رواية أسيرة لحصون قلبه للكاتبة سلسبيل كوبك الفصل الثالث والأربعون
فجأة في ماسدچ من رقم مجهول جت ل صقر.
الماسدچ كانت عبارة عن صورة طيف و هي مربوطة و مرمية في الارض...
صقر رمي التليفون بكل غضب و قعد علي الكرسي يهز رجله بعصبية شديدة.
آسر: صقر في ايه؟!
صقر(بدموع): خدها مني يا آسر.
آسر: هترجع و غلاوتها عندك هترجع.
مهران: صقر انا و الرجالة. جاهزين و منتظرين اشارة منك.
معتصم: و انا معاكوا.
ماهر: كلنا هنا و هنرجعها.
قاسم: و انا كمان موجود.
آسر(بهمس): كلنا موجودين يا صقر و هنرجعها وعد مني، خليك قوي يا صقر علشان هي تبقي قوية و علشان نعرف نرجعها.
نيران حضنت نجلاء و كانت زعلانة اوي, فهد بدأت عيونه تدمع.
ليلي و وعد قعدوا جمب بعض منتظرين هيحصل ايه...
صقر مسح علي وشه و خد نفس عميق.
صقر: اهم حاجة دلوقتي نراقب تحركات حسام...
معتصم: هو مش انت عملت سلسلة ل طيف فيها جهاز تتبع؟!
صقر: السلسلة ضاعت من طيف من يومين و انا كنت لسة بعملها واحدة تانية...
آسر: هنلاقيها.
صقر: لازم حد يراقب بيت حسام و حد يكون مع حسام خطوة بخطوة.
ماهر: صقر ممكن اتكلم معاك علي انفراد حاجة ليها خصوص بالموضوع ده.
صقر: طيب.
صقر و ماهر دخلوا القصر و دخلوا اوضة المكتب.
صقر: قول يا ماهر.
ماهر: انا كنت مشترك مع حسام كنا متفقين نخسر شركة آسر و محمد بيه.
ماهر: بس و الله العظيم من ساعة ما شوفت نيران و انا بعدت عنه و حاول كتير يجرني ليه تاني و انا مرضتيش و كانت اخرها الرصاصة اللي اخدتها و لما سجن آسر.
صقر: انا كنت عارف انك مشترك معاه يا ماهر بس لما لاحظت تغيرك عرفت انك بعدت.
ماهر: عندي خطة ارجع اشتغل معاه تاني و ده هيخليني ممكن اعرف فين مكان طيف.
صقر(بلهفة): بجد يا ماهر؟!
ماهر: ايوه انتوا الناس اللي حسيت انها عائلتي و مشوفتش حاجة وحشة من حد.
صقر: طيب يا ماهر انت هتروح ليه و تكلمه بس بعد الموضوع ده بيومين.
ماهر: طيب.
صقر: مش هقول لحد يا ماهر خليك بنفس الصورة قدامهم لانك في كل الحالات في الاخر اتعدلت.
ماهر: شكرا.
صقر و ماهر خرجوا و فهد جري علي صقر.
فهد(بعياط): هي طيف هترجع صح؟!
صقر: اكيد يا حبيبي متخافش.
صقر حضن فهد جامد و باس رأسه.
آسر: ايه الخطوة اللي هنعملها دلوقتي؟!
صقر: اول خطوة هتبقي مهمة ماهر.
صقر: قاسم خد ليلي و وعد و روحوا و لما يبقي في جديد هكلمك.
قاسم: انا في الخدمة دايما، يلا يا ليلي يلا يا وعد.
ليلي حضنت نيران جامد و سلمت علي نجلاء و بصت ل آسر قبل ما تمشي,قاسم و ليلي و وعد مشيوا...
صقر: مفيش داعي لوجودكم انتوا اطلعوا ناموا.
نجلاء: طب يا حبيبي هدئ نفسك طيف هترجع سليمة ان شاء الله. رحمة ربنا كبيرة.
نجلاء خدت فهد و نيران و طلعت نيمت فهد في سرير و نيران راحت اوضتها...
محمد: عايزين مساعدة مني؟!
صقر: مؤمن اخوك.
محمد: ماله؟!
صقر: تجيبه لغاية هنا و ساعتها انا هتصرف معاه.
