رواية أحببت صخر للكاتبة ميادة مصطفى الفصل التاسع والعشرون
ايمان بصدمه: انت هتتكلم جد
محمد: اها هتكلم جد
ايمان: طيب معجبنيش
محمد: قولتلك الباب يفوت جمل
ايمان بغيظ: طيب اني هسيبلك الدار وهمشي وهوريك يا سبع البرمبه عملي فيها دلوقت رجل من امتي دا وانت رجل
محمد بعصبيه راح ضربها جامد: اني هعرفك رجل ولا مش راجل وروحي وانتي طالق ومن بكره هتجوز ست ستك
حسنات: اعوذ بالله في ايه يا ولدي لدا كله استهدي باله دا شيطان ودخل ما بنكم اهدو.
ايمان وهيا بتعيط: ايوا انتي الشيطان اللي في حياتنا
محمد بغيظ: هتغلطي تاني انتي عايزاني اقتلك ولا ايه
حسنات: خلاص يا ولدي اهدا خلاص يا بتي اني هسيبلكم الدار وامشي
محمد بنرفزه: امه هيا اللي هتمشي اني طلقتها اني كان لازم اعمل دا من زمان قوي دا اللي عملته دا جي متاخر جدا
حسنات: وعيالك يا ولدي بس حرام
ايمان: مهخلهوش يلمحهم اني ماشيه رايحة دار اخوي اعيش ملكه وهخلي يربيك
محمد: غوري عليكي وعلي خيك كمان.
في بيت سفيان
سوسن جريت عليه: حمدلله علي سلامتك يا ولدي نورت دارك
سفيان: منوره بيكم يا مه بوي عامل ايه
سوسن: تعالي ادخلو طمنو عليك هيتجن عليك
سفيان: حاضر اني دخله
سوسن: وحشتيني يا رحيق الدار نور لما رجعتي والله
رحيق راحت عليها باستها: دا منور بيكي يا ست الكل
دخل سفيان عند صالح
سفيان: بوي اتوحشتك قوي قوي.
صالخ بلهفة: قلب بوك اتوحشتك قوي يا ولدي انت زين يا ولدي طمني عليك كنت هتجن عليك وكان نفسي اجي اطمن عليك في المستشفي بس مابليد حيلة
سفيان باس ايدو: ربنا يباركلنا في عمرك ويخليك لينا يارب يا بوي
صالح: ويباركلي فيك يا ولدي ويجعلك دايما زين
سفيان: اني هطلع اريح شوي يا بوي تؤامرني بي شي
صالح: خلي بالك علي نفسك يا ولدي صحيح معرفتش مين اللي عمل كدا.
سفيان بسرحان: لا معرفتش يا بوي حتى النيابة لما جت تحقق قولتلها معرفش
صالح: ربنا يجبلك حقك يا ولدي يا رب
في بيت اخو ايمات مرات محمد
سيد اخو ايمان: ايه اللي جايبك وجايبه هدوم وعيالك كمان وجايه تقوقي ليه
ايمان ببكاء: محمد طلقني وهيتجوز علي
سيد بغضب: مهو من لسانك الطويل دا كنتي فكره هيفضل طول عمره سكتلك علي قلة حياكي دي تستهلي كل اللي يجرالك
ايمان: اني جايه تجبلي حقي مش تبكتني يا خوي.
سيد بقرف: بلا ابكتك بلا زفت هيا كانت نقصاكي انتي وعيالك مكفايه القرف اللي الواحد في
منال مرات اخوها: اهلا يا ايمان واطلقتي وهتجيبي بقي عيالك وتقعدي واخوكي هيجيبلك منين
ايمان ببكاء: هبقي اشتغل سبوني بقي دلوقت
سيد: سيبيها دلوقت يا منال خليها تتخمد
ايمان: هنام فين
سيد: مكانك وافرشي ونامي مانتي شايفة مفيش مكان
ايمان ببكاء: هنام انا وعيالي علي الارض كدا
سيد: خدي البطانيه اللي عندك دي افرشيها احنا طلعين ننام.
في المكان الذي يوجد في اهل هشام وهشام
امينه: العريس الل بوك جال عليه جاي بعد بكره هيتحوز خيتك
هشام بستغراب: جاي بعد بكره وهيتجوزها كمان ايه هيا بيعه وشروه ولا ايه مش نعرف هو مين جاي منين اهله ايه
امينة: بوك هيقول هو مليونير وعايز عروسه فبوك قالو عندي بت حلوه قوي فهو قالو اني اخدها من وشك من غير ما اشوفها اني هتجوزها علي طول ومعايزش شي بس بوك بعت صوره لي عشان تشوفو وعجابها.
