رواية أسيرة لحصون قلبه للكاتبة سلسبيل كوبك الفصل السادس والثلاثون
مهرة جالها تليفون و قامت ترد عليه.
فجأة حصل ضرب نار في المكان.
آسر(بصريخ): ماما.
آسر جري علي مهرة اللي كانت بتقع في الارض و سندها قبل ما تقع...
آسر(بدموع): امي...
نيران(بصدمة): ماما!
نيران وقعت علي الكنبة من صدمتها، الكل كان مصدوم و صقر قام لآسر وقف جمبه.
صقر: تعالي ننقلها المستشفي بسرعة.
آسر(بدموع): هنلحق...
صقر: متخافش يلا بس.
صقر و آسر سندوا مهرة اللي كانت غرقانة في دمها.
محمد(بعصبية): عزت جهز العربيات.
عزت: جاهزة يا بيه...
صقر و آسر و محمد نقلوا مهرة علطول للمستشفي.
نيران(بعياط): عايزة اروح معاهم.
طيف: اهدي يا حبيبتي...
طيف حضنت نيران و نيران قعدت تعيط.
فهد جري علي نيران و طيف قعد يطبطب علي نيران.
فهد: معلش هي هتبقي كويسة...
فهد: متعيطيش هي لسة مماتش. هي عايشة.
نجلاء(بحزن): تعالي يا حبيبي.
نجلاء حضنت فهد و كانت حزينة علي مهرة.
نيران كانت في حضن طيف بتعيط اوي.
عند صقر...
الكل كان علي اعصابه و بالاخص آسر كان متوتر و قاعد جمب مهرة...
صقر: اهدي يا آسر.
آسر(بخوف و دموع): هي مش بترد عليا.
صقر وقف قدام المستشفي و نزل جاب نقالة و كانوا الدكاترة معاه.
و بدأوا ينقلوا مهرة علي النقالة و جريوا علي اوضة الطوارئ...
محمد قعد علي الكرسي بهدوء,آسر كان واقف خايف علي مهرة و متوتر.
صقر راح وقف جمبه و طبطب علي كتفه.
صقر: هتبقي كويسة متقلقش.
آسر(بدموع): انا خايف اوي.
صقر حضن آسر و آسر كان بيمنع نفسه انه بعيط و حاول يتماسك...
نقلوا مهرة اوضة العمليات و الكل قعد منتظر انها تخرج...
عند الباقي.
نجلاء: نيران هتبقي كويسة متقلقيش اطلعي ارتاحي انتي باين عليكي انك تعبانة.
نيران(بدموع): انا خايفة عليها اوي.
نجلاء: يا حبيبتي متخافيش هتبقي كويسة متقلقيش.
طيف: لازم ترتاحي و لما تصحي الصبح هتكون بقت كويسة. لكن اننا ننتظر كدة مش هينفعنا في حاجة.
نجلاء: يلا يا حبيبتي.
نيران(بتعب): ممكن متمشيش؟!
طيف: حاضر يا روحي.
طيف: اطلعي ارتاحي و لو عوزتي حاجة ناديني.
نجلاء: هطلعها و انزلك.
طيف: تمام يا طنط.
فهد: هي مامتها هتعيش صح؟!
طيف: ان شاء الله يا روحي.
فهد: يعني هي مامتها مش هتموت زي مامتي صح.
طيف حضنت فهد و باست رأسه.
طيف: ان شاء الله لا يا حبيبي. و كمان ما انا امك اتبريت مني كدة بسهولة.
فهد: انتي ست البنات كلهم.
طيف: حبيب قلبي.
عند نجلاء و نيران.
نجلاء: حبيبتي مهرة قوية و هتفضل عايشة ان شاء الله...
نيران(بعياط): هو انا السبب في كل اللي بيحصل؟!
نجلاء: لا يا حبيبتي ده قدرنا. و كمان الدنيا كلها مش وردي يعني اكيد فيها الاسود.
نجلاء: انتي جميلة جدا و متخافيش يا قمري هي هتبقي كويسة...
