رواية أحببته مشوها ولكن للكاتبة سلسبيل كوبك الفصل الحادي عشر
سلطان بدأ يرقص مع عشق و كان صوت المطر لحنهم و حبهم لبعض أفضل أغنية.
كانت العائلة بتتفرج عليهم من البلكونة و هما مبسوطين بيهم.
سلطان: بحبك.
عشق: ممممم بعينك أقولك و أنا كمان.
سلطان: تقل من بدايتها!
عشق: و إن كان عاجبك.
سلطان: على قلبي جمال و دلال.
سلطان شد عشق لحضنه و حاوط وشها بين ايديه و قرب منها ببطء بعد ما غمض عينيه.
فجأة سمعوا صوت ضرب نار و صريخ إيهاب باسم سلطان.
فجأة وقع سلطان و عشق على الأرض بسبب إيهاب اللي زقهم و ضرب نار في اتجاه العمارة المقابلة ليهم.
سلطان(بقلق): أنتي كويسة؟
عشق(بوجع): إيدي.
مسك سلطان إيد عشق و بدأ يفحصها كان جرح بسيط أثر وقوعها على الأرض.
سلطان: خليكي هنا هروح أشوف إيهاب راح فين.
عشق: تروح فين أنت مش ضامن ممكن يحصل إيه.
سلطان: ادخلي يا عشق جوا.
أنور: في إيه يا سلطان؟
سلطان: مفيش يا بابا لو سمحت دخل عشق معاك جوا و اطلعوا لفوق هشوف إيهاب راح فين و أجي.
أنور: و بعدين هقعد معاك.
سلطان(بتنهيدة): حاضر.
أنور: تعالي يا عشق.
عشق: مش هسيبك يا سلطان تروح ممكن يبقى خطر عليك.
سلطان: عشق اسمعي الكلام هي من أولها تعب قلب و لا إيه!
سلطان ساب عشق مع أنور و مشي ناحية ما إيهاب مشي، أنور قرب من عشق اللي كانت بتبص على سلطان بقلق.
أنور: متخافيش عليه.
عشق: مش خايفة.
أنور: واضح أوي تعالي نطلع ليهم فوق سلطان و إيهاب زمانهم جايين.
طلعت عشق مع أنور لشقة نداء اللي كان الكل فيها قلقان من اللي حصل و مستغربين سببه.
قمر: هما راحوا فين؟
رحمة: تعالي يا عشق اقعدي.
حياء: غيري هدومك بدل ما يجيلك برد.
نداء: اه يا عشق تعالي معايا لحظة يا جماعة.
مشيت نداء ناحية عشق و مسكتها من ايديها دخلتها أوضتها.
أسماء: ربنا يسترها.
كان إيهاب بيجري على سلالم العمارة اللي قصاد عمارة نداء و هو بيحاول يلحق اللي ضرب النار، و كذلك سلطان اللي كان بيجري هو كمان عشان يوصل لإيهاب.
سلطان(و هو بينهج): إيه الأخبار؟
إيهاب كان في نفس وضع سلطان و كان تعبان أكتر منه و قعد في الأرض.
إيهاب: هرب.
سلطان: تفتكر ليه علاقة بشغلي؟
إيهاب: ليه لا؟
سلطان: و الحل؟
إيهاب: تعالى نرجع زمان السكان اتصلوا بالشرطة.
سلطان: عندك حق.
رجع كلًا من سلطان و إيهاب لشقة نداء، قمر وحياء حضنوا سلطان خوفًا عليه.
سلطان: خلاص يا بنات.
رحمة: أنتوا عايزين تخنقوا الواد يا بت منك ليها ابعدوا عنه.
سلطان: هي فين عشق؟
نداء: بتغير هدومها.
سلطان(باحراج): هو مش المفروض أقعد معاها.
إيهاب: في المطر ده لا يا عم براحتك بقى.
إيهاب: لو جالي برد هفضل ادعي عليك طول الليل.
أسماء: اهدى و متخلنيش أنا اللي ادعي عليك.
أنور: بعدين يا سلطان أنت مش شايفك حالك هدومك كلها مبلولة.
سلطان: معايا شنطة الرياضة فيها طقم.
نداء: خلاص يا حبيبي اقعد مع عشق.
رحمة: طب نستأذن احنا.
نداء: ملحقتش أقعد معاكي.
رحمة: حبيبتي الجايات كتير.
سلطان: مش يلا و لا إيه؟
أنور: خلاص يا سلطان.
الكل استأذن و مشي حتى سلطان اللي وصلهم و خد شنطة النادي تبعه اللي بتبقى دايما في العربية احتياطي و سمح لكل حراسه يمشوا.
سلطان طلع شقة نداء و هو محرج منها و لكن رغبته أنه يقعد مع عشق كانت أقوى.
