رواية أسيرة لحصون قلبه للكاتبة سلسبيل كوبك الفصل الثاني والثلاثون
محمد و نجلاء كانوا بيتمشوا و فجأة سمعوا صوت ضرب نار...
نجلاء(بخضة): محمد!
محمد خد نجلاء في حضنه و خباها بعيد عن ضرب النار,الحراس حاوطوهم و بدأوا يضربوا هما كمان نار...
نجلاء(بخوف): ايه ده؟!
محمد: اهدي متخافيش.
نجلاء: بس.
محمد: عزت أمن المكان.
عزت(كبير الحرس): حاضر.
محمد و نجلاء دخلوا القصر تحت حماية عزت.
مهرة(بقلق): في ايه يا محمد؟!
محمد: منعرفش لسة.
عزت: متقلقش يا بيه كله تحت السيطرة.
محمد: عايز اللي عمل كدة يا عزت...
عزت: تمام يا بيه.
مهرة: حسام هيفضل ملازمنا كدة طول حياتنا. و عامل رعب لينا.
محمد: متخافيش انا واثق ان الموضوع ده هيتحل في اقرب وقت...
مهرة: بجد يا محمد؟!
محمد: ايوه متقلقيش.
مهرة حضنت محمد جامد و محمد باس رأسها و بص ل نجلاء اللي طلعت علي اوضتها...
محمد: اطلعي علي اوضتك يا مهرة...
مهرة: تمام.
محمد طلع لاوضة نجلاء و دخلها علطول من غير ما يخبط...
نجلاء: عايز حاجة؟!
محمد: هنام في مانع؟!
نجلاء(برفعة حاجب): من امتي؟!
محمد: مزاجي كدة...
نجلاء: طيب.
نجلاء دخلت الحمام غسلت وشها و غيرت هدومها.
نجلاء لبست عباية بيتي ل بعد الركبة ب ¾ كم باللون الكحلي و سيبت شعرها علي ضهرها,لبست شراب باللون الابيض.
نجلاء خرجت من الحمام لقت محمد نايم علي السرير,نجلاء خدت مخدة و راحت ناحية الكنبة.
محمد(برفعة حاجب): انتي راحة فين؟!
نجلاء: راحة انام علي الكنبة.
محمد(برفعة حاجب): و السرير ده ايه؟!
نجلاء: مش بمزاجك يا محمد لولا اني باقية علي العِشرة كنت اتطلقت منك يا محمد.
نجلاء نامت علي الكنبة و بدأت تتغطي بالبطانية الخفيفة.
محمد بص ل نجلاء بعصبية و قام مسكها من دراعها وقفها قدامه.
محمد(بعصبية): من هنا و رايح طول ما انا هنا في اوضتك تنامي جمبي فاهمة.
نجلاء: و انت من امتي بتيجي اوضتي ما انت بقالك 23 سنة و انت كارهني بسبب حاجة مليش دخل فيها هما اللي لعبوا في دماغك.
نجلاء بصت ل محمد و قامت نامت علي سريرها و محمد طفي النور و نام جمبها كان بيفكر و بعدها قرب من نجلاء و حضنها من ضهرها...
-في مكان تاني...
عند الشباب...
معتصم: ايه اللي اخرك؟!
صقر: و انت مالك؟!
معتصم: احم ايه ده في ايه؟!
آسر: كان ميعادنا من الساعة 6 و انت جاي لينا الساعة 11: 30.
صقر: الله في ايه هو حد فيكوا هنا متجوز انا متجوز يبقي براحتي الله.
مهران: خلاص مش وقته المهم دلوقتي الزفت حسام.
معتصم: خلاص بقي نبدأ شغلنا.
صقر: تمام، دلوقتي حسام بيدور علي ايه ممكن يضعف كل شخص.
صقر: يعني مثلا انا طيف آسر و انا نيران، محمد بيه ماما و مدام مهرة.
صقر: هو بيدور علي اللي ممكن ينهي عائلة الجارحي.
مهران: هو ازاي خرج من المصحة؟!
صقر: خرجوه لان عقليته تسمح انه يتعامل مع البشر و انه عقل و خف يعني.
مهران: طب و المفروض نعمل ايه فيه؟!
صقر: لازم نحط خطة.
آسر: المفروض يحصل ايه برضو؟!