محمد: بس ده راجل كبير و ملهوش ذنب...
صقر: بس ليه علاقة بالموضوع مش هو اللي خلف حسام يتحمل. لو مش عايز تساعدنا براحتك كدة كدة هعمل اللي انا عايزه.
محمد: ربنا يهديك يا صقر حاضر هعمل كدة.
معتصم: وظيفتنا احنا ايه؟!
صقر: رجالتك يا مهران تكون ورا حسام زي ضله بس طبعا بذكاء مش هعرفك شغلك.
مهران: تمام.
صقر: آسر انت هتنزل الشغل عادي.
آسر: حاضر.
صقر: حد يعرفلي مكان سارة ال دي فين؟!
معتصم: اعتبره حصل.
صقر: كل واحد يروح بيته.
الكل مشي من القصر الا صقر و آسر قعدوا جمب بعض,صقر بدأ يعيط و آسر خده في حضنه.
صقر(بعياط): روحي بتتحرق يا آسر مش قادر بُعدها بيقتلني, مجرد فكرة انه ممكن يحصلها حاجة بتقتلني يا آسر وحشتني اوي خايف عليها مشتاق ليها انا تايه يا آسر حاسس اني لوحدي و محدش معايا...
آسر: هي هترجع متخافش هترجع وعد.
-في مكان تاني...
في بيت حسام.
سارة: انا مبسوطة بيك يا حسام قدرت تحقق اللي محدش اتجرأ و عمله...
حسام(بسخرية): هو انا غبي زيك يا سارة.
سارة(بغل): بعد ما ضرب عليا النار الحقير الواطي.
حسام: احمدي ربك اني جيتلك.
سارة: هتعمل معاها ايه؟!
حسام(بخبث): اللي ميتوقعهوش صقر رغم ذكاءه.
سارة: ايه؟!
حسام: هتعرفي قريب...
حسام: دي هتبقي الضربة القاضية اللي هحرق بيها قلب صقر و ساعتها هسافر بره البلد.
سارة: و انا.
حسام: طبعا يا قلبي معايا.
عند طيف.
طيف كانت مرمية في مكان ضلمة و مربوطة و مغمي عليها, بدأت تفتح عينيها ببطء شديد.
طيف(بتعب): آه ايه اللي حصل؟!
طيف فتحت عينيها و افتكرت اللط حصل قامت مفزوعة.
طيف(بصريخ بسيط): آه.
طيف بصت حواليها مشافتش اي حاجة كانت الدنيا ضلمة خالص قعدت تعيط.
طيف(بصوت عالي): ياللي هنا.
طيف سمعت صوت كلب جمبها قعدت تصرخ.
طيف(بعياط): صقر.
طيف قعدت ترجع لورا بخوف و كانت ايديها مربوطة...
طيف(بعياط): منك لله يا اللي جبتني لهنا.
طيف(بعياط): ايه اللي خلاني اسمع كلام اللي نادتني دي ربنا يأخدك يا رب.
طيف(بعياط): يا رب بقي انا خايفة.
طيف(بوجع): آآه.
كان البيبي بيضرب طيف و هو في بطنها و طيف قعدت تعيط من الوجع.
طيف سندت رأسها علي الحيطة اللي وراها بتعب و قعدت تعيط طول الليل و كانت حاسة بوجع شديد.
-في مكان تاني...
عند رفيف و رامي.
رفيف(بعصبية): ايوه يعني اعملك ايه؟!
رامي: و لا اي حاجة تقعدي و تهدي.
رفيف(بعصبية): دي كانت ناقص تبوسك.
رامي: رفيف مامتها تبقي صاحبة ماما اصلا فجت تبارك و جابتها معاها.
رفيف(بعصبية): دي معندهاش دم.
رامي: رفيف هنشوفها مية مرة يعني و كمان هي جت و اعتذرت علي اللي عملته.
رفيف(بعصبية): عملت كدة علشان تجر ناعم معاك.
رامي: ما انا قولتلك ممكن اطردها يا رفيف قولتيلي لا يا حبيبي خليها.
رفيف(بعصبية): انت عايز ايه بقي؟!
رامي(بزعيق): هو انا اللي عايز؟! ينعل ابو نور علي اللي خلفوها يا رفيف خلاص كدة مرتاحة.
