قصص و روايات - قصص رومانسية :

رواية أسيرة لحصون قلبه للكاتبة سلسبيل كوبك الفصل السابع عشر

رواية أسيرة لحصون قلبه للكاتبة سلسبيل كوبك الفصل السابع عشر

رواية أسيرة لحصون قلبه للكاتبة سلسبيل كوبك الفصل السابع عشر

عند رفيف.
رفيف كانت بدأت تنام و بعدها حست بدخول حد الاوضة.
رفيف: مين؟! حد هنا؟!
رفيف: رامي.
رفيف لقت حد جمبها اتخضت و كانت خايفة.
رفيف(بخوف): مين؟!
شخص(بهمس): عايزينك توصلي رسالة ل رامي.
رفيف(بخوف): انتوا مين؟!
شخص(بهمس): مش مهم.
شخص(بهمس): قولي ليه يخلع من القضية احسنله...
رفيف(بخوف): انا مش فاهمة حاجة و انت مين؟!
شخص(بهمس): قوليله المرة الجاية مش هنكتفي بعجز والده و بس لا الدور هيبقي علي امه و بعدين.

شخص(بخبث و همس): عليكي.
الشخص ده خرج بره اوضة رفيف. رفيف كانت خايفة و قعدت تعيط كتير لغاية ما نامت من كتر التعب و العياط...

-في الصباح الباكر...
عند طيف و صقر.
طيف قامت من نومها و دخلت الحمام غسلت وشها و فتحت باب اوضتها و خرجت.
طيف نزلت للدور اللي تحت لقت صقر قاعد قدام التلفزيون و في ايده تليفونه.
طيف سابت صقر و دخلت المطبخ بدأت تشوف في ايه ممكن تأكله.
صقر كان متغاظ من طيف و قام وراها في المطبخ.
صقر(ببرود): مشوفتنيش؟!
طيف لا رد.
صقر(بحدة): بكلمك تردي و لا انتي مبتسمعيش.
طيف لا رد.

صقر قرب من طيف و شدها من دراعها ناحيته طيف رأسها اتخبطت في صدر صقر.
طيف رفعت عينيها و بصت ل صقر بغضب و حاولت تشد دراعها من ايد صقر بس معرفتش.
صقر(بعصبية): لما اتكلم تردي عليا لغاية ما ربنا يتوب عليا من شكلك.
طيف لا رد.
طيف كانت كل اللي بتعمله بتحاول تشد دراعها من ايد صقر بس صقر كان متغاظ من سكوتها فضغط علي ايديها اكتر علشان طيف تتكلم.

صقر(بعصبية): اتكلمي. اكيد يعني مخرستيش فجأة. متخلنيش اجيب اخري يا طيف.
صقر(بعصبية): طيب و انتي اللي اختارتي.
صقر زق طيف و كانت هتقع بس سندت علي التلاجة,صقر ساب طيف و طلع اوضته خد مفاتيحه و خرج بره ال?يلا...
طيف شالت كم التي شيرت بتاعها لقت ايد صقر عورتها و دراعها بينزل دم بالاضافة ان ده كان دراعها المتصاب. طيف قعدت في الارض بدأت تعيط.

-في مكان تاني...
في شركة آسر.
نيران: في اجتماع مع شركة A. S كمان ساعة.
ليلي: و كل الورق و الملفات اللي ممكن نحتاجهم جاهزين.
ماهر: روحوا.
آسر: ابعتيلي قهوتي.
ماهر: لسة واقفة ليه؟!
نيران(بحدة): حاجة تاني سيادتك؟!
ماهر(ببرود): لا.
آسر: و انتي متعمليش القهوة خلي حد يعملها و دخليها.
نيران بصت لآسر و ماهر بحدة و مشيت هي و ليلي.
ليلي(بعصبية): اخوكي ده عايز ضرب الجذمة.
نيران: عندك حق، ده ايه ده؟!

