رواية أسيرة لحصون قلبه للكاتبة سلسبيل كوبك الفصل السادس عشر
طيف بصت ل صقر بصدمة و سابتهم و جريت علي بره الشركة.
صقر مشي بهدوء لغاية ما خرج من المكتب و بعدها جري ورا طيف.
طيف(بصريخ): الحقوني.
جت عربية سوداء نزل منها شخصين شدوا طيف معاهم و ركبوها العربية,صقر ملحقش ينقذها ركب عربيته بسرعة و طلع وراها.
طيف(بصريخ): انتوا عايزين مني ايه ابعدوا عني.
طيف(بصريخ): الحقوني حد يلحقني.
العربية كانت ماشية بسرعة كبيرة و صقر وراه كان سايق بسرعة كبيرة برضو.
صقر فرمل بسرعة لما الاشخاص اللي كانت في العربية السوادء فتحت الباب و رمت طيف في الشارع قدام عربية صقر...
صقر فتح باب عربيته بسرعة و نزل جري ل طيف.
صقر: طيف انتي كويسة؟!
طيف مسكت في كتف صقر و قعدت بوجع.
صقر: خلاص انسي. اهدي محصلش حاجة انا موجود.
طيف قعدت تعيط و هي بتخبي وشها في صقر,صقر قعد يملس علي شعرها و ضهرها...
صقر: خلاص يا طيف بطلي عياط.
طيف(بعياط): مين دول؟!
صقر قعد علي الارض بتعب و طيف كانت في حضنه.
صقر(بتنهيدة): دول اللي عايزين يأذوني يا طيف و للاسف انتي موجودة في حياتي...
شخص: في حاجة يا كابتن؟!
صقر: لا.
شخص: العربية عطلانة او حاجة!؟
صقر: لا. و متبصش كدة دي مراتي.
صقر: يلا يا طيف قومي نروح.
صقر قام وقف و سند طيف فتح ليها باب العربية و ركبها,صقر راح ناحية الباب بتاعه.
صقر: عينك يا خفيف علشان مشلهاش ليك.
صقر ركب العربية و ساق ناحية القصر...
طيف: صقر.
صقر: نعم.
طيف: انا عايزة اشوف رفيف و فهد عايزة ارجع بيتي.
صقر: هو حقك انك تشوفي عائلتك. بس ظروف جوزك دلوقتي متسمحش بعدين.
طيف غصب عنها ظهر علي ملامحها الصدمة و بوقها اتفتح شوية.
صقر: انتي ليه مش مقتنعة لسة اننا اتجوزنا؟!
طيف: لان الظروف اللي احنا اتجوزنا فيها متوحيش بجواز طبيعي.
صقر: بس ممكن نخليه جواز حقيقي معنديش ادني مشكلة.
طيف ضربت صقر في كتفه بخجل و غضب.
صقر: انتي دماغك راحت فين يا آنسة؟! طب تصدقي و الله عيبة في حقي انك متجوزة صقر الجارحي و لسة آ.
طيف: صقر ركز في السواقة كنت ناقصة انا.
طيف ربعت ايديها و بصت للشباك.
طيف اتعدلت في قعدتها و ودت ضهرها للشباك و بصت ل صقر بغضب.
طيف: و كمان ست صافي دي انت ازاي تسيبها كدة. هو للدرجة دي اللي حصل شئ مش مهم.
طيف: بقولك قطعتلي هدومي قدام كل الشباب اللي موجودين، انت.
صقر: حقك هيوصلك تالت و متلت يا طيف بس لو صبر القاتل علي المقتول كان مات لوحده...
صقر: و كمان انتي مراتي و حقك مسئوليتي و انا مش بتخلي عن مسئولياتي يا طيف.
طيف لقت صقر وقف قدام قصر كبير.
طيف: بس ده مش ال?يلا!
صقر: عارف، انزلي.
نيران(بلهفة): صقر.
نيران جريت علي صقر و نطت عليه حضنته و صقر شالها و باس رأسها و خدها.
صقر: عاملة ايه؟!
نيران(بدموع): كان نفسي اشوفك اوي.
صقر: و انا اهو جيتلك. معلش يا روحي بس حصلت ظروف كتير كدة.
صقر: انتي طمنيني عليكي و احوالك؟!
