قصص و روايات - قصص رومانسية :

رواية أسيرة لحصون قلبه للكاتبة سلسبيل كوبك الفصل الرابع والأربعون والأخير

رواية أسيرة لحصون قلبه للكاتبة سلسبيل كوبك الفصل الرابع والأربعون والأخير

رواية أسيرة لحصون قلبه للكاتبة سلسبيل كوبك الفصل الرابع والأربعون والأخير

في حراس شالوا الحبل اللي في ايديها و طيف كانت ايديها وجعاها و بدأت تفحصها.
طيف سندت علي الحيطة و قامت وقفت بتعب و حطت ايديها علي بطنها بتلقائية.
حسام: هاتوها و هات المشرط.
طيف(بخوف): هتعملوا ايه؟!
حسام(بخبث): و لا اي حاجة هولدك يا طيف.
طيف(بعصبية): ايه اللي انت بتقوله ده انت مجنون؟!
سارة قربت من طيف و مسكتها من شعرها.
سارة: جت اللحظة اللي هشوفك فيها مذلولة.
سارة(بخبث): خدها يا حسام.

سارة زقت طيف علي حسام و طيف كانت هتقع بس حسام لحقها.
حسام(بخبث و همس): هتشوفي المجنون ده هيعمل معاكي ايه...
جابوا نقالة و الحراس بدأت تشيل طيف و هي تصرخ بصوت عالي.
طيف(بصريخ): صقر هيقتلك يا حسام الكلب انت...
حسام: ابدأوا.
الحراس ثبتت اطراف طيف الاربعة و هي كانت بتصرخ بقوة,بدأوا يفتحوا بطن طيف عند اللحظة دي طيف صرخت بأقصي صوت عندها.
بدأ دم ينزل من طيف و هي بتصرخ من الالآم.

الدكتور: في مشكلة هنأخد وقت كبير.
حسام: عايزك تنادي من هنا ل بكرة علي صقر.
طيف(بصريخ): يا رب.
طيف كانت بتتحرك بعنف في مكانها و بتصرخ باسم صقر...
سارة كانت بتضحك عليها و حسام بيبص علي ملامح طيف.
الدكتور: قربنا.
طيف(بصريخ): صقر.
الدكتور: الطفل اهو.
طيف سمعت صوت عياط الطفل حاولت تتحمل الوجع و قعدت تعيط بحرقة...
حسام(بخبث): الطفل ليكي يا سارة.
سارة(بخبث): شكرا يا حسام.

سارة مسكت الطفل و ودته لحارس من اللي كانوا موجودين.
سارة: ارميه في الشارع او ارميه لاي كلب جعان.
طيف(بصريخ): ابني!
طيف مسكت الدكتور من هدومه بغضب.
طيف(بصريخ): ابني هقتلك لو ابني حصله حاجة.
طيف قعدت تعيط و تصرخ بسبب وجعها,الحارس خد الطفل و خرج بره البيت و حطه جمب مقلب زبالة و مشي...
طيف(بصريخ): يا صقر.
حسام: سيبوها كدة تصفي في دمها.
حسام: و لما صقر يبقي يوصلك يبقي يلاقيكي جثة.
سارة: يلا يا بيبي.

الحراس و الدكتور كلهم خرجوا و وراهم حسام و سارة...
طيف قعدت تعيط و تصرخ باسم صقر لغاية ما فقدت كل طاقتها و استسلمت للظلام اللي حواليها.
عند حسام و سارة...
كانت شنطة حسام جاهزة مسكها و خرج و وراه سارة اللي كانت بتعرج...
سارة: انت مش هتأخدني معاك.
حسام(بسخرية): و انتي مين علشان اخدك معايا كل واحد يشيل شيلته.
سارة(بزعيق): نعم يا روح امك؟!
حسام مسك سارة من رقبتها و شدها ناحيته.

حسام(بغضب): انتي اللي جيتي لعندي مش انا احمدي ربك اني مقتلتكيش.
فجأة سمعوا صوت ضرب نار و دخلوا حراس كتير و معاهم صقر و ماهر و آسر و مهران و معتصم و كان في ضرب نار متبادل.
صقر و آسر راحوا ناحية حسام و سارة.
صقر(بغضب): فين مراتي يا حسام؟!
حسام(بتوتر): انت عايز ايه؟! ملكش حاجة عندي و.
آسر(بغضب): و حياة امك.
حسام شد سارة ناحيته و حط مسدس في رأسها.
حسام: هقتلها لو حد قرب.

آسر(بغضب): هي مش مهمة اصلا اقتلها بدل ما اقتلها انا.
صقر(بغضب): ابعد عنها و قولي فين مكان طيف و اوعدك مش انا اللي هقتلك لاني لو قتلتك و ربي لاخليك تتمني الموت و مش هتطوله.
حسام ضرب نار علي سارة و زقها علي آسر و صقر و حسام جري علي البيت.
آسر: روح وراه.
صقر جري علي ال?يلا و وراه ماهر علشان يحميه...
ماهر: خلي بالك هو مجنون.
صقر بدأ يتحرك بهدوء لكنه قلقان جدا علي طيف و حاسس بوجع في قلبه...

صقر كان ماشي و مش منتبه فجأة حس بجسم بيقع عليه لف مسك ماهر قبل ما يقع.
حسام: هخلص عليكم.
صقر: ماهر ماهر انت سامعني؟!
صقر(بصوت عالي): آسر. مهران.
مهران جه لقي صقر ماسك ماهر و جري عليهم.
مهران: ماله؟!
صقر: شكله الزبالة ده ضربه علي رأسه.
مهران: متقلقش انا هتصرف.
صقر: طيب.
مهران سند ماهر و خرج بره ال?يلا,صقر بدأ يمشي ناحية اوضة مكتب حسام.
صقر(بغضب): هقتلك يا حسام و ربي.

صقر راح ناحية الحلق اللي لمحه في الارض لما جه آخر مرة هنا.
-صقر لما كان بيتكلم مع حسام قبل ما يغمي عليه لمح حلق طيف و خرج نقلوه المستشفي و فوقوه و بعدها جهزوا الحراس و رجعوا البيت تاني...
صقر: الصبر يا رب.
حسام: لا طلعت شاطر و بتلمح بسرعة.
صقر(بحدة): فين طيف يا حسام؟!
حسام: اتحايل عليا شوية.
صقر(بحدة): حسام فين طيف لاخر مرة هسألك.
حسام(ببرود): معرفش.
فجأة حد ضرب حسام علي دماغه و حسام وقع في الارض...

صقر(بعصبية): ليه عملت كدة؟!
آسر: انت نسيت ان الزفت حسام ده كان عنده مخبأ سري في مكتبه هنا ممكن نلاقيها فيه...
صقر راح ناحية المكتبة اللي موجودة في اوضة حسام و لقي حاجة سوداء جمبها ضغط عليها باب المكتبة اترفع لفوق.
آسر: يلا يا صقر.
صقر نزل علي السلالم اللي لقاها قدامه و لقي مكان واسع كدة و في باب موجود راحوا ناحية الباب.
آسر: افتح يا صقر.

صقر خد نفس عميق و فتح الباب سمعوا صوت الكلب آسر شغل كشاف موبايله و شغل نور الاوضة.
صقر اول ما شاف طيف مغمي عليها بمنظر الدم اللي حواليها وقع علي الارض من الصدمة.
آسر(بأسف): صقر.
آسر راح ناحية طيف يشوف النبض لقي النبض يكاد يكون منعدم...
آسر: لازم علي الاقل نمنع النزيف.
صقر لا رد.
آسر(بزعيق): صقر فوق هتروح مننا.
صقر لا رد.
آسر راح ناحية صقر و هزه بعنف.
آسر(بزعيق): هتروح من ايدك فوق فوق يا صقر.

مهران: في ايه؟!
مهران(بصدمة): ايه اللي حصل؟!
-الكلب كان مربوط في سلسلة مش بيتحرك مجرد بيعمل صوت.
مهران: صقر فوق مش انت و هي.
صقر(بدموع): انتوا شوفتوا هي هي طيف.
آسر(بحدة): صقر فوق كدة مش وقته...
آسر: مهران حاول توقف الدم بأي حاجة دوروا في ام ال?يلا الخراب دي قطن و اسعافات اولية.

