قصص و روايات - قصص رومانسية :

قصة وحيدة بدونك للكاتبة لولو الصياد كاملة الجزء الخامس

قصة وحيدة بدونك للكاتبة لولو الصياد كاملة

قصة وحيدة بدونك للكاتبة لولو الصياد الجزء الخامس

كان يحيى يعبث باشياء نور الموجوده على مكتبها وفتح احدى الكاب الموضوعه عليها وجد ورقه وقعت ارض استغرب يحيى من تلك الورقه فمد يده واحضرها من الارض وفتحها كان يتضخ من تلك الورقه انها قديمه نوعا ما فتحها ووجد المكتوب بها كالاتى...

حبيبى يحيى وحشتنى اوى رغم ان انت لسه مسافر امبارح بس برده وحشتنى اوى انت عارف ان انت اصلا بتكون واحشنى حتى وانت قدامى وجنبى بس بصراحه انا كنت صاحيه وانت ماشى بس اتحرجت اخرج اشوفك بعد اللى حصل بينا امبارح انت عارف انى وانا بكتب الجواب ده محروجه جدا وحاسه ان وشى احمر وسخن جدا عارف يا يحيى انى مش زعلانه من اللى حصل بينا وانى سلمتك نفسى لانى عارفه اننا هنتجوز لما ترجع وكمان عارفه انك بتخبنى زى ما بحبك يحيى انا مش هبعت الجواب ده لانى هتحرج ابعته ليك بس اوعدك اول ما نتجوز هديه ليك علشان تعرف اد ايه انت واحشنى نفسى تتصل بيا اوى وتقولى وحشتينى زى ما انت وحشنى يا حبيبى وحشتنى يا بحيى بحبك اووى يا اغلى حاجه فى حياتى وعمرى وروحى حبيبتك وزوجتك نور...

انصدم يحيى بشده من قرائته لذلك الخطاب لقد كذبت على مره اخرى وعاملتنى كطفل صغير يضحك عليه هذه المره لن اتركها تفلت بكذبتها تلك نهائيا ولن ادعها تستغفلنى اكثر من ذلك وتوجه الى السرير وظل يفكر ان ان راح فى نوم عميق...
اتى الصباح و توجه يحيى و ساره الى الماذون بدون اى حديث بينهم لان ساره رفضت اى حديث بينهم ولم ترضى ان يذهب معها الى المطار ووعدته وذهبت وانتهت ساره من حياه يحيى والى النهايه قرر يحيى الذهاب الى المشفى ليرى نور وما وصلت له حالتها...

فى فيلا طارق فتح عيونه وكان يشعر بالالام متفرقه فى جميع أجزاء جسده وتذكر ما حدث معه وضرب يحيى له وعدم تمكنه من تنفيذ ما اراده وتثاقل على نفسه وقام ليرى الكاميرا وجدها محطمه على الأرض والشريط ليس بداخلها جلس على اقرب كرسى وكان يشعر بنار الغضب والانتقام تشتغل بداخله جدا وتحدث لنفسه...

طارق ...مش هسيبك يا يحيى وزى ما عملت فيا كده اوعدك ان انتقامى منك هيكون عسير جدا واوعدك هعرف عنك كل حاجه واكت حاجه اعرف انك بتحبها لازم احرمك منها واحرق قلبك عليها واخليك تعيش ايام سوده واخليك تتمنى الموت بعد اللى هعمله معاك ومبقاش انا طارق انى ما وريتك يا يحيى والايام بينا بس الصبر حلو...
وصل يحيى الى النشفى وتوجه الى الغرفه نةر وجد يحيى ادهم يقابله قبل ان يصل الى الغرفه...

يحيى ...ايه اخبار نور ايه...
ادهم ...تمام انت جاى بدرى ليه كده...
يحيى ...علشان تروح انت ترتاح وانا موجود. ..
ادهم..والله فعلا انا تعبت اوى ...
يحيى ..طيب يلع طير انت وانت هدخلها سلام...
توجه يحيى الى الغرفه وجد نور مستيقظه...
يحيى ...صباح الخير ...

فجاه وجد نور تنفجر فى بكاء مرير وتصرخ بقوه حاول تهدئتها ولكن لا تهدء نهائيا وتصرخ وتصرخ خرج مسرعا الى الخارج واحضر الطبيب واعطها حقنه مهدئه ..
يحيى ...دكتور هى مالها بتعمل كده ليه...
الطبيب. ..عندها انهيار عصبى واضح انها اتعرضت لازمه نفسيه جامده...
يخيى مفكرا انا لازم افهمها ان طارق معملهاش حاجه بس ازاى فكر يا يحيى فكر ايوه عرفت ازاى. .