نيران(بعياط): ممكن تقعدي معايا شوية؟!
نجلاء: اه يا حبيبتي.
نجلاء و نيران قعدوا مع بعض لغاية ما نيران نامت...
تحت.
فهد نام علي رجل طيف و طيف اتصلت ب صقر.
الخط اتفتح.
طيف: الو.
صقر: ايه يا طيف؟!
طيف: ايه الاخبار عندك؟! اخبار طنط ايه؟!
صقر: لسة في العمليات. اخبار نيران ايه؟!
طيف: طلعت مع طنط فوق في اوضتها.
صقر: طيب باتي عندك.
طيف: حاضر.
صقر: معلش انتي مش متعودة و.
طيف: لا خالص عادي، المهم محدش يحصله حاجة و ان شاء الله طنط تبقي بخير.
طيف: انا صاحية. هستناك تكلمني تطمني.
صقر: ماشي يا حبيبتي.
طيف: باي. ابقي كلمني متنساش مش هنام.
صقر: طيب هبقي اكلمك، باي.
طيف: باي.
نجلاء: معلش يا طيف اتأخرت عليكي.
طيف: لا يا طنط و لا يهمك...
نجلاء: هو نام كنت هعشيه هو ملهوش دعوة باللي بيحصل.
طيف: لا يا حبيبتي مش مهم، لما يصحي.
طيف: بس ممكن اطلعه ينام في اوضة.
نجلاء: اه تعالي.
طيف بدأت تصحي فهد و مسكت ايده و مشيت ورا نجلاء.
فهد(بنوم): طيف.
طيف: نعم يا حبيبي.
فهد غمض عيونه و نام بعمق و طيف باست رأسه و خرجت مع نجلاء.
نجلاء: تحبي تنامي؟!
طيف: انتي هتعملي ايه؟!
نجلاء: هقعد شوية استني اشوف مين هيرجع.
طيف: طيب هقعد معاكي.
نجلاء: تعالي يا حبيبتي.
نجلاء: عزة اعملي كوبايتين قهوة.
عزة: حاضر يا هانم.
نجلاء: تعالي يا حبيبتي.
نجلاء و طيف طلعوا قعدوا في التُراس كان في هواء جميل و المنظر حلو بالنسبة لطيف.
الاتنين قعدوا فترة ساكتين مش بيتكلموا لغاية ما جت القهوة.
طيف: ممكن اسأل سؤال؟!
نجلاء: قولي يا حبيبتي.
طيف: ايه اللي بيحصل او يعني ليه بيحصل كدة؟!
طيف: علاقتك بمحمد بيه. و مهرة و آسر و صقر و حسام.
طيف: ليه العائلة متفككة كدة؟!
نجلاء(بضحكة بسيطة): ده كله سؤال واحد بس.
طيف(باحراج): اسفة بس الفضول قاتلني و صقر انسان صامت.
نجلاء: طب ما تصبري.
طيف: اهو نسلي وقتنا و كمان صقر مش هيتكلم ابدا.
نجلاء: طيب بس مش هتقولي لصقر.
طيف: وعد.
نجلاء: بصي يا طيف.
نجلاء: زمان من 29 سنة قبل ما اخلف صقر بسنة يعتبر و قبل ما اتجوز محمد اصلا.
Flash back.
من 29 سنة.
نجلاء: انا نازلة عايزة حاجة.
بنت: لا يا نوجة.
بنت: بس خلي بالك ل الشباب يعاكسوكي.
نجلاء: لا يا حبيبتي متقلقيش.
نجلاء: بقولك ايه ما تحلي عني يا بت يا بطة(فاطمة).
فاطمة(صاحبة نجلاء): طيب يا نوجة...
نجلاء خدت شنطتها و نزلت من شقتها و هي ماشية في عربية خبطتها.
نجلاء وقعت علي الارض و اللي كان راكب العربية نزل جري ل نجلاء.
شاب: انتي كويسة؟!
نجلاء(بوجع): ايوه الحمدلله، ابقي خلي بالك.
