رواية أحببته مشوها ولكن للكاتبة سلسبيل كوبك الفصل التاسع عشر
صحيت عشق من نومها على كابوس و كذلك سلطان اللي قام بسبب صوتها.
سلطان(بنوم): في حاجة؟
عشق(بخفوت): لا مفيش.
عشق بصت ل سلطان بقلق، حلمها كان عبارة عن أذى ل سلطان.
عشق قامت من مكانها و نزلت لتحت في الجنينة بصت حواليها و للمكان اللي وصلت ليه، هي متستحقش ده تمن خيانتها ل سلطان.
في الصباح الباكر.
عشق فتحت عينيها لقت سلطان واقف قدامها بيحاول يصحيها لأنها فضلت في الجنينة.
عشق: صباح الخير.
سلطان: ايه اللي نيمك هنا؟
عشق: حلمت بليل بكابوس فقولت اتمشى شوية قعدت مكاني و نمت.
سلطان: كابوس ايه؟
عشق: ناس بتحاول تأخدك معاهم.
سلطان: لفين؟
عشق: معرفش.
سلطان: مجرد حلم.
هزت عشق رأسها بصمت، سلطان قام وقف.
سلطان: انا هطلع أجهز عشان هقابلهم في البيت.
عشق: هما مين؟
سلطان: بعدين هقولك.
عشق: تمام.
سلطان طلع لأوضته غير هدومه و نزل تاني لعشق اللي مستغربة هدوءه.
سلطان: متخرجيش من هنا.
عشق: تمام.
سلطان ركب العربية بتاعته و خرج بره الفيلا، عشق دخلت الفيلا و طلع لاوضتها حست بحركة غريبة بس اتغاضت.
عشق دخلت خدت دوش و غيرت هدومها و خرجت لقت في وشها حلا اتخضت و كانت لسة هتجري حلا مسكتها من دراعها بغضب.
حلا: بقى بتهربي.
عشق(بحدة): انتي عايزة مني ايه سيبيني في حالي.
حلا: لا يا حلوة انتي وافقتي تدخلي اللعبة دي و تأخدي فلوسه مش ذنبي إنك حبتيه.
حلا: قدامي.
عشق: على فين؟
حلا: هتعرفي.
حلا نزلت بعشق لاوضة مكتب سلطان و زقت عشق تدخل الاوضة، حلا قفلت الباب و قربت من مكتب سلطان و بدأت تدور على ملف معين.
عشق: انتي بتدوري على ايه؟ سلطان احتمال يرجع في أي وقت.
حلا: مش عايزة اسمع صوتك.
حلا(بغضب): يعني هيكون حاطه فين؟
عشق: قولي بتدوري على إيه؟
حلا: الورق اللي يثبت أن كل أملاك سلطان ليكِ بعد موته.
عشق: معرفش ممكن يبقى في الخزنة.
قربت حلا من خزنة قدامها و حاولت تفتحها و بعدها بصت لعشق اللي كانت بترجع بضهرها للباب...
حلا: كلمة السر ايه؟
عشق: جربي كدة عيد ميلاده.
عشق جريت على الباب و فتحته و خرجت بره بدأت تصرخ عشان الحراس يسمعوها.
بالفعل الحراس دخلت و قدرت تمسك حلا اللي حاولت تهرب و بصت ل عشق بغضب و كانت هتخنقها بس الحراس مسكوها كويس.
عاطف: هنضطر نحبسها في أوضة من الاوض هنا.
عشق: لا احبسوها في الجراج ممكن تهرب هنا.
عاطف: تمام و هنبلغ سلطان بيه.
عشق: طيب.
عاطف مشي هو و حراسه و طلع تليفونه يبلغ سلطان باللي حصل.
سلطان: خلاص خليها عندك و انا لما ارجع هتصرف.
عاطف: حاضر.
سلطان قفل مع عاطف و اتصل يطمن على عشق.
عشق: متقلقش أنا بخير.
سلطان: كويس.
سلطان: قالتلك اي معلومة تفيدنا؟
عشق: لما ترجع بقى.
سلطان: طيب خليكي قريبة دايما من الحراس.
عشق: حاضر.
سلطان: خلي بالك من نفسك.
عشق: حاضر.
سلطان: طب اقفلي دلوقتي.
