رواية الأنباري وزوجاته الأربعة للكاتبة زهراء أمجد الفصل الحادي والعشرون

رواية الأنباري وزوجاته الأربعة للكاتبة زهراء أمجد الفصل الحادي والعشرون

تصويت
ليش چا مو انه خِلك!
ليش مو تدريني اغارن؟
من مسافه
البينك ومابين ضلك
ليش تشعلني وتذب بالظيم گلبي؟
ورغم هذا، لاتظن روحي تملك !
يل ملكت ابواب ضحكي
وگُمت تقفلها اعلى حِلك
ليش تنحر بيه شِلك؟

مها: - باجر العرس واليوم الحنه واجتني الدوره. خرب مو وكته شلون ناسيته هيج مو طبيعي بس توه اجتني شنو هاي.
وخابرت محمد كتله هيج صار
محمد: - عادي حبيبي جا شرط اله اول يوم انأجل ع ما تخلص دورتج
مها: - ماشي هاي هيه واليوم العرس. ورحت للصالون وطلعت اجنن جان مكياج هادئ واجه محمد ورحنا طكينه صور وراها رجعت للبيت وهوسات وكولات اعراس واني خوف بداخلي وزفونه وزوجنه واول يوم تجمعني بمحمد بغرفه وحده..

حسيته حلو وكلت يمكن الدوره اجتني حته اشبع من محمد لان راح اموت. عشت بهل خوف لمدة اسبوع. بس انه مافاركت محمد لحظه
حته بليل ما انام الا ب 6 الصبح واكعد ب8 الصبح هو وياي واليوم تخلص دورتي.
وكال حته لو تخلص اليوم ننتضر الباجر خاف يصير عندج التهابات.
صدك محمد. قسم تحليلات مرضيه مكمل كليه بس بعده مامتعين وانتضرنا يوم واجه الموعد.
وكلشي لازم ينتهي اليوم التوتر يقره الف.

والخوف يقره الف ومحمد كال اذا ما مستعده كولي كتله لا بس اذا كتلك كافي كافي كال اوك.
وعد وتقربلي محمد وجانت الصدمه
انو الله عوض تعبي وصبري وجهدي وعوضني بأجمل شي بمحمد. جانت الفرحه فوك كلشي جان احلى يوم بحياتي حته محمد يكلي مافرحتي وانتي عروس لهل درجه
كتله جنت خايفه من هل شغله والحمد لله عدت ع خير. لان اختي صار عده نزف بزواجه ضحك.

وكال الحمد لله وانه لحد هل لحضه ما اعرف شلون اشكر الله كل يوم اكول الحمد لله وانه ومحمد لليوم ماصار شي كلشي يصير نتفاهم عليه بنفس ألحظه. ونحله. بعد اربع اشهر قررنه انو يصير حمل بعد
ارادة الله طبعا. وفعلا صار الحمل وست غسق ههههه الي هيه عمتي بس اني كله اكله ست ما اعرف اكله عمه هههههه.

من اطيب خلق الله والكل متعجب ع انسجامنه وتطابق افكارنه. المهم اجه السادس ويا حمل بس. كلت اريد معدل. اني قويه وصدك بهل سنه خلصته دراسه واكل فقط حته ملابسي تغسلهم ست غسق.

وكل يوم حبنه يكبر اني ومحمد. اول مره أعيش نسيت العالم كله نسيت الوجع رفعت راس بابا واخوي وامي ورفعت راسي. الفرحه جانت ماتقدر بثمن. كدرت أعيش صرت من الزم الورده اشمه احس بريحته صرت من اكعد بلسياره واباوع من الجام استمتع بلمنضر. مايجي بالي. الشي ألي صار
اليوم صار موقف زعجني شويه مو هواي. اول زياره النه..

البيت خالت محمد خالته عده بنيه وحده. بس فصار العشه والكل كعد ع السفره واجت فاطمه تريد تكعد. وجان اكو كرسين فارغات واحد بصف محمد واحد بصف امه الي هيه خالت محمد هيه كعدت بصف محمد وكامت كل اشويه. ادكول لمحمد مشتاقه الكعداتنه قبل.
ومحد مغلس. بس عرفني اتنرفزت. وما طايقه الوضعيه. حاول ايسد الموضوع بس فاطمه مصره ع الكلام بنهاية كلامه تباوع بوجه محمد وتبتسم اني مو من طبعي أغار ابد.

