رواية أسيرة لحصون قلبه للكاتبة سلسبيل كوبك الفصل السابع والثلاثون

رواية أسيرة لحصون قلبه للكاتبة سلسبيل كوبك الفصل السابع والثلاثون

فجأة طيف لقت حد ربط حبل علي رقبتها جامد.
طيف(بصوت عالي): الحقوني.
نجلاء(بخضة): انت مين؟!
حد ضرب نجلاء علي رأسها و التاني بيخنق طيف.
طيف مسكت كوباية الماية اللي كانت في صينية القهوة و رمتها علي اللي كان بيخنقها.
الشخص ده بعد عن طيف و طيف شالت الحبل من علي رقبتها.
طيف قعدت تكح كتير.
طيف: طنط نجلاء انتي كويسة؟!
الشخص التاني مودهمش فرصة و كان هيرمي نجلاء من علي التُراس بس طيف زقت نجلاء ل جوا الاوضة.

طيف(بزعيق): انتوا مين و عايزين ايه؟!
الشخص الاول بص للشخص التاني و قربوا من طيف بس طيف زقتهم بسرعة و طلعت جريت بره التُراس و قفلت الباب.
طيف: تعالي يا طنط.
طيف مسكت نجلاء و خرجوا بره الاوضة.
طيف: المفروض ننادي الحراس.
نجلاء(بقلق): فعلا عندك حق.
نجلاء: حاسبي يا طيف.
طيف لفت لقت اللي بيضربها علي وشها و طيف وقعت في الارض.
نجلاء(بصريخ): عزة. انتصار.
الخدام طلعوا علي صوتهم و نادوا الحراس.
شخص1: لازم نهرب بسرعة.

شخص2: بسرعة.
كانوا لسة بيجروا طيف مسكت رجل واحد و كعبلته الشخص التاني مسك حاجة حديد و ضرب بيها ايد طيف.
طيف(بوجع): آآآه.
طيف غصب عنها سابت رجل الراجل و الاتنين جريوا هربوا.
حارس1: في ايه يا هانم؟!
نجلاء(بزعيق): زمانهم بيهربوا.
نيران قامت مفزوعة علي الصوت و خرجت بره اوضتها.
نيران(بخضة): طيف!
نيران: لازم دكتور دي بتنزل دم.
طيف(بوجع): انا كويسة هاتي بس شاش و قطن.
نيران: انتي مجنونة يا طيف؟!

نجلاء: انتي كويسة يا حبيبتي اهدي بس.
حارس(بأسف): مقدرناش نمسكهم يا هانم و هربوا...
نجلاء(بزعيق): يعني ايه مقدرتوش؟!
طيف: خلاص يا طنط.
انتصار: انتي كويسة؟!
طيف: اه بس حد يشوف فهد في اوضته.
نيران(بدموع): هتصل بصقر يجي.
طيف: لا لا لا طبعا عايزة تقلقيه علي حاجة تافهة زي دي. لا.
طيف: حاجة بسيطة مش بتوجع اوي.
عزة: طب يلا يا هانم نعالج جرح ايدك قبل ما النزيف يزيد.
طيف: طيب...

طهروا جرح طيف و لفوا شاش علي دراعها لانه كله اتعور و الحديدة كانت حادة ف فتحت ايديها.
نجلاء: طب هجبلك هدوم يا بنتي.
طيف: لا يا طنط هنام انا بهدومي كدة عادي.
نجلاء: اسمعي الكلام بس.
طيف: يا طنط و الله مرتاحة. يلا تصبحوا علي خير.
طيف دخلت اوضة صقر اللي في القصر و راحت علي السرير نامت بعمق.
نيران: هو حصل ده ازاي؟!
نجلاء: منعرفش بس لازم صقر يعرف. بس لما يرجع.
نيران(بدموع): هو لسة مفيش اخبار عن ماما؟!

