قصص و روايات - قصص رومانسية :

رواية أسيرة لحصون قلبه للكاتبة سلسبيل كوبك الفصل الخامس والعشرون

رواية أسيرة لحصون قلبه للكاتبة سلسبيل كوبك الفصل الخامس والعشرون

رواية أسيرة لحصون قلبه للكاتبة سلسبيل كوبك الفصل الخامس والعشرون

صقر مسك ايد طيف و باس باطن كفها.
الباب اتفتح...
حسام: يا سلام علي حبي و حبك وعد و مكتوبلي احبك.
صقر رفع عيونه بحدة ل حسام و قوم طيف من علي رجله.
نانسي(بخوف): انا اسفة يا مستر صقر دخل غصب عني.
حسام: مش قولتلك اني ابقي ابن عمه، اي انه انا ابقي حسام الجارحي.
صقر(بهدوء): طبعا طبعا، اطلعي انتي يا نانسي.
نانسي: حاضر يا بيه.
صقر(بهدوء): طيف روحي مكتبك.
طيف: بس.

صقر(بتحذير): خدي الملف ده شوفي اللي ناقصه و ابقي ابعتيه ليا.
صقر(بتحذير): اسمعي الكلام يلا.
حسام: ما تسيبها يا صقر. دي حتى القعدة هتبقي طرية.
صقر قام من مكانه و قرب علي حسام ضربه بوكس في وشه بغضب.
صقر(بغضب): و انتي امشي علي مكتبك.
طيف جريت بسرعة علي مكتبها اللي في مكتب صقر.
صقر: و انت جاي ليه؟!
حسام(بابتسامة مستفزة): كنت جاي اطمن عليك انت و المدام.
حسام: امتي هبقي عمو بقي؟! و لا.

حسام(بمكر): ده كله كان تمثيلية، يعني ده مش جواز حقيقي.
حسام بص حواليه كأنه بيشوف لو في حد موجود و قرب من صقر.
حسام: بس انا شايف هنا نظرات عاشق. هيتألم هيتألم اوي و هو شايف مراته و حبيبته في حضن واحد غيره و هو واقف مربوط مش عارف يتحرك.
حسام: جربت كل انواع الخيانة يا صقر للاسف معلش بقي اصل طنط نجلاء كا.
صقر مسك حسام من هدومه بغضب و نزل فيه ضرب.
حسام(بتمثيل): الحقوني الحقوني اصلي خايف من سي صقر...

حسام: كمل ضرب يا ابن الجارحي.
صقر كان في قمة غضبه و قعد يضرب حسام.
طيف كانت مش قادرة تستحمل المنظر لانها شافت من الازاز اللي فاصل بين مكتبها و مكتب صقر فتحت باب مكتبها بسرعة و جريت علي صقر.
طيف: صقر صقر خلاص سيبه هيموت في ايدك، صقر اسمع الكلام يلا.
طيف: يا صقر.
طيف حضنت صقر من ضهره جامد,صقر اضطر يبعد عن حسام بغضب و لف ل طيف.
صقر: بره يا حسام...
حسام: هاي يا طيف، ده تالت لقاء لينا يا رب لقاءاتي تعجبك...

صقر: كلامك معاياا انا و يلا قوم غور في داهية.
حسام: اشوفك قريب يا طيف. باي.
حسام قام من علي الارض و مسح الدم من علي شفايفه و انفه.
حسام: كدة برضو يا صقر يلا يا عم مردودة. باي.
حسام خرج بره مكتب صقر و صقر رجع قعد علي كرسيه بغضب و مسك تليفونه الارضي.
صقر(بغضب): متدخليش حد عليا حتى لو زين.

صقر غمض عيونه و رجع رأسه ل ورا,طيف قربت من صقر بتردد و قعدت علي رجله. صقر حاوطها بايده الاتنين و هي حطت رأسها علي صدره...
طيف(لنفسها): غيرة خوف اعجاب اهتمام مش عارفة ليه حاسة بانجذاب شديد ناحيتك يا صقر.
طيف رفعت رأسها و بصت علي صقر...
طيف(لنفسها): بس مينفعش مينفعش يا صقر.
الاتنين فضلوا علي كدة ل فترة,لغاية ما صقر اتعدل في قعدته بص لقي طيف مغمضة عينيها و انفاسها منتظمة.