صقر قام و مسح دموعه بأيده و قرب من طيف صقر قلع الجاكت بتاعه و حطه علي بطنها و وطي شالها بين ايديها و خرج بره المكان اللي هو فيه.
آسر: ها يا مهران؟!
مهران: اهو.
آسر بدأ يضغط علي جرح طيف و يحاول يمنع الدم لغاية ما يوصلوا للمستشفي...
مهران ساق بأقصي سرعة عنده علشان يوصل للمستشفي و وقف العربية.
آسر: يلا.

صقر نزل شايل طيف و دخلوا المستشفي كان مهران نزل قبلهم جاب نقالة و حطوا طيف عليها و الدكاترة القت نظرة سريعة عليها و دخلوها اوضة العمليات.
صقر قعد و هو مش مستوعب اللي حصل ل طيف و آسر حط ايده علي كتفه بقلق عليه.
مهران: هرجع اشوف اللي حصل ل معتصم و ماهر.
آسر: روح.
عند معتصم و ماهر.
كانوا حطوا ماهر في عربية من العربيات و حراس صقر خلصت علي حراس حسام...
معتصم: خدوه و حطوه في مخزن صقر.
حارس: حاضر يا معتصم بيه.

مهران: ايه الاخبار؟!
معتصم: تمام بس سارة دي مش عارف اعمل ايه فيها؟!
مهران: البوليس يتصرف بقي.
معتصم: طيف ايه اخبارها؟!
مهران: بين الحياة و الموت.
معتصم: ربنا يقوي صقر، يلا نلحق ماهر اللي في العربية.
مهران: يلا.
ركبوا العربية اللي فيها ماهر و بدأوا يمشوا.
مهران: بس فين الطفل؟!
معتصم: هتلاقي ال قتله.
مهران: ربنا يصبر صقر لو خسر طيف ممكن يموت فيها. انت شوفت عامل ازاي علشانها.
معتصم: ان شاء الله الامور هتتظبط.

في القصر...
نيران(بشهقة): ماهر؟!
نجلاء: استر يا رب.
مهران: اصابته بسيطة متقلقوش.
محمد: صقر و طيف؟!
مهران: للاسف طيف في حالة خطيرة.
نجلاء: الطف بينا يا رب.
محمد: طب نروح ليهم؟!
مهران: آسر و صقر هناك لما آسر يكلمنا نبقي نروح...
نيران: ماهر كويس صح؟!
معتصم: متقلقيش.
نيران قعدت جمب ماهر اللي بدأ يفوق.
ماهر(بوجع): آآه.
نيران: حبيبي انت كويس؟!
ماهر(بوجع): ايوه. منك لله يا حسام الكلب انت.

نجلاء: حمدلله بالسلامة يا حبيبي.
ماهر: الله يسلمك.
نجلاء(بوجع): آآه.
معتصم(بغمزة): ايه يا محمد بيه؟!
محمد(بحدة): خليك في حالك.
نجلاء(بغيظ): يلا يا نيران طلعي ماهر اوضة يرتاح لغاية ما نعرف حالة طيف بقت عاملة ازاي.
نيران: حاضر يا نوجة، يلا يا ماهر.
ماهر سند علي نيران و طلعوا اوضة من الاوض.
مهران: عن اذنكم هشوف الحراس عملوا ايه؟!
محمد(بغيظ): ايه انت هتنورنا؟!
معتصم: احم في ايه ده انا ابن صاحبك حتى.

محمد(بغيظ): طب ما تمشي يلا.
معتصم: انا غاير في داهية.
معتصم سابهم و مشي,نجلاء كانت هتمشي بس محمد مسك ايديها و شدها ناحيته...
محمد: اتتي قاصدة تغيظيني ده انتي بقالك 25 سنة مقولتيش حبيبي.
نجلاء(برفعة حاجب): انت عايز ايه دلوقتي حل عني.
محمد: انا هقولك عايز ايه...
محمد شد نجلاء و (لخيالكوا).

محمد: من هنا و رايح نوم مفيش نوم غير معايا و مفيش اكل من غيري و مش هتخرجي غير معايا و مش هتقولي لحد حبيبي غيري حتى آسر و صقر و لو نسيتي محمد بتاع زمان ممكن افكرك بيه يا نجلاء انا مجنون و انتي اكتر واحدة عارفة جناني.
محمد باس خد نجلاء و سابها و مشي.
نجلاء: طول عمرك ابن مجنونة...

-في الصباح الباكر...
في المستشفي.
آسر: صقر طيف كويسة اهدي دلوقتي و متفكرش في حاجة.
آسر: الدكتور قال ان شاء الله هتفوق الصبح بس لازم عناية...
آسر: صقر احمد ربك ان طيف كويسة. المهم دلوقتي تقف جمبها علشان الطفل اللي ضاع ده طيف كانت متعلقة بيه اكتر منك.
آسر: لازم تخلي بالك منها و من نفسيتها، و ان شاء الله الامور هترجع ل طبيعتها.
صقر: مش قادر يا آسر مش عارف اقولها ايه مش عارف هكلمها ازاي.

صقر: اذا كنت انا بقيت قوي لما اشوفها ضعيفة هضعف معاها. انا بقوي بيها يا آسر...
آسر: انا عارف بس هنفضل ساكتين يعني.
صقر: لا بس انا مش هقدر اشوفها مش هقدر.
عند طيف...
طيف كانت نايمة علي سرير المرضي و حواليها اجهزة كتير,طيف كانت بتحلم بلحظة الولادة و لما خدوا منها الطفل في نفس اللحظة جهاز القلب صفر.
صقر قام بفزع من مكانه و دخل لاوضة طيف.
صقر(بصوت عالي): نادي الدكتور يا آسر.

آسر نادي دكتور بسرعة و دخل لاوضة طيف بدأوا يعملوا صدمات كهربائية ل طيف...
صقر كان بيبص علي طيف بصدمة و خايف لتضيع منه,فجأة طيف شهقت و هما حطوا جهاز التنفس ليها تاني.
طيف فتحت عينيها ببطء و الدكتور بدأ يفحصها.
الدكتور: المريضة فاقت حاليا بس مش عايز ازعاج و لا كلام كتير.
الدكتور: و ابعدوها عن اي انفعال.
آسر: هسيبك انا دلوقتي.
الدكتور و آسر خرجوا بره الاوضة,صقر قرب من طيف ببطء و نزل لمستواها...

صقر(بقلق): طيف.
طيف شالت جهاز الاكسجين من علي وشها بتعب شديد.
طيف(بدموع): ابني.
صقر: هنلاقيه بس.
طيف(بدموع): ابني يا صقر.
صقر(بقلق): حاضر اوعدك هرجعهولك اوعدك بس انت متتعبيش نفسك ابوس ايدك.
صقر بص ل طيف و باس رأسها بدموع.
صقر(بدموع): طيف اهم حاجة عندي انك تقومي بالسلامة.
طيف(بعياط): و انا اهم حاجة عندي ابني.

صقر: طيف حبيبتي اهم حاجة تقومي بالسلامة و انا وعدتك ابننا هيرجع بس انتي اتحسني و خليكي قوية علشان انا بقوي بيكي...
صقر: و علشان لما بشوفك كدة قلبي بيوجعني اوي.
طيف لفت رأسها الناحية التانية و غمضت عينيها و قعدت تعيط بصمت.
صقر(بخنقة): طيف...
طيف لا رد.
صقر خرج بسرعة بره اوضتها و هو مش قادر يشوفها كدة.
آسر: في ايه؟!
صقر: آسر ابني.
آسر: متقلقش هنلاقيه.

-بعد مرور شهر.
الكل عرف ان طيف في المستشفي و راح ليها و بدأوا يتبادلوا الايام مع بعض.
صقر نزل اعلان عن اختفاء الطفل و الكل بيدور عليه,طيف مش بتتكلم الا قليل و مش قادرة تتعامل مع صقر.
نيران و ماهر حياتهم مستقرة نوعا ما.
رفيف و رامي قرروا يزوروا طيف بعد فترة و يعملوا ليها مفاجأة.
آسر منشغل في الشغل هو و ليلي...
طيف(بتعب): شكرا خلاص.
نجلاء: طيف.
طيف(بتعب): نعم يا طنط.

نجلاء: حبيبتي هتتكلمي طبيعي امتي؟! صقر هيموت من القلق عليكي.
طيف(بتعب): مش قادرة اتكلم يا طنط.

