قصص و روايات - قصص رومانسية :

قصة شباب طفلة الجزء الثاني بقلم إسراء محمود الفصل السابع

قصة شباب طفلة الجزء الثاني بقلم إسراء محمود

قصة شباب طفلة الجزء الثاني بقلم إسراء محمود الفصل السابع

ملك: هتودينا فين؟
اسر: المول
ملك: ليه
آسر: هنتفرج على شويه حجات كدا
ملك: ماشى
_يوصلوا المول ويلفوا كتيير
ملك بتعب: لا كدا كفايه حرام عليك نطلع من محل على محل اننا نشترى حاجه مفيش انا زنقت يا اسر
آسر بترجى: لا ابوس ايدك مش عايزك تزهقى النهارده
احم ملك ممكن اتكلم معاكى شويه
ملك: اتفضل
آسر: تعالى نقعد فى حته الاول عشان نعرف نتكلم
..
ادينا قعدنا خير فى ايه
آسر: ملك هو انتى بتحبى حد
ملك: بحبه ازاى؟!
آسر: بتحبى ولد معين
ملك: محصليش الشرف وحبيت حد
آسر: خالص خالص
ملك: فى مرة واحده وانا فى الحضانه
آسر: انا بتكلم بجد
ملك: لا محبتش قبل كدا بي اوعدك اول ما احب حد هاجى اقولك على طول
آسر: ماشى
ملك بمرح: ايه هتقعد كدا كتير
آسر: عايزه ايه
ملك: اطلبلى ايس كريم
آسر: حاضر

فى فيلا فريد السباعى
نيرة:يلا لو سمحت قدامك كتير
الأسطى: خلاص ياهانم قربنا نخلص
إسلام: عمته هو فى ايه انا مش فاهم حاجه
نيرة: النهارده عيد ميلاد ملك وانا عمللها حفله
إسلام: اوبس مش كنتى تقولى كنت جبتلها هديه
نيرة: لسه فاضل وقت ممكن تروح تجبلها هديه
إسلام: فين آسر يجى معايا
نيرة: مع ملك برا مش هيرجعوا غير بالليل
إسلام: خلاص هكلم اسر واروحله
نيرة: ماشي


فى المول
آسر: الو يا سمسم
إسلام: انت فين
آسر: انا فى المول
إسلام: طب خليك عندك انا جايلك فى الطريق
آسر: خير؟!
إسلام: عايز اجيب هديه لملك
آسر: دى معايا يا فالح
إسلام: ما انا عارف عمته قالتلى
آسر: طيب احنا فى الكافيه اللى فى الدور الثالث
إسلام: لما اوصل هكلمك سلام
آسر: سلام
اغلق آسر الخط لتحدثه ملك
ملك بسعاده: إسلام صح
اسر: ايوه مالك مبسوطه كدا ليه ؟!
ملك: عاتى
اسر بغيرة: طيب
ملك: قولى بقي انت بتحب مين
اسر بضيق: مش بحب حد
ملك: احم امال يعنى البنات الكتير اللى فى النادى دول ايه
آسر: انا قولتلك قبل كدا انى مليش علاقه بيهم وقولتلك قبل كدا كما تدين تدان
ملك: علفكره بقي انت بتكذب انت بتحب حد ومش عايز تقولى
آسر بحنين مصحوبه بابتسامه خفيفه: هتعرفى هى مين بس فى الوقت المناسب
ملك: اوك براحتك
آسر: انتى زعلتى
ملك: لا عادى براحتك دى حاجه تخصك انت
ورينى بقي اللى اشتريته
آسر: لا
ملك: ماشى انا كمان مش هوريك اشتريت ايه
آسر بضحكه: اوك
ملك: رخم
آسر: عبيطه
_بعدها بشويه يوصل إسلام بعد مايكون اشترى الهديه
إسلام بابتسامه: السلام عليكم
ملك بفرح: إسلاااااام وعليكم السلام
آسر بضيق: وعليكم السلام
إسلام:اذيك يا لوكه عامله ايه
ملك بسعاده:كويسه اوى
إسلام: يارب ديما ياحبيبتى
آسر: حبيبتى ، اقوم اجيب اتنين لمون احسن
ملك بمرح: مش بحبه خليه مانجه
إسلام: وانا زى لوكه
آسر: اوووف انتم عيال رخمه
ملك: انت مش قولت هتقوم تجيب عصير مروحتش ليه
آسر بشر: قايم اهو
يضرب آسر رجل إسلام تحت الترابيزه ويقوم يمشى
إسلام: اه
ملك: ايه مالك
إسلام: اه مليش انا كويس
ههههههههههه بس شاطرة يالوكه المره دى طلعنا عينه
ملك: هههههه اى خدمه بش مقولتليش انت بتعمل فيه كدا ليه وليه قولتلى اعمل كدا
إسلام: ههههههه هقولك لما تكبرى
ملك: ماشى انا هقول لآسر وهو يعرف يظبطك
إسلام: لالا خلاص هقول
ملك: ههههه خلاص مش عايزه اعرف
يجى آسر عليهم من غير عصير
ملك: فين العصير
آسر: ملقتش
ملك:نعم
آسر:قصدى مش يلا بينا بقي عشان نروح نتغدى
ملك: قصدك نتعشى
آسر: الساعه لسه٥:٠٠
ملك: مش هنروح بقي ولا ايه
إسلام: لا مش دلوقتى
آسر:زى ماقال اسلام بالظبط
ملك: طب هنتغدى فين؟!
آسر: فى النادى
ملك: اوك وبالمره اقابل ريم