شاب: طب نروح المستشفي نطمن عليكي. اسف جدا كنت بتكلم في التليفون.
نجلاء: و لا يهمك.
نجلاء سندت علي العربية و قامت وقفت كانت هتقع بس الشاب سندها.
شاب: واضح انك تعبانة ممكن تيجي معاياا اكشف عليكي.
نجلاء: ليه و انت دكتور!
شاب: لا انا محمد.
نجلاء: قديمة يا خفيف.
محمد: مجتش معاكي يعني.
نجلاء: مش فاضية ورايا شغل.
محمد: تحبي اوصلك.
نجلاء: متشكرين لخدماتك، عن اذنك.
نجلاء مشيت و ركبت تاكسي و راحت للمطعم اللي بتشتغل فيه...
بعد فترة.
نجلاء: تشرب ايه يا فندم؟!
محمد: ملاحظتيش ان ده قدر.
نجلاء(برفعة حاجب): اللي هو؟!
محمد: نتقابل مرتين في نفس اليوم.
نجلاء: انت كنت عايز حد يتخانق معاك اصلا بدل ما يقولك حصل خير...
محمد: ايه القمر ده؟!
نجلاء: في ايه ما تحترم نفسك.
محمد: حد جه جمبك. بس انا بؤمن بالصدف جدا و بحسها اشارة.
نجلاء: خليها ليك.
نجلاء: هتطلب ايه؟!
محمد: عصير مانجا من ايدك.
نجلاء: هيبقي مسكر اوي يا خفيف.
محمد ضحك علي نجلاء.
محمد: واثقة من نفسك اوي.
نجلاء سابت محمد و راحت تحضر طلبه و بعدها حطته قدامه.
محمد: هنتقابل تاني.
نجلاء: يا رب ارحمني...
محمد مشي و رجع ل بيته، نجلاء بعد ما خلصت شغل رجعت بيتها.
فاطمة: مالك يا بت سرحانة في ايه؟!
نجلاء: مش عارفة. شكله جميل اوي.
فاطمة: هو مين؟! مز يا بت مز؟!
نجلاء: ما تسيبيني يا بت في حالي.
فاطمة: انا غلطانة عايزة مصلحتك.
نجلاء: سيبيني انام، تصبحي علي خير.
فاطمة: و انتي من اهله.
عند محمد.
محمد وصل ل بيته لقي عائلته متجمعة.
والدته: محمد تعالي عايزاك.
محمد: ايه يا امي؟!
والدته: تعالي ورايا.
محمد: حاضر.
محمد مشي ورا والدته لغاية ما قعدوا في مكان لوحدهم.
والدته: بص يا محمد، انت عارف قوانين عائلتنا.
محمد: اللي هي؟!
والدته: هتتجوز البنت اللي نختارها احنا ليك طبعا.
محمد: اللي هي برضو؟!
والدته: مهرة بنت خالتك.
محمد: انسي يا امي، اتجوز اي حد غيرها.
محمد: دي بتلزق لزقة غبية كدة.
والدته: بتحبك يا محمد.
محمد: و انا مش بطيقها، انسانة فاشلة في الدراسة و الشغل.
محمد: مستحيل يا امي مستحيل.
والدته(بزعيق): و هتتجوزها هي يا محمد يعني هي.
والدته: و كمان مش هتتجوز حد من بره عائلتنا.
محمد: متعصبنيش يا امي...
محمد قام ساب والدته و طلع اوضته و قفل الباب.
محمد قعد علي الكنبة و رجع رأسه لورا و افتكر نجلاء و اسلوبها.
محمد: شكلي هقع و لا ايه؟!
محمد بدأ يجي المطعم اللي نجلاء بتشتغل فيه كتير و نجلاء بتصده علطول.
بعد فترة كبيرة.
نجلاء: مش ملاحظ ان الامر زاد؟!
محمد: هو ايه؟!
نجلاء: انت بتيجي هنا كتير ليه؟!
محمد: علشانك مثلا.
