قصص و روايات - قصص رومانسية :

رواية أسيرة لحصون قلبه للكاتبة سلسبيل كوبك الفصل الثاني والأربعون

رواية أسيرة لحصون قلبه للكاتبة سلسبيل كوبك الفصل الثاني والأربعون

رواية أسيرة لحصون قلبه للكاتبة سلسبيل كوبك الفصل الثاني والأربعون

صقر بعد بسرعة عن طيف و حاول يفرمل بس العربية موقفتش و فجأة في عربية نقل كبيرة خبطت فيهم بقوة...
طيف اغمي عليها بسرعة,صقر كان بين الوعي و اللاوعي.
صقر(بقلق): طيف!
معتصم نزل من عربيته بسرعة و جري علي عربية صقر.
معتصم: صقر سامعني.
معتصم فتح باب عربية صقر و بدأ يفوقه.
صقر(بخوف): طيف يا معتصم.
صقر بص ناحية طيف لقي النبض عالي و في دم نازل علي رقبتها,صقر بدأ يفوقها بفزع.
صقر: طيف يا طيف.

معتصم: اهدي يا صقر هنتصل بالاسعاف.
صقر(بزعيق): مستني ايه ما تتصل.
صقر نزل من عربيته و راح ناحية باب طيف و فتحه.
صقر(بوجع): طيف فتحي عيونك طمنيني انك بخير.
صقر(بدموع): علشان خاطري.
جسم طيف مال علي صقر اللي حاوطها بأيده.
معتصم: انا اتصلت بيهم و هما هيبعتوا عربية اسعاف...
معتصم(بتوتر): صقر.
صقر رفع رأسه ليه و بص ناحية ما معتصم بيبص,صقر اتخض لما لقي في ازاز من العربية غرز في كتف طيف...
صقر: انجز شوفهم فين؟!

معتصم: اهدي ان شاء الله هتبقي بخير.
صقر كان ماسك دموعه بالعافية و ضم جسم طيف ليه و دفن وشه في رقبتها.
صقر(بخنقة و دموع): متسبنيش.
عربية الاسعاف جت و نقلوا طيف العربية و صقر ركب معاها.
ممرض: ضغط الدم
ممرض: الضغط و النبض عالي...
ممرض: لازم نلحق بسرعة قبل ما تنزف دم اكتر و غير انها هتنزف دم لما تشيل قطعة الازاز اللي في كتفها دي.
ممرض2: انت برضو محتاج حد يطهرلك جروحك.

صقر(بقلق): مش مهم انا، المهم نوصل بسرعة و نلحقها.
بعد فترة وصلوا قدام المستشفي و نزلوا طيف من العربية و دخلوها اوضة الطوارئ بسرعة.
ممرض: دكتور مهند قيسنا كل حاجة ليها و كلهم في معدل غير الطبيعي. بالاضافة إلى انها حامل و الازاز اللي في كتفها لسة منعرفش سطحي و لا لا.
مهند: روحوا انتوا انا هتصرف.
مهند: دكتورة ريناد دخلوا المريضة اوضة الاشعة.
ريناد: تمام.
مهند: بس بسرعة.
ريناد: اكيد، يلا بسرعة.

مهند: ريناد خلي بالك هي حامل حطي الواقي.
ريناد: حاضر.
معتصم: اهدي يا صقر هتبقي بخير.
صقر لف ل معتصم و كان في قمة غضبه...
صقر: و ربي يا معتصم لاخد روحه لانه زاد اوي اوي يا معتصم...
مهند: حضرتك تقرب ايه للمريضة؟!
معتصم: هو يبقي جوزها.
مهند: انت كنت بتسوق بسرعة كبيرة اكيد؟!
صقر(بعصبية): انت مالك كل اللي تعمله تنقذها و بس و الا و ربي هاخد روحك و اقفل ام المستشفي دي و احرق ليكوا الارض باللي فيها.

معتصم: اهدي يا صقر.
صقر(بعصبية): متقوليش اهدي. طيف ممكن تروح انت مستوعب ايه اللي ممكن يحصلي لو حصلها حاجة.
مهند: تعالي اطهرلك جروحك.
صقر(بزعيق): مش عايز زفت و متعصبنيش.
مهند: براحتك انا غلطان.
بدأوا يعملوا اشعة علي كتف طيف و خرجوها.
ريناد: دكتور مهند اتفضل.
مهند: الجرح سطحي دخلوها اوضة العمليات نخلص من الموضوع بسرعة.
معتصم: هو الحالة صعبة يا دكتور؟!
مهند: لا.
معتصم: اومال ليه هتدخلوا اوضة العمليات؟!

مهند: يعتبر عملية مش هينفع اشيل القطعة اللي في كتفها دي هنا. عن اذنكم.
معتصم: طيب.
معتصم: خلاص يا عم هتبقي في حضنك قريب.
دخلوا طيف اوضة العمليات و بدأوا يشيلوا قطعة الازاز اللي مغروسة في كتفها و فقدت دم كتير و بدأوا يطهروا كل الجروح اللي في جسمها.
مهند: الحمدلله هي بخير. في جرح في رأسها شديد و كتفها مش هتقدر تحركه ل فترة.
مهند(باستغراب): غريبة مسألتش علي الطفل؟!
معتصم: اه هو بخير؟!

مهند: الحمدلله مفيش اصابات للبيبي.
معتصم: اه طيب شكرا.
نقلوا طيف اوضة عادية كانت نايمة بسبب المخدر,صقر مقدرش يقعد معاها و خرج بره الاوضة.
معتصم: خلاص اطمنا عليها يا صقر.
صقر(بغل): مش هيشفي غليلي يا معتصم هقتلهم كلهم.
معتصم: طيب اهدي انت دلوقتي...
عند طيف.
طيف بدأت تفوق من المخدر ببطء و فتحت عينيها حست بوجع في كل جسمها...
طيف رنت الجرس اللي جمبها و بعد دقيقتين دخلت ليها الدكتورة.

ريناد: حمدلله علي السلامة...
طيف(بتعب): الله يسلمك. فين صقر؟!
ريناد: مين؟!
طيف(بتعب): صقر جوزي.
ريناد: اه منتظر حضرتك بره.
طيف(بتعب): انا بخير صح؟!
ريناد: ايوه.
طيف(بقلق): و البيبي؟!
ريناد(بابتسامة): متقلقيش انتي و الطفل بخير.
ريناد: بس جوزك كان خايف عليكي اوي ربنا يخليكوا ل بعض.
طيف: ممكن تناديه؟!
ريناد: اكيد.
ريناد خرجت و نادت ل صقر.
معتصم(بغمزة): يلا يا باشا...
معتصم: هروح اشوف مصاريف المستشفي باي.

صقر دخل ببطء ل طيف, طيف اول ما شافته مدت ايديها السليمة ليه...
صقر راح ناحية طيف بسرعة و حضنها و قعد يعيط,طيف قعدت تملس علي شعره بهدوء و باست رأسه...
طيف: اهدي يا حبيبي احنا التلاتة بخير...
طيف مسكت وش صقر بين ايديه و مسحت دموعه بايديها.
صقر(بدموع): انتي عاملة ايه؟
طيف: بقيت بخير لما شوفتك.
طيف(بغمزة): بعرف اثبت زيك علفكرة.
صقر حضن طيف و شدها لحضنه اكتر و مسكها جامد.
طيف(بوجع): صقر آآآآه.

صقر(بقلق): انا آسف آسف غصب عني.
طيف قربت من صقر و(لخيالكوا).
طيف: بحبك.
صقر باس طيف علي رأسها و ايديها.
صقر: كنت هموت النهاردة بسببك من خوفي عليكي.
طيف(بغمزة): احبك يا جميل و انت خايف عليا كدة.
طيف ضحكت بصوت عالي و صقر ابتسم علي ضحكتها و حضنها بهدوء.
طيف(بفزع): فهد!
صقر: هششش هو كويس مع آسر.
طيف: اوف الحمدلله.
صقر(بخضة): يا حيوانة!
طيف عضت صباع صقر اللي كان علي شفايفها و قعدت تضحك...

صقر(بغيظ): و الله؟! مش عارف اضربك فين بس و انتي متخرشمة كدة.
طيف: بقولك ايه يا صقورة؟!
صقر بص ل طيف بحدة و طيف بلعت ريقها بتوتر...
طيف: اقصد يا عصفورة. بضحك معاك يا صقورة اقصد يا صقر يا حبيبي انت.
طيف: انا شايف اننا نقيم هنا في المستشفي مكان يشرح القلب كدة. و لما نعوز نتفسح نتفسح في المشرحة مع الموتي يااااه علي الجمال.
صقر ضرب طيف علي رأسها غصب عنه.

