قصص و روايات - قصص رومانسية :

رواية أسيرة لحصون قلبه للكاتبة سلسبيل كوبك الفصل الأول

رواية أسيرة لحصون قلبه للكاتبة سلسبيل كوبك الفصل الأول

رواية أسيرة لحصون قلبه للكاتبة سلسبيل كوبك الفصل الأول

في الليل.
بنت كانت بتتمشي علي الكورنيش و هي حاطة ايديها في جيبها و كان المكان يعتبر فاضي مفهوش الا شخصين تلاتة بالظبط.
بنت كانت باصة للبحر و كأنها بتشكي همومها ليه.
شخص1: انتي طيف الادهم؟!
طيف(بقلق و خوف): ايوه. مين؟!
طيف فجأة لقت شخص تاني بخ حاجة في وشها,طيف وقعت بسرعة بين ايديهم.
الشخصين شالوها و ركبوها عربيتهم و مشيوا بسرعة...

قبل عدة شهور...
-في الصباح الباكر.
-في بيت طيف.
رفيف: طيف يا بت قومي.
طيف(بنوم): خمس دقايق.
رفيف: ابقي روحي قولي للمدير خمس دقايق.
طيف(بنوم): فليذهب للجحيم.
رفيف: عنك ما روحتي انا نازلة انا و تعالي متأخر علشان يخصم منك.
رفيف سابت طيف و نزلت راحت للشغل. طيف شالت من علي وشها البطانية بعصبية.
طيف(بضيق): ربنا يتوب عليا من الشغل ده.
طيف قامت و دخلت غسلت وشها و خرجت بدأت تغير هدومها.

طيف لبست بنطلون جينز و تي شيرت اسود ب ¾ كم و لبست كوتشي ابيض. سيبت شعرها علي ضهرها و كتفها.
طيف ظبطت سريرها قبل ما تنزل لانها بتحب النظام,طيف خرجت من غير ما تفطر و نزلت.
: طيف طيف استني.
طيف(لنفسها,بضيق): اوف يا هاشم ده انت رخم.
طيف: نعم يا استاذ هاشم.
هاشم: ما تيجي اوصلك في طريقي.

طيف: قولتلك مبدأيا انا مش زي ما انت فاكر و مش هلين معاك زي ما انت فاكر. ثانيا انت مش نوعي المفضل يعني مش اللي انا ممكن حتى افكر فيه يبقي صاحبي. ثالثا انا ممكن اركب عربيات العالم الا عربيتك انت. رابعا متحاولش تاني علشان مروحش اشتكيك لامك يا روح امك...
طيف نزلت علي السلالم و هاشم كان في قمة غضبه.

هاشم: -هو و طيف جيران بيحب طيف من ساعة ما سكنت في العمارة او بمعني اصح معجب بيها. بيشتغل مع والده في شركته.
طيف خرجت و بدأت تركب مواصلات لغاية ما وصلت للمطعم اللي هي بتشغل فيه.
طيف(بضيق): ما تعملوا اتوبيسات للبنات بس هتخسروا حاجة.
بنت: مالك يا طيف؟!
طيف: مفيش.
طيف(بهمس): هو المدير جه.
المدير(بحدة): طيف.
طيف(بخضة): نعم يا فندم؟!
المدير(بحدة): لحظة و تكوني ورايا علي المكتب.
طيف: حاضر.

المدير دخل المكتب و كانت طيف وراه علطول و دخلت.
المدير: متأخرة ساعة كاملة ليه؟!
طيف(بصوت واطي): احمد ربنا.
المدير(بحدة): سمعيني بتقولي ايه؟!
طيف(بتمثيل): و الله سعاتك(سيادتك) كنت تعبانة و اغمي عليا في الشارع و انقذوني و جابولي عصير جوافة اللي بشاليموه ده. ربنا يكتر ولاد الناس يا رب.

المدير(بعصبية): هو كل مرة بيحصلك حاجة شكل. مرة سكر و مرة ضغط و مرة اغمي عليا و مرة خالتي تعبت و مرة عمتي ولدت و مرة و مرة اسبابك كترت اوي.
طيف(بانفعال): ما هو الصراحة محدش بيروح الشغل الساعة 10.
المدير(بعصبية): نعم يا اختي؟!
طيف: ايه ده هو انا عكيت الدنيا و لا ايه؟!
طيف: احم استاذ سعيد انا واحدة غلبانة بليز سامحني المرة دي بس بس بس علشان خاطري بليز بليز بليز بليز.
المدير(بعصبية): خلاص اخرسي.