نجلاء: ما هو ليه برضو؟!
محمد: ممكن علشان بحبك.
نجلاء قعدت تكح و محمد طبطب علي ضهرها و شربها ماية.
محمد: انتي كويسة؟!
نجلاء هزت رأسها بمعني اه.
محمد: بحبك بحبك بحبك...
نجلاء: متعصبنيش.
محمد: بكدب مثلا.
نجلاء: ايه اللي هيخليك تحبني و تختارني انا و بس.
نجلاء: ايه عايز نضرب ورقتين عرفي، لا انسي يا باشا.
محمد: علي سُنة الله و رسوله.
نجلاء: و ليه بقي؟!
محمد: شوفتك عجبتيني خلتيني احبك...
نجلاء: و اهلك هيوافقوا ينزلوا لمستوي واحد بتشتغل في مطعم و مش من عائلة و مقطوعة من شجرة.
محمد: هنتعب في البداية بس هنعدي.
محمد: هسيبك تفكري. باي.
محمد قرب من نجلاء باسها علي خدها و مشي.
نجلاء مقدرتش تكمل الشغل و مشيت روحت علي بيتها...
فاطمة: مالك يا بت خضتيني؟!
نجلاء: قالي بحبك يا فاطمة قالي بحبك.
فاطمة: احلفي. الله الحكاية احلوت اوي.
نجلاء: اخرسي.
فاطمة: ايه؟! اوعي تقولي رفضتي.
نجلاء: عقلي وقف يا فاطمة معرفتش اتصرف.
فاطمة: عند مأذون و كدة؟!
نجلاء: ايوه.
فاطمة: رافضة ليه يا بت؟!
نجلاء: و عائلته هتقبل بيا؟!
فاطمة: طبعا و هو في احلي منك يا نوجة.
نجلاء: يعني اعمل ايه؟!
فاطمة: وافقي.
نجلاء: متاكدة؟!
فاطمة: طبعا.
تاني يوم.
نجلاء راحت شغلها و قعدت مستنية محمد يجي بس مجاش خلصت شغلها و مشيت.
نجلاء و هي في الطريق لقت عربية جاية في وشها و وقفت قدامها.
محمد: اسف عارف اني اتاخرت عليكي بس غصب عني.
نجلاء: و لا يهمك عادي.
محمد: ايه قرارك؟!
نجلاء(باحراج): موافقة...
محمد(بفرحة): احلي خبر.
محمد: بس عايز احكيلك علي حاجة.
نجلاء: قول.
محمد: اركبي.
نجلاء: بس.
محمد: انتي خايفة؟!
نجلاء: لا.
محمد و نجلاء ركبوا العربية و راحوا قدام البحر.
نجلاء: عايز تقول ايه؟!
محمد: انا والدتي صعبة.
نجلاء: تمام.
محمد: هترفض جوازنا. و هي جبرتني اني اخطب بنت خالتي.
نجلاء قامت وقفت و بصت ل محمد بصدمة كانت هتمشي بس محمد مسك ايديها.
محمد: بس انا عايزك انتي و شاريكي.
نجلاء: ازاي؟!
محمد: هنتجوز سر و.
نجلاء(بحدة): لا و الله.
محمد: مش سر اللي هو عرفي. اقصد هنتجوز و محدش هيعرف غير عدد بسيط بس.
محمد: انتي بتحبيني و متنكريش و انا كدة و اكتر بكتير.
محمد: وافقي يا نجلاء، و اوعدك هقولها اكيد.
نجلاء قعدت فترة ساكتة و بعدها بصت ل محمد.
نجلاء: لو رفضت.
محمد: هتكوني برضو ليا.
نجلاء: هنتعب.
محمد: مش مهم المهم نبقي مع بعض.
نجلاء: ماشي.
محمد: بكرة هجيب المأذون.
نجلاء: بس سريع اوي.
محمد: مش مهم...
نجلاء(بخجل): عايزة اروح.
محمد: تعالي.
محمد وصل نجلاء بيتها و نجلاء طلعت و هي مبسوطة.
