رواية أسيرة لحصون قلبه للكاتبة سلسبيل كوبك الفصل التاسع والثلاثون
آسر و صقر كانوا قاعدين بيتكلموا مع بعض. فجأة الباب اتفتح و دخلوا ناس مسلحة المكان.
شخص1: مش عايز اي حركة.
آسر: في ايه؟!
شخص1: مطلوب القبض علي آسر الجارحي بتهمة قتل مهرة الجارحي...
آسر و صقر بصوا ل بعض بصدمة شديدة.
صقر: انت بتقول ايه؟! حد هيقتل مامته ليه؟!
شخص: اي حاجة قولوها في النيابة.
صقر: طب ممكن تنزلوا و احنا هننزل وراكوا مش عايزين فضيحة و متنساش ان اسم آسر الجارحي معروف.
شخص: مش عايز اي كلمة، قدامي.
مسكوا آسر اللي بص ل صقر و كان ساكت.
صقر: آسر هتصرف انا متقلقش.
ليلي(بخضة): آسر.
ليلي: في ايه؟!
ركبوا آسر عربية البوليس و صقر ركب عربيته و طلع وراهم...
وصلوا للنيابة علطول و دخلوا لوكيل النيابة.
وكيل النيابة: ايه اقوالك في التهمة الموجهة ليك؟!
آسر: معملتش حاجة امي هقتلها ليه مهما يحصل و مهما الام تعمل الابن ميقدرش يعمل حاجة ليها.
وكيل النيابة: طبعا انتوا قدمتوا بلاغ باللي حصل من شهر و بعد ما اتوفت ظهر لينا شهود.
آسر: و هما مين؟!
دخلوا اتنين و وقفوا قدام وكيل النيابة.
وكيل النيابة: دول.
آسر: انتوا تعرفوني.
شخص1: انت أجرتنا علشان نقتل امك و دفعت لينا فلوس.
آسر(بعصبية): انا يا ولاد ال.
آسر راح ضرب شخص منهم بس العساكر مسكوه.
وكيل النيابة(بحدة): اهدي انت مش في وكالة فوق با روح امك.
آسر: دول ناس كدابة انا معرفش حد منهم.
وكيل النيابة: أمرنا بحبس المتهم اربعة ايام علي ذمة التحقيق...
آسر(بعصبية): انتوا هتصدقوا كلام ال ده.
وكيل النيابة(بزعيق): خده يا عسكري.
شدوا آسر بره المكتب لقي صقر واقف منتظره...
صقر: ايه اللي حصل؟!
العسكري: اربعة ايام علي ذمة التحقيق.
صقر: آسر.
آسر: مش انت دايما بتقول ان السجن للرجالة هجربه اهو.
صقر: هطلعك من هنا...
آسر: واثق فيك يا اخويا.
صقر حضن آسر جامد,العسكري شد آسر من صقر...
العسكري: قدامي.
خدوا آسر للحجز,صقر استني لما الشخصين اللي جوا خرجوا.
صقر مسك واحد منه و زقه علي الحيطة.
صقر: بص يا روح امك دور البرائة اللي انتوا الاتنين راسمينه ده مش عليا انا، هتتكلموا و تقولوا مين أجركوا و لا اقتلكم مكانكم.
شخص1: الحقونا الحقونا.
شخص2: انت مجنون.
العساكر اتدخلت و بعدت صقر عنهم.
صقر(بغضب): و حياة امي ما هسيبكوا.
صقر خرج بره النيابة ركب عربيته و رجع البيت.
عند طيف.
منال: بيتكوا حلو اوي.
طيف: تسلمي يا منال. بس شوفي موضوع تاني نتكلم فيه احنا مع بعض بقالنا شهر.
طيف: بس غريبة ان فريد مش بيدور عليكي.
منال: ما عمره ما هيفكر اني ممكن اكون عندك.
طيف: فعلا.
فهد: طيف.
طيف: نعم يا حبيبي.
فهد: عايز عصير.
طيف: في التلاجة يا حبيبي في عصير صب ليك كوباية.
