رواية أسيرة الشيطان الجزء الأول للكاتبة دينا جمال حلقة خاصة واحد
وقفت تعد الإفطار بتجهم وبرود علي عكس عاداتها فهي دائما ما تكون متحمسة وهي تعد له الإفطار حتى تسمع اطرائه الرائع الذي يداعب خلجات قلبها بحنان، بدأت بنقل الأطباق إلى طاولة الطعام الكبيرة.
اخذت الطبق الأخير لتضعه فوجدته ينزل بهدوء علي سلم البيت يرتدي بدلة سوداء بقميص أسود، لحيته التي نمت اكثر زادته هيبة جعلته له منظر رائع يخطف الأنفاس
حملقت فيه بعض الوقت بوله ولكنه سرعان ما هزت رأسها نفيا وعادت ملامحها للتجهم مرة اخري وتركته وذهبت ناحية طاولة الطعام ووضعت الطبق عليها، فسمعت تلك الضحكات الصاخبة تقترب من الغرفة.
فابتسمت تلقائيا لتجد جاسر يدخل الغرفة يحمل الصغير رعد علي احد ذراعيه والصغيرة چوري علي الذراع الآخر ويداعبهما بوجهه.
جاسر مبتسما: صباح الخير يا رؤتي
رؤى بابتسامة صفراء لم تصل لعينيها: صباح النور، رعد جوري يلا علي السفرة عشان تفطروا
أنزل الصغيرين برفق، فاسرعا بتسابقان من منها سيجلس بجانب والدهم جلس جاسر علي رأس الطاولة ورؤي عن يساره فسبق رعد جوري وجلس علي يمين والده
اخرج رعد لسانه ليغيظ اخته: هيه قعدت جنب بابي وانتي لاء
انكمشت ملامح الصغيرة بضيق، فنظر لها جاسر بحنان فكم كانت تشبه والدتها عندما تفعل ذلك.
رؤى: رعد أنت قعدت امبارح جنب بابا النهاردة دور جوري
رعد بعند: لاء ماليش دعوة أنا إلى سبقتها
جاسر ضاحكا: بقي كدة يا لمض ماشي
حمل جاسر الصغيرة ووضعها علي قدميه
فصفقت الصغيرة بسعادة وأخرجت لاخيها لسانها لتغيظه: قعدت علي رجل بابي
جاسر: احم، احم
رعد، جوري، رؤى في صوت واحد: بسم الله الرحمن الرحيم
جاسر: بسم الله الرحمن الرحيم
شرعوا في الأكل بينما يختلس جاسر النظرات لرؤي ليراها تأكل بشرود.
يعرف أنها غاضبة منه لأنها تظن أنه نسي ذكري زواجهم الخامسة، وكيف يفعل ذلك وهو طوال الخمس سنوات الماضية لم يفعلها ولا مرة ولكنه يحضر لهذة السنه مفاجاءة كبيرة.
فاق من شروده علي يد الصغيرة تمتد ناحية فمه بلقمة صغيرة تريد اطعامه
فابتسم لها ابتسامة واسعة وتناولها من يدها
جوري بسعادة: حلوة يا بابي
جاسر مبتسما: طبعا يا روح بابي عارفة حلو ليه
جوري ببراءة: ليه يا بابي
جاسر مبتسما وهو يقبل وجنتها الممتلئة: عشان من ايد جوري العسل
رؤى بغيظ: يا سلام علي اساس أن جوري هي إلى طبخاها
لاعب جاسر حاجبيه بمشاكسه: ايه دا يا رورو معقولة بتغيري من جوري.
ضيقت رؤى عينيها ترمقه بغيظ، فقابلها بنظرات مشاكسة عابثة
رعد: أنا شبعت
جوري: وأنا كمان
جاسر: احنا قولنا ايه
رعد وجوري معا: الحمد لله
امسك رعد يد اخته وركضا إلى غرفتهما ليلعبان
جاسر: آه أنا عازم العيلة عندنا النهاردة علي العشا
رؤى بذعر: وأنت ازاي ما تقوليش أنا كدة مش هلحق أعمل العشا ولا اعمل الحلو ولا أنضف البيت ولا...