فاطمة: ايه عصر السرعة ده؟!
نجلاء: بس بقي.
فاطمة: يا بيضة يا مسكوفة.
نجلاء: يا حيوانة.
في الصباح الباكر...
نجلاء كانت نايمة لقت فاطمة فوق رأسها.
نجلاء(بخضة): في ايه يا بت؟!
فاطمة: فستانك جه يا عروسة.
نجلاء(بصدمة): مين جابه؟!
فاطمة: عريسك يا عروسة.
نجلاء: وريني وريني.
نجلاء شدت الفستان من فاطمة و كانت مبسوطة اوي و بدأت تتفرج عليه.
نجلاء: حلو اوي يا بت يا بطة.
فاطمة: فعلا.
بعد فترة كانت نجلاء بدأت تجهز نفسها هي و فاطمة.
نجلاء لبست فستان بسيط لونه ابيض ب ¾ كم و الاكمام شفافة و واسع من بعد الخصر بسيط و كان سادة و في نقوش بسيطة من قدام. رفعت شعرها علي شكل كحكة بسيطة و نزلت كام خصلة علي وشها حطت مكياج بسيط اوي...
فاطمة: العريس وصل.
نجلاء: شكلي حلو يا فاطمة.
فاطمة: قمر يا بت قمر اوي.
نجلاء و فاطمة خرجوا بره كان محمد و المأذون و اتنين صحابه موجودين.
بدأوا يكتبوا الكتاب و الشهود تمضي.
المأذون: بارك الله لكما و بارك عليكما و جمع بينكما في خير.
فاطمة زغرطت و محمد شد نجلاء لحضنه و باس رأسها...
فاطمة: مبروك.
شخص1: هنمشي احنا يا محمد.
محمد: طيب.
اصحاب محمد مشيوا و معاهم المأذون.
محمد: هنمشي احنا يا فاطمة باي.
فاطمة: هتوحشيني يا روحي.
نجلاء: و انتي كمان.
محمد: طيب يلا باي.
محمد خد نجلاء و نزلوا ركبوا عربية محمد و راحوا لشقة تانية في عمارة.
محمد: خشي برجلك اليمين.
نجلاء: الشقة حلوة اوي يا محمد.
محمد: من هنا و رايح انا حبيبك حبيبك انتي و بس.
نجلاء: من اول مرة شوفتك فيها اصلا و انت كنت حبيب القلب.
بعد خمس شهور.
طول فترة جواز محمد بنجلاء كان محمد بيبات كام يوم عند نجلاء و كام يوم في بيته و ما زال مخطوب من مهرة.
محمد: جبتيني بسرعة ليه يا نجلاء؟!
نجلاء: عندي ليك مفاجاة حلوة اوي.
محمد: ايه؟!
نجلاء(بفرحة): انا حامل.
محمد قرب من نجلاء بفرحة و شال نجلاء و لف بيها كتير.
نجلاء: براحة براحة.
محمد: عرفتي امتي؟!
نجلاء: النهاردة. انا حامل في الشهر التالت.
محمد: بحبك بحبك يا نجلاء.
نجلاء: حبيبي.
-محمد كان بيبني شركته و كيانه و كان بيحاول يأسس و يبني مستقبل لابنه الجديد.
مرت فترة حمل نجلاء علي خير و ولدت.
محمد(بفرحة): هسميه صقر يا نوجة.
نجلاء(بابتسامة): براحتك يا حبيبي.
محمد: حمدلله بالسلامة عليكي.
نجلاء: الله يسلمك يا حبيبي.
كانت الحياة ماشية طبيعية و كانوا عائلة سعيدة مبسوطة.
بعد فترة.
محمد: حبيب بابا.
محمد: يلا اكبر علشان تشيلني بقي.
نجلاء: هترجع النهاردة.
محمد: اه يا حبيبتي و هكلمهم.
نجلاء: ربنا معاك يا حبيبي.
محمد: حبيبتي.
محمد باس ايد نجلاء و حضنها.