طيف(بوجع): يا عم هو حد قالك اني فولاذ حديد مش بتصاب زيك دماغي ورمت.
صقر: شكلك كدة هتقعدي هنا.
طيف: و طبعا انت حبيبي و زوجي و هتقعد معاايا.
صقر: لا يا روح قلب زوجك انتي هرجع الاسكندرية و محدش هيعرف انك هنا في المستشفي دي...
طيف: و لا كأني مقطوعة من شجرة.
صقر: لا انا اهو انا ابوكي و اخوكي و جوزك و حبيبك و صاحبك و ابن خالتك و ابن عمتك و ابنك و كل اي حاجة في الدنيا.

طيف حضنت صقر جامد و صقر شدد عليها و هي في حضنه و باس رأسها.
صقر: بحبك.

-في مكان تاني...
عند نيران و ماهر.
نيران كانت بتتكلم مع نجلاء و تليفونها رن.
نيران: همشي انا يا نوجة.
نجلاء: طيب يا حبيبتي.
نيران خرجت بره القصر لقت ماهر مستنيها في العربية.
نيران: صباح الخير.
ماهر: صباح النور.
ماهر: اركبي...
نيران فتحت باب العربية و ركبت جمب ماهر.
ماهر(بعصبية): يا نهارك اسود!
نيران(بخضة): ايه؟!
ماهر(بعصبية): ايه الجيبة القصيرة بتاعتك دي و رجلك البيضة دي.

نيران كانت لابسة جيبة بيضاء قصير لقبل الركبة و فوقها تي شيرت باللون الكحلي داخل الجيبة بنص كم مايل علي الكتف و سيبت شعرها علي ضهرها و حطت مكياج بسيط و لبست صندل بكعب اسود.
نيران(بتوتر): ايوه فيها ايه يا ماهر؟! ما انا علطول بلبس كدة.
ماهر(بعصبية): الكلام ده تقوليه قبل ما تكوني معايا.
ماهر(بعصبية): انزلي غيري هدومك قدامك خمس دقايق، يلا انجزي.
نيران: يا ماهر...

ماهر(بعصبية): قدامك خمس دقايق انجزي احسن و ربي ما اخليكي تروحي الشغل النهاردة.
نيران فتحت الباب بعصبية و رزعته و بصتله بغيظ و رجعت ال?يلا تاني...
نجلاء: ايه اللي رجعك يا حبيبتي؟!
نيران(بغيظ): اصل لقيت بقعة في الجيبة عن اذنك.
نيران طلعت اوضتها و بدأت تغير هدومها.

نيران لبست بنطلون اسود و فوقه تي شيرت ب ¾ كم باللون الزيتي و واسع و لبست فوقه جاكت جلد و كوتشي اسود عالي و رفعت شعرها ديل حصان و حطت مكياج بسيط.
نيران نزلت ل تحت و خرجت لماهر ركب العربية جمبه,ماهر ساق من غير و لا كلمة.
نيران: ده ايه الصمت المميت ده؟!
ماهر: مليش مزاج اتكلم.
نيران: لا بجد؟! تصدق اني غلطانة اني سمعت كلامك و هأجي بكرة بنفس الجيبة و وريني هتمنعني ازاي.

كانوا وصلوا للشركة و نيران فتحت الباب و نزلت دخلت الشركة بسرعة.
ماهر: ابقي وريني ازاي ده لو نزلتي من بيتك اصلا يا نيران.
ماهر ركن العربية و نزل دخل الشركة.
عند ليلي.
ليلي: يا مصيبة وحشتيني.
نيران جريت علي ليلي حضنتها و ليلي هي كمان حضنتها...
نيران: وحشاني يا كلب البحر انتي.
ليلي: الحمدلله انك بدأتي تتغيري كنتي وحشاني اوي وحشني الكلام معاكي.
نيران: حبيبتي.
ليلي: اضحكي يا نيران الضحكة اتخلقت ليكي.

نيران: في ايه يا بت هتكسف.
نيران(بغمزة): هبقي اكلمك في موضوع مهم جدا جدا.
ليلي(بحماس): ايه ايه قولي؟!
نيران لاحظت ماهر جاي وقفت جمب ليلي و قعدت تضحك بصوت عالي.
ليلي(باستغراب): ايه يا بت المجانين؟!
ماهر(بغيظ): آنسة نيران.
نيران: نعم.
ماهر(بغيظ): متنسيش ورانا شغل و عليكي شغل متراكم. اتفضلي علي مكتبك مش ناقصين اللي ميسواش يتكلم.
ماهر ساب نيران و دخل ل مكتبه و نيران قعدت تضحك.
ليلي: بت بتضحكي ليه؟!

نيران: بغيظه.
ليلي(بصدمة): انتي و هو و.
نيران(بضحك): و الناس الحلوة.
نيران: هخش انا اشوف اللي جوا ده و بعدين نبقي نتكلم.
ليلي: ايه ده ايه ده!؟
ليلي(بصوت عالي نسبيا): انت خلفت امتي؟!
آسر(بصدمة): انا!
ليلي(بصوت عالي): انت اتجوزت عليا؟!
فهد: مين الاو?ر دي يا آسر؟!
نيران: ده علي ما اعتقد فهد مش كدة؟!
فهد(بغمزة): ايوه انا يا مزة ما انتي فكراني اهو و معايا علي الخط.
نيران(بخضة): ايه ده؟!

ماهر مسك نيران من هدومها و شدها ناحيته.
ماهر: مين ده؟!
نيران(بتوتر): ده ده فهد.
ماهر: ايوه من بقية عائلتك.
آسر: ماهر نزل ايدك ايه اللي بتعمله ده؟!
ماهر: استني انت، ايوه ما اجبلكم شقة علي النيل احسن.
نيران: خليها تبص علي الاهرامات بالظبط.
فهد(بغمزة): بتغيري يا بيضة.
ليلي: مين ده فهموني؟!
آسر: ده فهد يقرب ل طيف مرات صقر، فهمتي كدة؟!
آسر: و انت تعالي معايا و نزل ايدك ايه قلة الادب دي.

آسر: فهد خليك هنا مع ليلي و نيران.
فهد(بغمزة): ليا الشرف يا سيد دول مزز اوي.
ماهر(بزعيق): مين ده؟!
آسر: تعالي يا ماهر تعالي.
ماهر: انت واثق فيه و ضامنه؟!
آسر: الصراحة لا.
آسر و ماهر بصوا ل فهد و سابوهم و مشيوا.
نيران: قلبي انت يا فهد.
فهد: يا بطة انتي.
ليلي(باستغراب): انت غريب.
فهد: مش بيعجبوكي الغرباء و لا لا؟!
ليلي و نيران بصوا ل بعض و بصوا ل فهد ضحكوا مع بعض...
عند آسر و ماهر...

ماهر: كنت عايزاك في موضوع من شهر.
آسر: قول.
ماهر(بتوتر): انا كنت عايز يعني افتح بيت و اتجوز كفاية ده كله من غير جواز...
آسر: مبروك يا عم مين هي العروسة نعرفها؟!
ماهر: ايوه تعرفها اشد المعرفة...
آسر: مين معانا هنا؟!
ماهر: ايوه بتشتغل في الشركة، و قريبة منك جدا.
آسر(بنفاذ صبر): و مين هي بقي ان شاء الله؟!
ماهر: مالك اتعصبت ليه؟!
آسر(بنفاذ صبر): لو هي اللي في بالي هقتلك يا ماهر.
ماهر(بتوتر): في ايه؟!

آسر: بتحبها اوي؟!
ماهر(بتوتر): احم ليه هو انت ممكن ترفض؟!
آسر(بعصبية): انت عايز تتجوز ليلي؟!
ماهر(بصدمة): ليلي! لا لا مش ليلي دي نيران.
آسر كانت متعصب جدا و اول ما ماهر قال نيران اتغيرت ملامحه.
ماهر(بخبث): هو انت وقعت و لا ايه؟!
آسر(بتوتر): ها؟! لا طبعا مين ده؟!
آسر: انت قولت نيران الكلام ده مظبوط.
ماهر: ايوه يعني انسانة مناسبة ليا.
آسر: مش علشان وقعت مثلا انت.
ماهر: لا طبعا.

