رواية أسير العشق للكاتبة شهد طارق الفصل التاسع
جه اليوم ال هيسافروا فيه اسوان وفعلا سافروا واستقروا في الفندق والوفد الألمانى وصل واستقروا في الفندق وقالولهم هيقابلوهم بليل...
جه بليل وداليا في اوضتها بتلبس ولبست طقم شيك جدا خلاها قمر صراحة ومراد كذلك ونزلوا ال night ال موجود بالفندق كل كابل راح يرقص ماعدا هي ومراد...
مراد مد ايده لها: تسمحيلى بالرقصة ديه...
مرضيتش تكسفه ومدت ايديها ليه وطلعوا يرقصوا
داليا كل ما يتقرب منه بتيجى صورة اختها تبعد اكتر.
داليا: مراد انا تعبت ممكن نقعد...
مراد: اه طبعا. اتفضلى...
داليا: مراد. انا هطلع الاوضة اريح شوية...
مراد: تمام. مفيش مشكلة...
داليا طلعت تريح في الاوضة وتفكر هتعمل...
داليا: بما انى عرفت أنه بيحبنى يبقى لازم اكسر قلبه ودة هيساعدنى في الانتقام اكتر واكتر. وراحت مع حوار قلبها وعقلها...
العقل: برافو عليكى لازم تكلملى انتقامك...
القلب: حرام عليكى دة بيحبك سامحيه...
العقل: تسامحه ازاى وهو السبب ف كل ال حصل ليها.
القلب: ما هو شكله تاب وبيحبها...
العقل: بيحبها م بيحبهاش ديه مش مشكلتها المهم انها تنتقم...
القلب: يا خوفى تكونى بتنتقمى من نفسك...
فاقت من الحوار دة وغيرت هدومها ونامت...
تانى يوم اتجمعوا هي ومراد مع الوفد الألمانى ومضوا الصفقة...
مراد: ايه رأيك يا داليا نركب مركب على النيل...
داليا: والله فكرة حلوة اوى. انا موافقة...
مراد: يلا بينا...
وفعلا ركبوا المركب واستمتعوا هما الاتنين بالمنظر واتصوروا صور كتير ومراد حس انها فعلا اتبسطت...
مراد: اتبسطى...
داليا: اه جدا المنظر تحفة والجو جميل اوى...
مراد: يارب اقدر ابسطك على طول...
داليا اتوترت: شكرا.
مراد حس أنه كسفها لازم يهدى شوية قبل ما يصارحها بحبه...
رجعوا الفندق وسافروا رجعوا القاهرة...
قررت داليا انها ترجع تعامل مراد بشكل رسمى وفعلا عملت كدة ومراد لاحظ دة.
وبعد مرور 6 شهور تقريبا...
تليفون داليا رن من غير ما تشوف مين...
داليا: الو مين معايا...
احمد: انا احمد يا هانم...
داليا: معلش يا احمد مشوفتش الرقم. رديت على طول...
احمد: ولا يهمك يا هانم...
داليا: المهم عاوز حاجة...
احمد: عندى ليكى خبر بمليون جنيه...
داليا: مليون جنيه مرة واحدة...
احمد: امال يا هانم احنا بنهظر. خطتك اتنفذت بالكامل يا هانم...
داليا: بجد. دة انا قولت شكلك فشلت...
احمد: لأ. عيب يا هانم. اينعم طولت بس النتيجة ف الآخر انى نفذت بالحرف الواحد المهم حضرتك تيجى تشوفى هتعملى ايه...
داليا: تمام، ساعة وهكون عندك...
احمد: وانا ف انتظارك يا هانم
داليا ابتسمت انها تقريبا خطتها بتتنفذ بالظبط وقالت.
داليا: خلاص يا مراد قربت اخلص واحرق قلبك...
بعد ساعة راحت المكان ال فيه محمود وعملت شوية حاجات كدة وفهمته هيكمل الخطة ازاى.
ورجعت مبسوطة جدا...
مراد: مالك مبسوطة كدة. غريبة يعنى...
داليا: مفيش روحت المقابر...
مراد: هو انتى ازاى بتتبسطى لما بتروحى المقابر
داليا: عشان ببوح بكل ال جوايا من ما احسب انا لازم اقول ايه.
مراد: طب معندكيش حد عايش تبوحى ليه...
داليا: للاسف مفيش حد اثق فيه...
مراد: عندك حق صعب تلاقى حد تثقى فيه...
داليا: عن اذنك انا عايزة انام...
مراد: اتفضلى...
داليا طلعت اوضتها وهي حاسة بإنتصار انها خطتها ماشية تمام جدا...