بس بيومه اتنرفزت فأنه جنت حامل الي 3اشهر. ومنا فاطمه ماقصرت سويت اريد اتقيئ وطلعت للحمام عرفت محمد يجي وراي كمت واجه محمد كتله عشر دقايق اذا ماطلعت من البيت اتعارك وي فاطمه وآخر مره ادخل لبيت خالتك ولو ادري اكو شي بينك وبين فاطمه جان اختصرتلك الطريق وماجايه وياك احسن من ما خلصت الكعده قلق.

محمد: - مهاوي تحجين صدك ولج والله مارف گلبي لغيرج شنو فاطمه شنو غيره واذا تردين اسكته هسه اشوفين شسوي بس انه محترم وجود خالتي وزوجه مو اكثر
مها: - بس جان اكو شي
محمد: - لا والله ابد واذا اكو شي جان سولفتلج قبل لا اجي مو اني الي اخليج أمام الأمر الواقع وبهاي الطريقه
مها: - ما اعرف محمد اهم شي طلعني هسه ما مطلوب منك اكثر وشكرا ع الثقه طلعت كده وخليت ورجعت ع السفره.

ومحمد اجه وراي كعد كالتله فاطمه شدعوه عمي هيج تخاف عليه ترى المره ما تدلع هواي تخرب. ردت احجي ومحمد سبقني وكاله
محمد: - الا مرتي كل ما أدلعه كلما تعجبني اكثر ماتخرب يعني اطمئني
وباوع الخالته وكاللها انه من رخصتكم صديقي. امه بالمستشفى لازم انمر عليهم هم اعذرونه انعيده بوقت احسن من هيج وطلعنه وصعدنه بسياره سكته. كال نرجع للبيت لو نروح ع الشط..

مها: - لا للبيت تعبانه
محمد: - لا هيج زادت عن حده تحجين صدك مهاوي...
مها: - محمد بس اتركني وانه افهم الموضوع وحدي مايحتاج اتبرر
محمد: - اوك راح اسكت بس ما توقعت منج هل موقف
مها: - ولا انه توقعت منك هيج شي
محمد: - يمكن قفلتي كلش بعد مايفيد وياج الحجي
مها: - محمد كافي فدوه ماريد اتعارك ع شي مايسوى وگبل بجيت. ما دري ليش.

محمد: - تحجين صدك. انتي مهاوي حياتي شبيج شسالفه والله ماكو شي من الي بالج واذا ع حجي فاطمه فانه جنت دوم عد خالتي فعلاقتي ب فاطمه اكيد اتكون قويه بس اجت مره وكالت احبك من درت انه خاطبج واني رفضته رفض تام وبطلت اروح من ذيج الساعه ما جنت اعرف فاطمه تحبني ومن وكته مادخلت البيتهم غير هل مره وانتي وياي ودليل خالتي كالت انعم الله ع زوجتك خلتك تدخل النه بعد غياب...

أتقرب عليه. وباس راسي وباوع بعيوني وكال
اريدج اتعرفين شي واحد انه بس الج والله ماصير الغيرج ولا اكبر واحد يكدر ياخذني منج مهاوي انتي النفس مالتي والله ضعيف كدام دموعج. شلون اذا انه جنت السبب وره هل الدموع اموت والله.
مها: - هاي هيه سد الموضوع
محمد: - أسده بس بشرط اذا صدكتي بكلامي. اما اذا لا الي غير تصرف واكدر اثبتلج هل شي.

كتله لا صدكت سده الموضوع رجع طبع بوسه خفيفه ع شفايفي وكال اني بس لمهاوي ومهاوي بس الي. فهمتي ابتسمت وكتله فهمت. ورجعنه للبيت
ومرت فتره عله زواجنه...
اليوم عيد ميلاد محمد هذا ثاني عيد ميلاد اله. وانه ويااااا بس اول مره مأسويتله بس جبتله هديه قررت هل مره افاجئه. سويت خطه وي اخوانه هو يطلع اياد كال الكم مني اخليه مايفوت للبيت نهار كامل صدك هو رجع. من الدوام الساعه 2ونص واياد جان واكفله بلباب.

وكاله ضروري توصلني للشطره
.محمد: - شنسوي بشطره
اياد: - عندي شغل بطريق اسولفلك. ههههههه
محمد: - خلي ادخل اسلم ع مهاوي مشتاقله حته مخابره اليوم ماكو
اياد: - خابره واحنه بلسياره.