آسر: طب و انا اوديك ليه بقي نيران و انت مش بتحبها ممكن تعمل فيها حاجة.
ماهر: لا لا هشيلها في عيني. و كمان هي هتبقي مراتي فهأذيها ليه بقي.
ماهر: فاهمني انت...
آسر لف الكرسي بتاعه و بص ل ماهر بخبث.
آسر: طيب تيجي معزز مكرم البيت و تطلبها.
ماهر: هو ضروري؟!
آسر: ايوه ضروري هي ملهاش اهل و لا بيت.
ماهر: طيب يناسبك امتي؟!
آسر: لما اخوها الكبير يرجع من السفر اسبوعين تلاتة كدة.
ماهر(بانفعال): ليه ده كله!؟

ماهر: اخري اسبوع رجع رجع مرجعش عنه ما رجع الله...
آسر(بحدة): استاذ ماهر علي مكتبك.
ماهر قام و دخل مكتبه و آسر قعد يضحك عليه.
آسر: ده احنا هنعمل مصايب لو اتجوزت اختي يا عم.

-في مكان تاني.
عند قاسم.
ال?يلا كانت بتتزين و الكل بيشتغل و بيظبط الحفلة و الخطوبة و قاسم بيشرف علي كل حاجة.
سمية: اطلع غير انت يا حبيبي.
قاسم: تمام يا امي.
قاسم طلع لاوضته غير هدومه قاسم لبس بدلة باللون الكحلي و قميص باللون الابيض و لبس جذمته باللون الاسود و سرح شعره و لبس ساعته و حط البرفيوم بتاعه...
بدأت الناس تيجي الحفلة و والد قاسم بدأ يتكلم مع رجال الاعمال و قاسم نزل وقف معاه.

سمية: هي عروستك اتأخرت؟!
قاسم: حصلت مشكلة مع الميكب ارتست و ربع ساعة و جايين.
قاسم: ليلي بس اتأخرت ليه؟!
ليلي: بخ انا هنا.
قاسم لف و حضن ليلي و باس رأسها.
قاسم: حبيبتي. ايه الجمال ده؟!
ليلي: قلبي انت وسيم جدا برضو.
ليلي كانت لابسة فستان باللون الاسود قصير لغاية الركبة واسع من بعد الخصر بنص كم و فيه فصوص باللون الفضي و لبست صندل فضي بكعب و سيبت شعرها علي ضهرها و حطت مكياج بسيط...
سمية: حبيبي عروستك جت.

فجأة دخلت عربية باللون الاسود قاسم قرب من العربية و فتح الباب.
قاسم مسك ايد وعد و وعد نزلت من العربية وقفت قدامه.
وعد: ايه مش مطمنالك.
قاسم: قمر بسم الله ما شاء الله. ربنا يحفظك و يحميكي.
وعد كانت لابسة فستان باللون البنفسجي كب و طويل و من بعد الركبة واسع و منفوش و لبست صندل بكعب باللون الاسود رفعت شعرها علي شكل كحكة عالية و نزلت كام خصلة على وشها و حطت مكياج بسيط.

قاسم: احلي يوم عدي عليا في حياتي اليوم الاحلي طبعا هيبقي يوم ما اسمك يتكتب جمب اسمي.
قاسم قرب من وعد و باس رأسها وعد كانت مكسوفة.
ليلي: يا سيدي يا سيدي مش يلا و لا ايه؟!
وعد: ازيك يا ليلي.
ليلي: ازيك يا مزة انتي.
قاسم: يلا بينا.
قاسم مسك ايد وعد و راحوا ناحية الكراسي بتاعتهم و الكل كان مبسوط و لبسوا بعض الدبل و الكل قضي الحفلة في اغاني و رقص و فرحة.
قاسم: حبيبتي حبيتي جو الخطوبة؟!

وعد: حلوة اوي يا قاسم...
قاسم: شهر كدة و نتجوز بقي.
وعد بصتله برفعة حاجب...
قاسم: كتير صح بقول اسبوع كفاية.
وعد ضربت قاسم في كتفه بغيظ.
وعد: لا و النبي.
قاسم(بضحك): بحبك.
وعد: انا عايزة انام.
قاسم: انتي مدمنة نوم و انا معرفش.
وعد: بحبه يا اخي بحبه.
قاسم: يا بت هقتلك.
وعد: تقدر؟!
قاسم: علي وضعك يا كبير.
وعد و قاسم بصوا ل بعض و قعدوا يضحكوا و بتكلموا.

-عدي اسبوع...
الاوضاع كانت مستقرة نوعا ما.
محمد و نجلاء الكلام بينهم قليل جدا,نيران كنت بتحب تعاند مع ماهر علطول.
ليلي و آسر التعامل بينهم بسيط,قاسم و وعد مبسوطين بالخطوبة بتاعتهم.
حسم مفيش اي اخبار عنه خالص.
صقر ساب طيف بعد ما اطمن عليها مع رفيف في بيتهم القديم,رامي و رفيف بيجهزوا للفرح...
صقر كل يوم يتكلم مع طيف و يطمن عليها,صقر بيخطط لحاجة مع آسر و ماهر و معتصم و مهران.

طيف مبسوطة ان صقر مهتم بيها و بدأ يهتم بالطفل...
طيف: يعني هتيجي امتي بقي؟!
صقر: يا حبيبتي ورايا شغل.
طيف(بعصبية): يا صقر يعني الفرح النهاردة و وراك شغل. مش كفاية بقالك خمس ايام مسافر.
صقر: يا طيف الشغل يا طيف.
طيف(بضيق): ايوه يعني انت جاي و لا لا؟!
صقر: لسة معرفش.
طيف(بضيق): طيب يا صقر مع السلامة.
صقر: اس.
صقر: يخرب بيت سرعتك يا شيخة.
رفيف: ايه مش جاي؟!
طيف(بعصبية): عنه ما جه في داهية.

رفيف(بضحك): واضح واضح.
طيف(بعصبية): بت انتي متضحكيش مش عايزة اخلي وشك زبالة و انتي فرحك النهاردة.
رفيف(بضحك): يا ماما شكلك يخوف.
طيف(بوجع): آه يا كتفي آه.
رفيف: ادهنلك كريم؟!
طيف: لا.
الباب خبط.
رفيف: خليكي...
طيف: لا خليكي انتي.
طيف راحت فتحت الباب شهقت لما شافت صقر قدامها نطت عليه حضنته.
صقر: يا مجنونة.
طيف: وحشتني اوي.
صقر: و انتي كمان...
صقر: انتي سريعة كدة يا بت علطول طب كنتي تستني اكمل كلامي.

طيف(بخجل): انت زعلان؟!
صقر: مقدرش ازعل من القمر بتاعي.
طيف باست صقر علي خده و دخلوا هما الاتنين البيت.
صقر: مبروك يا رفيف.
رفيف: الله يبارك فيك يا صقورة.
رفيف حطت ايديها علي بوقها,صقر بص ل طيف بغضب,طيف بصت في الارض.
صقر: اسمي صقر يا رفيف.
طيف: تيجي تريح من المشوار.
صقر: طيب.
صقر و طيف دخلوا اوضة طيف قبل ما طيف تدخل ورا صقر ضربت رفيف بكوعها...
صقر(بحدة): يعني انتي و قولت ماشي لكن ليه رفيف؟!

طيف: سمعتني و انا بهزر معاك في مرة عادي يا صقر.
صقر(بحدة): منظري يبقي ايه قدامها دلوقتي و كمان ايه صقورة دي.
طيف: خلاص متزعلش بقي.
طيف قربت من صقر و حاوطت رقبته بايديها و كتفها وجعها.
طيف: بحبك متزعلش مني.
صقر: انتي جايية اللطافة دي منين يا بت؟!
طيف: بحبك اوي.
صقر: لا كدة الموضوع هيقلب و انتي حرة.
طيف: ا.
صقر قرب من طيف و (لخيالكوا)و.
بعد فترة.
طيف(بنوم): هو لازم احضر الفرح؟!
صقر(بضحك): ايوه لازم.