رامي ساب رفيف و راح للبلكونة قعد فيها.
رفيف(لنفسها): اوف يا غبية قولنا نقاش هادئ.
رفيف(لنفسها): يا رب ما توعي يا زفتة ياللي اسمك نور كنت قدمت فيكي بلاغ.
رفيف راحت ناحية رامي و هي باصة في الارض.
رفيف: رامي.
رامي: مش عايز اتكلم.
رفيف: بغير عليك الله.
رفيف: رامي. طب هعملك رز بلبن زي ما بتحب.
رفيف: طب هطلب البيتزا اللي بتحبها.
رفيف: طب هجيب فيلم بلبل حيران ما اني مش بحبه.
رفيف: طب طب اعملك ايه طب؟! يا رامي.
رفيف(بدموع): رامي انت بتكرهني؟!
رامي: ايوه المفروض اضعف انا دلوقتي؟!
رفيف قعدت تعيط و تشهق و رامي قام وقف و خدها في حضنه.
رامي: آسف.
رفيف(بعياط): انا اللي آسفة.
رامي: طب بحبك.
رفيف(بعياط): و انا كمان...
رامي: يا جمالك و انتي مطيعة كدة.
رامي: يا هبلة عمري ما هكرهك و عمري ما هبص للجواري و انا معايا السلطانة...
رفيف(بضحك و عياط): علي اساس انت السلطان يعني.
رامي: و الله؟! طب تعالي بقي.
رفيف بعدت عن رامي بسرعة و جريت و هي بتضحك و رامي وراها لغاية ما مسكها و وقعوا علي الكنبة.
رامي: بقي انا مش السلطان و ربي لانفخك.
رفيف(بضحك): استني بس اسمعني استني.
رامي: ايه؟!
رفيف: انت سلطان قلبي انا.
رامي: احم طب ما تقولي من بدري.
رفيف(بضحك): اتثبت يعني.
رامي: تمام يا كبير...
-في الصباح الباكر...
في القصر.
الكل كان قاعد علي السفرة بيأكل في صمت الا صقر.
محمد: صقر فين؟!
نيران: منامش من امبارح يا بابا و قاعد في اوضته.
نجلاء: انا هطلع ليه.
آسر: خليكي هنا.
محمد: روح علي شغلك يا آسر.
محمد سابهم و طلع لاوضة صقر دخل لقاه واقف بيبص للسماء,محمد قرب من صقر و حط ايده علي كتفه.
محمد: صقر فوق فوق يا صقر انت في دوامة هتخرج منها بأي طريقة و من غير ما تخسرها.
محمد اتفاجئ لما صقر حضن محمد و قعد يعيط.
صقر(بخنقة): وحشتني اوي.
محمد: اهدئ يا صقر و غلاوتك عندي هترجع.
محمد و صقر قعدوا علي السرير و صقر في حضن محمد و هو بيعيط,صقر بعد فترة بسيطة نام في حضن محمد و محمد حط رأسه علي المخدة و رفع رجله من علي الارض و باس رأسه و خرح بره اوضته.
محمد: بتعملي ايه؟!
نجلاء: هدخله الاكل.
محمد: لا هو نام سيبي الاكل لما يصحي.
نجلاء: تمام. ربنا يرجعها هي و اللي في بطنها بسلامة يا رب.
محمد: آمين، هروح الشغل لو في جديد اتصلي بيا.
نجلاء: حاضر.
محمد باس رأس نجلاء و ركب عربيته و مشي علي الشغل.
-في مكان تاني...
عند ماهر.
ماهر صحي من نومه و قام غير هدومه و خرج اتصل ب نيران...
الخط اتفتح.
ماهر: صباح الخير.
نيران: صباح النور عامل ايه؟!
ماهر: بخير و انتي!؟!
نيران: الحمدلله.
ماهر: هتروحي الشغل؟!
نيران: لا لغاية ما طيف ترجع.
ماهر: طيب لو في اي حاجة اتصلي بيا فورا.
نيران: حاضر...
ماهر: خلي بالك من نفسك...
نيران: و انت كمان.
ماهر: طيب هكلمك تاني.
نيران: ماشي.
ماهر: باي.
نيران: باي.
ماهر نزل من بيته ركب عربيته و راح ل بيت حسام.
