رواية خادمة في عصر اللذة للكاتبة هاجر عبد الحليم الفصل الثالث عشر
ف المطبخ
ورد كانت بتعمل الاكل ومندمجة جدا معاه ومش واخدة بالها باللى بيحصل حواليها
دولت:ورد..عندى ليكى خبر بمليون جنيه؟!
ورد:خبر ايه؟!
دولت:متركزى معايا وسيبك من الاكل دلوقت..الموضوع يخص حبيب القلب
ورد بصتلها بتركيز وقالت:ماله كريم يادادة؟! هو كان كويس.. ف حاجة حصلت انا معرفهاش؟!
دولت: انتى عارفة ان مفيش حاجة بتحصل ف البيت دة الا وانا عندى علم بيها...وانا عرفت ان كريم بيه من خلال معارفة يعنى قدر يلاقى مراته وابنه وهو لما عرف بقا عامل زى الطور الهايج وشكله هيجيبها هنا علشان ينتقم منها بسبب اللى حصله من تحت راسها
ورد وقعت السكينة ع الارض وهى مصدومة من الكلام وقالت:انتى متاكدة من الكلام دة يادادة؟!
دولت:طبعا متاكدة..والعصفورة اللى بتجيلى الاخبار مش هقولك عليها اكيد..كفايا عليكى انى بعرفك كل صغيرة وكبيرة ف البيت دة
ورد:معنى كلامك انه ممكن ياذيها؟!.لا حرام عليه هو ياخد ابنه ويسيبها ف حالها..ويطلقها هو عايز منها ايه؟!
دولت:ياخبر بفلوس بكرة يبقى ببلاش..اكيد هيجيبها وهنعرف هو ناوى ع ايه من ناحيتها؟! قوليلى ياورد لو خلاها ع ذمته تقبلى تتجوزيه؟!
ورد سكتت شوية وقالت بوجع:لا طبعا مش هتجوزه..يانا ياهى...مش هقبل بواحدة تشاركنى ف قلبى..ولا هقبل انى انام طول الليل وانا دمعتى ع خدى..وانا متاكدة انى لو طلبت منه انه يسيبها مش هيرفضلى طلب وهتشوفى يادادة ولو دة محصلش هو اللى حكم ع نفسه انه يخسرنى.
ف الصالون
فواز:ازيك ياحسين
حسين:اقعد يافواز
فواز قعد وقال:انا جيت علشان اخد ابنى ومراته
حسين:ياترى ضميرك انبك من ناحيتهم ولا دى لزوم خطة ف دماغك الله اعلم ايه هى؟!
فواز:لا مفيش خطة ف دماغى ولا حاجة..انا جاى علشان مها فضلت طول الليل تعيط ع ابنها وطلبت منى اجى اخدهم..لو سمحت خلى الشغالة تنادى عليهم..مكانهم مش هنا ياحسين
حسين:والله هما لو عاوزين يروحوا معاك انا معنديش مشكلة..الكلمة كلمتهم ..انا بس عملت بواجبى ك عم لحيدر ونسمة كمان
فواز:نسمة ملهاش صلة بالعيلة دى ياحسين ياريت تفهم دة كويس
حسين:الظاهر انك انت اللى محتاج تفهم مش انا..وموقف عقلك ومنيم ضميرك واللى بيتكلم صوت طمعك وكرهك ل اخوك اللى كان احسن منك ف يوم من الايام
فواز بعصبية قام من ع الكرسى وقال:انت بترمى الكلام دة ليا انا؟! انت بطريقتك دى هتخلينا نخسر بعض ياحسين
حسين قام وقال:اوعى تفتكر انى هنيم الموضوع لا انا هصحيه وهجيب المحامى واخليه يقولنا كل حاجة عن الوصية اللى اتحرقت اللى انا وانت عارفين مين اللى عمل كدة؟!