طيف(بنوم): مش قادرة عايزة انام.
صقر: طب قومي يلا هنحضر وقت صغير و هنمشي اصلا.
طيف حضنت صقر و نامت نوم عميق,صقر ضحك عليها و علي نومها السريع.
بعد كام دقيقة صقر صحي طيف و طيف فتحت عينيها.
طيف: ايه؟!
صقر: فاضل خمس دقايق علي الفرح.
طيف(بفزع): ايه؟!
صقر: اهدي اهدي.
طيف: اوف خضتني يا صقر...
صقر: يلا مش عيب تسيبي صاحبتك لوحدها.
طيف: زمان طنط عبير معاها.
صقر: طب قومي يلا.
طيف قامت و بدأت تجهز و تلبس هدومها هي و صقر.

طيف لبست فستان واسع باللون النبيتي واصل بعد الركبة بشوية ب ¾ كم و مفتوح من الضهر و سيبت شعرها علي ضهرها و حطت مكياج خفيف و لبست جذمة باللون الاسود.
صقر لبس بدلة باللون الاسود و قميص اسود و لبس جذمته السوداء و لبس ساعته و حط البرفيوم بتاعه.
صقر: انتي كدة هنروح للدكتورة قبل ما نمشي من القاهرة.
طيف(بضحك): يا خوفي يا بدران.
صقر: من ايه؟!

طيف(بضحك): كل مرة تقول فيها هنروح للدكتورة تحصل مصيبة جديدة...
صقر اضايق و كان هيخرج طيف راحت ناحيته.
طيف: مالك؟!
صقر: مفيش ه.
طيف: صقر قول في ايه حصل ايه!؟ اتضايقت ليه؟!
صقر(بضيق): علشان خاطر كل اللي في ذكرياتك اللحظات الوحشة بس انا عارف ان من ساعة ما دخلتي حياتي و انتي مشوفتيش اي حاجة حلوة بس غصب عني انا علي قد ما اقدر بحاول اسعدك و احميكي بس الظروف مش مساعداني.

طيف حاوطت رقبة صقر بايديها و مالت عليه.
طيف: و انا مبسوطة كدة مش مهم ايه اللي بيحصل المهم اني معاك انت. السعادة مش في اللي بيحصل حوالينا السعادة في الاشخاص اللي معاك.
طيف: و انت اهو معايا مش محتاجة حاجة تاني و ان شاء الله كلها شهرين و ربنا يرزقنا ب طفل يحلي دنيتنا احنا الاتنين...
صقر باس رأس طيف و حضنها.
صقر: انتي حياتي.
طيف: بتكسف.
صقر(بسخرية): و علي اساس انتي وش كسوف...

طيف(بغيظ): يا قليل الادب انا ده انا نسمة.
الباب خبط.
رفيف: يا عصافير الحب انجزوا ده فرحي مش انتوا.
طيف: انا كدة اتهزأت مش كدة...
صقر: اطلعي و انا هطلع وراكي.
طيف: طيب.
طيف خرجت بره اوضتها لقت رفيف واقفة مربعة ايديها...
رفيف: ايه يا صاحبة العروسة فينك كدة مختفية اووووووه هتلاقيكي تعبانة يا حبة عيني.
رفيف(بصوت عالي نسبيا): هتجننيني من ساعة ما حبيتي الزفت اللي جوا و انتي نسياني.

صقر(ببرود): لاحظي انك غلطتي معايا النهاردة تلت مرات المرة الاولي لما قولتي يا صقورة المرة التانية لما قولتي الزفت دلوقتي الغلطة الاكبر انك عليتي صوتك علي مراتي.
رفيف(بتوتر): النهاردة فرحي انت بتشمر كمك ليه يا عم.
طيف: احم خلاص يلا يا رفيف...
طيف خدت رفيف و دخلوا اوضة رفيف.
طيف: السلام عليكم.
عبير: عليكم السلام.
طيف: مش يلا نبدأ و لا ايه؟!
الميكب ارتست: اكيد يلا.

رفيف لبست فستان باللون الابيض ب ¾ كم طويل و واسع من بعد الركبة فستان تيبست. طرحة الفستان كانت ل نص الضهر و سيبت شعرها علي ضهرها و لبست تاج جميل علي رأسها. لبست صندل بكعب باللون الابيض و حطت روچ احمر فاتح و كحل حدد عينيها و مكياج بسيط علي وشها. لبست اكسسورات بسيطة.
طيف قعدت تصفر و عبير تزغرط.
رفيف(بخجل): حلوة؟!
طيف: يخرب بيت القمر يالهوي يا بت.
رفيف(بخجل): بس بقي يا طيف.

عبير: ربنا يحفظك يا حبيبتي.
رفيف(بخجل): شكرا يا طنط.
الباب خبط.
صقر: العريس تحت يلا...
عبير و طيف و رفيف و باقي البنات اللي كانوا موجودين خرجوا.
صقر(بغمزة): يلا.
صقر مسك ايد طيف و بعدها راح مسك ايد رفيف اللي اتصدمت.
صقر: انا عارف انك متستحقيش بس يلا بقي ثواب...
رفيف(بغيظ): انت رخم.
صقر: و الله ارميكي من علي السلم.
طيف(بضحك): خلاص يا صقر بقي، يلا بينا.

نزلوا علي السلالم كانت كل السلالم عليها ورد و وصلوا لاخر السلالم,رامي كان واقف جمب والده منتظر رفيف...
رامي راح ناحية صقر و مسك ايد رفيف من صقر.
صقر: طيف تبقي اختها و انا ابقي اخوها الكبير و يا ويل اللي يقرب من اخت صقر الجارحي يا رامي.
رامي: هشيلها في عيني وعد.
رفيف: و هتوديني ل طيف كل شوية.
رامي: و هي دي من اساسيات الجواز؟!
طيف: طبعا.
رامي: عيوني حاضر...

عبير راحت ناحية صابر و مسك ايده باستها,صابر بصلها برضا و حب.
رفيف و رامي ركبوا العربية و صابر و عبير ركبوا عربية تانية بسواق,صقر و طيف ركبوا عربية صقر.
رامي مسك ايد رفيف و باس ايديها و رأسها.
رامي: ربنا يخليكي ليا.
رفيف(بخجل): و يخليك ليا.
رامي: في ايه فين رفيف السرسجية مش شايف غير واحدة تانية خالص.
رفيف: هضربك.
رامي: هو كدة فكي بلاش كسوفك ده...
رفيف: حاضر.
عند عبير و صابر...

عبير(بدموع): مش مصدقة خلاص اننا هنجوزه.
صابر: هيتجوز جمبنا يا عبير.
عبير: ايوه بس.
عبير(بصدمة): قولت ايه؟! اتكلمت يا حبيبي.
عبير حضنت صابر جامد و قعدت تعيط و صابر بدأ يمسد علي شعرها.
صابر: حبيبتي الحمدلله خلاص.
عبير(بدموع): ربنا يخليك ليا.
صابر: و انتي كمان يا قلبي.
عبير كانت مبسوطة اوي ان صابر اتكلم...
صابر: حبيبتي.
عبير: من امتي؟!

صابر: امبارح كنت بتكلم مع نفسي فجأة لقيتني اتكلمت بصوت عالي قولت اعملها مفاجاة ل رامي.
عبير: حبيبي.
عند صقر و طيف.
صقر: حاسة بوجع؟!
طيف: تؤ تؤ.
صقر: طب تحبي تستريحي حبة؟!
طيف: لا هو انا تعبانة في حاجة انت اللي بتسوق.
صقر: طيب.
طيف(بوجع): آه.
صقر(بقلق): ايه يا طيف مالك؟!
طيف(بضحك): بهزر معاك.
صقر فتح درج العربية و طلع منه مسدس.
طيف(بتوتر): ايه يا باشا ده انا مراتك؟!

صقر(بضيق): كلمة كمان يا طيف و ربي هنسي انتي مين اصلا و هضربك بالمسدس ده.
طيف(بتوتر): حقك يا كبير.
صقر: بصي قدامك و و لا نفس...
طيف: طب و الكلام؟!
صقر(بعصبية): طيف.
طيف: خلاص ينعل ابو اللي يهزر معاك.
بعد فترة وصلوا قدام القاعة و بدأوا ينزلوا من عربياتهم و يدخلوا القاعة.
رفيف: مكنتش متوقعة انها هتبقي جميلة اوي.
رامي: جميلة بيكي يا قمري...
قعدوا في مكانهم و قاموا يرقصوا شوية.
صقر(بحدة): خليكي هنا.