حسام: ماهر بيه وصل اخيرا.
ماهر: حسام.
حسام: اتفضل.
ماهر: عرفت ان مصلحتي معاك انا موافق ارجع اشتغل تاني معاك.
حسام: كنت عارف يا باشا انك هتقول كدة.
ماهر: ايوه هتديني فرصة تاني؟!
حسام: بس لما اثق فيك الاول.
ماهر: موافق.
حسام: اتجوزتها ليه؟!
ماهر: تسلية و كمان علشان اعرف اخد منها فلوس بشكل اكبر بعد ما هأخد ثقتهم.
حسام: برا?و عليك حلو...
حسام: طبعا عرفت موضوع الخطف.
ماهر(بسخرية): طبعا نيران اتصلت بيا تقولي.
حسام: صقر اخباره ايه؟!
ماهر: بيموت يا معلم.
حسام(بضحك): و ده المطلوب.
ماهر: هي فين؟! هو انت فعلا اللي خطفتها؟! طب ازي؟!
حسام: بص يا معلم. هي فين ملكش دعوة و مش شغلتك اما خطفتها ازاي. رشيت خدامة عندهم بنص مليون جنيه وافقت زي الكلبة و جابتها ليا الجنينة الخلفية و بعدها خدتها.
ماهر: برا?و عليك. همشي انا دلوقتي علشان الشغل.
حسام: طيب هبقي اتصل بيك و اقولك تعمل ايه.
ماهر: ماشي.
ماهر بص ل حسام و سابه و مشي...
-في مكان تاني...
عند طيف.
طيف كانت قاعدة بتعيط و خايفة من المكان اللي هي فيه و كل شوية تسمع صوت الكلب.
الباب اتفتح و اللي دخل شغل ضوء خفيف جدا و قرب من طيف.
طيف(بحدة): مين هنا؟!
سارة: طيف انتي هنا يا خسارة اومال فين صقر حبيبك مش شايفاه يعني.
طيف(بحدة): انتي واحدة مش محترمة.
طيف(بحدة): انتي عايزة مني انا و صقر ايه؟!
سارة: عايزة اشوفك مذلولة.
طيف(بحدة): هنشوف مين اللي هيبقي مذلول.
سارة: تعرفي جوزك سبب ليا اضرار و ربي لاطلعها عليكي انتي و هو.
حسام(بخبث): سارة زاعجة البنت ليه كدة؟!
طيف(بعصبية): اه يا ولاد ال.
طيف(بعصبية): ربنا يأخدكوا و نريح البشرية منكوا.
حسام قرب من طيف و نزل ل مستواه.
حسام: يلا نادي صقر يلا ناديه.
حسام(بصوت عالي): يا صقر الحقني خطفوني يا صقر.
حسام ضحك علي تعابير وش طيف و كانت بتعيط.
حسام: خايفة يا بيضة تعالي في حضني.
طيف(بدموع): ابعد عني.
حسام: بتتكسفي يا بيضة.
حسام: ايه ده هي ايدك وجعاكي تعالي افكلك الحبل.
حسام راح ل طيف و شد علي الرباط اوي و طيف صرخت.
سارة(بضحك): جدع يا حسام.
طيف: منكوا لله.
حسام: جسمي قشعر با بت يا طفطف.
حسام(بدهشة مصطنعة): ايه ده انتي حامل؟!
حسام قرب من طيف و حط ايده علي بطنها و طيف بعدت.
طيف(بحدة): قسما بربي لو عملت ليا حاجة انا و ابني لاقتلك.
حسام(بضحك): و ازاي بقي يا طفطف؟!
سارة(بسخرية): نسيت صقر حبيبها هيجي يأخدها.
حسام(بضحك): تفتكري.
طيف(بثقة): ايوه صقر هيجي و هيوديكوا كلكم في داهية و هيخرجني من المكان القذر بتاعكم ده. و صدقوني هيخلص عليكم و هيخليكم تندموا علي اليوم اللي فكرتوا فيه تقربوا مني و من ابني.
طيف(بثقة): و انت هتبقي زي الكلب الذليل هتترجاني علشان اخليه يعفي عنك.
حسام(بضحك): لا واثقة من نفسها.
حسام(بصوت مخيف): صقر هيلاقيكي انتي و ابنك جثة و ساعتها مش هكون موجود اصلا...