معتصم: عندك خطة و لا لسة هنفكر.
صقر: انا و آسر حوالينا ناس تبع حسام.
آسر: ممكن يبقي مين؟!
صقر: مش عارف. انا سارة دي تبع حسام.
صقر: لكن معرفش مين تاني.
صقر: و ممكن انت مش حواليك حد ممكن تبع محمد الجارحي.
صقر: المهم دلوقتي اننا لازم نبعد الستات نسبيا عن الخناق و اللي بيحصل ده.
آسر: قصدك ايه برضو؟!
صقر: محدش يعرف حسام ده بيفكر في ايه فاحنا لازم نتعامل مع حد في الشرطة.
آسر: الرائد يوسف.
صقر: اللي بيأخد رشوة. مش عايزين الموضوع يبقي كدة. لازم من ناحيتنا يبقي نضيف.
آسر: اومال مين؟!
صقر: هدور علي الشخص اللي هيعرف يساعدنا.
معتصم: طيب، هنعمل ايه برضو؟!
مهران: انت قاعد معانا ليه ما تغور بقي؟!
معتصم: ما تحترم نفسك.
آسر: ما تهدوا بقي.
صقر: جايب ولاد اختي معايا.
مهران: ما هو حمار مش بيفهم.
معتصم: تقدر تقولي انت فهمت ايه؟!
مهران: اااا.
معتصم: ايه يا اللي بتفهم ما تتكلم؟!
آسر: ده انتوا عيال...
مهران: اتكلم يا صقر.
صقر: لازم نراقب حسام متنسوش ان حسام بيفهم في البرمجة و الهكر فممكن يعمل اي حاجة تتخيلوها.
آسر: اعتقد اننا مراقبينه مش حراسنا وراه.
صقر: مش كفاية مش كفاية الحراس.
صقر: دلوقتي لازم يبقي كل واحد فينا معاه جهاز تتبع علشان لو حد اختفي نقدر نوصله بسهولة.
مهران: تمام.
تليفون آسر رن، الخط اتفتح...
آسر: الو.
مهرة: آسر انت فين محتاجاك يا آسر؟!
آسر(بقلق): في ايه حصل ايه؟!
مهرة: حصل ضرب نار من شوية، آسر تعالي يا آسر.
آسر: طب و باابا فين؟!
مهرة: الموضوع اتحل بس انا خايفة و مش مرتاحة...
آسر: طيب جاي يا امي، اقفلي.
معصتم: ايه؟!
آسر: حصل ضرب نار علي القصر.
صقر: اكيد مش من حسام.
آسر: و ايه اللي خلاك متأكد؟!
صقر: حسام مش بيلعب الا مع اللي بيخافوا الاول.
صقر: اما امك دي بتدلع.
مهران: صقر.
صقر: انا قايم.
صقر خد حاجته و مشي...
آسر(بغضب): شايف مين اللي بيغلط؟!
معتصم: خلاص اهدوا في ايه معلش...
آسر: انا همشي.
آسر خد حاجته و مشي هو كمان...
معتصم: لا مستحيل اطيق اني اقعد معاك لحظة واحدة...
مهران: و لا انا يععععععع.
مهران و معتصم كل واحد خد حاجته و مشيوا...
-في مكان تاني...
في مستشفي ما...
وعد(بزهق): با اخي ابعد عني بقي كل شوية ناططلي.
قاسم: ما هو انتي اللي ناطة كل شوية في تفكيري.
وعد(بزهق): متبقاش تفكر ابقي خد منوم.
قاسم: يا ستي حد طايل يلاقي حد يحبه؟!
وعد: يا ربي. قاسم اطلع من نافوخي انا و ربي ما فاضيالك.
قاسم: يا بنتي بس خطوبة علي الضيق كدة نفهم بعض.
وعد: انسي.
قاسم: يا ستي هو حد لاقي عريس...
قاسم: بتتبتري ليه بس؟!
وعد كانت بتمر علي الحالات و ماشية في ممر المستشفي و قاسم وراها...
وعد وقفت و ربعت ايديها و بصت ل قاسم...
وعد: قاسم من الاخر جواز مفيش جواز انا مش بتجوز و لو هتجوز هتجوز شخص علي مزاجي مش شخص زنان زيك كدة.
وعد: انت من ساعة ما خرجت مش وراك غيري، في ايه يا ابني؟!