نجلاء: اهدي يا حبيبتي اهدي. صقر هيطمنا الصبح.
نجلاء: تعالي نامي دلوقتي.
نيران دخلت اوضتها مع نجلاء و نامت في حضن نجلاء...
في المستشفي.
الدكتور خرج من اوضة العمليات.
آسر: ها يا دكتور؟!
الدكتور: ادعوا ليها هي في حالة حرجة...
صقر: ايوه يعني في امل تعيش؟!
الدكتور: لو ربنا اراد ده. هي في حالة صعبة جدا الكبد اتأذي.
الدكتور: موضع الطلقة غلط و كمان فقدت دم كتير.
الدكتور: هننقلها اوضتها...
محمد: ممكن نسفرها بره.

الدكتور: صدقني مش هيعملوا حاجة زيادة. ادعوا ليها.
آسر قعد علي الكرسي بتعب و صقر قعد جمبه و حضنه.
صقر: اهدي هتفوق الموضوع هيأخد بس وقت.
آسر(بدموع): انا عارف انها وحشة شوية بس هي امي.
صقر: اهدي في ايه هتفوق و هتبقي كويسة كمان.
محمد: يلا نرجع مفيش فايدة من قعادنا هنا.
آسر(بدموع): روحوا انتوا.
محمد: هتسمع الكلام، بكرة نبقي نروح ليها.
صقر: خلاص روح انت و انا هجيبه و اجي.
محمد: طيب متتأخروش.
صقر: ماشي.

محمد: عزت ورايا يلا.
محمد رجع علي القصر و دخل طلع اوضة نجلاء ملقهاش فيها دخل اوضة نيران.
محمد قرب من نيران باس رأسها و بعدها بدأ يصحي نجلاء.
نجلاء(بخضة): مين؟!
محمد(بهمس): هشششش انا محمد قومي.
نجلاء قامت مع محمد و خرجوا بره اوضة نيران.
نجلاء: في ايه؟! ايه الاخبار؟!
محمد: ا.
محمد(بقلق): ايه اللي في وشك ده؟!
نجلاء(بتوتر): ايه؟!
محمد(بحدة): نجلاء ايه اللي في وشك؟!

نجلاء بصت ل محمد لقته بيبصلها بحدة,نجلاء حكت اللي حصل.
محمد(بغضب): ازاي ده يحصل؟!
نجلاء: خلاص نام دلوقتي و بكرة تبقى تتصرف.
محمد: و طيف اصابتها كبيرة؟!
نجلاء: يعني بس مرضتيش حد يقول ل صقر.
محمد: طيب، تعالي.
نجلاء: اجي اعمل ايه؟!
محمد(بلامبالاة): هنام.
نجلاء(ببرود): ليك اوضة علفكرة.
محمد حط ايده علي الحيطة ورا نجلاء.
محمد: مسمعتش.
نجلاء: جاية وراك.
محمد ابتسم علي استسلام نجلاء السريع و مسك ايديها باسها.

محمد: تعالي.
محمد و نجلاء راحوا اوضة محمد و ناموا فيها.
محمد: و انتي نايمة بعيد كدة ليه؟!
نجلاء: انا حرة علفكرة.
محمد: لا مش حرة.
محمد قرب من نجلاء و حضنها و باس خدها.
محمد(بابتسامة): نامي علطول متفضليش تفكري فيا كالعادة.
نجلاء: و م.
محمد: هشششش نامي.
عند صقر و آسر.
آسر و صقر فضلوا قدام اوضة مهرة قاعدين.
صقر: هروح اشتري ماية و اجي.
آسر لا رد.
صقر خرج بره المستشفي و طلع تليفونه اتصل ب طيف مرتين.