نجلاء: مش كان نفسك تعرفيي قصة حسام و العدواة، بصي يا ستي حسام حب نيران لدرجة الجنون بس مكنش حب كان مجرد حب تملك صقر لما عرف زعق و عمل خناقة كبيرة و مؤمن حاول يتدخل و في اللحظة دي محمد و مؤمن خسروا بعض. حسام كان عايز نيران حب تعذيب يعذبها و حاول يغتصبها و ده خلي صقر يتغابي و يتجنن و حطه في مستشفي المجانين سنين...
طيف مكنتش قادرة تسمع اسم حسام و غمضت عينيها.
نجلاء: طب احكيلك حاجة تانية...

طيف هزت رأسها بمعني ماشي.
نجلاء: تعرفي انه بعد ما محمد اتجوز مهرة و خلف آسر و مامت محمد ماتت و كانت مهرة حامل في نيران حصل ايه تاني؟!
طيف بصت ل نجلاء باهتمام.

نجلاء: انا حملت تاني بس سقطت و انا راضية و الحمدلله. بس اخو محمد مؤمن كان شخص بيشرب خمرة و بيحب الستات و كانت عينه عليا اتفق مع مهرة و وقعوني و محمد للاسف صدق و كنت في اهانة و ذل و زعيق و حاجات كتير وحشة و لما ظهرت الحقيقة بالرغم من ده كله انا عشت معاه تاني، عارفة ليه؟!
نجلاء: ممكن تقولي علشانك معندكيش كرامة بس لا يا طيف لاني بحبه و لاني متأكدة انه لسة فاكرلي الحلو و لسة في حتة في قلبه بتحبني.

نجلاء: اتمسكي في اللي بيحبك يا طيف متسبهوش وحيد تايه خايف قلقان.
نجلاء: واجهي و اتكلمي و احكي بس قبل فوات الاوآن مش اي حد بيعرف يستغل الوقت يا طيف.
نجلاء: لما مهرة خلفت نيران حسيت ان دي عوض ربنا و بدأت اربيها رغم ان مهرة كانت بتزعق و بتبعدها عني بس برضو كانت بتمشي بره البيت كتير و بتسافر بس انا حبيت نيران لدرجة خلتها تتعلق بيا...

نجلاء: رغم انها مش بنتي. و ده انتي عملتيه مع فهد اللي انتي سايباه بقالك شهر اللي انتي مبتسأليش عنه من شهر، خايف يدخل ليكي يا طيف.
نجلاء: ربنا عوضني بنيران زي ما ربنا هيعمل معاكي كدة يا حبيبتي. عوض ربنا كبير.
نجلاء: الكل زعلان علي حالك لانك قلبك نضيف يا طيف. اللي شوفتيه مش قليل بس برضو متنسيش ان في اللي حصلهم اكتر من كدة احمدي ربك في السراء و الضراء يا طيف...

نجلاء: متخسريش اللي بيحبوكي يا طيف متبعديش كتر البُعد بيعلم الجفاء بس اقولك حاجة الكلام ده للناس اللي مبتحبش بجد، لان اللي بيحب من قلبه بجد عمره ما بيزهق من البُعد و بيحاول يقرب لحد ما بيوصل.
نجلاء: انا اتأخرت النهاردة همشي انا يا حبيبتي.
طيف(بصوت واطي): شكرا يا طنط شكرا معلش تعبتك معايا.
نجلاء: و لا يهمك يا حبيبتي. بس انتي قومي بالسلامة.
طيف سلمت علي نجلاء و نجلاء حضنتها و مشيت.
عند صقر.

صقر: دكتور ايه اخبار حالة طيف؟!
الدكتور: افضل. الجرح بيلتئم بس خد وقت كبير لان اللي فتح البطن و خرج الطفل كان زي كأنه حمار مش فاهم بيعمل ايه.
صقر: شكرا يا دكتور...
صقر: هي نامت صح؟!
دكتور: ايوه لسة كنت عندها لقيتها نايمة.
صقر: طيب شكرا.
صقر دخل لاوضة طيف و دخل بهدوء شديد و جاب كرسي و قعد جمبها.
صقر: حبيبتي.
صقر مسك ايد طيف و باس ايديها بحب...
صقر(بصدمة): طيف!
طيف ضغطت علي ايد صقر و فتحت عينيها.

طيف: ايه الصدمة دي كلها يعني؟!
صقر(بتوتر): انتي كويسة؟!
طيف: بقيت بخير لما شوفتك.
صقر بص بصدمة ل طيف لتغيرها المفاجئ و حط ايده علي رقبته باحراج.
صقر: ااا.
طيف(بابتسامة): بحبك.
صقر قام خد طيف في حضنه جامد و قعد يعيط بدون سبب,طيف قعدت تملس علي شعره بهدوء.
طيف: آسفة.
صقر(بدموع): متعتذريش اهم حاجة عندي انك بخير...
صقر: نمشي؟!
طيف هزت رأسها بمعني اه صقر باس طيف علي رأسها.

صقر: وحشتيني و تعبتيني يا طيف يا روح الروح و الفؤاد.
صقر: هطلع اقول للدكتور و اخدك و نمشي.
طيف: طيب.
صقر بص ل طيف بحب و خرج جري خلي الدكتور يكتب خروج ل طيف و دخل لاوضة طيف وطي شالها بين ايديها.
طيف(بصدمة): طب استني للصبح، طب اغير هدومي طب. طب هخرج يعني بلبس المستشفي.
صقر خرج بطيف بره المستشفي و اي راجل كان معدي كان يبص في الارض بأمر من صقر و حراسه,صقر ركب طيف في العربية و لف ساق لغاية البيت.

صقر: نورتي بيتك يا روح قلبي.
صقر سند طيف و دخلوا بيتهم طلعوا لاوضتهم صقر قعدها علي السرير...
صقر: هجبلك هدوم و لا اقولك تأخدي شاور الاول و لا اجبلك الاكل و لا تحبي تنامي و لا اعملك ايه.
طيف حطت ايديها علي خد صقر بحب.
طيف: صقر حبيبي اهدي هأخد شاور و اخرج انام و بكرة نبقي نتكلم...
صقر: طيب.

طيف دخلت الحمام خدت دوش بسيط و خرجت لقت صقر واقف مستنيها سندها و دخلوا اوضة الملابس,صقر نشف شعر طيف و بدأ يلبسها هدومها.
طيف لبست عباية بيتي طويلة بس مفتوحة من الجمبين و مبينة رجليها باللون الاسود و فيها ورود باللون الابيض. سيبت شعرها علي ضهرها.
صقر: تحبي احضرلك حاجة خفيفة تأكليها يا حبيبتي؟!
طيف: لا عايزة انام.
صقر وطي شال طيف و خرج نيمها علي السرير بهدوء و نام جمبها...
صقر: حبيبتي يلا نامي.

طيف(بدموع): صقر هو كدة ابننا راح؟!
صقر خد طيف في حضنه و هي قعدت تعيط في حضنه و صقر باس رأسها.
صقر: نامي متفكريش في حاجة يا روحي.
طيف غمضت عينيها و حاوطت خصر صقر بايديها و نامت بعمق في حضنه,صقر كان خايف ل طيف ترجع لحالتها القديمة تاني...

-في الصباح الباكر...
عند آسر...
آسر: ليلي فين؟!
نيران: في لقاء رومانسي.
آسر(بحدة): افندم!
نيران: ايوه يا فندم خرجت تقابل حبيبها في الكافيه اللي جمبنا و راجعة تاني.
آسر قام بسرعة و خرج بره مكتبه.
نيران(بفرحة): برا?وا عليكي بت يا نيرو.
ماهر: بتخططي لايه يا هبلة؟!
نيران: انا هبلة يا ماهر؟!
ماهر: ايوه.
نيران: طب اتفلق بقي، متعرفش تقول كلام رومانسي لكن تعرف تهزأ ده ايه الغلب ده بس يا ربي.
نيران: وسع كدة.

ماهر: خدي يا بت هنا و هو مش انا قولتلك امبارح انتي عسل.
نيران(بصدمة): دي مرة من شهرين، ده انت لو بتذلني مش هتقولي كدة ده انا لو كلبة عندك كان زماني هتدلع اكتر من كدة...
ماهر: بعد الجواز.
نيران: و علي اساس احنا ايه في فترة النزهة.
ماهر: لما تبقي مراتي و في بيتي.
نيران: يا عم روح اجري.
ماهر: هنشوف يا نيران...
نيران: هنشوف.
عند ليلي.
ليلي كانت قاعدة في كافيه الشركة مع زميل ليها بيتكلموا.
آسر(بعصبية): ليلي.