صقر ابتسم بخفة علي ملامحها ورجع شعرها لورا,صقر قرب بالكرسي من المكتب و بدأ يشتغل و طيف علي رجله نايمة.
-بعد فترة.
طيف بدأت تفتح عينيها بكسل رفعت ايديها لفوق علشان تتمطع صقر بص ليها.
صقر: يا ريت بقي نقوم كدة مش هنقضي باقي اليوم نوم يعني...
طيف(بنوم): مفيش احلي من النوم.
صقر: طب قومي يا كسولية يلا.
طيف(بنوم): لا صدرك دافئ.
صقر(بابتسامة): ما انتي لو كنتي في وعيك دلوقتي كان زمانك قصيتي لسانك ده.

طيف بدأت تفوق من نومها و اتعدلت في قعدتها.
صقر: فاكرة نفسك نايمة علي سرير في بيتكوا دي رجلي يا هانم.
طيف(بتوتر): ها؟!
صقر: قومي قومي.
طيف قامت بسرعة من علي رجل صقر و صقر لقي رجله نملت.
صقر: حسبي الله و نعمة الوكيل فيكي يا طيف.
طيف(بصدمة): انا!
صقر: لا انا.
طيف: اوف بقي معلش.
صقر: طب يلا نمشي.
طيف: يلا. هروح اجيب موبايلي.
صقر: لا. من هنا و رايح هترمي التليفون اللي آسر جابه. و انا هجبلك تليفون...
طيف: تمام.

صقر قام و بدأ يلبس جاكت البدلة بتاعه و خرجوا هما الاتنين من المكتب.
كل الانظار كانت متوجهة ناحيتهم هما و بس و طيف سمعت كلام معجبهاش هي و صقر.
طيف(بهمس): خلاص مش عايزين فضايح يلا.
صقر بص لكل اللي موجود نظرة خليتهم يخرسوا و خرج هو و طيف...
تليفون صقر رن، الخط اتفتح.
نجلاء: انت علطول كدة تليفونك مغلق مع الناس كلها و لا معايا انا و بس.
صقر: انتي اللي بتتصلي وقت ما بيكون مغلق.

نجلاء: طيب و انا بقي عايزة اشوف مراتك. هه.
صقر: ايوه اعمل ايه هو حد قالك ان مراتي تمثال في المتحف؟!
نجلاء: بتتريق كمان، انت مجتش الحفلة ليه؟!
صقر: حصلت حادثة بعدين ابقي اقولك عليها.
نجلاء: و مبتقولش.
صقر: طب كويس انك عارفة...
نجلاء: طب بص تختار يوم خلال شهر هتيجي فيه انت و مراتك و هتباتوا عندنا هنا في القصر كمان.
صقر(بعصبية): بعد ما مراتي اتهانت عندكوا ابدا.

نجلاء: ما انت عارف مهرة يا صقر خلاص و حياتي عندك متزعلش.
نجلاء: و اوعدك مش هيتكرر تاني.
صقر: طيب هبقي اشوف قدامي لسة شهر.
نجلاء: ماشي يا صقر بس ميبقاش قلبك اسود و قاسي كدة.
صقر: هقفل باي.
بعد فترة وصلوا لل?يلا و طيف و صقر نزلوا...
سارة: رجعت يا صقر؟!
صقر: عايزة ايه يا سارة؟!
سارة: يلا نتعشي.
صقر: هأكل مع مراتي فوق. عن اذنك.
صقر: ميرا مها جهزي العشاء و طلعيه فوق لاوضتي.
صقر: يلا يا طيف.

صقر و طيف طلعوا لاوضتهم و صقر قفل الباب وراه. طيف بدأت تقلع الكوتشي بتاعها.
طيف: هدخل اغير انا.
طيف دخلت اوضة الملابس و بدأت تغير هدومها.
طيف لبست عباية بيتي طويلة ل بعد الركبة و مفتوحة من الجمبين فتحة بسيطة باللون الاسود ب ¾ كم و رفعت شعرها علي شكل ديل حصان.
طيف خرجت من اوضة الملابس كان صقر خرج من الحمام و دخل الاوضة يغير و خرج.
طيف: انت سارة دي هتعمل معاها ايه؟!

