رواية أسيرة الشيطان الجزء الأول للكاتبة دينا جمال حلقة خاصة اثنان
فتح باب المنزل بإرهاق يوم طويل شاق متعب تنقل فيه من بين الشركة والمستشفى
دخل بخطوات بطيئة منهكة سمع صوت التلفاز يصدح بصوت منخفض من ناحية غرفة المعيشة فذهب باتجاه الغرفة.
وجدها تجلس علي الأريكة تربع ساقيها تبسط كف يدها أسفل ذقنها بملل
السلام عليكم قالها وهو يتهاوي علي الاريكة بتعب
ردت باقتضاب: وعليكم السلام
استشف أنها غاضبة ولكن لما
هو لا يتذكر أنه فعل شئ يضايقها
جاسر: مالك
زمت شفتيها بضيق: مافيش
تنهد بتعب: رؤى حبيبتي أنا جاي تعبان وبجد مش قادر اناهد عشان اعرف ايه إلى مضايقك.
اشاحت بوجهها بعيدا: وهو أنا قولتلك إن أنا مضايقة أنا كويسة
قام من مكانه متجها إلى الخارج: علي راحتك يا رؤى أنا طالع انام
رؤى سريعا: مش هتتعشي
رد بعتاب: انتي لسه فاكرة علي العموم شكرا مش جعان
راقبته وهو يصعد لأعلي بحزن فقد رأت ملامحه المجهدة وبالتأكيد هو لم يأكل منذ مدة فقامت سريعا تجاه المطبخ تضع صحون الطعام علي صينية خشبية مستديرة لتحملهم سريعا متجهه إلى أعلي.
ذهبت ناحية غرفتهم فتحت الباب بهدوء فوجدته واقفا في ذلك الجزء الصغير للصلاة الذي عملا معا أن يكون جزء مخصص للعبادة في غرفتهما.
وضعت الطعام علي طاولة صغيرة في منتصف الغرفة ثم ذهبت ناحية الفراش جلست علي حافته تراقبه وهو يصلي بخشوع بات ملتزما في صلاته لا يضيع فرضا أصبح هو من يوقظها لصلاة الفجر يوميا.
انتهي من صلاته فذهبت تجلس بجانبه
تهمس برفق: حرما
ابتسم لها ابتسامة صغيرة: جمعا إن شاء الله
رؤى: مش هتأكل
هز رأسه نفيا: مش جعان
امسك بذراعه تهتف بإلحاح: عشان خاطري يا جاسر أنت طول النهار بتشتغل أنا ما كنتش اقصد اضايقك أنا بس...
اشاحت بوجهها بضيق من نفسها وليس منه
أدار وجهها ناحيته برفق: انتي ايه مش اتفقنا ما نخبيش حاجة علي بعض ابدا مالك بقي.
رؤى: الفلانتين بكرة
جاسر مبتسما: ايه الفلانتين دا دوا حكة
خرجت منها ضحكة صغيرة رغما عنها ليكمل هو: وبعدين يعني كملي
اخذت نفسا عميقا تزفره بضيق: مش عارفة أنا طول عمري اسمع أن الفلانتين دا حرام الاحتفال بيه والهدايا والحاجات دي مش بتاعتنا بس عارف ساعات كدة كان بيبقي نفسي يجيلي هدية بص أنا مش عارفة
اعبرلك عن إلى أنا عيزاه فاهمني
امسك كف يدها برفق مبتسما بحنان: فاهمك
اقعدي انتي بقي افهمك.
جلست امامه تربع ساقيها ففعل مثلها
جاسر برفق: صلي على النبي
رؤى: عليه أفضل الصلاة والسلام
جاسر: زيدي النبي صلي
رؤى: عليه أفضل الصلاة وازكي السلام
جاسر برفق: بصي يا حبيبتي بغض النظر عن أن الفلانتين حرام ومش عيدنا والدبابيب والاحمر والورد والحاجات الغريبة إلى بتظهر دي هما بيقولوا إن دا عيد الحب تمام.
هزت رأسها إيجابا ليكمل هو بنفس النبرة الهادئة: طيب هو أنا محتاج يوم في السنة عشان اقولك بحبك دا حتى تحسي فيها نفاق أوي أنا بحبك عشان النهاردة بتاع الحب دا.