ليلي(بخضة): اعوذ بالله من الشيطان الرجيم.
آسر(بعصبية): ايه شوفتي عفريت؟! و انت قاعد بتهبب ايه انت.
آسر(بغضب): علي شغلك يلا انت لسة هتبص.
الشاب قام جري علي شغله.
آسر قرب من ليلي و مسكها من هدومها و جرها وراه وسط كل اللي موجودين.
ليلي: ايدك يا آسر احنا قدام الناس.
آسر(بغضب): مسمعش ليكي كلمة.
آسر زق ليلي علشان تدخل الاسانسير و دخل وراها و قفل الاسانسير وراه و بعد ما طلع دور علقه.

آسر(بغضب): سؤال و هتردي عليه؟!
ليلي(بتوتر): اتفضل يا باشا.
آسر(بغضب): ايه اللي بينك و بينه؟!
ليلي(بتوتر): صلي علي النبي كدة. قصدك مين؟
آسر(بزعيق): هتستعبطي؟! الزفت اللي كنتي قاعدة معاه...
ليلي(بتوتر): ده بينا شغل و الله العظيم...
ليلي: و كمان انت متعصب اوي كدة ليه؟!
آسر(بغضب): ملكيش دعوة و ياويلك لو عرفت انك كلمتيه تاني هقتلك يا ليلي.
آسر شغل الاسانسير و خرج منه و ليلي وراه.
ليلي(بهمس): اشوف فيك يوم.

نيران(بغمزة): ايه النظام؟!
ليلي: في ايه؟!
نيران: احكيلي عملك ايه؟!
ليلي: يا واطية انتي اللي قولتيله طب تعاليلي بقي.
ماهر: بعدين انا عايزها.
ماهر شد نيران وراه و ليلي وقفت متغاظة.
ليلي: يا صبر.

-في مكان تاني...
عند رامي و رفيف.
رامي: بت بطلي نوم كدة. قومي حضرليلي فطار قبل ما اروح الشغل.
رفيف(بنوم): انا مالي بشغلك اعمل لنفسك.
رفيف(بخبث): انا لمدة سنة كاملة مش هتقرب مني و لا هتقولي اعمل اي حاجة.
رامي(بسخرية): ليه لتكوني اتكسحتي و انا معرفش؟!
رفيف(بخبث): لا بعيد عنك حامل.
رامي كان بيحط البرفيوم بتاعه وقعت ازازة البرفيوم علي الارض...
رامي جري علي رفيف اللي رجعت لورا تلقائي...

رامي(بلهفة): بجد يا حبيبتي؟!
رفيف: ايون.
رامي(بحماس و فرحة): يعني انتي حامل صح و في بطنك بيبي صح. و انا هبقي اب صح.
رفيف(بضحك): ايوه.
رامي(بلهفة): مبروك يا حبيبتي.
رامي حضن رفيف و قعد يبوسها كتير علي وشها.
رامي(بفرحة): لازم اعرف ماما و بابا.
رفيف: عارفين.
رامي(بفرحة): بجد؟! بقولك ايه انا مش رايح الشغل و هقعد معاكي. و اوعدك في اقرب وقت اوديكي عند طيف.
رامي(بحب): اخيرا هيبقي عندي قردة كدة زيك يا روحي.

رفيف: قردة في عينك.
رامي: بحبك.
رامي باس رأس رفيف و شالها لف بيها في كل مكان في الشقة و هي بتضحك.
رفيف: ربنا يخليك ليا.
رامي: و يخليكي انتي و الطفل ليا.
رفيف: عايز بنت و لا ولد؟!
رامي: بنت عسل شبهك...
رفيف: بحبك قد المجرة.
رامي: و انا كمان...

-في مكان تاني...
عند طيف.
طيف صحيت قبل ما صقر يصحي و قامت ببطء من جمبه دخلت الحمام غسلت وشها و نزلت للجنينه قعدت علي المرجيحة و قعدت تبص بشرود قدامها فاقت لما لقت صقر حاضنها من ضهرها...
صقر: حبيبتي بتعمل ايه؟!
طيف: مش بعمل قاعدة.
صقر: و اكيد طبعا بتفكري فيا.
طيف: تؤ بفكر في حد تاني.
صقر(برفعة حاجب): و ده مين ده ان شاء الله؟!
طيف: ابني اللي راح مني.
صقر ضم طيف ليه اكتر و باس كتفها.

صقر: بتحبيه اكتر مني؟!
طيف: بحبه لانه منك.
صقر: لا لو ده السبب اللي مزعلك انا مستعد نعمل علي مشروع الخلفة ده و معنديش اي مانع علي الاطلاق.
طيف: ما تعملوا بقي فرح ماهر و نيران كفاية كدة عليهم هما بيحبوا بعض و اكيد عايزين يتجوزوا.
صقر: هكلمهم في الموضوع ده.
-صقر كلم الكل في موضوع فرح نيران و ماهر و كلهم رحبوا بالفكرة و استعدوا لليوم ده و الكل كان جاهز فيه...
ليلي: اه اهم اهم.
ليلي: الصندل اهو.

نيران: طب روحي اتاكدي من التاج.
ليلي: حاضر.
نجلاء: مالك يا بت قلقانة كدة ليه كله هيمشي تمام.
نيران: لا اصلي متراهنة مع ماهر.
نجلاء: علي ايه؟!
نيران: قالي هقولك كلام رومانسي في بيتنا لما تكوني مراتي انا منتظرة بقي.
ليلي: هبلة. علي الاقل هو اعترفلك انه بيحبك احمدي ربك.
نيران(بضحك): اه صحيح الحمدلله.
نجلاء: مرات اخوكي اتأخرت ليه كدة؟!
نيران: معرفش بس اطمني طالما هي مع صقر.

ليلي: دول اكتر ثنائي بحبهم في ام الليلة دي.
نيران(بغمزة): بس مش هما لوحدهم.
نجلاء(بخجل): قصدك ايه يا بت؟!
نيران: اللي فهمتيه بقي.
عند طيف و صقر.
صقر: يلا يا طفطف هنتأخر.
طيف: حاضر.
طيف لبست فستان باللون الازرق الهادئ ب ¾ كم واسع. و الفستان كان واسع و طويل اوي من ورا و سيبت شعرها علي ضهرها و حطت مكياج هادئ. لبست صندل بكعب بسيط باللون الابيض.
طيف: انا اهو.
صقر: يخرب بيت الجمال عظمة.

صقر حط دراعه علي كتف طيف و شدها ناحيته.
صقر: بقول بقي ايه بلاش فرح بلا نيران اختي بلا زفت و نفكر كدة نجيب ممدوح.
طيف(بابتسامة بسيطة): يلا.
صقر: يلا نجيب ممدوح؟!
طيف: لا يا خفيف يلا نمشي.
طيف نزلت قبل صقر و صقر وراها,طيف فتحت باب الشقة فتحت عينيها علي آخرهم.
طيف(بصدمة): صقر صقر هو ده هو ده اللي خد مني ابني، صقر هو ده سارة قالتله يرميه للكلاب هو ده يا صقر.
طيف(بعياط): هو ده.

طيف قعدت تضرب الشخص اللي قدامها بغل و صقر كان مصدوم و بعدها نزل و بعد طيف عنه.
صقر: هشششش اهدي.
صقر قرب من الشخص ببرود و ضربه بوكس في وشه...
ست: لا متضربهوش ارجوك.
صقر(بغضب): انتي مين؟! و انت يا ابن البقي تأخد ابني ابن صقر الجارحي.
صقر قعد يضرب الشخص اللي قدامه بغل و غضب.
ست: ابنكم عايش مماتش...
ست: اهو اهو و الله اللي علي ايدي ده. مش انتي طيف؟
الست كانت هتروح ناحية طيف بس صقر وقف قدام طيف.