طيف(بثقة): هنشوف.
طيف بصت ل حسام هو و سارة بحدة و مكنتش خايفة.
سارة: يلا يا حسام نسيبها في الضلمة شكلها مش خايفة.
حسام خرج بره الاوضة و سارة كانت بتعرج و خرجت وراه بعد ما طفت النور.
طيف قعدت تعيط و كانت خايفة.
-في مكان تاني...
عند صقر.
صقر كان نايم و بدأ يصحي من نومه و اول ما قام حس بوجع في قلبه.
صقر قام دخل الحمام قعد يغسل وشه كتير و يمسح عينه علشان ميعيطش...
صقر خرج و بدأ يغير هدومه,صقر خرج بره اوضته لقي نيران قاعدة هي و نجلاء.
نيران: اعملك حاجة يا صقر؟!
صقر: لا...
نجلاء: طب استني هحضرلك اكل.
صقر: مش عايز انا ورايا مشوار.
نيران(بدموع): صقر.
صقر: ايه؟!
نيران(بدموع): هترجع متخافش بي و النبي متتعبش نفسك.
صقر: شكرا يا نيران.
صقر خرج بره القصر و ركب عربيته و مشي ناحية آسر...
عند آسر.
آسر: في ورق تاني؟!
ليلي: ايوه.
آسر: طب ما توديه لماهر.
ليلي: لسة جاية من عنده يا فندم...
آسر: طيب.
آسر كمل توقيع علي الورق و هو بيبص ل ليلي كل شوية.
ليلي: افندم بتبصلي كدة ليه؟!
آسر(برفعة حاجب): افندم انتي. عايزة ايه؟!
ليلي(بضيق): مش عايزة.
آسر شد ليلي ليه و ليلي حطت ايديها علي كتفه.
آسر: يعني مثلا مش علشان كلام امبارح.
ليلي(بتوتر): لا انا عايزة امشي...
آسر(بابتسامة): طيب امشي.
ليلي خرجت بسرعة بره المكتب بتوتر و صقر دخل ل آسر و قعد يتكلم معاه و آسر كان زعلان علي حالته.
-بعد مرور يومين.
في الفترة دي محدش كان يعرف طريق طيف, صقر كانت حالته بتزيد سوء كل يوم.
ماهر حاول يكسب ثقة حسام, مهران رجالته ورا حسام بس برضو ملقوش حاجة.
نجلاء و نيران زعلانين علي حالة صقر و خايفين عليه.
محمد بيحاول يقرب من نجلاء, مؤمن مختفي...
رفيف و رامي في عالم تاني بعيد عن الكل لان رامي كان واخد اجازة اسبوعين...
الشباب كلها كانت قاعدة بتفكر في حل.
صقر(بنفاذ صبر): استني ايه استني لما تروح من ايدي.
آسر: صقر اهدي متتهورش.
مهران: هنلاقيه بس انت خلي بالك من نفسك انت اهملت اوي في حق نفسك...
ماهر: انا و الله بحاول اعرف مكانها مش عارف.
تليفون ماهر رن...
ماهر: ده هو.
الكل سكت و صقر شاور ل ماهر انه يفتح الاسبيكر لما يرد.
الخط اتفتح.
ماهر: الو يا حسام.
حسام: اجهز.
ماهر: ليه؟!
حسام: هننفذ النهاردة.
ماهر: و انت هتنفذ ايه النهاردة؟!
حسام: لما تيجي هقولك.
ماهر: طب اجيلك فين؟!
حسام: في.
ماهر: طيب.
صقر خد سلاحه و خرج علطول علي بره و الكل لحقه و ركبوا عربيتهم و راحوا علي المكان اللي حسام قال عليه و وراهم حراسة كتير.
الكل راح و لقوا المكان غريب و مفهوش اي حد.
ماهر اتصل بحسام. الخط اتفتح.
حسام: ايه يا ماهر؟!
ماهر: انت فين؟!
حسام: و هو انت عايزاني اثق فيك بعد ده كله. خليهم ينفعوك.
حسام: و قول لصقر مراته مش هيشوفها الا و هي جثة.
صقر(بغضب): و ربي لو لمست منها شعراية واحدة لاكون قاتلك يا ابن مؤمن.