صقر: شكلها نامت.
طيف: الو.
صقر: لسة صاحية؟!
طيف: يعني. ايه الاخبار؟!
صقر: الحالة حرجة.
طيف: طب اقول ل نيران او كدة و لا استني لما انت تكلمها.
صقر(بتنهيدة): معرفش.
طيف: متقلقش كله هيتعدل.
صقر: يا رب.
طيف: متزعلش نفسك. طب انت كلت؟!
صقر: لا.
طيف: لا لازم تأكل انت و آسر، اغصبه حتى و لو مش عايز يأكل.
صقر: هشوف، انتي حد ضايقك هناك؟!
طيف: لا خالص، قعدت مع طنط و اتكلمنا شوية.
صقر: و نيران؟!
طيف: نيمناها.
صقر: طيب.

طيف: آسر حالته طبعا وحشة؟!
صقر: ايوه.
طيف: طب تحب اجي؟!
صقر: لا.
طيف: طيب براحتك.
صقر: ابعتيلي صورة ليكي.
طيف: نعم!
صقر: اعتقد سمعتي و من غير رغي كتير. يلا.
طيف: بس ليه؟!
صقر: يلا.
طيف: حاضر.
طيف شغلت الكاميرا و بدأت تصور نفسها.
طيف: تؤ تؤ وحشة اوي.
طيف: اوف ابعتله ايه ده.
طيف: خلاص عرفت.
طيف: بعتلك.
صقر: هشوفها.
صقر: و ده ايه ده ان شاء الله؟!
طيف: انا.
صقر: انتي بعتالي صورة قمر.
طيف: ايوه ما انا القمر.

صقر: مغرورة اوي.
طيف(بضحك): اوي.
صقر ضحك علي ضحكة طيف و قعد علي كرسي و بدأ يتكلم مع طيف.
صقر: يلا ابعتي صورة ليكي.
طيف: حاضر انا عارفة اني مشهورة.
صقر: طبعا طبعا.
طيف: بعتلك اهو يا عم.
صقر مسك تليفونه و شاف صورة طيف و ابتسم علي شكلها.
صقر: مش بطالة.
طيف: انت كدة بتغلط علفكرة.
صقر: مش عاجبك؟!
طيف: انا اقدر.
طيف و صقر قعدوا يتكلموا فترة مع بعض.
صقر: هقفل انا.
طيف: طيب باي.
صقر: هبقي اكلمك باي.
طيف: باي.

صقر اشتري ماية و اكل و راح لآسر و غصبه يأكل و قعدوا مع بعض لغاية الصبح.

-في الصباح الباكر...
عند ماهر.
ماهر: محدش جه خالص؟!
ممرضة: لا يا بيه.
ماهر: طيب. جهزي ورق الخروج.
ممرضة: بس حضرتك لازم رعاية و.
ماهر: من غير رغي كتير كلمت الدكتور امبارح اصلا.
ماهر قام من علي السرير و بدأ يغير هدومه بعد ما الممرضة خرجت.
ماهر خرج بره المستشفي لقي في عربية بسواق قدام المستشفي.
سواق: ماهر بيه.
ماهر: عم عبده.
عبده: اتفضل يا بيه.
ماهر ركب العربية و رجع رأسه لورا.
ماهر: روح علي الشركة...

عبده: حاضر يا بيه.
بعد فترة السواق وقف قدام الشركة و ماهر نزل منها.
ماهر: خليك هنا.
ماهر طلع للدور بتاعه و استغرب ان مفيش حد.
ماهر: محمد بيه فين؟!
سكرتيرة: مجاش يا فندم و مستر آسر و نيران و ليلي محدش فيهم جه.
ماهر(باستغراب): ازاي يعني؟!
سكرتيرة: معرفش.
ماهر دخل مكتبه و قعد يشتغل شوية...
ماهر طلع تليفونه و كان هيتصل بحد باب المكتب خبط.
ماهر: ادخل.
ماهر(بغضب): انت ايه اللي جابك هنا؟!