فهد: شكرا...
طيف: و لا يهمك.
منال: بس هو مش غيبة جوزك طالت اوي...
طيف: ربنا معاه يا منال شغل و انا مقدرة ظروف شغله.
منال: بس اكيد تحت ايده موظفين كتير و بيعملوا مكانه.
طيف: منال يا حبيبتي كلي كيك.
طيف لفت لما لقت الباب بيتفتح و صقر طلع علي اوضة المكتب علطول من غير و لا كلمة.
طيف: عن اذنك يا منال.
طيف طلعت ورا صقر لاوضته و قفلت الباب...
طيف(بعصبية): ايه جنابك ايه اللي رجعك دلوقتي ايه اللي فكرك بيا.
طيف(بعصبية): واضح كدة انك اصلا مش راجع علشاني و لا حتى علشان ضميرك أنبك.
صقر(بزعيق): طيف اطلعي من دماغي.
طيف(بعصبية): ده انت معندكش دم صحيح.
صقر كان بيقلب في الورق اللي في مكتبه بعصبية.
صقر(بزعيق): طيف سيبيني لوحدي.
طيف(بصريخ و عياط): تصدق انك معندكش دم بكرهك يا صقر بكرهك...
طيف سابت صقر و دخلت لاوضتها قعدت تعيط.
صقر: مكنش وقتك يا طيف.
صقر خد الملف اللي كان محتاجه و دخل لاوضته ملقاش طيف كان هيخرج سمع صوت حد عمال يتوجع.
صقر راح ناحية الحمام فتح الباب لقي طيف واقفة علي الحوض و هي بتعيط.
طيف(بعياط): آه آه.
صقر(بقلق): طيف!
صقر جري علي طيف رجع شعرها لورا و قعد يطبطب علي ضهرها...
صقر: مالك؟!
طيف(بعياط): بطني وجعاني اوي.
صقر(بقلق): طب تعالي معايا.
صقر سند طيف و خرج من الحمام قعدها علي السرير.
صقر: خليكي هنا جايلك.
صقر نزل ل تحت عمل حاجة دافية ل طيف تحت انظار منال و طلع تاني ليها...
صقر: خدي.
طيف(بدموع): شكرا.
صقر: انتي تعبانة من امتي؟!
طيف(بدموع): و هو بيفرق معاك؟!
صقر(بتعب): طيف ابوس ايدك متحملنيش فوق طاقتي.
طيف كانت بتعيط بصمت صقر قام قعد جمبها و حضنها...
صقر: غصب عني يا حبيبتي.
طيف(بعياط): انت مش عايز تخلف مني.
صقر: ايوه يا طيف.
طيف(بعياط): خلاص طلقني و انا هربي ابني لوحدي.
صقر: لا يا طيف سقطيه و نكمل حياتنا سوا.
طيف(بعياط): انت معندكش قلب ازاي تقول كدة؟!
صقر: بقول كدة فايدة ليه و لينا يا طيف.
طيف(بعياط): انت مش بتحبني. و النبي يا صقر طلقني بدل العذاب اللي انا و انت فيه، انا مش هسقط ابني اينعم معرفش حامل في الشهر الكام بس كلها كام شهر و ينور دنيتي اللي ممكن انت متبقاش فيها ساعتها هيكون هو السبب اللي مخليني عايشة.
طيف(بعياط): انت مش بتحبني يا صقر؟!
صقر: متقوليش كدة.
صقر قرب من طيف و (لخيالكوا)و.
بعد فترة...
طيف: هتمشي تاني؟!
صقر: لا.
طيف: رايح فين؟!
صقر: الفترة دي فترة صعبة يا طيف غصب عني هبعد المرة دي بس مش اوي.
طيف: و البيبي؟!
صقر: ليه مش مقدرة اني خايف عليكي؟!
طيف: ازاي يا صقر؟!
صقر: طيف لو حد من اعدائي عرفوا انك حامل هخسرك انتي و الطفل.
طيف قربت من صقر حطت ايديها علي كتفه.