طيف: ما كل البنات بترقص.
صقر(برفعة حاجب): و انتي اي حد بيعمل اي حاجة بتقلديه...
طيف: يا صقر...
صقر: لا و اقعدي باحترامك كدة.
في ست جت قعدت جمب طيف و حطت ايديها علي كتفها.
طيف: حضرتك تعرفيني؟!
ست: نتعرف يا حبيبتي. انا خالتك ام يوسف.
طيف: اه اهلا يا طنط.
ست: في سنة كام؟!
طيف: مخلصة كلية.
صقر: طالما حضرتك متعرفهاش فياريت يعني.
طيف: يا صقر.
ست: اخوكي ده يا حبيبتي.
طيف قعدت تضحك بصوت عالي و هزت رأسها بمعني اه.

صقر: طبعا طبعا اخوها اه.
ست: هو ايه اللي في ايدك ده؟!
طيف: ايه؟!
طيف: ده خاتم.
صقر: هو اي خاتم ده؟!
يوسف: كدة يا امي قلقتيني عنك.
ست: حبيب امك. عن اذنك يا حبيبتي.
طيف: اتفضلي.
يوسف و مامته قاموا مشيوا.
يوسف: طلعت متجوزة يا ماما و كمان حامل.
ست: مش نصيبك يا يوسف.
صقر: قومي نمشي.
طيف: ليه كدة؟!
صقر: كلمة واحدة يلا هنمشي.
طيف و صقر راحوا سلموا علي رفيف و رامي.
رامي: لسة بدري...
صقر: علشان نلحق نروح بقي. في سفر.

رامي: طيب.
رفيف: خلي بالك من نفسك و لو بنت هتسميها رفيف غصب عنك.
طيف(بضحك): طيب.
طيف: باي يا قمراية.
صقر مسك ايد طيف و خرجوا بره القاعة ركبوا العربية و طيف لقت عربيات كتير وراهم.
طيف: ايه ده؟!
صقر: حراس.
طيف: كل العدد ده يا صقر ده انت لو وزير مش هتعمل كدة...
صقر: طيب.
صقر وقف قدام مستشفي و نزل هو و طيف.
طيف: لا انا خايفة.
صقر: خايفة من ايه؟!
طيف: اول مرة هروح اكشف.
صقر: انا معاكي تعالي.

صقر مسك ايد طيف و دخلوا المستشفي و كانت الدكتورة في انتظارهم...
دكتورة: صقر بيه نورتنا.
صقر: تمام.
دكتورة: تعالي يا مدام طيف هنا.
طيف(باحراج): تمام.
طيف نامت علي سرير الكشف صقر وقف جمب طيف و مسك ايديها,الدكتورة بدأت تعمل سونار ل طيف.
الدكتورة: بسم الله ما شاء الله.
طيف(بفرحة): هو ده صح؟!
الدكتورة: ايوه ربنا يحفظه.
صقر: جنسه؟!
الدكتورة: ولد. يتربي في عزكم.
طيف: شكرا.

صقر باس رأس طيف و طيف قامت من علي السرير و قعدت هي و صقر علي الكرسي قدام الدكتورة.
الدكتورة: هو بس ناقصك شوية ?يتامينات هكتبهم ليكي.
صقر: ابعتي حد يجيبهم.
الدكتورة: حاضر.
صقر: طب و صحة الطفل و صحتها؟!
الدكتورة: تمام محتاجة اهتمام و رعاية بس شوية. لحظة هجيب الدواء.
الدكتورة قامت تجيب الادوية و رجعت.
صقر: مبسوطة؟!
طيف: اه.
الدكتورة: اتفضل يا صقر بيه.
صقر: شكرا يلا يا طيف.
طيف: يلا.

-في مكان تاني...
عند رامي و رفيف.
خلصوا الفرح بدري و رجعوا للبيت و معاهم عبير و صابر.
عبير: عندي ليك مفاجاة يا رامي.
رامي: اه طبعا هي متنفعش تستني طيب لبكرة.
رفيف: قولي يا طنط.
عبير: ابوك رجع يتكلم...
رامي نزل ل مستوي صابر و مسك ايده...
رامي(بفرحة): بجد؟!
صابر(بابتسامة): حبيبي. مبروك...
رامي حضن صابر جامد و باس رأسه و ايده.
رفيف: مبروك يا عمو.
صابر: نبقي نتكلم بكرة يلا خد عروستك.
رامي: طيب يا حبيبي.

رامي مسك ايد رفيف و دخلوا شقتهم و رامي قفل الباب...
رفيف: انت تعرف اني مجتش و لا مرة هنا؟!
رامي: اه.
رفيف: و انت بتبصلي كدة ليه يا عم؟!
رامي(برفعة حاجب): انا عملت حاجة؟!
رفيف: لا مفيش. و انت عامل ايه؟!
رامي: بخير الحمدلله.
رفيف جريت علي الاوضة اللي لقتها قدامها و قفلت الباب و رامي اتصدم من تصرفها الغير متوقع و راح وراها و خبط علي الباب.
رامي: يا رفيف افتحي الباب هو لعب عيال هو؟!

رفيف: النهاردة انت هتنام في اوضة و انا في اوضة.
رامي: و الله؟! طيب هاتيلي هدوم...
رفيف: وعد مش هتدخل.
رامي: طيب يا رفيف. اكيد يعني مش هنام ببدلة الفرح.
رفيف جابت هدوم ل رامي و فتحت الباب.
رامي: بقي انا تعملي معايا كدة.
رفيف: ها؟! انت عايز ايه؟!
رامي: كل خير.
رفيف: انت بتقدم كدة ليه يا عم؟!
رامي: حاجة بسيطة كدة.
رامي دخل و قفل الباب وراه و (لخيالكوا)...

-في الصباح الباكر...
في القصر.
آسر(بضحك): اه كمل كمل.
ماهر(بغيظ): هضربك.
آسر(بضحك): ايوه يعني انا افهم انت جاي الصبح كدة ليه برضو؟!
ماهر: مش انت قولت ان صقر راجع بليل و زمانه فوق اطلع صحيه و محمد بيه هنا اهو و اطلب ايد نيران.
آسر(بضحك): انت مسخرة يا ماهر.
ماهر: علفكرة بقي انت رخم انا كنت جاي علشان شغل بما ان صقر جه ليه مفتحش الموضوع فيها ايه بقي.
آسر: طيب ادخل.

آسر و ماهر دخلوا من الجنينة للقصر و قعدوا في الصالون كانت نجلاء قاعدة.
ماهر: صباح النور...
نجلاء: صباح النور. اتفضلوا.
آسر: اومال فين فهد؟!
نجلاء: نايم في اوضته.
آسر: طيب و نيران؟!
نجلاء: في اوضتها عزة طلعت تصحيها...
آسر: طيب.
في اوضة صقر و طيف.
طيف فتحت عينيها بتعب لقت صقر قاعد جمبها بيشتغل علي اللاب.
طيف(بنوم): صباح الخير.
صقر: صباح النور...
طيف(بنوم): احنا فين؟!
صقر: قومي و انتي تعرفي.

صقر شرب من القهوة بتاعته و طيف قامت قعدت جمبه علي السرير...
طيف: هات اشرب.
صقر: ممنوع.
طيف: ليه؟!
صقر: لما تنزلي البطيخة اللي في بطنك دي ابقي اشربي.
طيف: علفكرة بقي انا معنديش بطن خالص يعني هو شكل مؤقت اللي انا فيه و.
صقر: القميص حلو عليكي. ابقي فكريني اشتريلك زيه كتير.
طيف: يا رزل.
صقر: طب ممكن اخد منك قميصي و لا لا؟!
طيف: لا. انا عايزة هدوم الاول.
صقر: في الدولاب. هنزل انا اسبقك.
طيف: طيب...

صقر مشي و طيف اتعدلت بسرعة و مسكت اللاب بتاعه و بدأت تشغله بس لقته مقفول بدأت تفتحه بطريقتها هي.
صقر(ببرود): مش عيب تفتشي في حاجة غيرك.
طيف(بتوتر): انت و انا واحد يا حبيبي و كمان انا مش بفتش ده انا كنت بشوفه بس.
صقر قرب من طيف و مسك اللاب توب بتاعه و خده و مشي,طيف ضربت نفسها بالقلم.
طيف: يا غبية...
طيف قامت و خدت هدوم ليها من الدولاب و دخلت الحمام خدت دوش و خرجت تغير هدومها.