المدير(بحدة): المرة الجاية لو مجتيش بدري هطردك يا طيف.
طيف: عيوني.
طيف خرجت بسرعة من عند المدير و خدت نفسها بحرية.
رفيف: ايه يا هانم؟!
طيف: اسكتي يا بنتي انا خايفة افضل اكدب لغاية ما كدباتي يخلصوا ساعتها هتقفش.
رفيف: نفسي اعرف ازاي مش بيقفشك نفسي هموت و اعرفها.
طيف(بغرور): علشان انا طيف الادهم اللي محدش يقدر يقف قدامها.
رفيف: طب يلا يا مغرورة قدامي يلا الزبائن جم.
طيف: طيب طيب.

طيف خرجت و بدأت تشوف طلبات الزبائن و فضلت تشتغل...

-في مكان تاني...
في ?يلا آسر و صقر.
آسر: صقر صحي؟!
خادم: في اوضته يا بيه.
آسر: اطلع خليه ينزل بسرعة.
خادم: مم قدد رشش(مقدرش) يا بيه.
آسر(بغضب): يعني ايه متقدرش؟!
آسر(بغضب): هو بيعملكوا ايه يعني؟!
خدامة(كبيرة سناً)(بسخرية): مفيش اخر حاجة بس طرد واحد من الشغل بعد ما ضربه بوكسين في وشه خلاه مش عارف يتكلم لغاية دلوقتي.
آسر: اطلع قوله آسر عايزك.
خادم(بخوف): حاضر.

الخادم طلع و قرب من اوضة صقر و كل ما يقرب خطوة يخاف اكتر.
الخادم رن جرس الاوضة.
صقر(بصوت عالي): مش قولت محدش يدخل يصحيني...
الخادم(بخوف): انا انا و الله هو.
صقر فتح باب اوضته الكبير اوي و خرج وقف قدام الخادم.
صقر(بجدية,حدة): مش انا وديت اوامر امبارح محدش يطلعلي؟!
الخادم(بخوف): وو ال.
آسر: روح انت.
الخادم(و هو بيأخد نفسه): الحمدلله.

الخادم جري من قدام آسر و صقر,صقر حط ايده في جيبه بهدوء و آسر ربع ايده و بص ل صقر.
آسر: محمد الجارحي عايزنا في القصر بتاعه.
صقر(بهدوء): لما افضي ابقي اروحله.
آسر: مش هنضحك علي بعض النهاردة مش وراك حاجة...
صقر(برفعة حاجب): انت مهتم لامري للدرجة دي؟!
آسر: محمد الجارحي طلبنا في القصر الساعة 10...
آسر ساب صقر و مشي قدامه.
آسر: متنساش.

آسر نزل ل تحت و خرج من ال?يلا ركب عربيته و راح شركته و وراه مجموعة من الحراس...
عند صقر.
صقر دخل اوضته و قفل الباب و دخل الحمام خد دوش طويل و خرج بدأ يغير هدومه.
صقر لبس بنطلون اسود و تي شيرت زيتي بكم و لبس كوتشي ابيض. و سرح شعره و حط برفيوم و لبس ساعته السوداء.
صقر خد حاجته و نزل ل تحت لقي الاكل محطوط علي السفرة.
صقر: فين انتصار؟!
انتصار: انا اهو يا صقر، عايز ايه؟!
صقر: زعلانة ليه؟!

انتصار: كدة برضو يا صقر تقطع عيش اتنين امبارح.
صقر: حد قالهم يهملوا شئ خاص بيا.
انتصار: هما عملوا ايه ل ده كله؟! دول بس قالوا ليك الخيل تعبان...
صقر: هو مش تحت ايديهم يتعبوا ليه بقي؟!
انتصار: يالهوي علي دماغك الناشفة...
صقر: متشكر.
صقر: الاكل كان حلو.
صقر قام و خرج من ال?يلا ركب عربيته و راح ل شركته طلع الدور يتاعه.
صقر: زين ايه اخبار مراقبة الوزير؟!

