قصص و روايات - قصص رومانسية :

رواية قصة عشق فصول خاصة للكاتبة سحر فرج الفصل الخامس

رواية قصة عشق فصول خاصة للكاتبة سحر فرج كاملة

رواية قصة عشق فصول خاصة للكاتبة سحر فرج الفصل الخامس

عربيات شرطه كتير راحه ناحيه الكافيه .
عدى بصدمه بص لفهد وقال .. الحق ياض يا فهد شكل الحكومه هاتلم كل اللى فى الكافيه دلوقتى .. بسبب الوباء اللى موجود الايام دى فى البلد واسمه كورونا ده.
واكيد الزحمه اللى فى الكافيه هى السبب .

يا لهووووى ياض يا فهد .. الحمد لله ان احنا خلعنا بدرى بدرى وخرجنا منه كان زمانا هانشرف معاهم فى البوكس دلوقتى ومنه هانروح على القسم .
فهد باستهتار ضحك بصوت عالى وقال .. يا عم انت كورونا ايه وبتاع ايه بس اللى بتقول عليها دى .. واللى الناس شاغله نفسها بيها اوى بقالهم كام يوم .. يا عم ده كلام فارغ سيبك منه وشغل حكومات ودول عظمى .. وبسخريه .. قال كورونا قال .. هههههههه خفت انا خلاص .

عدى بصله باستغراب وقال .. يا ام برودك ياشيخ هاتفضل بارد طول عمرك كده لحد امتى بقولك وباء عالمى وربنا يحفظنا منه وانت بتقولى كلام فارغ .. الكلام ده اكيد حقيقى يا فهد .. وبعدين الحكومه هاتكدب علينا ليه .. ومش الحكومه بتاعتنا بس .. ده حكومات العالم كله يا جدع انت .
فهد بسخرية رد وقال .. افضل انت كده يا عدى طول عمرك صدق كل حاجه بتتقالك .

وفضلوا على الحال ده .. كلمه من عدى وكلمه من فهد لحد ما وصلوا بالعربيه اودام باب السرايه وركنوا العربيه ودخلوا على جوا .
واول لما دخلوا السرايه كانت هاديه جدا والضوء خافت وشكل الكل ناموا من بدرى .
عدى بص لفهد باستغراب وقال .. ايه ده هو احنا اتأخرنا للدرجه دى ولا هما اللى طلعوا وناموا بدرى الناس دى .
فهد برخامه بصله وقال .. اتأخرنا ايه يا عم انت ... مش كفايه مشتنا من الكافيه وقومتنا من القاعده بتاعه الشله .. وبعدين ده لسه يا دوبك الساعه مجتش 11 ونصف .. هما اكيد اللى طلعوا وناموا بدرى زى عوايدهم .

عدى رد وقال .. يا اهبل انت ده انت تحمد ربنا انى قومتك .. قبل ما الشرطه توصل .. ولا كنت هاتفرح ولو كنا فضلنا سهرانين مع الشله زى ما بتقول كده والحكومه جت ولمتنا كلنا فى بوكس واحد .
عاااااااااااااااااا
ملك بصوت عالى .. يا وقعتكم السودا انتم الاتنين .. انتم الشرطه كانت هاتخدكم ولا ايه يا بهوات .. اعترفوا اعترفوا .
عدى بخضه بصلها وقال .. الله يخرب بيتك يا بومه انتى بتطلعى امتى الزفته انتى .. قطعتيلى الخلف بصوتك ده حرام عليكى .
انتم قاعدين فى الضلمه كده ليه انتى وهى .

هدى قامت وقفت وراحت ناحيته وبصتله وقالت .. ده على اساس انك بتخاف يا سى عدى ولا ايه من الضلمه؟
فهد بص لعدى وقال .. رد يا فالح عليها .. ولا اقولك استنى انت .. تعالى هنا انتى وهى يا هانم .. انتم صح ايه اللى مقعدكم هنا بالمنظر ده ومطفيين النور كله بتاع السرايه .
ملك راحت وقفت اودامه وحطت ايديها فى وسطها وقالت .. انا هاقولك يا استاذ فهد .. علشان نستناكم يا استاذ منك ليه .. ونعرف هاتشرفوا امتى من بره .
وبعدين مكنش اصلا جايلنا نوم من كتر الزعل والحزن اللى شوفناه النهارده فى السرايه .

