رواية حكمنا الهوى حلقات خاصة للكاتبة الشيماء محمد كاملة
رواية حكمنا الهوى هي الجزء الثاني من رواية جانا الهوى للكاتبة الشيماء محمد.
لقراءة الجزء الأول جانا الهوى
لقراءة الجزء الثاني حكمنا الهوى
لقراءة الجزء الثالث عاصفة الهوى
والآن نترككم مع اقتباس من الحلقات الخاصة.
جاب الحاجة من اليخت وبعدها دخل الأكل اللي محتاج تلاجة كله واستوعب كمية السناكس اللي همسته جايباهم ولقى نفسه بيبتسم للطفلة اللي اتجوزها ، دخل بعدها شنطهم أوضة النوم كانت همس فعلا نامت، غير هدومه بهدوء ، فتح الستارة الكبيرة اللي بتطل على حمام سباحة كبير وخرج عنده وعجبه منظره وحجمه وعجبه أكتر ان البحر وراه كخلفية جميلة ، قعد جنبه بس لاحظ ان في ناموس فبص ناحية همس وقام من مكانه بيفكر يعمل ايه لانه ساب الباب مفتوح ؟ فرد الستاير اللي حوالين السرير اللي اكتشف انها علشان تمنع الناموس عن السرير ، بعدها خرج تاني يتمشى تحت ضوء القمر وعجبه المكان جدا لانه أجمل بكتير من الصور ، جزيرة صغيرة مافيهاش غيرهم ، كل حاجة كلوحة مرسومة حتى النخلة المايلة اللي مربوطة فيها مرجيحة وسط الميا ، اتمشى على الممر اللي واصل لنص الميا واكتشف ان آخره قعدة على الأرض أو ممكن نعتبرها سرير وسط الميا ، ابتسم وتخيل الليالي اللي هيقضيها مع همس عليه ، ده إذا صحيت وسهرت معاه !
طلع موبايله يشوف في شبكة ولا لا بس مالقاش شبكة نهائي وهنا حس بالعزلة التامة عن العالم كله .
رجع تاني علشان همس ودخل البيت يطمئن عليها وبعدها خرج الصالة فتح البلكونة اللي بتطل على البحر مباشرة نزل سلم البلكونة وآخر درجات فيها كانت في الميا ، قعد عليها باسترخاء تام ماقدرش يقاوم الميا فقلع التيشيرت بتاعه ورمى نفسه وسط الميا، قد ايه بيعشق نزول الميا في التوقيت ده و بيعشق الصمت ده .
همس صحيت واستغربت هي فين وايه الستاير اللي حواليها دي كلها ؟ اتعدلت وبصت للموبايل ، نامت ساعة كاملة فقامت من مكانها واستوعبت أخيرا هي فين
بصت لشنطتها فتحتها وطلعت فستان ، غيرت هدومها وبصت للمرايا وطلعت الميكاب بتاعها حطت لمسات بسيطة، وخرجت بعدها تشوف سيف فين ؟
شافت بلكونة الصالة مفتوحة فخرجت واكتشفت انها بتطل على البحر مباشرة ، عجبها السلم اللي نازل للميا وشافت تيشيرت سيف ، بصت للميا بس ماشافتش حاجة فنادت عليه ورد من أول مرة .
سمعته بيقولها : ما تيجي عندي.
فصول رواية حكمنا الهوى حلقات خاصة
- رواية حكمنا الهوى حلقات خاصة للكاتبة الشيماء محمد الفصل الأول
- رواية حكمنا الهوى حلقات خاصة للكاتبة الشيماء محمد الفصل الثاني
- رواية حكمنا الهوى حلقات خاصة للكاتبة الشيماء محمد الفصل الثالث
- رواية حكمنا الهوى حلقات خاصة للكاتبة الشيماء محمد الفصل الرابع
- رواية حكمنا الهوى حلقات خاصة للكاتبة الشيماء محمد الفصل الخامس والأخير
تمت