وصدك راحو واياد كله صديقي مسوي حادث وتفق وي صديقه كدام محمد يمثل. وتمت اول. خطوه. بقينه بلبيت انه ويوسف وياسر. زينه البيت كله ملينا نشرات و ورد وشموع وجبنه كيكات ثنين وكرزات وعصاير. وحته جبتله الكبوس هههههههه.

وطلبنه عشه من برى بيتزا ولحم بعجين وهمبركر وفنكر ومقبلات صار فد شي يجنن وبعده صعدت الغرفتي ويوسف وياي. خطيه عذبته بيومه. جنت حامل واخاف اصعد ع الدرج الحديد خاف اطيح ويوسف أتورط لان هو الي ركبلي النشرات بين قوسين كلشي هو سوه وانه جنت
انطق وبس ويوسف كالي والله مهاوي سويتي روح حلوه بلبيت من اجيتي صرنه نضحك يوميه.

مها: - ايي انته شايف بعد من تعرس انته. اخليك تضحك كل دقيقه
كال انتي هم لحيتي ع العرس كتله انته تحب وحده. ماتحجي گطعت گلوبنه
يوسف: - تردين الصدك ايي بس خايف امي تعترض
ليش شبيه
مابيه بس امي وامه مو ع حال.

انته راح تزوجه هيه لو تزوج امه
ايي بس تبقى المشاكل
انتم بينكم علاقه
لا بس الحجي الوصلني البنيه معجبه بيه يعني اذا اخطب تقبل
اكلك هيه بت عمك وسام
ايي شمدريج
اثول امك تريد تخطبه الك
جذابه وانه امي الصبح حاجتني وكتله لا وسدي الموضوع ماريد اعرف منو.

ضحكت وعليه وكتله خليه عليه. اني افتح الموضوع واعتبرها بدال تعبك اليوم
اوووووف منج. مادري شلون تفهمينه وهيه طايره مايلام محمد من يكول اهله جانو ضامينه بجيس نايلون شفاف هههههههه
يالله خابر اياد شوفهم وين خابر لكاهم يردون يتعشون بلمطعم ههههههه.

كاله انته اثول غير تدري بينه طالبين عشه منو يأكل اذا محمد راح يتعشه معناها بس مهاوي وبته يأكلن. كله ارجعو لا تتعشون كاله بعد كاعدين منتضرين مانكدر نكوم
خرب شكد ضجت اجت أبالي فكره حته يجون. وكتله يوسف عندي حال بس خطيه محمد هههههه كال يالله شويه دراما ماخسرانين شي خابرت محمد كال هلا برويحتي.

مشتاقلج بكد رحمة الله
خلي هل سوالف تفيدك وهسه تجي تاخذني لهلي ساعه ما ابقى او اكلك لا تجي يوسف ياخذني.
محمد: - تحجين صدك شكو شصاير
مها: - سوي روحك ماتدري كلعاده
محمد: - ياعاده شبيج اجتج القفله
مها: - ايي تعال أخذني لهلي. هسه
محمد: - الساعه 9 بليل شنو اهلج تخبلتي
مها: - ايي تخبلت.

محمد: - ماشي جاي عبالي بشر ع اقل كول كل عام وانته بخير بس ماتطلع منج ادري دوووووم قافله. هسه اجي الكاها سبب تافه هههههه
خطيه اجو والأكل سفري دكو الباب وطلع يوسف يفتح كاله مهاوي ميته عصبيه وما تقبل تحجي شكو هههههه
محمد راد عليه لاتخاف جايته القفله اليوم لان عيد ميلادي اكو مره مايصير بيه فد حدث يبقى بالذاكره للسنه الي بعده قبل لا يوصلون لباب المطبخ وياسر طفه الكهرباء مالت البيت.

محمد: - هاك استلم مبينه ليله سوده والله حته ميت تعب من وره اخوك عبالي الكه الولد مدد بلفراش تالي هو فتحلنه الباب
ودخل وهو مشغل مبايله وانه صحت بصوت اجه محمد يوسف كال اي اجه ومحمد صاح ايي رويحتي هسه اجيج
خطيه ارويحتي ماطيح من السانه امه وأبو وياي بس قرر مايفتحون الكهرباء الى ان نصعد للغرفه ويشوف غرفتي يالله ينزل وفعلآ محمد دخل للغرفه والكهرباء شتغلت ورحت عليه حضنته وكتله كل عام وانته بالف خير وكل سنه وحنه سوى يا اجمل شي بحياتي يلغالي يرويحتي.

