رواية أسيرة لحصون قلبه للكاتبة سلسبيل كوبك الفصل الخامس عشر
رفيف كانت ماشية و فجأة جت عربية بسرعة كبيرة ملحقتش تفرمل خبطتها.
رفيف وقعت في الارض مغمي عليها و بتنزل دم...
الناس كلها اتلمت حوالين رفيف...
بنت: هكلم الاسعاف.
راجل: مش حرام عليكوا بنات الناس.
شاب: انا اسف جدا حقيقي معرفتش افرمل في اللحظة المناسبة. ممكن انقلها بعربيتي؟!
راجل: يلا و علشان نعمل محضر.
شالوا رفيف و ركبوها عربية الشاب اللي خبطها و ركب معاها راجلين و راحوا لاقرب مستشفي.
جابوا نقالة و نقلوها لاوضة الطوارئ.
الدكتور: في حد هنا من قرايبها؟!
شاب: لا. بس ممكن نوصل لحد من اهلها عن طريق موبايلها.
الدكتور: طيب يا ريت. و عايزين دم.
الدكتور: روحي شوفي في التلاجة في وحدات دم.
ممرضة: حاضر يا دكتور.
الشاب مسك تليفون رفيف و بدأ يفتحه و جاب اخر رقم اتصلت بيه.
الخط اتفتح.
شاب: السلام عليكم.
رامي(باستغراب): و عليكم السلام. مين معاياا؟! مش ده رقم رفيف؟!
شاب: ايوه بس صاحبة التليفون ده عملت حادثة و هي في مستشفي().
رامي اتصدم و قام خد الجاكت بتاعه و جري بره القسم ركب عربيته و ساق بسرعة لغاية ما وصل للمستشفي.
رامي: لو سمحت في بنت لسة جاية هنا في حادثة؟!
موظفة: ايوه يا فندم. في اوضة الطوارئ...
رامي جري علي اوضة الطوارئ و اول ما دخل لقي الدكاترة بتودي القلب صدمات كهربائية، رامي كان هيقع من الصدمة بس الشاب اللي خبط رفيف سنده.
شاب(بحزن): حضرتك تبقي جوزها؟!
رامي هز برأسه بمعني اه لا إرادياً، الشاب قعده علي الكرسي.
رامي(بحزن): حصلها ايه؟! و لا هي فيها ايه؟!
رامي(بحزن و دموع): طمني ارجوك.
شاب: ان شاء الله هتقوم بالسلامة.
الدكتور: جهزوا اوضة الاشعة بسرعة.
ممرضة: جاهزة يا دكتور اتفضل.
دخلوا رفيف اوضة الاشعة و بدأوا يعملوا اشاعات علي المخ و خرجوها.
الدكتور بدأ يتعامل مع الوضع.
رامي: ها يا دكتور؟!
الدكتور: ان شاء الله ميحصلش اللي في بالي.
رامي: اللي هو؟!
الدكتور: اتخبطت خبطة قوية علي رأسها و ممكن تفقد الذاكرة و ممكن كمان تُصاب بالعمي.
رامي: بس ممكن لا.
الدكتور: ايوه.
رامي: ان شاء الله هتبقي بخير.
الدكتور: يا رب. ادعيلها.
الدكتور: هي هتفوق كمان 24 ساعة.
رامي: تمام يا دكتور شكرا، معلش تعبناك.
الدكتور: ده واجبي.
رامي راح وقف قدام اوضة رفيف و قعد يبص عليها.
تليفون رفيف رن، الخط اتفتح.
فهد: رافاريفو.
رامي: حد يقول لحد يا رافاريفو؟!
فهد: ايتا انتي من امتي و صوتك تخن كدة. اتحولتي لراجل و انا معرفش.
رامي(بضحكة بسيطة): لا انا رامي يا فهد.
فهد: اه قول كدة بقي.
رامي: عامل إيه يا بطل؟!
فهد: الحمدلله. بس هي فين رفيف!؟
رامي: رفيف تعبانة شوية و نايمة و اول ما تصحي هخليها تكلمك و هاجي اخدك لعندها ايه رأيك؟!
فهد: طب هي كويسة اهم حاجة؟!
رامي: اه يا حبيبي.
فهد: طب طب.
رامي: متزعلش يا فهد انا جمبها اهو و اول لما هي تفوق هأخدك ليها. و متخافش رفيف كويسة.
فهد: هعتمد عليك...