نيران(بدموع): مش قادرة انسي صوته يا صقر.
صقر بص ل نيران و باس رأسها و خدها ف حضنه و نيران قعدت تعيط.
طيف نزلت من العربية و راحت ناحيتهم.
طيف: متعيطيش لازم يبقي عندك ثبات.
نيران بعدت عن صقر و بصت ل طيف باستغراب صقر رفع حاجبه.
طيف: كلام الباشا اللي واقف قدامك ده. فالح بس يتشطر عليا.
طيف سندت علي العربية و ربعت ايديها.
نيران: مين دي يا حبيبي؟!
طيف: طب ما انت عندك اللي يقولك يا حبيبي اهو متجوزني انا ليه.
نيران شهقت و صقر قرب من طيف و حط ايديه علي العربية.
صقر: طيف دي اختي و اكيد يعني مش كافر علشان اتجوز اختي.
نيران: مين دي يا صقر؟!
صقر: هحكيلك بعدين يا نيران، المهم عايز هدوم ليها مش هينفع تدخل كدة...
نيران: طيب لحظة.
نيران طلعت جري لاوضتها و جابت هدوم ل طيف.
مهرة: رجعتي ليه؟!
نيران خرجت و ودت الهدوم ل صقر و باصة ل طيف بانبهار.
نيران: طب صقر متمشيش انا هروح الشغل لانه.
صقر: عارف انك اشتغلتي انتي و زميلتك في شركة آسر، اتفوقي يا نيران لازم تكوني الافضل لانك نيران مش الافضل لانك نيران الجارحي.
نيران: حبيبي.
نيران حضنت صقر و باست خده و قربت من طيف باست خدها.
نيران: باي.
صقر: تعالي معايا...
صقر شد طيف وراه و راح لاوضة جانبية في القصر و حط ليها الهدوم علي السرير.
صقر: قدامك تلت دقايق اكتر من كدة هدخل و انا بتلكك بصراحة.
طيف قفلت الباب في وش صقر. صقر سند علي الباب و حط ايده في جيبه بهدوء...
طيف غيرت هدومها طيف لبست فستان ب ¾ كم باللون الاسود واصل لغاية الركبة بالظبط و مفتوح من قدام و عليه ورود باللون الابيض و الفستان كان واسع شوية. لبست كوتشي ابيض عالي نوعا ما. و سيبت شعرها علي ضهرها و كتفها.
طيف فتحت الباب و صقر اختل توازنه و كان هيقع بس سند علي طيف.
صقر كانت رأسه ناحية رقبة طيف رفع رأسه و بص ل طيف.
صقر: انتي خطر...
طيف: ايه؟!
صقر: انتي هتباتي الليلة دي في القصر هنا لان ال?يلا الليلة دي عليكي خطر. فهمتي؟!
طيف: طيب. و انت؟!
صقر: لا انا هتصرف، تعالي يلا.
صقر دخل هو و طيف القصر لقي مهرة قاعدة وحاطة رجل علي رجل.
مهرة: استني عندك. مين دي و بتعمل ايه هنا؟!
صقر(ببرود): مع اني مش مضطر اجاوبك بس دي مراتي و هتقعد الليلة دي في القصر و ملكيش حق انك تعترضي.
مهرة: انت روحت اتجوزت!
مهرة: و يا تري اتجوزت مين؟! اكيد واحدة من الشارع غلطت معاها و قولت تصحح غلطتك...
مهرة: انتي مين يا بت؟! اكيد حد رماكي تلهفي الفلوس و تنزلي اسم الجارحي في الارض.
طيف(بدموع): صقر.
صقر(بهدوء): مدام مهرة القصر مش بتاعك لوحدك. القصر بتاع احفاد عائلة الجارحي و متعمليش نفسك سيدة القصر و انك انتي الشريفة احنا الاتنين عارفين اللي فيها...
صقر(بهدوء): طيف هتقعد هنا بأمر مني و وريني مين هنا هيعترض علي كلامي، حتى جوزك مش هيقدر يعترض.
صقر(بهدوء): فلو سمعت بس انك حاولتي تأذيها او تتكلمي معاها ساعتها هنسي انك واحدة من افراد عائلة الجارحي...
