رواية أسيرة القيصر الجزء الثاني للكاتبة أماني فهمي الفصل العاشر
ذهبت رنا الى منزل الدكتور مازن حتى تأتي بسمر وبعد فترة وصلت إلى المنزل
رنا: مساء الخير دكتور
مازن: مساء النور رنا اتفضلي
رنا: فين سمر
مازن: مع مراتي جوه
توجهت رنا الى الداخل ووجدت سمر نائمة على الكنبة وتجلس بجوارها زوجه مازن فحاولت رنا ان تيقظ سمر ولكن لم تعرف
رنا: هي ليه مش بتصحي
مازن: علشان واخده منوم وهتصحي كمان ساعة
رنا: تمام عمو المرعب ممكن تشيل سمر
لوسيفير: ليه وانا مالي.
رنا: معلش بقي اعتبرها سلاكه سنان وشلها
لوسيفير بغضب مصطنع: ماشي امشي انتى كمان ادامي
رنا بضحكة: حاضر عمو المرعب
ودعت رنا الدكتور و زوجته وتوجهت الى السيارة وقام لوسيفير بوضع سمر بجوارها وعادة الى المنزل
في الجامعة
خلصت قمر بعض الأشياء التي وقفت امام يوسف ب المنهج
قمر: كده يبقي خلصنا في اى حاجة تانى
يوسف بأدب: شكرا جدا على ذوقك واسف على تعطيلك
قمر: محصلش حاجة ولا يهمك استأذن انا بقي علشان اتأخرت.
يوسف: شكرا مره تانية
توجهت قمر الى السيارة وخلفها جو وعادو الى المنزل
في الفيلا
وصلت سيارات رنا وسمر وحمل لوسيفير سمر وصعد بيها الى غرفتها ونظر لرنا بغيظ ونزل يبرطم فضلت رنا تضحك عليه بشدة
وصلت قمر الى الفيلا ووجدت لوسيفير يخرج وهو على آخره ونظر ليها بشر فجريت على جوا من خوفها منه وصعدت الى غرفتها وابدلت ملابسها وتوجهت الى غرفة سمر وجدت رنا تجلس بجوارها وهي نايمة
قمر: مالها سمر.
رنا: مفيش تعبت شوية ونامت تعالى نجهز الاكل
قمر: لاااااا انا عندي مزاكرة روحى انتى
رنا: حيوانه وبقرة
نزلت رنا وجهزت الاكل وبعد فترة صحيت سمر وبدلت ملابسها ونزلت الى الاسفل و قمر نزل وراها وجلسو ياكلو
سمر: انا مخنوقة اوى
قمر: وانا كمان
رنا: وانا شرحكم اه على فكرة سمر احنا هننزل شغل من بكرا
سمر: قولتي لادهم
رنا بلا مبالاه: لا ملهوش دعوة بيا
قمر: رنا كده غلط ادهم جوزك ولازم يعرف بلاش تعملي مشاكل.
سمر بتأكيد: قمر بتتكلم صح انا هقول لعمار
رنا: انا هطلق من أدهم
سمر بشهقة: تبقي مجنونة محدش هيسمح بكده
قمر: رنا انتى عارفة يعني ايه واحدة في سنك تطلق
رنا بصراخ: انا تعبت منه كل حاجة ضرب و شتيمة وتهديد ورعب ولما أطلق مس هتبقي صعبة يعني وكمان مش انا اول ولا اخر واحدة هتطلق
سمر: تفتكري اوس او مراد هيوافقه على الطلاق
رنا بزهق: تعالو نخرج نتفسح.
نظرت سمر و قمر لبعضهم وقامو وذهبو الى الغرف ارتدو ملابسهم وذهبو الى الخارج
جو: على فين
قمر: عوزين نخرج نتمشي شوية
لوسيفير: خشي يا حلوة منك ليها نامو مش ناقصة الحكاية هي
رنا: انا مخنوقة وعوزة اخرج
لوسيفير: قولت مفيش خروج على جوه
رنا بعصبية: لا هخرج ومحدش ليه دعوة
توجهت رنا الى الباب الخارجي من الفيلا فأسرع خلفها لوسيفير.
فضلت رنا تمشي ودموعها تنزل بغزارة على وجهها الى ان جلست في الشارع ودموعها تنزل فنظر لها الجميع منهم بشفقة ومنهم بلا مبالاة ولم تشعر بلوسيفير الذي جلس بجوارها وبعد فترة سكتت
لوسيفير: خلاص عيطي وتنرفزتي وعليتي صوتك وبقي شكلك يصعب على الناس مالك
رنا: تعبت هو ممكن ادهم يطلقني ويسبني انا كنت اموت فيها.
لوسيفير: وفين رنا المومنه بالله وحفظة القرآن الكريم وعارفة تعاليم دينها هي ديه بنت عاطف وشرين بقالك قد ايه بعيدة عن ربنا آخر مرة قريتي قرآن امتي اخر مرة صمتي وذكيتي امتي فوقي رنا فوقي انا عارف ان كل الفترة الا فاتت كانت صعبة بس بالنسبة للفترة بتاعت موت أهلك وعذاب ادهم كانت اكتر صعوبة ارجعي لربنا وأكيد هيدلك على الصح.