فواز:تقصد انا اللى حرقت الوصية..طب لو فردنا ان دى الحقيقة اثبت بقا.
حسين:قريب يافواز...ايدة مش معقول انت هنا بقالك فترة ومشربتش حاجة.اقعد ارتاح وخد واجب الضيافة عقبال م الشغالة تطلع تنادى ع حيدر ونسمة..اقعد يافواز متتعبش قلبى
فواز نفخ بضيق وقعد وهو بيحرك رجله يمين وشمال وهو بيقول ف سره:طلعت خطر عليا ياحسين..انت كدة هتخلينى اشك فيك واقول انك انت اللى خت الشيك.
ف اوضة شويكار
طق طق
شويكار:اتفضل
ورد دخلت وقالت:حضرتك عايزانى؟!
شويكار ضحكت وقالت:ايوة ياورد..تعالى اقعدى جمبى هنا
ورد:ميصحش ياهانم..انا هقعد ف الارض
شويكار:اسمعى الكلام من غير جدال ياورد..انا عايزة اتكلم معاكى ف موضوع مهم..ومينفعش تقعدى ف الارض علشان دة مش مقامك
ورد راحت وقعدت جمبها..شويكار فضلت تبصلها بحب وقالت:تعرفى انك حلوة اوى..طالعة زيي تمام..انا بردو كنت كدة..وبنتى ليالى كانت كدة
ورد بصتلها وقالت:هو انا شبه بنتك ليالى؟!
شويكار بحسرة: عايزة تعرفى؟!
ورد: دة لو ممكن يعنى..لو دة شى يضايقك اعتبرينى مقولتش حاجة
شويكار:افتحى الدولاب دة هتلاقى ف صندوق لونه دهبى هاتيه وتعالى عندى تانى
ورد:حاضر
ورد فعلا راحت وفتحت الدولاب وجواها فضول تعرف كل حاجة عن ليالى..لقت الصندوق وشالته بس كان تقيل اوى فكان هيقع منها بس هى مسكته جامد وقالت:لحقتك
شويكار ابتسمت ابتسامة خفيفة وشاورتلها تيجى جمبها
راحت وقعدت جمبها شويكار فتحت الصندوق قدامها وقالت: مش عايزاكى تتضايقى منى واتاكدى ان اللى هقوله دة الصح وايا كان اللى عملته دة لمصلحتك من الاساس
ورد:مش فاهمة..هو حضرتك كنتى تعرفينى قبل كدة يعنى ولا ايه؟!
شويكار:عز المعرفة..دة انتى حتة منى
ورد بصدمة:حتة منك ازاى يعنى؟!
شويكار طلعت من الصندوق البوم صور وايدتهالها وقالت:شوفى الصور دى كدة
ورد خدت الصور منها وبرقت عنيها من الصدمة ودموعها نزلت شلال وبصتلها وقالت بعياط:اللى ف الصورة دى انا...انتى مش واخدة بالك الحسنة اللى ف رقبت الطفلة دى اهى شايفاها ولا لا؟! وف رجلى كمان نفس الحسنة اللى عند البيبى اللى ف الصورة..مش معقول..هو انتى امى..معنى كلامك دة ايه..ان انا ليالى
شويكار جاية تقرب منها بس ورد بعدت وقالت بعياط وانهيار اكبر:اوعى تقربى منى..قوليلى اللى انا بقوله دة غلط وانى اتجننت من كتر الصدمات اللى عمالة تحصلى ورا بعضها..قوليلى ان انا ورد مش ليالى..قوليلى انك كدابة..اتكلمى ساكتة ليه؟
شويكار بعياط:لا انتى ليالى..ليالى بنتى..انا اسفة انى حطيت نفسى وحطيتك معايا ف الموقف دة..بس صدقينى اللى عملته دة لمصلحتك..انتى كنتى هتضيعى منى..كان لازم ابعدك عن القصر دة علشان احميكى...احميكى من الموت
ورد ب انهيار:كدابة كل اللى بتقوليه دة كدب..وتحمينى من الموت مش كدة..مين دة اللى هيموت طفلة..ليه يارب كدة..انتى مش متخيلة حجم الذنب اللى ارتكبتيه ف حقى..انتى متخيلة انا بفكر ف ايه دلوقتى..حرام عليكى ياشيخة ليه.