-بعد ساعة في الاجتماع.
آسر: اتفضل يا مستر زياد.
ماهر: تشرفنا.
زياد: شكرا. نبدأ شغل علطول علشان لازم اسافر النهاردة.
آسر: الملفات قدامك.
ماهر: احنا ظبطنا كام بند كدة. لو عندك اعتراض ممكن نتناقش...
زياد: تمام.
زياد بدأ يتناقش هو و الناس اللي معاه. و ماهر و آسر بصوا ل بعض.
زياد: لا تمام كدة كل شركة حقوقها محفوظة.
زياد: نمضي العقود؟!
آسر: تمام.
ماهر: نيران هاتي العقد.
نيران: لحظة واحدة يا فندم.
زياد: اسمك حلو.

نيران(بابتسامة عملية): شكرا لذوقك.
نيران: ليلي خدي.
ليلي حطت قدام كل واحد العقد علشان يمضي...
زياد: كدة تمام.
آسر: و انا هنتظر نبدأ الشغل بعد ما ترجع من السفر.
زياد: تمام، بيقولوا في مناقصة داخلين فيها كبار رجال الاعمال في السوق هتدخلها؟!
آسر: انت قولت كبار رجال الاعمال ازاي مش هبقي موجود يعني.
زياد(بضحكة بسيطة): الثقة في النفس حلوة.
ماهر: تمام اتفضل يا زياد بيه معايا.
زياد: تمام.

ماهر و نيران و زياد خرجوا و ماهر وصل زياد ل بره الشركة.
زياد: تمام تقدر تمشي.
زياد: انسة نيران ممكن لحظة.
ماهر و نيران كانوا هيمشوا بس وقفوا.
نيران(باستغراب): انا!
زياد: ايوه.
ماهر: مستنيكي يا نيران متتاخريش.
ماهر بص ل زياد و لنيران و بعدها دخل الشركة.
نيران: اتفضل.
زياد: حبيت شغلك ايه رأيك تشتغلي معايا؟!
نيران ربعت ايديها بهدوء و بصت ل زياد ببرود.

نيران(ببرود): مبدأيا اللي حصل فوق ميعتبرش شغل علشان تحكم علي شغلي و دي مش حجة علشان تأخد بيها نمرة تليفوني.
نيران(ببرود): متلفش و تدور دي مش تصرفات الرجالة، و لا مقبلش اشتغل معاك.
نيران(ببرود): بعد كدة ابقي قول حجة قوية.
نيران بصت ل زياد ببرود و دخلت الشركة طلعت ل مكتبها.
عند آسر.
آسر: انقلي الملف ده لسكرتيرة ماهر.
آسر: و بعدها اطلعي علي مدير الحسابات جيبي منه ملف حساب المناقصة الجديدة...

آسر: و بعدها انزلي الارشيف جيبي ملف صفقة محمود الهضيبي القديمة.
آسر: و بع.
ليلي(بصدمة): بس بس هو لسة في تاني ده انت كدة مفتري حرام عليك يا شيخ؟!
آسر(بحدة): افندم؟!
ليلي(بغيظ): اقصد استني لما اعمل اللي انت قولت عليه الاول و لما اعملهم ابقي قولي الجديد كدة هنسي...
آسر: ا.
ليلي سابت آسر و جريت بره اوضة مكتبه.
ليلي: ده انت مفتري يا شيخ، ادي اخره اللي بيحب الشغل.
نيران: ايه اللي مقعدك كدة؟!

ليلي: قايمة يا اختي قايمة.
ليلي: ربنا علي المفتري.
نيران: طب يلا علي شغلك.
ليلي: طيب بس اعملي حسابك قاسم هيأخدنا يعشينا و هنخرج شوية كدة.
نيران: طيب.
ليلي: تمام هروح انا ورايا كام حاجة عايزة اعملهم.
نيران: طيب ربنا معاكي.
كل واحدة راحت تشوف شغلها.