صقر: مش حاططها في حساباتي اصلا.
طيف: اممم طيب.
صقر مشي قعد جمب طيف و غمض عينه.
جرس الاوضة رن طيف قامت و فتحت الباب.
ميرا: الاكل يا هانم.
طيف: شكرا يا روحي دخليه.
ميرا: حاضر.
طيف: شكرا.
ميرا: عن اذنك.
طيف: قوم يلا نأكل.
طيف و صقر قاموا هما الاتنين بدأوا يأكلوا.
طيف: هنزله و اطلع.
صقر: لا خلي حد من الخدم.
طيف: لا عادي.
طيف شالت صينية الاكل و نزلت ل تحت المطبخ.
طيف: هي طنط انتصار راحت فين؟!

ميرا: لانها مش بتطيق سارة فمشيت.
طيف: اممم طيب.
طيف طلعت لاوضتها لقت سارة في اوضتها.
طيف(بعصبية): انتي زودتيها اوي يا بتاعة انتي.
سارة: في ايه جيت اتكلم مع صقر؟!
طيف: و كمان بجحة وطالما جاية تتكلمي مع صقر ايه اللي ملبسك لبس العاهرات ده.
طيف: ليكون جوزك و انا معرفش، و كمان متنسيش ان هو متجوزني يعني تحترميني.
طيف: و كمان انتي قاعدة هنا علشان خاطري انا.
سارة: ما تتكلم يا صقر.

صقر(ببرود): كلام طيف صح. ده بيتها اصلا و هي اللي مقعداكي هنا...
صقر(ببرود): و بالنسبة لموضوعك فهو مرفوض، الباب في وشك اتفضلي.
سارة بصت بغضب ل طيف و سابت الاوضة و خرجت.
طيف(بعصبية): واحدة قليلة الادب.
صقر: خلاص يا طيف حصل خير. يلا تعالي نامي...
طيف قربت من السرير و نامت عليه و صقر طفي الانوار و بدأوا يناموا.

-في مكان تاني...
في القصر.
كان الكل قاعد علي السفرة حتى آسر و بيتعشوا.
نيران: بابا.
محمد: نعم يا حبيبتي.
نيران: محسن اللي بيشتغل في الشركة.
محمد: ماله ده؟!
نيران: ضايق ليلي في الشغل.
محمد: ليه؟!
نيران: و كمان ابنك آسر صدقه. و طردها.
محمد(بحدة): ده حصل يا آسر.
آسر(ببرود): ايوه حصل، سمعتها بوداني.
نيران: انت حكمت عليها من غير ما تسمع منها.

آسر(بعصبية): دي قالته هبقي اتصل بيك و نتقابل وقت ما تحب دي يتفهم منها ايه؟!
نجلاء: مش كل اللي بتسمعه صح.
آسر(بعصبية): ايوه انتي عايزة ايه يا نيران؟!
نيران(بعصبية): تعيد نظر في موضوع ليلي لانك ظلمتها، و تعتذر منها كمان.
آسر(بعصبية): كمان؟!
محمد(بحدة): خلاص اسكتوا انتوا الاتنين.
نيران: يا بابا حرام يطردها و هي مش مذنبة. و كمان ده افتري عليها و ساء الظن فيها.
آسر(بعصبية): يوووووووووووه، ده ايه القرف ده؟!

آسر سابهم و طلع لاوضته اترمي علي السرير.
آسر: اوف بقي. اطلعي من دماغي.
تحت.
نيران: شايف يا بابا بيتصرف ازاي؟! و كمان صاحبه زيه.
محمد: ماهر؟!
نجلاء: بيعملك ايه؟!
نيران: شخص عملي جدا جدا في حياته يا نوجة، يعني المفروض المدير يخفف علي اللي بيشتغل معاهم لا ده مش انتوا بتشتغلوا معايا طب خدوا شغل اوف.
محمد: لازم كدة يا نيران لازم تتحطي تحت الظروف دي علشان تعرفي تتعاملي بعدين.
نيران: طب و موضوع ليلي؟!

