رواية أسيرة لحصون قلبه للكاتبة سلسبيل كوبك الفصل الأربعون
رفيف قامت دخلت الحمام و بدأت تغسل وشها.
نور: اهلا يا حلوة.
رفيف(بخضة): انتي؟!
نور: لا عفريت. بقي انتي يتجوزها و يرميني انا؟!
رفيف: عايزة ايه؟!
نور: روحك.
نور طلعت سكينة من ورا ضهرها و ضربت بيها رفيف.
رفيف(بصريخ): رامي.
نور خرجت بسرعة من الحمام,رامي كان بيبص علي الحمام لاحظ نور و هي بتجري.
رامي جري علي الحمام بسرعة.
بنت: ده حمام للبنات حضرتك داخل فين؟!
رامي(بقلق): لو سمحت خشي شوفي مراتي جوا و لا لا اسمها رفيف.
بنت: طيب لحظة.
البنت دي دخلت الحمام قعدت تصرخ رامي دخل علطول اتصدم لما لقي رفيف مرمية في الارض و بتنزل دم.
رامي(بخضة): رفيف رفيف قومي ردي عليا.
رامي قرب من رفيف و كان مصدوم من منظرها.
رامي(بدموع): رفيف...
في ناس في المحل سمعوا صريخ البنت و دخلوا.
بنت: خد اكتم الدم ب ده.
رامي ربط زي طرحة حوالين خصر رفيف مكان الجرح و شالها بسرعة بين ايديه.
راجل: وسعوا وسعوا الطريق.
رامي خرج بسرعة بره المحل و حط رفيف في العربية و ركب العربية و بدأ يسوق ناحية اقرب مستشفي.
رامي وقف قدام المستشفي و نزل شال رفيف و دخل.
رامي: عايز نقالة بسرعة.
ممرضة: اصبر طيب. هاتي يا اولفت نقالة.
اولفت: طيب.
جابوا نقالة و رامي حط رفيف علي النقالة و بدأوا يدخلوا اوضة الطوارئ و رامي ماسك ايد رفيف...
رفيف فتحت نص عينيها و اتكلمت بصوت واطي اوي.
رفيف: طط يف ف(طيف).
ممرضة: خليك حضرتك هنا احنا هنتصرف.
رامي قعد علي الكرسي و حط رأسه بين ايديه و بدأ يعيط.
بعد فترة رامي مسح دموعه و مسك تليفونه و اتصل ب طيف...
عند طيف.
طيف كانت نايمة هي و صقر و صحيت بازعاج علي رن التليفون.
صقر(بتعب): مين المزعج ده؟!
طيف مدت ايديها و مسكت التليفون لقت رامي.
طيف: ده رامي.
صقر(بتعب): اقفلي و كملي نوم.
صقر شد طيف لحضنه و غمض عيونه و كمل نوم و طيف كانت هتنام بس تليفونها رن تاني.
طيف مسكت التليفون و ردت علي رامي.
طيف: الو...
رامي: طيف آسف لو كنت صحيتك في وقت متأخر زي ده بس.
طيف: في ايه يا رامي؟!
رامي: رفيف في المستشفي.
طيف انتفضت من حضن صقر و قامت اتعدلت.
طيف: ليه مالها؟!
رامي: اضربت بسكينة و نقلتها المستشفي. هي عايزاكي.
طيف: ازاي ده يحصل يعني؟! و مين اللي عمل كدة؟!
صقر: في ايه يا طيف؟!
طيف قعدت تعيط و صقر خد منها التليفون...
صقر: الو.
رامي: ازيك يا صقر.
صقر: في ايه حصل ايه؟!
رامي: رفيف في المستشفي و عايزة طيف.
صقر: تمام الف سلامة هشوف طيف و نحاول نيجي...
رامي: معلش يا صقر انا اسف بس.
صقر: لا عادي و لا يهمك.
صقر قفل مع رامي و قرب من طيف حضنها طيف حضنته جامد و قعدت تعيط.
صقر: متعرفيش يبقي عندك ثبات شوية.