توجه يحيى مباشرة الى غرفته الطبيبه التى تحدث معها اول مره عندما اتى بنور وطلب منها أن تشرح لنور ان طارق لم يقترب منها نهائيا وانه لحقها قبل ان يحدث لها اى شى بطريقه بسيطه حيث انها امرأه مثلها ...توجهت الطبيبه بعد مرور بعض الوقت الى غرفه نور وجدتها تبكى بشده..
الطبيبه. ..صباح الخير على القمر اللى زعلان انا دكتورة نيره وانتى اسمك نور صحى...

لم تجيب نور ومازالت تبكى اخدت نيره كرسى وجلست بجوار نور ...
نيره...بصى يا نور انا زى اختك الكبيره والمهندس يحيى حكالى اللى حصل ..
نور. .هو يحيى عرف أن طارق يعنى ...وبكت اكثر من الاول...
نيره ..اهدى يا نور طارق مقربش منك نهائى ...
نور..توقفت على البكاء ونظرت لها ..ازاى ده...

نيره..بصى يا ستى يحيى كان قلقان جدا من طارق ده فمشى وراكى من وقت ما خرجتى من البيت وكمان لحقك قبل ما يقرب منك...
نور. .امال انا هنا ليه...
نيره...لان انتى كنتى واخده مخدر فكان لازم تكون تحت الملاحظة بس صدقينى محصلش حاجه انا مشفت عليكى بنفسى ...
نور..ايه كشفتى عليا..
نيره..احم بس ده مينمعش انى عرفت انك يعنى ...

نور. .انا فاهمة انتى تقصدى ايه بس انا ميهمنيش دلوقتى غير انى اطمنت انى طارق مقربش منى الحمد لله احمدك واشكر فضلك يارب...
نيره..طيب امسحى بئه دموعك وعاوزكى تفرفشى وخصوصاً ان بشمهندس يحيى عاوز يطمن عليكى لانه قلقان جدا..
نور. ..اوك وميرسى جدا ليكى يا دكتورة. ..
نيره ...العفو انتى زى اختى الصغيره هسيبك انا دلوقتى وادخلك مهندس يحيى اوك...
نور..اوك اتفضلى ...

خرجت الطبيبه وبعد مرور وقت قصير دخل يحيى غرفه نور ولكن لم تنظر له ابدا بل كانت تنظر أرضا ولم ترفع عيونها نهائياً وكانها خجله مما حدث ...
يحيى وهو يجلس جانبها ...
يحيى ...انتى كويسه ..
نور ..بصوت هامس ..الحمد لله متشكره ليك ..
يحيى. .انسى الموضوع ده نهائي وكمان متقوليش لحد ابدا لامى قلت انك تعبتى وجبتك هنا ..
نور...حاضر ..

يحيى ..فى حاجه تانيه انا وانتى كتب كتابنا يوم الخميس يوم رجوع عمى انا كلمته ووافق وهحضر كل حاجه ...
نور. .بس انا مش ..
يحيى بعصبيه..مش عاوز اسمع كلمه منك نهائى انتى فاهمه...
نور...بس انت بتحب ساره وهى مراتك وانا مش عاوزه اتجوزك و بكت بشده...

يحيى ..ساره اطلقت خلاص وسافرت وانتهت من حياتى وموضوع الحب ده ميهمنيش حاليا ابدا احنا هنتجوز والموضوع منتهى وكمان تبقى عادى قدام الكل مس عاوز حد يحس باى حاجه فاهمه...
لم ترد نور. .
يحيى. ..بغصب ..فاهمه ولا لا...
نور...حاضر ...

خرجت نور من المشفى فى نفس اليوم برفقه يحيى وكانت تشعر بالخوف والحزن لتغير يحيى للتصرف معها وخصوصا نظراته اليها كانت غريبه للغايه ...وصلوا الى الفيلا كانت الجده وادهم بانتظارهم ...
الجده..نونو حبيبتي عامله ايه ...
نور...انا تمام يا سومه متقلقيش...
الجده. .مقلقش ايه وازاى متقولوش ليا انا زعلانه منكم اصلا ...

نور...خلاص يا حبيبتي انا كويسه والله وهما بس محبوش يقلقوكى بس متخافيش انا زى القرده...
ادهم...ههههههه انتى اللى قلتى محدش تانى يعنى عارفه انك قرده...
نور ...وله بس والله اضربك...
ادهم...لا يا نونو ده انا حتى عاوزك فى خدمه ...
نور..خدمه ايه يا سيدى لو فلوس ولا اعرفك انا مفلسه ...