محمد: انا هتصرف...
نيران: تسلم يا بابا.
نجلاء: سمعت ان قاسم ابن مدام سمية عمل حادثة صح؟!
نيران: اه يا نوجة نبقي نروح نزورهم.
نجلاء: طيب يا حبيبتي.
محمد: مالك يا مهرة ساكتة ليه؟!
مهرة: ها لا يا حبيبي مفيش حاجة.
محمد: طب تعالي معايا.
مهرة بصت ل نجلاء بصة نجلاء فهمتها.
مهرة: حاضر يا حبيبي.

-في الصباح الباكر...
في ال?يلا.
طيف بدأت تصحي و قامت من علي السرير دخلت الحمام غسلت وشها و خرجت دخلت اوضة الملابس تغير هدومها.
طيف لبست فستان اصفر هادئ قصير لغاية الركبة بحمالة عريضة علي الكتف و واسع و لبست فوقه جاكت باللون الزيتي بكم و قصير لغاية الخصر و لبست كوتشي اسود عالي و سيبت شعرها علي ضهرها و لبست اكسسورات بسيطة باللون الفضي.
طيف خرجت بره اوضة الملابس و راحت ناحية صقر.

طيف: صقر يا صقر يلا قوم.
طيف نزلت ل مستوي صقر و حطت ايديها علي خده...
طيف: يا صقر يا ابني انت...
صقر فتح عينه ببطء و شاف قدامه طيف فابتسم.
صقر(بابتسامة و نوم): دخلت الجنة و انا مش عارف و لا ايه؟!
طيف: قوم يا ظريف يلا.
صقر بدأ يفوق و شد طيف لحضنه و هو بيتمطع...
صقر: ايه النشاط ده كله؟!
طيف: يلا قوم علشان الشغل.
صقر: طيب...

صقر قام قعد علي السرير و طيف قامت. صقر فتح الدرج اللي جمبه طلع منها علبة سجاير و بدأ يدخن...
طيف: ممنوع السجاير علي الصبح كدة...
صقر: وسعي يا طيف سيبيني علي مزاجي.
طيف: غلط.
صقر: يا ستي عايز افكر في حاجة.
طيف: و هي السيجارة اللي هتخليك تفكر...
صقر: ايوه.
طيف: ممنوع ممنوع ممنوع.
طيف خدت السيجارة بتاعت صقر و رمتها في الارض و داست عليها.
طيف: مستنياك تحت.

طيف نزلت ل تحت لقت سارة قاعدة حاطة رجل علي رجل و فاتحة تليفونها.
طيف: سارة.
سارة: امممم.
طيف: انا فكرت في فكرة حلوة بما انه عائلتك بتدور عليكي علشان تجوزك راجل اكبر مني فالحل الوحيد تسافري بره البلد روحي اي مكان...
سارة: انتي بتكرهيني للدرجة دي؟!
سارة: للدرجة دي مش عايزة تساعديني.
سارة: انا واقعة في مشكلة.
سارة: طيف انا محتاجة مساعدتك.

سارة(بدموع): طيف انا اتهانت و اتذليت و اضربت و اتعذبت طيف ارجوكي مترمنيش في الشارع زي ما غيرك عملوا انا.
سارة قربت من طيف و مسكت ايديها بدموع,طيف اتعاطفت معاها.
سارة(بدموع): انا محتاجة مساعدتك اوي كأخت عمري ما كان عندي اخت.
صقر كان واقف علي السلالم و حاطط ايده في جيبه.
صقر(لنفسه): آه يا سارة آه طيف هتصدقك لانها غبية و بتمشي ورا احساسها.
صقر نزل و وقف جمب طيف و شد ايديها من ايد سارة...