رامي: اعتمد.
فهد: طيب باي خلي بالك منها...
رامي: تمام.
فهد: باي.
رامي: باي خلي بالك من نفسك انت كمان و متعيطيش و متزعلش فاهم...
فهد: حاضر.
رامي: شاطر.
رامي قفل مع فهد و فهد علي الكرسي اللي قدام اوضة رفيف.
-في مكان تاني...
في ال?يلا.
طيف وصلت للبيت لقت قدامها آسر كان خارج.
آسر: طيف.
طيف(بضيق): نعم.
آسر قعد يقرب من طيف و هي ترجع لورا لغاية ما لزقت علي الحيطة.
طيف(بتوتر): انت عايز ايه؟! و الله لو عملت ليا حاجة لاقول ل صقر.
آسر(بسخرية): ما انا هكون عملت اللي انا عايزه قبل ما تقولي ل صقر.
طيف(بتوتر): انت عايز ايه ابعد عني؟!
طيف: هصرخ.
طيف(بصوت عالي): ا.
آسر حط ايده علي بوقها و قرب منها بوشه.
آسر(بهمس): اسمعي الكلمتين دول و ركزي فيهم.
آسر(بهمس): انا لسة مشلتكيش من دماغي يعني في النهاية هتبقي بتاعتي.
آسر: فهمتيني؟!
طيف و آسر فضلوا يبصوا ل بعض بالنظرات بس و طيف كانت بتتنفس بصعوبة. آسر شال ايده من علي بوقها و حط ايده علي خدها و قرب منها.
طيف ضربته في صدره و زقته بعيد عنها...
طيف(بحدة): عيل قليل الادب و سافل.
طيف جريت علي فوق لقت رزق بيخرج من اوضة.
رزق: طيف...
رزق جري حضن طيف و طيق وطت حضنته.
رزق: صقر عامل ايه؟!
طيف: زي القرد.
رزق: يعني هو كويس؟!
طيف: اه يا حبيبي فطرت؟!
رزق: لا الست اللي تحت دي قالت مخرجش من اوضتي.
طيف: طب تعالي يا حبيبي.
طيف مسكت ايد رزق و نزلت ل تحت قعدت علي السفرة.
طيف: طنط انتصار.
انتصار: اسمي انتصار او دادة.
طيف: طب ممكن اكل ليا انا و رزق.
انتصار: و مين رزق ده كمان؟!
طيف: لما يجي صقر يبقي يقول لحضرتك.
انتصار: طيب...
انتصار بدأت تحط الاكل علي السفرة ل طيف هي و رزق و بدأوا الاتنين يأكلوا و يتكلموا.
طيف(بابتسامة بسيطة): ان شاء الله يا حبيبي صقر هيتصرف و عائلتك و كل اللي هناك هيخرجوا من المكان اللي هناك ده.
رزق: انا واثق فيكي انتي و هو. انتوا حلوين اوي مع بعض.
طيف(بصوت واطي): و الله يا ابني كان نفسي اصدقك مش عارفة.
طيف: طيب روح العب اعمل اي حاجة و انا هطلع انام لاني تعبانة شوية.
رزق: الف سلامة عليكي. باي.
طيف: باي يا حبيبي.
طيف طلعت لاوضتها هي و صقر و دخلت الحمام خدت دوش و خرج حطت لازق طبي علي الجرح اللي في رأسها و بدأت تغير هدومها.
طيف لبست بنطلون اسود و تي شيرت صوف بكم قصير لغاية الخصر باللون البنفسجي و سيبت شعرها علي ضهرها و كتفها.
طيف: آه يا جسمي آه، و ربي لما كنت بشتغل مكنتش بحس بآلم خالص.
طيف نامت علي السرير و بدأت تغمض عينيها و دخلت في ثبات عميق.
-في مكان تاني...
في الشركة. عند صقر.
زين: نانسي.
نانسي: نعم يا مستر زين!؟
زين: انتي قولتي مين جوا؟!
نانسي: صافي من فريق التخطيط و التطوير...
زين: اه صافي قولتيلي لا انا كدة هبدأ اقلق علي صقر.
نانسي: في حاجة يا فندم؟!
زين: صافي دي مش ساهلة و صقر مش بيحب السكة دي...
نانسي: بس مش هتعمل حاجة في المكتب يعني يا فندم.
زين: يا بنتي انا مجرب و عارف حركات صافي.