وعد: بص انا مش هنفعك صدقني.
قاسم: يا ستي انتي مالك؟! انا عايزك انتي.
وعد(بصوت واطي): يا ربي علي الحمار اللي مش بيفهم، استغفر الله العظيم.
وعد: قاسم حبيبي بقولك.
قاسم: قولتي حبيبي ظهر الحق...
وعد(بصدمة): لا ده انت ايه في ايه يا ابني!
قاسم: ايه بقي؟!
قاسم: طب اديني فرصة...
وعد: يا ابني انت جيت لبيتي فوق المية مرة و ورايا علطول في المستشفي مفيش شغل.
قاسم: انتي كل شغلي يا روحي.
وعد: حبتني امتي يا مجنون انتي؟!
قاسم: كفاية عينيكي بس.
وعد: يا ربي يا ابني مش بتثبت بالكلام ده.
قاسم: اممم طب اعملك ايه.
قاسم: عندي فكرة حلوة.
وعد: قول.
قاسم: تقابليني مرة واحدة بس بعيدا عن البيت و بعيدا عن المستشفي.
قاسم: ايه رأيك؟!
وعد: طيب علشان اخلص من زنك...
قاسم: ايه رأيك في بكرة؟!
وعد: بعد بكرة بكرة عليا شغل كتير...
وعد: حل عني بقي ابوس ايدك.
وعد سابت قاسم و مشي.
قاسم(بحب): ازاي بس اسيبك و انا لقيتك الحياة.
-في مكان تاني...
عند نيران و ماهر.
نيران كانت في اوضتها لقت الباب بيخبط راحت فتحت الباب.
نيران: لحظة يا ماهر.
ماهر لا رد.
نيران: مستر ماهر حضرتك معايا؟!
ماهر: عايزة ايه يا بت انتي؟!
نيران(برفعة حاجب): انا عملت ايه دلوقتي؟!
ماهر: معملتيش يلا خلصي اللي وراكي علشان منتأخرش علي الاجتماع.
نيران: حاضر.
نيران كانت لابسة فستان باللون الكحلي بكب قصير لغاية قبل الركبة و عليه طبقة من الشيفون شفافة مبينة رجليها و لبست صندل بكعب باللون الكحلي و حطت روچ نبيتي غامق و سيبت شعرها علي ضهرها و كتفها و حطت اكسسورات بسيطة و شيك.
نيران خرجت من اوضتها لقت ماهر واقف مستنيها.
نيران: انا جاهزة.
ماهر: جبتي الملفات؟!
نيران: اه اهي.
ماهر: طب يلا.
ماهر و نيران خرجوا من الفندق و ركبوا العربية و وصلوا للشركة.
ماهر: يلا.
ماهر و نيران نزلوا من العربية و دخلوا الشركة كل الانظار اتوجهت ناحيتهم...
بنت(بالالمانية): مستر ماهر الشركاء في انتظار حضرتك.
ماهر(بالالمانية): تمام، نيران يلا.
نيران: مستنية تأخد رقم تليفونها يلا خده يلا مستني ايه.
ماهر(برفعة حاجب): ممكن بينا علي الشغل.
نيران مشيت قدام ماهر و ركبت الاسانسير و ماهر ركب هو كمان و كان بيبص عليها.
نيران: تحب تأخد صورة؟!
ماهر: آه منكوا يا بنات حواء.
ماهر و نيران دخلوا اوضة الاجتماعات و قعدوا جمب بعض.
و بدأوا يتكلموا في الشغل و نيران كانت بتتكلم ببرود مع ماهر...
نيران(بالالمانية): كدة وصلنا لحل و مفيش داعي اننا نخسر صفقة شركة ال S. h.
شخص1(بالالماني): فعلا عندك حق...
ماهر(بالالماني): اتمني مسمعش ان في مشاكل في الشركة دي، انا مش فاضي كل شوية اسافر لالمانيا يعني.
بنت(باالالماني): نورتنا يا ماهر بيه.
نيران(بالالماني): خلي النور ليكي.
نيران(بالالماني): يلا لاني تعبانة.
نيران قامت و ماهر وراها و خرجوا ركبوا الاسانسير و خرجوا من الشركة ركبوا العربية.
ماهر(بالالماني): اطلع علي.