طيف: حبيبي طول ما احنا مع بعض مفيش حاجة هتحصل ان شاء الله.
طيف: صقر اسمعني انت بتحبني؟!
صقر لا رد.
طيف: رد يا صقر المرة دي هنأخد قرار حاسم.
صقر: افرضي بحبك يا طيف.
طيف: يبقي طول ما احنا الاتنين مع بعض مفيش حاجة هتقف قدامنا هنقاوم انا و انت علشان خاطره.
طيف مسكت ايد صقر غصب عنه و حطتها علي بطنها.
طيف: اسمع نبضه.
صقر(بضعف): طيف.
طيف حضنت صقر جامد و صقر حاوطها بايده...
طيف: صدقني هنكون سعداء مع بعض بس لو تبطل شوية عناد.
صقر بعد طيف عنه و قام من علي السرير راح ناحية الحيطة.
صقر(بغضب): حسام!
طيف: في ايه يا صقر؟!
صقر نزل جري علي تحت و شاف منال قاعدة علي الكنبة شدها من شعرها و ضربها علي وشها.
صقر(بغضب): انا تستغفليني انا و مراتي يا.
صقر قعد يضرب منال و منال تصرخ,طيف نزلت جري ل صقر و حاولت تبعده عن منال.
طيف: اهدي يا صقر نفهم الاول في ايه؟!
صقر(بغضب): ده انتي تربية. بعد ما مراتي فتحت ليكي بيتها تضحكي عليها يا روح امك.
صقر نزل ضرب في منال لغاية ما اغمي عليها,طيف اترمت علي الكنبة بتعب بتبص ل صقر بغضب,فهد كان واقف علي السلالم خايف من شكل صقر.
طيف(بزعيق): ممكن افهم ايه اللي عملته فيها ده؟!
صقر(بغضب): بقالك شهر مش حاسة ان في كاميرات للكلب اللي اسمه حسام ده و بقاله شهر بيتفرج عليكي.
طيف حطت ايديها علي بوقها بصدمة و قعدت تعيط...
صقر حط ايده علي خصره و ايده التاني كان بيمسح علي وشه بغضب.
صقر(بغضب): بنت الدي تترمي رمية الكلاب.
صقر زق الكرسي اللي قدامه برجله بغضب.
صقر(بغضب): كنت بتغيري هدومك فين؟!
طيف(بدموع): اوضة الملابس.
صقر طلع لاوضته و دخل اوضة الملابس بدأ يدور في كل حتة في الاوضة اذا كان في كاميرا و لا لا.
طيف: ايه؟!
صقر: مفيش.
صقر مد ايده ل طيف و طيف جريت عليه حضنته جامد و بدأت تعيط.
صقر: خلاص مفيش حاجة اهدي. اهدي يا روحي.
صقر باس طيف علي رأسها و خرج بدأ يدور في ال?يلا كلها علي كل الكاميرات اللي موجودة.
صقر(بغضب): ال.
طيف: خلاص بقي متعصبش نفسك. الحمدلله انك اكتشفت و عدت علي خير.
صقر(بعصبية): الموضوع يضايق يا طيف الامر مزعج مزعج اوي افرضي كان شافك و انتي مش لابسة او.
طيف حطت ايديها علي بوقه باست خده.
طيف: حبيبي الحمدلله انها عدت علي خير متفكرش في حاجة وحشة و ان شاء الله ميكونش شافنا خالص...
صقر: طيب.
صقر: تعالي يا فهد. تعالي.
فهد قام من مكانه و كان خايف قرب منهم. صقر نزل ل مستوي فهد و حضنه...
صقر: متخافش مني مفيش حاجة حصلت.
فهد: انت ممكن تعمل كدة مع طيف؟!
صقر: لا يا حبيبي انا عارف اعاقب طيف ازاي,مش كدة يا طيف؟!
طيف: هتعمل ايه فيها؟!
صقر: هرميها جمب اي سلة زبالة.
طيف: بس هو ليه حط كاميرات صغيرة؟!
صقر: هيكون ليه علشان محدش يحس بيها.