نانسي شهقت بسبب كلام زين و زين اتحرج.
زين(باحراج): احم مش اللي جه في بالك اقصد هو يعني ان.
نانسي سابت زين و مشيت بسرعة.
زين: يادي المصيبة اهو بقي شكلي زبالة اهو. ربنا يأخدك يا صافي ده انتي خراب.
زين: يا نانسي استني يا بت.
عند صقر.
صقر(بضيق): خلاص يا صافي. كدة انتي هتبقي المدير التنفيذي.
صقر: و اي غلطة هتحصل انتي هتتحملي العواقب.
صافي: انا ممكن اتحمل اي حاجة علشان خاطرك و علشان خاطر شركتك يا صقر.
صافي(بدلع): بيه.
صقر(بهدوء): مدام صافي.
صقر(بهدوء): انا و انتي فاهمين اللي فيها و انا مش بمشي في السكة الشمال اللي زيك. و السبب اللي مخليني مشغلك عندي هو انك متقنة في عملك. صدقيني لو خسرتي الاتقان في عملك ده ساعتها هتلاقي نفسك بره الشركة مش داخلاها تاني.
صقر(بهدوء): و يا ريت تيجي عندي و تقفي لاني خط احمر و اللي يفكر يعدي الخط الاحمر يستحمل العواقب.
صافي(باحراج): حضرتك اكيد فهمتني غلط يا بيه.
صقر(بهدوء): لا فهمتك كويس و كويس اوي كمان.
صقر(بهدوء): اتفضلي علي مكتبك لو مفيش حاجة تانية في الشغل...
صافي: عندي تعليق في الشغل يا فندم.
صقر: قولي.
صافي: البنت الجديدة دي مش عارفة اسمها.
صقر(بهدوء): طيف و حاولي تحفظيه علشان مترجعيش تعيطي بعدين.
صافي(بتوتر): اه طيف دي. احم.
صافي: مش عاجبني شغلها دي مكملتش يومين و خدت اجازة. و كمان انا لغاية دلوقتي مشوفتش شغل ليها و مبتعملش اي حاجة في الشركة يا فندم دي لو هتعمل حاجة للشركة هتقل من الشركة مش هتزيد.
صقر: طيف تعبانة و خدت اجازة و التعب مش بيجي بانذار، متنسيش ان وظيفتها الاساسية السكرتيرة بتاعتي.
صافي: طب ما نانسي موجودة.
صقر: مكملتش كلامي.
صقر: طيف سكرتيرتي. اما انا وديتها فريق التخطيط و التطوير علشان تأخد خبرة. و كمان تقدري تختبريها في اي وقت و انا واثق انها هتكتسح المجال و بجدارة.
صقر: لو معندكيش حاجة تانية تقدري تخرجي بره.
صافي سابت صقر و خرجت بره اوضة مكتب صقر.
صافي(بغضب): و ربي ما هعديها.
صافي(بغضب): و لما نشوف ست طيف دي و ربي لاندمها في اليوم اللي قررت تشتغل فيه هنا.
مازن: مالك يا بطة؟!
صافي(بغضب): مازن ابعد عن وشي فاهم.
مازن: براحتك.
صافي(بغضب): و كل اللي موجود هنا يسمعني الشغل اللي جاي هيبقي صعب لاني بقيت المدير التنفيذي هنا اي غلطة هتتحاسبوا عليها فاهمين.
صافي: يلا انصرفوا لشغلكم عايزة اشوف تصاميم جديدة و افكار جديدة. وروني مهاراتكم.
-في مكان تاني...
في شركة محمد و آسر.
ماهر: يا آسر بيه الشراكة دي مضمونة.
ماهر: صدقني.
آسر: مش مرتاح ليها يا ماهر.
ماهر: ليه بس يا فندم. ده استيراد و تصدير.
ماهر: و كمان لو حضرتك عايز ضمان هما مش معترضين ابدا.
ماهر: صدقني دي فرصة العمر.
آسر: هفكر يا ماهر هفكر.
الباب خبط.
آسر: ادخل.
نيران: احم احم.
آسر: خير؟!
نيران: في ايه يا عم حد يقابل اخته كدة؟!
آسر: اخلصي يا نيران مش فاضيلك و كمان من امتي و احنا بنتكلم اصلا.
نيران: تصدق انك رخم و كمان انا جاية هنا شغل.
آسر: و المفروض اني اصدق.
نيران: تعالي يا ليلي.
