رواية أسير العشق للكاتبة شهد طارق الفصل الثالث عشر
تانى يوم.
داليا: صباح الخير. عامل ايه دلوقتى.
مراد: الحمد لله بقيت احسن كتير يلا عشان نفطر.
داليا: يلا.
مراد: بقولك يا داليا. هو احنا بعد يومين كدا عندنا حاجات مهمة في الشركة.
داليا بإرتباك: ها، يعنى مش اوى، بس اشمعنا.
مراد: اصل في حاجة بخططلها كدة ف عايز افضلها كام يوم كدة.
داليا: حاجة ايه.
مراد: بعد يومين هتعرفى.
داليا في نفسها دة انت ال بعد يومين هنشوف. خلاص يا مراد نهايتك قربت اوى.
داليا: انا هطلع البس عشان اروح الشركة عندى شغل مهم...
مراد: ماشي. انا عندى مشوار مهم. هعمله واحصلك
داليا: تمام.
داليا طلعت تكمل لبسها واتصلت ب الجارحى
داليا: الو. يا جارحى. طلب بسرعة ابعت رجالتك يراقبوا مراد بسرعة واول ما يعرفوا رايح فين كلمنى.
الجارحى: تحت امرك يا هانم...
لبست ونزلت راحت الشركة فعلا والجارحى بعتلها رسالة أن مراد في المقابر، نزلت عشان تروحله وراحت واستخبت عشان تسمعه.
مراد: اذيك يا بابا. واحشنى. معلش انا عارف قصرت معاك الفترة الأخيرة بس اعمل ايه داليا حبيبة قلبى مغلبانى. بس انا حسيت خلاص انها بتحبنى ولا لأ. تصدق يا بابا لسه مش عارف افهمها. انا قولت اعترف لها بحبى ليها وساعتها هعرف كل حاجة، خلاص يا بابا انا مش مصدق أن في واحدة دخلت قلب مراد الألفى. انا توبت من ساعت مشوفتها. تخيل. انا هسيبك دلوقتى اروحلها واكيد المرة الجاية هتكون معايا عشان اعرفها عليك...
داليا: واقفة مصدومة انا اليوم ال هي هتنتقم فيه مراد هيعترف بحبه ليها. الصراع جواها بقا بيزيد نفسها تصرخ نفسها تبكى. معملتش حاجة غير انها دعت في نفسها من جواها بصريخ، يااااااااارب ساعدنى، انا تعبت...
طلعت وراحت على الشركة لقيته قبليها هناك
هو كان مبسوط جدا وهي كانت نفسها تموت وتخلص من العذاب ال جواها...
هو بقى عارف امتى تبقى مبسوطة أو زعلانة أو عادية بس هو لاحظ انها مضايقة وجدا كمان
مراد: كنتى فين يا داليا. انتى قولتيلى هروح الشركة
داليا: انا فعلا جيت الشركة ونزلت تانى ورجعت كنت في البنك بمضي شوية اوراق
مراد: اها عشان كدة. داليا فيكى يا داليا. انا حاسس انك مضايقة أو تعبانة...
داليا. : لأ مفيش حاجة...
مراد قرر أنه يسيبها دلوقتى لانه مش من حقه يدخل اكتر من كدة. بس يوم ما يعترف بحبه. عمره ما هيسبها زعلانة...
داليا راحت على مكتبها لقت تليفونها بيرن. ردت
داليا: الو يا احمد ايه الاخبار...
احمد: تمم زى الفل. كله ماشي حسب تعليمات سعتك
داليا: تمام. بليل هبغلك كل التفاصيل بعد ما الجارحى يتصل بيا.
احمد: وانا مستنى تليفونك يا هانم...
قفلت وهي مش مركزة في حاجة اى حد يكلمها تتعصب وتزعق والصراع عمال يزيد جواها ما بين صوت اختها وصوت مراد.
مراد لاحظ انها مش طبيعية من الصبح والوضع عمال يزيد. حس أن المشوار ال راحته الصبح هو ال غيرها كدة
مراد: مالك يا داليا من ساعت مرجعتى من البنك وانتى مش طبيعية
داليا وهي بتعلى صوتها: شايفنى مجنونة ادامك. انت مالك اصلا بيا...
مراد: انتى اتجننتى ازاى تكلمينى كدة...
داليا فاقت من عصبيتها: انا اسفة مكنش اصدى. اصلى تعبانة شوية. ممكن اروح.
مراد: خلاص حصل خير. يلا روحى و اتعشى وونامى وبكرة نتكلم.
داليا: شكرا. عن اذنك
داليا ماشية مش عايزة بكرة يجي ولا بعده نفسها تموت يمكن تتخلص من الصراع ال جواها...
تليفونها رن
داليا: الو. الجارحى. ايه الاخبار وصلت ل ايه
الجارحى: عيب يا هانم. كله تمام وحطينا خطة مفيهاش غلطة. مستنين المعاد...
داليا بألم من داخلها: تمام اوى. المهم ابعتلى الخطة هتمشى ازاى واول ما اشوفها هبعتلك المعاد امتى
الجارحى: تمام يا هانم. مستنى رسالتك.
قفلت لينا وفتحت رسالة الجارحى وبتقرا الخطة ومش مصدقة انا خلاص الحكاية هتنتهى بكرة. بس مش عارفة بكرة هتنتهى على ايه، وقالت...
داليا: ربنا يستر...
بعتت للجارحى المعاد وقالتله يحجزلها تذكرة على اى طيارة تطلع على اى بلد بعد ما يخلصوا بكرة...
وهو نفذ وعمل كدة...
داليا اتصلت ب احمد وبلغته هيعمل ايه بكرة...
بكرة اليوم ال هيتحدد فيه حياة كل واحد...