نيران(بالالماني): اطلع علي الفندق.
نيران: و انت لو عايز تروح مكان ابقي روح بعد ما اروح الفندق.
السواق وقف قدام الفندق نيران نزلت و ماهر وراها كانت ماشية في الممر اللي بين الاوض.
ماهر مسك دراعها و سندها علي الحيطة...
ماهر: انتي مكبرة الموضوع...
نيران: و هو ايه حصل اصلا؟!
ماهر: انتي بتغيري عليا و شكلك كدة داخلة علي حب.
ماهر حط ايده جمب رأس نيران و قرب منها.
ماهر: و انا يعتبر معجب بيكي...
ماهر: معنديش مانع ارتبط بيكي بس.
ماهر: في السر.
نيران بصت ل ماهر بصدمة. ماهر فتح عينيه علي اخره لما نيران ضربته قلم علي وشه بغضب.
نيران(بغضب): و انا مش رخيصة.
نيران سابت ماهر و دخلت لاوضتها و قفلت الباب بغضب,ماهر خرج بره الفندق كله بغضب.
-في مكان تاني...
عند طيف...
طيف كانت نايمة بعمق كانت بتتقلب حست بحد جمبها طيف فتحت عينيها بسرعة و رجعت لورا...
صقر: هششش اهدي انا صقر اهدي.
طيف(بنوم): متخضنيش كدة تاني.
طيف لفت و ودت ضهرها ل صقر و صقر حضنها من ضهرها و باس كتفها.
طيف بدأت تفوق من نومها و تفتح عينيها و بعدها افتكرت اللي حصل زقت صقر جامد بعيد عنها لدرجة ان صقر اتصدم من ردة فعلها...
طيف قعدت علي السرير في حالة صدمة و حطت وشها بين ايديها و بدأت تعيط...
صقر(بقلق): طيف مالك؟!
طيف(بعياط): ابعد عني خالص.
صقر قرب من طيف و قعد جمبها حط ايده علي رأسها.
صقر: مالك يا طيف في ايه خلاكي تعيطي كدة؟!
طيف(بعياط): طبعا دلوقتي بعد ما عملت اللي انت عايزه هترميني في الشارع و هتطلقني و هتروح للطاهرة بتاعتك.
طيف(بعياط): هترميني رمية الكلاب و مش بعيد تطلع عليا سُمعة وحشة...
صقر اتصدم من تفكير طيف و بعد عنها شوية.
طيف(بعياط): مكاني دلوقتي بقي الزبالة. و.
صقر شد طيف من دراعها بعصبية ناحيته.
صقر: مكانك هنا هنا يا طيف.
صقر مسك كف ايد طيف و حطها علي مكان قلبه.
صقر: و اللي حصل مش حرام انتي مراتي و انتي بتحبيني و متقدريش تنكري ده.
صقر: و تفكيرك المريض ده عالجيه افكارك السيئة دي عالجيها...
صقر: انا لو كنت عايز اعمل فيكي حاجة كنت عملتها من بدري حتى من غير جواز.
صقر: اتمني تكوني فهمتي.
صقر رمي طيف علي السرير و قام دخل البلكونة و بدأ يدخن سجاير...
طيف كانت بتفكر كتير و بعدها قامت ببطء دخلت الحمام و بدأت تأخد دوش و خرجت تغير هدومها...
طيف لبست شورت قطن اسود قصير قبل الركبة و فوقه تي شيرت باللون الرصاصي ¾ كم و لغاية الخصر و سابت شعرها علي ضهرها و لبست شراب باللون الابيض.
طيف خرجت من اوضة الملابس و قربت من البلكونة ببطء كانت مترددة اوي وقفت جمب صقر.
صقر بص ليها بطرف عينيه و بعدها بدأ يدخن في سيجارته.
طيف: احم احم.
صقر لا رد.
طيف: احم احم احم.
طيف كانت بتقاوم ريحة السجاير بس مقدرتش قعدت تكح صقر رمي السجاير بغضب و قرب منها.
صقر(بعصبية): عايزة ايه؟!
طيف(بدموع): ا.
صقر(بعصبية): بتعيطي ليه دلوقتي؟!
صقر(بعصبية): نفسي مرة واحدة اشوفك مبتعيطيش فيها...
صقر(بعصبية): دلوقتي انا اللي غلطان؟!