آسر: و مين ست ليلي دي كمان؟!
ليلي(باحراج): انا يا فندم.
آسر: ايوه مين الهانم يعني؟!
نيران: ما تصبر علي رزقك.
آسر: خير؟!
نيران: للاسف هنتدرب في الشركة دي انا و صاحبتي ليلي.
آسر: جتك القرف في شكلك ايوه عايزة ايه بقي روحي العبي بعيد.
نيران: علفكرة بقي بابا هو اللي قال.
آسر: قال ايه الباشا؟!
نيران: قالنا نيجي نتدرب هنا لاننا كدة كدة بعد الكلية هنيجي نشتغل هنا.
آسر: اوف هو انا طايق اشوف وشك في البيت لما هشوفك هنا...
آسر: ماهر اتعامل مع دول.
ماهر: أمرك يا آسر بيه. هروح استفسر من محمد بيه. عن اذنك.
آسر: طيب. و انتوا اترزعوا هنا.
ليلي(بهمس سمعه آسر): ده رخم اوي.
آسر(بعصبية): ما تحترمي نفسك.
نيران: آسر.
آسر: اخرسي انتي كمان ده انتوا ايه ده.
آسر قام خد الجاكت بتاعه و خرج بره المكتب.
عند محمد.
ماهر: تمام يا فندم.
محمد: و بقولك خلي ليلي تحت اشراف آسر لاني عارف نيران لو اشتغلت مع آسر هتلعب.
محمد: و خلي نيران تحت اشرافك.
ماهر: حاضر يا فندم.
محمد: اخبار الشغل ايه؟!
ماهر: تمام يا فندم.
محمد: كويس. اسمعني يا ماهر.
ماهر: نعم يا فندم.
محمد: انت مع آسر من مدة طويلة و بتقعد معاه اكتر من صقر ذات نفسه اللي عايش معاه في البيت.
محمد: هو موديك ثقة يا ماهر متكسرهاش.
ماهر: اكيد يا فندم عن اذنك.
ماهر: -شخص يبان انه طيب و هادئ لكن منعرفش ايه اللي بيدور في عقله. مع آسر من ايام الكلية و اقرب ليه من صقر. عنده 25 سنة طوله متوسط بس بيهتم بجسمه شوية. بشرته بيضاء و عيونه باللون الازرق و شعره اسود عنده دقن بسيطة.
ماهر دخل ل مكتب آسر من غير ما يخبط.
نيران(بصريخ): الحقوني.
نيران قبل ما تقعد من علي الكرسي ماهر لحقها و هي مسكت في قميصه جامد.
ليلي(بخوف): انتي كويسة يا نيران؟!
ماهر سند نيران و وقفها و ليلي خدتها في حضنها.
ماهر: ممكن افهم حضرتك كنتي بتعملي ايه؟!
نيران(باحراج): ها؟!
ليلي(باحراج): كانت واقفة علي الكرسي بتشوف حاجة الله فيها ايه.
ماهر: عموما مش مهم. حضرتك هنا مش بنت محمد بيه الجارحي و لا اخت آسر بيه الجارحي لا حضرتك هنا موظفة زيك زي غيرك. و حضرتك يا آنسة ليلي مش بنت فؤاد بيه و لا اخت قاسم مدير شركة الهندسة المعماري. اتمني كل واحدة هنا تتعامل كأنها موظفة و جاية تتشغل في شركة.
ماهر: و انتي يا آنسة ليلي هتكوني مع آسر بيه. و انتي يا آنسة نيران هتكوني معايا.
ماهر: و في بنت هتساعدكوا و هتفهمكوا طبيعة الشغل.
ماهر طلع تليفونه و اتصل ب حد.
الخط اتفتح.
ماهر: ابعتلي شيري.
ماهر: شيري دي تعتبر عارفة كل حاجة في الشغل هنا. و متنسوش ان اي غلطة ليها عواقب و اتمني تكونوا كبار و تفهموا الكلام ده.
شيري: طلبتني يا ماهر؟!
ماهر: شيري استقبلي دول. و هعتمد عليكي.
ماهر: بكرة الصبح تكونوا جاهزين في مكاتبكم.
ماهر دخل مكتبه و خد حاجته و مشي هو كمان.
نيران: ايه الكلام الغريب اللي هو بيقوله ده...
ليلي: يا مامي انا خوفت.
شيري: يلا منك ليها قدامي.
نيران: ايه الاسلوب ده؟!