صقر: خليكي بعيدة.
طيف(بدموع): ابني!
ست: و الله هو، جوزي مهانش عليه يرمي الطفل ده او يقتله جابه عندي لاني مش بخلف و قالي انه اتبناه و انا شوفت في الجرايد عن الاعلان بتاعكم و جوزي حكالي علي اللي حصل و احنا الاتنين اتفقنا نرجعه لانه مش ملكنا. ارجوك اعفي عن جوزي و خد ابنك وسبنا نمشي.
الست مدت ايديها بالطفل ل صقر و صقر خد منها الطفل ببطء شديد و صدمة,طيف خدت منه الطفل بلهفة و قعدت تتفحص الطفل و هي بتعيط.

صقر: و ايه اللي يأكدلي كلامكم.
شخص: اعمل تحليل DNA.
صقر: هعمل و لغاية ما ده يحصل هتكونوا عندي هنا.
ست: بس.
صقر: مفيش كلمة.
صقر: هاتي يا طيف.
طيف(برفض و عياط): لا ما صدقت انه يكون في حضني. سيبني يا صقر و النبي.
صقر: طيف و هنصدق ازاي كلامهم؟! اعقلي كدة.
طيف(بعياط): مش ده ابني صح و النبي ما تكدبوا هو ده ابني صح. مش انت اللي خدته و النبي ما حد يكدب لو مش هو ابني قولوا و برضو صقر هيوديكوا فلوس صدقوني.

ست: و الله هو انا حاسة بيكي انك تتحرمي من ابن او بنت.
طيف: صقر علشان خاطري.
صقر: برضو؟!
صقر: هات عنوانك و اسمك.
شخص: حاضر. اسمي مازن و العنوان.
صقر: لو طلعت بتكدب هقتلك انت و مراتك امشوا.
صقر قرب من طيف و حاوطها بين ايديها.
طيف(بدموع): صقر انا بحبك اوي.
صقر: من امتي يا بت بقيتي مصلحة كدة؟!
طيف: بص جميل ازاي.
صقر: لو هو فعلا ابننا هنسميه ايه؟
طيف: زي ما اتفقنا أيوب. و البنت ان شاء الله شمس.
صقر: طيب يا قمري.

صقر: طب مش يلا نروح الفرح و لا ايه؟!
طيف: طيب بس مش عارفة اذا كان اتغير ليه و لا لا.
صقر: ماما بتفهم في الكلام ده تعالي.
صقر و طيف خدوا ايوب و ركبوا العربية و راحوا للقصر...
آسر: و ده ايه ده؟!
طيف(بفرحة): ده ايوب ابني.
آسر(بهمس): مين ده يا صقر؟!
صقر: هبقي احكيلكوا.
آسر: طب تعالي معايا نشوف الزينة.
صقر: طيب خشي انتي يا حبيبتي جوا.
طيف: طيب.
طيف دخلت القصر لقت محمد و نجلاء...
طيف: احم احم.
نجلاء(بخضة): طيف!

طيف(بخبث): ايوه طيف يا نوجة.
محمد: ايه ده ايه اللعبة اللي في ايدك دي؟!
طيف: ده مش لعبة ده ايوب ابني، الحمدلله ربنا رجعه لينا.
صقر: قولت لسة هتأكد يا طيف بعد ما اعمل ال DNA...
نجلاء: انا مش فاهمة حاجة.
صقر حكي باختصار اللي حصل و الكل فرح برجوع أيوب.
آسر: حبيب عمو انا.
صقر: بقولكوا لسة هتأكد، يالهوي يا مجانين.
طيف(بغيظ): انا امه و انا بشم ريحته و عرفته لانه ابني ملكش دعوة، يا منعدم الابوة.

صقر: هقتلك يا بت في ايدي.
طيف(برفعة حاجب): تقدر؟!
صقر: آسفين يا صلاح.
صقر كان مبسوط ان طيف رجعت زي الاول...
طيف: هطلع لنيران.
طيف طلعت جري علي اوضة نيران.
طيف: اسفة اتاخرت.
نيران: حبيبتي.
نيران و ليلي حضنوا طيف و طيف حضنتهم.
طيف: فين فهد!؟
نيران: صقر وداه ل رامي و رفيف من اسبوع.
طيف: اه طيب. هبقي اكلمهم لانهم وحشوني اوي.
ليلي: طب يلا نلبس العروسة. كنا نجيبلك ميكب ارتست.

نيران: لا انا هظبط نفسي بنفسي لاني قمر اصلا.
نيران لبست فستان قصير من قدام و طويل من ورا باللون الابيض و رفعت شعرها علي شكل كحكة عالية و حطت مكياج بسيط جدا و لبست صندل بكعب.
طيف: متأكدة ماهر راضي بالفستان ده؟!
ليلي: ميعرفش شكله و كلنا هنروح في داهية...
طيف: طمنتيني...
ليلي لبست فستان اسود واصل لركبتها ب ¾ كم و لبست صندل بكعب احمر و سيبت شعرها علي ضهرها و حطت روچ احمر غامق و كحل حدد عينيها...

الباب خبط.
طيف: ادخل.
محمد: جاهزة يا بنتي ماهر منتظر تحت.
نيران: يلا يا بابا.
محمد مسك ايد نيران و بدأ ينزل ل تحت و وراهم طيف و ليلي صقر طلع خد طيف في حضنه.
صقر: تفضلي جمبي لحد ما نروح.
طيف: حاضر.
نجلاء: خدي يا حبيبتي غيرتله و ظبطه و هبقي اعلمك...
طيف: شكرا يا نوجة.
ماهر: ايه ده هو ده الفستان يا هانم؟!
نيران: دي ليلة في العمر يا ماهر.
ماهر: يا عمي مش هخرج بيها كدة قدام الناس.
آسر: معلش يا ماهر.
ماهر: اوف بقي.

نيران(بدموع): انا عملت ايه دلوقتي؟!
صقر(بهدوء): ماهر خلاص هي جابت الفستان و لبسته مش معقول هتخليها تشتري واحد او تأجلوا الفرح هي مش ناقصة. ابقي حاسبها في بيتكوا براحتك.
ماهر: ماشي يا صقر.
ماهر خد نيران من ايدين محمد و باس رأسها و خرجوا بره القصر للجنينة.
طيف: مش يلا.
الكل خرج الا ليلي و آسر اللي قرب من ليلي...
آسر: انا مش عايز ازعقلك بس اصبري عليا لما يعدي النهاردة.

ليلي(بملل): آسر ابقي اتكلم لما تجمعنا حاجة رسمية.
ليلي سابت آسر و خرجت للجنينة و آسر وراها و كان طول الفرح بيبص ليها و هي متوترة.
رفيف: ابلة ابلة ابلة.
طيف(بصدمة و فرحة): رفيف!
طيف نطت علي رفيف حضنتها جامد و رفيف حضنتها.
رفيف: حبيبتي وحشتيني عاملة ايه؟!
طيف: وحشتيني اكتر.
رفيف: ده ايوب؟!
طيف: ايوه.
رفيف: بسم الله ما شاء الله قمر.
رفيف(بغمزة): و انا كمان حامل...
طيف(بفرحة): بجد مبروك ربنا يتمملك علي خير.

رامي: ايه اخبارك؟!
صقر: تمام الحمدلله.
طيف نزلت لمستوي فهد و مدت ايديها ليه...
طيف: ممكن حبيبي العسل بتاعي يسامحني.
فهد: بحبك اوي.
طيف: حبيبي انت.
فهد حضن طيف و طيف باست رأسه.
صقر(بهمس): شكلها كدة هتتأخد منك يا معلم.
آسر: لا لا هي مين اصلا.
صقر: اللي في بالي و بالك.
آسر: تفتكر؟!
صقر: انا لو مكنتش بحب طيف و متجوز كان زماني روحت خطبتها.
آسر بص ل صقر بغضب و جري علي ليلي شدها وراه و دخل القصر.
ليلي(بحدة): ايه؟!

آسر(بغضب): بصي بقي انا هأجي و اكلم باباكي و هنتجوز و هنكتب الكتاب علشان محدش يقدر يقرب منك.
ليلي(برفعة حاجب): ليه بقي؟!
آسر(بانفعال): لاني بحبك.
ليلي سابت آسر بسرعة و جريت علي بره,آسر ضرب الحيطة بأيده...
عند ماهر و نيران...
نيران: افرد وشك.
ماهر: ابعدي عني يا نيران.
نيران: و النبي ده احنا حتى في فرحنا...
ماهر: عاجباكي اوي رجليكي ماشي.
ماهر: نيران كلامنا في البيت.
نيران(بدموع): خلاص يلا نمشي دلوقتي.