صقر(بهدوء): و اما بقي مين جاي من الشارع. فالسؤال ده جاوبيه لنفسك لانك اكتر واحدة عارفة الاجابة.
صقر: يلا يا طيف.
صقر مسك ايد طيف و طلع لاوضته اللي موجودة في القصر و دخل هو و هي...
صقر: هتقعدي هنا مش عايزك تكلمي مع حد خالص.
صقر: و هبقي اكلمك في التليفون.
طيف: مش معايا تليفون.
صقر: هو ده اللي كان ناقص، هبقي اجبلك تليفون.
صقر: زي ما سمعتي اياكي تتحركي من هنا و لا تفتحي الباب الا لعزة هنزل اقولها...
صقر: مش عايز مشاكل يا طيف.
طيف: حاضر.
صقر باس خد طيف و رأسها و سابها و نزل...
صقر: عزة انتي بس اللي مسموح انك تطلعي لاوضة طيف، هتودي ليها غداء عشاء اي حاجة تطلبها.
صقر: فهمتي؟!
عزة: حاضر يا بيه.
صقر بص ل مهرة بتحذير و سابها و خرج ركب عربيته و مشي...
-في مكان تاني...
عند نيران.
ماهر(بغضب): هي شركة اهلكوا منك ليها؟!
ماهر(بغضب): ده بس حصل من اول يوم اومال الايام التانية ايه.
ماهر(بغضب): ده اول و اخر تحذير ليكوا. كل واحدة علي مكتبها.
ماهر(بغضب): واقفين ليه؟! تحركوا.
ليلي(بهمس): يا شيخ ده انت حنجرتك دي ايه!
نيران و ليلي خبطوا في بعض و وقعوا في الارض.
ماهر(بحدة): ما تقوموا.
نيران: انا نسيت المكتب كان فين.
ماهر شد نيران معاه و دخلها مكتبها.
ماهر(بحدة): عايز اشوف شغل كويس غير كدة هتبقي مطرودة.
ماهر ساب نيران و دخل ل مكتبه.
عند آسر.
آسر كان داخل لمكتبه لقي ليلي واقفة.
آسر: بتعملي ايه عندك؟!
ليلي(بخضة): ها؟! لا مش بعمل بشوف شغلي اهو.
آسر: روحي جيبيلي قهوتي...
ليلي: انا سكرتيرة مش بتاعت بوفيه.
آسر: افندم مسمعتش؟!
ليلي: بتحب حضرتك تشرب القهوة ايه؟!
آسر: سكر زيادة.
ليلي سابت آسر و راح تعمل القهوة و جابتها لمكتبه.
ليلي(لنفسها): يا رب ما يأخد باله.
ليلي حطت القهوة و كانت هتمشي بس آسر ناداها.
آسر: ماهر عرفكوا شغلكوا.
ليلي: لا البت اللي اسمها شيري دي.
آسر: انتي جاية من فين؟! قال البت قال. اسمها شيري.
آسر: و اكيد عرفتك الصفقة اللي احنا داخلينها، روحي جيبي الملف بتاع الصفقة دي وتعالي.
آسر شرب القهوة بس شرق و قعد يكح ليلي جريت عليه و قعدت تضربه علي ضهره.
ليلي(بخوف): حضرتك كويس يا فندم؟!
آسر: دي قهوة دي و لا خرا علي دماغك...
ليلي: ها؟! انا اسفة بس مبعرفش اعمل قهوة.
آسر(بعصبية): اومال سكرتيرة ازاي؟!
آسر: امشي من وشي.
ليلي(بدموع): آسفة يا فندم. هتعلم حاضر.
آسر: ده انتي كرهتيني في الشغل يا شيخة.
آسر ساب ليلي و خرج بره الشركة راح للقصر.
عند نيران.
ماهر: معايا؟!
نيران: مع حضرتك يا فندم و بدون(بكتب)كل حاجة حضرتك بتقولها...
ماهر: تمام. عايزك تلخصيلي كل اللي انا قولته في ملف.
ماهر: و الملف ده مهم هيتعرض قدام المدير التنفيذي و مش عايز غلطة. اي حاجة تطلع من المكتب ده لازم تحتوي علي الدقة.
نيران: حاضر...
ماهر: روحي مكتبك. و لما اندهلك تيجي.
ماهر: و ابعتيلي شيري.