شويكار قامت وفضلت تهز فيها بعنف وقالت:صبرى كان عايز يقتلك وهددنى بكدة اجر رجالته علشان تخطفك وتقتلك ويدفنوكى ف مقبرة محدش يعرف عنها حاجة بس انا عرفت وهربتك قبل م رجالته توصلك ولما واجهنى قولتله انا قتلتك ب ايدى كان شاكك فيا وفضل يدور عليكى كتير لحد م ياس انه يلاقيكى بس الحمد لله خليل دة اتبناكى قبل صبرى يوصل للملجا كنتى عاوزانى اعمل ايه؟! اسيبك تروحى منى.. كان لازم اضحى بوجودك ف حياتى علشان خاطر حياتك انتى..ومكنتش عاملة حساب لاى حاجة..بس الحمد لله انتى معايا اهو وكويسة كمان.
ورد بعياط وحسرة:كويسة هههههههههه انا كويسة هههههههههههه وانتى امى ههههههههه والله معرف اضحك ولا اعيط افرح ولا احزن مش عارفة حاجة غير انى عمرى م هعتبرك امى...علشان انتى فعلا مش امى...ومفيش اب يقتل بنته يعمل كدة ليه ها؟! طب م هو بيحب رضوى يمكن اكتر من وليد...وليد
وهنا عيطت بحرقة اكبر وقالت:وليد يبقى اخويا..اخويا انا
شويكار:ايوة ياليالى
ورد بزعيق:متقوليش ليالى انا اسمى ورد وبس.
شويكار طلعت التحاليل وقالت:اهى التحاليل اللى تثبت انك بنت صبرى لو مش مصدقانى روحى ل اى دكتور وهو هيقولك الحقيقة..والصور اللى انتى شوفتيها دى اكبر دليل ع انى بقولك الحقيقة..انا قولتلك علشان ابتدى اعملك الاجراءات واطلعلك بطاقة ب اسمك الحقيقى..واعوضك عن كل حاجة مريتى بيها
ورد بعياط:انا عايزة اخرج من الاوضة دى حالا..انا دلوقت ف حالة مخليانى مش عارفة حتى انى افكر..ابعدى عنى ارجوكى
شويكار بعياط:ليالى انا
ورد:ارجوكى متقربيش..خلينى امشى ومش عاوزة اتكلم معاكى..انتى متعرفيش انتى خلقتى جوايا ايه؟! ف فرق بينى وبين رضوى ووليد مش هيتقبلوا ان ليهم اخت..هحس بنقص طول م هما معايا..عمرى م هعرف احس انهم اخواتى..ربنا يجازيكى ع اد نيتك.وخرجت تجرى وسايبة شويكار بتعيط وندمانة علشان قالتلها الحقيقة وهى بتجرى خبطت ف صدر وليد
وليد:ايه يابنتى..انتى موعودة بيا ولا ايه؟!
ورد فضلت تبصله بصات هو مش متعود عليها منها فضلت تعيط بطريقة خلت قلبه يوجعه وفضلت تملس ع وشه وهى بتقول:وليد..وليد
وفجاه وبدون مقدمات اغمى عليها بين ايديه
وليد بصريخ:ورد
ف اوضة نسمة وحيدر
نسمة:بصراحة ياحيدر انا مش حبة ارجع الفلة خالص..قلبى مقبوض معرفش ليه
حيدر:طب هخش الحمام اخد دوش سريع كدة بعد كدة هجيلك تانى..معلش يانسمة اكوى الهدوم بسرعة علشان رايح ع القسم
نسمة بخوف:وهتسيبنى لوحدى
حيدر قرب منها وباس خدها وقال:عمرى م هسيبك غير وانا رايح ع قبرى.