عدى باستغراب بصلها وقال .. حزن ايه وزعل ايه .. انتى تقصدى ايه يا ملك .. حصل ايه فهمينا .
ملك بحزن بصتلهم هما الاتنين وقالت .. للاسف الفرسه نعمه ماتت .
عدى بصدمه وحزن رد وقال .. انتى بتقولى ايه .. نعمه ماتت ! طيب ازاى وامتى حصل كده .. دا احنا يادوبك مكملناش كام ساعه بره .
هدى قربت منه وحاولت تهون عليه الصدمه لانها فرسته المفضله ولان عدى كان مرتبط جدا بيها اكتر من فهد بحكم انه عاش فى السرايه طول عمره وشافها وهى بتكبر اودام عيونه يوم بعد يوم .. لكن فهد عاش سنين بره واحساسه هايكون مختلف عن فهد .

هدى بكل حنيه بصتله وقالت .. اهدى يا عدى علشان خاطرى .. احنا بعد ما سيبناكم قاعدين فى الجنينه وووووو ...
وحكت لعدى وفهد كل اللى حصل وهما مش موجودين وزعل الحاجه انعام عليها .
ملك .. سيبكم بقى من نعمه وقوللنا .. حكومه ايه وبوكس ايه ؟ انتم كنتم هاتتقفشوا ولا ايه يا بشوات وتشرفوا فى القسم .
عدى بغيظ رد وقال .. بقولك ايه يا بت انتى كبرى الجمجمه وجوزك عندك اهو اسأليه وطلعينى من نافوخك انا مش ناقصك.
ولسه ملك هاترد عليه بعصبيه الا وسمعت فهد بيقولها...

فهد بصلها وقال .. جرى ايه يا عدى انت وهى انتم هاتمسكوا فى بعض ولا ايه ؟ وبعدين صوتكم عالى .. مش وقته يا ملك بعدين هابقى اقولك انا .. بدل ما نصحى بصوتنا العالى ده الناس اللى زمانها نايمه من بدرى .. تعالوا نطلع على فوق وكل واحد يروح اوضته ويتكلم براحته .
عدى رد وقال .. عندك حق يا فهد انا اصلا مش طايق نفسى ولا طايق ام لسان طويل دى.. تعالوا نطلع لفوق وكفايه اللى جدتى وجدى شافوه النهارده وحزنهم وزعلهم على نعمه .. دى غاليه عليهم اوى اوى وبتفكرهم بعمتى نعمه الله يرحمها .

هدى بحزن ردت وقالت .. الله يرحمك يا امى .. كان نفسى تكونى معانا وفى وسطنا دلوقتى .. كنت هابقى اسعد واحده فى الدنيا دى .
عدى بكل حنيه وطيبه قرب منها ومد ايده وحطها على كتفها وقال .. الله يرحمها يا حبيبتى .. يالا بينا نطلع على فوق لانى هلكان على الاخر ومش قادر .
وفعلا كل واحد خد مراته وطلع على اوضته والكل كان نايم ومحدش حس بيهم ولا بصوتهم .

الليل عدى وطلع النهار وضحى كانت بتجهز نفسها علشان تروح على المستشفى زى كل يوم .. فخلصت لبسها وخدت موبيلها وشنتطها ونزلت على تحت وشافت ابوها جبل قاعد مع جده سليم وامها بتجهز الفطار .
ضحى نزلت بوشها البشوش وصبحت عليهم وراحت تكمل تجهيز السفره مع والدتها .
وشويه وراحوا وقعدوا كلهم على السفره وبدؤا الفطار .

جبل بص لضحى وقال .. سمعتى اخر الاخبار يا ضحى يا بتى ولا لسه ؟
ضحى باستغراب بصت لابوها وردت وقالت .. خير يا بابا فى ايه .. بصراحه لسه مفتحتش الموبيل النهارده يا بابا وشوفت ايه الجديد .
خير في ايه؟

جبل بقلق رد وقال .. رئيس الوزارة اعلن انهم هايعملوا حظر تجوال .. ويقفلوا المحلات والكافيهات والقهاوى والنوادى ومراكز الشباب من الساعه خمسه ويعملوا حظر كامل للمواصلات والعربيات كلها على الطرق العامه من اول الساعه سبعه .
واللى هايخالف الكلام ده هايتقبض عليه وممكن يتحبس .
هو يا ضحى يا بنتى الموضوع يخوف للدرجه دى والكلام بتاعهم ده صح .

ضحى بصت لابوها بقلق وقالت .. الصراحه يا بابا الموضوع فعلا يقلق ويخوف .. والحكومه على اد ما تقدر بتحاول تحافظ علينا.. وبتعمل حاجات كتير تمنع من انتشار المرض الخطير ده.. لان المرض او الوباء ده بينتشر وبيعدى بسرعه رهيبه بين الناس.. وبالذات كبار السن واللى عندهم امراض مزمنه واللى مناعتهم ضعيفه وكمان المدخنين.. وبتحاول على اد ما تقدر تخفف التجمعات والزحمه اللى بتكون بين الناس فى حاجات واماكن كبيره .