نيران: حاضر...
نيران خرجت و نادت شيري و شيري دخلت ل ماهر.
نيران دخلت من غير ما تخبط اتصدمت.
كان ماهر فاتح كام زرار من قميصه و شيري قاعدة علي رجله.
نيران(باحراج و غضب مكتوم): اسفة يا فندم الجواب ده وصل.
نيران رمته علي المكتب و خرجت بره المكتب و رزعت الباب وراها.
ماهر: قومي يا شيري ارجعي مكتبك.
شيري(بدلع): طيب.
ماهر مسك الجواب و فتحه و بدأ يقرأه,شيري خرجت بره المكتب و بصت ل نيران من تحت ل فوق.
نيران(بعصبية): بتبصي لمين كدة يا ماما انتي طايقة نفسك يا بت و انتي رخيصة كدة جسمك للي رايح و اللي جاي.
شيري(بصوت عالي): نعم يا روح امك...
نيران(بعصبية): احترمي نفسك عيلة سافلة.
ماهر(بغضب): ايه اللي بيحصل هنا؟!
نيران(بقرف): ده انتوا ناس مقرفة و مقززة. ربنا يأخد امثالكم.
نيران سابتهم و راحت للجنينية.
ماهر: روحي علي مكتبك يا شيري.
ماهر نزل ورا نيران لقاها واقفة متعصبة.
ماهر: ممكن افهم ايه تصرفك ده؟!
نيران(بعصبية): انت طايق نفسك يا بني ادم انت. عيل سافل فعلا.
ماهر مسك ايد نيران و لفها ورا ضهرها و نيران اتوجعت.
نيران(بعصبية): ابعد كدة.
نيران(بدموع): بتوجعني.
ماهر: اسمعيني اي حاجة تحصل في مكتبي متطلعش بره. ده اولا. ثانيا بقي انتي مش امي او اي حد يقدر يحاسبني فاحترمي نفسك بقي. و متدخليش في حياتي و لا تدخلي اصلا في حياة الغير.
ماهر(ببرود): اتمني تكوني فهمتي.
ماهر زق نيران و طلع لمكتبه,نيران قعدت تشتم ماهر في سرها و طلعت ل مكتبها.
-في مكان تاني...
في القصر.
آسر رجع القصر و طلع لاوضته و بعدها لقى اللي بيخبط عليه.
آسر: ادخل.
مهرة(بهمس): آسر تعالي اسمعني.
آسر(باستغراب): في ايه؟!
مهرة: شوف اللي عندي.
آسر: قولي.
مهرة: صقر طلع متجوز...
آسر كان بيقلع جاكت البدلة بتاعه بس اول ما سمع كلام مهرة وقف.
آسر: و انتي عرفتي منين؟!
مهرة: جابها هنا.
آسر(بغضب): الحيوان.
مهرة: انت كنت تعرف؟!
آسر(بغضب): المفروض كانت تبقي مراتي انا مش هو. بس هو اتجوزها عنداً فيا...
مهرة: ازاي؟!
آسر حكي اللي حصل ل مهرة بالمختصر.
مهرة: بجد يا آسر؟!
آسر: ايوه خدها علشان يغيظني بس و ربي لاكون واخدها منه.
مهرة: اسمعني. احنا نقول لابوك و هو يتصرف معاه و الحرب اللي تحصل بينهم احنا نبقي بره.
مهرة: و تأخد البت دي و تخليها تمضي علي ورق الطلاق غصب لو مرضيتش، و تعمل اللي انت عايزه فيها و بعدها تسيبها.
آسر: طيف انا مش هسيبها دي بتاعتي قبله.
مهرة: اهدي بس هنزل اشوف لو محمد جه و لا لا.
مهرة فتحت الباب لقت طيف كانت بتجري علي السلالم.
مهرة: استني عندك.
طيف(بتوتر): نعم!
مهرة: راحة فين؟!
طيف: راحة لصقر.
مهرة: هو قالك تمشي من هنا؟! لا يبقي تترزعي لغاية ما يرجع.
طيف: بصي حضرتك انا معرفكيش و معرفش حد هنا و همشي و اللي يحصل يحصل.
طيف مشيت بس مهرة جريت وراها و شدتها من دراعها.