رنا: عندك حق عمو انا بعت عن ربنا كتير لازم ارجع ليه ومن النهاردة هرجع انا بتاعت زمان انا فعلا اهملت القرآن و الصلاة وكل شي وأكيد ربنا هيعمل الخير
لوسيفير: تمام يالا نرجع علشان انا هموت وانام وانتم 3 عاوز اولع فيكم وهستريح راحة ملهاش آخر
رنا بعيون قطة: وهون عليك
لوسيفير: انا مش بتسبت يالا ياختي بالا ارف بنات تجيب جلطة.
مشيت رنا إمام لوسيفير وهي تضحك على كلامة وعادو للمنزل وصعدت الى غرفتها وفضلت راحة جاية الى ان قررت الاتصال بادهم
رنا: السلامة عليكم
أدهم بحب: وعليكم السلام وحشتيني اوي كل ده
رنا: أدهم انا
أدهم: بحبك يا ام عيون رمادي
رنا: أدهم
أدهم: بعشقك يا ام شفايف كريز
رنا بضعف: أدهم
أدهم بحب: عيونه وحياته وقلبه
رنا بدموع: أدهم
أدهم: وحيات اغلى حاجة عندك بلاش دموع انا بموت بسبب دموعك
رنا: بعد الشر عليك.
أدهم: خايفة عليا يا روني
رنا: ادهماناهنزلشغلمنبكرا
أدهم بضحك: طيب الترجمة هتنزل امتي روحى اتكلمي براحة علشان افهم
رنا: أدهم انا هنزل شغل بكرا
أدهم بهدوء: ليه
رنا: هو ايه الى ليه
أدهم: ليه هتشتغلي محتاجة فلوس
رنا: لا مش محتاجة
أدهم: يبقي تفضلي في البيت والجامعة وبس
رنا: ممكن تفهمني براحة
أدهم: يعني انتى متصله بس علشان تعرفيني انك هتشتغلي صح
رنا: اه
أدهم: مفيش شغل ونتهي الكلام.
رنا بصوت عالى: لا منتهاش وانا هنزل الشغل ونتهي الكلام
أدهم: براحتك رنا براحتك على الآخر انا مش هعلي صوتي ولا هعمل حاجة بس مترجعيش تزعلي سلام
رنا: أدهم أدهم اوف قفل ربنا يستر
نامت رنا وهي تدعي ربنا بالستر
في فيلا مازن
نوره: مازن هي اذاي سمر عايشة لغاية دلوقتي
مازن: لسه عمرها مخلص
نوره: متفهم يا راجل بطل غباء
مازن بصدمة: راجل و غباء في نفس الجمله طيب نامي يا نوره نامي ربنا يهديكي.
نوره: اكيد هيهديني مش متجوزاك يالا بلا ارف
مازن: ماشي ماشي نوره والنعمه لوريكي
نامت نوره وسابت مازن يتكلم ولم تعبره
( شاطره هما الرجالة كده زن زن زن زن على الفاضي )
في ايطاليا
استيقظت رنا وفعلت روتينها اليومي حاولت تتصل على أدهم لم يرد عليها فتنهدت ونزلت الى الاسفل
قمر: لسه بردو مصممه على الشغل
سمر: يا بنتي بلاش مشاكل مع أدهم
رنا: هو لازم بعرف ان ليه شخصيتي ومش من حقة يضيعها.
قمر: براحتك رنا بس مترجعيش تندمي
سمر: انا قولت لعمار ووافق بعد محايلة
رنا: تمام يالا بينا
- توجهت قمر الى الجامعة ومنها جو والحرس
- توجهت رنا و سمر ومعهم لوسيفير الى الشركة
في مصر
عفاف: هو أسر هيرجع امتي
أدهم: أسبوع وهيرجع يخلص بس الشغل هناك
عفاف بحنية: مالك أدهم فيك ايه
أدهم: مفيش حاجة
عفاف: انت زعلان مع رنا صح
أدهم: لا رد.
عفاف: رنا شافت منك كتير فبلاش عصبية و خليك حنين وطيب معاها والله البنت طيبة بلاش تكسرها وتوجع قلبها.
أدهم بعصبية: طيب وانا مليش قلب معنديش إحساس مش من حقي الاقي حبيبتي تهتم بيا تحسسني انى راجل وعندي مشاعر مش المفروض تسمع كلامي حتى لو غلط تهتم بأبسط شي بس لا المفروض انا اعمل كل حاجة انا اتحرمت من اهلى وانا صغير ملقتش الحب والحنان والعطف بالعكس اديت كل اللي حوليا الحب و الحنان ونسيت نفسي فوسط الشغل والمشاكل ويوم مشفتها قلبي حبها اوى انا عارف انى ضربتها و حزنتها بس غصب عني بس والله بحبها وبعشقها.