-في مكان تاني...
في القصر...
محمد(بحدة): اهدي منك ليها علشان اعرف افهم.
مهرة: محدش فاهم حاجة اصلا هو من امتي ابنك بيعرفنا حاجة عايش حياته براحته بيعمل كل حاجة براحته و احنا بنعرف من بره...
مهرة: و قال بالصدفة كدة بيقول انه اتجوز. و الله اعلم متجوزها ليه ممكن بيداري علي عملة هو عملها او ممكن تكون ضحكت عليه علشان الفلوس. باين عليها انها بنت دون مستوي اصلا.

نجلاء(بحدة): احترمي نفسك يا مهرة انا ابني راجل و هو مسئول عن افعاله.
نجلاء(بحدة): و كمان علي الاقل هو متجوز علي سُنة الله و رسوله. الدور و الباقي علي ابنك اللي كل يومين مع واحدة ده.
مهرة(بزعيق): ابني يا حبيبتي احسن منك و من ابنك اصلا. هو انتوا تطولوا تبقوا زي ابني.
نجلاء(بحدة): انا مش هتكلم معاكي اصلا و بعدين انتي كبرتي الموضوع علي الفاضي.

مهرة(بزعيق): لا مش انا، انا بس كل اللي عايزة اقوله ان ابنك طلع قليل الاصل و بص لحبيبة اخوه...
مهرة(بزعيق): حتى ابنك طالع زيك قليل الاصل و بيبص لحاجة غيره.
محمد كان بيراقب مهرة و نجلاء بس لقي ان مهرة بدأت تزيد في كلامها و تغلط.
محمد(بعصبية): اسكتوا انتوا الاتنين و مش عايز اسمع صوتكم...
محمد(بعصبية): معملتوش احترام لوجودي.
مهرة: اسفة يا حبيبي.
عزة: صقر بيه وصل يا محمد بيه.

صقر دخل و قعد قدام محمد ببرود و حط رجل علي رجل.
صقر: خير طلبتني ليه؟!
نجلاء: صقر عيب نزل رجلك.
صقر: مبعرفش اقعد غير كدة و ده مش موضوعنا.
محمد: مين البنت اللي جبتها هنا؟!
صقر(بهدوء): مراتي.
محمد: استأذنت من مين؟!
صقر(بهدوء): هو انا بنت علشان استأذن للجواز...
مهرة: و طبعا اهلها ضحكوا عليك و جوزوك ليها.
صقر(بهدوء): طيف ملهاش اهل و انا و هي اتجوزنا و عايشين مع بعض. اعتقد محدش ليه دخل بيا.

صقر(بهدوء): اي حاجة تحصل في حياتي انتوا ملكوش علاقة بيها. انا مسئول عن حياتي و قرارتي.
صقر(بهدوء): طيف مراتي حتى لو كان آسر بيحبها بس هي دلوقتي مراتي...
صقر(بهدوء): اطلق اتجوز اموت اعيش اسافر. دي حياتي انا و بس.
صقر: حد عنده سؤال تاني؟! معتقدش.
صقر سابهم و خرج بره القصر.
مهرة: شوفت قلة الادب بتاعته با محمد.
نجلاء سابت محمد و مهرة و طلعت لاوضتها.
محمد(بهدوء): هو عارف هو بيعمل ليه.

محمد(بهدوء): و طلعي صقر من دماغك اهتمي بابنك و بنتك يا مهرة.
محمد ساب مهرة و طلع لاوضة نجلاء.
نجلاء(بشهقة): محمد.
محمد(باحراج): احم غيري هدومك هستناكي بره.
محمد خرج و استني لما نجلاء فتحت باب الاوضة.
نجلاء(باحراج): نعم كنت عايز ايه؟!
محمد: في حفلة بكرة. فكرت اخدك معايا لو عايزة.
محمد: هأخد ردك بكرة الصبح.
محمد: تصبحي علي خير.
محمد راح اوضته و نجلاء دخلت اوضتها و هي مصدومة.

