع اللي بتحصل ده. و لو صحيت هتعمل سين و جيم و مفيش حاجة هتتكتب و عذاب و حاجة قرف.
رامي: ليه و علي ايه؟! يلا يلا يا بنتي.
و بدأوا يكتبوا الكتاب...
المأذون: بارك الله لكما و بارك عليكما و جمع بينكما في خير.
رامي قام شد رفيف لحضنه و حضنها جامد.

معتصم: كل حاجة بقت سريعة دلوقتي، يلا يا حضرة المأذون.
معتصم: صقر كل حاجة جاهزة زي ما اتفقنا.
صقر: طيب...
معتصم: همشي انا.
صقر: اقابلك في الاسكندرية...
معتصم خد المأذون و مشيوا.
صقر: هأخد فهد و طيف و امشي...
صقر: و بعدها انتوا ورايا بشوية.
رامي(بفرحة): ماشي.
رفيف: مالك منشكح كدة ليه؟!
رامي(بفرحة): اخيرا اتجوزتك.
رامي مسك ايدين رفيف و باسهم و رفيف ابتسمت بخجل.
رامي: يخرب بيت جمالك يا شيخة.

رفيف(بخجل): اينعم مش وقته بس بحبك.
رامي بص ل رفيف بصدمة وطي شالها و لف بيها كتير.
رفيف: يا مجنون.
صقر خرج شايل طيف بين ايديه.
صقر: رامي خرجلي شنطة فهد في الاسانسير و اعمل اللي انت عايزه بعد ما نمشي...
صقر: يلا يا فهد.
رامي حط شنطة فهد في الاسانسير و دخلوا الاسانسير و رامي رجع ل رفيف و هو مبسوط...
صقر حط طيف في العربية و حط الشنطة و فهد ركب و صقر بدأ يسوق ناحية بيت تاني جديد...

صقر لما وصل للبيت كان فهد نام,صقر شال طيف و طلعها الاوضة و نزل خد فهد و شنطته و حطه في اوضته برضو.
صقر راح ل طيف و غير هدومه و نام جمبها...
Back.
طيف(بصدمة): ده كله؟!
صقر(من وراها): يلا يا حبيبتي جهزيلنا الفطار علشان ورايا مشوار.
طيف لفت بسرعة ل صقر و كانت هتقع بس صقر مسكها من خصرها و قربها منه و طيف مسكت في قميصه بسرعة و غمضت عينيها.
صقر(بابتسامة): فاكرة اول مرة شوفتك فيها؟!

طيف فتحت عينيها و بصت ل صقر و ابتسمت ببطء.
صقر: نفس المشهد.
صقر قرب طيف منه و خدها في حضنه.
فهد: روميو و جوليت ممكن ناكل بقي.
صقر: مين جاب الرخم ده هنا؟!
طيف(بضيق): متقولش عليه رخم.
صقر: طب رزل تنفع؟!
طيف(بضيق): لا.
صقر: خلاص يلا روحي اعملي اكل بسرعة...
طيف نزلت من علي السلالم هي و صقر و طيف وقفت في نص البيت ب حيرة.
طيف: فين المطبخ؟!
صقر: وراكي علطول.
طيف لفت و دخلت للمطبخ و بدأت تحضر فطار سريع.

فهد و صقر: عايزين نأكل عايزين نأكل عايزين نأكل.
طيف: خلاص اهدوا جبت الاكل اهو.
طيف بدأت تحط الفطار علي السفرة و بدأوا هما التلاتة يأكلوا و صقر و فهد يهزروا مع بعض.
طيف حطت ايديها علي خدها و سرحت معاهم.
طيف فاقت علي ايد صقر اللي علي رجليها و بيبص ليها بخبث.
طيف ضربت ايده جامد و صقر شال ايده بسرعة.
فهد: في حاجة؟!
صقر: مفيش حاجة خالص دي رخامة بس.

طيف: انا مش موافقة علي اللي انت بتقوله و مش عايزة افضل هنا لحظة واحدة.
صقر: طيف ممكن لحظة؟!
صقر قام و خرج بره ال?يلا و طيف راحت وراه.
صقر: مش هجبرك تعيشي معايا بس فكري في نفسك و الخطر اللي حواليكي.
صقر: كل اللي قولته نعيش مع بعض، كدة كدة انتي مراتي و انا جوزك و غير كدة انا يعتبر عريس لقطة ليكي و انتي زوجة غبية.
طيف رفعت حاجبها ل صقر و بصتله.
صقر: بس عسل.

صقر: عموما البطيت ده لمراتي و بس و محدش هيدخله غير مراتي اللي هو انتي.
صقر: عدي الايام اللي جاية يا طيف.
طيف: و ست سارة دي بقي؟!
صقر: و الله العظيم ما حصل حاجة بيني و بينها.
طيف(بزعيق): بس انا دخلت عليكم و انتوا مع بعض و قولت كلام ساعتها خلاني اكرهك و اكره اي لمسة منك يا صقر حتى و لو غصب عنك.
صقر بص ل طيف بندم و وطي رأسه و حط عينه في الارض.
صقر: آسف.

طيف بصتله و بعدها سابته و مشيت بره ال?يلا و صقر اتخنق فك اول زرارين من قميصه و بص علي طيف و هي بتمشي...
طيف فجأة وقفت في مكانها و بعدها لفت ل صقر,صقر اتفاجئ من حركة طيف لقاها جريت عليه حضنته جامد.
طيف: مش قادرة مش قادرة.
صقر لا رد.
صقر دفن وشه في رقبة طيف و رفعها من علي الارض.
بعد فترة...
طيف: نزلني.
صقر نزل طيف ببطء علي الارض و حاوط وشها بين ايديه.
صقر: مش هتندمي.
طيف: هتروح فين؟!

صقر: مشوار كدة، متفتحيش لاي حد مهما كان مين يا طيف، خلي بالك من نفسك انتي و فهد المكان هنا امن انتي حواليكي اشخاص كتير و محدش هيقدر يقرب من ال?يلا.
طيف: تمام.
صقر باس رأس طيف و حضنها حضن خفيف و سابها و مشي ركب عربيته و ساق.
طيف رجعت ال?يلا و دخلت ل فهد.
فهد: يا سلام علي الحب و طعم الحب...
طيف: اخرس.
فهد: بتحبيه يا ابله؟!
طيف: ابله! من امتي ياض؟!
فهد: بتحبيه متوهيش في الموضوع؟!
طيف: لا.
فهد: كدابة.

طيف: هشيل الاكل.
طيف بدأت تشيل الاكل من علي السفرة و دخلت المطبخ بدأت تغسل الاطباق...
طيف(نفسها): حبتيه؟!
طيف: معرفش متلخبطة.
طيف(نفسها): شكلك كدة وقعتي يا طيف.
طيف: خايفة.
طيف(نفسها): من ايه؟!
طيف: اوف معرفش.
طيف: بحب قربه اوي.
طيف(نفسها): و بعدين في الحالة دي؟!
طيف: بغير عليه.
عقلها: و ايه كمان يا رايقة؟!
قلبها: بس بقي معندكش احساس.
عقلها: ما تخرس يا عم الرهيف حبة.
طيف: هششش بس.
طيف: اوف.
طيف: ايوه انا انا.

طيف(بصريخ): عااااااااااااااااا الحقوني...