جاسر مقاطعا: اهدي يا ماما اهدي اومال الشغالين لزمتهم ايه أنا قايلهم من امبارح و كل حاجة هتبقي تمام إن شاء الله.
رؤى بضيق: وما قولتليش ليه
رفع كتفيه بلا مبلاة: نسيت
رؤى غاضبة: اظاهر انك بقيت بتنسي كتير اليومين دول
التوي جانب فمه بابتسامة صغيرة: ما افتكرش
جاسر ورؤي
نظرا إلى مصدر الصوت فوجدا نرمين وسما والصغيرين (جاسر ورؤي )
فقام جاسر ناحيتها وعلي شفتيه ابتسامة واسعة: حبيبة قلب اخوكي اتأخرتي
عانقته نرمين بحنان: معلش والله علي ما صحيت سمسم وجاسر ورؤي ولبستهم وجيت
جاسر: ماشي يا ستي سماح
ثم صاح بصوت عالي: تيييينا.
جاءت تلك المربية التي تساعد رؤى في رعاية الاطفال
تينا: yes sir
جاسر: Take the kids to the room and take care of them
تينا: As you say sir
اخذت الخادمة الاطفال إلى غرفة رعد وجوري
نرمين بضيق وهي تعقد ذراعيها امام صدرها: وانتي يا ست رؤى مش هتيجي تسلمي عليا
هو أنا كنت بايتة في حضنك
اسرعت رؤى تعانق نرمين بود: وحشتني اوي يا نيرو
نرمين بضيق مصطنع: ايوة يا اختي كلي بعقلي حلاوة، واضح أن أنا وحشتك خالص.
رؤى مبتسمة: طب والله وحشتيني خالص خالص، انتي عارفة أنا بحبك قد ايه
نرمين بحنان: وانتي كمان يا حبيبتي، ربنا يعلم أنا بحبك زي ما تكوني بنتي
جاسر بمرح: حبوني معاكوا طيب
نظرت رؤى له بضيق ثم اشاحت بوجهها بعيدا
نرمين: واد يا جاسر أنت مزعل رؤتي ليه.
جاسر ببراءة وهو يشير ناحية صدره: أنا والله ما عملت حاجة حتى اسأليها
نرمين: طب ايه رأيك بقي أنا هاخدها واخرج وخليك قاعد هنا مع العيال
جاسر صائحا بضيق: اييييييييه هو مين دا إلى يقعد مع العيال
نرمين بتوعد: أنت عندك اعتراض
ابتسم جاسر ابتسامة صفراء: لاء طبعا، منكوا لله ربنا علي الظالم والمفتري كشفت شعر صدري ودعيت عليكوا.
رؤى: هنروح فين
نرمين بابتسامة خبيثة: مفاجأة
اخذت نرمين رؤى وغادروا الفيلا وتركا جاسر مع الاطفال بعدما اعطاياها الوصايا العشر
نرمين: جاسر خلي بالك من العيال
جاسر بملل: حاضر
نرمين: ما تقعدش تتفرج علي التلفزيون وتنساهم
جاسر بملل: حاضر
نرمين: خد بالك جاسر الصغير بيعمل كوارث
جاسر بملل: حاضر
رؤى: ابقي خلي تينا تجبلهم عصير وسندوتشات وبلاش بيض عشان ما يجيلهمش برد.
جاسر بضيق: ما خلاص بقي، فاضلكوا شوية وهتقولوا ما تنساش ترضعهم
نرمين بتحذير: عارف يا جاسر لو العيال جرالهم حاجة
تركهم جاسر يتكلمون مع أنفسهم وذهب ناحية التلفاز وشغله ثم اتجه ناحية الاريكة الوثيرة وجلس عليها باريحيه يقلب بين قنوات التلفاز.