محمد: هتوحشيني يا حبيبتي.
نجلاء: تمام يا حبيبي.
محمد: الواد هيكبر امتي؟!
نجلاء: عنده 3 سنين مش عاجبك.
محمد: يكبر بقي و يشيلني...
نجلاء: ربنا يخليك لينا يا حبيبي.
محمد: يلا همشي انا دلوقتي.
نجلاء: طيب يا حبيبي.
محمد مشي و نجلاء حضنت صقر جامد و باست رأسه...
نجلاء: حبيب بابا و ماما انت.
صقر ابتسم ل نجلاء و ضربها علي وشها.
نجلاء(بضحك): يا جذمة...
صقر و نجلاء قعدوا يهزروا و يضحكوا مع بعض.
عند محمد.
محمد وصل للبيت ملقاش حد غير مهرة.
محمد: خير يا مهرة؟!
مهرة: حبيت اتكلم معاك.
محمد: هما فين؟!
مهرة: في الحفلة.
محمد: طيب هاجي وقت تاني.
مهرة: ما تيجي نشرب مع بعض حاجة.
محمد: طيب.
محمد و مهرة قعدوا و بدأوا يشربوا عصير,فجأة محمد حس بتقل في دماغه...
مهرة قربت من محمد بدلع و قربت منه و (لخيالكوا)و.
في الصباح الباكر.
محمد فاق من نومه و كان مصدوم من اللي حصل.
مهرة: ايه؟!
محمد(بغضب): انتي عارفة حصل ايه؟!
مهرة: انت قولت امبارح انك بتحبني؟!
محمد(بغضب): انتي مستوعبة اللي بيحصل؟!
محمد لبس هدومه و مشي بره البيت كله و هو في قمة غضبه.
نجلاء لاحظت تغير في معاملة محمد.
نجلاء: مش ناوي تقول في ايه؟!
محمد: ا.
الباب خبط.
نجلاء: لحظة.
نجلاء راحت فتحت الباب لقت مهرة.
مهرة(بعصبية): انتي بقي. وسعي.
محمد: انتي ايه اللي جابك هنا؟!
مهرة: انت هتسبني بعد اللي حصل؟!
نجلاء: هو ايه اللي حصل؟! و مين دي؟!
مهرة: انا مهرة.
نجلاء: انتي مهرة؟!
محمد: اطلعي بره يا مهرة.
مهرة: و ابنك اللي في بطني؟!
نجلاء و محمد بصوا بصدمة لمهرة.
مهرة: ايوه. مش انت قضيت معايا ليلة من اسبوعين بمزاجك.
نجلاء قعدت علي الكنبة بصدمة و محمد قرب منها.
محمد: نجلاء انا و الله ما عارف ده حصل ازاي، و الله.
نجلاء لا رد...
مهرة: هتتجوزني انا و لا نتفضح كلنا و طبعا عصمت هانم لو عرفت ممكن يحصلها حاجة...
نجلاء خدت صقر و دخلت اوضتها.
محمد(بصوت عالي): اخرجي بره يلا يلا.
مهرة: ماشي يا محمد بس الحق اتصرف احسنلك.
مهرة مشيت و محمد دخل ل نجلاء علطول.
محمد: حبيبتي.
نجلاء: انا شايفة تتجوزها فعلا.
محمد(بصدمة): ايه؟!
نجلاء: اومال مامتك تدخل في غيبوبة و كمان حرام يجي الطفل و يتعذب و هو ملهوش ادني ذنب.
محمد: بس.
نجلاء: لو مش هتتجوزها يبقي تطلقني.
محمد: نجلاء انتي بتقارني نفسك بيها.
نجلاء: انت اللي عملت كدة يا محمد.
بعد فترة كبيرة.
محمد وافق يتجوز مهرة و بالفعل اتجوزها و الكل عرف انها حامل من محمد بعد الجواز بشهر بعد سبع شهور خلفت آسر...
نجلاء حاولت تتقبل الوضع و حاولت متبينش لمحمد ان الموضوع مأثر فيها.