سلطان قفل مع عشق، عشق طلعت قعدت في الجنينة و هي بتفكر في أحوالها.
عند سلطان...
سلطان: نورتوا مصر.
رحمة: أخيرا كانت وحشاني أوي.
رحمة: أومال فين مراتك؟
سلطان: في البيت.
إيهاب: هي قصدها مجتش ليه؟
سلطان: تعبانة شوية.
أنور: شكرا يا إيهاب على وقفتك معانا في المطار.
إيهاب: ده واجبي يا عمي.
قمر(بحزن): هو احنا هنقعد هنا؟
سلطان: اه هتقعدوا في الفيلا هنا.
سلطان قرب من قمر و حضنها.
سلطان: زعلانة ليه؟
قمر: مفيش هو بس عشان اتعودت على هناك.
حياء: أنا هطلع أرتاح.
إيهاب: و أنا هستأذن.
أنور: ما أنت قاعد.
إيهاب: مرة تانية.
مشي إيهاب، قمر طلعت مع حياء كل واحد بدأ يشوف أوضته.
رحمة: متأكد أن عشق كويسة؟
سلطان: اه يا ماما.
رحمة: هي نداء تعرف إني جيت؟
سلطان: لا.
رحمة: كويس عشان أعملها مفاجأة.
سلطان: تمام اطلعي ارتاحي بس دلوقتي.
رحمة: طيب.
أنور: إيه اللي حصل يا سلطان؟
سلطان: اللي حصل كتير و شيء صادم.
أنور: قلقتني.
سلطان: اكتشفت أن عشق متبقاش بنت نداء.
أنور: و ده اللي هو ازاي؟
سلطان: نداء أجرت عشق عشان تلعب عليا زي ما بالظبط أجرت شهاب عشان يلعب على حياء.
كانت صدمة كبيرة بالنسبة لأنور اللي مكنش قادر يستوعب كلام سلطان.
أنور: متأكد من كلامك يا سلطان؟
سلطان: سافرت لألمانيا عشان أقابل دكتور معاذ صاحب صلاح زوج نداء و فهمني كل حاجة و كذلك سعيد.
أنور: قالك إيه؟
سلطان وصل لألمانيا بعد ما قرر يسافر عشان يعرف الحقيقة و وصل لعنوان بيت دكتور معاذ صديق صلاح زوج نداء و المفروض والد عشق الحقيقية.
معاذ: أهلا و سهلا ادخل.
سلطان: بعتذر لو كنت بزعجك.
معاذ: متقولش كدة زيارتك شرف.
معاذ: بس ايه المهم اللي انت عايزني فيه؟
سلطان: فاكر عشق؟
معاذ: عشق بنت صلاح؟
سلطان: اه.
معاذ: اتجوزنا أنا و هي.
معاذ(بصدمة): ازاي و هي ميتة أصلا.
سلطان: ميتة ازاي و امتى؟
معاذ: نداء هي اللي قالتلك أنها بنتها صح!
سلطان: اه ممكن تفهمني.
معاذ(بتنهيدة): بنت صلاح كانت مريضة بمرض خبيث في المرحلة الأخيرة و تكلفة العملية كانت كبيرة جدا على صلاح في الوقت ده لأنه بقى مدمن و كمان دخل كذا صفقة هيروين و خسرهم ورا بعض فمكنش معاه الفلوس اللي تأمن عملية بنته.
سلطان: ماتت عشان كدة صح؟
معاذ: بالظبط، عشان كدة البنت اللي أنت اتجوزتها ممكن تكون بتضحك عليك زي.
سلطان: سكت ليه زي مين؟
معاذ: زي شهاب ما كان بيضحك على حياء.
سلطان: و انت تعرف حكاية حياء منين؟
معاذ: هتكون ضيفي لغاية ما اللي عارف الحقيقة كاملة يجي.
سلطان: مين؟
معاذ: هتصل بسعيد صاحب صلاح.
سلطان: اللي بيشتغل مع نعيم.
معاذ: اه.
سلطان: و ده يعرف ايه زيادة؟
معاذ: هتعرف لما يوصل و لكنه مش هيقبل يجي إلا ب.
سلطان: مستعد هدفع ليه بس يعرفني الحقيقة كاملة.
معاذ: هيبقى محبب على قلبه اللي زي سعيد ده بيهمه مصلحته فقط لا غير.