شيري: بتقولي ايه؟!
نيران: ها لا.
شيري: قدامي.
ليلي: حاضر بس متبصيش كدة ده ايه ده.
نيران: يلا يا بنتي لتأكلنا.
ليلي: يلا.
-في مكان تاني...
في القصر...
مهرة: بقولك يا نجلاء.
نجلاء: خير يا مهرة!؟
مهرة: تفتكري محمد بيحب مين اكتر؟!
نجلاء: مبقتش اهتم.
مهرة: بس بقول انه بيحبني اكتر. ما تطلعي من حياتنا انتي و ابنك من سُكات كدة.
نجلاء: اهدي يا مهرة و قولي انا هديت.
مهرة: بتحبيه؟!
نجلاء: عايزة توصلي لايه يا مهرة انا مش فايقة.
مهرة: تفتكري ممكن يرجعلك؟!
نجلاء: اللهم طولك يا روح.
مهرة: طب.
نجلاء: بقولك ايه يا مهرة لو انتي عايزة تحرقي دمي فانا مش ناقصة و لو انتي عندك فراغ فانا دماغي مشغولة و مش فاضية لتفاهتك.
نجلاء: ده انتي ايه ده؟! مش كفاية اني مستحملاكي.
نجلاء سابت مهرة و طلعت لاوضتها.
مهرة: لما نشوف مين اللي هيفضل يا نجلاء انا و لا انتي؟!
مهرة: مصيرك تخرجي بره حياتنا انتي و ابنك. زي ما خرجتوا من قلبه.
مهرة: مصير العز ده يبقي بتاع ولادي و انا و بس.
مهرة: الايام جاية كتير.
عزة(كبيرة الخدم): مهرة هانم تحبي تأكلي حاجة معينة علي الغداء؟!
مهرة: اه عايزة حمام.
عزة: حاضر يا هانم، حاجة تاني؟!
مهرة: لا. انا هطلع الجاكوزي.
مهرة: لما يجي محمد بيه ناديني.
عزة: حاضر يا هانم.
-في مكان تاني...
في ال?يلا.
صقر رجع بعد شغل كتير و كان حاسس بتعب شوية.
رزق: صقر.
صقر: ازيك يا بطل؟!
رزق: الحمدلله و انت؟!
صقر: الحمدلله.
صقر: منمتش ليه؟!
رزق: مستنيك.
صقر: عايز تقول حاجة؟!
رزق: هو انا هفضل هنا طب و عائلتي و الناس اللي هناك.
صقر: بص يا حبيبي في اقرب وقت هتجتمع بعائلتك و هتعيشوا حياتكوا و تكملوا.
صقر: بس للاسف مش هتقدر تعيش هنا لفترة طويلة. لان هنا خطر عليك.
رزق: من مين؟!
صقر: من ناس كتير. فلازم تتنقل من هنا بس متخافش هتروح حتة احلي من هنا بكتير.
صقر: اشطا.
رزق: اشطا.
صقر: طب يلا. اتعشيت؟!
رزق: اه الحمدلله.
صقر: طيب اطلع نام بقي علشان تعرف تصحي الصبح.
رزق: حاضر. باي.
رزق حضن صقر و باس خده و طلع جري علي اوضته بدأ ينام.
صقر قام وقف و فتح اول زرارين من قميصه و طلع علي اوضته.
صقر دخل وقف مصدوم من طيف.
صقر لقي طيف قاعدة في البار الصغير بتاعه بيبقي عبارة عن مكان صغير كدة و بيبقي فيه جميع انواع الكحول.
صقر(بغضب): انتي بتعملي ايه؟!
صقر راح علي طيف شد منها الكأس و حطه علي الترابيزة بغضب.
صقر(بغضب): انتي ازاي تعملي كدة؟! بتشربي خمرة.
طيف كانت في عالم تاني بين الوعي و اللاوعي.
صقر مسك طيف من دراعها و قومها تقف قصاده.
صقر(بغضب): ما تردي خرستي.
صقر مسك طيف من شعرها و شدها ناحية الحمام و زقها ناحية البانيو و فتح الدوش.
طيف(بصريخ): عااااااااا. ابعد عني.
صقر(بغضب): فوقي انتي مش مدركة اللي انتي عملتيه.
طيف بدأت تعيط و الماية نازلة عليها هي و صقر.
طيف(بصوت عالي): وسع ابعد عني.