مهرة: و هتقعدي هنا بقي غصب، انتي حبيبة ابني و ابن ال خدك منه.
طيف(بحدة): ابعدي ايدك فعلا الابن طالع لامه.
طيف زقت مهرة و طلعت تجري بره القصر.
مهرة: امسكوها...
الحراس مسكوا طيف جامد علشان متهربش.
طيف(بعصبية): انتي مجنونة خليهم يبعدوا.
طيف(بعصبية): ابعد منك ليه.
طيف(بعصبية): سيبيني انتي مالك بيا يا شيخة.
آسر: سيبيها يا امي.
مهرة: هي عايزة تهرب و انا مش هسيبها تهرب ابدا من هنا. و اللي اسمه صقر ده يطلقها.
طيف(بغضب): انت ايه يا اخي منعدم الكرامة و الرجولة.
آسر كان رايح ناحية طيف يضربها.
مهرة: اهدي يا آسر اهدي.
مهرة: اتعاملوا معاها بس براحة و هدوء. و طلعوها الاوضة فوق.
مهرة: تعالي يا آسر.
مهرة خدت آسر و دخلوا القصر,طيف حاولت تهرب الحراس شدوا طيف جامد.
طيف(بعصبية): ابعدوا.
في شخص ضرب طيف علي رأسها فوقعت في الارض و حاولت تقوم تجري و تهرب بس هما مسكوها و شدوها من دراعها و طلعوها اوضتها و قفلوا الباب بالمفتاح.
طيف(بصريخ): افتحوا الباب ده.
طيف(بصريخ): الحقوني، انتوا ناس ظالمة.
طيف(بصريخ): الحقوني. افتحوا الباب.
طيف قعدت تصرخ و تضرب الباب بغضب و بدأت تكسر كل حاجة في الاوضة.
-عزة اول ما حصل الموضوع ده طلعت تليفونها و اتصلت ب صقر...
الخط اتفتح...
صقر: الو يا مدام عزة.
عزة: صقر بيه مهرة هانم حبست طيف و.
صقر(بحدة): الكلام ده صحيح؟!
عزة: ايوه.
صقر(بحدة): لف و ارجع علي القصر يا زين.
زين: اهدي بس يا صقر حاضر.
صقر: اقفلي يا مدام عزة.
في القصر...
طيف(بصريخ): افتحي الباب.
نجلاء كانت بتتمشي بالعربية و رجعت سمعت صوت الصريخ.
نجلاء: ايه الصوت ده؟!
مهرة(ببرود): مرات ابنك.
نجلاء: مرات مين؟!
مهرة(ببرود): مرات ابنك صقر...
نجلاء: ازاي و فين و مين؟! ايه ده في ايه؟!
آسر: علشان اوضحلك اكتر اللي كانت حبيبتي و صقر اتجوزها غصب.
نجلاء: و انا ابني ميعملش كدة هو زيك.
آسر(بعصبية): ما تحترمي نفسك...
نجلاء: مين اللي قافل عليها؟!
مهرة(ببرود): انا و مش هفتح الباب ده.
نجلاء(بعصبية): افتحي الباب يا مهرة خليني افهم في ايه.
مهرة: مش مهم تفهمي.
نجلاء(بحدة): و انت ايه معندكش دم؟!
نجلاء(بحدة): يا خسارة تربيتي فيك. و انتي هاتي المفتاح.
طيف(بصريخ): الحقوني، ده انتوا ناس ظالمة.
طيف(بصريخ): افتحوا الباب.
طيف(بصريخ): ربنا يأخدكوا كلكم.
طيف مسكت الكرسي و رمته بغضب علي الارض و اتكسر.
طيف وقعت في الارض قعدت تعيط و تشتمهم.
تحت.
صقر(بصوت عالي): مهرة...
مهرة اول ما سمعت صوت صقر خافت و رجعت لورا.
صقر قرب من مهرة بس آسر وقف قدام مهرة بهدوء.
آسر: خير؟!
صقر(بعصبية): مش قولت محدش يقرب منها.
مهرة: هي اللي كانت بتحاول تهرب و انا حبستها.
مهرة: لو حد من الخدامين قال ان مرات صقر الجارحي هربت كان هيبقي شكلنا ايه. و اسم عائلة الجارحي يقع في الارض.