وممكن تعمل حظر كامل زى ما فيه دول كتير عملت كده لما الحالات زادت عندها اوى وبدات تظهر حالات كتيرة ووفيات كتير .. المهم اننا نعمل اللى علينا ونعمل زى ما الدوله بتقولنا هى ووزارة الصحه بالضبط ونخفف التجمعات على اد ما نقدر .. ونلتزم بكل حاجه يقولوها لينا لانها فى الاخر لمصلحتنا كلنا وربنا يسترها .. احنا عندنا فى المستشفى بدات توصل لينا حالات كورونا.. لان المستشفى عندنا خلوها مستشفى عزل .. وربنا يسترها .

ام ضحى بخوف وقلق قالت .. يا لهووووى يا ضحى .. انتى بتقولى المستشفى اللى انتى فيها هايخلوها مستشفى عزل .. بلاش يا حبيبتى تروحى خالص الايام دى كلها .. حتى لو هاتخدى اجازة سنه من المستشفى او ماتروحيش خالص الشغل احنا مش محتاحين فلوس منه .. او حتى عقبال لما تولدى وتقومى بالسلامه .. متنسيش انك حامل يا حبيبتى وفى اكيد خطر عليكى .

ضحى باستغراب لكلام امها فقالت .. ايه بس الكلام اللى انتى بتقوليه ده بس يا ماما !
انتى عوزانى اتخلى عن شغلى فى وقت زى ده .. الناس محتجانى ومحتاجه اى دكتور اوممرض فى وقت زى كده .. هى دى رسالتنا اللى بنؤمن بيها ولازم نعمل اللى علينا على اكمل وجه ونعالج المرضى .
جبل.. عفارم عليكى يا ضحى يا بنتى .. هى دى ضحى بنتى اللى اعرفها .. ربنا يحفظك ويقويكى يا حبيبتى على خدمه الناس ومساعدتهم .

جده سليم بكل حنيه بصت لها وقالت .. ربنا معاكى يا حبيبتى ويسترها معاكى ويحفظك بحفظه ويقومك بالسلامه ان شاء الله .
ضحى بابتسامه كلها حب وعطف بصت لهم وقالت .. سيبكم منى انا المهم تخلوا بالكم انتم من بعضكم وتحافظوا على نفسكم .. وتعقموا نفسكم اول باول زى ما الارشادات بتاته وزارة الصحه بتقول بالضبط وتحاولوا على اد ما تقدروا ما تخرجوش كتير غير للضرورة و للحاجات المهمه بس .. لو الناس نفسها قدرت تحافظ على نفسها .. كأنها بتحافظ علينا بالضبط ومش هايبقى فيه انتقال عدوى وتفشى للمرض .. واحنا كمان هايبقى الموضوع عندنا اسهل بكتير ونقدر نسيطر على الوباء ده ان شاء الله .

ويالا هاقوم انا بقى واروح على شغلى و دعواتكم معايا ومع المرضى .
سلامووو عليكم .
وخرجت ضحى والسواق المخصوص اللى سايبه سليم ليها .. شغل العربيه وركبت ضحى وخرجوا من باب الفيلا فى اتجاه المستشفى .

وفى السرايه وبالتحديد فى اوضه قصى اللى كان صحى على ضوء الشمس علشان يروح على المصنع مع فارس وكمان عدى .. فاول لما فتح عيونه شاف فرح قاعده اودام المرايا وبتسرح شعرها بعد ما خدت دوش وغيرت لبس النوم بتاعها فابتسم ونزل من السرير وراح وقف جنبها وباسها على راسها وقال .. صباح الفل يا حبيبتى .

فرح ابتسمت وقالت .. صباح النور يا روح قلبى .
قصى ابتسم وقال .. صاحيه من بدرى ولا ايه يا روحى .
فرح لفت شعرها بالتوكه وقامت وقفت اودام قصى وعيونها فى عيونه بكل عشق وباسته من خده وبعدها حضنته ونامت على صدره وقالت .. بقالى حوالى نصف ساعه يا حبيبى .. صحيت ودخلت خدت شور ويادوبك لسه خارجه .

قصى خد نفس طويل وبابتسامه كلها شوق ضمها اوى لصدره ومد ايده لوشها ورفعه لفوق وقال .. ايه الجمال والحلاوة دى كلها .. هو الحمل بيحلى اوى كده ولا ايه ؟
فرح وشها احمر من الخجل وابتسمت وقالت .. ليه هو انا كنت وحشه سياتك ولا ايه يا استاذ قصى ؟ وبعدين انا طول عمرى حلوة حضرتك
قصى ضحك وضمها اكتر لصدره وقال .. يا حبيبتى انتى طول عمرك قمر بس الحلاوة زادت اوى اوى من بعد النونو وانا مقدرش على كده
فرح بابتسامه ورقه .. احم احم .. تقصد ايه حضرتك .