عند نيرة كلمت فريد
نيره: بعد اذنك يافريد انا هكلم خديجه تيجى النهارده عيد ميلاد ملك
فريد: من غير ماتقولى طبعا انا موافق

فى فيلا عادل المنياوى
خديجه: الو ياحبيبتى عامله ايه وحشانى اوى
نيرة: انتى اكتر والله ياحبيبتى
بقولك اكيد هتيجى النهارده عيد ميلاد ملك
خديجه: ان شاء الله اكيد هاجى
نيرة: هاتى الولاد معاكى ملك هتفرح بيهم اوى
خديجه: حاضر

فى النادى
ملك: انا هروح اشوف ريم فين تيجى تتغدى معانا
إسلام: اوك يالوكه
تمشى ملك و___
آسر: ايه بقي يازفت انت
اسلام باستعباط: ايه ايه اناعملت ايه
اسر: ايه اللى بتعمله مع ملك دا
إسلام: هيح ملك
آسر: ولاه انا هضربك بجد مش ناقص برود

ملك تنادى لريم من بعيد: ريم
ريم: ملك تعالى
كانت ريم واقفه مع كريم عندما قال لها
كريم: طب انا ماشى بقي
ريم: استنى ياعم فى ايه
ملك: مساء الخير
ريم: مساء النور
كريم: سلام بقي
ريم: سلام
ملك: تعالى اتغدى معايا
ريم: هههههه الواحد يقوم اذيك عامله ايه مش تعالى اتغدى معايا
ملك: ههههه معلش يلابقي
ريم: حاضر

بعد الغدا ملك تروح مع إسلام تجيب ايس كريم
وآسر يعزم ريم على عيد ميلاد ملك ويديها العنوان

نوصل لوقت الاحتفال
هندخلها ازاى بقي
قالها اسلام لآسر لما كانوا مروحين
آسر: اه اه يابطنيييييييي
ملك بخوف: ايه مالك يا آسر
آسر: تعبان اوى عايز اروح مش قادر
ملك: طب يلا نروح تعالا اسند عليا

تمسك ملك بيد آسر الى العربيه
فى الطريق
آسر: انا مش هدخل من الباب الكبير عشان ماما متقلقش عليا
ملك: طب هندخل ازاى بس؟!
اسر: من الباب اللى ورا
ملك: ماشى
اسر: إسلام ساعدنى عشان مش قادر
إسلام وهو يكتم ضحكته الذى كادت ان تخرج من ثغره: حاضر
ضربه آسر فى يده ضربه لم تراها ملك
ملك: وصلنا
آسر: طب يلا
يدخل اسر الفيلا مع ملك واسلام من الباب الخلفى للفيلا
ملك: ايه الصوت دا
اسر: مطلوب منك حاجه واحده بس
ملك: ايه
شال آسر ملك وملك تصوت
ملك: عاااااااااا اسر نزلنى ياآسر
دخل اسر ملك الاوضه وقفل عليها الباب ثم قال من وراء الباب
آسر: البسى الفستان اللى على السرير وسعاد هتيجى تساعدك وهتعرفى كل حاجه بعدها
ملك: اسر افتح ياد انت
آسر: لما تلبسى الاول ،اسلام نادى لسعاد تيجى تساعد ملك
(ياترى ايه اللى هيحصل بعدها )

 

