قصص و روايات - قصص رومانسية :

رواية عشق الصقر للكاتبة شهد طارق الفصل السادس عشر

رواية عشق الصقر للكاتبة شهد طارق جميع الفصول

رواية عشق الصقر للكاتبة شهد طارق الفصل السادس عشر

تانى يوم .. صقر صحى وكانت شهد لسه نايمة .. ابتسم لشكلها للبرئ وهى نايمة .. ودخل لبس ونزل لشركته ..
شهد بنوم: ايه دة هو صقر فين ..
بصت على الساعة ..
شهد: اممم ديه الساعة ٩ اكيد راح الشركة ..
صحت وخدت شاور ونزلت ..
شهد: نعمات نعمات ..

نعمات: نعم يا شهد هانم .
شهد: صقر فطر قبل ما ينزل ...
نعمات: لا يا هانم الباشا نزل ومفطرش وقالى متنسيش تخلى شهد هانم تفطر ..
ابتسمت بداخلها أنه يفكر فيها لكن احزنها أنه لا يفكر فى نفسه ..
شهد: تمام .. حضرى احلى فطار وجهزيه عشان هاخده معايا وانا خارجة ..
نعمات: امرك يا هانم ..

طلعت اوضتها ولبست فستان رقيق جداا واطلقت لشعرها العنان ..
ونزلت خدت من نعمات الفطار وخرجت ..

الحراسة: على فين يا هانم ..
شهد: اطلع على الشركة ..
اد أمر للكل بالطلوع على الشركة ..
وذهبوا ...

بعد فترة بسيطة وصلوا الشركة ..
وطلعت على الدور بتاع مكتب صقر على طول وانبهرت من جمال الشركة وذوقها ...
دخلت لقت السكرتيرة شكلها محترمة واتبسطت أنه صقر معين واحدة شكلها محترم ..
السكرتيرة بإبتسامة: شهد هانم .. اهلا بحضرتك ..
شهد: ميرسي حبيبتى .. صقر فاضي ..
السكرتيرة: الباشا عنده اجتماع .. تحبى أبلغه بوصول حضرتك ...
شهد: لا .. لما يخلص مش عايزة اعطله ..

بعد ساعة ..
شهد فى نفسها: اوفف انا غلطانة كنت قولتلها تبلغه ..
وفجأة اتفتح باب المكتب وكان صقر بيوصل الضيوف ال كانوا معاها ...
واتفاجأ بوجود شهد ...
صقر: انشاء الله المرة الجاية يكون الاتفاق ..
بعد ما مشيوا ..
السكرتيرة: الهانم بقالها هنا ساعة ومرضيتش ابلغ حضرتك ..
خدها من أيدها بهدوء ..

ودخل قفل الباب وثبتها عليه .. وباسها من شفايفها بوسة رقيقة ..
صقر بإبتسامة: مقولتلكيش صباح الخير انهاردة ..
حطت أيدها على وشه بحب وقالت: احلى صباح فى الدنيا ...
صقر: جيتى ليه ..
شهد بحزن مصطنع: انت مكنتش عايزنى اجى ..

صقر بسرعة: ابدا والله انا أتمنى تقعدى معايا فى اى حتة طووول الوقت بس استغربت ..
شهد بغضب مصطتنع: عشان حضرتك نازل من غير فطار ..
صقر بصدمة وفرحة: يعنى انتى جاية هنا عشان تفطرينى ..
شهد: صقر هو انت مش واثق فى حبى ليك .. أو فاكر مثلا انى مش بخاف عليك ..
خدها من أيدها وقعدوا على الكنبة ..
صقر: ليه بتقولى كدة ..

شهد: بحس انك بتتفاجئ لما اكون خايفة عليك .. لما اعمل اتصرف يبان منه انى بعشقك مش بحبك .. بحس دايما انك بتتفاجئ من اى تصرف بعمل تجاهك ..
صقر بحب: مش يمكن يكون فرحان اوى لدرجة انى مش مصدق .. انك بتحبينى الحب دة كله ..
شهد: يعنى عمرك ما شككت فى حبى ليك ..
صقر: تؤ تؤ ابدا ..
شهد بإبتسامة: ماشي .. يلا عشان نفطر ..
صقر: يلا ..
قعدوا فكروا وسط نظرات العشق ال بينهم ..
وبعد ما خلصوا ..

مشى ايده على وشها بحب وقال:
اااه يا شهد .. مش عارف كنت هكمل حياتى من غيرك ازاى .. بحمد ربنا كل يوم انك موجودة فى حياتى .. مش عارف لو مكنتيش موجودة كنت هكمل ازاى أو حياتى هتبقى عاملة ازاى ...
شهد بحب: بجد .. انت بتحمد ربنا عشان انا موجودة فى حياتك .. وانا كمان بحمد ربنا كل يوم وكل ساعة انك موجودة فى حياتى ..
خدها بين أحضانه ..

