رواية أسيرة الشيطان الجزء الأول للكاتبة دينا جمال الفصل الثامن والعشرون
اتسعت عينيها بصدمة، تجمدت مكانها كأن دلو من الماء البارد سكب فوق رأسها في فصل الشتاء
رؤى بصدمة: ااااننت، ازززاي ازاي
جاسر بقلق: رؤى انتي كويسة
امسك يدها ليصعق من برودتها هتف بقلق: ايديكي متلجة ليه كدة
سحبت يدها من يده: ازاي، أنا مش فاهمة حاجة
جاسر: مش لازم تفهمي
رؤى: لاء طبعا لازم افهم، أنت ازاي بتقول أنك ما لمستهاش وعاصم بيقول انها مدمرة نفسيا
انت كذاب
جاسر بحدة: رؤى ما تخلنيش أقلب عليكي.
رؤى برجاء: عشان خاطري فهمني
تنهد جاسر بتعب واردف بجمود: إلى عملوا أبوها، كان كفيل أنه يخليني ادمرله مستقبلها ومن غير جواز كمان، ويشوف مين هيرضي بيها، ثم ضحك بألم: بس أعمل ايه بقي شوية ضمير فاضلين عندي منعوني إني أعمل كدة، فاتجوزتها، وادتها حبوب هلوسة، عشان تفتكر إن أنا اغتصبتها
رؤى بدهشة: ازاي طب والدكتور، الدكتور قالهم انها.
جاسر مقاطعا بسخرية: تعرضت لتعذيب جسدي واغتصاب فجالها صدمة عصبية، انتي فاكرة انها صعبة إني اشتري الدكتور الفلوس تعمل كل حاجة يا رؤى
أسيرة الشيطان بقلم دينا جمال
رؤى بحيرة: أنا بردوا مش فاهمة حاجة طب هي لسه بتصرخ وتعيط ومدمرة كدة طالما أنت ما عملتلهاش حاجة
جاسر: تأثير الحبوب هيفضل مأثر عليها 3 شهور، الحبوب دي مستوردة تأثيرها عالي جدا
( عشان كدة تهاني افتكرت أن عاصم هو جاسر).
جاسر مكملا: عشان كدة المصحة النفسية مالهاش لازمة لما 3 شهور يخلصوا، هتنسي كل إلى حصل فيهم، أنا هوديها مصحة نفسية بس عشان ينهوا تأثير الحبوب علي طول
رؤى: طب أنت ليه عملت كدة طالما ما كنتش ناوي تأذيها
جاسر بغل: عشان أحرق قلب أبوها عليها، أنت عارفة أنا ليه سايبة شغال لحد دلوقتي عندي في الشركة، عشان اشوفه وهو مذلول
رؤى بضيق: ارحموا عزيز قوم ذل
جاسر غاضبا: وهو ما رحمهاش ليه، ليه أنا أرحم وهو لاء، هو السبب.
رؤى غاضبة: سبب في ايه، عملك ايه عشان تعمل فيه كدة
قبض جاسر علي خصلات شعرها بعنف: آخر مرة تعلي صوتك، ما فيش صوت بيعلي فوق صوتي في البيت دا انتي فاهمة
رؤى بحزن: كان عندي حق أنا عمري ما هثق فيك
رمقها جاسر بغضب حارق، ترك شعرها وبدأ يصيح بغضب: عنك ما اتنيلتي وثقتي فيا
بدأ جسدها ينتفض من الخوف ومن بكاءها الشديد، شعرت في تلك اللحظة بألم قوي ناحية قلبها
فوضعت يدها ناحية قلبها واغمضت عينيها بألم.
جاسر بقلق: رؤى مالك يا رؤى
رؤى باكية: أنا عايزة ماما، وديني عند ماما خلاص مش هقدر استحمل أكتر من كده، مش هقدر اغلب شيطانك والنبي يا جاسر لو ليا غلاوة عندك سبني في حالي، أنا تعبت من الرعب إلى أنا عايشة فيه، تعبت يا جاسر
أسيرة الشيطان بقلم دينا جمال
جاسر باكيا: أنا آسف، أنا آسف آخر مرة مش هزعقلك تاني أنا بس عايزك تثقي فيا مش عايزك تخافي من اي حاجة وانتي معايا
نظرت له بدهشة عندما سمعت صوته الباكي.
رؤى بدهشة: أنت بتعيط
جاسر: عيب إن أنا اعيط ولا ايه
رؤى بدهشة: لاء طبعا، بس يعني ما تخيلتش ان عندك دموع زينا بصراحة
انفجر جاسر ضاحكا حتى ادمعت عينيه: عارفة يا رؤى احلي حاجة فيكي خفة دمك
رؤى بثقة: كلهم بيقولولي كدة
جاسر ضاحكا: يا واد يا واثق أنت
رؤى: هتوديني عند نرمين امتي
جاسر: بكرة الصبح
رؤى بسعادة: هيييه، أنت ما تعرفش نرمين وحشتني قد ايه
جاسر بحنان: انتي بتحبي نرمين قوي كدة.
هزت رأسها إيجابا سريعا: أوي أوي، نرمين طيبة وعسولة ودمها خفيف وحنينة عليا زي ماما بالظبط
جاسر مشاكسا: طب واخو نرمين
رؤى بخجل: مالوا
جاسر بخبث: مالوش في الحب جانب
اصبطع وجهها بحمرة الخجل القانية
جاسر بخبث: ايه دا الورد الجوري فتح أهو
رؤى بخجل: لللللو سسمحت بببس
رفع كف يدها وقبله: بحبك
انتفض جسدها من شدة الخجل سحبت يدها سريعا من يده وخرجت تهرول من الغرفة
جاسر ضاحكا: رايحة فين يا مجنونة.