اضطر سلطان يبقى في ألمانيا لمدة يومين لغاية ما وصل سعيد.
سعيد: ابن الغالي.
سلطان: أنت عارف كويس انت جيت ليه فانطق و قول كل اللي عندك.
سعيد: اشوف الفلوس اتكلم.
سلطان: شيك باتنين مليون.
سعيد: دولار.
سلطان: ايه الطمع ده؟
سعيد: دي الحقيقة يا سلطان.
سلطان(بغيظ): طيب اتنين مليون دولار بس تتكلم.
سعيد: عايز تعرف ايه بالظبط؟
سلطان: كل الحكاية.
سعيد: من اول خيانة نداء و لا موت عشق و لا موت صلاح و لا شهاب و لا ايه بالظبط؟
سلطان(بحدة): كل حاجة.
سعيد: طيب، صلاح كان طماع و لما دخل في عالم الهيروين و الصفقات راهن بكل فلوسه زي الأهبل و لقى أن القرش جري في ايده و بقى يعمل صفقات كتير.
سعيد: و لكنه فجاة لأنه غشيم بقى مدمن و المفروض أننا صحاب الهيروين منستخدمهوش خالص.
سعيد: المهم خسر كل فلوسه بسبب كام صفقة خسرهم بغبائه، و بنته عشق مرضت بمرض خبيث و عملوا تحليل اكتشفوا انها في مرحلة متأخرة.
سعيد: في دكتور قال ممكن اضمن ليها نسبة نجاح و لكن بشرط و طلب مبلغ كبير اوي على صلاح.
سلطان: كمل و بعدين؟
سعيد: نداء اتصلت برحمة اللي بلغت أنور و لكنه رفض لأنه عرف أنه صلاح كان بيتاجر في الهيروين و أكيد عايزين الفلوس دي يستخدموها في حاجة حرام.
سعيد: و كلنا عارفين أن أنور بيه الصاوي عمره ما هيشترك في حاجة تغضب ربنا.
سلطان: انجز.
سعيد: ماتت البنت لأنهم معملوش العملية ليها، صلاح تعب لأنه مكنش لاقي مخدرات تعمله مزاج.
سلطان: موقفتش جمبه ليه في الفترة دي؟
سعيد: كان في خلاف ما بينا.
سلطان: كمل.
سعيد: انتحر صلاح بعد موت عشق بسنة.
سلطان: و بعدين.
سعيد: نار الانتقام بقى تسكت لا طبعا.
سعيد: نداء بقى كل هوسها تخرب حياتكم و هي فاكرة أنكم السبب في موت بنتها.
سعيد: و لجأت ليا و قالتلي هبقى تحت رجلك و هنتجوز عرفي و طبعا انا بحب المصلحة و نفسي فوافقت و ساعدتها.
سعيد: رجعت من سويسرا و بلغتكم ان صلاح توفى في حادثة و معرفتش تتعرف على جثته و عشق بتدرس في سويسرا.
سعيد: اتعرفت على شهاب في النادي اللي طبعا اشتركت فيه بفلوسي.
سعيد: زقت شهاب على حياء أختك و خلاها تحبه و كان بيأخد منها فلوس كل فترة.
سعيد: نداء خلت شهاب يحاول يعتدي عليها و طبعا أنت فاكر كويس إيه اللي حصل في اليوم ده.
سعيد: تحب أقول؟
سلطان كان مش مستوعب و حاسس انه تايه من الكلام اللي بيتحكي ليه ده.
سعيد: شهاب خد حياء اختك و حاول يعتدي عليها و لحسن حظها أنك كنت معين حارس وراها و بلغك باللي شافه أن حياء مشيت مع شاب لشقة غريبة.
سعيد: طبعا اتجننت و جيت على العمارة اللي فيها أختك كنت مستعد تقتلها فيها لأنك طبعا كنت دنجوان الجامعة بتاعتك.
سعيد: و شهاب ربطها عشان يحاول يأخد منها اللي هو عايزه لكنك جيت و طبعا نداء كانت موجودة و هي اللي ولعت في الشقة قالت تخلص منكم انتوا التلاتة مرة واحدة.
سعيد: كلكم افتكرتوا ان شهاب هرب و قدر ينقذ نفسه و لكن نداء قتلته.