نداء: هبلغ عشق و أنت ادخل غير هدومك في الحمام.
سلطان: شكرا يا خالتو.
بلغت نداء عشق اللي كانت محتارة تلبس إيه بدل فستانها اللي اتبل و قررت تلبس بيجامة شتوية باللون الأبيض.
خرجت عشق من أوضتها لقت سلطان قاعد على الكنبة في أوضة الضيوف.
سلطان: يا حلاوتك.
عشق: طلبت تقعد معايا.
سلطان: و هو مش المفروض بعد كتب الكتاب العريسين يقعدوا مع بعض.
عشق: أنت عارف الساعة كام؟
سلطان: مش مهم 12 عادي.
عشق: هترجع ازاي؟
سلطان: ده مش مهم دلوقتي.
سلطان قرب من عشق اللي رجعت لورا و هي بتبصله بحذر.
عشق: أنا مش مرتحالك.
سلطان: هو أنا عملت حاجة!
عشق: أثبت مكانك.
سلطان: مامتك و زمانها بتأكل رز مع الملايكة جوا يا حبيبتي و دلوقتي مفيش غيري و غيرك.
عشق: و هو يعني عشان مفيش غيري و غيرك تقرب مني بالشكل ده يعني.
سلطان: و أنتي مكسوفة مني ليه كدة!
عشق لا رد.
سلطان: الله يرحم طولة لسانك.
عشق: هتستفزني يا سلطان.
سلطان: قوليها تاني.
عشق(بضيق): هتستفزني.
سلطان: اللي بعدها.
عشق: يا سلطان.
سلطان: راحت فين سلطان بيه و أستاذ سلطان؟!
عشق سابت سلطان و قعدت على الكنبة، سلطان قرب و قعد جمبها و هي بدأت تبعد عنه و كل مرة هو يقرب منها و ملاحظ خجلها منه.
سلطان: أول مرة أشوفك كدة.
عشق: ما تبعد شوية و الرؤية هتبقى أحلى.
سلطان: أومال في الفرح هتعملي إيه؟!
عشق: هنيمك عند أمك.
سلطان: إيه البيئة دي!؟
سلطان: تحبي ميعاد الفرح يبقى إمتى؟
عشق: مثلا ست شهور.
سلطان: ست شهور! ليه يا حبيبتي ليه يا ماما ده ست شهور دول أخلف فيهم يا حبيبتي مش لسة هفكر أتجوز.
عشق: أومال أنت عايز إيه؟
سلطان: أصلا بابا مش هينفع يفضل هنا لفترة طويلة.
عشق: اشمعنا؟
سلطان: هو كدة.
سلطان: هما حجزوا طيارتهم أصلا كمان تلت أيام.
سلطان: يعني فرحنا يا حبيبتي بالظبط كمان يومين.
عشق: هو أنا سمعت صح!
سلطان: أيوه.
عشق: يومين إيه بس يا سلطان أن.
سلطان: طب بلاش فرح و علطول شهر عسل.
عشق: لا أنا نفسي ألبس فستان أبيض و تكون فرحان بيا و أنا عروستك.
سلطان: أنا أصلا فرحان أنك في حياتي.
عشق: عمرك ما هتسبني؟
سلطان: ده سؤال يا عشق.
عشق: هتفضل تحبني؟
سلطان: في إيه يا بنتي مبحبش الأسئلة دي؟!
عشق(بضحك): بتتكسفي يا بيضة.
سلطان: طب و الله حلال فيكي الضرب.
ضحكت عشق على سلطان فهو خجول إلى حدًا ما.
سلطان: تحبي تجيبي فستانك امتى؟
عشق: عادي مش فارقة.
سلطان: هو إيه اللي مش فارقة احنا هنتجوز مرتين يعني؟
استمر كلام عشق و سلطان طوال الليل محدش حس بالنهار، حتى إنهم ناموا مكانهم.
صحيت نداء من نومها و شافت منظر سلطان و عشق، كان سلطان نايم بعمق على رجل عشق و ماسك إيديها بين إيديه و عشق نايمة و هي قاعدة.
نداء(بصوت عالي إلى حدًا ما): سلطان.
قام من مكانه مخضوض و وقع على الأرض، عشق فتحت عينيه ببطء و انزعاج أثر صوت نداء.
نداء(بضحك): منظركم مضحك.
سلطان(بنوم): حرام يا خالتو بقى.
عشق: ليه الازعاج؟
نداء: هو أنت مش كنت عايز تقعد مع عشق ربع ساعة بس!
فتح سلطان عينه و بص لعشق و بعدها لنداء.
سلطان: الكلام خدنا يا خالتو.
نداء: طب قوم أغسل وشك عشان تمشي.
سلطان: حاضر.
سلطان: هي متنحة كدة ليه؟
نداء: لا هي كدة.