فاخذت نرمين رؤى وخرجا يستقلان سيارة جاسر مع السائق
نرمين: مالك بقي يا ستي
رؤى: ما فيش يا نرمين
نرمين: عليا أنا بردوا، قوليلي الواد جاسر عملك ايه
رؤى بحزن: جاسر نسي عيد جوازنا أول مرة يعملها ولا مرة نسي عملها ونسي
نرمين: معلش يا حبيبتي يمكن مشغول في الشغل والمستشفي ربنا يعينه
رؤى: آمين يا رب
نرمين: خلاص بقي فكي ما تزعليش
ابتسمت رؤى ابتسامة صغيرة من تحت نقابها: صحيح احنا رايحين فين.
نرمين: هنروح المول بقالنا كتييييير ما عملناش شوبينج
رؤى: بس أنا مش هقيس في المحل جاسر مش بيرضي
نرمين: وهو جاسر هيعرف منين يا فالحة طالما مش معانا
رؤى: حتى لو مش معانا يا نرمين أنا ما اقدرش أعمل حاجة من وراه وخصوصا حاجة هو رافضها.
نرمين بشك: انتي لسه بتخافي منه
رؤى بنفي: لاء خالص جاسر أحن وأطيب إنسان في الدنيا أنا بحترمه وبقدره عشان كدة مستحيل أعمل حاجة من وراه.
نرمين مبتسمة بإعجاب: كل يوم بتكبري في نزري أكتر يا رؤى
ابتسمت لها ثم استندت رأسها علي شرفة السيارة شاردة في ذكريات قديمة سعيدة
Flash back
كانت نائمة على الفراش عندما شعرت بحركة مستفزة علي وجهها فتحت عينيها بضيق لتجده جالسا بجانبها يداعب وجهها بخصلة من شعرها وعلي شفتيه ابتسامة دافئة
جاسر مبتسما: ، صباح الفل يا بلونة
رؤى بضيق: يا رخم مش البلونة دي فيها عيالك
جاسر ضاحكا: ماشي يا ستي.
وجدته بلتقط قماشة بيضاء وبدأ يلفها حول عينيها
رؤى: أنت بتعمل ايه
جاسر: مفاجأة يا بلونتي
رؤى بضيق: بطل تقولي الإسم دا
امسك يدها وخرج بها من باب غرفتهم وتحرك بها بعض خطوات ثم وقف
جاسر: ما تشليش القماشة من علي عينيك غير لما اقولك
رؤى مبتسمة: حاضر
شعرت به يتحرك من جوارها وبدأت صوت خطواته تبتعد وبعدها سمعته يصيح: تعالي يا رؤى
ازاحت قطعة القماش من علي عينيها وبدأ تفتح عينيها ببطئ، لتتسع عينيها بدهشة مما رأت.
وكانت تقف في الممر الطويل الذي يحوي غرف النوم، حوائط الممر علي الجانبين مليئة بالكثير من صورها
ينطبق علي أرضية الممر المثل الشعبي ( فراشلها الأرض ورد )
كان الممر مفروش بالورود والرمال الملونة التي تتجه ناحية غرفة مفتوحة.
ترقرقت الدموع في عينيها من الفرحة كانت تسير لا اراديا في الممر متجه ناحية الغرفه تنظر حولها بسعادة تصرخ من ملامح وجهها إلى أن وصلت إلى تلك الغرفة فوجدتها ملئية بلعب الأطفال والرسومات الكرتونية تزين حوائطها
وفي منتصف الغرفة مهديين صغيرين تلتف الورود حولهما والأهم من ذلك كله وجدته يقف ينظر لها بحنان
رؤى باكية: هو أنا قولتلك اني بحبك أوي
جاسر مبتسما: طب هو أنا قولتلك اني بعشقك.