صقر: يلا يا طيف نفطر.
صقر خد طيف و قعدها علي السفرة و سارة قعدت جمب صقر و بدأوا ياكلوا.
سارة: صقر ممكن تأمنلي مكان في الشركة بتاعك علشان.
صقر(بحدة): لا.
سارة(بدموع): بس انا محتاجة الشغل اوي.
صقر: شوفي شغل في شركة تانية.
طيف: ا.
صقر بص ل طيف علشان تخرس و قام خد جاكت البدلة و مشي.
صقر(بعصبية): طيف ورايا.
طيف: حاضر.
طيف خرجت و ركبت جمب صقر في العربية.
صقر(بعصبية): بصي بقي من هنا و رايح كلام مع سارة مفيش.

صقر(بعصبية): مش عايز اشوفك واقفة بس تتكلمي معاها.
صقر(بعصبية): هي من طريق و انتي من طريق، دي بت شمال و بتجر اي حد وراها.
صقر(بعصبية): فهمتي؟!
طيف(بانفعال): طالما هي كدة حبيتها ليه زمان؟!
صقر بص ل طيف و بص قدامه علي الطريق و زاد من سرعته في السواقة.
طيف(بحدة): قلل السرعة شوية.
صقر(بغضب): انا محدش يقول اعمل ايه و معملش ايه؟!
طيف(بحدة): انت مكبر الموضوع ليه؟!

صقر(بانفعال): انا برضو اللي كبرته. انتي ليه مش عايزة تفهمي افهمي بقي يا شيخة افهمي.
طيف(بحدة): افهم ايه و كمان انت كل ما تتعصب تتعصب عليا انا ده ايه العيشة اللي تقرف دي.
طيف(بعصبية): كنت عايشة و مرتاحة في بيتي.
صقر(بانفعال): غوري في ستين داهية.
طيف بصتله بسرعة و بعدها بصت للشباك بتاعها و سندت عليه.
-بعد فترة.
صقر: وصلنا.
طيف فتحت باب العربية و نزلت للشركة دخلت بخطوات سريعة.
صافي: انتي.

طيف(بعصبية): مسميش انتي ليا اسم و لو مش عارفة تقوليه تبقي مشكلتك مش مشكلتي.
طيف(بعصبية): وسعي من وشي كدة.
صافي اتخضت من اسلوب طيف المفاجئ.
طيف سابتها و راحت علي مكتبها بس و هي ماشية خبطت في زين و كانت هتقع لولا ان زين مسكها قبل ما تقع.
زين(لنفسه): يخرب بيت عيونك. يخرب بيت جمالك في كدة يا شيخة، بتخطفي الانفاس دايما.
صقر(بحدة): زين.
زين(بخضة): يا ماما.
زين وقف طيف علطول و بص ل صقر.
طيف: شكرا يا مستر زين.

طيف قربت من زين تبوسه علي خده علشان تغيظ صقر,صقر بصلها بتحذير و قرب من زين و خد البوسة من طيف هو...
زين(بعصبية): ليه بس ليه؟!
صقر(بحدة): علي شغلكم.
صقر شد معاه زين و دخل لمكتبه,طيف راحت لمكتبها.

-في مكان تاني.
عند قاسم.
قاسم: ايوه هخرج امتي؟!
وعد: هو مش انا قاعدة عمالة افهمك بقالي ساعتين انت مش عايز تفهم ليه؟!
قاسم: ما ممكن العيب فيكي الله.
وعد: ما تحترم نفسك يا اخ انت.
قاسم: انا قولت حاجة.
وعد: تصدق انك قليل الادب و انا استاهل ضرب الجذم اني انقذتك و اتصلت بالاسعاف...
وعد: عن اذنك عيل مستفز.
وعد كانت هتمشي قاسم مسك ايديها.
قاسم: استني بس يا عود هنا.
وعد: افندم!
قاسم: احم اقصد يا عسل.

وعد: و النبي؟!
قاسم: يوووه يا دكتورة.
وعد: سيب ايدي يا عم لتوحشك.
قاسم: طب ما توحشني.
وعد: يا رب ده انت بارد وسع ياض وسع.
قاسم: دكتورة بتقول ياض ياااااه علي البيئة.
وعد: سبنالك التقدم ياض. وسع بقي ايدي.
قاسم: طب هسيبها بمقابل طبعا.
وعد: لو منزلتش ايدك هنادي علي الامن.
قاسم ساب ايد وعد و حط ايده علي بوقه.
قاسم(بتريقة): يا مامي انا خوفت و النبي متناديش الامن اصلهم متوحشين موت.