وهى تقسم كم تشعر بالراحة والأمان بين أحضانه ..
ولا تريد مفارقته نهائيا ..
شهد بحب: خبينى فى حضنك يا صقر .. مش عايزة ابعد عنه .. بحس بالأمان فيه ..
صقر: عمرى ما ابعدك عنه ابدا ..
شهد بحب: انت من جاء لإنارة قلبى .. بعد ظلمته ...
انتظرتك كثيرا .. لكن انتظارك على قلبى كان كثير ..
ولكن انتظارى كان ثمنه .. قلبك ..

احتليت قلبى دون سابق إنذار ..
انت قلبى وروحى وعقلى وكيانى وتوأم روحى ..
ابتعادك عنى .. معناها دمار قلبى ..
انا بعد ما بقيت فى حياتك اكتشفت انى كنت مستنياك .. مستنية ال يخلى حياتى زى الحلم بس انت خليتها حقيقة .. واحلى حقيقة فى الدنيا ..
صقر بهيام: اااه يا شهد .. كلمك بيخلينى اعشقك اكتر واكتر .. دايما بسمع أن الرجل هو ال بيقول الشعر او الكلام الحلو لكن الست جديدة دى ..
شهد: ومين قالك انك مش بتقولى كلام حلو انت بتقولى احلى كلام .. بس انت بطريقتك و انا بطريقتى ..
صقر: بعشقك ..
شهد: وانا كمان بعشقك ..

بعد ما روحوا مع بعض من الشركة ..
قاعدين بيتغدوا ..
شهد: حبيبى كنت عايزة اعزم روان ومروان .. انت فاهم بئا ..
صقر: ههههه اه طبعا فاهم دة الواد هيتجن ..
شهد: دة الحب يا حبيبى .. قال يعنى مش عارفه ..
صقر: طب ما انا فعلا مش عارفه ...
رفعت شهد إحدى حاجبيها: والله
صقر: انا معرفش غير حاجة واحدة وهو العشق ..
شهد: هههههه لأ حلوة ..

صقر: ههههه شوفتى بئا ظلمتينى ازاى ..
شهد: المهم ايه رأيك نعزمهم بكرة ..
صقر: براحتك حبيبتى ..
اه يا قلبى احنا انشاء الله الاسبوع الجاى هننقل للقاهرة .. عشان خلاص الدراسة فاضل عليها اسبوعين ..
شهد: ااااه بس لو تسمع كلامى ..
صقر: شهد متنرفزنيش عايزة تروحى تقعدى لوحدك من غيرى وكمان تفضلى تتشحتطتى طول الاسبوع مابين اسكندرية والقاهرة دة عقل دة ..
شهد: مش اصدى انا مش عايزة اتعبك ..

صقر بغضب: بلا اصدك بلا مش اصدك ..
وقام من على السفرة .. ودخل المكتب هبد الباب وراها ..
اتفجعت شهد من هبدت الباب ..
بعدها قامت قعدت فى اوضتها شوية ..
وكانت اعدة بتعيط عشان زعلت حبيبها ... وقررت تنزل تصالحه ..
خبطت ودخلت المكتب وراسها منزلها ودموعها نازلة ..
صقر: عايزة ايه ..

شهد بدموع وشهقات: انا .. انا اسفة ..
وجعه منظرها لكن قرر يعاقبها على كلامها: اعتذارك مش مقبول اتفضلى اطلعى واعملى حسابك انى مش هنام معاكى انهاردة ..
اتفضلى اطلعى عندى شغل ..

طلعت جرى اوضتها.. وفضلت تعيط تعيط ..

تحت عند صقر ..
صقر فى نفسه: كدة تقسى على حبيبتك وعشقك يا صقر .. قلبك موجعكش على دموعها .. هى خايفة على تعبك تعاملها بالقسوة ديه .. لأ انا لازم اطلع اصالحها..

طلع الاوضة لقا شهد اعدة على الأرض نفسها بيروح وبنحاول تأخد نفسها بطريقة رهيبة ...
جرى عليها وخدها فى حضنه ..
صقر بفزع: مالك يا شهد فى ايه .. أهدى طيب وخدى نفس ... براحة .. انا معاكى متخافيش ..
وبعد وقت قدرت تاخد نفسها ..
شهد بدموع: هتسبنى انام لوحدى ..
صقر: يعنى انتى كل دة حصلك عشان قولتلك مش هنام معاكى ..