سلطان: بلاش تسكت و كمل.
سعيد: و طبعا أنت النار مسكت فيك بعد ما فكيت أختك و كنتوا لسة هتهربوا كنت أغمى عليك و الناس تدخلت و المطافيء و انقذوك بأعجوبة.
سعيد: طبعا هي كانت بتدور على واحدة بنفس مواصفات عشق عشان تقدر تضحك عليك بعد اللي حصل.
سعيد: طبعا أنت سفرت كل أهلك امريكا و فضلت أنت هنا عشان تعرف توصل للحقيقة.
سعيد: اللي انا بحكيها دلوقتي.
سعيد: و بالصدفة لقت واحدة مرمية في الشارع خدتها معاها البيت انقذتها و عرفت أن في خمسة اعتدوا عليها و قدرت تجبر عشق أنها تضحك عليك.
سعيد: عشق اضطرت توافق.
سعيد: الباقي أنت يعتبر عارفه.
سلطان: عشق كانت مجبرة؟
سعيد: اه نداء هددتها أنها هتخلي كل اللي تعرفهم يعتدوا عليها.
سلطان حس بعدم انتظام في نفسه و ضربات قلبه و قام وقف طلع شيك باتنين مليون دولار و رماه لسعيد و مشي.
أنور كانت في حالة صدمة شديدة مقدرش ينطق بأي كلمة بعد سلطان ما حكى ليه اللي حصل.
سلطان: هضطر امشي أنا.
أنور شاور ليه بمعنى ماشي، أنور قام وقف و هو تايه و طلع لاوضته حاول ينام جمب رحمة لكنه مقدرش حاسس بتأنيب ضمير.
سلطان رجع الفيلا لقى عشق قاعدة في الجنينة و جمبها غضب بيلعب.
سلطان: بتفكري في إيه؟
عشق: نهايتي.
سلطان: مش فاهم.
عشق: مش مهم.
سلطان(برفعة حاجب): بقى كدة!
عشق: انا جعانة.
سلطان: انا طلبت خدامة بدل دادة أسماء عشان هترتاح جمب ابنها و مراته.
عشق(بحزن): هتوحشني أوي.
سلطان: كل فترة هنروح ليها.
عشق: طيب.
سلطان: طب قومي نتغدى يلا.
سلطان شد معاه عشق و دخلوا المطبخ جهز غداء خفيف ليه و ل عشق اللي بدأت تأكل.
عشق: شكرا.
سلطان: على إيه؟
عشق: على كل حاجة حلوة قدمتها ليا.
سلطان: هروح أشوف اللي في الأوضة و اجي.
عشق: دي اسمها حلا بتشتغل مع نداء.
عشق: و كانت جاية عشان.
سلطان: عشان ايه؟
عشق: كانت جاية عشان تأخد الورق اللي فيه نقل ملكيتك ليا.
سلطان: طيب.
سلطان دخل الاوضة اللي فيها حلا و شد كرسي و قعد قدامها و شاور لحراسه يمشوا.
سلطان: جاية هنا ليه؟
حلا: عشان أخد فلوسك.
سلطان: ازاي؟
حلا: هأخد الورق اللي فيه نقل ملكية و عليه إمضتك و هخلي عشق تمضي.
سلطان: الورق تعرفي فين؟
حلا: أكيد في أي مكان هنا.
سلطان: بتشتغلي لصالحك و لا لصالح نداء.
حلا: لصالحي.
سلطان: هعمل معاكي اتفاق.
حلا: على حسب.
سلطان: تشتغلي معايا و تساعديني أمسك نداء.
سلطان: و هيتحول لحسابك مبلغ محترم و هتسافري البلد اللي عايزاها.
حلا: عرضك مش مغري أسفة.
سلطان: طيب براحتك انسي أن يبقى معاكي الورق أساسا.
سلطان: و كدة كدة هتعترفي قدام النيابة على نداء لاما هتشيلي الليلة لوحدك.
حلا: سيبني يومين و هرد عليك.
سلطان: معاكي وقتك و لكن أي غدر منك هتكوني مع نداء في زنزانة واحدة.
حلا زقت سلطان و خرجت بره الفيلا، سلطان رجع ل عشق و مسك إيديها عشق استغربت لما لقته بيخليها تبصم على ورق.