حسام: بلا بلا بلا بلا. بقولك ايه يا صقر مش هتوصلها.
حسام: باي خليكم كدة تايهين باي باي.
آسر(بغضب): يا ابن ال.
حسام قفل الخط و صقر صرخ جامد و الكد كان حزين علي حاله.
صقر(بغضب): نهايتك علي ايدي النهاردة.
كلهم مسكوه و كانوا بيحاولوا يمنعوه.
مهران: اعقل كدة في ايه؟!
آسر: هنوصل ليها انت بس اهدي.
ماهر: انا زرعت كاميرا في بيته بس مفيش اي حاجة.
صقر(بعصبية): وسعوا من وشي.
صقر زقهم و ركب عربيته و ساق بغضب ناحية بيت حسام و كلهم لحقوه.
صقر وقف العربية و نزل و ضرب نار علي عربيات الباقي.
صقر(بغضب): مش عايز حد يدخل معايا. فاهمين؟!
صقر راح ناحية الحراس و خلاهم ينادوا حسام.
حارس: حسام بيه بانتظار حضرتك في اوضة المكتب.
صقر دخل و الباقي انتظروه بره قلقانين عليه.
حسام: نورت يا ابن العم نورت.
صقر(بغضب): فين طيف؟!
حسام: طب بهدوء يا ابن العم في ايه؟!
صقر(بغضب): هقتلك يا حسام.
حسام: طب ايه اللي يثبت انها عندي و انت عندك اعداء كتير يعني.
صقر مسك حسام من هدومه بغضب و زقه علي الحيطة.
صقر(بغضب): طيف فين؟!
حسام: محدش يعرف مكانها غيري يا صقر و لو قتلتني محدش هيوصل ليها و بصراحة كدة انا عايز اموت يلا اقتلني يلا يلا انا قدامك اهو.
صقر هدئ نفسه و غمض عيونه و فتحهم و بعد عن حسام.
صقر: عايز ايه؟!
حسام(بضحك): اشوفك مذلول كدة.
صقر: الا طيف.
حسام(بضحك): يا بيضة هو انتي خايفة.
حسام: تعرف اقولك سر طيف دي طلعت جامدة اوي ده انت.
صقر ضرب حسام بوكس في وشه بغضب.
صقر(بغضب): انت مريض حقير و حيوان و مكانك مستشفي المجانين يا مجنون يا ابن ال.
حسام: شكرا. بس برضو مراتك ا.
صقر قعد يضرب حسام كذا بوكس في وشه.
صقر(بغضب): و ربي هقتلك يا حسام و ربي.
حسام: و انا هقتل مراتك و ابنك و انت فوقهم و لا اقولك هشيبك علشان تتحرق روحك تموت تبقي مجرد جسد بلا روح من غيرهم.
صقر(بغضب و صوت عالي): انت عايز ايه بقي؟! حرام عليك.
حسام: بس مراتك دي طلعت عندها ثقة فيك كبيرة.
حسام: بس يا عيني متعرفش انك مش قادر تعمل حاجة. بس متخافش بأكلها كويس لازم عناية بس هي عنيدة مش عايزة تأكل و شكلها كدة هتودع.
حسام: خدوه.
في حراس جت مسكت صقر و كتفوه و خرجوه بره ال?يلا.
صقر(بصوت عالي): هقتلك يا حسام.
ماهر: وسعوا كدة.
آسر: صقر انت كويس؟!
صقر(بتعب): طيف يا آسر.
صقر وقع مغمي عليه بين ايديهم شالوه بسرعة و ركبوه العربية و نقلوه المستشفي بسرعة.
عند طيف.
طيف كانت قاعدة بتعب علي الارض سارة و حسام دخلوا عليها و معاهم كذا شخص.
طيف(بحدة): جايين ليه؟!
حسام(بخبث): جه الوقت يا حبيبة القلب.
سارة: فكوها.
في حراس شالوا الحبل اللي في ايديها و طيف كانت ايديها وجعاها و بدأت تفحصها.
طيف سندت علي الحيطة و قامت وقفت بتعب و حطت ايديها علي بطنها بتلقائية.
حسام: هاتوها و هات المشرط.
طيف(بخوف): هتعملوا ايه؟!
حسام(بخبث): و لا اي حاجة هولدك يا طيف.