وعد حاولت تمسك نفسها لكن مقدرتش فقعدت تضحك كتير غصب عنها و قاسم باصص ليها.
قاسم: ايوه كدة افتحي الشبابيك افتكرتك مبتضحكيش علشان سنانك وحشة و لا حاجة.
وعد: متشوفش نفسك دمك خفيف اوي كدة يا كوتش.
وعد: و اياك تتعدي حدودك معايا.
قاسم: ليه هو القمر مرتبط؟
وعد: القمر دايما واقف في السماء لوحده.
قاسم: ايه يا بت الغرور ده؟!
وعد: مش غرور ثقة.
قاسم: طب ما القمر بيبقي جمبه نجوم و النجوم بتبقي احلي.

وعد: ده رأيي شخص بيكره القمر.
قاسم: طب ما تيجي يا عم القمر نشوف في ايه فيكي ممكن يتحب؟!
وعد: ابعد علشان بعور.
قاسم: هي جت عليكي ما انا متخرشم اهو.
وعد: باي يا سئيل.
وعد خرجت و ليلي دخلت حضنت قاسم و قعدت جمبه.
قاسم: مالك يا حبيبتي؟!
ليلي: مفيش اخبارك انت ايه طمني عليك؟!
قاسم: انا بخير يا روحي.
ليلي: و انا كمان.
قاسم: احبك يا مزتي.
ليلي: بس بقي.
قاسم: هو انتي مراتي يا به؟!

ليلي: ايوه لحد ما تيجي البنت اللي تحبك و تحبها.
قاسم: خليكي مراتي علطول.
ليلي و قاسم ضحكوا و بدأوا يتكلموا مع بعض.

-في مكان تاني...
عند نيران.
نيران: بص يا فندم حضراتكوا عايزين انتوا اللي يكون ليكوا الفايدة الكبيرة و ده مش صح. الخير يعم علينا بالتساوي افضل بكتير.
نيران: و اعتقد ان كل البنود مناسبة لينا و ليكوا.
نيران: و يا ريت حضراتكوا متضغطوش علينا بالكلام انتوا اللي كسبانين.
شخص: تمام و احنا هنمضي العقود دلوقتي و حالا.
شخص2: حقيقي اقنعتينا.
ماهر: طيب نمضي، شيري قومي هاتي العقود.
شيري: اتفضل يا فندم.
ماهر: يلا.

بدأوا يمضوا العقود و كان الكل مبسوط.
شخص: حقيقي انتي ثروة يا انسة نيران.
نيران: ميرسي.
ماهر: شيري وصليهم.
شيري: حاضر.
ماهر: مبروك يا انسة نيران.
نيران: شكرا يا مستر ماهر.
ماهر: مبروك هصرفلك مكافاة و دي نقطة زيادة هتتكتب في ملفك.
ماهر: شكل هيبقي ليكي مستقبل حلو.
نيران: شكرا يا مستر ماهر...
ماهر: تيجي نتغدي بره؟!
نيران فضلت تلف حوالين ماهر و ماهر باصص ليها باستغراب.
ماهر: في ايه!
نيران: انت ماهر انت؟!

ماهر(بنفاذ صبر): نيران روحي علي مكتبك.
نيران: حمدلله بالسلامة، يا ابني خليك متعصب كدة دايما علشان محسش انك تعبان او حاجة.
نيران: يلا يا عم نروح نتغدي حد لاقي فرصة انك تبقي كويس و تنزل لمستوانا.
نيران: هخرج اجيب شنطتي.
ماهر: و انا هاخد حاجتي.
ماهر لبس جاكت البدلة و جهز حاجته و نيران خدت شنطتها.
شيري: انت رايح فين يا ماهر؟!
ماهر: مشوار.

ماهر و نيران نزلوا ركبوا العربية و راحوا ل مطعم شيك و نزلوا هما الاتنين.