-في مكان تاني...
في المستشفي.
رامي: ما تتكلمي يا رفيف مالك امبارح كنتي كويسة.
رفيف(بحدة): قولت عايزة اخرج من هنا و بس.
رامي: ازاي و انتي عاملة حادثة؟!
رفيف(بحدة): و انت مالك؟!
رامي(بحدة): لا ليا و ليا كتير يا رفيف...
رامي(بحدة): و بصي بقي انا مجنون متخلنيش اتجنن عليكي زيادة.
رفيف(بحدة): عايزة امشي من هنا.
رامي(بحدة): و مفيش خروج من هنا يا آنسة رفيف.
رفيف(بحدة): انت مين يا حيوان انا؟!

رامي(بحدة): هتغلطي هتزعلي يا رفيف.
رفيف(بدموع): عايزة امشي.
رامي(بحنية): قوليلي حصل ايه؟!
رفيف عيطت و بدأت تشهق رامي قرب منها و قعد يملس علي شعرها.
رامي: طيف؟!
رفيف هزت رأسها بمعني لا.
رامي: اومال يا رفيف؟!
رفيف مسحت دموعها بايديها و حكت اللي حصل ل رامي.
رامي كان وشه خالي من التعبير و حط ايده في جيبه.
رامي(بهدوء): رفيف امسحي دموعك مفيش حاجة مستاهلة الخوف، انتي لما بتخافي بتخليهم يبقوا اقوياء بخوفك.

رامي(بهدوء): بصي انا في شقة فاضية في العمارة اللي انا ساكن فيها هكلملك صاحب الشقة و تيجي تعيشي في العمارة بتاعتي احسن من انك تعيشي في بيتك.
رفيف: لا مش.
رامي: لاما الجأ بقي للحل التاني. و انا ارحب بيه جدا.
رفيف: ايه هو؟!
رامي: اتصل بالمأذون و نكتب الكتاب.
رفيف: لا لا انت مجنون...
رامي: يبقي تيجي تعيشي معايا في العمارة.
رفيف: لا لا برضو.
رامي: لا حيرتيني معاكي يا رفيف.

رفيف: هرجع بيتي و انت ابعد عن القضية اللي انت ماسكها علشان خاطر عائلتك.
رامي: و اسيب الظلم ينتشر و اخون القسم اللي قسمته.
رامي: لا يا رفيف انا مش ضعيف.
رامي: عموما كلمت الدكتور و ينفع ترجعي البيت و انا هوصلك، يلا قومي البسي هدومك.
رامي خرج بره الاوضة و رفيف قامت غيرت هدومها و خرجت ليه.
رامي: يلا بينا.
رامي و رفيف ركبوا العربية و وصلوا لشقة رفيف.

رامي: انزلي يا رفيف و خلي بالك من نفسك. و لو حصلت اي حاجة كلميني. و خدي دي ادؤيتك.
رامي: بلا انزلي.
رفيف: تمام شكرا علي وقفتك معايا.
رامي: انزلي...
رفيف نزلت و طلعت ل شقتها، رامي ساق عربيته ناحية القسم.
رامي: حسين ابعت عساكر تبقي تحت بيت رفيف.
حسين: طيب بس ليه؟!
رامي: اعمل اللي قولتلك عليه الاول و تعالي افهمك.
حسين: طيب.

-في مكان تاني.
عند طيف.
طيف قعدت فترة كبيرة في مكانها شاردة لغاية ما بدأت ترجع للواقع و قامت وقفت بتعب.
لقت الجو بدأ يليل طلعت اوضتها و دخلت خدت دوش دافئ.
طيف خرجت و بدأت تغير هدومها طيف لبست بنطلون كحلي و فوقه تي شيرت صوف باللون الاصفر طويل لغاية الركبة ب ¾ كم و فيه حزام باللون الاسود و برقبة طويلة. و لبست كوتشي اسود عالي و سيبت شعرها علي ضهرها.