طيف لبست فستان قصير لغاية الركبة ب ¾ كم و كان واسع و كان ظاهر بطنها كان باللون الابيض لبست فوقه كوتشي اسود عالي نوعا ما و رفعت شعرها علي شكل كحكة.
طيف خرجت من اوضتها كانت نيران خارجة من اوضتها.
نيران: طيف.
طيف: حبيبتي.
نيران(بصدمة): اوعي تقولي انك؟!
طيف: ايوه بالظبط.
نيران نطت علي طيف و حضنتها.
نيران(بفرحة): اخيرا حد هيقولي عمتو.
طيف: هي دي كانت اقصي طموحاتك.

نيران: بس انتي في الشهر الكام و خبيتي عننا ليه ده كله؟!
طيف(بهمس): اصل اخوكي بعيد عنه كان متخانق معايا و انا بعيد عنك كنت متخانقة معاه فمحدش اتكلم خالص.
نيران: اه علشان كدة.
طيف: فهمتي حاجة؟!
نيران: و لا اي حاجة.
طيف: قدامي يا بت...
نيران و طيف ضحكوا و نزلوا ل تحت كان الكل متجمع.
محمد: ايه ده؟! هي مراتك تخنت؟!
صقر لا رد.
آسر: احم لا طيف حامل. هيجيلك حفيد يا حاج.

نجلاء وقع منها الطبق اللي كانت ماسكاه و جريت علي طيف.
نجلاء: بجد يا حبيبتي؟!
طيف: اه يا طنط.
نجلاء: يا الف مبروك يا هنا و يا سرور.
نجلاء حضنت طيف و قعدت تبوسها في كل حتة في وشها.
طيف(باحراج): يا طنط خلاص يا حبيبتي شكرا.
محمد: مبروك...
طيف: الله يبارك في حضرتك.
صقر مد ايده ل طيف و طيف راحت ناحيته و قعدت جمبه.
طيف(بهمس): هو انا حامل دي عمرها ما اتقالت هنا ده و لا كأنهم شافوا حد حامل قبل كدة.

صقر(بهمس): تؤ تؤ ده علشان انتي حامل في ابن صقر الجارحي.
طيف(بهمس): يا واد يا واثق.
ماهر: الف مبروك.
طيف: الله يبارك فيك.
صقر: بس هو مش النهاردة اجازة؟!
نيران: ايوه.
صقر: جاي شغل يا ماهر؟!
ماهر: احم لا الصراحة جاي اتجوز.
الكل بصله باستغراب الا نيران اللي اتصدمت و آسر اللي ضحك.
محمد: تتجوز ايه يا ابني؟!
ماهر: هتجوز ايه يعني يا محمد بيه اكيد بنت.
طيف(بضحك): لا حلوة.
صقر: ايوه وضح اكتر يا ماهر.

ماهر: معرفش اقول الكلام اللي بيقولوه في المواقف اللي زي دي، انا كل اللي عايز اقوله اني شوفت نيران و حسيتها زوجة ليا و حبيت اتقدم ليها بالاصول.
آسر و صقر و محمد التلاتة بصوا ل بعض.
محمد: مش موافق.
ماهر: ليه يا محمد بيه؟!
نيران بصتلهم و جريت علي اوضتها بسرعة.
محمد: كل شئ قسمة و نصيب يا ماهر. تعالي يا نجلاء.
آسر: ماهر استني بس يا ماهر. انا عارف انك بتحبها استني.
نجلاء: ايه اللي عملته ده؟!

محمد: ده ميفهمش حاجة في الجواز و بيقول شوفتها مناسبة يعني لو اي واحدة غيرها مناسبة كان هيختارها.
طيف: انت رأيك ايه؟!
صقر: مش برتاح ليه اصلا و احسن انه اترفض.
طيف(بحدة): انتوا حتى اديتوه فرصة؟!
طيف سابت صقر و طلعت لاوضة نيران دخلت لقتها منهارة في العياط جريت عليها حضنتها.
طيف: اهدي اهدي يا حبيبتي هو لو بيحبك هيجرب مرة و اتنين و تلاتة.
نيران(بعياط): ماهر مش كدة يا طيف.
طيف: قصدك ايه؟!

نيران(بعياط): مبيعرفش يعبر عن حبه مبيعرفش يكرر الحاجة مرتين مش هيقدر بعد ما اترفض يقعد في الشركة او حتى انه يجرب تاني هيعزل نفسه. انا بحبه اوي يا طيف بحبه اوي.
طيف: اهدي يا نيران ده قرار متسرع ممكن عمو يرجع في كلامه.
نيران(بعياط): لا بابا عمره ما رجع في قراره.
طيف: اهدي يا حبيبتي.
طيف: طب تعالي.
طيف دورت علي صقر لغاية ما لقته واقف في الجنينة بيتكلم في التليفون.
طيف(بعصبية): انت.

صقر بصلها بحدة و كمل كلام في التليفون.
صقر: تمام باي.
طيف: تعالي هنا انا بتكلم معاك.
صقر: اتكلمي باحترام و هدوء ساعتها هرد عليكي.
طيف: طيب لما نشوف اخرتها، آسر قال انه بيحبها و نيران بتحبه انت بقي رفضت ليه و ماله لما يحبوا بعض هو لو كان عايز يلعب بيها مكنش دخل البيت من بابه.
صقر: هو انا ابوها...
طيف: هي مش دي نور عينك اللي متقدرش تستغني عنها؟!
صقر(برفعة حاجب): طيف عايزة ايه؟!

طيف قربت من صقر و حطت ايديها علي صدره و قربت منه...
طيف(بدلع): صقر علشان خاطري حاول تتكلم مع عمو.
صقر: اا.
صقر: لا مليش دعوة ابعدي عني يا دلوعة انتي.
طيف(بدلع): و فيها ايه لما اتدلع علي جوزي حبيبي احلي حاجة في حياتي ابو ابني، صقر لو ليا غلاوة عندك بليز...
صقر(بضعف): طيف اكيد ليه وجهة نظر هبقي اروح اتكلم معاه.
نجلاء(بهمس): انتوا بتعملوا ايه هنا؟!

نيران(بضحك و عياط): بنشوف تأثير طيف علي صقر و هتخليه يكلم بابا هو بيعرف يقنع اللي قدامه.
آسر(بضحك): فعلا خلي بالك من بنات حواء.
صقر: هبقي بقي يا طيف خلاص.
طيف(بدلع): لا دلوقتي و لا عايزني ازعل منك.
صقر(برفعة حاجب): من امتي يا بت و انتي كدة اتعدلي و اقفي ثابتة.
طيف(بدلع): مالي يا حبيبي في ايه؟! يلا بقي يلا.
طيف باست صقر علي خده و مشت ايديها علي صدره.
صقر: وسعي من وشي ده انتي هتجيبيلي جلطة.

صقر بعد عن طيف و دخل القصر علطول علي اوضة مكتب محمد.
آسر: يا بنت اللعيبة.
طيف: دي قدرات.
نيران(بدموع): تفتكروا هيقنعه؟!
طيف: انا واثقة في صقر.
نجلاء: انتوا كشفتوا؟!
طيف: اه هيشرفنا قرد صغنن كمان شهرين كدة.
نجلاء: يتربي في عزكم يا حبيبتي.
آسر: يلا نسمع هيقولوا ايه؟!
عند صقر و محمد.
محمد: مالك كأنك بتهرب من حاجة؟!
صقر(ببرود): لا عادي انا جاي اتكلم معاك.
محمد: ادخل.
صقر قعد قدام محمد علي مكتبه.

صقر: نظرا اني اخو نيران فأكيد ليا الحق اعرف ليه انت رفضت ماهر.
محمد: مش بثق فيه ثقة عمياء.
صقر: مش لازم نيران بتحبه و هو بيحبها و اكيد هيبان في فترة الخطوبة.
محمد: انت رأيك ايه؟!
صقر: نوديله فرصة.
محمد: تمام و انا معاك.
محمد: بما اننا بنتكلم. في موضوع عايز اتكلم معاك فيه...
صقر: مع انه مليش كلام معاك بس قول.
محمد: صقر مش كفاية 10 سنين...
صقر(ببرود): و المطلوب ايه؟
محمد: صقر مهما حصل انا ابوك و انت ابني.

