قصص و روايات - قصص رائعة :

رواية الأنباري وزوجاته الأربعة للكاتبة زهراء أمجد الفصل العشرون

رواية الأنباري وزوجاته الأربعة للكاتبة زهراء أمجد

رواية الأنباري وزوجاته الأربعة للكاتبة زهراء أمجد الفصل العشرون

أيا عشقاً سَكَنَ فؤادي وأقتحم
الروحُ والنبضُ
أيا هياماً همتُ بهِ ولامس جوارحي
والقلبُ
أيا عيناي أرى بهما ولا أراهما
أيا بعيداً أستحوذَ على القلبُ والعقلَ وراهمهما
كدتُ أنسى نفسي بالحديثِ عنهما
عنهما..القلبُ والعقلَ الذي راهمهما
الروحُ والنبضُ الذي أقتحمهما
أأنتَ ملاكاً أم بشراً مثلنا
الناس للناس وأنتَ لنا...

القلبُ والعقلُ وأنا
هل تسمح لنا ؟!!!
بأن نأَخذُ قلبُكَ وعينُكَ وما بهما
بأن نحضنُ روحنا ونخالطهما
فيا سيداً عشقتُكَ حد المُنى
ياأنساناً سَكَنَ بي وأنتمى
يامرضاً لازَمني وغيري لم يهوى
أأنتَ ملاكاً أم بشراً مثلنا!
أحببتُكَ وأحببتُ قلبُكَ وعَينيكَ ومابهما
فهل تسمح لي بأن أسكنهما؟!...

نشرت قبل ساعه بارت تكمله لبارت ١٩ شوفوه حته لدكولون شو نقص بلاحداث خاف واحد طفر عله بارت ٢٠ ومقاري تكمله ١٩ ارجعو اقروه...
بعد مرجعني محمد وبابا كال وين تعشينه
كتله لفات همبركر وع الشط.
ماتو من الضحك
كال يعني هاي فرحة محمد لان ما مخسرته شي
كتله اي
خلي نجهز بيتنه بعد وانه ماقبلت كتله نكعد وي اهلك. وهو ما مصدك لحد هسه ههههههه..

باسني بابا براسي وكال عفيه بابا بهل لحضه. نزلن دموعي وكلت ياترى بصباحية عرسي راح يبوسني هيج بابا ويرفع راسه لو راح يصير العكس.
بس نذر عليه اذا صار هيج الا اجي لمنطقتنه وأوزع جكليت ع المنطقه واخذ جكليت وأروح البيت عمي وارفع راسي بكل فخر.
عدت الايام ومحمد حبه كل يوم يزيد بداخلي وهو جان يريد يشوف محاولتي اني اصير قويه وما ابجي.
اذا جابت نتيجه اول لا ف اتفق وي امه تتعارك وياي.

وضلت ست غسق ادور ع حجه. وآخر شي عرفت شنو نقطة ضعفي ههههه واحنه رايحين للمدرسه
كالت ست غسق ترى صايره كلش انتي لبسج مدري شلونه كله ضيك ومخصر مو مثل قبل مؤدبه هاي خطوبه وهيج جا اذا عرستي شسوين
مها: - كتله العفو ست بس الضاهر انه سمنانه لان والله ملابسي نفسهن واذا ع أدب والاخلاق بعد انه صرت براس ابنج والي يزحزح شويه من قيمته لا والله ما مقبوله منه انوب اني.

انتي بس كوليلي شنو النقطه الغلط واني اصححه والانتقاد بناء مو عبالج ازعل ابد والله بلعكس انتي وماما واحد
 وجان تباوع عله محمد وكالتله بعد كافي ما اتحمل شوف الحجي العسل هههههههه
وصلنه ست غسق للمدرسه كال محمد هسه عرفت شكد تحبيني بكد ما لاحظت انج ما بجيتي من حاجتج امي...
وصلنه للمدرسه ومن رجع ياخذني كال احسبي حساب او ما تبلش العطله نزوج ع طول
مها: - كتله الله كريم والسادس شلون خلي اكمل السادس ونزوج..

محمد: - انتي من كل عقلج نكمل السادس سوه اني ادرسج اريد معدل يرفع الراس
كتله اوك الباقي ع ماما هي وأمك ويتفقون خلي يجيني الصافي...
وفعلا قرب موعد العرس وماباقي غير 10ايام بلضبط...
واني احس روحي مجرد جسد يتنقل ويجاوب ع الاسئله فقط حته محمد كال احسج ما فرحانه كتله بلعكس والله انه اشوف نفسي اسعد إنسانه بس الخوف والتوتر مسيطر عليه عادي مشاعر كل عروس
محمد: - اوك بس ماكو داعي تخافين واني وياج...