طيف نزلت و قررت تخرج لانها ملت من قعدة البيت.
طيف كانت نازلة علي السلالم شافت خيال حد.
طيف: مين هنا؟! صقر؟!
طيف(بخوف): يا صقر.
طيف لفت وراها ملقتش حد و كانت ال?يلا شبه ضلمة و كانت الاضاءة فيها بسيطة جدا.
طيف نزلت سلمتين كمان و بعدها حست بانفاس حد وراها طيف لفت رأسها ببطء شديد و خوف.
(بضحكة خبيثة): هاي طيف.
طيف فتحت عينيها علي آخرهم و حست بدوخة شديدة و كانت هتقع بس الشخص ده لحقها بسرعة قبل ما تقع.

طيف(بصريخ و خوف): ابعد عني يا مجنون ابعد.
(بحزن مصطنع): كدة برضو يا طيف. ده انا حتى اول مرة اشوفك وجها لوجه.
(بحزن مصطنع): هي دي المقابلة يا طيف؟!
طيف(بصريخ): ابعد ايدك دي بعيد عني.
طيف زقت الشخص ده و رجليها اتكعبلت فوقعت من علي السلالم كانوا في حدود 4 سلالم. طيف جرح رأسها اتفتح و نزلت دم.
طيف(بصريخ): اياك تقرب.
(بخبث): ليه بس يا طيف؟!
(بدهشة مصطنعة): انتي خايفة مني؟!

طيف بدأت تزحف بجسمها ل ورا بعيد عن الشخص اللي قدامها بس الشخص ده شدها جامد من رجليها.
طيف(بصريخ): عااااااااا الحقوني...
(بحزن مصطنع): كدة يا طيف مكنتش اتوقع ده ابدا.
(بحزن مصطنع): هو انا شكلي وحش انتي خايفة مني ليه بس؟!
طيف(بصريخ): ده انت مريض نفسي. ابعد عني يا حيوان.
(بعصبية): طب ليه الغلط طيب؟!
الشخص ده مسك شعر طيف بعصبية في ايده.
طيف(بصريخ): عرفت انك مريض نفسي؟! وسع كدة.

(بعصبية): متقوليش الكلمة دي فاهمة.
طيف(بصريخ): سبني.
طيف(بصريخ): يا صقر.
(بضحكة): بتنادي علي مين بس؟! صقر مش راجع دلوقتي قدامه وقت كدة علي ما يرجع نكون خلصنا كلامنا سوا.
طيف(بغضب): ابعد يا حيوان، انا مليش كلام معاك انا معرفكش حتى وسع. سيب شعري.
(بحزن مصطنع): و الله يا طيف مش انا اللي دخلتك اللعبة دي ده هو...
طيف بصتله باستفهام بس كان باين علي وشها وجعها.
: ايوه هو صقر، صقر دخلك لعبتنا.

(بخبث): بس متخافيش لعبتنا حلوة اوي و هتعجبك فيها جري كتير و دم...
طيف(بصريخ): انا معرفش انت بتتكلم عن ايه و كمان انا و صقر مش بينا علاقة قوية علشان ادخل في العداوة اللي بينكم، و كمان انا معرفكش و كمان انت ليه بتعمل كدة ايه معندكش قلب و لا دم انت حيوان مش بتحس...
طيف(بوجع): سيب شعري.
الشخص ده وطي و بدأ يشم ريحة شعر طيف و قعد يملس عليه.
: تعرفي ان ريحته حلوة اوي.
: و ناعم.
: طول عمره صقر ليه ذوق خاص بيه.