ههههههه خطيه بعده صافن. كال رحتلج فدوه يعافيتي وام جهالي والنفس والگلب ودكاته هاي كله الي...
مها: - بعدك ماشفت شي وهاي هديتك جبتله ساعه ماركه تخبل كلش حبها وبعدين كال
خلي اسبح ميت تعب كتله لا وين بعد وراك مفاجئه رقم اثنين
محمد: - عليج الله.
مها: - اي. هل مره مال سنتين هههههه ونزلنه جوه وشاف البيت يخبل وكلمن انطاها هديه وامه وابو جابوله مبايل ايفون واياد كال انه عليه تكاليف سفرتكم ليران.

ويوسف جايبه قاط يجنن طبعآ محمد نادرآ مايلبس كجول كله قوط وكلش استمتعنه بهاذا اليوم
واجه يوسف كعد يمي وهمس بذني افتحي موضوعي كتله صار وكتله بهاي المناسبه. خلونه نقنع يوسف يزوج كله كالت اي والله ويوسف سوه نفسه مايدري منو
كالهم ايي غير اعرف منو امه كالتله انه الصبح اتوسل بيك كتله ست ترى يضحك عليكم والله حاجيته وقبل.

وكال ايي موافق خلي امي تخطبلي بس بشرط بت عمو وسام كالت ايي الله يفرح كلبج كتلهم واذا يصير انزف اثنين بنفس اليوم ليش لا يوسف واياد.
ونخطب بت ابو عادل جيرانه كال اياد
اياد: - خرب ضميرج وهاي شلون عرفتي بيه
مها: - اسكت لك انه مهاوي. اهلي جانو مخليني بجيس نايلون شفاف
والكل ضحك وامه كالته صدك ولك تحب زمزم
اياد: - مالت الله اي يمه احبه.

كالتله جا نخطب ونعرسلكم سوه
اياد: - عليج الله وقابلين
كالتله جا ليش ما اقبل. ما ودلي وكلكم تشتغلون وقادرين الف الحمد لله
اياد: - جا خلي ابشره
مها: - انته كلش نزعت المستحه ابوك وخوانك فضحت البنيه هههههه
اياد: - اي صدك نسيت روحي سدو آذانكم. يمه يمته ترحين
ست غسق: - باجر اذا تريد.

هاي هيه وخابر زمزم كاله هيج والبنيه مامصدكه كالتله روح بس اصفط عليه يمه متنه ضحك بذيج اليله وأمهم كالتلهم شوفو التجي من نسوانكم ماتاخذ مكان مهاوي عندي.
خاف ازعلون لو تردون اعزل من البدايه والي تتعارك وي مهاوي ذنبه ع جنبه انه كتلكم وأنتم بكيفكم وأبوهم كالهم واني هم ومحمد كالهم وانه هم ههههههه ويوسف واياد كال من هل ناحيه. خلي گلبج بارد مهاوي اخيتنه ومانرضى عليه وان شاء الله مايصير خلاف...

وفعلا راحت ست غسق وخطبت بت ابو عادل جيرانه الاياد وبت عمو وسام اليوسف. وقررو يصير العقد بنفس اليوم وفعلا صار العقد بس الولد كالو مانريد انتعبج وانتي حامل راح انجيب واحد للجاي والماي ونوزع كيك قطع يعني منه لبرى انتي تونسي كتلهم اروح فدوه ونذر بس هم جاياتكم وتجهيزاتكم عليه ماريد احد غيري يخدمكم خطيه كلش فرحو.

وكالو احساس انو ماعدنه اخت نسيناااا من ساعة الي انتي دخلتي هل بيت كتلهم فدوه الله يديمكم الي وارفع راسي بيكم دووووم اجه يوم العقد ولازم انروح البيت عمو وسام ونرجع البيت ابو عادل جيرانه همه ثنينهم قريبين علينه واجت الناس اول شي لبيتنه صار التجمع وجاي وماي وكيك وسويتلهم توزيعات كرزات وحبات ككو فد شي صار.