صقر(بصوت عالي): دي مراتي انا و لما تهرب هتبقي شايلة اسمي انا مش شايلة اسم عائلة الجارحي، يعني اي سوء هيحصل هيصبني انا مش انتوا لو انتوا خايفين علي نفسكوا اوي كدة.
صقر(بصوت عالي): فين طيف؟!
زين: اهدي يا صقر...
مهرة: و مين قالك؟!
نجلاء: اهدي يا صقر نفهم بس.
صقر(بصوت عالي): عزة.
عزة(بخوف): نعم يا بيه.
طيف(بصريخ): افتحوا الباب يا ناس يا ظالمة.
صقر(بعصبية): و كمان قافلة عليها ده انتي بجحة. فين المفتاح؟!
مهرة: انا غلطانة اني كنت خايفة لتهرب و تجيب لينا العار خد.
صقر خد المفتاح من مهرة بغضب و بص ليها هي و آسر و طلع لاوضة طيف و فتح الباب.
صقر راح ناحية طيف اللي قاعدة في الارض بتعيط و مسك دراعها.
طيف(بوجع و عياط): آآآآه.
صقر شال شعر طيف من علي دراعها لقي دراعها فيه كدمات.
صقر: في ايه؟! عملتلك ايه؟!
طيف(بعياط و وجع): انت ليه جبتني هنا؟!
صقر قوم طيف و رجع شعرها لورا و مسح دموعها,صقر مسك ايد طيف و نزل ل تحت بغضب.
صقر خرج للجنينة و الكل وراه بيشوف هيعمل ايه.
نجلاء: اهدي يا صقر و فهمني مين دي.
صقر(بعصبية): اللي قرب من طيف النهاردة منكم يقف قدامي.
خمس حراس وقفوا قدام صقر و وطوا رأسهم في الارض.
شخص1: مهرة هانم هي اللي امرتنا بكدة.
صقر(بعصبية): مين اللي لمس طيف؟!
في اتنين اتقدموا خطوتين و هما خايفين من رد فعل صقر.
صقر: انت مسكتها بأي ايد؟!
صقر(بعصبية): رد.
شخص1(بخوف): دي يا بيه.
-صقر مسك دراعه اليمين و كسره و ضربه في رجله,طيف شهقت و الباقي اتصدم.
شخص1(بصريخ و وجع): آه الحقوني.
صقر(بعصبية): و انت؟!
شخص2(بخوف و دموع): دي يا بيه بس ابوس ايدك ما تعملي حاجة انا غل.
-قبل ما الشخص ده يكمل كلامه كان صقر كسرله دراعه.
صقر: زين خدهم من وشي.
صقر لف و وقف قدام مهرة.
صقر(بهدوء مخيف): لولا ان قيمتك اقل من قيمة الخدامين دول كنت كسرت عضمك كله.
صقر بص ل مهرة اللي خافت من كلام و شكل صقر,و بص لآسر اللي بيبصله بغضب.
صقر لف و شال طيف بين ايديه و مشي ركبها العربية و لف ركب هو كمان و ساق و خرج من القصر...
نجلاء: انا عايزة افهم بيحصل ايه هنا؟!
زين: انا حاسس اني مش فاهم حاجة انا كمان.
في عربية صقر.
صقر مسك رأس طيف و باسها.
صقر: احم معلش اللي حصل كنت انا السبب فيه.
صقر راح ل مكان جديد علي طيف و يعتبر صحراء
,صقر وقف بالعربية و طيف بصتله باستغراب.
صقر: انزلي.
طيف نزلت و صقر قرب منها و راح ناحية ال?يلا اللي موجودة.
طيف: ايه ده؟!
صقر: هتشوفي.
طيف لقت بحر قدام ال?يلا و مفيش غير ال?يلا بتاعت صقر بس.
طيف و صقر دخلوا ال?يلا و صقر قعد طيف علي الكنبة و قام دخل المطبخ و رجع قعد قدامها.
طيف(بعياط): بيوجع.
صقر: معلش.
صقر بدأ يحط تلج علي دراع طيف و بعدها مسح ليها دراعها و بدأ يدهن كريم ليها.
صقر وطي و باس دراع طيف و رفع رأسه ليها و باسها علي خدها و قرب منها و (لخيالكوا).
طيف بعدت عن صقر بسرعة و قامت وقفت.