-في مكان تاني.
عند رفيف.
رامي: جيبي الفشار يلا.
رفيف: طيب طيب.
عبير: معلش يا حبيبتي اصله طفل بيحب المسرحيات اوي.
رفيف: عادي يا طنط.
صابر: كتروا في الفشار.
عبير: مش قولتلك اطفال.
رفيف(بضحك): كلنا اطفال منختلفش عنهم.
عبير: بس حقيقي بيتك حلو اوي.
رفيف: شكرا يا طنط.
رفيف(بحزن): من اختيار طيف.
عبير: ربنا يطمنك عليها.
رامي: ممكن يلا بقي المسرحية ابتدت الله.
رفيف: جينا اهو.

رفيف و عبير و رامي راحوا للتلفزيون و قعدوا كلهم.
و كانوا بيضحكوا علي المسرحية.
-بعد فترة كبيرة.
رامي: آه.
صابر: يلا نمشي.
رامي: هو مينفعش نبات. و الله ما قادر اسوق.
عبير: عيب كدة يا رامي.
رفيف: خلاص ممكن تباتوا هنا عادي فيها ايه يا طنط.
عبير: لا يا رفيف لا.
رفيف: بليز يا طنط. و كمان بدل ما انا بايتة لوحدي.
رامي: و الله انك سكر.
رفيف: عمو و رامي الاوضة دي ليكوا و انا و طنط دي.
عبير: يا بنتي بلاش نتقل عليكي.

رفيف: يا قمري عادي.
رفيف: يلا يلا.
رامي(بهمس): طب ما تنيميني في اوضتك.
صابر(بهمس): اخرس ياض.
رفيف و عبير دخلوا اوضة و رامي و صابر اوضة...

-في مكان تاني...
عند حسام.
مؤمن(بعصبية): بطل هبلك بقي انت مش قد صقر.
حسام(ببرود): اطلع بره...
مؤمن(بعصبية): مش كفاية اللي عملته زمان؟!
حسام(ببرود): و اللي هيحصل في مراته.
مؤمن(بعصبية): ليه ده كله؟!
حسام(بانفعال): اسأل نفسك مش انت اللي زودت كرهي فيه.
حسام(بانفعال): مش ده ابن اللي سرق حقك اللي ابوك وداه ل محمد. مش ده ابن عدوك.
مؤمن(بعصبية): ايوه هو، بس انت مش قده و انا مش عايز اخسر ابني.

حسام(ببرود): و لاما انا لاما صقر. و مصير النتيجة بتاعت اللعبة تطلع في النهاية، و دايما انا بكون الكسبان في كل اللعب.
مؤمن(بعصبية): انت مجنون؟! هتجننني معاك مش كفاية اللي حصلك فوق بقي فوق.
حسام(ببرود): سيبني ارسم بقي اخرج.
مؤمن(بعصبية): هيخلص عليك و مش هيعمل حساب للدم.
حسام مسك مسدسه و ضرب نار جمب مؤمن.
حسام(ببرود): عايز هدوء اطلع بره. عايز ارسم.
مؤمن بص ل حسام بغضب و سابه و خرج,حسام كمل رسم.

في مكان تاني...
عند صقر و طيف.
صقر: عايز المشروع ده يكون متنفذ خلال يوم واحد و دي مهمتك، تسهري عليه يعني هتشتغلي النهاردة وقت اضافي.
طيف(ببرود): تمام يا فندم، حاجة تاني؟!
صقر: لا روحي ل مكتبك.
طيف كانت هتمشي و الباب خبط.
صقر: ادخل.
صافي: مستر صقر حضرتك طلبتني؟!
صقر: ايوه قربي.
طيف لف ل صقر بسرعة و غضب و سابتهم و راحت ل مكتبها...
صافي: عيوني يا مستر صقر. اتفضل.
صقر: قربي.