زين: كله تمام متقلقش. في كل مكان يروح معاه حراس تبعنا و تحت المراقبة هو و عائلته 24 ساعة لغاية ما يقبضوا علي المجرم اللي عايز يغتاله.
صقر: و صفوت؟!
زين: رجالتنا ظبطته و اتصرفت مع اللي سرقه.
صقر: تمام، النظام ماشي كويس؟!
زين: طبعا يا باشا ده تحت ادارتك.
صقر: روح هاتلي قهوة.
زين: عنيا.
.
-في مكان تاني...
في قصر محمد الجارحي.
مهرة: ايه ده انتي هنا؟!
نجلاء: عميتي؟!
مهرة: طب قومي من هنا.

نجلاء: انتي اللي قعدتي جمبه المرة اللي فاتت انا هقعد المرة دي.
نيران: ايوه يا ماما سيبيها.
مهرة: اخرسي انتي مش فاهمة حاجة.
محمد(بحدة): كل واحدة تأخد اكلها و تطلع تأكله في اوضتها.
محمد قعد علي رأس السفرة و جمبه نيران بنته.
محمد(بصوت عالي): سمعتوا؟!
الاتنين كل واحدة خدت اكلها و بصت للتانية بغضب و كل واحدة طلعت اوضتها.
نيران: صباح الخير يا بابا.
محمد: صباح النور يا حبيبتي.
نيران: كُل يلا.
محمد: طيب.

محمد خلص اكله و خد نيران وصلها للكلية و راح لشغله رجع علي الساعة 9.
الساعة 10.
آسر(بعصبية): انا قولت ليه يجي بالظبط ده شخص مستهتر...
محمد: اهدي يا آسر.
آسر(بعصبية): لا يا بابا مبقتش طايق اعيش معاه في بيت واحد.
صقر: و مين جبرك علي العيشة معايا؟! و متنساش اني الاكبر.
آسر: و الله؟!
محمد(بغضب): كل واحد يتخرس و يقعد ساكت.
نجلاء: صقر.
صقر: مش ده كلام رجالة انتوا موجودين ليه يلا كلكوا علي فوق.

مهرة: و انت مين علشان تمشي كلام عليا؟!
صقر(ببرود): متخلنيش اقوم اوريكي مين انا او ابقي البسي نضارة.
آسر(بغضب): انا ساكت من الصبح...
آسر قام مسك صقر من رقبته بغضب.
آسر: امي خط احمر.
صقر(بسخرية): و انت بار اوي بامك.
محمد(بغضب): انتوا بتتخانقوا قدامي. و انت يا غبي بتحاول تقتل اخوك قدامي. انت اتجننت.
نجلاء: يا آسر علشان خاطري نزل ايدك بقي.
نيران: في ايه يا آسر صقر معملش حاجة.
محمد قام و شد آسر من صقر بعنف.

محمد(بغضب): اللي حصل دلوقتي لو اتكرر تاني. هتتحرموا من ورثكم.
مهرة: لا لا يا محمد علشان خاطري انا...
صقر(ببرود): كدة كدة فلوسك متلزمنيش و انت عارف اني بنيت نفسي بنفسي، الدور و الباقي علي اللي معتمد علي فلوسك و مبوظلك السوق.
-صقر قرب من نجلاء باس ايديها و حضن نيران و ساب القصر و خرج راح لاي بار ديسكو.

صقر بدأ يشرب و يسكر لغاية ما روح ال?يلا و طلع علي اوضته خد دوش فاق و خرج نام من غير ما يغير هدومه حتى...

-في مكان تاني...
عند طيف.
رفيف: قدامك كتير؟!
طيف: روحي انتي. نسيتي ان النهاردة هروح استلم الشغل الجديد...
رفيف: حرام عليكي اللي بتعمليه ده يا طيف اربع شغلانات في اليوم بجد حرام عليكي.
طيف راحت قعدت علي الرصيف و هي باصة للعربيات.
طيف: اعمل ايه يا رفيف؟! عايزة اعمل قرش علشان اعرف اجيب فهد يعيش معايا.
رفيف: هي خالتك لسة قاسية كدة؟!