مها: - ماشي وحاول استجمع نفسي و اسيطر ع مشاعري وكلت خلي افرح. هيه شباقي بيه بس كتبت رساله وانطيته الزوجة اخويه محمد.
وكتله هاي امانه عندج اي شي يصيرلي تنطينه لمحمد وماما وبابا كالت خوفتيني شنو الي بالرساله كتله ماكو شي لا يضل بالج بس امانه هل رساله ماتنفتح غير من بيد محمد.

كالت اوك امانتج بالحفظ وعشت احلى خمس ايام وانه بعدني ما مجهزه نفسي غير حاجزه الصالون والبدله. وطلعت للسوك وسوكت وانه مليانه ايجابيه.
وتفائل ولا عبالك وراي موت. وكملت كلشي ب3ايام وباقي يومين. صدك شرطت يكون الزواج يوم الاثنين ههههههه حبيبت يكون نفس اليوم الي اموت بيه ههههه...

باجر العرس وانه ومحمد اتفقنه انو ما نتخابر ولا نتراسل لحد ساعة الزفه بس محمد ما كدر يتحمل وكل شويه يتصل حته بديت اقلق خاف اكو شي
 اجاني اخوي محمد ليش ما جاي تريدين محمد جاي يتصل عليج كتله ما اعرف يمكن تلفوني صامت
كال جاوبي الشغله ضروريه حرگني حرك
 كتله ماشي اني راح اخابره ولزمت المبايل لكيت رساله منه جاوبي امر ضروري. خفت كلش وخابرت كتله شكو
محمد: - اشتاقيتلج مهاوي... حبيبتي
مها: - خرب محمد شسويت بيه نشفت دمي من اجه اخوي محمد اجه وانته داز رساله كلت اله صارلك شي.

محمد: - يعني شنو يصير وخفتي هيج. شبيج انتي دووووم خايفه وقلقه
مها: - شسوي هذا طبعي كبل اخاف لا تعيده فدوه لان عله يوم انجلط من وره وشالفك شلوون يوم عيد ميلادي...
محمد: - صار تدللين يا عروستنه. اي صدك نسيت اكلج شنو اخبارج كلشي تمام
مها: - كلشي تمام
محمد: - بما انو اليوم اخر يوم اعزوبيه عندي فد مقترح اريد اكولجياه...

مها: - تمام كول شنو مقترحك استاذ محمد...
محمد: - عود ردت اخابر صديقاتي اقصد حبيباتي قبل اتوادع وياهم شدكولين بما انو اخر يوم عزووبيه...
مها: - كتله ايي ليش لا خابرهن وروحلهن
محمد: - ها هيج
مها: - ايي هيج بس كلمن بطريقه احسن انه ماحب اكون بديل اريد ابقى دووووووم الاساس
محمد: - هو منو يكدر يخليج غير هيج انتي دووووووووم راح تبقين الاساس والبديل ثنينهن يعني لو هل مركب لو ما اركب...

مها: - مممممم لهل درجه انه غاليه عندك
محمد: - هاي قليله تدرين عله كد ما احبج عندي استعداد اغير كل افكاري ومعتقداتي في سبيل ابقى وياج وما اتركج لحضه تدرين عندي استعداد ابقى وياج حته لو انتي ما تحبيني يكفي اشوفج كدامي...

ابوج بالفتره الي كال اخوي سيف او اياد يوصلونج بدال كلش ضجت مع انو انه ردت هذا الشي بس ماتخيلت بعد ما تعودت عليج اتركج
جنت كل يوم. اجي وياهم وانزل شويه عنكم في سبيل اشوفج من بعيد خبلتيني وماخليتي عقل براسي
كتله الله يحفظك الي ومايفرقنه ويخليك سند وعوزه الي وهسه لازم اروح اكمل تجهيزاتي عندي هواي شغل.

وانته هم روح ارتاح باجر ورانه تعب من الصبح لليل كال اوك يعمري احبج باي
كتله باي بس وره هل مكالمه انفجرت بجي
بس اطمأنيت شويه من كلامه كلت بلكي الله يفرجه عليه ويوكف محمد بضهري ومايخذلني اكثر من الخيبات الامل. الصارت
في مكان اخررر ايه...

مر على زواجنا ٤ اشهر عمتي نفس الشي تزيد متنقص عليه اجت كلتلي
عمتي: - ايه صارلج اربعه اشهر ما بين عليج شي
ايه: - كتلها مثل شنو عمه
عمتي: - ما حبلتي شنو
كتلها مادري مخليتها وره رب العالمين
كالت خوش حضري روحج العصر
اووف كتلها ماشي ارد اشوف حجتها كلت لمعتصم..