سلطان: هأخد واحدة تنحة!
عشق ضربت سلطان على كتفه.
عشق: تنحة في عينك.
سلطان قام وقف و دخل الحمام، نداء قربت من عشق و هزتها من كتفها.
نداء: قومي حطي مكيب و اغسلي وشك كدة بسرعة قبل ما يخرج.
نداء: هيقول اتجوزت واحد صاحبي.
عشق(بضيق): أنا كدة و هفضل كدة.
سلطان: صباح الخير.
نداء: صباح النور يا حبيبي.
سلطان: شكرا.
سلطان طلع تليفونه و اتصل ب فتحي.
نداء: هحاول كدة أحضر الفطار.
سلطان: مالك؟
عشق: لما بصحى ببقى كدة.
سلطان: شكلي هستغل ده.
عشق: في إيه؟
قرب سلطان من وش عشق و لكن كان فتحي رد على اتصال سلطان.
سلطان(بضيق): ألو يا فتحي.
فتحي: نعم يا بيه.
سلطان: جيب العربية و تعالى ليا.
فتحي: حاضر يا بيه.
قفل سلطان مع فتحي و بص لعشق لقاها شاردة.
سلطان: مبسوطة؟
عشق: و حد يتجوزك و ميبقاش مبسوط.
سلطان: بتتريقي يا عشق!
عشق: لا أكيد مش بتريق.
عشق: هو ينفع حد يسامح حد؟
سلطان: مش فاهم فهميني أكتر عشان أعرف أفيدك.
عشق(بحماس): هحكيلك.
عشق: بص يا عم واحدة صاحبتي كانت بتحب واحد تمام كدة.
سلطان: تمام.
عشق: بس هو عرف أنها كدبت عليه في حاجة و هو مش بيحب كدة تفتكر ممكن يسامحها.
سلطان: و ليه لا لو الغلط مش كبير و كمان الحب اللي بينهم قادر يمحى أي غلطات و كدب.
عشق: بس هو مش عايز يقتنع.
سلطان: الوقت الوقت قادر يحل كل الأزمات.
عشق: طيب هدخل أغسل وشي.
سلطان: أجي أساعدك.
عشق: رخم و الله.
عشق سابت سلطان و دخلت أوضتها، نداء طلعت قعدت مع سلطان.
سلطان: إيه يا خالتو مش هأكل و لا إيه؟
نداء: هتأكل يا حبيبي بس كان في موضوع عايزة أكلمك فيه.
سلطان: اتفضلي.
نداء: طبعا انت عارف إن بعد وفاة صلاح بقيت أنا و عشق لوحدنا و عارف طبعا إن صلاح كان بيشتغل في المخدرات بس متقولش لعشق عشان متعرفش.
سلطان(بتنهيدة): عارف يا خالتو.
نداء: و طبعا في ناس كتير عايزين يأذوني في عشق.
سلطان: طول ما أنا موجود محدش هيقدر يقرب منها هي خلاص بقت مراتي.
نداء: و كان في حاجة كمان.
سلطان: مهر عشق متكلمناش فيه يا سلطان مش مهم شبكة و لا الكلام ده المهم المهر.
.
سلطان(بهدوء): بعيدًا عن إني بحب عشق و الكلام ده فأنتوا في الأول والأخر ستات يعني ملكوش راجل يسندكم و ده كان قبل وجودي في حياتكم و متخافيش مش هأكل حق عشق.
سلطان: و مهر عشق هيبقى 3 مليون.
سلطان: عندك أي إضافة؟
نداء: هو حد يقول حاجة بعدك يا سلطان.
سلطان: في الفرح هتستلمي شيك بالمبلغ ده يا حماتي.
عشق: أسفة اتأخرت.
سلطان(بابتسامه): لا خالص.
قرب سلطان من عشق بعد ما خد حاجته و باس رأسها بحب.
سلطان: بليل جهزي نفسك هعدي عليكي.
عشق: حاضر.
سلطان: طاعتك ليا دي قلقاني.
ضحكت عشق بخفوت على سلطان اللي شدها لحضنه.
سلطان: طب قوليلي هروح ازاي كدة!
عشق: مش عمو فتحي هيوصلك.
سلطان: يا ريتك عمو فتحي.
عشق: يا رخم يلا امشي.
نداء: هتروحوا فين بليل يا سلطان؟
سلطان: هنجيب فستان الفرح.
نداء: في حتة فستان حلو أوي.
سلطان: عاجب عشق؟
نداء: هيعجبها أكيد هو بس هيتكلف 250 ألف.
سلطان: مش مهم الفلوس يا حماتي المهم يعجب عشق.
عشق: خلينا ننزل أنا و أنت نشتري أفضل.
سلطان: اللي يعجبك يا حبيبتي.
سلطان: هبقى أكلمك عشان تلبسي.