نسمة ضربته ف صدره وقالت:بعد الشر عليك..ليه بتفول ع نفسك كدة..ربنا يبارك ف عمرك..انا اقصد يعنى مش المفروض تطمن ع وضعى وانا هناك بعد كدة تروح الشغل
حيدر:متخافيش يانسمة..ولو ف حاجة حصلت انا معاكى..هما مش هياكلوكى..وانا مش همشى غير وانا مطمن عليكى..خلى عندك ثقة فيا
نسمة:ماشى ياحيدر..خش انت خدش دوش..وانا هكوى الهدوم
حيدر باس راسها وقال: تمام
دخل الحمام وهى بتكوى الهدوم سمعت صريخ وليد وهو بينطق ب اسم ورد قلبها وقع من مكانه وجريت وهى بتقول:ورد..مش معقول ايه اللى جابها هنا؟! معقولة تكون هى؟!
ف اوضة شويكار
شويكار بعياط:وليد لازم نجيبلها الدكتور..هى ليه مش عاوزة تفوق
وليد بقلق:مش عارف ياماما..ادينى بحاول افوقها اهو
طق طق
حسين:ادخل
نسمة دخلت واول م شافت ورد جريت عليها بخضة وحضنتها وهى بتعيط وسط استغراب الكل
وليد بلع ريقه وقال:نسمة. النقاب
نسمة مش واخدة بالها اصلا من كلام وليد وعمالة بتفوق ورد وتقول:ورد..ورد فوقى..انا نسمة ياورد...مش معقولة ك انى قلبى حاسس انى هشوفك لما حلمت بيكى امبارح..ورد انت سمعانى
ورد فتحت عينها ببطء وبصت ع نسمة واترمت ف حضنها ك انها مصدقت لقت الحضن دة علشان تعيط فيه
نسمة فضلت تعيط ع عياطها وهى مش فاهمة حاجة.
وليد حس انه تايه وموقف ورد تجاهه مخليه مش عارف يركز وخايف حيدر يخش يلاقى نسمة من غير نقاب وهو واقف يضايق فقرر يمشى
وليد:عن اذنكم
والصدمة ان ورد مسكت ايده قبل ميمشى وهى لسة ف حضن نسمة
وليد بص لايده وبصلها بحيرة ومعلقش..بعد ايده عنها وكمل طريقه
شويكار:انتوا تعرفوا بعض؟!
نسمة:ايوة كنا جيران ف البيت اللى ساكنين فيه..اتربينا مع بعض
شويكار بتفهم:تمام...يلة احنا ياحسين نسيبهم مع بعض شوية
حسين:يلة ياشويكار
ف الصالة
حسين:لا انتى فعلا مش معقولة..ايه اللى خلاكى تقوليلها...هو احنا ناقصين مشاكل؟!
شويكار:مقدرتش باحسين اشوفها قدامى ومقولهاش الحقيقة..كان لازم تعرف وهى اللى تقرر تاخد حقها ولا لا؟!