عشق: إيه ده؟
سلطان: ورق جوازنا الجديد عشان هخليه يتسجل في المحكمة عشان ميبقاش في حاجة مشكوك فيها.
عشق: سلطان.
سلطان: نعم.
عشق قعدت قدام سلطان في الأرض و مسكت إيده و بصتله بحزن.
عشق: أنا عايزاك تسامحني يا سلطان عايزة ننسى كل اللي فات.
سلطان: كان نفسي أسامحك يا عشق بس أنتي غلطتي جامد، ممكن في يوم أقدر أسامحك.
سلطان: امتى؟ الله و أعلم.
عشق: أنا عايزة كل اللي بينا يبقى خير و تسامح و مودة و.
سلطان: بيعتمد عليكي أنتي أنا مستحيل أجي على واحدة ست انا عندي أخوات.
عشق: أنا مراتك و حبيبتك يا سلطان.
سلطان: كنتي حبيبتي يا عشق، اللي بيحب مبيجرحش و أنتي جرحتيني.
سلطان قام و ساب عشق اللي فضلت مكانها بتعيط على اللي وصلت ليه علاقتها بسلطان.
سلطان: إيهاب وصلت لحاجة؟
إيهاب: لسة مظهرتش.
سلطان: بعتلك صورة واحدة دي الوحيدة اللي هتقدر توصلنا ليها.
إيهاب: تمام.
سلطان: خليك مصحصح يا إيهاب قريب أوي هنخلص الموضوع ده.
إيهاب: إن شاء الله.
قفل سلطان مع إيهاب و بص على عشق من الدور التاني و اتنهد بحزن.
سلطان: أنتي اللي وصلتي الأمور لكدة.
بليل.
عشق: سلطان.
سلطان: ممم.
عشق: في شخص تحت عايزك.
سلطان: مين؟
عشق: مش عارفة شخص غريب كدة.
سلطان: احنا متأخر اوي.
سلطان نزل لتحت و استغرب من وجود عيسى.
عيسى: احم استاذ سلطان.
سلطان: أنت إيه اللي جابك من أمريكا؟
سلطان: التصميم اللي طلبته قولتلك هيتنفذ.
عيسى: أنا هنا بقالي يومين بدور عليك دوختني.
سلطان: خير عايز إيه؟
عيسى: مالك قفوش كدة ليه؟
سلطان: ما هو مفيش حد يجي لحد متأخر كدة و كمان مفيش حاجة تجمعنا.
عيسى: عندك حق الوقت متأخر و لكن اول ما عرفت عنوان بيتك بأعجوبة جيت مقدرتش استنى للصبح.
سلطان: خير؟
عيسى: أنا جاي اطلب إيد قمر.
سلطان: إيد مين!
سلطان: انت جاي في الوقت الغريب شبهك ده تتقدم لاختي، و جاي من أمريكا لهنا!
عيسى: ما أختك مجنونة عادي يعني متكلمتش.
سلطان: أنت جاي تهزا أختي في بيتي.
عيسى: يا عم أقعد نتكلم بهدوء.
سلطان: دلوقتي وقت نوم و أنا عايز أنام بكرة بقى.
عيسى(بخفوت): غبي زي أختك.
سلطان: قولت حاجة؟
عيسى: قولت هبات فين؟
سلطان: و انا مالي اليومين اللي فاتوا كنت بتنام فين.
عيسى: في الفندق.
سلطان: يبقى نام في الفندق مش عارف مين الغبي دلوقتي.
عيسى: طب موافق طيب.
سلطان: لا يلا بره.
عيسى: بكرة اتجوزها و هنسيبك هه.
سلطان: بره.
عيسى مشي و عشق خرجت لقت سلطان بيضحك.
عشق: مين؟
سلطان: عريس لقمر.
عشق: هو في حد يجي يتقدم دلوقتي!
سلطان(بتنهيدة): الحب بيعمل اكتر من كدة.
سلطان ساب عشق و في قلبه حزن من بُعده عنها و لكنه مضطر مش هيقدر يثق بسهولة فيها.
عشق طلعت ورا سلطان و الاتنين بدأوا يستعدوا للنوم.
عشق: تعرف إني بحبك.
سلطان: الحب لوحده مش كفاية.
سلطان غمض عينه و نام، عشق اتنهدت و حضنته و نامت.