عشق: تمام.
مشي سلطان و اتبقت عشق مع نداء يتكلموا في الفرح، كانت نداء مهتمة أنها تعزم رجال الأعمال و أصحابها في النادي.
نداء: جبتي هدوم ليكي.
عشق: ما أنا عندي مش محتاجة.
نداء: لا هدوم الجواز تفرق.
عشق: ما هي كدة هدوم و كدة هدوم المهم تسترني.
عشق سابت نداء و هي متضايقة و دخلت أوضتها، سلطان رجع الفيلا.
قمر: إيه يا عريس ما صدقت!
سلطان: هطلع أنا.
قمر: عملتوا إيه ها عملتوا إيه؟
سلطان: قمر أنا مصدع ابعدي عني.
رحمة: مش هتفطر.
سلطان: هغير هدومي الأول لأني محتاج أروح الشركة اظبط حاجات قبل الفرح و شهر العسل.
اسماء: ربنا معاك يا حبيبي بس لازم تأكل.
سلطان: حاضر يا حبايبي.
سلطان طلع لأوضته و غير هدومه و نزل فطر.
أنور: يلا على الشركة.
سلطان: هتيجي معاياا؟
أنور: عندك مانع؟
سلطان: لا مستغرب.
الاتنين ركبوا عربية سلطان و الحراس وراهم.
أنور: وصلت لحاجة؟
سلطان: لا.
أنور: بقالك 7 سنين بتقول كدة يا سلطان.
سلطان: حرفيا اختفى.
أنور(بتنهيدة): تمام يا سلطان.
وصلوا للشركة و أنور بدأ يشوف أحوالها، سلطان اشتغل طول اليوم و كان بيخلص كل اللي وراه في أسرع وقت.
سلطان: أيمن.
أيمن: نعم يا فندم.
سلطان: جهزلي دعوات الفرح.
أيمن: فرح مين يا فندم؟
سلطان: فرحي يا أيمن.
أيمن: بجد يا فندم مبروك مبروك.
سلطان: الله يبارك فيك.
سلطان: اقعد أكلمك عن تفاصيله عشان هتبقى مسؤوليتك أنت.
أيمن: اتفضل يا فندم.
سلطان: هتعزم كل اللي نعرفه بلا استثناء حتى موظفين الشركة هنا.
أيمن: تمام.
سلطان: جهزلي دعوات قيمة هتوصلها بنفسك لاكبر رجال أعمال نعرفهم.
سلطان: الفرح يا أيمن تبقى مسؤوليتك انت و ليلى عايزه يبقى فرح الكل يتكلم عنه.
أيمن: عايز صحافة يا فندم.
سلطان: لا صحافة لا.
أيمن: تمام يا فندم.
سلطان: عايزك تحجزلي في الغردقة أسبوع.
أيمن: تمام يا فندم.
سلطان: لو في حاجة هبقى أبلغك.
أيمن: حضرتك ناوي تشتغل لامتى يعتبر الموظفين مشيوا حتى أنور بيه.
سلطان: عايز أخلص أكبر عدد من الشغل عشان مفيش حد من بعدي يعمله.
أيمن: كله يتأجل لأجلك يا باشا.
سلطان: يعني هو عشان هتجوز يبقى الشركة تخرب.
أيمن: تمام يا باشا.
سلطان: خلاص روح أنت.
أيمن: تمام يا فندم.
سلطان اتصل بِ عشق اللي كانت متضايقة من عدم اهتمامه طول اليوم و قعدت في البلكونة.
عشق: لسة فاكر حضرتك؟
سلطان: أقولك قد إيه الشغل متعب و عايز أخلصه قبل ما الفرح عشان ابقى فاضي ليكي انتي بس.
عشق: بس برضو كنت تطمني.
سلطان: خلاص يا ستي البسي و هعدي عليكي.
عشق: نروح فين؟
سلطان: نسيتي الفستان.
عشق: هتلاقي محل فاتح دلوقتي.
سلطان: محل يا عشق!
سلطان: اه هلاقي محل فاتح دلوقتي قومي يا أختي.
عشق: هلبس متتأخرش.
سلطان: حاضر.
عشق: تمام باي.
بعد فترة كان سلطان واقف قدام بيت عشق و اتصل بيها.
عشق: أنا هنزل.
نداء: زي ما بلغتك.
عشق: إن شاء الله.
نزلت عشق لتحت اللي لقت سلطان فاتح ايده ليها هي قربت منه و وقفت قدامه باستغراب.
عشق: إيه؟
سلطان: مفيش حضن مفيش بوسة مفيش أي حاجة.
عشق: في استظراف تأخد.
سلطان: بطلي لماضة.
خافت عشق من منظر سلطان كانت الأضواء خافتة في الشارع و منظر الحرق كان بشع نوعًا ما.