حسام(بابتسامة): جيت اطمن عليك معرفتش اجي المستشفي و اجبلك ورد.
حسام: خد اهو ورد يا رب يعجبك.
حسام حط بوكيه ورد علي المكتب بس ماهر رمي بوكيه الورد بغضب...
حسام: مقبولة منك يا ماهر...
ماهر: عايز ايه؟!
حسام(بضحك): دلوقتي مش طايقني الله يرحم...
ماهر(بغضب): متعصبنيش يا حسام بره المكتب و انسي اني في يوم من الايام اشتغلت معاك.
حسام: مش بمزاجك. و كمان الرجالة الكبار عايزين يخلصوا عليك علفكرة.

ماهر(بغضب): و انا مش بخاف من حد.
حسام: قد كلامك؟!
ماهر: و نص كمان.
حسام: بس انت بقي هتكمل لعب غصب عنك او برضاك.
ماهر: طلعني من دماغك.
حسام: ده انت قرصة الودن معلمتكش حاجة بقي.
ماهر: اعلي ما في خيلك اركبه يا حسام.
حسام(بزعيق): لا اسمعني بقي.
حسام(بحدة): انت بدأت معايا اتفاق هتنهيه و تأخد باقي حسابك و فوقيهم بوسه كمان هدية من عندي.
حسام: ده احسنلك.

حسام: هتوقع الشركة زي ما انا و انت اتفقنا و هتخليهم يعلنوا افلاسهم.
ماهر: موت يا حمار.
حسام: ده آخر كلام عندك؟!
ماهر: ايوه.
حسام(بهدوء): و ماله حلو.
حسام: ابقي روح عزي السنيورة حبيبة القلب اصل مامتها تعيش انت قريب.
حسام ساب ماهر و خرج بره الشركة,ماهر اتصدم. من اللي سمعه من حسام.
ماهر مسك الموبايل و اتصل ب آسر بس الخط مغلق,اتصل ب نيران.
الخط اتفتح.
ماهر: نيران.
نيران: الو.
ماهر: انتي كويسة؟!
نيران: الحمدلله.

ماهر: كويس. اومال فين آسر؟!
نيران(بدموع): مع ماما في المستشفي.
ماهر: اهدي اهدي متعيطيش.
ماهر: فين آسر و ليه هما في المستشفي؟!
نيران(بدموع): علشان امبارح حد ضرب ماما بالنار.
ماهر: متعرفيش مستشفي ايه!؟
نيران(بدموع): علي ما اعتقد مستشفي.
ماهر: طيب انتي اهدي و متعيطيش فاهمة.
نيران(بدموع): خايفة علي ماما اوي.
ماهر: لا متخافيش هتبقي كويسة متقلقيش.
ماهر: يلا خلي بالك من نفسك باي.

ماهر قفل مع نيران و خد حاجته و طلع علي المستشفي.
ماهر: لو سمحت حالة هنا باسم مهرة الجارحي.
موظفة الاستقبال: اوضة رقم 509 الدور التالت...
ماهر: شكرا.
ماهر طلع الدور التالت و راح لاوضة مهرة.
ماهر: آسر.
آسر(بتعب): ماهر.
ماهر: ايه الاخبار؟!
آسر(بتعب): الحمدلله.
ماهر: ايه اللي حصل؟!
آسر: ضرب نار.
ماهر: عرفتوا مين؟!
صقر: لسة هنعرف بس اكيد هنعرف مصيرنا نعرف.
ماهر: مش ممكن اللي اسمه حسام ده؟!
صقر: ممكن.

آسر: طب هيحاول يقتل امي ليه حرام.
صقر: هنشوف اكيد ليه سببه. بس ايا كان اللي حصل لازم يأخد جزائه.
آسر(بغل): و ربي لو هو هقتله و مش هرحمه.
صقر: اهدي انت بس.
الدكتور: استاذ صقر مفيش فايدة من وجودكم هي دلوقتي في عالم تاني.
ماهر: قصدك في غيبوبة؟!
الدكتور: ايوه.
ماهر: ما تقول كدة من الاول.
صقر: يلا يا آسر نروح حاليا.
آسر قام و مشي مع صقر و ماهر و كان صامت.
بعد فترة وصلوا للقصر و ماهر سند آسر و دخلوا.