صقر: و الست اللي بره امي اللي كانت بتعيط كل يوم في اوضتها و انت بعيد عنها اللي لما كنت بسألها بتعيطي تقولي لا و تكدب الف كدبة علشان تبرر.
صقر: خلتني انا الابن الغير شرعي و العائلة كلها عرفت كدة و مع ذلك سكت مش علشانك لا علشان خاطر اخويا اللي للاسف انت ابوه.
صقر: انت عارف كام مرة كنت بتعذب و انت بتهتم بيه هو و نيران و بس و سايبني زي الكلب مستني كلمة منك او اشارة.

صقر: انت عايز ايه؟! كفاية بس لما خيرت امي بيني و بينك رغم كل اللي انت بتعمله فيها و هي مختاراك...
صقر: رغم ان مؤمن الكلب اخوك وقع بينك و بينها و انت زي الاهبل صدقته. و هي برضو زي الهبلة رجعتلك.
صقر: انت هتقدر تنسيني ده كله. ده حتى و انا كبير عيلتك مسابتنيش في حالي، ابن اخوك و اخوك عايزين يقتلوني انا و مراتي و ابني و بيلعب من تحت الترابيزة انت بتقول ايه بس اسكت اسكت.

صقر قام و خرج بره المكتب الاربعة شهقوا من الصدمة و رجعوا ل ورا,صقر مشي بره القصر و طيف قعدت تنادي عليه و اتكعبلت و وقعت في الارض صقر قبل ما يركب عربيته لمحها.
صقر جري علي طيف و نزل ل مستواها.
صقر: انتي كويسة؟!
طيف(بدموع): اه.
صقر: حاسة بايه؟!
طيف(بدموع): مفيش.
صقر شال طيف بين ايديه و طيف حاوطت رقبته بأيديها و دخل القصر طلع لاوضته.
نيران: صقر حب اوي.

محمد: فعلا وصل لاقصي درجات الحب. و ان الواحد يشوف حبيبه بيتألم حاجة صعبة.
نجلاء بصت ل محمد و محمد سابهم و مشي.
آسر(بهمس): شكلهم بيحبوا بعض اوي.
نيران(بهمس): اوي. طب و ماهر؟!
آسر: هتموتي عليه يا بت...
عند صقر و طيف.
صقر: بتعيطي ليه؟!
طيف(بدموع): علشان عايزة اعيط.
صقر: طفطف.
طيف(بضحك و هي بتعيط): مين قالك الاسم ده؟!
صقر: مش لازم حد يقولي.
صقر حط ايده علي خد طيف و باس رأسها.
صقر: حبيبة قلبي متزعليش بقي.

طيف: انت زعلان؟!
صقر: لا بس حاليا زعلان لانك زعلانة.
طيف: و انا زعلانة لانك زعلان.
صقر: ايه ده ممكن تكوني بتحبيني؟!
طيف: اه بحبك.
صقر: ده انتي واقعة بقي؟!
طيف حضنت صقر و ضحكت و باسته علي خده.
طيف: انت حبيبي انا و بس.
صقر: لا بتكسف.
طيف ضحكت علي صقر و صقر خدها في حضنه و فرد جسمه علي السرير...
طيف: صقر انا عايزاك تنسي اللي فات و تخليك في اللي جاي انسي و سامح يا حبيبي عايزين نبقي كلنا ايد واحدة.

صقر: من امتي الكلام الكببر ده يا بت هخاف منك.
طيف: احبك احبك احبك احبك.
طيف باست صقر علي خده جامد و حضنته...

-في مكان تاني...
عند رزق.
الباب خبط.
رزق راح فتح الباب لقي همام و مني.
رزق(بفرحة و صدمة): بابا.
رزق حضن همام جامد و حضن مامته...
رزق: ادخلوا ادخلوا.
همام و مني دخلوا و رزق كان مبسوط و مش مصدق.
رزق: بص يا مصطفي مش قولتلك هيرجعوا.
همام: حبيبي انت اخبارك ايه؟!
رزق: انا بخير يا بابا هو حصل ايه؟!
مني: البركة في صقر بيه ربنا يخليه لينا يا رب.

همام: كنا بنشتغل و انت عارف شغل اللي مبيرحمش ده,فجأة لقينا بوليس دخل و مسكوا كل رجالة اللي مبيرحمش ده.
مني: و بعدها صقر بيه جه و خدنا كلنا و سكن الكل في عمارة و سلم كل واحد شقة بعقد مِلك ليه و جبنا هنا.
همام: غير كمان انه خلي المقتدرين يشتغلوا و خلي للباقي راتب شهري.
مني: ربنا يجعله في كل خطوة سلامة...
رزق قام حضن همام و مني و قعد يعيط.
رزق(بدموع): كنتوا واحشني اوي.

همام: ربنا رؤوف دايما بعباده، الحمدلله.

-بعد تلت اسابيع...
نيران كانت حابسة نفسها في اوضتها طول الاسبوعين دول,آسر بيعامل ليلي بجفاء لسبب مجهول نوعا ما.
نجلاء مش بتتكلم مع محمد الفترة دي...
رامي و رفيف كانوا عايشين حياتهم و مبسوطين اوي من غير اي مشاكل.
صقر و طيف بيتكلموا مع بعض دايما و سااعات بيتخانقوا.
نجلاء: نيرو انتي يا بت.
نيران: ايه يا طنط؟!
نجلاء: ايه طنط دي يا بت انتي؟! نوجة.
نيران: ايوه فتحتي الستاير ليه؟!
نجلاء: خطوبتك النهاردة...

نيران قامت اتفزعت علي السرير و بصت ل نجلاء.
نيران: خطوبة مين؟! ايه الجنان ده؟! و هتخطب لمين حد من الزبالة طبعا...
صقر(بهدوء): لو انتي شايفة ماهر زبالة يبقي براحتك.
نيران(بصدمة): ماهر.
صقر: غيرتي رأيك؟!
نيران: لا لا لا مغيرتش انا موافقة.
آسر(بضحك): مش قولتلك واقعة.
طيف(بحماس): احشروني معاكوا.
صقر(برفعة حاجب): انتي بتزيطي في الزيطة؟!
طيف: ملكش دعوة يا رخم. و كمان انتوا سديتوا الباب كدة ليه؟!
طيف: المكان ضيق.

صقر: ممكن علشان انتي تخينة مثلا ممكن يعني.
طيف: متقولش تخينة دي تاني...
صقر: اقول اللي انا عايزه براحتي.
طيف: وسع كدة...
آير: عدي يا طيف.
طيف: و الله انك مهلبية يا جشطة(قشطة) انت.
صقر زق طيف بخفة علي نيران اللي كانت بتضحك هي و نجلاء...
صقر: يلا يا آسر ورانا شغل.
آسر: يلا.
-ليلي جت و كانت مبسوطة و البنات قعدت ترقص و تهيص مع نجلاء.
طيف: يلا يا بنات يلا، اتدحرج و اجري يا رمان.

طيف: و تعالي علي حجري يا رمان ده انا حجري حنين يا رمان يأخدك و يميل يا رمان يا رمانة تسعة تعاليلي الساعة تسعة يا رمانة اتنين تعاليلي الساعة اتنين.
طيف: و ادي الزين و ادي الزينة و قالوا الجنة هي جنينة.
طيف: هيصوا يا بنات.
البنات قعدوا يضحكوا علي تصرفات طيف المضحكة.
طيف(بتعب): لا تعبت كفاية كدة.
نجلاء: ريحي نفسك صقر لو عرف هينفخنا كلنا.
طيف(بتعب): هو هينفخكوا انتوا بس...
طيف: عقبال فرحكم كلكم يا بنانيت.

نيران: هو كان فرح.
طيف: يا ستي خديني علي قد عقلي.
نجلاء: هخرج اشوف ناقص ايه بره.
نجلاء خرجت من اوضة نيران و كانت ماشية لقت اللي بيشدها.
نجلاء(بخضة): محمد. في ايه؟!
محمد: اهدي بتنهجي ليه؟! كبرتي و عجزتي و لا ايه يا بيضة؟!
نجلاء: عايز ايه؟!
محمد: بفكر.
نجلاء: اه و انا هجبلك الالهام مثلا وسع كدة.

محمد: بحبك يا نجلاء و عايزك ترجعي ليا بقلبك و عقلك و روحك. نجلاء انا مش عارف اعيش طبيعي انا كنت بنشغل في الشغل علشان مفكرش فيكي بس انتي برضو كنتي شاغلة تفكيري في كل الاوقات.
محمد: نجلاء انتي كنتي و مازلتي و هتفضلي روحي اللي انا عايش بيها.
محمد قرب من نجلاء باس رأسها و سابها و مشي.
بعد فترة...
كان الكل بيلبس هدومه و مبسوط.