طيف: طول عمرها قاسية. دي حتى مش بتصرف علي فهد دي بتخليني اصرف عليه انا معنديش مانع بس انا عايزاه معايا يقويني لما ابص في عيونه الاقي سبب اكمل حياتي علشانه. دي حتى بتمنعني اشوفه الا مرة في الشهر و بقعد معاه هما ساعتين.
رفيف: معلش يا حبيبتي...
فهد طفل ظريف و عسول و مرح بيحب طيف اوي و يقرب ل طيف يبقي ابن خالها اللي لما خالها اتوفي باباها خده و رباه معاها,و لما والد و والدة طيف توفوا خالتها خدته عندها.

طيف: يلا روحي انتي هروح اشتغل انا.
رفيف: باي.
رفيف مشيت و رجعت البيت,طيف راحت شغلها الجديد.
طيف(لنفسها): معلش يا طيف استحملي هتعدي.
راجل: بصي يا بت عايزك تنزلي تخدمي علي الرجالة بس، جسمك مناسب.
طيف(بغضب): افندم؟! مش معني اني هشتغل هنا في البار ده يبقي انا من اللي في بالك.
طيف(بغضب): و يا عم مش عايزة اشتغل.
طيف سابت الراجل و مشيت و هي ماشية بدأت تعيط علي اللي حصل ليها...

طيف وصلت للبيت و دخلت اترمت علي السرير.
رفيف(بنوم): ايه اللي حصل؟!
طيف: مفيش نامي انتي.
رفيف(بنوم): تصبحي علي خير.
طيف: و انتي من اهله.
طيف مسكت تليفونها لقت فهد اتصل بيها كذا مرة. اتصلت بيه بسرعة.
الخط اتفتح.
فهد(بغضب طفولي): كدة يا طيف.
طيف: اسفة و الله كنت في الشغل اسفة يا حبيبي متزعلش مني...
فهد(بغضب طفولي): لا انا زعلان.
طيف: طب بكرة هجبلك مصاصات كتير عيوني.
فهد: مصاصة؟!
طيف: ايوه.
فهد: و شيكولاتة.

طيف: عيوني.
فهد: انتي احلي طيف في المجرة.
طيف: و انت احلي فهد في الدنيا دي.
فهد(بهمس): هقفل شكل عمتي جت. باي.
طيف: باي يا حبيبي.
فهد قفل التليفون بسرعة و عمل نفسه نايم,طيف قامت غيرت هدومها.
طيف لبست بنطلون اسود بيتي و تي شيرت احمر بكم و رفعت شعرها علي شكل كحكة.
طيف راحت ل سريرها و بدأت تغمض عينيها و تنام...
في الصباح الباكر.
طيف(بخضة): في ايه!
رفيف(بنوم): مش عارفة...

طيف قامت بسرعة و جريت علي باب الشقة و فتحته...
هاشم(بصوت عالي): اهي اللي راجعة البيت في تتص الليل اللي انا شوفتها في ديكسو امبارح و يا عالم كانت بتعمل ايه هناك...
طيف(بعصبية): ايه اللي بيحصل هنا؟! انت مجنون؟! و انت ايه دخلك ها رد؟!
ست: ازاي يعني ايه دخله ما العمارة دي كلها محترمة و مش عايز حد مشبوه هنا...
ست2: و يا عالم ممكن كنتي بتدخلي رجالة بليل الشقة انتي و اللي وراكي دي.
راجل: اخس علي دي تربية...

طيف(بغضب): طب كل واحد يلم لسانه جوا بوقه علشان لو هبت مني هزعلكوا اوي. انا من ساعة ما جيت هنا و انا كافية خيري شري و مقربتش من حد و مش عايزة حد يقرب مني، و انت يا روح امك روح شوف كدبة تانية تكدبها بدل ما اعملك عاهه مستديمة في وشك تفكرك بيا.
طيف كانت هتدخل بس رجعت و ضربت هاشم قلم.
طيف(بغضب): ده بس علشان جبت سيرتي علي لسانك يا ننوس عين امك.
طيف قفلت الباب في وشهم و قعدت في الارض.

رفيف: خلاص يا طيف و لا يهمك هو حيوان اصلا.
طيف(بدموع): انتي عارفة مبحبش حد يغلط فيا او يشك فيا.
رفيف: معلش با حبيبتي بس ده مجتمعنا المتخلف معلش.
طيف: ربنا يتوب علينا بقي...
رفيف: قومي يلا نلبس علشان نلحق نروح الشغل.
طيف: طيب.
طيف دخلت تغير هدومها,رفيف عملت فطار.