حسين:مش فاهمك...حق ايه اللى تسكت عنه؟! ورد هى ليالى غصب عن الكل..وطالما عرفت لازم تبتدى اجراءات اثبات النسب
شويكار:مش راضية ياحسين..قالت انها مش عايزة حاجة
حسين:لا دة من الصدمة بس مش اكتر..انتى غلطانة..مكنش ينفع تقوليلها..الا لما نعرف صبرى الاول
شويكار بخوف:لا صبرى مش هيتقبل ليالى ياحسين...انا خايفة عليها منه...احنا لازم نعمل الاجراءات من وراه بعد كدة نحطه قدام الامر الواقع..ونخليه ميقدرش حتى انه يعترض
حسين:بس دة ريسك انا مش اده..الله اعلم لو صبرى عرف انى ساعدتك ف الموضوع دة ايه اللى ممكن يحصلى
شويكار:خايف
حسين:انتى عارفة انى مش بخاف من حاجة..وانى مستعد اعمل اى حاجة علشانك
شويكار بتوتر:احم..تمام ياحسين...هو انت مش المفروص هتسافر كفر...علشان المزاد
حسين:لا مش هسافر.. علشان كريم من ساعت م خرج وانا قلقان عليه مش هعرف اشتغل..ف بعت مندوب ب اسمى واتفقت معاه كل جديد بيحصل يبلغنى بيه
شويكار:ربنا يطمنك عليه
حسين:يارب ياشويكار
ف اوضة حيدر
فضل ينادى ع نسمة بس مش لاقى اجابة خرج من الحمام وهو لافف منشفة حول خصره دور عليها ملقهاش ولمح النقاب ع السرير ف عرف انه خرجت من غيره شد ع ايده جامد واتعصب اوى لمجرد انه تخيل ان وليد او كريم او حتى عمه شافها من غير نقاب
حيدر بصريخ:نييييييسماااااااة
نروح ل ورد ونسمة
نسمة بصدمة:يالهوى...يعنى انتى مش بنت عمى هايل وطنط احلام؟!
ورد بعياط:لا انا بنتهم هما يانسمة..انا البنت اللى اتربت ف الملجا..ومين اللى حطها امها..بتقولى انتى حتة منى...هى لو بتحبنى..كانت تعمل فيا كدة..قلبها طاوعها..وايدها طوعتها انها تسيب بنت مكملتش شهور ع باب ملجا..ايش ضمنها كنت ممكن اتباع لناس وحشين ويحصل اكتر من اللى حصلى دة ميت مرة
نسمة:اعذريها ..واحمدى ربنا انه عترك ف اهلك بعد كل السنين دى...وطالبك بحق وعوضى تمن الذل اللى عيشتيه
ورد:مش سهل عليا اسامح ووليد انتى متعرفيش علاقتى بيه عاملة ازاى..دة بيكرهنى اوى ومستحيل يتقبلنى ك اخت ليه
نسمة:سبيها ع ربنا..وهو هيحلها من عنده
ورد:يارب يانسمة...بس انتى احلويتى كدة ليه يابت انتى
نسمة بصت ع نفسها لقت انها مش لابسة نقاب قامت بفزع وقالت:يانهار اسود
وف نفس اللحظة سمعت صريخ حيدر..جسمها اتتفض وجريت ع اوضته وهى بنتطق الشهادة
ف اوضة حيدر
طراااااااخ
نسمة بصدمة:انت ضربتنى ياحيدر
حيدر شد دراعها جامد وقال بحدة وغيرة: احمدى ربنا انى ضربتك بالقلم مش كتفتك ع السرير وامدك ع رجلك كمان زيك زى العيال الصغيرة وكمان علشان بس تكون ختمتها حلو اضربك بالحزام كمان علشان الغلطة مش هينة نسمة بعياط:والله م خت بالى
حيدر بعصبية:نسمة بطلى حرقة دم وبلاش تعصبينى زيادة...قوليلى مين شاف وشك؟!
نسمة بلعت ريقها بخوف وقالت بكدب:محدش
طرااااااخ
نسمة بوجع:ااااااه
حيدر بحدة:هتصومى تلت ايام علشان كدبتك دى..وبردو هتقوليلى مين شاف وشك؟!
نسمة بعياط:وليد
وجريت ع الحمام بسرعة قبل ميتهور ويضربها للمرة التالتة
حيدر جرى وفضل يخبط جامد برجله ويقول بحدة:اقتحى يانسمة خلى ليلتك تعدى ع خير
نسمة:احلف الاول انك مش هتضربنى
حيدر بزعيق:نسمة افتحى بلاش شغل العيال دة..تعرفى لو مفتحتيش انا هخرج من الاوضة وورقتك هتكون ف ايدك..وانا مش بهدد يانسمة بلاش اوريكى وشى التانى
نسمة فتحت بخوف وعينها ف الارض هو شدها من شعرها ليه وووو.