طيف(بتلقائية): افتكرتك هتطلقني بعد ما خدت اللي انت عايزه مني.
صقر بص ل طيف و بعدها ضرب دماغه في الحيطة...
صقر(بحدة): انتي جايبة اللطافة دي منين؟!
طيف اتكسفت و كانت هتمشي بس صقر مسك ايديها و شدها لحضنه.
صقر: انا مش عايز جسمك يا طيف انا عايز قلبك عقلك روحك حبك، عايزك انتي يا طيف كلك علي بعضك كدة.
صقر: عايزك تبقي معايا في حياتي.
طيف: مش هتسبني ابدا؟!
صقر: مش هسيبك ابدا ابدا.
طيف باست صقر علي خده و بعدها بصت قدامها.
صقر(بهمس): مبروك يا مدام صقر الجارحي.
طيف(بخجل): بس بقي.
فهد(بصريخ): لااااااا.
طيف(بخضة): فهد.
طيف و صقر جريوا ناحية اوضة فهد.
طيف جريت علي فهد اللي كان مش قادر يأخد نفسه و بيعرق خدته في حضنها و باست رأسه.
صقر: انت كويس؟!
فهد كان بيرتعش و بيمسك في طيف اكتر و طيف بتضمه ليها اكتر و باست رأسه.
طيف: اهدي يا حبيبي اهدي مجرد كابوس اهدي.
طيف: انا معاك اهو يا حبيبي متقلقش.
طيف: اهدي اهدي.
صقر فضل واقف بيبص علي فهد و طيف.
فهد(بتعب): خليكي معايا.
طيف: اكيد يا حبيبي حاضر.
فهد غمض عيونه و نام في حضن طيف...
صقر: في ايه؟!
طيف: فهد من ساعة موت باباه و مامته و هو بيجيله كوابيس...
صقر: اه طب تعالي يلا اوضتنا...
طيف: قولتله هنام جمبك مش هقدر اسيبه.
صقر: و انا مش هقدر اسيبك تعالي معايا يلا.
طيف: مجتش من يوم يا صقر.
صقر: ده اول يوم يا شيخة في ايه؟!
طيف: اوف يا صقر سيبني جمبه النهاردة بليز.
طيف نامت جمب فهد و حضنته و بعتت بوسه في الهواء ل صقر.
صقر راح نام جمبهم و حضن فهد هو كمان.
صقر: مش مسامح مش مسامح.
طيف: قلبك كبير بقي.
صقر شد ايد طيف و باسها و حضنها...
طيف: طب استأذني طب.
صقر: انتي بتقولي ايه؟! انتي كلك علي بعضك ملكي انا.
صقر(بغمزة): و لو كنت ناسية افكرك.
طيف: ده انت رخم.
طيف غمضت عينيها و بدأت تنام صقر فضل يبص عليها لغاية ما دخل في النوم هو كمان...
-في مكان تاني...
عند حسام و مؤمن.
مؤمن: اسمع الكلام بقي اسمع الكلام.
حسام: انت قولت حاجة اصلا يا حاج.
مؤمن: متعصبنيش يا حسام.
حسام: انت علطول متعصب.
مؤمن: اوف، انت عايز تدخل السجن.
حسام: جربت المصحة اروح بقي السجن اجربه و كمان السجن للرجالة.
مؤمن: انت مش هتهدي الا لما تموت يعني.
حسام: معلش بقي ابنك غاوي تعب.
مؤمن: ربنا يبتليك بمصيبة يا شيخ.
حسام: هو في مصيبة اكبر منك.
مؤمن كان متعصب جدا و ساب حسام و خرج بره اوضته.
حسام: خدوا كل احتياطتكم راجع متخافوش.
حسام(بسخرية): قد ايه طلعت غبي يا صقر.
حسام: خلي بالك علي مراتك الفترة دي بقي مش انت بعدتها عن اللعبة و انا هدخلها تاني عادي.
حسام: انا المتحكم في اللعبة و ادخل اللي انا عايزه.
حسام راح ناحية صندوق ازاز و مسك ثعبان من جواه و قربه منه.
حسام: احنا هنروح نزور طيف الادهم قريب خلاص عرفنا مكانها يا قمر انت.
حسام: يلا روح اجهز علشان نقابلها...
مفيش تشويق خالص اهو????.