صقر: و لا هو ام ثباتك ده مبيطلعش الا ليا.
طيف(بعياط): اعمل ايه؟!
صقر: تهدئ كدة و تمسحي دموعك و خلي عندك ثبات انفعالي و مش كل حاجة تعيطي عليها.
طيف(بعياط): انت مش سامع هو قال ايه؟
صقر: و لو برضو يا طيف. قومي يلا غيري هدومك.
طيف: هتوديني ليها؟!
صقر: ايوه.
طيف: شكرا.
صقر: ماشي يا حبيبتي يلا قومي.
طيف قامت الحمام غسلت وشها و خرجت تغير هدومها.
طيف لبست فستان ب ¾ كم باللون الكحلي طويل لغاية بعد الركبة بشوية و لبست فوقه جاكت بكم باللون الابيض و سيبت شعرها علي ضهرها و لبست بوط بكعب باللون الاسود.
طيف: انت هتيجي معايا؟!
صقر: لا يا حبيبتي ورايا شغل كلمت معتصم و هو هيوصلك بنفسه لغاية المستشفي.
طيف: طب و انت متجيش معايا ليه انا خايفة؟!
صقر: يا حبيبتي ورايا شغل و غير ان آسر تعبان و لازم اكون معاه معلش و اقولك بالمرة خليكي هناك لغاية ميعاد الفرح انا متأكد ان شاء الله ان رفيف هتفوق و الفرح هيتعمل في ميعاده.
صقر: و هكلمك كل شوية.
طيف: طب و فهد؟!
صقر: هجيبه معايا يوم الفرح...
طيف: توعدني هتخلي بالك من نفسك و منه؟!
صقر: وعد.
صقر: معتصم تحت يلا.
طيف و صقر نزلوا ل تحت و صقر حضن طيف قبل ما تمشي.
معتصم: مش يلا و لا ايه؟!
صقر(بحدة): تروح عينك علي الطريق و من غير و لا كلمة.
معتصم: طبعا عيوني. يلا يا طيف هانم.
طيف ركبت العربية هي و معتصم و شاورت ل صقر.
صقر(بتنهيدة): يا رب.
معتصم: رحلة سعيدة يا مدام طيف.
طيف: شكرا يا استاذ معتصم.
معتصم: بقولك ايه ما تسيبك من كلام الباشا ده اصل الصراحة الطريق طويل و انا بحب الرغي اوي.
طيف: طيب احكيلي عن مصايب صقر.
معتصم: يووووووووه كتير. عندك مثلا.
عند صقر.
صقر طلع لاوضة مكتبه و كان متعصب,تليفونه رن.
الخط اتفتح.
صقر(بحب مصطنع): الو يا حبيبتي.
سارة: ايه يا صقر وحشتني اوي؟!
صقر(باصطناع): طيب انا جايلك.
سارة: الخنزيرة مراتك دي هتخلص من اللي في بطنها امتي؟!
صقر(باصطناع): قريب يا سارة قريب.
سارة: طب تعالي يلا يا حبيبي مستنياك.
صقر: طيب.
صقر قفل مع سارة و حط ايده في وشه.
صقر: لما نشوف هخلص من اللعبة ال دي امتي. و ربي لاربيكوا واحد واحد دورك هيجي يا سارة متقلقيش.
صقر قام غير هدومه و نزل ركب عربيته و مشي بعد ما اطمن علي فهد...
عند رامي.
الدكتورة: الحمدلله عدت علي خير هي محتاجة رعاية.
رامي: يعني هي اهم حاجة كويسة؟!
الدكتورة: متقلقش.
رامي: شكرا لحضرتك جدا.
الدكتورة: و لا يهمك.
الدكتورة: بس الخياطة خدت وقت لان الجرح كان عميق شوية. اهم حاجة متتحركش كتير.
رامي: تمام.
الدكتورة: لما تفوق تقدر تدخل ليها.
رامي: تمام شكرا.
رامي قعد قدام اوضة رفيف و بعد فترة لقي طيف بتدخل من الممر و وراها معتصم.