الشخص ده مسك وش طيف بين ايديه و طيف غصب عنها دموعها نزلت علي خدها.
: تعرفي الجرح اللي في رأسك زايدك حلاوة و جمال...
: ده انتي جميلة اوي.
طيف(بعصبية): ابعد عني ده انت معندكش نخوة.
الشخص ده مسك دقن طيف بعصبية و قرب وشها منه.
(بابتسامة مخيفة): اقولك حاجة.
(بابتسامة مخيفة): انا هقتل صقر و عائلته كلها.
طيف كانت حاسة بوجع في كل اطرافها و بتبص للشخص اللي قدامها بخوف و غضب في نفس الوقت.

(بحزن مصطنع): لقائنا الاول هيخلص هنا.
(بابتسامة): بس هنتقابل تاني.
: ابقي سلميلي علي صقر لما تشوفيه و قوليله اني مبسوط اوي.
: و دلوقتي نامي بسلام.
الشخص ده طلع حقنه مهدئة وغرزها في رقبه طيف,طيف بدأت تغمض عينيها ببطء. الشخص ده زق رأسها في الارض.
الشخص ده عمل حاجة في ال?يلا قبل ما يمشي و خرج من مكان ما جه...
بعد 3 ساعات...
صقر وصل لل?يلا و حس بحاجة غريبة في البيت بس دخل عادي و فتح باب ال?يلا.

صقر(بصدمة): طيف!
صقر جري علي طيف لقي جمبها ثعبان,مسك الثعبان بسرعة بس لقاه ميت صقر رمي الثعبان بغضب.
صقر نزل ل مستوي طيف بسرعة و حط ايده تحت رأسها و رفع جسمها ليه.
صقر: طيف طيف سمعاني، طيف.
صقر: طيف فتحي عينك.
صقر شاف الدم اللي نازل من رأسها و بدأ يشوف حرارتها و بص علي كل جسمها يتأكد ان مفيش اي اصابة فيها.
صقر: طيف فتحي عينك. سمعاني؟!
صقر بص حواليه بغضب و بعدها بص علي طيف.

صقر شال طيف بين ايديه و خرج بره ال?يلا ركب طيف العربية و لف ركب و بدأ يسوق...
تليفون صقر رن، الخط اتفتح.
صقر(بهدوء مصطنع): ليك وحشة.
(بضحك مستفز): صقر باشا وحشتني يا راجل، ايه اخبار المزة؟!
(بضحك مستفز): دي مستحملتش من اول لقاء ما بالك باقي اللقاءات.
(بخبث): و الا بقي اللقاء الكبير...
صقر(بهدوء مصطنع): و هو انت فاكر اني هسيبك لما تكمل اللي في دماغك.

(بخبث): بس بقولك ايه الثعبان كان لونه حلو. تحب المرة الجاية يبقي لونه ايه...
صقر(بحدة): اسود علي دماغك و دماغ اللي خلفوك.
(بخبث): اشطا هخليه اسود...
صقر: ارجع عن اللي في دماغك...
(بخبث): معنديش مانع. بس.
صقر: بس؟!
(بخبث): مراتك.
صقر(بهدوء مصطنع): متخلقش اللي يأخد حاجة بتاعت صقر الجارحي...
(بخبث): متأكد؟!

(بخبث): بس بقولك ايه سيبك انت مراتك دي لوز. دايما محظوظ بت جسم ايه و جمال ايه و عيونها و شعرها و الا ريحة شعرها و لا ريحتها هي شخصيا...
صقر مقدرش يستحمل الكلام و قفل التليفون رماه في العربية.
طيف(بين الوعي و اللاوعي): آآآه، الحقوني.
صقر: طيف متخافيش انتي دلوقتي في أمان...
-بعد فترة.
صقر نزل و شال طيف و دخل ال?يلا...
انتصار: صقر مالها طيف؟!
صقر(بحدة): مفيش.

صقر طلع علي اوضته و حط طيف علي السرير,كان مفعول المهدئ خلص و طيف بدأت تفوق.
صقر كان هيبعد عن طيف لقي طيف مسكت في التي شيرت بتاعه بخوف.
صقر: اهدي.
طيف(بوجع و عياط): مين ده؟! ده طلع عارفك.
صقر: اهدي يا طيف في ايه متخافيش.
طيف بعدت عن صقر بصدمة و مسكت المخدة و قعدت تضربه,صقر شد طيف ناحيته و هو مبتسم و قعد يزغزها.