ف الصالة
شويكار:ايه الاكل اللى ف ايدك دة يادولت؟!
دولت:دة ل ورد البت ياحبة عينى مكالتش من الصبح وهى ضعيفة محتاجة تتغذى
شويكار:طب هاتى الاكل وانا هطلعه لورد
دولت بصدمة:حضرتى عايزة تطلعى الاكل لورد بنفسك...بجد ياحظها ياهناها..دة اللى بتحبيه يابخته..هى ايه الحكاية بالظبط؟!
شويكار:بطلى حشر ياست انتى ههههههههه وهاتى الاكل خلينى اطلعه للغلبانة اللى فوق..بس يارب تسمع كلامى وتاكل
ف اوضة حيدر ونسمة
نسمة بخضة:لا ياحيدر انت عايز تمدنى بجد ع رجلى...انت بتعمل ايه؟! لا ونبى ياحيدر علشان خاطرى بلاش
حيدر:متقوليش ونبى دى قولى بالله عليك احسن..من حلف بغير الله فقد اشرك..لا انتى فعلا محتاجة تتمدى علشان تعرفى دينك صح
نسمة بخوف:والله ياحيدر انا لما سمعت صريخ وليد اتخضيت خصوصا لما صرخ ب اسم ورد..خوفى ولهفتى عليها نسونى حتى نفسى..حموزتى وغلاوتى عندك عديها
حيدر:مين ورد دى ان شاء الله؟!
نسمة:دى بنت عم...احم احم دى صاحبتى وتربينا سوا ف البيت عندنا وبقالى فترة مش بشوفها..كانت حالتها صعبة كان لازم ابقى جمبها
حيدر بحدة وغيرة:ولو بردو لازم تتربى علشان تبقى تاخدى بالك بعد كدة...ازاى تطلعى من غير النقاب وكمان وليد شافك..اه يانارى..دة انتى نهارك مش فايت معاك السعادى يابنت عمى
حيدر نيم نسمة ع ضهرها وخلاها ترفع رجليها ومسكها جامد وبدا يمدها بجد وهى عمالة تعيط من الوجع ومن صدمتها من اللى عمله
خلص ورمى نفسه ع السريؤ وفضل ينهج جامد لان مدها حوالى 30 خبطة ف رجلها..بص عليها لقاها بتعيط ومغمضة عينها بوجع..قلبه رق ليها وقال:حظك ف الاوضة هنا فيه علبة اسعافات.
قام وجاب علبة الاسعافات وهو حاسس بندم ان عمل ف حبيته كدة بس هى كانت لازم تعرف غلطها وتتعاقب عليه
جاب كرسى وقعد عليه قدامها وقال:اقعدى بدل منتى نايمة ع ضهرك كدة
نسمة بوجع:اااه يارجلى..امشى ياحيدر..مش عايزة منك حاجة
حيدر:اخر مرة هقولها .اقعدى
نسمة قاعدت وهى حطة وشها ف الارض..اتصدمت لما لقت حيدر بيشاور ع رجله وبيقول:حطى رجلك هنا خلينى احطلك المرهم
نسمة بكسوف:متتعبش نفسك..هات المرهم وانا هحطه.
حيدر بتحذير بصلها وقال:نسمة
نسمة سمعت كلامه وهو ابتدا يحطلها المرهم وهو بتبصله بحب
حيدر:اسف..بس انتى اللى عصبتينى...انا بعتذر بس علشان رجلك فعلا بقت حمرا
نسمة:البركة فيك
حيدر:متخلنيش اقولك تستاهلى
طق طق
حيدر بصوت عالى:مين
الخادمة:استاذ حسين بيقولك..والدك ووالدتك طالبين يشوفوك ف الفلة
حيدر:تمام..روحى انتى
الخادمة:تحت امرك يابيه
حيدر بص لنسمة وقال:يلة علشان هنروح..ومش عايز اى كومينت خالص
نسمة:متخلينا هنا احسن ياحيدر.