. وطبعا رحنه للعقد وثنينهن حلوات وجمالهن معقول وطبيعي فدوه رحتلهن بهاي الفتره جنت بعدني ادرس سادس وكالو من تخلصين سادس ودكوميلنه من الولاده سالمه يالله نسولف بلعرس كتلهم اوك ومحمد طاير بيه يكول

انتي تختلفين شوفي العالم كله اسولف بمرة محمد والله رافع راسي ومفتخر بيج كلش وعسى ربي يديمج الي يرويحتي ورجع باسني براسي وكال
الحزن الجان بعيونج مختفي صح ما اعرف شنو السبب بس الي اعرفه هسه مختفي وهذا الشي مفرحني كلش حضنته وبسته بشفايفه بوسه خفيفه وكتله الله يحفظك الي ومايحرمني منك وعسه يومي قبل يومك.

محمد: - اسم الله عليج ارويحتي بعيد الشر عنج. يحميج الي ربي ومايحرمني هل طله فراشتي الحلوه
اليوم رحت للدكتوره وكالت باجر او اليله بليل عندج ولاده محمد كلش خايف حته انه وترني وخوفني كلش وكل شويه يكلي محتاجه شي اخر شي كال..

خلي انسوي عمليه انه سامع هواي. اتوفن بل طبيعي
مها: - يعني اذا الله كاتبلي اموت راح تفرق عنده طبيعي وعمليه. كال ماكدر. ماجاي اتحمل هل فكره
كتله فدوه اوكف واسندني لاتخوفني وانه مو بالي هل خوف كله الله موجود واذا كاتبلي عمر وياك اطلع سالمه وانه جاي احجي احس اكو لويات عندي بس. الم موت.

كبل كتله صيح ست غسق كال شكو كتله يمكن جاي اطلك كام مايعرف شيسوي يوصل للباب ويرجع. انه اخذت مبايلي وخابرت عليه وهيه صعدتلي كالت شكو

كتله يمكن هل مره صدك لان الم راح اموت اخذيني بعد ما اتحمل كالت خلي اخابر امج اجهز روحه ويجيبه ابوج ومحمد يالله يمه نزل مرتك

بس ع كيفك مو طيحون ع الدرج محمد كاله لا ماتروح. للمستشفى اخاف يصيرله شي كالته شنو يصيرله شي اكدر افهم شجاي تخربط وطلع امه وسد الباب وانه اصيح.

وألم موتني ذبحني. الى ان اجو اياد ويوسف فلشو الباب ومحمد ولا يمه كل الي براسه اذا طلعت من الغرفه راح اموت كتله محمد راح اموت هنا افتح الباب. الم ذبحني

ومحمد محتار. يفتح لو لا كتله شنو جاي تفكر انته كال ماكدر اخليج ترحين وحدج كتله شنو وحدي انته راح تدخل وياي اللصاله كال وين اكو هيج كلام كتله بس نطيهن 10الالف يفوتنك بسكته الممرضات.

كال ها كتله ايي شبيك يالله. ونكسر الباب يوسف كسره وطلعني واياد للسياره ونزل محمد ورا. وصعد يمي هو وامه وبلصدر يوسف واياد يسوق
الى ان وصلنه المستشفى ههههههه ومحمد يريد يفوت وياي. سحلو سحل من الباب صارت عدنه بنوته سميناها عسل

وفعلا صارت ولادتي قبل الامتحانات بمدة عشرين يوم. خلصت 10ايام يم اهلي وبعده رجعت لنفس الدراسه المكثفة الحمد لله جان هل 10بس مراجعه. الي وفعلا اجت
الامتحانات ومتحنت كل الامتحانات وكملت

ونتضرين النتيجه بفارغ الصبر. وجان تطلع النتائج ويطلع المعدل 89.5 جان صدمه للكل من ضمنهم انه. جنت متوقعه معدلي 75 او72 هيج شي المهم كله منتضره قراري بس انه لا جنت منتضره المعدل وبس ومحتاره شلون راح اخبرهم انو انه ماريد اكمل

دراسه بهذا الوقت اريد اكرص حياتي لبنتي ومحمد اريد ارتاح. ماريد شي ثاني يشغلني بل اخص عن بنتي ومحمد اريد احتويهم بكل طاقتي.

اعرف راح ادكولون مستقبلج بس انه هذا كان قراري ولحد هل لحضه انه مفتخره بهل قرار. المهم. خابرت اخوي محمد كتله عازمتكم ع عشه عندي بلبيت انته وماما وبابا والكل كال اوك يمته كتله باجر ان شاء الله وبلغت محمد وكال كلش عادي وشوفي شنو محتاجه وتدللين.