هزت رأسها إيجابا عدة مرات سريعا وهي تبتسم بسعادة
رؤى بسعادة: ربنا يخليك ليا يا رب دي احلي مفاجأة اتعملتلي في حياتي
اخرج جاسر قلادة ذهبية من جيبه والبسها اياها
نظرت رؤى إلى قلب القلادة التي نقش عليه اسمه
رؤى بمكر: دا عشان الناس كلها تعرفي اني ملكك
جاسر بحنان: تؤ عشان الناس كلها تعرف أن قلبي ملكك
رؤى باكية: بحبك أوي
Back
فاقت من شرودها علي توقف السيارة امام المول التجاري.
نرمين بحماس: يلا بينا دا احنا هنخربها
رؤى بضحكة صغيرة: يلا
وبدأت رحلة طويلة من اللف والاختيار وعدم الاقتناع ثم الاختيار مرة اخري وعدم الاقتناع
نرمين: بجد حلو
تنهدت رؤى بتعب: والله العظيم حلو دا تاسع واحد تقيسيه وما تقتنعيش بيه
اختارت نرمين لرؤي فستان من اللون الوردي الفاتح ونقاب أبيض
نرمين: ايه رأيك
رؤى مبتسمة: حلوين اوي
دفعا الحساب ثم ذهبا إلى ( بيوتي ستنر ) للسيدات فقط.
رؤى: لاء يعني لاء لا هحط ميكب ولا هعمل شعري ولا هخلع النقاب حتى يا نرمين ريحي نفسك
نرمين بضيق: طب والله لاتصل بجاسر اقوله
اتصلت نرمين بجاسر ثم اعطت الهاتف لرؤي
جاسر: رؤى أنا ورايا شغل ومش فاضي اسمعي كلام نرمين
رؤى: بس يا جاسر
جاسر مقاطعا بضيق: يوووه يا رؤى مش لازم تعاندي في كل حاجة قولتلك اسمعي كلام سلام بقي عشان ورايا شغل.
اغلق الخط فنظرت رؤى لنرمين
رؤى: بردوا مش هحط ميكب
نرمين: ماشي ما تحطيش روحي بقي غيري والبسي الفستان دا والنقاب دا يا ستي حلو كدة
رؤى: بس يا نرمين...
نرمين مقاطعة بضيق: بقولك ايه جاسر قالك اسمعي كلام نرمين يلا اتفضلي
اخذت رؤى الملابس باستسلام واتجهت ناحية تلك غرفة القياس الصغيرة
وبدأت في تبديل ملابسها سريعا وهي تنظر حولها بحذر
إلى أن انتهت فخرجت من غرفة القياس.
نرمين بابتسامة واسعة: مزة المزز مع إن مش باين منك حاجة
رؤى ضاحكة: ماشي يا ستي، يلا بقي نروح
نرمين: لاء نروح فين أنا لسه ما خلصتش شرا
خرجت رؤى ونرمين إلى احد المحلات وقبل أن يدخلاه جاءت رسالة لهاتف نرمين
نرمين: بقولك ايه يا رؤى كفاية كدة أنا تعبت يلا نروح
رؤى: زي ما تحبي يلا
عادتا إلى السيارة التي انطلقت عائدة إلى الفيلا
رؤى: يا تري الولاد عاملين ايه
نرمين مبتسمة: ما تقلقيش سمسم كبيرة وهتاخد بالها منهم.
رؤى بحذر: أنا هسألك سؤال بس مش قصدي منه حاجة والله
نرمين: قولي يا حبيبتي
رؤى بحذر: هو يعني انتي يعني بتفرقي في المعاملة بينها وبين جاسر ورؤي
نرمين: دا علي اساس أن أنا بقي مرات باباها وهي مش بنتي والهبل دا، انتي عارفة قسما بالله سمسم معزتها في قلبي زي جاسر ورؤي ويمكن أكتر.