رامي: بعتذر يا طيف جبتك في الليل كدة.
طيف: و لا يهمك يا رامي. فين رفيف؟!
رامي: نايمة في الاوضة. الدكتورة قالت هندخل بعد ما تفوق.
طيف: احب اعرفك معتصم صاحب صقر. ده رامي جوز رفيف صاحبتي.
معتصم: تشرفت بيك.
رامي: انا اكتر، اومال فين صقر؟!
طيف: عنده شغل كتير معرفش يجي.
رامي: ربنا معاه.
طيف و معتصم قعدوا جمب رامي منتظرين لحد ما رفيف تفوق.
رامي: طب تخشي تقعدي جوا لحد ما تفوق؟!
طيف: لا عادي.
الدكتورة دخلت تفحص رفيف و كانت بدأت تفوق.
رفيف(بخفوت): رامي.
الدكتورة: انسة رفيف سمعاني؟!
رفيف(بخفوت): فين رامي؟!
الدكتورة: هناديه لحضرتك بعد الفحص.
الدكتورة: كدة تمام. بس انتي ريحي نفسك.
رفيف: شكرا.
الدكتورة خرجت و بدأت تكلم رامي.
الدكتورة: فاقت تقدروا تدخل ليها.
طيف: هخش انا ليها الاول عن اذنكم.
طيف دخلت لاوضة رفيف و قربت منها بهدوء.
رفيف: رامي.
طيف: لا عفريت.
رفيف(بصريخ و فرحة): طيف.
رفيف اتعدلت بسرعة بس جرحها وجعها.
طيف: هششش اهدي في ايه انا اهو قدامك...
طيف حضنت رفيف جامد و رفيف حضنتها و باستها علي خدها.
رفيف(بفرحة): ده احلي يوم في حياتي.
طيف: ما انا كنت بكلمك كل يومين يا بت.
رفيف: برضو لا.
طيف: حمدلله علي السلامة.
رفيف: الله يسلمك يا روحي.
طيف: مين عمل كدة؟!
رفيف: اللي متتسمي نور.
طيف: هي طالعة ليكوا في البخت كدة ليه.
رفيف: ربنا يأخدها.
طيف: او يهديها.
رفيف: هي دي بتتهدي دي بس يلا.
الباب خبط.
رامي: حمدلله علي السلامة يا حبيبتي.
رفيف: الله يسلمك يا حبيبي.
رامي قرب من رفيف و باس رأسها و رفيف حضنته.
طيف: يا بت استحي انا موجودة.
رفيف: جوزي ملكيش فيه.
طيف(بضحك): بتغيظيني يعني.
طيف: انا بقول بلاش نأجل الفرح هي زي القردة اهو.
رامي: انا اسف يا رفيف انتي كدة بسببي.
رفيف: لا يا حبيبي.
رامي: اسمعيني نور بتكرهك بسببي انا و عملت كدة علشاني انا اسف يا حبيبتي بس انا بحبك انتي و مبحبش اشوف فيكي اي أذي خالص و الله.
طيف: انسحب بهدوء اذا.
طيف بصت ل رفيف و غمزت ليها و مشيت...
رفيف: و انا متقبلة أي أذي طول ما انا معاك.
رامي: ده ايه الكلام الكبير ده ايه ده في ايه؟!
رامي قرب من رفيف و (لخيالكوا).
رامي: ربنا يخليكي ليا يا روحي.
بره.
طيف كانت قاعدة جمب معتصم بيتكلموا عن صقر.
طيف(بصدمة): فريد!
فريد: ازيك يا طيف.
طيف(بتوتر): بخير. و انت؟!
فريد: بخير...
طيف: إيه اللي جابك هنا؟!
فريد: جايلك؟!
طيف: عرفت منين اني هنا؟!
فريد: مش مهم...
معتصم: ايوه انت عايز ايه بقي؟!
فريد: عايزك يا طيف.
طيف: طيب. عن اذنك يا معتصم.
معتصم: طيب.