الحب ارقي واسمي من إلى بيحصل فيه بكتير
الرسول صلي الله عليه وسلم
قال ما رأيت للمتحابين مثل النكاح
إلى هو الجواز يعني لكن جو اصل احنا بنحب بعض تحت مسمي الحب دا اسمه قلة أدب
رؤى: طيب يا جاسر مش لازم يكونوا متصاحبين يعني ما ممكن يكونوا مخطوبين أو متجوزين.
جاسر: بصي يا حبيبتي هما 3 انواع
متصاحبين وعايشين في وهم هيصحوا منه علي قلم محترم لأن غالبا العلاقات دي بتفشل
رؤى: ليه بتفشل ما يمكن هو نيته سليمة وبيحبها فعلا
جاسر: لو بيحبها فعلا مش هيخليها تخون ثقة اهلها وتعرفه من وراهم لو بيحبها فعلا هيبقي شايفها غالية اوي في نظره لو بيحبها فعلا هيدوس علي نفسه هيشتغل ولو بيدرس هيموت نفسه في الشغل وفي الدراسة هيقفل علي قلبه
هيعقلها ويتوكل علي الله.
النوع التاني المخطوبين أنا كراجل خاطب ماليش غير حقين بس، واحد ما تتخطبش لواحد غيري، أتنين اروح ازوها في وجود أهلها ومحارمها الكلام بينا يبقي تعارف مش أكتر.
لكن إلى بيحصل اليومين دول هي تتخطب من هنا هوبا اسم البروفايل يتغير لحبيبه مش عارف مين كدا وفجاءة بقت ملامحه كلها منها يادوب الاسم متغير وهو بيبدأ يتعامل من منطق يا بت انتي مراتي ما فيش شهرين جواز وصوت خناقهم بيبقي جايب آخر الشارع الأقنعة إلى كل طرف منهم كان بيجمل بيها نفسه وقعت وبانت الحقيقة.
اما المتجوزين فدول ربنا يعينهم مصاريف ومشاغل البيت والعيال والمدارس والدروس ليلة كبيرة أوي بس بردوا لو أنا بزرع نبته لازم ارويها صح، أنت بقيت أب مسؤل زي ما هي كمان بقت مسؤلة ما ينفعش البنت تلاقي مامتها بتتخانق مع باباها عشان ما جبلاهاش هدية في الفلانتين هتبدأ تقلد ماما عايزة هدية هي كمان طب مين إلى بيجيب الهدايا زي ما تشوف في التلفزيون حبيبي فهيبقي عندها استعداد تام انها تصاحب وتحب وتدخل في متاهات ربنا وحده العالم بيها.
ابتسم لها باتساع: توهتي مني مش كدة أنا بس عايز اوصلك أن مش كل حاجة شائعة وعليها إقبال كبير تبقي حاجة كويسة عارفة عيب مجتمعنا ايه أنه بقي بيقول عيب أكتر ما بيقول حرام، مش عيب أن الزوج يجيب هدية لزوجته في الفلانتين هو جوزها بس حرام
دي حدود، خطوط حمرا ما ينفعش نعديها.
(تِلْكَ حُدُودُ اللَّهِ ? وَمَن يُطِعِ اللَّهَ وَرَسُولَهُ يُدْخِلْهُ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا ? وَذَ?لِكَ الْفَوْزُ الْعَظِيمُ).
جاسر مبتسما: بذمتك الدبدوب دا مهما يكون سعره هيبقي اجمل من الجنة
هزت رأسها نفيا بابتسامة واسعة: أنا بحبك أوي يا جاسر
دنئ برأسه يقبل جبينها بحنان: أنا كمان بحبك ويا محلا الحب الحلال معاكي يا رؤى
(#استقيمي، ما يدريك أي الأبيضين سترتدين أو??
#استقيمي ودعي أقدار الله تمضي بمشيئته.
والله??، أن تقولي قدَّر #الله وماشاء فعل، خير
مِن أن تقولي، كانت خطيئتي، كان سوءُ
اختياري، وغَلطة #حياتي).
الجزء إلى بين الأقواس منقول.
تمت