ماهر قام وقف و مسك ايد نيران و مشي بيها نيران كانت هتعيط بس لقت ماهر وقف في مكان الرقص و شدها ناحيته و بدأت تشتغل اغنية رومانسية.
ماهر: بحبك يا نيراني.
نيران حست انها هيغمي عليها و ماهر ضحك عليها.
قضوا الفرح الكل مبسوط.
نيران و ماهر روحوا بيتهم و ماهر قفل باب الشقة بتاعته و راح قعد علي الكنبة.
نيران: يلا بقي بص انا متراهنة معاك هتدلعني في بيتنا.
ماهر ضحك علي نيران و قام قرب منها و همس في ودانها بكلام.

نيران(بتوتر): قولت رومانسي مش قليل الادب.
ماهر قعد يضحك لغاية ما عيونه دمعت من كتر الضحك.
ماهر(بضحك): خشي غيري يا بنتي هموت علي ايدك.
نيران: ده انت طلعت مسخرة لما بتكون بعيد عن الناس.
ماهر: بالعكس.
نيران: قصدك ايه؟!
ماهر قرب من نيران حاوطها بين ايديه.
ماهر(بحب): انتي الناس كلها يا نيران. انتي عندي بكل اللي اعرفهم.
ماهر(بحب): انتي غالية جدا و هتفضلي غالية عندي.

ماهر(بحب): مبشوفش غيرك و مش عايز اشوف غيرك قدامي.
نيران(بضعف): ده احنا هندخل في الغريق قول يا ابني قول سمعني.
ماهر ابتسم علي كلام نيران و قرب منها و (لخيالكوا).

-بعد مرور تلت سنين...
الاوضاع كانت مستقرة مع شوية مشاكل بسيطة...
آسر خطب ليلي و هما الاتنين بيشتغلوا في الشركة سوا.
محمد و نجلاء عايشين في القصر براحتهم و بهدوء و كل فترة الكل يتجمع عندهم...
رفيف و رامي عايشين مبسوطين مع عبير و صابر و رفيف خلفت بنت اسمها ملك عندها سنتين...
ماهر و نيران بيروحوا علطول الشغل سوا مع بعض و نيران خلفت ولد اسمه يامن عنده سنة و نص...

صقر و طيف عايشين حياتهم في هدوء و أيوب عنده تلت سنين,صقر الوحيد اللي يعرف ايه اللي حصل لحسام و اختفي فين...
طيف كانت نايمة في حضن صقر صحيت و بعدت عنه و قامت دخلت الحمام غسلت وشها و خرجت تغير هدومها...

طيف لبست فستان باللون الاسود بحمالة عريضة علي الكتف و واصل لبعد الركبة بشوية محدد جسمها و لبست فوقه بالطو صوف باللون الرصاصي و في خطوط باللون الابيض. و لبست بوط ابيض قصير و سيبت شعرها علي ضهرها و حطت روچ احمر غامق و كحل حدد عينيها...
طيف خرجت و راحت ناحية السرير مالت علي صقر و قعدت تمشي شعرها علي وشه.
صقر(بنوم): طيف سيبيني انام مش قادر اروح دلوقتي.
طيف(بغيظ): هو علشان انا بشيل عنك الشغل هتنام جنابك.

صقر(بنوم): حلي عني بقي و ابنك لو جه و صحاني هعمل منك انتي و هو شاورما.
طيف(بغيظ): نام ده انت رخم.
طيف خرجت بره الاوضة و نزلت ل تحت.
أيوب(بفرحة): مامي.
طيف: حبيب مامي.
طيف حضنت ايوب و شالته قعدته علي رجليها علي الكنبة.
طيف: مصحتنيش ليه؟!
أيوب: باب مفقول(مقفول).
طيف: معلش يا روحي.
طيف: كلت؟!
أيوب: no.
طيف: سمر.
سمر: نعم يا هانم؟
طيف: أيوب كل؟!
سمر: ايوه يا هانم.
طيف: أنت كداب.
أيوب(بضحك): انتي تدابة(كدابة).

طيف: أيوب هزعل منك.
أيوب: ليييه؟!
طيف: علشان انت بتكدب يا أيوب لو كدبت في الحاجة البسيطة ممكن تكدب في الحاجة الكبيرة، يلا هروح باي و انت خليك هنا اطلع رزل علي خالو فهد و صقر.
أيوب: يب(طيب).
طيف باست أيوب و سابته و خرجت ركبت عربيتها و بدأت تسوق زي ما صقر علمها و وصلت للشركة.
طيف دخلت الشركة نانسي كانت وراها.
نانسي: فريق التخطيط و التطوير في انتظارك يا طيف هانم...
طيف: تمام يلا بينا.

صافي: اتفضلي يا طيف هانم.
طيف(بخبث): شكرا يا صافي.
صافي(بغيظ لنفسها): ربنا يريحني منك يا شيخة.
بدأوا يشتغلوا و يتكلموا في الشغل و فجأة طيف وقعت في الارض.
نانسي(بقلق): طيف هانم.
طيف(بدوخة): اسنديني يا نانسي.
نانسي(بقلق): حاضر.
نانسي سندت طيف و قعدتها في مكتبها و جابت ليها عصير.
نانسي: حضرتك كويسة؟!
طيف: ايوه. روحي انتي.
نانسي: طيب...

-في مكان تاني...
عند ماهر و نيران.
نيران: يامن تعالي هنا متصحيش ابوك.
يامن: ما(ماما).
نيران: مامي و لا زفت متصحيش ابوك ده يوم اجازته و انت عارف لو صحي هيعلقني انا و انت...
ماهر(بنوم): خلاص انا قومت اهو.
يامن ضحك و جري علي ماهر حضنه ماهر وطي شاله و لف بيه كتير.
ماهر: حبيب بابا انت.
نيران: حبيبي صحيت بدري يعني.
ماهر باس خد نيران و حط دراعه علي كتفها و شدها ناحيته.
ماهر: حبيبتي.
نيران: هتخرجنا؟!

ماهر: اكيد اختاري اي مكان عايزاه.
نيران: بحبك اوي.
ماهر: علي اساس في بداية الجواز مكنتش بخرجك يعني.
نيران: بس بعد ما خلفت يامن و انت ناسيني خالص.
نيران: انا اقدر يا قمري برضو.
نيران باست خد ماهر و نطت عليه و هو شايل يامن.
ماهر: و هو انتي فاكرة نفسك نيران الرفيعة و لا ايه فوقي يا حبيبتي انتي تخنتي.
نيران: يا قليل الادب.
ماهر: فين قلة الادب في ده؟! ده انتي محو اميه بعد تلت سنين جواز. وسعي كدة هموت.

نيران: طب انا زعلانة.
ماهر: طقي.
نيران راحت قعدت علي الكنبة و ماهر قعد جمبها و وداها يامن...
نيران: هو ابني لوحده شيله انت.
ماهر باس نيران علي رقبتها و خدها في حضنه...
ماهر: خلاص يا ستي حقك عليا.
نيران: احبك.
ماهر(بهمس): خطة صقر دايما بتنجح.
نيران: بتقول حاجة؟!
ماهر: لا بحبك، عقبال ما يامن يكبر و يبقي شبهك كدة في عقلك الرزين.
ماهر(بهمس): سامحني يا رب.
ماهر باس رأس نيران و خدها في حضنه...

-في مكان تاني...
عند رامي و رفيف.
رامي: بت يا ملك تعالي هنا.
صابر: براحة عليها يا رامي.
رامي: يا بابا انت شايف عاملة ازاي.
صابر: بدر منور.
رفيف: مش عاجباك في ايه يا حبيبي هو حد جاب الانتاج الاجنبي ده غيري.
عبير: طبعا يا حبيبتي.
رامي: اجنبي فين ده.
رفيف: كفاية بس بشرتها الصافية زيي كدة. و شعرها الدهبي اللي معرفش جه منين. و كفاية ان ايوب بيفضل يبوسها لما يشوفها.
رامي مسك رفيف من هدومها من ورا...