كال ليش ترحين من كل عقلج خليها وره رب العالمين كتله ميخالف ارد اشوف رحت وياها العصر سوتلي سونار وتحاليل شافتني كالت ماما سليمه كلشي مابيج
تحسرت كتلها متاكده دكتوره كالت ماما صارلج شكد متزوجه كتلها اربعه اشهر كالت صدك تحجين عبالي صارلج سنين هي شافت عمتي عرفت منها كالت لتلعبون بيها سليمه وبويضاتها زينه..

كالت عمتي خوش كوميلنه انتي رجعنا البيت وهي ضايجه كتلها عمه شبيج وياي كلشي وكلتي صوج منج وصوج منج عيب هل حجي بينه اني ورجلي يجوز منريد جهال هسه ليش هيج تصرفين
تم معتصم: - شنووو عيني متريدون جهال اريد اشوف جهال معتصم قبل لا اموت اني
كلت بقلبي كلشي مبيج كتلها عمه الي كاتبه الله يصير رجعت الغرفه فتحت الباب حيل كتله خلللص لهنااا وكافي مو شوفني ما عدي احد ساكت لامك الى متى اصبر معتصم صارلي اربع اشهر وراح نطب الخامس صح ممقصر وياي وتحبني واحبك بس كافي امك مفشلتني ما شكيت بيوم من الايام كافي
كمت اعيط وصيح فقدت كلي اهدي حبيبي شبيج كتله وخر معتصم وخر.

شبيج مترديني اكرهكككك ما احبك وخر عنننني فجاه احس شي اسود ع عيوني ما حسيت بشي بعد كعدت معتصم يمي بحضنه اني ايو يعمري اسف والله اسويلج حل بس كومي الله يخليج راح اموت.

ايه: - شكو هوه حضني ايو صارلج ساعتين ماكو اكعد بيج تفتحين عيونج وتردين مغمضتها شبيج يعمري هيج مأذيتج امي محاجيتلي سكتت
كال احجيلي حجيتله من اول يوم صار بيه لحد لمن خذتني دكتوره كالي لتخافين حبيبي والله جاي ابني بالعرصه شويه شويه ما اريد احد يساعدني ابد
سكتت كتله ماشي هاي هي نمت بعدها كعدت صبح من نوم مالي خلك احد ضليت بالفراش مختنكه كمت ابجي بذاك الوقت محتاجه ابجي حيل تاذيت ومدري شبيه صخنت ونمت احس شي بارد ع راسي معتصم وخر حباب اديك بارده.

معتصم: - كومي
ما كدرت اكوم شالني نزعني ملابسي كتله لا كلي مو محل خجل حطني بالمي سبحني واني ارجف نشف جسمي ومشط شعري ونومني حسيت وجع جسمي خف شويه باوعتله بعيون ذبلانه
معتصم: - الخدود ذبلانات من تزوجنا لحد الان ايه اني مقصر وياج ادري شبيدي عليج يروحي والله تعبان حيل ما اكدر اشوفج بهل حال وما اكدر اسوي شي سكتت انيي رجعت نمت.

ثاني يوم عمي صعد الي يتحمد بسلامه الي اريد اكوم امشي ما اكدر امشي كمت ابجي هاي ليش هيج صحت معتصم اجه يركض ها حبيبي
كتله مجاي اكدر امشي كلي لتخافين اثر صخونه اجه دلك رجليه كمت شويه شويه امشي بس بوجع ارتاحيت شويه همزين هيج ولا غير شي نزلت لكيت عمتي تعبانه.

كلت شبيها هاي ما سلمت عليها خليها مالي خلكها عافوني براحتي كلتلي الحمد الله على سلامتج
كتلها الله يسلمج شويه وصعدت فوك جوعانه وره شوي معتصم جابلي همبركر يدري بيه احبه ابتسسمت حضنته كتله اي اجت بوكتها
معتصم: - هذني اريد يسمنن ع خدودي نفخت بوجهي كتله سمنن باسني بشفتي اني دنكت
معتصم: - ولج صارلي هواي وياج لسه تخجلين مو كلشي شفنه.

ايه: - معتصم كافي هوه ضحك اكلت وشبعت هوه طب الحمام لبست ثوب نوم اسود وحطيت ميكب وعطر خطيه صارلي هواي ممدلعته هههه
اجه شافني كام يصفر كتله عزه فضحتنا شالني وعشنه ليله حلوه نام وهوه يهمس باذني احبج احبج كتله افتهمت ارد انام كلي مو صوجج صوج اليتغزل هههههه...