طيف لبست جيبة لغاية قبل الركبة قصيرة واسعة باللون الاسود و فوقها تي شيرت ب¾ كم باللون الاسود و عليه قلب دهبي كبير و لبست كوتشي ابيض سيبت شعرها علي ديل حصان.
رفيف: يا جمالو يا جمالو.
طيف: اوف يا رفيف لو يقبلوني في الشركة و ربي اهكر كل الدنيا دي. و محدش هيبقي قدي.
رفيف: الناس عايزة تطور التكنولوجيا و انتي عايزة تهكري العالم يا ربي.
طيف: و اقابل كدة واد مز كدة اوف.

رفيف: كل اللي في بيدخل المجال ده بيكون لابس نضارة و وحش...
طيف: ما المشكلة اني عارفة. يلا بس علشان منتأخرش علي الشغل...
طيف و رفيف ركبوا المواصلات لغاية ما وصلوا للمطعم.
طيف(بمرح): بص جاية علي ميعادي بالظبط.
المدير: يلا استلموا شغلكوا يلا بسرعة.
و طيف و رفيف بدأوا يشتغلوا لغاية ما جت مقابلة طيف.
طيف: ادعيلي.
رفيف: ربنا معاكي.
طيف دخلت و اجرت ال interview.
رفيف: ايه؟!
طيف(بحزن): رفضوني.

رفيف: معلش يا حبيبتي تتعوض، يلا نروح الشغل التاني.
طيف: يلا...

-في مكان تاني...
في ?يلا آسر و صقر.
آسر: ليك نفس تأكل.
صقر لا رد.
انتصار: آسر كمل اكلك و انت يا صقر زين مستنيك.
صقر: تمام.
صقر قام و خرج لقي زين واقف بره.
صقر: ايه الاخبار؟!
زين: حاسس بحركة غريبة.
صقر: نروح الشركة و نعرف.
الاتنين ركبوا العربية و راحوا للشركة.
زين: هاتولي ملف آسر.
بنت: اتفضل يا زين بيه.
زين خد الملف و حطه قدام صقر و هو و صقر بدأوا يدرسوا موضوع.
عند آسر.
آسر(بعصبية): انت يا زفت.

ماهر: اهدي يا آسر في ايه؟!
آسر(بعصبية): كل معلومة عن صقر تبقي قدامي دلوقتي و حالا.
ماهر: طيب حاضر حاجة تانية؟!
آسر(بعصبية): روح دلوقتي.
ماهر: -الايد اليمين لآسر في كل حاجة و يعرف عنه كل حاجة اقرب ليه من صقر ذات نفسه.
تليفون آسر رن، الخط اتفتح.
آسر: خير؟!
مهرة: آسر اسمعني كويس.
آسر: خير يا ماما.
مهرة: صقر مش ناويلك علي خير.
آسر: ايه الجديد ما ده اللي انتي بتقوليه كل يوم.
مهرة: انا غلطانة اني بوعيك...

آسر: اقفلي يا ماما باي.
آسر قفل التليفون و رماه علي المكتب و حط ايده بين رأسه بتعب.
ماهر: صقر دلوقتي في الشركة مجتمع هو و زين احتماع مغلق...
آسر: بعت حد يبقي هناك.
ماهر: ايوه.
آسر: كويس كل اخباره تتنقل ليا.
ماهر: اكيد تمام.
آسر: هنزل اروح اتغدي.
ماهر: اجي معاك؟!
آسر: طيب.
الاتنين خرجوا من الشركة و لسة هيركبوا عربيتهم.
صقر(بصوت عالي): آسر.
آسر قلع النضارة و بص ل صقر,صقر جري علي آسر و شده معاه ل جوا الشركة.

آسر(بغضب): انت بتعمل ايه؟!
صقر: خليك هنا.
آسر(بغضب): مش عيل صغير انا...
آسر زق صقر و خرج بره الشركة و فجأة حصل ضرب نار.
آسر(بصوت عالي): صقر!
السؤال: يا تري هيحصل ايه؟! خمنوا??.

الفصل التالي
جميع الفصول
روايات الكاتب
روايات مشابهة