هشام: هو عايش بتقولي انت من مصر وعايش في السعوديه
امينة: اها بس هو هياخدها ويسافر بلد موجوده فيها اهله واهي يا ولدي تبعد عن المشاكل اللي احنا فيها ونفوق لولد صالح بدل ما حد ياءذينا فيها
هشام: ماشي خليها تحضر حالها وربنا يتمملها علي خير
في بيت سفيان
رحيق خارجه من الحمام لفه فوطه علي شعرها ولبسه روب وسفيان قاعد علي السرير
سفيان: يالهوي يامه علي الجمال هتجن بسبب جمالك.
رحيق: يا سلام علي اساس انك اول مره هتشوفني
سفيان بيرجع راسه علي السرير: اني كل يوم اشوفك اكني ما اشوفك احس اني اول مره اشوفك بكتشف قد ايه انتي جميله وقلبك ابيض وحلوه قوي وبندم علي اي يوم زعلتك في وبندم اني معرفتكيش من زمان تعالي بقي جمبي محتاج حضنك
رحيق بحب: يا قلبي جايه اهو بس كدا مهتخلنيش امشط شعري
سفيان: مش محتاج تمشيط اصلا اني حلوه في اي وقت.
راحت رحيق جنبه علي السرير: بجد اني اللي كل يوم اكتشف فيك شي جديد وانك حنين وعكس ما كنت متخيلاك اني كنت بحسك كيف الصخر كيف الجبل قاسي ملكش قلب لكن طلعة حنين قوي عمر ماشوفت ولا هشوف في حنيتك يا قلبي والله
سفيان: انتي اللي قلبي انتي دلوقت فوزتي فكره لما قولتيلي اني هاخد قلبك فعلا اخدي ومعايزش يرجعلي بس اني برضو خد قلبك ومهرجعوش ليكي خالص.
رحيق: واني معايزاش غير قلبك انت اللي خلاص بقي قلبي وعايزاك بس تحافظ علي قلبي ومتكسروش لان هيموت لو اتكسر منك تاني انت بذات معايزش يخسرو
سفيان بتنهيده سحب راسها علي قلبه: اااه يا قلبي عمري ما هكسرك تاني خالص وهجبلك حقك من اللي ظلموكي واتسببو في اني اظلمك
رحيق: ربنا يخليك ليا يارب اني عارفة انك مهتسيبش حقي خالص عارفة انك سندي وضهري وهتفضل دايما سندي.
سفيان بخبث: احنا هنفضلو نتكلم كدا كتير واحنا بعيد عند بعد متيجي تنامي جنبي
رحيق بستغراب: واحنا بعيد ومال مين اللي رقبتها علي قلبك دي
سفيان: اني عايزك كلك علي بعضك جنبي وفي حضني يالا تعالي
رحيق: اني هاجي جنبك عشان اني بس مقدرش انام بعيد عن حضنك لكن اوعي تتشقي
سفيان بهزار: اعتبرها دي دعوه صريحه اني اتشاقي صح
رحيق: بطل رخامه ماشي لابجد انت تعبان ومش عايزاك تتعب زياده بعد ما تخف اللي انت عايزو اطلبو.
سفيان: لا تعبان مين يا قلبي اوريكي اني تعبان كيف اني اعمل اي شي مفيش حاجة تقصر في اي هتتجنني
رحيق بتضحك: يا بني اهدي ربنا يديك الصحه بس برضو اللي في دماغم لع مهيحصلش غير لما جرحك يخف وتبقي كويس اني هاجي في حضنك وتحكيلي علي حبيبتك زي ما وعدتني.
سفيان بيتنهد: ماشي يا ستي واني هسيبك انهارده انهارده بس سمعه مش عشان اني تعبان والكلام الماسخ اللي هتقولي دا لا عشان انتي بقالك كام يوم تعبانه معايا في المستشفي ولازم ترتاحي انتي كمان و بعدين بقي ايه موضوع تحكيلي احكيلي علي حبيبتك دي اني مليش حبيبه غيرك انتي دي كان ماضي مبقتش حبيبتي انتي وبس اللي ليه وحبيبتي اني ملكك انتي وبس و حبيبك انتي وبس ماشي ها مستعده تسمعي ولا تدايقي ولا ننام دلوقت.
رحيق بفرحة: ربنا يخليك ليه يا قلبي واني ملكك انت وبس وبتاعتك انت وبس اها مستعده احكي بقي مشتاقة اعرف.