عشق: هنروح فين في الوقت ده؟
سلطان: تعالي.
فتح سلطان الباب لعشق و لف ركب جمبها و بدأ يسوق ناحية اتيليه متفق معاه.
سلطان: في حاجة؟
عشق: لا مفيش مفيش حاجة.
وقف سلطان قدام الاتيليه و هو مستغرب حالة عشق و صمتها.
سلطان: وصلنا.
عشق: تمام.
الاتنين نزلوا و دخلوا الاتيليه البنت رحبت بسلطان و عشق، عشق حست بتعب أول ما دخلت.
سلطان: مالك يا عشق فيكي إيه؟
عشق(بخفوت): حاسة إني تعبانة و عايزة أرجع.
سلطان: طب تعالي اقعدي حاولي تأخدي نفسك.
سلطان: آنسة سما جيبي كرسي.
سما: تمام يا فندم.
سلطان قعد عشق على الكرسي و قعد قدامها.
سلطان: ممكن تفهميني مالك؟
سلطان: خالتو مزعلاكي.
عشق: افتكرت بابا.
سلطان: ليه؟
عشق: كان نفسي يبقى موجود معايا.
سلطان: طب أنا موجود هنا من أجلك.
عشق: عارفة.
سلطان: بقيتي أحسن.
عشق: الحمدلله.
سلطان: سما جيبي التشكيلة اللي قولتي عليها.
سلطان: قومي بقى.
عشق: ليه؟
سلطان: عشان تقيسي الفساتين يا حلوة أنا هقعد.
عشق: هقيس ده كله يا سلطان.
سلطان: واحد واحد.
عشق: إيه التعب ده!
سلطان ضحك على عشق و قعد على الكرسي و عشق بدأت تقيسي فستان فستان.
سلطان: لا.
عشق: بس حلو يا سلطان.
سلطان: في الأحلى يا عشق.
سلطان: غيريه لو سمحت يا سما.
سما: اتفضلي قيسي ده.
عشق: أنا تعبت.
سلطان: يلا.
عشق قاست كام فستان و سلطان رفضهم كلهم.
سلطان(بملل): مفيش حاجة تانية يا سما؟
سما: لا يا فندم دول أحلى تشكيلة موجودة هنا في الاتيليه فاضل اللي هي بتقيسه و اللي على إيدي ده.
سلطان(بملل): أكيد اللي جاي هيبقى زي اللي قبلهم.
سما: بس هي حلوة في كل الفساتين حضرتك ليه بترفضهم.
سلطان: عايزها في حاجة مميزة.
سلطان بص لعشق لما خرجت من غرفة التبديل و قام وقف أول ما شافها في فستان الفرح المثالي بالنسبه ليه.
عشق: هغيره عارفة.
سلطان: لا استني هنا.
سلطان مسك ايد عشق و لفها و هي بصتله باستغراب.
سلطان: هو ده.
عشق: هو إيه؟
سلطان: أنتي جميلة أوي فيه.
عشق: بجد!
عشق: عايزة أشوف نفسي.
سما: اتفضلي معايا.
سلطان: لا هتشوفيه بكرة.
عشق: بس...
سلطان: هي كلمة.
عشق: طب حلو.
سلطان: أوي.
سلطان باس رأس عشق و مسك ايديها حطها على قلبه، حست عشق بنبضاته السريعة و رفعت عينيها ليه.
سلطان: أهو ده حال قلبي لما بتبقي جمبه.
عشق(بخجل): هدخل أغير الفستان.
سلطان: ما تخليكي شوية.
عشق: يا سلطان.
سلطان: ادخلي.
جريت عشق على الأوضة و غيرت هدومها و خرجت لسلطان اللي حاسب عليه.
سلطان: ابعتيه للعنوان اللي بعتهولك يا سما.
سما: تمام يا فندم.
سلطان: يلا اوصلك.
عشق: ما تيجي نأكل.
سلطان: أسف بس تعبان أوي و عندي شغل بكرة كتير بعد الفرح هنلف كتير مع بعض.
عشق: ماشي.
سلطان: متزعليش.
عشق: لا مش زعلانة.
سلطان: طب يلا بينا.
-عدت أيام ما قبل الفرح بسلام و هدوء، سلطان الوحيد اللي مش بيرتاح بيشتغل طول النهار و يشرف على تجهيزات الفرح بليل و بيظبط الفيلا بتاعته.
قمر: هو اه المفروض نيجي مع سلطان بس لا طبعا قولنا مش هنسيبك لوحدك.
عشق: تسلمي يا قمر.
حياء: سيبي الميكب ارتست تشوف شغلها يا قمر.
قمر: حاضر يا أختي يا نبع الحنان.
عشق: هو سلطان فين؟
حياء: زمانه بيجهز نفسه.
عشق: تمام.