طيف و فريد خرجوا بره لجنينة المستشفي,معتصم طلع تليفونه و اتصل بصقر...
بعد فترة الخط اتفتح.
صقر(بضيق): الو يا معتصم.
معتصم: تعرف واحد اسمه فريد؟!
صقر(بضيق): ايوه ماله؟!
معتصم: مع طيف دلوقتي بيتكلموا.
صقر(بعصبية): و انت سايبهم كدة؟!
معتصم: طب اعمل ايه؟!
صقر(بعصبية): اخرج ابعدها عنه. معرفش اذا كان بيلعب تبع ال اللي اسمه حسام و لا لا.
معتصم: طيب طيب متقلقش.
عند طيف و فريد.
فريد: الفيديو ده من خمس دقايق بالظبط و المعلومات اللي عندي انه كمان متجوزها.
فريد: دي المعلومات اللي وصلتلي و الفيديو مش كدب مش هكدب عليكي مهما كان انا بحبك و مش هضحك عليكي، هو اللي بيضحك عليكي يا طيف فوقي يا طيف فوقي بيخونك اهو و طلع متجوز عليكي.
فريد قرب من طيف و حط ايده علي كتفها,معتصم قرب منهم و شد ايده بسرعة...
معتصم(بحدة): احترم نفسك متنساش انها متجوزة.
معتصم: يلا يا طيف صقر عايز يكلمك.
طيف كانت صامتة و مشيت مع معتصم بهدوء شديد,فجأة طيف وقعت في الارض مغمي عليها.
معتصم(بخضة): طيف!
معتصم(بصوت عالي): عايز دكتور...
فريد جري علي المستشفي و نادي الدكتور و الدكتور راح ناحية طيف و بدأ يشوف نبضها.
الدكتور: اجري جيبي نقالة هنا.
ممرضة: حاضر يا دكتور.
نقلوا طيف اوضة الطوارئ و بدأوا يفحصوها.
رامي خرج يشوف طيف ملقهاش بس لمح معتصم.
رامي: استاذ معتصم.
معتصم: نعم.
رامي: هي فين طيف؟!
معتصم: اغمي عليها.
رامي(بقلق): ليه كدة؟!
معتصم اتصل بصقر، الخط اتفتح.
صقر: الو يا حبيبتي.
معتصم: صقر طيف اغمي عليها بعد ما اتكلمت الحقير اللي اسمه فريد ده.
صقر(بقلق): طب طب الدكاترة قالوا ايه؟!
معتصم: لسة بيكشفوا عليها؟!
صقر(بقلق): معتصم خلي بالك منها طيف حامل.
معتصم(بصدمة): ايه؟!
صقر: ايوه. انا جاي حالا.
معتصم: طيب هنتظرك.
صقر: ماشي.
عند صقر...
صقر كان قاعد علي الكنبة بيهز رجله بغضب و انتظر لما سارة خرجت من الحمام قام ناحيتها مسكها من شعرها...
صقر(بغضب): بقي انا يا روح امك تلعبي معايا.
سارة(ببرود): ايه السنيورة شافت الفيديو اللي بيجمعنا.
صقر ضرب سارة علي وشها بغضب.
صقر(بغضب): و ربي يا سارة لاكون قاتلك.
سارة: اقتلني كفاية عليا ان السنيورة بتاعتك عرفت الحقيقة و مش هتبص في وشك تاني.
سارة: انا اللي حبيتك انا مش هي.
صقر(بغضب): و نعمة الحب. روحتي لاخويا شوية و لابن عمي شوية كنت قرطاس انا صح، ده انا شوفتك و انتي في حضنهم يا.
صقر(بغضب): هو انتي بتعرفي تحبي اصلا انتي و. انتي ناقصة تربية.
صقر(بغضب): بس تعرفي انتي شبه ال حسام و ربي لادفعكم كلكم التمن.
سارة: انا علشان انت تبقي معايا ممكن اعمل اي حاجة يا صقر اي حاجة ممكن اقتلها هي شخصيا اه نسيت هي و اللي في بطنها و علفكرة حسام عارف انها حامل و فرح جدا بالخبر و اللي جاي خراب عليك انت و هي يا صقر.