طيف غصب عنها كانت بتضحك و هي في حضن صقر. كانت قاعدة علي رجله و محاوطة رقبه صقر بايديها و صقر حاطط ايده علي خصرها.
طيف(و هي بتنهج و حدة مصطنعة): ممكن افهم ايه اللي عملته ده؟!
صقر: عملت ايه؟! اه افتكرت عملت كدة.
صقر قعد يزغزغ طيف تاني و طيف قعدت تضحك بصوت عالي,صقر قرب من طيف بدون وعي و (لخيالكوا)...
صقر: قومي خدي دوش و غيري هدومك و تعالي اعقملك جرحك.
طيف(بدموع): هو مين ده؟!

صقر حط رأس طيف علي كتفه و باس رأسها.
صقر: متخافيش، مش هسمحله يقرب منك تاني.
صقر: انتي لو شفتيه حتى بالصدفة و مش هيحصل اياكي تخافي يا طيف. فاهمة؟!
طيف هزت رأسها ببطء بمعني اه.
صقر: طب ايه؟!
طيف(بعدم فهم): ايه؟!
صقر: امممم لا ده البعيدة غبية.
طيف: في ايه؟!
صقر: ايه ده؟!
طيف: في ايه يا ابني؟!
صقر: عيونك حلوة.
طيف فتحت عينيها علي اخرهم من الصدمة و بعدها لقت صقر بيبوسها علي عينيها.

صقر: قومي زي الشاطرة غيري هدومك يلا.
صقر: و لا اجي اساعدك؟!
طيف(بخجل): ها لا لا.
طيف بعدت عن صقر بسرعة و جريت علي الحمام غسلت وشها كتير و خرجت تحت انظار صقر و دخلت تغير هدومها...
طيف لبست بنطلون اسود و تي شيرت مخطط باللون الابيض و الاسود بكم قصير لغاية الخصر و سيبت شعرها علي ضهرها...
طيف خرجت و صقر شاور ليها تقعد قدامه و بدأ يطهر ليها جرحها اللي في رأسها...
صقر: هو ام الجرح ده مش عايز يروح؟!

طيف: كل شوية تحصل مشكلة و لازم الحتة دي تتجرح...
صقر: يلا نامي.
طيف: مش جايلي نوم.
صقر: انا ورايا مشوار لازم اعمله يا طيف فلازم اتأكد انك نايمة علشان احصنك قبل ما اخرج.
طيف: و هتحصني ازاي بقي؟!
صقر مسك ريموت كنترول و ضغط علي كذا زرار,طيف لقت الباب اتقفل و البلكونة و بعدها لقت ليزر في كل مكان و محدش يقدر يعدي من اي مكان.
طيف: هتسبني هنا ده انا ذات نفسي اخاف.
صقر رجع كل حاجة لطبيعتها و قام وقف.

صقر: ده مش كل حاجة. عموما يلا نامي.
طيف: بليز سبني شوية.
الباب خبط.
انتصار(بأسف): صقر لازم تيجي.
صقر: في ايه يا انتصار؟!
انتصار(بأسف): للاسف لازم تيجي.
صقر: خليكي هنا يا طيف.
صقر نزل ل تحت هو و انتصار.
صقر لقي آسر قاعد ببرود علي كرسي من الكراسي و بيبص قدامه.
صقر بص ناحية ما آسر بيبص و فضل واقف مكانه.
بنت(بعياط و وجع): الحقني يا صقر.
و فجأة البنت دي وقعت بين ايدين صقر مغمي عليها...

السؤال: يا تري هيحصل ايه؟! خمنوا.

الفصل التالي
جميع الفصول
روايات الكاتب
روايات مشابهة