قمر: إيهاب مسابهوش خالص.
عشق: ربنا يخليهم لبعض.
قمر: كان نفسي أفضل لبكرة أرخم عليكوا يوم الصباحية.
عشق ضحكت و حياء ضربت قمر على كتفها.
قمر: بطلي قلة أدبك دي.
تليفون قمر رن.
قمر: لحظة.
قمر بِعدت عنهم و فتحت الخط.
قمر: مين؟
عيسى: إيه الأخبار؟
قمر(بصدمة): عيسى!
عيسى: أيوه مالك مستغربة ليه؟
عيسى: أتأخرتي أوي.
قمر: هما أربع أيام
عيسى: و لو برضو.
قمر: أنا هقفل.
عيسى: هترجعي امتى؟
قمر: أسبوع كدة.
عيسى(بضيق): تمام.
قمر: يلا باي بقى سلطان بينادي عليا.
قمر قفلت مع عيسى و هي بتضحك عليه و سجلت رقمه و راحت للبنات.
حياء: مين؟
قمر: دي ماما بتطمن علينا.
حياء: تمام.
عشق: هو لسة فاضل كتير؟
الميكب ارتست: تلت ساعة.
عشق: تمام.
عند سلطان.
إيهاب: يا عم قلقان من إيه بس؟
سلطان: أنت عارف يا إيهاب.
إيهاب: طب و الله يا سلطان حلو.
إيهاب: يا ابني هو في حد يبقى عريس و يفكر بالشكل السلبي ده.
سلطان: أنت عارف إني.
أنور: أنك أحسن حد.
سلطان: بابا.
أنور قرب من سلطان و حط ايده على كتفه.
أنور: قلة ثقتك بنفسك دي يا سلطان هتوديك في داهية.
سلطان: ما أنا فعلا بقيت وحش يا بابا بعد الحادثة.
أنور: و عشق قابلاك كدة عايز ثقتها و حبها ليك يقل بعدم ثقتك بنفسك.
سلطان: بس متنكروش إني وحش.
بص إيهاب لأنور بضيق و كذلك أنور.
أنور: ده مش موضوعنا العروسة زمانها مستنيانا إيه يا عريس ناوي تتأخر عليها و لا إيه.
سلطان: إيه الدخان ده؟
لقوا الباب اتفتح و دخلت أسماء مع رحمة و هي معاها بخور و لفت حوالين سلطان اللي بدأ يكح.
إيهاب: حرام عليكي إيه ده؟!
رحمة: خايفين على الواد ليتحسد.
أنور: طب مش يلا نجيب العروسة.
سلطان: يلا.
إيهاب: خد ألبس ساعتك يا خفيف.
سلطان: شكرا.
كلهم نزلوا و كانت عربية سلطان متزينة.
سلطان: يلا يا عم فتحي.
حراس سلطان كلهم باركوا لسلطان و سلطان كان مبسوط و ركب العربية و معاه إيهاب.
سلطان: و احنا راجعين ملمحش قمر.
إيهاب: ليه بس دي يعني كل اللي هتعمله هتقعد بينك و بين عشق ترخم عليكوا.
سلطان: و الله أقتلك و اقتلها.
إيهاب(بضحك): سيبها عليا.
إيهاب: بس يا خفيف هتردها ليا.
سلطان: يا عم مش لما تيجي تتجوز خليك في فرحي بس.
وصلوا للفندق اللي فيه عشق و فيه القاعة، سلطان طلع لأوضة عشق بعد ما خد بوكيه الورد من إيهاب.
أنور: يلا يا ابني احنا نقف مع المعازيم.
إيهاب: يلا.
رحمة: تعالي يا أسماء.
رحمة: هي نداء فين مشوفتهاش.
أسماء: مش عارفة.
عند عشق.
قمر: وصل وصل.
حياء: طب افتحي الباب يلا.
عشق: لا خلينا قاعدين هنا شوية.
قمر: قول كلمة السر.
سلطان: لا جنان مش عايز يا قمر.
قمر: خلاص مفيش عروسة.
سلطان: يا قمر اهدي كدة و افتحي الباب منظري وحش و أنا واقف بره كدة.
قمر: عايزاه يا عروسة؟
سلطان: هي ليها رأي تاني و لا إيه؟
حياء: بطلي يا بت و افتحي الباب.
قمر: أبدا لما يقول كلمة السر.
سلطان: مش كان نفسك تصممي مشروع في شركة بابا و تكوني المشرفة عليه.
قمر(بحماس): اه.
سلطان: هقنع بابا افتحي بقى.
قمر(بخبث): بس أنا لسة صغيرة فاكر كلامك يا سلطان.
سلطان: ده أنتي كبيرة و عاقلة افتحي الله يخرببيتك.
قمر: هتقنع بابا.
سلطان: هقنعه.