سارة: بنت ال دي متستاهلش الا اللي بيحصل فيها و هيحصلها.
صقر(بغضب): اللي بتتكلمي عليها احسن منك يا روح امك مليون مرة.
صقر(بغضب): و انا هعرف اربيكم يا شوية كلاب انتي و ال التاني.
سارة: ابقي اسالها كان شكلي عامل ازاي في الفيديو عجبها.
صقر طلع مسدسه من ورا ضهره و ضرب نار علي رجل سارة...
سارة صرخت صرخة قوية جدا بوجع.
صقر(بهمس مخيف): البداية بس...
صقر مشي خرج بره البيت اللي هو فيه و ركب عربيته و ساق للقاهرة.
عند طيف...
الدكتور: مناعتها ضعيفة جدا و الطفل و هي حالتهم بتسوء كل يوم عن يوم. و كمان هي بقالها اكتر من اربع شهور مش بتأخد الادوية المطلوبة اللي بتساعد علي تثبيت الحمل و تزود الام بالمواد اللي ناقصاها. انتوا ازاي ساكتين علي كدة؟!
الدكتور: دي كانت ماشية معاها بالبركة. الرعاية زفت.
معتصم: طب ممكن تعمل المطلوب دلوقتي طيب...
الدكتور: من هنا و رايح لازم متابعة مع دكتور او دكتورة متخصصين و لازم تأخد الادوية في ميعادها و حد يهتم بغذائها.
معتصم: اكيد ان شاء الله.
رامي: هو هتلاقيهم مكنوش يعرفوا انها حامل بس بتحصل.
الدكتور: عن اذنكم هي هتفوق دلوقتي.
رامي: هروح اطمن رفيف يا معتصم. هو صقر قال جاي؟!
معتصم: ايوه.
رامي: طيب.
طيف بدأت تفوق ببطء و قامت اتعدلت في نومتها مسحت علي وشها بأيديها بهدوء.
معتصم: ممكن افهم ايه اللي الحيوان ده قاله خلاكي كدة؟!
طيف: في ايه يا معتصم مش كدة يا عم.
الممرضة جابت أكل ل طيف و طيف بدأت تأكل بكل هدوء غير متوقع...
بعد فترة سمعوا صوت عالي بره و زعيق.
صقر(بغضب): يا ابن ال.
صقر طلع سلاحه و حطه في وش فريد...
رامي: صقر اهدي في ايه اصبر كدة.
معتصم: صقر بقتله مش هيحصل حاجة...
طيف(بهدوء): في ايه يا عم صقر ما تأخد الموضوع عادي و خلي عندك ثبات انفعالي.
صقر بص علي طيف و قرب منها بس هي رجعت خطوة لورا.
طيف: حمدلله علي السلامة اتمني مكونش خدتك من شغلك. اصل الواحد لازم برضو يشتغل بذمة صح و لا ايه.
طيف: ليه يا معتصم اتصلت بيه كدة تزعجه و هو بيشتغل...
طيف: برضو ملهوش لزوم تيجي اصل فرح رفيف كمان اسبوع فانا بقي ناوية اقعد الاسبوع ده هنا...
طيف: و انت يا صقر ارجع شغلك براحتك خالص.
صقر: متتكلميش من غير ما تفكري.
طيف: ايوه السيناريو المعهود اسمعي ده غصب عني هي اجبرتني او ممكن تسامحيني اخر مرة انا بحبك انتي مش هي هي مجرد نزوة او ممكن تدي علاقتنا فرصة حرام الولد يتربي يتيم الاب يا طيف...
صقر: لا مش كدة انا غير اي حد.
صقر قرب من طيف و (لخيالكوا).
صقر دخل اوضة طيف و قفل الباب طيف بعدت عن صقر و ضربته بالقلم علي وشه.
صقر: ا.