-عدى كام يوم بدون أحداث مهمة: -
نداء(بصريخ): سبوني معملتش حاجة.
سلطان(ببرود): و الله!
نداء: سلطان هتعمل كدة في خالتك!
سلطان(بحدة): و اللي انتي عملتيه في أختك و ولادها ده اسمه ايه؟
نداء(بصريخ): ما أنتوا قتلتوا بنتي.
سلطان(بحدة): ما انتوا لو ناس بتعرف ربنا مكنتوش خلصتوا فلوسكوا على مخدرات و قرف شبهكم و كنتوا لحقتوا تنقذوها.
نداء قعدت تصرخ بهستيرية، ف حلا اتعاونت مع سلطان و بلغته بمكان نداء و جابت ليه اعتراف ليها بكل جرايمها.
حلا(بزعيق): سلطان مش وعدتني هتحميني.
حلا(بزعيق): وسعوا كدة سلطان.
سلطان: انا قولتلك هحولك مبلغ و فعلا المبلغ اتحول لحسابك اما بقى وجودك هنا ده تمن جرايمك انا بعرف في القانون كويس و عمري ما اخالفه.
سلطان(بحدة): و ده تمن جرايمك و لما تخرجي فلوسك هتبقي زي ما هي في حسابك.
سلطان: إيهاب.
إيهاب: نعم.
سلطان: لما تخلص موضوعهم تعالى ليا على مكتبي.
إيهاب: تمام، هخلص شوية اجراءات و هعدي عليه بليل.
سلطان: تمام.
سلطان مشي و راح لمكتبه قابل عماد.
عماد: أخيرا هنشتغل بقى كويس.
سلطان(بتنهيدة): إن شاء الله.
سلطان: المهم عايزك تمحي أي خبر ليه علاقة بنداء.
عماد: تمام.
سلطان: مش عايز رحمة هانم تعرف باللي حصل.
عماد: حاضر هحاول الغي كل المواقع اللي هتتكلم عنك و كذلك الصحافة.
سلطان: طيب كويس.
سلطان: مش ناوي تتجوز؟
عماد: وعدت نفسي أنه مش هتجوز غيرها.
سلطان: ربنا يرحمها يا عماد.
عماد: يا رب.
مشي عماد و هو بيفتكر حبيبته اللي عملت حادثة سير و كان بيحبها جدا و قرر انه مش هيتجوز بعدها لعله يقابلها في الجنة.
بعد فترة،
جه إيهاب ل سلطان اللي منع حد يدخل عليهم و هما بيتكلموا.
إيهاب: حاسس أن الموضوع كبير.
سلطان: مش أوي.
-في الصباح الباكر...
عند عشق.
عشق صحيت من نومها ملقتش سلطان نايم جمبها، قامت بكسل و دخلت الحمام خدت دُش و خرجت تغير هدومها.
عشق لبست فستان باللون الأبيض بأكمام واسعة و قصير لغاية الركبة و واسع.
عشق فتحت باب أوضتها و نزلت بحذر على سلالم البيت و دخلت أوضة مكتب سلطان اللي كان مركز في الورق اللي في إيده.
عشق حضنت سلطان من ضهره بحيث أنه كان واقف و وشه للشباك الازاز اللي قدامه.
عشق: صحيت من غير ما تصحيني ليه؟
سلطان: عشانك أكيد تعبانة فمرضتش ازعجك.
عشق: هتودينا فين النهاردة؟
سلطان: شوفي عايزة تروحي فين؟
عشق: سلطان.
سلطان: نعم.
سلطان لف ل عشق اللي حضنته جامد.
عشق: لسة مش ناوي تسامحني انا حاسة ان حياتنا بقت عبارة عن روتين.
سلطان: لما يجي الوقت المناسب يا عشق.
عشق: سلطان أنا مش عايزة زعل ما بينا.
سلطان: كل مرة هنفضل نتكلم في الموضوع ده يا عشق.
عشق: أيوه يا سلطان أنا مش بعرف اتعامل معك طبيعي.
سلطان: يبقى متتعامليش أفضل و تشوفي مسؤولياتك و بس...
عشق(بانفعال): بس كدة كتير عليا أنا و.
عشق و سلطان سمعوا صوت صريخ جاي من الجنينة الاتنين جريوا بسرعة ل بره.
عشق(بخوف): عهد.