ليلي لبست فستان احمر بكم واسع و مفتوح من الضهر و واصل لغاية بعد الركبة بشوية و واسع. لبست صندل بكعب ابيض و سيبت شعرها علي ضهرها.
نيران: راحة فين؟!
ليلي: لحظة يا نيران.
ليلي راحت لاوضة آسر سمعت صوته من اوضة الملابس فتحت الباب عليه.
آسر(بخضة): ليلي!
ليلي: ايوه ليلي عندك مانع؟!
آسر: طب اطلعي ايه الجراءة دي.
ليلي قربت من آسر ضربته علي كتفه بعصبية.
ليلي: انت ايه بقي شوية بتحبني و شوية لا.

آسر: انا قولتلك بحبك؟!
ليلي: افعالك بتدل علي كدة و كمان باين اوي في عيونك انك بتحبني.
ليلي: و انا بحبك ايوه بحبك متبصليش كدة انت معندكش دم اصلا كل يوم اصبري هيتكلم يا ليلي هيتكلم اهدي لكن البعيد حمار مبيفهمش.
ليلي سابت آسر و مشيت و آسر قاعد علي الكرسي و حط رأسه بين ايديه...
عند نيران.

نيران لبست فستان باللون الازرق الهادئ قصير من قدام و طويل من ورا ب ¾ كم و لبست صندل بكعب باللون الابيض و رفعت شعرها علي شكل كحكة و شعرها كان مشدود لورا و حطت مكياج بسيط.
نجلاء: ربنا يحميكي يا حبيبتي.
نيران: شكرا يا نوجة بحبك اوي بس ازاي بابا وافق؟!
نجلاء(بضحك): قولي ازاي ماهر وافق ده آسر قعد يتكلم معاه كتير.
نيران: هو مكنش موافق؟!
نجلاء: لا كان مضايق من تصرف ابوكي.

محمد دخل واقف قدام نيران و نيران حضنته جامد.
نيران: شكرا يا بابا.
محمد: حبيبتي اهم حاجة سعادتك.
عند صقر و طيف.
صقر: مشترتيش فستان جديد ليه؟!
طيف: و ليه يعني اشتري و انا عندي كتير متلبسوش هو فلوس و خلاص.
صقر: هو انتي هتدفعي حاجة؟!
طيف: و هو انت مش جوزي و لازم احافظ علي فلوسك.
صقر: طيب.
الباب اتفتح و فهد دخل جري علي طيف.
طيف: حبيبي.
فهد: وحشتيني.
صقر(بغيظ): اومال مين اللي بصحي الاقيه نايم جمبي امي...

فهد(باحراج): انت مش طايقني؟!
صقر: لا حاشا لله.
طيف: و ماله يا صقر ما هو ابننا صح يا حبيب قلبي انت؟!
فهد: بحبك اوي يا طيف.
طيف: بعشقك يا قلب طيف.
صقر: و بالنسبة ليا؟!
طيف: انت روح قلب طيف.
صقر: ثبتيني ثبتيني.
فهد: بوسيني يا طيف و اعدلي الجرافتة.
فهد وقف علي السرير و صقر وقع ربع ايده و طيف واقفة في نصهم.
طيف: انا راحة انام.
طيف: بص يا حبيبي الجرافتة مش لايقة علي البدلة بتاعتك.

طيف قلعت فهد الجرافته و فتحت ليه زرار من قميصه و باسته علي خده.
طيف: بس كدة حلو يا حبيبي انزل يلا.
فهد: احبك.
فهد جري علي تحت,طيف راحت ناحية صقر.
طيف: حبيبي اللي بحبه اوي.
طيف قربت من صقر و (لخيالكوا).
طيف: يلا ننزل يا حبيبي.
صقر: المفروض كدة اضعف يعني؟!
طيف: و الله المفروض.
صقر باس خد طيف و همس في ودنها.
صقر: بطلي انحراف شوية يا زوجتي العزيزة...
طيف: تصدق اني حيوانة اني عبرتك، بره.

طيف زقت صقر بره الاوضة و صقر ضحك عليها.
طيف دخلت لبست فستانها و ظبطت الميكب بتاعها.
طيف لبست فستان ب ¾ كم باللون الزيتي و تحته قميص باللون الاسود باين منه اطرافه و كان الفستان واسع و واصل لغاية الركبة و لبست صندل ابيض بكعب بسيط عملت شعرها ديل حصان,حطت روچ نبيتي و كحل حدد عينيها,كانت بطنها بارزة من الفستان.
طيف نزلت من اوضتها لقت الكل تحت متجمع.
صقر: اتصل بيه يا آسر.
آسر: طيب.

نجلاء: تعالي يا حبيبتي اقعدي.
طيف: شكرا يا نوجة.
قاسم: مساء الخير.
ليلي: قاسم.
ليلي راحت ل قاسم حضنته و حضنت وعد.
قاسم: نيرو مبروك.
نيران: الله يبارك فيك.
ليلي: وعد خطيبته.
نيران: تشرفت.
وعد: انا اكتر.
طيف كانت بتتنفس بصعوبة و قامت بسرعة بعيد عنهم صقر لمحها راح وراها بسرعة.
صقر: مالك يا حبيبتي؟!
طيف: تعبانة يا صقر شوية.
صقر: طب نروح للدكتورة!
طيف: لا لا انا هبقي بخير.

طيف بدأت تأخد شهيق و زفير لغاية ما هديت و خرجت مع صقر.
صقر: اول ما تحسي بتعب قوليلي.
طيف: حاضر.
صقر و طيف خرجوا و ماهر جه و بدأت الحفلة تشتغل.
غادة(الخدامة): نجلاء هانم نوزع العشاء.
نجلاء: لا مش دلوقتي بعد رقصة ال slow.
غادة: ايه رقصة السبو ده.
نجلاء: slow يا غادة يا حبيبتي.
غادة: ماشي.
كان في معازيم في الحفلة و الكل كان مبسوط.
نيران(بفرحة): انا مبسوطة اوي يا ماهر.
ماهر: دايما.
نيران(بفرحة): بحبك.

ماهر: مش انتي بتحبيني؟!
نيران: اه.
ماهر: ايه رأيك نكتب الكتاب اتفقت مع صقر و آسر لو وافقتي هنكتب.
نيران: كتب كتاب بس؟!
ماهر: ايوه.
نيران: موافقة.
ماهر: هبلة و بتوافقي علي اي حاجة.
نيران: بحبك و انت موقع قلبي كدة.
ماهر ضحك علي نيران و شاور لآسر و المأذون جه و بدأوا يكتبوا الكتاب تحت اندهاش المعازيم.
المأذون: بارك الله لكما و بارك عليكما و جمع بينكما في خير...
غادة زغرطت و الكل بصلها.
غادة: احم اسفة.

طيف حضنت نيران و صقر حضن نيران و باس رأسها و آسر حضن ماهر و بداوا يهنوا بعض.
ليلي: شيلها في عينك يا مستر ماهر دي غالية.
ماهر: اكيد...
نيران(بصدمة): ماهر بيه انت بتتكلم زيينا.
ماهر(بضيق): يا او?ر.
نيران ضحكت و المعازيم بدأت تقل كل شوية,حصلت مشكلة صقر راح حلها.
صقر: ماما فين طيف؟!
نجلاء: معرفش يا ابني.
ليلي: بما انه متبقاش غيرنا تعالوا نلعب لعبة الصراحة.

قاسم: اكيد عايز يقعد مع مراته يا ليلي انتي حشرية ليه...
ليلي: ملكش دعوة خليك في وعد.
وعد: انا برئية.
صقر(بحدة): ممكن تسكتوا لحد ما اشوف طيف فين؟!
صقر بدأ يتصل ب طيف كذا مرة,فهد قعد قلقان في حضن نجلاء.
آسر: هي طيف مختفية؟!
صقر(بقلق): ردي يا طيف.
محمد: اهدي يا صقر و فكر بهدوء ممكن تكون راحت فين.
ماهر: اخر مرة شوفتها كانت فين؟!
صقر: كانت علي الترابيزة دي.
فجأة في ماسدچ من رقم مجهول جت ل صقر.

الماسدچ كانت عبارة عن صورة طيف و هي مربوطة و مرمية في الارض.

الفصل التالي
جميع الفصول
روايات الكاتب
روايات مشابهة