طيف قعدت تضرب صقر في صدره و صقر واقف قدامها بيبصلها لغاية ما قفل الدوش.
طيف(بغضب): انت مجنون ايه اللي عملته ده؟!
صقر(بغضب): مش مدركة انتي كنتي بتشربي ايه؟!
طيف: قولت اجرب و كمان ده مش يوديك الحق انك تعمل كدة، انت اتجننت.
طيف(بعصبية): انت عايز تموتني.
صقر: انتي لية غبية؟!
طيف(بعصبية): لانك دايما شايفني غبية.
صقر وطي ناحية طيف و قرب منها و (لخيالكوا).
صقر: لا لانك دايما بتثبتيلي انك غبية.
صقر شغل الدوش و بدأ يقلع هدومه.
طيف(بغضب): عيل سافل.
طيف خرجت بره الحمام و دخلت اوضة الملابس غيرت هدومها.
طيف لبست بنطلون ابيض و فوقه تي شيرت بكم باللون البيبي بلو طويل لغاية بعد الركبة بس مفتوح من الجمبين لغاية الخصر. رفعت شعرها علي شكل كحكة.
طيف كانت خارجة من اوضة الملابس لقت صقر داخل.
صقر بعد عن طيف و دخل اوضة الملابس بدأ يغير هدومه.
صقر لبس بنطلون اسود و فوقه تي شيرت باللون الاسود بكم و سرح شعره و حط البرفيوم بتاعه.
صقر خرج من اوضة الملابس لقي طيف نايمة علي السرير,صقر راح قعد علي السرير و طفي النور و شغل ضوء بسيط.
صقر فتح اللاب توب بتاعه و طلع سيجارة بدأ يشربها,صقر كان بيشتغل علي اللاب بتاعه.
طيف حاولت تستحمل الريحة بس مقدرتش قعدت تكح كتير حاولت تهدئ بس معرفتش...
صقر خد اللاب توب بتاعه و خرج للبلكونة...
طيف انكمشت علي نفسها و كانت سقعانة اوي طيف قامت و دخلت البلكونة.
طيف: لو سمحت ممكن تدخل و تقفل البلكونة لان الجو سقعة.
صقر قعد يدخن من السجارة بتاعته و كان شارد,طيف قربت منه و حطت ايديها علي كتفه.
صقر: ها؟! ايه؟!
طيف: ممكن تدخل و تقفل البلكونة لان الجو سقعة اوي.
صقر: ربع ساعة و هدخل.
طيف: طيب بس متتأخرش لان الجو سقعة اوي.
طيف دخلت الاوضة و نامت علي السرير و لفت نفسها بالبطانية و حست ب صقر و هو بيخرج من البلكونة و بيقفلها و حط اللاب توب بتاعه و قعد علي السرير و بدأ ينام.
صقر تلقائيا حط ايده علي خصر طيف و قرب منها,طيف كانت سقعانة و لقت جسم صقر دافئ.
طيف(بصدمة): انت ازاي جسمك دافئ؟! انا سقعانة اوي.
صقر(بغمزة): ايوه يعني عايزاني احضنك و لا ايه؟!
طيف(بخجل): لا مش قصدي كنت اقصد انه.
صقر قرب من طيف و خدها في حضنه و حط رأسه علي رأسها.
صقر: نامي بكرة يوم طويل في الشغل علي الكل.
صقر غمض عينيه و بدأ ينام,طيف بدأت تحس بدفء فنامت...
-في الصباح الباكر...
عند رفيف.
رفيف بدأت تفتح عينيها ببطء و لقت نفسها انها في مستشفي و ملقتش حد جمبها.
ممرضة: حاضر هطمن عليها حضرتك و اقولك.
رامي: متشكر.
ممرضة: حضرتك فوقتي؟! حمدلله بالسلامة.
ممرضة: هنادي زوج حضرتك.
رفيف(باستغراب): جوزي!
ممرضة: ايوه كان قلقان عليكي اوي.
ممرضة خرجت و نادت رامي و راحت تبلغ الدكتور.
رامي: حمدلله بالسلامة يا رفيف.
رفيف: هي الممرضة دي ازاي بتقول انك جوزي؟!
رامي: احم حصلت لغبطة معلش فكك.
رامي: اهم حاجة انتي كويسة!
رفيف: ايوه بس حاسة بجسمي كله واجعني، نفسي اشوف اللي خبطني ده علشان اقتله.