نيران(بلهفة): صقر.
نيران جريت علي صقر و حضنته و بدأت تعيط.
نيران(بعياط): ماما يا صقر.
صقر: اهدي يا حبيبتي هتبقي كويسة متقلقيش.
نيران(بعياط): ممكن تموت صح؟!
صقر: الاعمار بيد الله.
ماهر: تعالي يا آسر.
نجلاء: اخبارك ايه يا حبيبي؟! ادعيلها هتبقي كويسة.
آسر(بخفوت): ان شاء الله.
آسر و ماهر طلعوا اوضة آسر,نيران بعدت عن صقر.
صقر: متقلقيش هتبقي كويسة متخافيش خالص.
محمد: صقر عايزك.
صقر: خير؟!

محمد: في ناس هاجموا امك و مراتك في البيت...
صقر(بقلق): طيف. هي فين؟!
نجلاء: اهدي يا حبيبي هي كويسة.
صقر: الكلام ده امتي؟!
نجلاء: في حدود الساعة 11.
صقر: هي فين؟!
نجلاء: في اوضة الضيوف مع فهد.
صقر سابهم و طلع علي اوضة الضيوف.
طيف: بص بقي عايزين نتفق اتفاق.
طيف: مش عايزين شقاوة في شوية ظروف في البيت.
طيف: لازم نهدي و منعملش أي تصرف يزعل حد مننا.
طيف: ماشي يا حبيبي.
طيف: و.
صقر(بهدوء): طيف.
طيف: رجعت؟!

صقر: روح العب يا فهد في اي حتة.
صقر مسك ايد طيف و شدها وراه لاوضته.
طيف: براحة يا صقر...
صقر(بزعيق): مقولتيش ليه اللي حصل امبارح؟!
طيف: هو ايه اللي حصل؟!
صقر(بزعيق): مش انا كلمتك ليه محكتيش. ايه مليش لازمة للدرجة دي؟!
طيف: لا خالص بس مرضتش ازعجك. و كمان الموضوع مش مستاهل يا صقر.
صقر شد طيف ليه و طيف حطت ايديها علي كتفه.

صقر: من هنا و رايح يا طيف و ربي لو عرفت حاجة المفروض اعرفها منك انتي و عرفتها من بره متلوميش الا نفسك.
صقر: فاهمة؟!
طيف(بوجع): اه.
صقر شد طيف ل حضنه اكتر و طيف كانت بتتوجع بسبب ايديها.
طيف: صقر ايدي.
صقر: مالها؟!
طيف: بتوجعني.
صقر قرب من طيف و (لخيالكوا).
صقر: ايه ده؟!
طيف(بتوتر): ايه؟!
صقر: وريني ايدك.
طيف(بتوتر): مفيش حاجة ابعد عايزة اروح اشوف نيران.
صقر(بحدة): طيف.
طيف: ا.

صقر: ايه ده؟! ردي عليا متبصليش كدة.
طيف(بغباء): دي ايدي.
صقر(بصوت عالي): يا رب.
صقر(بعصبية): هو الغباء وراثة عندك و لا ايه ده شكله ادمان يا طيف.
طيف: شكلك حلو.
صقر بص ل طيف برفعة حاجب و بدأ يضحك.
طيف: متضحكش بجد شكلك حلو و انت متعصب.
صقر: بت انتي متوهنيش عن اللي بقوله.
طيف: انا قولت حاجة.
صقر: طب تعالي بقي.
طيف: صق.