ولسه قصى هايرد عليها فاسمع باب الاوضه بيخبط فاتنهد جامد ونفخ وقال ... يا ترى مين الرخم السمج اللى بيخبط فى الوقت ده ؟
فرح بضحك ردت وقالت .. هههههه مش عارفه بس اكيد حد من البنات بيستعجلنا علشان الفطار .. روح افتح يالا او ادخل انت على الحمام وانا هافتح بنفسى .
قصى بغيظ رد وقال .. لا افتحى انتى يا ستى وشوفى مين وانا هادخل على الحمام .
وفعلا دخل قصى على الحمام وراحت فرح وفتحت وشافت اخوها فارس اودامها .
فارس .. ايه انتم لسه نايمين ولا ايه .. صباح الخير يا حبيبتى .. قصى فين اومال ؟

فرح بحب بصت لاخوها وقالت .. اهلا يا فارس .. صباح النور يا قلبى .. فارس فى الحمام بياخد دوش وهايلبس على طول علشان الشغل .
فارس رد وقال .. طيب هاسبقه انا على تحت مع سلمى ولما يخلص ابقوا حصلونا على تحت .
فرح ماشى يا حبيبى اول لما يخرج من الحمام هاننزل على طول انا وهو .
ودخلت وقفلت الباب وراها وفارس نزل هو وسلمى على تحت والكل كان موجود الا عدى وفهد اللى لسه كانوا نايمين زى ما قالت هدى وملك للحاج صفوان والحاجه انعام .

الحاج صفوان كان بيتكلم مع صلاح وحسين ومع كل الموجودين وبيحظرهم من الوباء الحديد ده وبيقولهم عن الاخبار اللى اتذاعت على الصبح من رئيس الوزارء وانهم يخلوا بالهم من نفسهم وبلاش تجمعات مع اى حد .. وطلب من صلاح انه يخفف العمال شويه فى المصنعين ويديهم حقوقهم ومراتبتهم عادى خالص علشان يخفف عدد العمال والزحمه والتجمعات بتاعتهم علشان مصلحتهم هما وصحتهم قبل الشغل والمصانع وده الاهم .

وكمان طلب الحاج صفوان من عصام ابنه انه يجهز كراتين طعام ومبالغ ويفرقها على الاسر الفقيرة اللى فى البلد وكمان من العمال .
الحاجه انعام .. ربنا يخليك ويديك الصحه يا حاج صفوان ويديلك على اد كرمك وحبك للناس دى كلها .. انت طول عمرك وانت بتساعد الفقراء والمحتاحين من غير الزفت اللى اسمه كورونا ده .. وربنا يعديها على خير باذن الله ويسترها معانا كلنا .

الحاج صفوان .. كله بفضل الله يا حاجه ماتقوليش كده .. وربنا اللى بيرزقنى ويقوينى مخصوص علشان خاطر اساعد الناس دى كلها .. ولازم اتصدق وازكى زى ما ربنا امرنى بالضبط .
صلاح .. ربنا يخليك لينا يا حاج وما نتحرمش منكم ابدا انتى والحاجه انعام .

الحاج صفوان .. المهم دلوقتى ولازم احزر منه .. البلاوى اللى لسه منزلوش من فوق دول وزمانهم لسه نايمين بسبب سهرهم طول الليل فى الكافيه .. لازم يخفوا الخروج خالص الايام الجايه دى كلها .. لسه رفاعى بيقولى ان الحكومه لمت كل العيال اللى كانت سهرانه فى الكافيه اللى فى اخر البلد امبارح بالليل وودوهم على القسم .. علشان القرف اللى كانوا بيشربوه والزحمه اللى كانت هناك .

مفيش سهر ولا خروج تانى خالص من هنا ورايح لازم ننفذ كلام وزارة الصحه .. ونخفف التجمعات على اد ما نقدر والواد عدى وفهد لو حصلت انى هاربطهم فى الجنينه زى البهايم علشان ما يخرجوش اقسم بالله هاربطهم .. ادينى قولتلكم اهو .. كل واحد فيكم يكلم ابنه ويخلى باله عليه وعلينا كلنا .. مش ناقصين مرض ولا وباء يخطف حد فينا واولهم هاكون انا والحاجه انعام لو يرضيكم ده .

فارس.. بعد الشر عليكم يا جدى متقولش كده وربنا يخليكم لينا يارب .. وانا هاكلم مع عدى وفهد واحزرهم من كده .
الا وسمعوا صوت رفاعى بينده من بره وبيقول من الجنينه .. يا حاج صفوان .. يا حاااااج صفواااان .. الحق يا حاااااااااااااج .

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W