رؤى مبتسمة: ربنا يخليها ليكي ويخليكي ليها
وصلت السيارة إلى الفيلا فنزلا منها
رؤى باستفهام: ايه دا باب الفيلا مفتوح ليه
خطت خطوتين داخل الفيلا لتجد المكان يغرق في بحر من الظلام
رؤى: هي الدنيا ضلمة ليه كدة، جاسر يا جاسر رعد جوري يا ولاد انتوا فين
انفتحت الأنوار فجاءة لتسمع أصوات كثيرة تصيح بسعادة: مفاااااااااااجأة
كانت الفيلا رائعة الجمال بتلك الزينة التي ملئت أرجائها.
رؤى بصدمة: ازاي وامتي ومين إلى عمل كدة
نرمين ضاحكة: هيكون مين يعني يا ذكية، جاسر طلب مني اني اجيلك واقولك نخرج واشغلك برة لحد ما يكون خلص المفاجأة الحلوة دي
رؤى وهي تنظر حولها: اومال جاسر فين
سمعت يهتف من خلفها: في قلبك
التفت له تطالعه بحب وسعادة وحنان
بينما جذب هو يدها برفق خلفه
إلى أن وصلا إلى غرفة مكتبه
جاسر مبتسما: تسمحيلي بالرقصة دي
رؤى: بس أنا ما بعرفش أرقص.
جاسر بضيق مصطنع: فصيلة، يعني أنا عملك جو رومانسي وشموع وفي الآخر ما بعرفش ارقص
رؤى بضحكة مرحة: طب اعمل يعني أنت ما بعرفش ارقص
جذبها ناحيته برفق وبدأ يرقص معها
جاسر: شوفتي اديكي بتعرفي أهو
رؤى مبتسمة: بحبك
جاسر بغرور: طب ما أنا عارف
رؤى بغيظ: يا رخم، علي فكرة أنا زعلانة منك عشان زعقتلي في التليفون وخلتني اقيس في المحل
جاسر: ما تقلقيش أنا كنت مأمن المكان كويس
رؤى: انت احلي حاجة حصلتلي في حياتي كلها.
جاسر: اومال أنا اقول ايه لولاكي يا رؤى كان زماني لسه غرقان في بحر مالوش قرار، انتي عارفة أنا عمري ما هسامح نفسي علي إلى كنت بعمله فيكي.
رؤى: بس أنا بقي مسمحاك من كل قلبي ومش فاكرة اي حاجة من إلى أنت عملتها، عارف ليه.
هز رأسه نفيا فاكملت: عشان انا شوفت معاك سعادة عمري في حياتي ما كنت اتخيل اني اعيشها ولا حتى في أحلامي، بحبك أوي.
جاسر بحنان: مش قدي، بس ايه رأيك في المفاجأة
رؤى بثقة: هي حلوة أوي بس مفاجأتي أنا احلي
جاسر: دا ايه الثقة دي وايه هي يا ستي مفاجئتك
شبت قليلا لتهمس له بصوت منخفض: أنا حامل
اتسعت عينيه بدهشة وصدمة وسعادة
جاسر بسعادة: حححامل، بجد حامل
هزت رأسها إيجابا بابتسامة واسعة فحملها وظل يدور بها وهو يصرخ بسعادة: دي احلي مفاجأة بحبك بحبك اوي.
رؤى: بجد فرحان
جاسر بسعادة: فرحان بس دا أنا طاير من الفرحة، وهاخدك وهنطير
رؤى باستفهام: علي فين
اخرج من جيبه تذاكر طيران واردف وهو يعطيهم لها: علي احلي مكان علي وجه الارض
مكه، هنعمل عمرة
احتضنته بسعادة: بحبك أوي أوي أوي
جاسر بحنان: وأنا بعشقك يا اسيرة قلبي.