-في مكان تاني...
عند رامي.
رامي كان في شغله مسك تليفونه و اتصل بعبير.
الخط اتفتح.
عبير: الو يا حبيبي.
رامي: الو يا حبيبتي اخبارك ايه؟!
عبير: الحمدلله.
رامي: كويس، اخبار بابا؟!
عبير: بخير.
رامي: اتكلم؟!
عبير: لا.
رامي: طيب، عايزة حاجة اجيبها و انا جاي؟!
عبير: رفيف.
رامي: اقفلي يا امي.
عبير: انت اهبل دي مراتك.
رامي قفل التليفون و حطه علي المكتب.
رامي: يا رب.
تليفون رامي رن كتير رامي اخر ما زهق رد.

رامي: خير يا رفيف؟!
رفيف(بخوف): الحقني يا رامي.
رامي(بقلق): رفيف رفيف سمعاني. رفيف متقلقنيش عليكي.
رامي خد حاجته بسرعة و طلع جري علي شقة رفيف.
رامي وصل لبيت رفيف في وقت قياسي و طلع العمارة و وصل ل شقتها لقي الباب مفتوح.
رامي طلع مسدسه و زق الباب برجله و دخل.
رامي: رفيف سمعاني؟!
رامي: رفيف.
البيت كله كان ضلمة رامي مشي و هو ماشي لقي حاجة تحت رجله وطي مسكها لقاها علبة فتحها لقي فيها ورقة.

رامي بص حواليه شغل كشاف النور بتاع موبايله و بدأ يقرأ.
مضمون الرسالة مبدأيا بعتذر علي الطريقة اللي جبتك بيها. ثانيا احب اقولك اني بحبك. ثالثا و الاهم انك ظالم و كداب.

ايوه متستغربش ظلمتني و كدبت عليا قولت هتخليني مبسوطة علطول مش هتخليني اعيط علطول. ظلمتني لما تخليت عني و صدقت حاجة عليا غلط اينعم مقدرة الموقف اللي كنت فيه بس لو شغلت عقلك في اللحظة دي كنت فهمت ان في حاجة بتحصل، هحكيلك اللي حصل يا رامي علشان دماغك الصغيرة دي تكبر.

كل اللي حصل اني انا و عمو و الزفت معتز ده كنا قاعدين عزمنا علي شاي و شربنا و بعدها انا محستش بنفسي الا و انا مرمية في الارض قومت قعدت علي الكنبة مش مستوعبة اللي بيحصل او اللي حصل و انت دخلت بس ده كل اللي حصل,معرفش حصل ايه تاني و الله العظيم. كوني بكلمك و بحكيلك و ببرر ليك يا رامي ده معناه اني لسة باقية عليك. انا مليش حد غيرك يا رامي الوحيد اللي فتحت ليه قلبي و الوحيد اللي وثقت فيه من الرجالة للاسف يا رامي خذلتني.

كنت لازم تعرف الحقيقة انا ماشية يا رامي احسن ليك و ليا.
بحبك.
رامي كان متأثر بالكلام بس في الاخر اتعصب من كلامها بأنها ماشية.
رامي: فكر يا رامي ممكن تروح فين ممكن تروح فين.
رامي: طيف.
رامي خرح بره الشقة بسرعة و راح لمحطة القطر.
رامي بدأ يجري زي المجنون بين الناس و بيبص في كل حتة علشان يلمح رفيف.
رامي(بصوت عالي): رفيف!

رامي جري ناحية ما لمح رفيف,رفيف بدأت تجري بسرعة بس رامي لحقها و شالها بسرعة قبل ما تجري.
رفيف(بزعيق): سيبني نزلني سيبني يا حيوان.
رامي: هشششششش اهدي اهدي.
رامي نزل رفيف و لفها ناحيته حاوط وشها بين ايديه كانوا هما الاتنين بينهجوا.
رامي قرب من رفيف و (لخيالكوا).
رامي: بحبك.
رفيف ضربت رامي علي صدره بالشنطة بتاعتها.
رفيف(بدموع): بكرهك.
رامي: هشششش بحبك بحبك اوي.
رفيف(بدموع): سبني.