فهد: هو مين عمو الوحش ده؟!
صقر: انت قولتها بنفسك وحش.
صقر: يلا اطلع علي اوضتك نام...
فهد: حاضر.
صقر قرب من طيف و حضن خصرها.
صقر: وحشاني.
طيف: صقر انت كنت بتيجي كل يوم صح؟!
صقر: قصدك ايه؟!
طيف: كنت بحس كل يوم تيجي تبوس رأسي و بطني، صح يا صقر؟!
صقر: يلا هروح اتصرف انا في ال.
طيف: اهرب اهرب.
صقر باس خد طيف بسرعة و راح شال جسم منال علي كتفه و خرج بره ال?يلا...
-في مكان تاني...
في القصر...
محمد: نجلاء.
نجلاء: نعم؟!
محمد: مش شايفة اننا لازم نتكلم شوية.
نجلاء راحت قعدت جمب محمد و بصتله.
نجلاء: اتفضل انا سمعاك...
محمد: نجلاء ايه رأيك ننسي اللي فات و نبدأ صفحة جديدة.
نجلاء: انت كنت منتظر لما مهرة تموت علشان تقول كدة.
محمد: نجلاء ما تزيديش المسافات اللي بينا اكتر.
نجلاء: محمد اللي بينا تراكمات مش هتنتهي.
محمد: ممكن نشيلها واحدة واحدة. انا كبرت و الواحد مش ضامن عمره و...
نجلاء: بعد الشر عليك يا محمد.
نجلاء: لسة عايزين نجوز نيران و آسر.
محمد: نجلاء.
نجلاء: نعم.
محمد: بحبك.
نجلاء: و انا كمان و مش هقدر انكر ده بس اللي حصل كان كتير اوي يا محمد. و مش بموت مهرة كل حاجة هتتحل.
نيران: مساء الخير...
نجلاء: مساء النور يا حبيبتي عملتي ايه في الامتحان؟!
نيران: الحمدلله.
محمد: فين ماهر؟!
نيران: راح علي الشركة يا بابا.
محمد: طيب يا حبيبتي.
نيران: هطلع اغير هدومي.
نجلاء: و انزلي علشان الغداء.
نيران: حاضر عن اذنكم.
عند ماهر...
ماهر وصل الشركة و راح ناحية مكتب آسر.
ماهر: ليلي مالك بتعيطي ليه؟!
ليلي(بعياط): البوليس جه خد آسر.
ماهر(بصدمة): ليه؟!
ليلي(بعياط): معرفش. كنت بجيب ملف من الحسابات طلعت لقيتهم بيأخدوه كان معاه صقر بيه.
ماهر(لنفسه): حسام الكلب...
ماهر: روحي خدي اجازة النهاردة يا ليلي انا هتصرف.
ماهر نزل ركب عربيته و راح ناحية بيت حسام.
حارس: حضرتك عايز مين؟!
ماهر: حسام.
حارس: اقوله مين؟!
ماهر(بعصبية): ماهر.
حارس: لحظة.
الحارس راح ناحية ما حسام موجود.
حارس: حسام بيه واحد اسمه ماهر عايز حضرتك...
حسام: دخله.
دخلوا ماهر و ماهر راح ناحية حسام ضربه بوكس في وشه,الحراس مسكت ماهر.
ماهر(بغضب): سيبوني و ربي يا حسام لاكون قاتلك...
حسام: سيبوه.
حارس: يا بيه.
حسام(بحدة): قولت سيبوه و امشوا انتوا من هنا.
حسام راح ناحية البار اللي موجود في البيت و صب ليه كحول.
حسام: انت مش عايز تفهم ليه يا ماهر انه بمزاجي انا انا اللي بمشي حياة عائلة الجارحي و كل ما يتعلق بيهم...
حسام: من شهر و شركة آسر و ابوه عمالة تطلع لفوق لفوق، عمال اقول اهدي يا حسام ماهر شاطر و هيرجع بس في الاخر مرجعتش.
ماهر(بغضب): فقولت بقي ايه اخلي البوليس يقبض علي آسر...