رامي: معلش بس ده شاب بسيط غصب عنه.
رفيف: دلوقتي اشتغل بقي ازاي؟!
رامي: مش مهم المهم صحتك يا رفيف.
رفيف: ما خلاص مبقاش ليها لازمة.
رامي: ليه بس؟! لا متخافيش هتقومي بالسلامة و هتكملي شغل متقلقيش.
رفيف: ان شاء الله.
رامي: حمدلله بالسلامة.
الباب خبط.
الدكتور: حمدلله بالسلامة يا مدام رفيف.
رفيف: الله يسلمك يا دكتور.
رفيف بصت ل رامي باستغراب و بصت للدكتور.
دكتور: محتاجة رعاية و متتحركيش كتير. الف سلامة.
رفيف: الله يسلمك.
دكتور: استاذ رامي الادوية هكتبها لحضرتك و لازم رعاية ليها.
رامي: تمام يا دكتور.
الدكتور و الممرضة خرجوا. الباب خبط.
رامي: ادخل.
عبير: رفيف.
رفيف: اهلا و سهلا يا طنط.
عبير: ازيك يا حبيبتي انتي عاملة ايه دلوقتي؟!
رفيف: الحمدلله يا طنط. مكنش ليه لزوم.
صابر: ازاي بس يا حبيبتي، الف سلامة عليكي.
رفيف: شكرا يا عمو. معلش تعبتكوا.
عبير: لا و لا يهمك. اول ما رامي كلمني قولت من الصبح هجيلك انتي مهما كنتي زي بنتي.
رفيف: شكرا يا طنط، اسفة تعبتكوا معايا.
صابر: تعبك راحة يا سنيوريتا.
رفيف: ربنا يخليكوا ليا.
عبير: و يخليكي يا حبيبتي.
تليفون رامي رن...
رامي: عن اذنكم لحظة.
رامي خرج بره اوضة رفيف و فتح الخط...
رامي: الو.
شخص: ايه يا رامي انت فين؟!
رامي: في ايه؟!
شخص: القسم مقلوب يا ابني في مصيبة.
رامي: طيب طيب جاي يا حسين.
حسين: متتاخرش.
رامي: ماشي متقلقش.
رامي دخل اوضة رفيف.
رامي: احم الف سلامة يا رفيف و حمدلله بالسلامة.
رامي: عندي مشكلة بسيطة في الشغل هروح و اجي.
عبير: ربنا معاك يا حبيبي.
صابر: عايز مساعدة؟!
رامي: لا يا بابا ربنا يخليك.
رفيف: خلي بالك علي نفسك.
رامي: تمام، عن اذنكوا هرجع تاني.
عبير: و احنا هنفضل معاها.
رامي: طيب باي.
رامي. خرج من المستشفي ركب عربيته و راح للقسم.
-في مكان تاني...
في شركة صقر.
نانسي: الف سلامة عليكي يا طيف.
طيف: الله يسلمك.
مازن: انتي طيف؟!
طيف: ايوه.
مازن: صافي عايزاكي.
طيف: مين صافي؟!
مازن: المدير التنفيذي.
طيف قامت و راحت مع مازن لمكتب التخطيط و التطوير.
طيف: مين هنا عايزني؟!
صافي(ببرود): انا.
طيف: افندم؟!
صافي: اقعدي.
طيف قعدت قدام صافي و بصت ليها.
صافي: انا شايفة انك ملكيش لازمة في الشركة هنا. بس في اللي اتحداني و قال انك ليكي منفعة فانا لازم اشوف فعلا كلام مين صح...
طيف(بهدوء): و انتي عايزة ايه؟!
صافي: طبعا انتي استلمتي اللاب توب بتاعك.
طيف: ايوه.
صافي: دي فلاشة عليها مشروع مهم جدا بالنسبة للشركة محتاج لتخطيط و رسم و فِكر.
صافي: ورينا شطارتك.
طيف: بس انا لسة تحت التدريب.
صافي: ميهمنيش يا اسمك ايه...
طيف(بحدة): مبدأيا اسمي طيف. ثانيا بقي انتي شايفة نفسك علي ايه يا خلة السنان انتي.
صافي قامت وقفت و مسكت قميص طيف اللي كانت لابساه قطعته نصين.
صافي(ببرود): كان مضايقني و بعد كدة ابقي نظمي هدومك انتي هنا في شركة صقر الجارحي و كلنا وجهة الشركة و ميشرفناش واحدة زيك تبقي بالمنظر ده معانا.