طيف: احنا بنعمل ايه هنا؟!
صقر: هنبيت الليلة دي هنا. تعالي معايا فوق.
طيف: هنعمل ايه؟!
صقر قرب من طيف و حاوط وشها بين ايديه.
صقر: تخيلي بنت و ولد و لوحدهم في بيت و متجوزين تفتكري ممكن يعملوا ايه.
صقر: بس عموما انا مش عايز اقرب منك. انتي ما الا للتسلية يا طيف. متفتكريش انك حاجة كبيرة يعني علشان متأخديش في نفسك مقلب.
طيف بصت ل صقر و كانت نظرات عيونها كفيلة بأنها تخلي صقر يأنب نفسه.
طيف بعدت عن صقر و ربعت ايديها.
طيف(بحدة): طالما انا كدة يبقي نطلق و كل واحد يشوف حاله. اتجوزتني و انقذتني من اخوك كتر خيرك. نطلق بقي لان العيشة بقت تخنق و انا معاك.
طيف: و اه ابقي حاول تمسك نفسك و انا معاك لاني بعض.
طيف بصت ل صقر بغضب و طلعت الدور التاني اختارت اي اوضة و دخلتها و قفلت الباب بالمفتاح.
طيف فتحت الدولاب لقت في هدوم رغم استغرابها خدت هدوم ليها و دخلت الحمام غسلت وشها و خرجت تغير هدومها.
طيف لبست بنطلون كحلي و تي شيرت بكم باللون الاصفر واسع بس مبين جزء بسيط من بطنها. و سيبت شعرها علي ضهرها.
طيف اترمت علي السرير قعدت تتقلب كتير لغاية ما نامت...
عند صقر.
صقر كان متعصب من غير سبب و طلع الدور التاني دخل اوضته و قفل الباب و دخل خد دوش و خرج غير هدومه.
صقر مسك اللاب توب بتاعه اللي كان في ال?يلا و قعد يشتغل عليه شوية و هو بيدخن و بعد ما اشتغل كتير نام...
-في مكان تاني...
عند رفيف.
رفيف(باحراج): شكرا ليك اوي يا مستر رامي معلش تعباك.
رامي: لولا ان فهد موجود كنت زعلتك.
رفيف: انا تعبتك معايا اوي. من ساعة ما انت شوفتني و انت تعبان معايا جامد.
رامي: يا بت طب اضربك بالجذمة بتاعتي و لا ايه. متقوليش كدة علشان متعصبش.
رفيف: شكرا.
رامي: بت انتي خنقتيني من ساعة ما شوفتك و انتي كل كلامك رسمي شكرا حاضر نعم معلش اسفة ايه بقي ارحميني.
رفيف(بدموع): انت بتزعقلي؟!
رامي: لا يا ستي اسف. ما تقول حاجة يا فهد.
فهد: خلاص يا عيوطة اهدي بقي.
رفيف: انتوا متفقين عليا.
رامي: يالهوووووي.
فهد: يووووووووه.
رامي: بت انتي نكدية كدة ليه؟!
فهد: بكل بساطة لانها ست. كل الستات نكدية.
فهد(بدموع): بس طيف مكنتش نكدية ابدا.
رفيف(بدموع): فعلا طيف كانت علطول بتضحك.
رامي: هتخلوني اعيط. و الله يا جماعة بحاول الاقيها انا بحاول مش عارف اعمل ايه.
رفيف(بدموع): ربنا معاها و انا متاكدة انها عايشة.
فهد: طيف هترجع باذن الله.
رامي: ان شاء الله و الله بعمل كل اللي عليا.
فهد: معلش بقي.
رامي: لا عادي. طب يلا علشان اروح عمتك مش بتطيقني اصلا.
رامي خد فهد و خرج بره المستشفي و ركبوا هما الاتنين العربية و رامي بدأ يسوق و وصل فهد البيت.
فهد: باي.
رامي: باي خلي بالك من نفسك.
فهد: انت هتروح؟!
رامي: ايوه.
فهد طلع لبيته. و رامي ساق ناحية بيته.
عند رفيف.
رفيف كانت بدأت تنام و بعدها حست بدخول حد الاوضة و...
السؤال: يا تري هيحصل ايه؟! خمنوا????.