وفعلا سويت اكل كله بيدي. وجنت مرتاحه كلش هواي. واجو اهلي وتعشو. وخلصو عشه وجبتلهم الجاي وكتلهم عندي وياكم كلام واريد مساندتكم الي

ومحمد كال افاااا يرويحتي اطلبين سند من غيري شمقصر وياج انه

انته اول المعترضين وراح اشوف من اسولف هسه كله خافت لان محمد بس انطق ينفذ مستحيل يردني خاليه. كتلهم انه ماراح اقدم.
ومصره اكمل حياتي ربة بيت. كله بصوت واحد شنو ليش. ومحمد كال هذا حلم وانسي اتكملين ومقرر صيدله اهلي وآخر كلام منوع اسولفي وسدي الموضوع ومحد راح. يحاجيج. وغير الموضوع

وبابا كلش فرح لموقف محمد. وياي. كتله بس كال لابس ولا غيره. كال اخوي محمد اكدر اعرف السبب كاله محد بس انه كتله اسد الموضوع ماريد اعرف السبب الي يخلي مهاوي ادمر مستقبله.

كتله محمد كال قطعي الكلام كتله صار تدلل وسديت الموضوع بوقته وكلش ضجت. وصعدنه لغرفتنه واجه محمد كعد يمي وباس راسي وكال هسه تعالي. وسولفيلي شنو هل قرار المفاجئ الي حته ماسمحتي اسولفين بيه وياي وتخذين رئي

لان انته رافض الكلام وهل فكره وماردت ردة فعلك اتكون مصطنعه يم اهلي حته مايكولون انته ضاغط عليه كال اول نقطه انه كلش اعتذر لان ماخليتج اتكملين بس كلش مارحبت بأفكره

محمد الله يخليك اقبل فدوه كال مستحيل. هل فكره تلغينه بس حته استرجع كرامتج. بلكلام الج حق تتصلين ع اهلج وتكملين وياهم هل موضوع بوجودي وبوجود اهلي. بس انه رافض هل فكره

كتلله لا راح تقبل وانه متاكده. كال لا. انه اريد اشوف رويحتي صيدلانية بكد الدنيه افهميه

لا. راح اشوف انك راح تقبل وفعلا رجعت عزمت اهل ع عشه مرتب بس بلمطعم. اهلي واهل محمد. وانه ومحمد. وقنعتهم. وكتلهم انه ماحابه هل شي اكيد راح افشل. اهلي واهل محمد اقتنعو ماعدا محمد واياد ويوسف كالو لا والف لا شنو تردين ادكعدين خدامه النا.

مانقبل ولاتحاولين كتلهم اول شي انتم ع وجه زواج يعني ماراح اخذمكم وثاني شي انه ما خدمتكم انه اقدم. الي اكدر عليه انتو سويتو اكثر من الي انه سويته. يوسف انه وكفاتك وياي ما انساها كعدتك الساعه 12بليل اريد لفة فلافل ماقصرت راحتك صنعته واجيت وبس اريد شغله كبل تم. حته ماتعترض

واياد نسيت حته الحفوضه بدلته العسل شبيكم لاتحسسوني طالبه القمر. كال محمد اطلبي القمر تلكينه كدامج بس انسي هل موضوع كاله بابا اسمع منه ماراح تخسر شي اكيد عده سبب خاص. كتله ايي محمد فدوه افهمني كال. اوك بس كملي عشاج وبلبيت انسولف بس اذا ما عجبني الكلام انسي كتله اوك.
وصدك رجعنه للبيت. ومحمد كال اخذ عسوله الاياد ع ما اكمل حجي وياج كتله اوك واخذ عسوله ورجع الي. وكال يالله اقنعيني

كتله اول نقطه اني ماحابه ادرس والثانيه عندي بنوته ولازم انتبه عليه. يعني انته عاجبتك حياتك ترجعون انته وأمك بنفس الوقت. شحصلتو بس التعب حته ما تلحكون تشاوفون. مثل العالم اني صار سنه وأشهر وياك بعدني ماشبعانه منك ولا راح اشبع تدري ليش لان المدرسه والدراسة صارت كلشي حته عسول. ماشايفته مثل الأمهات

اريد ترجع من الدوام تلكاني كدامك. وتلكه كلشي جاهز كال ومنو اعترض من اجي وما الكاج مو فد سبب كتله انه مقتنعه بقراري صدك وكلي ثقه.