شهد: لأ انا حصلى كدة عشان انت زعلان منى ومقبلتش اعتذارى وهتسبنى مش هنام فى حضنك حسيت انى هموت ..
صقر: بعد الشر عليكى .. حقك عليا .. انا قولتلك كدة كنت بعاقبك لكن كنت هاجى بليل اخدك فى حضنى .. لأنى مقدرش انام وانتى مش فى حضنى ..
شهد: انا اسفة والله مكنتش اقصد ..
صقر: هشش خلاص مش زعلان ..
شهد: بجد ..
صقر: بجد ..
بعدها خدها فى حضنه وأقسم بداخله أن لن يقسو عليها مرة أخرى ...

تانى يوم ..
صقر: احسن دلوقتى حبيبتى ..
شهد: طالما انت جمبى هبقى احسن ..
انا هروح اتصل ب روان وانت اتصل بمروان ومحدش فينا يقول أحد فيهم أن فى حد تانى. جى بمعنى انت متقولش ل مروان أن روان جية ولا انا اقول ل روان أن مروان جى ..
صقر: ماشي
كل واحد فيهم راح اتصل بالتانى..
شهد اشرفت على كل حاجة .. وجهزت كله بئا تمام ..

شهد: رونى وحشانى وحشانى ..
روان: انتى اكتر يا شوشة .. خدى الهدية ديه ..
شهد: الله تشوكليت .. ميرسي يا رونى ..
سمعت روان صوت شخص مع صقر ..
روان: هو انتو عندكوا ضيوف غيرى .
شهد: ااه دة مروان صاحب صقر ..
روان: اااه مروان ... طب مش كنتى قولتيلى ..
شهد: عادى يا بنتى دة مروان مش غريب ..

مروان شخصية لطيفة جداا ومرحة زيك بالظبط .. وطيب جداا ..
(( شهد تعمدت تقول كدة عشان تلفت أنظار روان ل مروان ))..
روان كمان سرحت مع وصف شهد وسرحت فى مروان لما كانت بترقص معاها ساعة فرح شهد .. اد ايه وسيم . ..
شهد: ايه يا بنتى روحتى فين ..
ابتسمت شهد لرد فعلها .. واتأكدت أن أول خطوة بدأت ..
روان: ها لأ مفيش افتكرت حاجة كدة ..
شهد طب يلا ندخلهم ..

دخلوا غرفة المكتب كان اعد فيها صقر ومروان ..
شهد: حبيبى روان جت اهيه ..
صقر: اهلا يا روان .. مروان صاحبى تقريبا اتعرفتوا على بعض فى الفرح ..
مد ايده عشان يسلم عليها وهى كمان سلمت ..
مروان: اذيك يا آنسة روان ..
شهد: آنسة مين يا عم .. قولها روان عادى ..
ولا ايه يا رونى ..
روان: احم اه طبعا ..

شهد: انا رايحة اشوف الاكل ..
وخرجت شهد .. بعدها بشوية ..
صقر: شهد بتنده عليا ... عن اذنكم ..
وخرج صقر ..
مروان: احم ... انتى فى كلية ايه يا روان ..
روان: فنون جميلة ..
مروان: امم هتدخلى قسم ايه ..
روان: تصوير ..
مروان: شكلك بتحبى التصوير ..

روان: اااه جداا ثوانى اوريك .. طلعت موبايلها وورته صور كتير من تصوريها انبهر بشطارتها وانبهر فى جمالها ال بيزيد كل ما بيشوفها .. سرح فى عينيها ال خطفته من اول مرة ال خليته يراقبها سنة بحالها ..
وقع اسير عينيها ..
روان: ها حلوين ..
مروان وهو لسه ف سرحانه: جداا .
روان: بجد عجبوك..
مروان فاق من سرحانه: ااااه جداا .. شكلك ممتازة ..

يا ترى بتعرفى تعملى بفتوسيشن ل اشخاص ولا انتى تصورى مناظر طبيعية بس ..
روان: بصراحة نفسي اجرب ..
مروان: طب ايه رأيك انا نفسي اعمل فوتوسيشن .. ممكن تجربى فيا ..
روان: بجد .. هتبقى لوحدك ولا معاك حد ..
مروان: لأ لوحدى .. ها ايه رأيك ..
روان: طبعا موافقة ..

عند شهد وصقر ..
شهد: شكلهم اندمجوا مع بعض ..
صقر: اه فعلا ..
شهد: مالك شكلك متضايق..
صقر: ولا حاجة انا طالع اشوفهم ..
شهد استغربت طريقته ..
وراحت ليهم ..
شهد: يلا يا جماعة .. الاكل جهز ..
راحوا أعدوا على السفرة ..