عفاف بحزن: خلاص يا بني دور على واحدة تحبك بجد
أدهم بحزن: للأسف رنا ملكت قلبي و عقلي و جسمي وهي عارفة كده انا بغير عليها من الهوا الطاير بخاف تتعور بخاف عيونها تبكي بتقتل رجولتي انا تعبت اللي هي عوزاه تعمله تعمله براحتها على الآخر
غادر أدهم القصر وتوجه الى الشركة وعاد أدهم القيصر كما كان يهتم بالعمل فقط ولا يهتم باحد غيره
- مر شهر على الجميع كانت البنات تهتم بالدراسة و العمل.
- بعد ادهم عن رنا ولم يجيب على مكالماتها مما احزنها بشده
- تقرب يوسف من قمر واصبح صديقها ولكن في المعقول
- كان مراد كثير مشاكسة روميساء
- اما ميرا اشتغلت من سليم حتى لا ينظر لأحد غيرها
- أتفق سليم مع نجم الدين على إتمام الزواج بعد انتهاء الامتحانات الخاصة بالبنات
- طلب مراد من والد روميساء على إتمام الفرح بعد رجوع شقيقته من الخارج نهاية العام فوافق.
- مازال اوس يبحث عن السبب وراء مقتل والده ومن هؤلاء الأشخاص
- لم يعلم أحد بالخلاف بين ادهم و رنا
- وقفت سمر الذهاب الى مازن مما جعله تتوجه إلى منزلهم لمقابلتها
رنا: اهلا دكتور مازن اتفضل
مازن: اخبارك رنا
رنا بحزن: كويسة الحمد لله
مازن: مالك رنا
رنا بدموع: أدهم بعد عني بقاله شهر مش بيكلمني بعرف اخباره من أسر
مازن: هششششش براحة كده وحكيلي
حكت رنا كل شي لمازن وهي تبكي بشده
مازن بعملية: رنا انتى بتحبي أدهم.
رنا: اكيد
مازن بابتسامة: انتى مش بتحبي أدهم لو كنتي بتحبيه بجد كنتى احترمتي كلامه و خوفه عليكي
رنا بتاكيد: انا بحبه والله بحبه بس مش عاوزة ارجع رنا الضعيفة المكسورة بفرح اوى لما بيعاكسني ولما جه هنا وجبلى هدوم و شكولاته وورد وخلاني الف في البلد بحب حنيته انا بحب أدهم من قبل مشوفة من كلام أسر عليه وقد ايه هو حنين و طيب بيخاف عليه اتمنيت يكون حبيبي انا يهتم بيا انا يخاف عليا انا انا بحب أدهم اوى.
مازن: هو زعلان منك صح
رنا: ايوة ومس بيكلمنى
مازن: تعرفي ان الاعتزار مش بيقلل من كرامه الشخص روحيله رنا اختاري يوم وخليه أسعد يوم في حياته رحيله وعتذري صفي كل القديم وبتدى صفحة جديدة بجد بلاش تجرحو بعض
رنا بفرحة بطفله: عندك حق هو عيد ميلاده آخر الاسبوع انا هسافر ليه
مازن: جهزى كل حاجة بمساعدة اسر وبلاش تعرفيه أي حاجة خلى اليوم يبقي اسعد يوم في حياته
رنا: شكرا دكتور مازن.
مازن: العفو يا ستي عماله تستغلي طيبتي وحتى مجبتيش كوباية ماية
رنا بكسوف: اسف والله بس كنت محتاجة اتكلم معاك هعملك نسكافيه
مازن: وياريت لو تبعتي سمر ليا
رنا: تمام
عملت رنا النسكافية وارسلته مع سمر وصعدت الى الاعلي حتى تكلم أسر
في غرفة رنا
اتصلت رنا على أسر وطلبت منه جهز مطعم جميل ولكن أخبرها بأن تدعم في شرم الشيخ ولن يعود قبل أسبوعين.
فطلبت منه ان يجهز مكان على البحر برومانسية ويكون بعيد وخاص حتى لا يزعجهم أحد وهي سوف تأتي يوم الأربعاء او الخميس وأخبرته بأنها سوف تصالح ادهم
وافق أسر على خطتها وتمنى لهم الخير والسعادة
في الاسفل
مازن: اهلا اهلا بالهانم اللي منفضه ليا
سمر: انا مش منفضة ولا حاجة
مازن: عيني في عينك كده سمر احنا اتفقنا انك اختي الصغيرة وانا عاوز اريح قلب اختي صدقيني كلامك معايا للمصلحة مش للضرر.
سمر: عندك حق انا نفسي اعيش ذي باقي البنات خلاص اوعدك من اول الاسبوع هرجع تاني للجلسات
مازن: وعد
سمر: وعد
استأذن مازن وغادر الفيلا وتوجه الى منزله وترك البنات يفكرون في حياتهم وكيف عليهم مسايرة الحياة وينسو الماضي بحلوة و مرة وجعله مجرد ذكري.