حيدر:الظاهر ان سمعك تقيل ومحتاج يتظبط..حبيتى انا مينفعش اكسر كلام والدى...دة جى لحد عندى..والصراحة انا عارف انه ممكن مكنوش راضيين ع اللى بيحصل دة وبيعملوا غصب بس دة موقت وان شاء الله مع الوقت كله هيبقى كويس
نسمة:انا خايفة يكونوا بيفكروا ف حاجة وحشة..انا مش هعرف اتصرف مع والدتك لو هى فضلت تجر شكلى
حيدر:انتى متفاءلة اوى كدة ليه يابت انتى؟! يلة بسرعة اجهزى خلينا نمشى
نسمة:حاضر ياحيدر
ف اوضة ورد
ورد فضلت تعيط بصمت وفجاه لقت نفسها بتغنى بحرقة
والدنيا عليها
والفرح ياعينى بيتعدوا ع صوابع ايدها
دايما تلاقيها
دة ف عز المر يكفيها دقايق تسعدها
عاشت بين ناس ملكة ع الارض
ياما فرحت نجحت ضعفت وقفت ياما قابلت ناس
ع اد م سمعت كلمة حب ياناس عمرها يتقاس
مبتشتكيش للدنيا لا للشاكى مبتشكيش
م قالتش اه ب العكس بتحب الحياه وتعيش
دة الوقت خاين واللى بيفوت منه مبيرجعش
مين فينا راكب جوة قطر محطته م بتمشيش
طق طق
ورد مسحت دموعها بسرعة وقالت:ادخل
شويكار دخلت..وورد اول م بصتلها جاية تقوم بس شويكار قالت:لا خليكى مرتاحة انا جيت ومعايا الاكل
ورد:مش عاوزة اكل حاجة..انا اصلا هقوم.. انا معرفش ليه وليد جابنى ف الاوضة دى
شويكار راحت وقعدت جمبها وقالت:تعرفى انا لو كلتى هقولك وليد عمل ايه لما عرف انك بعدتى عن البيت ومش هترجعى تانى مش بس هو لا هعرفك كريم عمل ايه كمان
ورد بفرحة قامت وقالت:طب قوليلى بسرعة مستنية ايه؟!
شويكار:وانتى بتاكلى.. انا هقولك
ورد:حاضر
ورد كلت ومستنية شويكار تتكلم وفعلا اتكلمت
ف اوتيل ما
كريم بحدة:فين ابنى يا***** انطقى؟!
تسنيم بخوف:مالك نايم جوة
كريم:لمى شنطتك وصحية علشان هتيجى معايا
تسنيم:لا انا مش عاوزة اروح معاك...انت انسان مريض ويستحيل اخليك تاخد ابنى منى
كريم شد شعرها وقال بزعيق:انتى لو مجيتيش معايا هاخد ابنى غصب عنك وانتى هتكونى ف عداد الاموات..اسمعى كلامى والا هندمك ع اليوم اللى امك فكرت فيه انها تجيبك ع الدنيا...سامعة
تسنيم زقته جامد وقالت:انا مش خايفة..واللى عندك جيبه وابنى مش هتاخده منى..الا وانا ميتة
كريم:انتى اللى قولتى..قابلى بقا
ومرة واحدة صوب مسدسة عليها
كريم:هعد من واحد لعشرة لو منفذتيش كلامى المسدس هفرغه ف دماغك وهو مفيهوش صوت ومستعد اتعدم قصاد حياتك
تسنيم بخوف:انا هروح معاك بس بشرط..اعمل اللى انت عاوزه فيا..لكن ابنى لا...صدقنى ممكن اقتلك لو خدشته خدش واحد..فاهم
كريم بسخرية:فعلا..ونعم والامومة..نفذى يلة.