حياء: وسعي يا مصلحة.
قمر فتحت الباب و جريت ورا عشق.
سلطان: بقى أنا تذليني!
سلطان: و ربي لأوريكي يا قمر.
قمر: مش كنت عايز عروستك أهي قدامك فكك مني بقى.
فريق الميكب ارتست مشي، حياء شاورت لقمر و طلعوا و قفلوا الباب وراهم.
سلطان قرب من عشق اللي بصت في الأرض بخجل و قلق.
سلطان: اتفضلي.
عشق: شكرا.
سلطان: طب ارفعي عينك في عيني.
عشق: خلينا كدة أفضل.
سلطان: هو إيه اللي خلينا كدة أفضل هتموتيني ناقص عمر يا عشق.
عشق: بعد الشر عليك يا سلطان.
سلطان رفع دقن عشق و بصلها بابتسامة.
سلطان: كنت متأكد أنك هتطلعي ملاك في فستانك الأبيض.
كانت عشق لابسة فستان أبيض بسيط جدا و واسع من بعد الخصر وسع بسيط و كان بأكمام واسعة بسيطة جدا و التطريز عبارة عن نقوش جميلة كانت أول طبقة من الشيفون، لبست صندل بكعب باللون الفضي و شعرها قصير على كتفها مع مكياج بسيط يناسب الفستان.
سلطان: جميلة.
عشق: شكرا ربنا يخليك.
سلطان: هو أنتي مدرستيش ح ر.
عشق: إيه ح ر ده!
سلطان: حب رومانسية أي حاجة من دول.
عشق: لا درست ف ف ن.
سلطان(باستغراب): إيه ده؟
عشق: في فرح و ناس يا خفيف مستنينا تحت.
الباب خبط.
سلطان: قدامي يا عشق.
سلطان مسك إيد عشق و خرجوا، كان إيهاب جه و معاه الزفة تبع الفرح و المصور.
إيهاب: يلا يا ابني ابقى حب في البيت.
عشق و سلطان نزلوا للقاعة و الكل سقف بلا استثناء أول ما دخلوا و اشتغلت أغنية طلي بالأبيض.
سلطان حس بأن عشق سعيدة لدرجة أن ابتسامتها مفارقتش وشها طول الفرح.
سلطان(بهمس): مبسوطة؟
عشق: أوي أوي يا سلطان بجد أنا مش عارفة أشكرك ازاي على كل اللي بتقدمه ليا بس متأكدة أنه هيجي يوم و أرده ليك.
سلطان(بهمس): كفاية تفضلي مبسوطة.
الاتنين قعدوا مكانهم و بدأ المعظم يجيوا يسلموا عليهم و عشق مكنتش تعرف أي حد منهم.
سلطان لاحظ أن عشق مسكت في ذراعه جامد لما كان بيسلم على شخص.
سلطان(بابتسامه): الله يبارك في حضرتك.
سلطان(بهمس): مالك؟
عشق(بهمس): أنت عزمت اللي هناك ده ليه؟
سلطان: قصدك عصام بيه؟
عشق: لا اللي جمبه.
سلطان: ده مساعده الشخصي طبيعي يبقى موجود يا حبيبتي و كمان تعرفيه منين.
عشق: بعدين بس متخلهوش يسلم عليا.
سلطان: طب فهميني.
عشق: بعدين يا سلطان بلاش ننكد على نفسنا.
سلطان: تمام.
عصام: سلطان بيه.
عصام: ألف مليون مبروك.
سلطان: الله يبارك فيك يا عصام.
حسين: ألف مبروك.
سلطان: أسف مش بتسلم.
حسين بص ل عشق نظرة شاملة و بعدها بص ل سلطان اللي لاحظ نظراته لعشق.
حسين: حقك.
سلطان: أيمن.
سلطان شاور لأيمن اللي جه بسرعة.
سلطان: عصام بيه و أستاذ حسين ضايفهم.
أيمن: حاضر يا فندم.
سلطان: اقعدي أكيد تعبتي من الوقفة.
عشق: الفرح ده حواره كبير.
سلطان(بضحك): احنا لسة بدأنا.
ليلى: سلطان بيه ألف مبروك مبروك يا هانم...
سلطان: الله يبارك فيكي يا ليلى.
ليلى: شكرا.
ليلى: ربنا يخليه ليكي يا هانم.
عشق: شكرا.
عشق(بهمس): مين دي؟
سلطان(بهمس): دي السكرتيرة بتاعتي إنسانة محترمة جدا.
عشق: تمام.
استمر الفرح و سلطان مبسوط و مسابش إيد عشق طول الفرح، بعد فترة قام سلطان و عشق بدأوا يرقصوا مع بعض.
كان المقربين من سلطان مستغربين حالته و كمية انبساطه و ضحكه مع عشق كانوا الموظفين مش متعودين على سلطان بالشكل ده.