ملك: هو فى ايه ياسعاد
سعاد: مش مصرح ليا انى اقول اى حاجه
ملك: طب يلا عشان البس
تدخل ملك تاخد دوش وتخرج ترتدى الفستان الذى كان لونه احمر نارى ومفتوح نصفه من الظهر حيث كانت فى غايه الجمال
وزاد هذا الجمال جمالا عندما القت بشعرها الاسود الحريرى خلف ظهرها وفوقه التاج
'بدت وكانها اميره حقيقيه اتت لكى تسحر الحاضرين بجمالها الذى لا مثيل له'
تمسك ملك تليفونها وبالصدفه تشوف التاريخ وتعرف ان النهارده عيد ميلادها
ملك لنفسها: اكيد عملين كدا عشان عيد ميلادى
يخبط باب الاوضه وتكون نيره
نيرة بفرحه: بسم الله ماشاء الله زى القمر ياحبيبتى
ملك بسعاده: شكرا ياعمتو انتى اللى زى القمر
نيرة: كل سنه وانتى طيبه
النهارده ليكى مفاجاتين الاولى حفله عيد ميلادك والتانيه هتعرفيها تحت
ملك بابتسامه سعاده: ماشي
تنزل ملك مع نيرة الجنينه وتكون الجنينه فى منتهى الجمال باللون الاحمر
فريد: كل سنه وانتى طيبه ياقلب بابا
ملك وهى بتحضنه: وانت طيب ياحبيبى
إسلام: ايه الجمال دا كل سنه وانتى طيبه يالوكه
ملك: وانت طيب ياسمسم شكرا☺
نور: كل سنه وانتى طيبه ياملك
ملك بابتسامه: وانت طيب يانور
شرين،عبدالرحمن: كل سنه وانتى طيبه ياملك
ملك: وانت طيب ياعمو وانتى طيبه ياطنط
ملك لنيرة: هو فين اسر وساهر
نيرة: جايين هتلاقيهم هنا ولا هنا

فى فيلا عادل المنياوى
خديجه: يلا ياولاد احنا اتأخرنا اوى
كريم: طيب جايين اهم
بسنت: انا جهزت فاضل كريم
كريم: انا خلاص خلصت
هو عيد ميلاد مين
خديجه: هتعرفوا لما نروح
عادل بصوت اجش: برده هتروحى ياخديجه
خديجه بتماسك: ايوه
عادل بزعيق وخوف فى نفس الوقت: براحتك بس لما يطردك متجيش تعيطيلى

عند ملك
ملك: ايه دا ريم اذيك
ريم: كل سنه وانتى طيبه يالوكا
ملك: حبيبتى وانتى طيبه
ريم: الحفله تحفه يالوكا وانتى زى القمر
ملك بابتسامه: الفضل يرجع لعمتو هى اللى عملت كل دا
ريم: شكلها بتحبك اوى
ملك: الحمد لله كلهم هنا بيحبونى وانا بموت فيهم

فى مكان تانى
اسر: ياعم خلص ملك شكلها خلصت الحفله
ساهر:متخفش لسه بدرى
اسر: اوف ادينا مستنين