محمد خد نجلاء و صقر و راح بيهم للقصر بتاعهم.
عصمت(والدة محمد): مين دي؟! جايبلي اتنين من الشارع و بتقولي مراتك و ابنك.
عصمت(بزعيق): انت اتجننت؟!
عصمت(بزعيق): علي جثتي عارف يعني ايه علي جثتي.
عصمت اغمي عليها.
محمد: ماما.
نقلوا عصمت المستشفي و كانت شبه جلطة...
نجلاء: اهدي يا حبيبي هتبقي كويسة...
مهرة: انتوا السبب منكوا لله.
صقر كان واقف شايل آسر علي ايده و بيهزر معاه.
مهرة(بزعيق): وسع كدة.
صقر(ببرائة): بس.
مهرة(بزعيق): هاته لتموته.
نجلاء: ما تحترمي نفسك في ايه.
مهرة: انتي بتكلميني انا يا بتاعة الشوارع.
محمد(بزعيق): خلاص اخرسوا.
-عصمت فاقت لكن مبقتش تكلم محمد خالص و محمد حاول كتير يصالحها لكن معرفش.
-نجلاء حاولت تتكلم معاها كتير بس كل مرة ترفضها و تطردها,و مهرة بتقولها كلام وحش كتير.
-محمد بدأ يتغير مع نجلاء غصب عنه...
Back...
طيف كانت متأثرة بكلام نجلاء اوي و زعلانة.
نجلاء: و بعد كدة عصمت والدة محمد توفت. محمد كان شايف نفسه هو المذنب علطول.
نجلاء: كره نفسه و كرهني و كره صقر حتى كره آسر و مهرة.
نجلاء: بس حاول يرجع تاني مقدرش...
نجلاء: و قعدنا علي كدة لمدة خمس سنين. متقلب المزاج.
نجلاء: و بعدها مبقاش في بينا تعامل زي زمان...
نجلاء: بالنسبة لصقر و آسر. فكانوا بيحبوا بعض جدا بس كلام مهرة ل آسر كرههُ في صقر.
نجلاء: صقر كان غصب عنه بِعد هو كمان لما لقي في جفاء من والده.
نجلاء: و الاتنين بدأوا يشيلوا من بعض. و مهرة دايما بتخلي آسر بعيد عن صقر و عملت كدة برضو في نيران.
نجلاء: بس انا حاولت قدر الامكان مسبهمش يكرهوا بعض، بس بين صقر و آسر مقدرتش.
طيف: بس ازاي ده حصل؟! و ليه عصمت هانم عملت كدة كانت تتقبلك.
طيف: و ازاي انتي قبلتي بكدة، ازاي متطلقتيش؟!
طيف: ازاي استحملتي ازاي سيبتيها تشاركك في جوزك.
طيف: لو كل الناس تفكيرهم زي تفكير عصمت هانم كنتي حضرتك مش هتقبليني طبعا.
نجلاء: انا زيي زيك يا طيف بس الفرق ان صقر حكيم و عاقل و بيعمل حساب لكل خطوة بيعملها.
طيف: فعلا. بس رخم شوية. بس انا لسة مش مستوعبة اللي حصل.
طيف: لسة بتحبي عمو محمد؟!
نجلاء: عمري ما بطلت احبه يا طيف عمري مشتاقة ليه. كفاية عندي اني اشوفه بس.
نجلاء: كفاية اشوفه مبسوط. بس ساعات بزهق و بمل بمل من اني اكون منتظرة علطول مليت من اني اكون في الاحتياطي دايما.
طيف: ممكن يكون بيحبك بس بيكابر.
نجلاء: مش مهم مبقاش ليه لازمة، هو حبيب القلب و هيفضل حبيب القلب بمزاجي او غصب عني.
طيف: ا.
فجأة طيف لقت حد ربط حبل علي رقبتها جامد.
طيف(بصوت عالي): الحقوني.
نجلاء(بخضة): انت مين؟!
حد ضرب نجلاء علي رأسها و التاني بيخنق طيف و.