حسام: انا ذنبي ايه الشهود بتقول انه هو اللي حاول يقتل امه...
ماهر(بغضب): انت اقذر بني ادم انا عرفته.
حسام: زعلتني يا ماهر، قدامك فرصة اخيرة يا ماهر ترجع و لا لا؟!
ماهر: الشخص اللقيط اللي بيبقي في الشارع لما حد بيأخده و يحميه و ينضفه و يبقي انسان عمره ما يبيرجع للشارع تاني يا حسام، و انا كنت غبي و انا بشتغل معاك لكن دلوقتي انا فوقت.
ماهر: انسي يا حسام. خليك انت في.
حسام: فتحت علي نفسك باب جهنم...
ماهر: تؤ انت اللي فتحت علي نفسك الباب انت اللي غبي هو انت فاكر لما تفضل تعادي كل اللي حواليك في الاخر حد هيقف جمبك كلهم هيتفقوا علي موتك حتى لو بيكرهوا بعض...
ماهر: انت اللي هتخسر و هتخسر كتير بكل اللي بتعمله ده.
ماهر: سلام و خليك عارف الشاطر اللي بيضحك في الاخر...
ماهر ساب حسام و خرج بره بيته ركب عربيته و راح ناحية بيت صقر...
في بيت صقر.
طيف كانت نايمة علي رجل صقر و صقر بيملس علي شعرها و بيفكر في موضوع آسر.
طيف: سرحان في ايه؟!
صقر(بتنهيدة): فيكي.
طيف: كداب.
صقر: يا بت نامي بقي.
طيف: لا.
الباب خبط.
صقر: وسعي رأسك هقوم اشوف مين...
صقر قام و فتح الباب لقي ماهر.
ماهر(باحراج): آسف لو كنت ازعجتكم.
صقر: لا عادي اتفضل.
ماهر: لا خلينا بره احسن ممكن نتكلم؟!
صقر: طيب.
صقر و ماهر قعدوا في جنينة ال?يلا.
ماهر: هو ايه اللي حصل لآسر؟!
صقر: ال حسام هو السبب.
ماهر: طب ليه استني لما عدي شهر.
صقر: علشان محدش يشك فيه نهائي.
صقر: حسام ذكي و ذكي اوي بس في الاذكي منه.
صقر: حسام عايز يخلص علي العائلة كلها.
ماهر: ناوي تعمل ايه؟!
صقر: لازم اكلم الشهود.
ماهر: طب ما تعمل كدة؟!
صقر: مختفيين. حسام خفاهم و هيخرجهم وقت ما هو عايز...
ماهر: طب ازاي؟! او ليه؟!
ماهر: ايه اللي حصل بينكم يوصل المواضيع لكدة، آسر عمره ما حكي ليا.
صقر: بعدين تبقي تعرف. المهم دلوقتي نحصن الكل.
ماهر: تسمحلي اساعدك؟!
صقر: اكيد آسر كان بيعتبرك اكتر من اخ.
ماهر: و كان برضو بيحبك...
صقر: اخوات بقي.
ماهر: ربنا يخليكوا ل بعض...
صقر: بس محدش يعرف حاجة عن موضوع آسر.
ماهر: اكيد.
صقر: تشرب ايه؟!
ماهر: و لا اي حاجة مرة تانية، همشي انا.
صقر: لسة بدري.
ماهر: لا لازم اروح عن اذنك. علي تليفون.
صقر: تمام.
صقر دخل البيت لقي طيف قاعدة مستنياه...
صقر: يا بت هو انتي عايزة تجنيني و خلاص.
طيف(بدلع): انا و لا سارة؟!
صقر: ايه ده هو فيها هز اكتاف؟!
طيف ضحكت علي طريقة كلام صقر,صقر راح ناحيتها حضنها و قعدها علي رجله.
صقر: نفسي اعرف عملتي فيا ايه يا بنت المجانين انتي؟!
طيف: ده انا برئية.
صقر: اوي يا عيني علي البرائة ظالمك انا.
طيف(بضحك): مش عاجبك؟!