سفيان بتنهيده: اني وهيا يا ستي كنا زمايل في الجامعة واني كنت في جامعة القاهرة قعدت مدة دراستي في الجامعة قاعد في مصر في شقه ايجار شوفتها في الجامعة حبيتها من اول نظره حبيتها قوي كنت اول مرة احب روحت اعترافتلها لقيتها هيا كمان هتحبني كان الكلام دا في تانيه جامعة فضلنا نحب في بعض وروحت اتقدمتلها بوها قالي لما تخلصو الجامعة وفعلا استنتها لحد ما خلصنا الجامعة وبعدين اتخطبنا وقاعدنا سنه مخطوبين و خلاص حددنا الفرح وكان فاضل شهر ونتجوز وكنا فرحنين وهيا هتقولي هحب الاطفال يا سفيان وهجبلك 12 عيل اضحك اني وقولها 12 مره واحد ماشي يا ستي لو تقدري عليهم جيبي 15 مش 12 ترد تقولي اها هقدر عليهم وعليك مانت هتبقي ابني زيهم.
رحيق بدموع: دانتو كنتو بتحبو بعض اوي ومال ايه خلاكم سيبتو بعض
سفيان: هتعيطي وهتزعلي مهكملش قولتلم ماضي وندمان علي لان اكتشافت انه مكنش حب
رحيق بتمسح دموعها بسرعة: لا كمل اني لازم اعرف ازاي القصه دي انتهت وكمان كان فضلكم شهر وتتجوزو.
سفيان: ماشي يا ستي هكمل وجيت ياستي سفرت مصر عشان اشوفها واشوف محتاجة ايه اجيبو معاها واني في مصر عملت حادثة وكانت سبب اني ممكن ما اخلفش تاني قولت لازم اخيارها لان لاحظت انها اتغيرت بعض ما عرفت ومبقتش تزورني في المستشفي غير كل فين وفين كدا فكان لازم اسهل لها الموضوع
فلاش باك.
سفيان: انتي طبعا عرفتي اللي حصلي واني مهخلفش القرار ليكي بس اني معايزش اظلمك اني خبر زين انك بتعشقي الاطفال مقدرش امنعك عن حقك دا
مها بدموع: اني من يوم ما عرفت دماغي هتنفجر وبحاول اقرار والاختيارين صعب مش عارفة اختار مابينك ولا ما بين الاطفال الاتنين اصعب من بعض.
سفيان: طلامه بتفكري يبقي الموضوع ماثر عليكي وهياثر علينا فيما بعد وهنتعب وهيجي يوم وهتتطلبي مني الطلاق فاني بقولك كل واحد يروح لحاله وربنا يكرمك بالاحسن مني
مها بدموع: لا منا مقدرش استغني عنك انت كمان
سفيان: حاولي لاننا هنتعب اني اسالك سؤال هتقدري تبطلي تفكير في الخلفة لما نتجوز
مها: لا مقدرش انا نفسي اتجوز عشان اخلف اصلا مش هستحمل
سفيان: بس هو دا الجواب اللي اني عايزو اشوف وشك بخير.
مها: اشوف وشك بخير ربنا يكرمك بالاحسن مني
باك
رحيق بستغراب: ومال ازاي اني
سفيان بضحكة: ازاي حبلتي مني صح اراده ربنا اكتر من اي شي يمكن ربنا عمل كدا لانها مش نصيبي وانتي اللي نصيبي وام عيالي
رحيق بابتسامه: احلي نصيب في الدنيا انك بقيت نصيبي ربنا ميحرمني منك ابدا
عدا يومين وجي معاد كتب كتاب هند اخت هشام
هشام: اهو كتب الكتاب خلي بالك من خيتي
العريس: في عيوني متقلقش يالا يا عروسه عشان معاد الطيارة.
هند بقلق: حاضر اسلم علي امي و خوي بس
سلمت هند علي امها واخوها
امينه بدموع: خلي بالك من نفسك يا بتي
هند بدموع: ادعيلي يامه
هشام: كان نفسنا نوصلكم لاكن عريسك معايزش يقولك متتعبوش حالكم وانه معا عربيته هيوصلكم السواق لحد المطار
العريس بتوتر: طبعا طبعا واول ما نوصل هنطمنكم
مشيت هند مع عريسها وكلها خوف
هند بخوف: احنا رايحين فين دا مش طريق المطار
العريس: اني جوزك ايه انتي خايفة ولا ايه.
في مكان اللي يوجد في محمود راح سفيان
سفيان بغل: ازيك يا حيوان عامل ايه
محمود: متغلطش
سفيان: تؤ تؤ اني بتلكك متخلنيش اقتلك وبدا يضرب برجله في بطن محمود
محمود: ااااه اه ارحمني سبني امشي
سفيان بخبث: هسيبك تمشي عشان امك بس خد غير هدومك دي اللي لبسها.