ف اوضة ورد
ورد قاعدة وع وشها ابتسامة هادية وهى بتفتكر كلام شويكار ليها
انا لما حملت فيكى كنت تعبانة اوى وكريم صمم انه يكون معايا وميسينيش ..ولما ولدتك وشافك قال انا استنيتك ليالى..يعنى هو اللى سماكى
ووليد كان مبسوط اوى بيكى ولما حصلك اللى حصل فضل يصوت ويصرخ وسخن جامد ولما كبر فضل محتفظ بصورتك لحد دلوقت ياورد
ورد:وليد انا مش هسيبك الا لما ينصلح حالك..ودة وعد منى ليك باذن الله
ف اوتيل ما
مالك وهو بيفرك عينه:مامى..احنا راحين فين؟!
نسنيم:احم..اوم ياحبيبى علشان هناخد شاور ونمشى من هنا علشان بابى مستنينا
مالك بفرحة فضل يتنطط ع السرير ويقول:بابى هنا.. بابى هنا بجد..انتى مش قولتى مسافر ومش راجع خالص؟!
نسنيم:لا ياحبيبى هو رجع
مالك جرى وهو بيقول:فين عاوزة اشوفه؟!
تسنيم:مالك...مالك استنى
مالك شاف كريم ونادى عليها..كريم لفله بلهفة وجرى خده ف حضنه وشد عليه جامد وهو بيعيط..فضل يبوس فيه ف كل حتة وعمال يعيط بطريقة خلت مالك يخاف منه..وتسنيم بتبص عليه ب استغراب وندم علشان بعدته ع ابنه طول السنين دى
مالك:بابى حضنك بيوجعنى اوى
كريم بعد عنه وقال:معلش ياحبيبى..انا وحش..سامحنى..بس علشان انت وحشنى اوى...ليه بعدت عنى يامالك؟! ليه؟!
مالك:انتى اللى بعت يابابى..مامى قالت انك سافرت ف شفل ومش راجع لينا تانى خالص
كريم بص ع تسنيم بحدة ووعديد وبعد كدة بص ل ابنه وقال
هى غلطت ياحبيبى..هى متعرفش ان الكلام اللى قالته دة هيخليها تقع ف مشاكل..تعالى علشان تشوف جدك علشان بجد هيفرح اوى لما يشوفك
مالك:وعاوز شكولا وايس كريم علشان مامى مش بتجيبلى
تسنيم بحدة:مالك
مالك: ايوة يامامى والله عارف اسمى مش مستاهلة تنادينى بيه
وهمس ف ودن كريم وقالت:بتزعق كتير ومش بترضى وبتقول انت بتعيا ومناعتك ضعيفة بس انا والله زى القرد وبحب الشكولا قااااااد البحر
كريم ضحك وبعد كدة شاله وقال:انا هنزل تحت..وانتى حصلينى.
جاى يمشى بس تسنيم وقفته وقالت:رايح فين؟! انت بتضحك عليا علشان تاخدوا منى وتهرب
كريم:انا مش زى ناس..انا تحت ومش هتحرك الا وانتى معايا علشان ف حساب لازم نصفيه..يلة ياحبيبى
مالك حضنه وقال:يلة يابابى
تسنيم بلعت ريقها بخوف وقالت:دة عرف مكانى ازاى..انا حتى اهلى ميعرفوش انى جيت ع مصر..مفيش غير جورج..معقولة يكون هو اللى قالوا...ماشى ياجورج والله هوريك..بقا اقولك ع سرى علشان تشوفلى اوتيل كويس..تروح تقول ل كريم...تمام...انا لازم اقف ف وشه ومخفش...ومش هسيبه غير لما يطلقنى.