عند ملك
نيرة لملك: اهى المفاجاه التانيه وصلت يالوكه
ملك: فين دى
نيرة: ثانيه واحده خليكى هنا هجبها واجى
تروح نيره لخديجه وتسلم عليها وعلى كريم وبسنت
نيرة: خديجه حبيبتى وحشانى اوى اوى
خديجه وهى بتحضنها جامد: وانتى كمان والله وحشانى موت
نيرة بحنين: اذيك ياكريم
كريم: الحمد لله ياطنط
نيرة: بسنت ملك هتفرح اوى لما تشوفك
خصوصا انك من سنها
كريم لنفسه: ملك؟! ملك اللى فى النادى ولا ملك واحده تانيه
خديجه: هى فين
نيرة: مستنياكم هناك تعالو نروحلها
خديجه بحنين: يلا
تروح خديجه مع نيرة ومعاهم كريم وبسنت
كريم لنفسه: اوبااااا دى هى بس ايه الحلاوة دى كلاها دى جميله اوى
نيرة: ملك تعالى ياحبيبتى سلمى على طنط خديجه
ملك بابتسامه: اهلا ياطنط
خديجه بدموع: ياحبيبتى يابنتى وتحضنها جامد
ملك طبعا مش فاهمه حاجه
نيرة: خلاص ياجوجو اهدى
دا كريم ياملك ابن طنط خديجه
ملك: اهلا تشرفنا
نيرة: ودى بسنت بنت طنط وكمان فى نفس سنك
ملك بفرحه: والله؟! اهلا بسنت
بسنت: اهلا
ملك: علفكره ياعمتو انا شوفت كريم فى النادى قبل كدا
نيرة: بجد ياكريم
كريم: بجد ايه ياطنط
نيرة: ملك بتقول انها شافتك فى النادى قبل كدا
كريم: اه فعلا وانا كمان شوفتها
نيرة بابتسامه: طب كويس اوى
ملك: كويس ايه
نيرة: انكم عارفين بعض بصوا انا وطنط خديجه هنروح نسلم على بابا اسيبكوا انتوا بقي تتعرفو على بعض
ملك: ماشي
_تمشي نيرة وخديجه
بسنت: ايه دا ريمو ،كريم اناهروح اسلم على ريم وجايه
كريم: ماشي
_تمشي بسنت ويفضل كريم وملك
كريم: احم اذيك ياملك كل سنه وانتى طيبه
ملك: الحمد لله وانت طيب
كريم: انا اسف مجبتش هديه ليكى مكنتش اعرف ان دا عيد ميلادك
ملك بابتسامه: عادى ولايهمك
بعدها بشويه تسكت الموسيقى وينطفى النور
"يظهر فى السماء الالعاب الناريه مكونه جمله(كل سنه وانتى طيبه ياحبيبت قلب اخوكى) *بصي تحت*
النور يرجع تانى وتبص ملك قدامها تلاقى بلالين كتير ووراها ساهر
ساهر بابتسامه ساحره: كل سنه وانتى طيبه
تجرى ملك عليه والدموع فى عنيها من الفرحه وتحضنه جامد
ملك: حبيبى يا ساهر انا بحبك بحبك بحبك اوى
ساهر: وانا بمووووت فيكى ياقلب ساهر
يجى آسر من وراه
آسر: وانا مليش نصيب ولا ايه انا اللى ساعدته علفكره
ملك بعيون لامعه: شكرا بجد يا آسر
ساهر: لسه المفاجاه مخلصتش
ملك بابتسامه: هو لسه فى حاجه تانيه
اسر بابتسامه: اها
ساهر: غمضى عينك
ملك:اهو
اسر: فتحى بقي
ملك بفرحه: عااااااااااااا اسراء
تجرى عليها وتحضنها رجعتى امتى وحشانى اوى
اسراء: وانتى كمان والله وحشانى اوى اوى رجعت النهارده
ملك: ساهر صح
اسراء: ههههههه صح
ملك: حبيبى ياساهر ربنا ميحرمنيش منك ابدا
ساهر: لا منك يارب
إسلام وهو جاى عليهم: من قدك ياملك النهارده كل حاجه نفسك فيها بتتحقق
ملك: هههههههههه
آسر لملك بصوت كله حنين: كل سنه وانتى طيبه ياملك
(وفى نفسه كل سنه وانتى حبيبتى)
ملك بفرحه: وانت طيب يا آسر
إسراء: احنا مش هنطفى الشمع بقى ولا ايه
ملك: فين عمتو الاول

خديجه بدموع: اذيك يافريد
فريد: الحمد لله انتى اذيك
خديجه بنهر سائل من الدموع: انا بقيت كويسه لما شوفتك
فريد اخدها فى حضنه: وحشتينى اوى
خديجه ببكى وحضنته جامد: وانت كمان وحشتنى اوى اوى اوى
نيرة: خلاص بقي انا كمان هعيط معاكم
خديجه: اوعى تكون لسه زعلان منى
فريد: انتى عبيطه هو فى حد يزعل من اخته حبيبته ياهبله انتى
نيرة بدموع: ماقولنا خلاص بقي علفكرة ياخديجه عبدالرحمن كمان هنا
خديجه: بجد هو فين
نيرة: هتلاقيه قاعد مع شرين او حد من رجال الاعمال الموجوده
_يجى آسر عليهم: ماما يلا عشان نطفى الشمع
خديجه: اسر اذيك ياحبيبى
آسر: الحمد لله
نيرة: يلا ياجظاعه عشان نطفى الشمع

تخلص الحفله والكل يروح عدا خديجه واولادها وإسراء
نيرة لملك: انا قولتلك ان فى مفاجاه كمان هتعرفيها لما الحفله تخلص صح
ملك: صح
نيرة بابتسامه واشارت الى خديجه: دى خديجه عمتك

الفصل التالي
جميع الفصول
الآراء والتعليقات على الرواية