أسيرة الشيطان بقلم دينا جمال
علي الجانب الآخر
وصل فتحي ومعه صبري والد شاهندا إلى منزل فتحي
صبري: فين بنتي
نزلت شاهندا ومن خلفها سعدية
عانقت سعدية شاهندا بحزن: هتوحشك قوي يا بتي
شاهندا: وأنتي كمان يا ماما هتوحشيني أوي
سعدية: ابقي طلي عليا
شاهندا: حاضر
ذهبت شاهندا ناحية صبري فضمه لصدره بلهفة: يا حبيبتي يا بنتي، انتي كويسة عملوا فيكي ايه
شاهندا بجمود: بعدين يا بابا نتكلم
صبري: طب يلا يا حبيبتي هنمشي من هنا.
نظرت له بطرف عينيها فوجدته يقف بجمود وكأن الأمر لا يعنيه
فاقت علي يد صبري التي تسحبها معه، ظلت تنظر له علها تجد نظرة حب واحدة كان ستجعلها تترك والدها وتركض عائدة اليه ولكنه بقي كالتمثال بدون اي تعبيرات
اخذ صبري شاهندا في سيارة اجري
نظرت من الزجاج الخلفي للسيارة فوجدته يقف ينظر إليهم رأت دمعتين تحررتا من أسر ذلك القناع البارد ليخبراها بعشقه
شاهندا: وقف العربية.
صبري بدهشة: يوقف العربية ليه انتي اتجننتي يا شاهندا
شاهندا: أنا مش عايزة امشي من هنا، أنا عايزة افضل معاهم، ارجوك يا بابا أول مرة في حياتي اعرف يعني ايه عيلة في البيت دا، أعرف يعني ايه حنان الأم
صبري بجمود للسائق: أطلع بلا هبل
انطلق السائق مرة أخري بالسيارة
شاهندا باكية: ليه يا بابي
لم يعرها صبري اهتماما واشاح بوجهه إلى النافذة بعيدا عنها
بينما عاد هو إلى منزله فوجد والدته تجلس على الاريكة بحزن.
سعدية بحزن: والله هتوحشها قوي يا ولدي
فتحي بجمود: دي ضيفة يا أمي، يعني مصيرها أنها تمشي
تركها وصعد إلى أعلي وبدل من أن يذهب إلى غرفته دخل إلى غرفتها، جلس على فراشها
وجد طرف ورقة صغير يظهر من تحت الوسادة
سحب الورقة سريعا فوجد مكتوب فيها
( بحبك يا فتحي )
اتسعت عينيه بصدمة، اخذ الورقة سريعا ونزل يركض لأسفل
سعدية بدهشة: رايح فين يا ولدي
فتحي سريعا وهو يركض: هرجع شاهندا
في صباح اليوم التالي.
جاسر بضيق: مش هتكلم معاكي تاني يا رؤى
رؤى بدهشة: ليه كدة
جاسر بضيق: عشان انتي بتحبي نرمين أكتر مني
رؤى ضاحكة: ليه طيب
جاسر بضيق: عشان عملتلها الكيكة إلى بتحبها وأنا لاء
رؤى ضاحكة: خلاص ما تزعلش لما نرجع هعلمك اتنين مش واحدة
جاسر بجد: نتكلم بجد، أنا طالب منك خدمة
رؤى: خير
جاسر: عايزك تقنعني نرمين تيجي تعيش معانا هنا
رؤى بثقة: سيبها عليا ما تشلش هم يا كبير
جاسر ضاحكا: تعيش يا معلم، متجوز سواق توكتك.
اخذ جاسر رؤى وذهبا إلى نرمين
رؤى ضاحكة: وحشتوني وحشتوني وحشتوني
نرمين ضاحكة: اهلا، اهلا اهلا بأعز الحبابيب
جاسر ضاحكا: ليه يا ربي، مش كفاية اختي هبلة كمان مراتي عبيطة
رؤى ونرمين معا: جاسر
جاسر بفزع مصطنع: سلاما قولا من رب رحيم، هو الواد ابراهيم فين يا ابرااااااهيم
خرج جاسر من الغرفة سريعا وبقيت رؤى مع نرمين يمزحان واستطاعت رؤى إن تقنع نرمين بالذهاب للعيش معهم
نرمين: ناديلي جاسر عايزاه في حاجة مهمة.
رؤى: حاضر
خرجت رؤى من الغرفة واخبرت جاسر بطلب نرمين
فدخل جاسر إليها وبقيت رؤى في الخارج لاعتقادها أنه شي خاص بين الاخوة ولا بجب التدخل فيه
في غرفة نرمين
جاسر: خير يا نيرو
نرمين: أنت إلى لبست صبري القضية مش كدة
جاسر: ايوة أنا
نرمين: ليه يا جاسر
جاسر بدهشة: انتي إلى بتسألي
نرمين: وبعدهالك يا جاسر، يعني اتجوزت بنته وبهدلتها وهو لبسته قضية هتعمل ايه تاني.
جاسر بتوعد: هعمل كتير، أنا بس سايبهم يومين لسه حجيم جهنم هجيبها هي وابوها راكعين تحت رجلي أنا بس سايبها يومين تعيش حياتها
في الخارج
رؤى: هو موبايلي فين، فين، اااه صحيح دا كان معايا عند نرمين.
امسكت مقبض الباب لتدخل ولكنه ما ان فتحته سمعت جاسر وهو يقول جاسر بتوعد: هعمل كتير، أنا بس سايبهم يومين لسه حجيم جهنم هجيبها هي وابوها راكعين تحت رجلي أنا بس سايبها يومين تعيش حياتها، بعد كدة هوريها إلى عمرها ما شافته.