رامي: بيعمل ايه يا اختي؟!
رفيف: ايه يا كبير؟!
رفيف: بيبوسها بوسة بريئة.
رامي: و انا بكون فين؟!
رفيف: زي الاهبل مع صقر.
رامي: ده انا هلعقك.
صابر: اطفال يا رامي اهدي بقي.
رامي: بت يا ملك و ربي ما تروحي هناك تاني...
رفيف: طيب بس اهدي انت يا وحش علينا.
رامي: انتوا ناس تشل الواحد.
رفيف(بغيظ): احنا برضو؟!
رامي: قصدك ايه يا بت ده انتي شكلك هتعلميها الرقص و البت هيبقي عندها مواهب.
رفيف: و ماله يا اخويا؟!

عبير: بس يا بت ليقتلك دلوقتي.
رامي: انا رايح الشغل.
رفيف: ما تخليك معانا النهاردة.
رامي: نبرتك دي مش هتأثر عليا.
رفيف: رامي حبيبي.
رامي(بضعف): يا بت هموت علي ايدك.
رفيف(بضحك): حبيبي.
رامي شال ملك و قعدها علي رجله و باس رأسها.
رامي: انتوا اغلي حاجة في حياتي...
رامي باس ايد صابر و عبير و باس رأس رفيف اللي قعدت جمبه هو و ملك...

-في مكان تاني...
عند آسر و ليلي...
ليلي: بس بقي.
آسر(بضحك): بتتكسفي؟
ليلي: آسر بجد مش بهزر بطل تمسك ايدي كدة.
آسر: فاضل كام شهر كدة يا بطة...
ليلي: شهرين لسة.
آسر: و لازم يعني ليلة رأس السنة يا ليلي؟!
ليلي: ايوه.
آسر: طب ما نقدمها شوية يا ليلي؟!
ليلي: لا اومال اعذبك ازاي؟! و كمان كفاية انك طلعت روحي علي ما حبتني.
آسر: طب بحبك من اول يوم شوفتك فيه بقي انا غبي معلش بقي.

آسر: و كمان يا ستي عذبيني بنظام شوق و لا تدوق ده بعد الجواز.
ليلي: no no هنتجوز مع قاسم و وعد خلص الكلام.
آسر: ليلي قلبي انا.
ليلي: انسي يا بيبي.
ليلي: يلا ورانا اجتماع.
آسر(بغيظ): صبرا طويلا يا ليلي اصبري بس عليا.
آسر قام و هو ليلي و حضروا الاجتماع و بدأوا يشتغلوا سوا تحت زن آسر و اعتراض ليلي...

-في مكان تاني...
عند نجلاء و محمد.
نجلاء(بضحك): كش مات.
محمد(بغيظ): علفكرة بسيبك تكسبي بمزاجي.
نجلاء(بضحك): ايوه بامارة الخمس مرات اللي فاتوا.
محمد: انتي مش جدعة.
نجلاء: شكرا. و كمان فيها ايه لما تخسر ده انت كسبانة بسكوتة زيي.
محمد: هي طيف نشرت العدوة؟!
نجلاء: الله في ايه يا راجل ما تتعدل اومال؟!
محمد: لا هي سيطرت جامد يعني...
نجلاء: و الله عسل وحشتني هي و ايوب و فهد.

محمد(بغيظ): قولي صقر بالمرة عادي يعني.
نجلاء: ما هو صقر علطول بيعدي علينا يطمن علينا.
نجلاء: بس انا زعلانة جدا علي مؤمن اخوك.
محمد: هو اللي معرفش يربي يا نجلاء. طلع ابنه سايبه مرمي زي الكلب في دار مسنين.
محمد: انتي متخيلة؟!
محمد: التربية عامل مهم جدا و مؤمن ربي فعلا بس زرع الكره و الحقد و الغل جوا حسام خلي نهايته مش معروفة لحد الان.
نجلاء: ربنا يبعد عننا و عن ولادنا ولاد الحرام...

محمد: يا رب، و تفضلي معايا يا نوجة لاني من غيرك مقدرش اعيش.
نجلاء: حبيبي ربنا يخليك ليا.
محمد باس رأس نجلاء و خدها في حضنه...

-في مكان تاني...
عند صقر...
صقر: مساء الخير.
سمر: مساء النور يا فندم. حضرتك عايز حاجة اعملها؟!
صقر: لا، فين فهد فين ايوب؟!
سمر: بيلعبوا مع بعض فوق يا فندم.
صقر: طيب روحي ناديهم و انا هعمل حاجة و جاي...
صقر طلع لاوضة مكتبه و داس علي زرار في الحيطة و الحيطة اترفعت لفوق و صقر دخل و قفل وراه و نزل السلالم و شغل النور...
صقر: ليك وحشة يا حسام.
حسام(بضعف): سيبني بقي.

صقر حط قدام حسام رغيف عيش و قطعة جبنة و ازازة ماية.
صقر: الاكل بتاعك بتاع كل يوم وصل.
صقر: و اكرامية مني اهي ماية علشان بقالي يومين مجتش ليك.
صقر فك احبال حسام و حسام قرب من الاكل بضعف و بدأ يأكل بذل...
صقر: اوعي تكون متضايق من العيشة هنا، ده هنا احسن مليون مرة من بره.
حسام(بضعف): بكرهك.

صقر: محدش بيكرهك قدي يا حسام. تعرف لو كان ابني مرجعش و غلاوك طيف عندي كنت عملت فيك اسوء من كدة. رجوع ابني عندي خلاني ابقي رحيم معاك شوية.
حسام(بضعف): انت عايز ايه تاني؟!
صقر: هو انت متعرفش عدي قد ايه علي وجودك هنا؟! اه نسيت انت مش بتعد لانك متعرفش اصلا احنا ليل و لا نهار...

صقر: تلت سنين و انت مرمي رمية الكلاب هنا و انا و عائلتي و كل اللي اعرفهم عايشين بسعادة و مبسوطين. هندمك يا حسام علي كل لحظة الم مرت بيها طيف و كل دمعة نزلت من عينيها، لسة اللي جاي كتير احمد ربك اني بأكلك و انت كنت شايف مراتي مجرد وسيلة هتخلص بيها عليا و هتحرق قلبي مش كدة، دلوقتي انت مذلول و مش قادر تقاوم...

صقر: كنت صح لما قولتلك هخليك تتمني الموت مش كدة يا حسام بس انا بقي مش واحد بينتقم من ستات انا بتعامل راجل ل راجل الا و انت مش شايف نفسك راجل.
صقر: بس عموما افرح يا عم كلها يومين و هتخرج من هنا هتروح علي السجن علطول. متخافش هقولهم يخفوا عليك شوية.
صقر: اشوفك بعدين يا حسام.
صقر ساب حسام و رجع من مكان ما جه و حسام قعد يعيط و يضحك في نفس الوقت و شوية يضحك و شوية يعيط...
في البيت.

صقر نزل لقي فهد و أيوب في حضن طيف و هي بتضحك و تهزر معاهم.
صقر: اه كملي يا حبيبتي تحبي افتحلك كباريه.
أيوب: مامي بابي بيزعع(بيزعق)اوي.
طيف: ما علطول بابي بيزعق اوي يا حبيب مامي معلش.
طيف: سمر حضري العشاء.
طيف: و جنابك كنت فين؟!
صقر: في اوضة المكتب...
طيف: طيب.
طيف: تعالي عايزاك في موضوع.
فهد: سمر.
سمر: نعم.
فهد: اعملي بعد العشاء سلطة فاكهة.
سمر: عيوني يا فهد بيه تؤمر.
فهد: شكرا.
فهد: تعالي هنا هات التليفون.

ايوب: هش انا تدت البوب ويية(هش انا خدت الموب التليفون شوية)...
فهد: اعمل فيك ايه بس تعالي وريني هتتفرج علي ايه يا ابو مخ زفت زيك.
عند طيف و صقر.
صقر: في ايه؟!
طيف: طفطف حبيبتك عايزة تقولك حاجة حلوة.
صقر: قولي يا قلبي.
طيف: انا طلعت حامل.
صقر(بفرحة): يا اجمل خبر.
صقر حضن طيف و لف بيها كتير و قعد يبوس في وشها.
طيف: اهدي بس استني...
طيف: مش كدة و بس.
صقر: اومال؟!
طيف: انا في الشهر الرابع.
صقر: عرفتي ازاي؟!