رامي: مقدرش مقدرش اموت يا رفيف.
رامي حضن رفيف و رفيف حضنته جامد و ضربته علي ضهره.
رامي: اياكي تسبيني و تمشي. اياكي يا رفيف.
رفيف: و انت كمان.
رامي: مقدرش.
رامي(بابتسامة): يلا بينا.
رفيف: مش هتزعلني؟!
رامي: ابدا...
رامي مد ايده ل رفيف و رفيف مسكت ايده و مشيوا بره المحطة خالص و روحوا مع بعض...

-بعد مرور شهرين.
في الشهرين دول الاوضاع مستقرة و هادية.
مهرة في غيبوبتها لسة آسر و نيران متأثرين بغيابها.
ماهر بيحاول يقرب من آسر و نيران و يقعد معاهم.
آسر نزل الشغل اما نيران لا حياتها يعتبر وقفت.
ليلي بتحاول متعملش مشكلة مع آسر علشان حالته.
عبير و صابر فرحوا برجوع رفيف مع رامي و معتز مختفي الفترة دي كلها.

صقر و طيف رجعوا بيتهم تاني و حياتهم مستقرة و معاهم فهد,صقر منع طيف تنزل الشغل الفترة دي خالص.
حسام مفيش اي اخبار عنه لسة مستخبي في حجره بيلعب من بعيد ل بعيد و محدش عارف بيخطط لايه.
دي تعتبر اهم الاحداث اللي حصلت خلال شهرين.
صقر: يلا يا طيف عايز انزل.
طيف: طب اقولك خلاص خليها لما ترجع.
صقر: طيب.
طيف: و لا اقولك دلوقتي.
صقر: يا ربي يا بت ما تنطقي.
طيف: اوف يا فهد سبتني ليه بس؟!

صقر قرب من طيف و حاوط وشها بين ايديها.
صقر: طيف انطقي. فهد مش هنا عند ماما فانجزي اتكلمي علطول.
طيف مسكت ايد صقر و حطتها علي بطنها و غمضت عينيها.
طيف(بابتسامة متوترة و خجولة): انا حامل.
طيف فتحت عينيها ببطء لقت صقر مصدوم بس اتخضت لما لقت صقر انتفض من مكانه بسرعة و بعد عن طيف.
طيف(بقلق): صقر انت كويس؟!
صقر: انتي انتي بتتكلمي جد؟!
طيف: ايوه. انت مصدوم اوي كدة ليه؟!
صقر: مستحيل مستحيل.

طيف: هو ايه اللي مستحيل؟!
صقر: مش هينفع ابدا مش هينفع، لازم تسق.
طيف ضربت صقر قلم علي وشه بغضب و كانت دموعها علي خدها.
طيف(بدموع): اياك. اياك.
طيف: اياك تقولها مش هسقط ابني يا صقر.
طيف: اطلع بره.
طيف(بزعيق): اطلع بره.
صقر خرج بره اوضة طيف و خرج بره البيت كله.
طيف قعدت في الارض و هي منهارة في العياط.
بعد فترة كبيرة.
صقر رجع البيت بليل متأخر.
صقر دخل اوضته ملقاش طيف دخل الحمام برضو ملقهاش.
صقر: طيف.

صقر خرح بدأ يلف في البيت كله يدور عليها و ينادي عليها.
تليفون صقر رن، الخط اتفتح.
صقر(بقلق): الو يا آسر.
صقر رجع اوضته هو و طيف تاني و كان بيكلم آسر.
آسر(بعياط): بين الحيا و الموت يا صقر انا خايف...
صقر وقع علي الارض علي ركبته و قفل مع آسر.
صقر صرخ بقوة و هو بيعيط هو كمان.