صافي قربت من مكتب صقر و وقفت جمبه.
صقر: الملف ده ل شخص مهم عايزك توديه ل فريق المراقبة تحت اشراف منك يعني اي جديد تبلغيني علطول.
صافي(بخيبة أمل): بس كدة يا فندم؟
صقر: ايوه بس كدة، اتفضلي علي مكتبك.
صافي: اللي تؤمر بيه حضرتك.
صافي خرجت و زين دخل.
زين: صقر صقر صقر صقر صقر.
صقر(بزهق): ايه يا زين افصل شوية عايز ايه؟!
زين: احم انا.
صقر: ما تنطق.
زين: انا شكلي كدة وقعت يا صاحبي.
صقر(بهدوء): مين؟!

زين: طيف بس هتجوزها علي سنة الله و رسوله.
صقر حاول يهدئ نفسه بس مش قادر حط وشه بين ايديه و بص ل زين.
صقر(بهدوء مصطنع): نجيب العروسة و نسألها.
زين: لا لا.
صقر مسك التليفون و اتصل ب طيف.
طيف: عايز ايه يا بغل انت؟!
صقر(بحدة): تعالي.
طيف قامت من مكتبها و دخلت مكتب صقر و راحت وقفت قدامهم.
زين: ليه كدة يا صقر متفقناش علي كدة.
طيف(ببرود): حضرتك طلبتني ليه؟!
صقر(بهدوء): البيه زين عايز يتجوزك.

طيف(لنفسها): ده مجنون ده و لا ايه؟!
صقر: رأيك؟!
طيف كانت بتبص علي صقر و زين و مش عارفة تعمل ايه.
صقر قام ببرود من مكانه و قرب من طيف اللي رجعت خطوة ل ورا و كانت هتقع من علي سلمة المكتب بس صقر سندها...
صقر(ببرود): رأيك يا عروسة؟!
زين: احم طيف انا لما شوفتك اُعجبت بيكي و لو توافقي يبقي انا كدة ضمنت السعادة اللي هعيشها معاكي. هنعيش اسعد ايام حياتنا مع بعض و اوعدك.

صقر لحد هنا و مقدرش يستحمل لف بسرعة ل زين و مسكه من قميصه بغضب.
صقر(بغضب): لحد هنا و كفاية. اللي انت جاي تخطبها دي تبقي مراتي.
زين الصدمة و الذهول سيطروا عليه و قعد يبص ل طيف و ل صقر بصدمة.
زين: ازاي و ليه؟!
صقر(بغضب): ملكش الدعوة، المهم دلوقتي قلبك ده تدوس عليه بالجذمة متفكرش فيها و لو للحظة واحدة حتى انك تفكر فيها ممنوع، كل اللي هيبقي بينكم هيبقي شغل و تحت عيني انا. كلام معاها بره الشغل ممنوع.

صقر(بغضب): و محدش تاني يعرف اننا متجوزين. و يا ويلك يا زين لو فضلت تفكر فيها تاني او تيجي في مخيلاتك...
صقر(بغضب): اطلع بره علشان متغباش عليك اكتر...
زين بص ل صقر و طيف طلع بره المكتب و الشركة كلها.
صقر لف ل طيف اللي كانت بتحاول تمنع ضحكتها,صقر قرب من طيف و وقف قدامها مسك دقنها و رفع وشها ليه.
صقر(برفعة حاجب): بتضحكي؟!
طيف(بابتسامة): كان شكلك مضحك الله.
صقر(برفعة حاجب): و الله؟!

طيف هزت رأسها كتير بمعني أه و بصت ل صقر...
صقر غمض عينه و قرب من طيف و (لخيالكوا).
صقر(بهدوء): من هنا و رايح متتكلميش معاه. فاهمة؟!
طيف هزت رأسها بخجل كتير بمعني أه.
صقر(بهدوء): عايز اسمعها منك، فاهمة؟!
طيف(بخفوت): فاهمة...
صقر حضن طيف و ابتسم علي تصرفاتها.
تليفون صقر رن...
صقر: مش وقته ده.
طيف: انا ورايا شغل باي.
طيف جريت علي مكتبها و صقر راح ناحية التليفون.
الخط اتفتح.
صقر: الو...

: اخوك عندنا تحب تأخده جثه و لا تيجي و تجيب 5 مليار دولار معاك.

الفصل التالي
جميع الفصول
روايات الكاتب
روايات مشابهة