وبعدين مو نهاية العالم اكدر اقدم ع القطاع الاهلي يمته ما اشوف نفسي قادره واريد ليش لا. وحالتنه الماديه كلش زينه. مامحتاجه شي والف الحمد لله

محمد: - بابا شبيج علم هذا مو عن محتاجه او لا

مها: - محد مات. ناقص شي. كلمن حياته. والكاتبة اله الله. كتله انه فكرت والله هذا انسب حل الي كال خلي افكر كم يوم وارجعلج خبر كتله اوك.

موافقه ولان ادري بيك ماراح تردني وراح توافق ع طلبي كال. مهاوي ماتدرين شسويتي بيه بهاذا قرارج. كلش قهرتيني كتله محمد والله راح يعجبك الوضع انه اريد اكرص حياتي الكم كال وانتي كتله انه
راحتي وسعادتي وياكم. من أشوفكم. بخير وسالمين. كال الله كريم نامي هسه تعبتي اليوم وانه راح اجيب عسل العب وياها شويه واوديه لمي عادي كتله ايي عادي هيه ست غسق

من. اضوجه اجيبه الي كلعاده كال اوك وفعلا. انه نمت بيومه للصبح ولا فزيت. ولا حلمت وكنت مرتاحه كلش الصبح محمد كعدني كال اليوم افتحي سيرة زواج الولد ترى منتضرينج كتله اوك ان شاء الله وسويتله ريوك. وطلع للدوام.

الساعه 10 دك تلفوني باوعت صديقة محمد بلدوام. صديقتي بنفس الوقت رديت عليه بس جانت مستعجله وخايفه كلش كتله شكو شبيج محمد بيه شي

كالت ايي محمد مسوي حادث بس هسه هو زين خلي اياد ايجيبج للمستشفه حته ترجعون لان رجله مكسوره.
كتله شجاي تحجين شنو زين شنو رجله مكسوره شنو مسوي حادث حسيت اكو شي مخفي بكلامه وماصدكت محمد مسوي حادث بس كلت خلي اروح وفعلا كلت الاياد يجي ياخذني وماكتله حادث رحنه للمستشفه واتصلت كتله وين انتو كالت تعالي للمختبر العام.

ورحنه دخلت وجان اشوف محمد كاعد مابيه شي. كتله شنو اضحكون عليه كال. لا عدنه الج مفاجئة كتله بلمستشفى كال ايي واخذنه للصيدليه جانو مزينين الصيدليه وجايب كيكه.

عليه اسمي الصيدلانيه مها. وبجيت كلش. حبيت الفكره وحبيت اهتمامه كلش حاول يقنعني بكل طاقته حتى أصدقائه كالو فكري. لا تخسرين هيج فرصه كلش ثمينه وخص انو زوجج واكف وياج ومساندج

كتله صدكون هل قرار اتخذته عن قناعه ومحمد ماعرف شلون اشكره ع هل مجهود تعب وياي كلش سهر يدرس ويودي ويرجع من الامتحان غير التشجيع والراحه النفسه كتله لو يصر جان اطي محمد هل معدل وهو يدرس صيدله اما انه لو مو هو ماطلعت هيج معدل. وقطعنه الكيك واكلنه وجان من اجمل ساعات حياتي

واني هسه راح ادخل وي محمد السنه ال4. والحمد لله مرتاحين وماناقصنه شي الله. عوضني ع كل دمعه. نزلت مني وكل حسره وكل مره جنت اخاف بيه اما ابن جيرانه فهاذا حكايه ثانيه حاليآ مريض. عنده لوكيما. خطيه الله يشافيه. ان شاء الله انه صح اكرها بس الله علمني درس انو هو القادر الوحيد ع تحريك كل شي وهو ياخذ حقي وحق كل مضلوم احبكم هواي وشكرآ ع التعليقات الجميلة.

يوسف واياد أزوجو وكل واحد عنده ولد. علي ابن يوسف وجود ابن اياد وعايشين بنفس البيت وراح نخطب الياسر اما عمار اكبر واحد بيهم. طلع خارج العراق هو وعائلته. صار سنه تقريبآ. ومحمد يريد اخو اخت لعسوله يكول كبرت. لازم نسويله اخ اخت بس انه اكول بعد وكت. حاليآ. مادري ليش هههههههه احبكم هواي وشكرا مره ثانيه هم هواي هواي هواي...