طيف كانت واقفة مصدومة من اللي حصل و بتبص لقميصها اللي اتقطع و بصت ل صافي و لكل اللي موجود و هي مدمعة.
طيف خرجت بسرعة من المكتب و جريت علي اوضة مكتبها.
زين: طيف يا طيف.
زين: هي مالها؟!
نانسي(بجمود): معرفش هدخل اشوفها.
زين: اوف بقي.
نانسي دخلت ل طيف اللي لقتها منهارة في العياط.
نانسي(بقلق): في ايه؟! و مين اللي عملك كدة في قميصك.
طيف لا رد، قعدت بس تعيط و وشها احمر...
عند صقر.
صقر: زين ناديلي طيف و جيبلي ملف م.
زين: احم هو ممكن تستني شوية!
صقر: اشمعنا؟!
زين: هو اصل.
صقر: ما تنطق.
زين: ما انا مش عارف.
صقر: قصدك ايه؟!
زين: طب شوف انت عايز ايه من طيف و انا هعمله مكانها.
صقر: هي فين طيف؟!
زين: في مكتبها.
صقر قام و دخل لمكتب طيف من غير ما يخبط.
صقر: اخرجي يا نانسي.
نانسي(بخوف): ها؟! هي هي يا مستر صقر بس تعبانة شوية.
صقر: قولت اخرجي.
نانسي بعدت عن طيف و قامت خرجت هي و زين بره المكتب...
صقر قرب من طيف و قعد قدامها شال ايديها من علي جسمها و هي موطية رأسها و بتعيط.
صقر: اهدي يا طيف. في ايه؟!
طيف(بعياط): قطعتلي هدومي قدام كل اللي موجود، و كل الشباب فضلوا يبصوا عليا و و.
طيف اول ما افتكرت اللي حصل تاني قعدت تعيط,صقر خدها في حضنه و هي قعدت تعيط و هي ماسكة فيه.
صقر: طيب يا طيف ممكن تهدي علشان افهم اكتر...
طيف حكت اللي حصل بالظبط و هي بتعيط و صقر باصص ليها و للقميص بتاعها.
- طيف كانت لابسة تحت القميص تي شيرت ابيض قصير مبين بطنها بحمالة رفيعة علي الكتف.
صقر: طب اهدي خلاص اهدي.
صقر قلع الجاكت بتاعه و لبسه ل طيف اللي مبطلتش عياط و حطت ايديها علي وشها.
صقر: طيف اهدي انا اهو موجود. بطلي عياط.
طيف(بعياط): كان منظري وحش و الشباب بتبص عليا و هي اهانتني قدام كل اللي موجود...
صقر مسك ايد طيف و وقفها قدامها و مسح ليها دموعها بعنف.
صقر(بحدة): مش اي حد يعملك اي حاجة تعيطي خلي عندك ثبات شوية.
صقر مسك ايد طيف و شدها معاه لغاية ما وصل لمكتب التخطيط و التطوير.
صقر(بهدوء): صافي.
صافي لفت ل صقر بابتسامة بس لما شافت طيف جمب صقر خافت شوية...
صافي: نعم.
صقر(بهدوء): ممكن افهم حصل ايه من شوية؟!
صافي: محصلش حاجة.
صقر: يسرا.
يسرا(بفزع): نعم يا صقر بيه؟!
صقر: حصل ايه بين طيف و صافي؟!
يسرا: محصلش حاجة يا بيه. دي هتلاقيها جت ترمي بلائها علي صافي.
طيف كانت بتعيط في صمت,صقر بيبص لكل اللي موجود بهدوء تام.
صقر: تمام و انا مصدقكوا. علي مكتبك يا آنسة طيف و اللي حصل لو اتكرر صدقيني هتزعلي مني.
صافي: و يا ريت تشتغلي الشغل اللي قولتلك عليه.
صقر: شغل ايه؟!
صافي: علشان اعرف هي قد مسئولية تشتغل معايا في الفريق و لا لا.
صقر: ابعتيه ل نانسي.
طيف بصت ل صقر بصدمة و سابتهم و جريت علي بره الشركة.
صقر مشي بهدوء لغاية ما خرج من المكتب و بعدها جري ورا طيف.
طيف(بصريخ): الحقوني.
السؤال: يا تري هيحصل ايه؟! خمنوا????.
اتمني يبقي في تفاعل??.