الجده...ههههههههه ده المفروض هو اللى يديكى ...
ادهم ..فلوس ايه بطلوا هزار انا عاوز اخطب ...
نور...بجد مبروك بس انا ايه دخلى ...
الجده...يمكن عاوز يخطبك ونسى انك اخته هههههه
ادهم...كده يا سومه وانا بقول انتى اللى فى العيله دى ...
الجده...اخلص تخطب مين واشمعنا نور اللى هتخدمك...

ادهم...بصراحه وبدون مقدمات انا عاوز اخطب مريم صحبتك...
الجده...ونعم الاختيار البنت ادب واخلاق...
نور...مبروك يا ادهم فعلا كنت بتمنى انك تحس بيها لانك فعلا بتحبك وربنا يوفقكم ...
ادهم..بجد بتحبنى الحمد لله المهم انا عاوزك تخليها تاخد ميعاد من والدها علشان بابا هيجى بكره هو وعمى ونروح نزورهم ونخطبها...
نور..اوك انت تؤمر يا معلم ...

ادهم...ربنا يخليك يا برنس عقبالك...
يحيى ...قريب اوى يوم الخميس. ..وكانت اول مره يتحدث منذ وصولهم ..
الجده..خميس ايه ...
يحيى ...انا كلمت عمى وخطبت نور وكتب الكتاب والخطوبه يوم الخميس ان شاء الله. ..
ادهم ...مبروك يا يحيى خلاص فرحنا سوا
يحيى ...ان شاء الله. .
الجده...ده احسن خبر سمعته من زمان ربنا يتمم بخير ان شاء الله...

ظلت العائله تتسامر فيما بيهم وتناولوا العشاء ونور تحاول بقدر الامكان ان تكون طبيعيه رغم توترها الشديد ولكن يحيى كانت عيونه لا تفارقها وهذا ما اثار توترها زياده ...صعد الجميع إلى غرفتهم وعدى اليوم عادى جدا وفى اليوم التالى ذهب يحيى وادهم لاستقبال العائله في المطار وكانت الجده ونور يشرفون على الاكل وتحضير الغرف لاستقبال الاخوين وزوجاتهم ...

بعد مرور بعض الوقت وصل الجميع الى الفيلا وجرت نور مسرعه لاستقبالهم ...
نور...بابا حبيبى وحشتنى اوى ...وانتى كمان يا ماما وعمى وانتى يا طنط وحشتونى اوى ...
وتبادل الجنيع القبلات والترحيب بهم ودخلوا الى والدتهم وقبلوا يدها وكان الجميع سعيد لوصولهم للغاية. ..
الجده...وحشتونى اوى البيت كان مضلم من غيركم ..

والده نور...والله وانتى اكتر يا ماما وحشتونا كلكم والبيت وحشنا اوى ..
والد نور...عرفت انك تعبتى صحتك عامله ايه دلوقتى ..
الجده..الحمد لله نشكر ربنا ...
والد يحيى ...الحمد لله يستاهل الحمد والشكر واخبار الشغل ايه يا ولاد...

والده يحبى يحيى. ..انت لحقت طبعا كنت عاوز ترجع علشان الشغل وتقولى مصر وحشتنى اتارى الشغل اللى وحشك ده كانه ضرتى ...
الجميع ...ههعهههههههه
ادهم. ..الحمد لله تمام كله ماشى زى الساعه والبركه في يحيى شال عنى كتير ...
العم...ربنا يخليكم لبعض...
يحيى ...عمى انا جهزت كل خاجه للخطوبه وكتب الكتاب...
والد نور...تمام كده كويس ربنا يتمم بخير. ..
الجميع. ..امين يارب ...

مضت الايام الباقيه والجميع يستعد للخطوبه واشترت نور فستان باللون الفضى رائع طويل ين س دل على جيدها بنسيابيه وعارى الكتفين وبه تطريز على الصدر وكان جميل للغايه عليها... وقام ادهم بزياره عائله مريم هو والعائلة وتمت قراءة الفاتحه وتحدد موعد الخطبه بعد شهر تمت عزيمتهم على خطبه نور...
حاء يوم الخطبه وكانت نور رائعه الجمال وكانت المنزل مزين بطريقه رائعه ويحيى كان رائع الجمال فى حلته السوداء والجميع سعيد للغايه ولكن هل ستدوم تلك السعاده...

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W