طيف ضربت صقر علي خده مرة تانية و كذا مرة ورا بعض لدرجة ان وشه بقي احمر...
طيف: اخرج بره مش عايزة اشوفك قدامي، ارجع مكان ما جيت.
طيف ودت ضهرها ل صقر,صقر قرب منها و لفها ناحيته.
صقر: عايزة تعرفي الحقيقة كاملة مش كدة. مش هقولك انا غلطان و لا ان طريقتي غلط لا هقولك انا مقتنع بللي عملته جدا و معملتش حاجة حرام اللي لمستها دي تبقي مراتي و علي ذمتي يعني مغضبتش ربنا و كمان الشرع محلل اربعة ايه هتعارضي كلام ربنا مثلا.
صقر: اما عملت كدة ليه فده علشان اصلح اللي انتي عملتيه بمجيتك ليا في الشركة و قولتي الكلمتين اللي قولتيهم قدام سارة لان لاخر لحظة كنت ممكن انتهي من حسام عن طريق سارة بس انتي لا طبعا لانك غبية و دماغك مش فيكي عملتي اللي عملتيه و بوظتي خطتي الاولي.
صقر: حسام عايز يأخد روحي انا و كل اللي حواليا حتى انه لو يطول يأخد روح اللي في بطنك ده هيأخدها علشان بس يحرق قلبي و يعذبني بموتك و بموته.
صقر: حسام ما صدق اني حبيتك مش حبيتك بس اني عشقتك استغل انك مالكة ده.
-صقر مسك ايد طيف و حطها علي مكان قلبه.
صقر: استغل انك كل ما املك و بيعمل كل حاجة علشان يحرق قلبي بيكي...
صقر: انتي مش فاهمة حاجة انتي مش فاهمة حاجة يا طيف,انا لو رضيت اني المس حد غيرك زي كأني رميت نفسي في النار و ايوه انا رميت نفسي في النار علشان خاطرك علشان خاطر احميكي انتي علشان ابعد سارة عن أذيتك لان كل العيون متوجهة ناحيتك انتي انتي و بس، الكل عرف طريقة علشان ينتقم مني و يحرق قلبي بيها و هو انتي يا طيف...
صقر: عرفتي ليه يا طيف عرفتي ليه مش قادر اكون طبيعي في حياتي عرفتي ليه حياتي كلها مشاكل عرفتي ليه ده كله بسبب حبي ليكي...
صقر مسك وش طيف بين ايديه و سند رأسه برأسها.
صقر: بس لو رجع بيا الزمن تاني هختارك انتي انتي و بس، قلبي اتعود علي نار حبك...
طيف وقعت آسيرة بين ايدين صقر,صقر حاوطها بين ايديه و كان في تواصل بصري ما بينهم...
-في مكان تاني...
عند نيران...
نيران كانت بتتكلم في التليفون مع ماهر.
ماهر: بطلي يا نيران.
نيران(بضحك): مش قادرة اصدق ان ماهر الراجل العصبي الحمش بيتكسف يالهوي.
ماهر: علفكرة انتي وخداني اضحوكة من الصبح.
نيران(بضحك): اضحوكة، يا اخواتي علي المكسوف انا.
ماهر: هقفل و انا غلطان اصلا اني كلمتك.
نيران(بضحك): لا استني استني شوية. انت طلعت مضحك خالص.
ماهر: تصدقي انك رخمة يا بت...
نيران(بحزن): انا يا ماهر.
ماهر(بسرعة): لا انتي ست البنات كلهم.
نيران(بخجل): و ايه كمان؟!
ماهر: هنام عايزة حاجة؟!
نيران: يا رخم.
ماهر: عايزة ايه يا بت.
نيران: الله مش هتقولي تصبحي علي خير يا بيبي. خلي بالك من نفسك. عايز اصحي بكرة علي صوتك يا حبيبتي. بحبك اي حاجة.
ماهر: اه الكلام ده بقي لما تكوني في بيتي يا بيبي.
نيران ضحكت علي نبرة ماهر...
نيران(بصريخ): عااااااااااااااا.