روان ومروان اندمجوا مع بعض جداا وبيهزروا ويضحكوا ...
لكن شهد وصقر قاعدين ساكتين ..
شهد ملاحظة أن صقر مضايق اوى بس مش فهمة مضايق من ايه ..
قاموا كلهم وقضوا وقت لطيف مع بعض ...
ومشيوا روان ومروان ..
مروان جواه سعادة مش طبيعية ... أنه قدر يقرب من روان ..
وروان حاسة بمشاعر غريبة .. بس مبسوطة .

بعد ما روان ومروان مشيوا ..
صقر فضل فى الجنينة مطلعش منها ...
وشهد مراقبها من البلكونة ومستغربة هو متضايق منها ليه ..
قررت تنزل تشوفه متضايق ليه...
نزلت الجنينة وكان عاطيها ضهره ..
شهد: احم .. صقر ..
صقر: نعم يا شهد عايزة حاجة ..
شهد: هو انت زعلان منى ..
صقر: ليه هو انتى عملتى حاجة ..

شهد: ما دة ال انا مستغربها انا معملتش حاجة ..
لف ليها وكل ملامحه غضب ..
شهد اتفزعت من منظره وبعدت خطوتين لورا ..
صقر: اه يعنى مقولتيش دة مروان شخصية لطيفة ومرحة وطيب جداا ومعرفش ايه ..
شهد: انا كنت بلفت نظر روان مش قصدى حاجة يعنى ..
صقر: اياك يا شهد تعملى الحركة ديه تانى .. ساعتها عقابى مش هيعحبك ..
شهد: اسفة .. مكنش قصدى ..
صقر: اتفضلى اطلعى عقبال ما اخلص شوية تليفونات ..
شهد: حاضر ...

تانى يوم ... على الفطار ..
والصمت سائد على الاتنين ..
شهد: احم .. انت لسه زعلان منى ..
صقر دون النظر إليها: لا ..
شهد: لأ لسه زعلان ..
قامت من مكانها وقعدت على رجله .. وباست خده برقة ..
وقالت: اسفة حقك عليا ..
صقر: اممم بتجبينى من نقطة ضعفى يعنى ..
وباسها من خدها وقال ..

خلاص مش زعلان بس متعمليش كدة تانى ..
شهد: عيونى ..
صقر: حبيبى اعملى حسابك هنسافر القاهرة انهاردة ..
شهد: بس انا مجهزتش حاجة ..
صقر: متخافيش الخدم هيجهزوا كل حاجة ويبعتوها ورانا ..
شهد بحزن: ماشي ..
صقر: مالك حبيبتى شكلك زعلانة ..
شهد: زعلانة انى هسيب القصر ..
صقر: اشمعنا يعنى ..

شهد: القصر دة شهد قصة عشقنا من بدايتها أو هو المكان ال بدأ فى عشقنا .. انا بعشق القصر دة جداا ..
صقر: عندك حق .. انا زمان مكنتش بحب القصر دة بس من ساعة ما دخلتى فيه وانا كمان بعشقه ..
بس معلش كل فترة كدة تيجى نقعد فيه ..
شهد: ماشي حبيبى ..

وبعد كام ساعة بيوصلوا القاهرة ..
والأصح فيلا صقر فى التجمع ..
كانت أقل حجما من القصر بكتير لكن لا تقل روعة ..
عن القصر ..
صقر: عجبتك الفيلا حبيبتى ..
شهد: جميلة جداا ..
صقر: كويس انها عجبتك ... يلا نطلع ننام ...
شهد: اه يلا انا تعبت من الطريق ...

وبتمر الايام وشهد بتدخل جامعتها ...
وروان ومروان بيقربوا كل مدى من بعض اكتر ..
وكل مدى مشاعر روان بتتغير .. وبتحس بسعادة كل ما بتكون مع مروان ..
شهد مندمجة جداا فى جامعتها .. وبتمر الايام ...
كما هى لكن بتيجى ايام بتحس شهد فيها بخوف بتحس أن قبلها مقبوض ..
بتحاول تفسر دة لكن مبتعرفش ..

فى مكان آخر ...
مجهول ١: انت لسه عايز تعمل ال فى دماغك ..
مجهول ٢: انا كنت هشتغل عليه بس .. لكن بعد الحصل اخر مرة .. هشتغل عليهم هما الاتنين ..
مجهول ١: ههه ايه هتخطفها ..
مجهول ٢: لأ الخطف دة بئا موضة قديمة ..انا عندى الجديد كله ..
اه يا ويلك من يا شهد انتى وصقر ..
لسه الايام الجاية ..

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W