عشق(بهمس): كان نفسي أعرف هما بيقولوا إيه في الفرح.
سلطان(بهمس): بحبك و بعشقك و كمان مرة بعشقك.
عشق(بهمس): بطل تكسفني يا سلطان.
سلطان(بضحك، همس): مش كنتي عايزة تعرفي بيقولوا إيه؟!
عشق(بهمس): رخم و الله.
بعد الرقصة، جه رحمة و أنور و قمر و حياء يودعوا سلطان و عشق.
أنور(بهمس): خلي بالك منها.
سلطان: متقلقش يا بابا.
رحمة: خلي بالك منه يا عشق سلطان غلبان و بيحبك و انا هبقى اتصل اطمن عليكي كل شوية بس حافظي عليه كويس.
عشق: حاضر يا خالتو.
حياء: هبقى أكلمك بقى.
عشق: تمام.
قمر: سلطان متنساش أنك وعدتني هتقنع بابا.
سلطان: امشي يا بت من هنا.
قمر: شايفة يا عشق؟
عشق(بضحك): متقلقيش هحاول أقنعه.
رحمة: يلا يا حبيبي هنمشي احنا.
سلطان: ماشي يا ماما.
رحمة: هستناك هناك مع عشق.
سلطان: حاضر.
عائلة سلطان مشيت، و كان لسة الفرح مخلصش جت نداء و سلمت عليهم.
سلطان(بضيق): اتفضلي يا حماتي.
نداء: ماشي يا سلطان خلي بالك منها.
سلطان: أكيد.
بعد فترة، بدأوا يجهزوا عشان يمشوا و المصور صورهم كذا صورة مع بعض.
عشق: اومال فين إيهاب و دادة أسماء؟
سلطان: إيهاب مشي مع بابا يوصلهم للمطار و دادة أسماء رجعت بيتها.
عشق: هي مش هتيجي معانا.
سلطان: طب تيجي ازاي!
عشق(بتنهيدة): طيب.
وقف فتحي العربية قدام فيلا سلطان، سلطان نزل من العربية و لف فتح باب عشق اللي نزلت و شهقت لما لقت سلطان شالها بين إيديه.
عشق: إيه؟
سلطان: إيه أنتي؟
سلطان دخل الفيلا و هو شايل عشق بين إيديه و طلع لأوضته علطول، عشق كانت متوترة و غمضت عينيها.
سلطان: فتحي عينك.
عشق: ليه؟
سلطان: أول مرة أشوفك خايفة كدة!
عشق خدت نفس عميق و اتنهدت، سلطان نزل عشق على باب الأوضة.
سلطان: نورتي أوضتي بمجيتك.
عشق: شكرا.
عشق دخلت أوضة سلطان و هي حاسة بنبضات قلبها السريعة حاولت تهديء نفسها.
سلطان: تحبي أساعدك في الفستان.
عشق: لا.
سلطان: أومال مين هيساعدك يعني الجيران؟
قرب سلطان من عشق خطوتين لكنها رجعت لورا بسرعة و مسكت فستانها في إيديها.
سلطان: هساعدك يا عشق متقلقنيش في حاجة؟
عشق: أنا حاسة إني تعبانة.
سلطان: طب غيري هدومك طيب.
عشق: طب أخرج.
سلطان: طيب لفي اساعدك في الفستان.
عشق لفت بحذر لسلطان اللي حس برعشة جسمها الشديدة و فتح سوسته الفستان و خرج بره الأوضة.
عشق اتنهدت و فتحت الدولاب و طلعت بيجامة، الباب خبط.
عشق(بخضة): إيه يا سلطان؟
سلطان: نسيت أخد هدومي ممكن تجيبيهم ليا.
عشق: طيب لحظة.
عشق مسكت فستانها و مسكت هدوم سلطان، فتحت الباب و رمتهم في وشه و قفلت الباب بسرعة.
سلطان: إيه يا عشق؟
عشق: عديها.
سلطان: طيب يا عشق لما أشوفك.
عشق: سيبني أغير بقى.
عشق لبست بيجامة باللون الأبيض بكم و شالت الميكب بتاعها و علقت الفستان بتاعها.
عشق وقفت قدام المراية و هي مش عارفة تنظم نفسها، لقت انعكاس سلطان و هو بيدخل من الباب في المراية فَ لفت ليه.
سلطان: ممكن أفهم مالك؟
عشق: مفيش.
سلطان قرب من عشق اللي غمضت عينيها و هي بتحاول تنظم نفسها.
سلطان حاوط وش عشق بين إيديه و ابتسم على منظرها.
سلطان: هتفضلي طول اليوم مغمضة عينك و لا إيه!
سلطان(بخضة): عشق!
عشق وقعت بين إيدين سلطان مغمى عليها.