قصص و روايات - قصص رومانسية :

رواية أسير العشق للكاتبة شهد طارق الفصل العاشر

رواية أسير العشق للكاتبة شهد طارق الفصل العاشر

رواية أسير العشق للكاتبة شهد طارق الفصل العاشر

بعد ما حست بأنتصار...
تانى يوم...
مراد: ايه رحتى المقابر ولا ايه. ما انا بقيت حافظ
داليا: لأ مرحتش. بس حاسة انى مبسوطة فيها ديه.
مراد: لا مفيهاش حاجة. هو انا اكره اشوفك مبسوطة
طب بما انك مبسوطة. عايز استغل الفرصة.
داليا بضحك: تستغل الفرصة. ازاى يعنى...
مراد: ايه رأيك نروح نقضى يومين في الساحل الشمالى...
داليا: يعنى ايه نقضى يومين انت شايفين. مين ادامك. عن اذنك...

مراد حسن أنه خانه التعبير وقال بعد ما مسك ايديها يمنعها تطلع...
مراد: انا اسف يا داليا مقصدش والله انا كان اصدى اليومين دول الدنيا حر وضغط الشغل اليومين ال فاتوا كان كتير وشايفك مبسوطة فقولت نروح نغير شوية اسف لو خانى التعبير...
حست في عنيه بنظرة اسف فعلا.
داليا: خلاص محصلش حاجة. ممكن تسيبنى اطلع اوضب الشنط عشان نلحق نسافر قبل ما الدنيا تليل
مراد بفرحة كبيرة: اه طبعا وانا كمان هطلع احضر شنطتى.

داليا: لأ انا هحضرها. انت روح شوف هنروح فين في الساحل الشمالى.
هى قالت كدة عشان تشوف هيقولها على القرية بتاعته ولا لأ...
مراد: تمام ماشي بس متتأخريش...
داليا: ماشي عن اذنك...

وفعلا حضروا الشنط وسافروا...
داليا: الله حلوة اوى القرية ديه يا مراد سمعت عنها قبل كدة وكان نفسي اشوفها...
مراد: بصي بإختصار. القرية ديه بتاعتى
داليا اتبسطت أنه قالها.
داليا: ايه دة بجد. هو انت كل الأماكن بتاعتك روعة كدة...
مراد: عشان بعملها وانا مبسوط عارفة لما بعمل اى مشروع ومثلا أثناء تشغيله لو انا مضايق اوقف شغل لغاية ما ارجع مبسوط عشان مبوظش حلاوته.
داليا: اها كدة فهمت.
مراد: يلا ندخل.

داليا: غريبة. هو محدش ف القرية هنا ولا ايه دة احنا حتى ف عز الصيف
مراد: مش عارف غريبة فعلا. بس الإدارة قالتلى أنه مفيش حد حاجز انهاردة. هي حاجة غريبة فعلا
داليا فهمت انه فضى المكان ليهم هما الاتنين.
مراد: مش هتنزل الميه
داليا: بس انا مبعرفش اعوم.
مراد: متخافيش انا معاكى. وهعلمك
داليا: ماشي هروح اغير.
مراد: وانا. كمان.

داليا ومراد الانتين غيروا ونزلوا البحر، البحر كان قمة في النقاء. أعدوا كتير في المياه ولعبوا وضحكوا زالاتنيين كانوا في احلى وقت ليهم. وداليا ساعتها كان رايح من بالها شوية أن دة مراد ال عايزة تنتقم منه. وبعد فترة...
داليا: اه تعبت مش قادرة
مراد: ومين سمعك. بس عارفة يا داليا انا اول مرة اكون مبسوط كدة من 5 سنين.
داليا: يا 5 سنين. اشمعنا يعنى
مراد: هتعرفى بعيدين. المهم انتى كنتى مبسوطة.

داليا بتلقائية: فوق ما تتخيل. انا كمان بقالى اكتر من 3 سنين مكنت...
مقدرش تكمل لأنها من 3 سنين فقدت عيلتها بسبب مراد ال قاعد قدامها...
داليا: عن اذنك انا تعبانة. هطلع اغير...

مراد استغرب انقلبها مرة واحد وحس انها افتكرت حاجة بس في نفس الوقت مبسوط أنه قدر يبسطها
داليا طلعت الاوضة وطلعت صورة عيلتها.
داليا: انا اسفة. انى بخلف وعدى. بس متخافوش خلاص قربت انتقم.
واعترفت أن مراد ليه سحر خاص بيخليها مش هي بتكون واحدة تانية مش حاسة بالدنيا وقالت ف نفسها اكيد عشان كدة اختى اتخدعت فيه
داليا: الله يرحمك يا سهى ويسمحك.
بعدها غيرت ونامت شوية...

. وصحت ولبست لبس قصير الى حد ما ومكياچ كتير شوية و تسريحة رائعة خلاها مثيرة ونفس الوقت قمر لأنها قررت تلعب لعبة معينة...
مراد اول ما شافها كان بيغلى من جواها...
داليا: انا جاهزة. ايه رأيك نروح ال night...
مراد: ليه يعنى...
داليا: عادى عايزة ارقص شوية...
مراد: طب ماتيجى نرقص برة على الشط...
داليا: لأ اصلى اتخنقت من الهدوء علشان كدة هنروح برة، القرية لان اكيد ال هنا مش موجود فيه حد.

مراد وهو قمت غليانه: ماشي يلا...

واول ما دخلوا كل نظرات ال موجودين بقت عند داليا
. وطبعا داليا مكسوفة لأنها عمرها ما عملت كدة بس قالت تضحى عشان انتقامها. وطبعا مراد الغليان عمال يزيد اكتر لأنه من يوم ما حبها وهو اعتبر انها بقت ملكه ومفيش حاجة ملك مراد الألفى يقدر يبص عليها. بس هو لسه مقلهاش فعشان كدة هي لسه مش ملكه
قعدوا وشربوا شوية.
مراد جاله تليفون طلع برة عشان يتكلم بس طول شوية ورجع شاف منظر تقريبا هيرتكب بسبه جريمة...

الفصل التالي
جميع الفصول
روايات الكاتب
روايات مشابهة