مرت ٦ اشهر على زواجنه شويه عمتي احسن من قبل متدخل بيه الله يهديها كون صعدت الغرفتي اسمع صوت اشعارات هواي كلت شكو هاي طبيت ع واتساب فتحت صور نصدمت معتصم وياه بنيه
هم وفيديو يضحك وحده واسمع صوت نسوان هاي شنوو هاي معقوله معتصم يخوني كمت ارجف بس مستحيل هوه كلي ميخوني سوه مستحيل حته اصير اله كمت ابجي لا خلي يجي وافتهم منه..

لان اني ما اريد اسرع خاف يطلع صدك شلون وين اروح ما عدي احد يربي كمت ابجي وادك على رجليه صار ضهر طب معتصم واني اباوعله بوجها معقوله تخوني اجه كلي
ايو شبيج حبيبتي
كتله سؤال واحد لو اي لو لا
معتصم: - شنوو.

هاي صور الك باوعهن وجهه صار اصفر كتله ها معتصم جواب مبين
كلي صح الي بس ذني قديمات حيل من ٤ سنوات شجابهن الج
كتله والله ما اعرف اني اريد اكلك شجابهن الي معتصم هاي شنووو تخوني
معتصم: - يا اخونج
ايه: - ضام عليه شي
معتصم: - باعي ايه اهدي وخل احجيلج.

ايه: - احجي بسرعه يلا صبري نفذ
معتصم: - اني جنت احب وحده من اهل بغداد وهل بنيه جانت اول حب الي
اني صفنت بوجها كتله ايي كمل
عافتني وتزوجت بوكتها اني ممجهز نفسي وهسه هي رجعت تتصل بيه دائما تسمع صوتي
اني كمت كتله شنوووو تسمع صوتك مره تزوجت ولت شكو تسمع صوتك معصتم هذا كلام هذاااااا.

معتصم: - والله اني ما انطيت مجال رفضته بوجها وهي تتصل من غير ارقام اني ما ردت احجي حته لتفهميني غلط
ايه: - ليش معتصم هاي لو اني وهيج اسوي بيك تقبلها جان طلعت ساقطه وما بيه خيررر
ايو اهدي كتله ما أهدأ عليت صوتي ما اهدا خلص معتصم وديني اروح
وين ترحين
كتله صدك وين اروح ما عدي احد اني كمت ابجي اختنكت..

معتصم: - ايامي وي ايه احله ايام مدللتني ممقصره وياي ابد صح مشاكل امي وياها بس هي خوش بنيه حبابه فدوه اروحلها حنينه
بيوم من الايام اني جنت اشتغل اتصل بيه رقم غريب رديت صوت بنيه بس سامعه مو غريب منو حضرتج ما عرفتني كتلها لا والله منو جان تكول
معقوله نسيت صوتي الي جنت تنام عليه عرفتها هاي جنت احبها كتلها اختي شتردين وراي شغل كلتلي اني بعدني احبك معتصم ما اكدر اكمل وي زوجي مو سعيده وياه.

كتلها واني شنووو حته تكليلي يابه اني متزوج وعدي مره تسوه راسج واحله منج بالخلقه وبالاخلاق كلتلي ادري متزوج كتلها رحم الله والديج ما طول تدرين ولي رفضته بوجها
وحضرتها ناس عينها صلفه تزوجتي ونسيتج وعدي وحده تسوه راسها وراس الخلفها عفتها وره مده هم اتصلت والله لعبت نفسي رجعت للبيت لكيت ايه حالتها حاله شوفتني صور قديمه الي وهي منهاره عبالها خاينها بس ما خاينها اني والله.

فهمتها وكتلها على هاي البنيه وهي تخبلت بزايد حقها والله يا ربي شسوي هسه ايو حبيبي باوعيلي والله مخاينج اني اكدر اشوف غيرج ليش هل بجي كلتلي وخر معتصم عني لا احرك روحي عفتها
وطلعت مختنك اتصلت بيها انعل ابوج يابو جابج يا كلبه شلون عرفتي رقم مرتي لج تكلي ماكو شي يصعب عليه كتلها اني الي حجي وي رجلج هي من سمعت هيج ترجف كامت رفضته وحضرتني..

ادب سز ساقطه متزوجه شعدج تهجمين بيتي ضليت افتر رجعت للبيت حاط ايدي ع وجهي مختنك والله مالي عين اباوع بعيونها من تعاتبني تكلي لان ما عدي احد تصرف هيج وياي ااخ يربي والله قهر قهر.

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W