صقر: عاجبني و نص كمان.
صقر قرب من طيف باس خدها و حضنها.
صقر: ننطلع ننام علشان بكرة نروح للدكتورة.
طيف: لا مش عايزة انام.
صقر: في نوم.
صقر شال طيف بين ايديه و طلع علي اوضتهم نيمها علي السرير و طفي النور و نام جمبها...
صقر: هوريكي حاجة حلوة.
طيف: ايه؟!
صقر داس علي زرار جمب السرير كل الدنيا بقت ضلمة و فجأة السقف نور و بقي علي شكل سماء و فيها نجوم و شهب.
طيف: واو يا صقر حلوة اوي.
طيف باست خد صقر و حضنته جامد.
طيف: ايوه كدة انام في جو رومانسي.
صقر باس رأسها و بدأ يحرك ايده علي رأسها لغاية ما طيف نامت في حضن صقر,صقر فضل صاحي فترة بيفكر في حل المشاكل اللي حواليه و بدأ يروح في النوم هو كمان.
-في مكان تاني...
عند رفيف و رامي.
رامي: حبيتي القاعة؟!
رفيف: اه حلوة اوي.
رامي: كمان اسبوع هنعمل الفرح هنا.
رفيف: ان شاء الله.
رامي: حاسك مش مبسوطة؟!
رفيف: علشان طيف حاسة ان فيها حاجة.
رامي: كلها اسبوع و تشوفيها يا روحي.
رفيف: مكناش بنتفرق عن بعض...
رامي: حبيبتي كل واحد اكيد ليه حياته الخاصة بيه.
رامي: دي سُنة الحياة.
رفيف: ربنا يخليك ليا.
رامي: ايه الحب اللي نزل فجأة ده؟!
رفيف: يا حيوان.
رامي: احبك يا قمراية.
رفيف: و انا كمان.
شخص: استاذ رامي كدة اتفقنا علي كل حاجة.
رامي: تمام. مش هوصيك بقي ده فرحي و ليلة العمر بقي.
شخص: اكيد. مبروك...
رامي: الله يبارك فيك. يلا يا رفيف.
رفيف: يلا.
رامي و رفيف مسكوا ايدين بعض و خرجوا بره القاعة.
رامي: كدة ناقص اي حاجة يا قمر؟!
رفيف: لا، بس مش هتجبلي آيس كريم.
رامي: عيوني حاضر. اركبي يلا.
رامي و رفيف ركبوا عربية رامي و رامي ساق ناحية محل آيس كريم و نزلوا دخلوا المحل.
رامي: متأكدة انك كويسة؟!
رفيف: الصراحة بقي خايفة علشان خاطر معتز مختفي و ممكن يظهر زي العفريت في الفرح.
رامي: و لا تخافي يا قمر انا هعمل كل الاحتياطات اللازمة، اياكي تزعلي افرحي.
رامي: يلا اضحكي.
رفيف ابتسمت بسعادة و حضنت رامي.
رامي: هو لازم فرح فرح.
رفيف(بخجل): يا رخم.
رفيف: ما تيجي نتكلم مع طيف و صقر.
رامي: زمانهم نايمين هما بيناموا بدري.
رفيف: مين قالك؟!
رامي: تخمين.
رفيف: احنا هنعيش مع طنط صح؟!
رامي: لا هنعيش في الشقة اللي جمبها علطول. بابا اشتراها ليا علشان اتجوز فيها.
رفيف: و احنا هنلحق نجهزها؟!
رامي: هي جاهزة يا قلبي.
رفيف: حبيبي. هدخل الحمام لحظة.
رامي: تمام يا قمر.
رفيف قامت دخلت الحمام و بدأت تغسل وشها.
نور: اهلا يا حلوة.
رفيف(بخضة): انتي؟!
نور: لا عفريت. بقي انتي يتجوزها و يرميني انا؟!
رفيف: عايزة ايه؟!
نور: روحك.
نور طلعت سكينة من ورا ضهرها و ضربت بيها رفيف.
رفيف(بصريخ): رامي.