طيف: دوخت النهاردة في الشركة و بعد الشغل روحت المستشفي لاني شكيت و عرفت ده كله.
صقر: و جنس المولود.
طيف: خمن.
صقر: بنت؟!
طيف: لا.
صقر: ولد؟!
طيف: لا.
صقر: بنت و ولد؟!
طيف: لا، انا حامل في تلت بنات.
صقر وقع علي السرير من الصدمة و طيف قعدت جمبه.
طيف: انا كان نفسي اسمي شمس هسمي بقي شمس و قمر و نجمة حلوين اوي صح.
صقر: تلاتة ليه يا مفترية والتلاتة بنات ليه؟!

طيف: يعني هو انا جبتهم لوحدي؟! و كمان مالهم البنات ده حتى هيقولولك يا ابو البنات.
صقر: كان نفسي في بنت بنت واحدة بس ربنا رزقني بتلت بنات اللي هو بدل ما كنا نخلف واحد كل سنة قال ايه كل 3 سنين نخلف 3 اطفال...
صقر: ربنا يقدرني و اعرف اجهزهم و اعرف اجوزهم و اعرف اسعدهم بس.
طيف: طبعا يا بيبي تقدر، طول ما انا معاك.
صقر: طبعا طول ما انتي جمبي انا ببقي قوي.

صقر: انتي روح القلب و كل ما املك. انتي ملك ل ده و بس.
طيف: يا ابني مش قد الكلام الحلو ده.
طيف: هو انت ازاي كدة يا عم بتآسرني بعيونك الحلوين دول.
صقر: لا يا حبيبتي انتي اصلا من ساعة ما شوفتك و انتي دخلتي ده شاور علي قلبهُ و هو قفل عليكي حصونه...
طيف: و انا مبسوطة اني في حصون قلب الامير.
صقر خد طيف في حضنه و باس رأسها.

صقر: لو رجع بيا الزمن تاني كنت هختارك انتي يا طيفي فأنتي أصبحتي آسيرة لحصون قلب الصقر...
طيف حضنت صقر جامد و هو دفن وشه في رقبتها و غمض عيونه.
طيف: بحبك.

النهاية????.
طبعا مكنتوش متوقعين المفاجأة دي ان ده يبقي آخر فصل قولت اعمل ليكوا مفاجاة و ده سبب تأخيري في نزول الفصل????.

مبدأيا لان في بنات سألت علي اسم الرواية و معناه,مبدأيا انا كنت هسمي الرواية آسيره لحصونهُ بس المقولة دي تنطبق علي آسر لانه لما جابها و حبسها كانت بين جدران البيت و هو اصلا مكنش بيحبها,اما بالنسبة آسيرة لحصون قلبهُ هنا يعتبر القلب بمكان طيف بقت فيه آسيره للحصون المنيعة و القوية لقلب صقر,صقر هو اللي حبها بجد فبقت هي مِلك لقلبهُ اللي اختارها لان الحب مش بيبقي بارادتنا دي بتبقي من ارادة القلب.

الاخوة: -ناس كتير منا بتفضل تتخانق مع اخواتها حب او رخامة برضو علشان بيحبه. علاقة الاخوة دي رابط مش سهل انها تتكسر بين اتنين بيخافوا علي بعض حتى لو مش بيبنوا اتنين ممكن يموتوا علشان بعض,لكن علاقة الاخوة سهل تتكسر لو مفيش ثقة بين الاخوات تتكسر لما في واحد من الاتنين يقل بأصله. لازم نحافظ علي اخواتنا و ممكن شخص اصلا مش من دمنا بس يبقي قريب مننا اكتر من القريب. الاخوة مش دم بس الاخوة بتشمل حاجات كتير من ضمنها التضحية من ضمنها الحب من ضمنها الاهتمام...

الحب: -اللي بيحب بيضحي اللي بيحب مش هيشوف حبيبته بتتأخد من قدام عينيه و هو مش بيحارب علشانها. اللي بيحب لو اترفض مرة يحاول مليون مرة و مييأسش اللي بيحب ميستسلمش من اول جولة اللي بيحب مبيخونش اللي بيحبه بيضحي بحياته علشان اللي بيحب,آسر محبش طيف لان و لا فعل من افعاله كانت بتدل علي الحب آسر محاربش علشان يخليها تحبه محاربش علشان خاطر يخليها ليه هو. الحب مش سهل الحب فيه عذاب كتير و العذاب بيتحول لحلاوة لما اللي بيحبوا بعض يعدوه سوا يعدوه و كل واحد فيهم واثق من قدرات التاني. يعدوه و هما واثقين انهم و هما مع بعض اقوي من اي حاجة. الحب اني اشوفك نقطة ضعفي و نقطة قوتي. الحب شئ كبير جدا مش بيقدسه الا قلة من الناس.

التعبير: -في اشخاص مننا مبتعرفش تعبر عن اللي هي حساه في ناس لما بتحب معندهاش الجراءة تتكلم في ناس لما بتحب متقدرش تقول مشاعرها و تشاركها مع اي حد. لازم احنا نراعي مشاعرهم نراعي انهم بيحسوا زينا نراعي انهم عايزين يتكلموا بس مش عارفين. ده طبعهم مش هيقدروا يغيروه كفاية عينيهم كفاية افعالهم بتدل علي الحب بس ساعات الافعال مبتكونش دليل كافي علي الحب و لا الكلام دليل كافي عن الحب و التعبير عنه، الافعال و الكلام الاتنين بيكملوا بعض علشان توصل للناس مشاعر او تعبير او حب...

التربية: -التربية حاجة مهمة جدا. التربية دي بتبقي مسئولية الام و الاب الاتنين,لازم يزرعوا جوا الطفل من صغره القيم الاخلاق المبادئ الصح اللي المفروض يمشي عليه نعلمه الحب نعلمه المودة و الرحمة. ساعات في اهالي بتعلم اولادها القسوة و الجفاء تزرع فيهم الحقد من ناس احسن منهم بدل ما تدعي لربنا يرزقها باللي هي عايزاه. ليه احقد علي الناس و ليه ابص لحاجة غيري ليه اخلي ابني وحش و يكون منبوذ من المجتمع و الاشخاص اللي حواليه. و الام هي اللي ربت مش اللي خلفت و كذلك الاب. و من شب علي شئ شاب عليه.

السن: -بيقولوا ان السن او العمر بيحكم اي شخص. مش معني اني عمري مثلا 10 سنين يبقي مينفعش يبقي عندي معلومة صحيحة او خبرة او موقف او حكمة، مش معني اني عندي 45 سنة يبقي محبش حب ايه بقي مبقاش في حب. الحب اللي بيبقي في السن الكبير بيبقي حاجة جميلة جدا نقعد مع بعض نفتكر ايام الشباب نفتكر مصايبنا مع بعض نفتكر اول خلفة لينا. السن ملهوش علاقة بالحب ملهوش علاقة بالعقل ملهوش علاقة بالقلب و لا حتى النفسية. كل حاجة من دول ليها عمر مختلف عن التاني، مكن حد عمره 20 سنة اذكي من شخص عنده 40 مثلا. الخبرة مش بالسن الخبرة بالدروس اللي خدتها من الحياة الخبرة بالمواقف اللي اتعلمت منها و الحكم اللي اتعلمتها. منستهونش بالسن يا جماعة. الحب مش مرتبط بسن معين مش علشان انا كبير في السن يبقي الحب غلط.

الناس: -مش كل الناس شبه بعض و مش كل الناس طيبين و مش كل الناس وحشين. في الوحش و في الحلو في اللي عايز مصلحتنا و في اللي عايز يضرنا، ممكن الضربة تجيلك من القريب قبل الغريب ممكن تتأذي بسبب حد قريب منك جدا خليك متوقع اي حاجة من اي حد. بس انت متفضلش تقول انا مظلوم الناس كلها ظالمة كل واحد بيقول زيك و لو كل الناس مظلومة اومال مين اللي ظالم، اختاروا الناس الصح اللي تكمل معاكوا في المُرة قبل الحلوة امسكوا فيهم مش بيتكرروا كتير.

العوض: ربنا بعوضنا بحاجات كتير جميلة الصبر نهايتة جميلة و الحاجة اللي مكنتش متوقع تتأخد منك ربنا هيوديك الحاجة اللي مكنتش تتوقع انها تجيلك. متيأسوش من رحمة ربنا. عوضه كبير فصبرا جميلا.

تمت
نهاية الرواية
أرجوا أن تكون نالت إعجابكم
جميع الفصول
روايات الكاتب
روايات مشابهة