قصص و روايات - قصص رائعة :

رواية الأنباري وزوجاته الأربعة للكاتبة زهراء أمجد الفصل السابع عشر

رواية الأنباري وزوجاته الأربعة للكاتبة زهراء أمجد

رواية الأنباري وزوجاته الأربعة للكاتبة زهراء أمجد الفصل السابع عشر

شضيع بيج؟!
وانتي بكل حزن وَنـّي!
أخذ حيلي السهر
بس ماخذج مني

عناد: - وصلت سهام لاهلها للنجف رحنه واني تعبان من طريق سلمت على ابوها رحت لبيت عمي ابو معتصم سلمت عليهم عافوني كلولي نام وراها نسولف نمت وره ساعه كعدت صبو الغده وسوالف ضحك وي معتصم وعمي خابرتني سهام ترخصت شويه منهم ها سهام كلتلي تريد تروح كم حاجه تشتري ردت اروح الها ونطلع كلتلي امي واختي كتلها براحتج عدج فلوس كلتلي اي..

طلعنه اني ومعتصم رحنا زرنه الامام علي عليه السلام ورجعنه للبيت تعشينه وضلينه نسولف نمنا ثاني يوم مريت على سهام توجهنا للانبار وصلنه البيت سهام صعدت سلمت امي عليه كلتي يمه ابوك يريدك بشغله
كتلها ماشي سلمت على أبوي..

ابو عناد: - عناد بويه جايين على اختك رسل خوش ناس والولد خوش ولد شنو رايك
عناد: - بويه رسل حالتها خاصه شلون اامن زواج الها
ابو عناد: - بويه نفس حاله اختك الولد الي مرات ياخذها للمستشفئ حسن وانته بعد ادره شايفه وحاجين وتعرفه شلون خوش ولد وطيب
عناد: - اي بويه خوش ولد ماشفت منه قصور ابن اصوول دوم وكفاته زينه ويانه ورسل موافقه.

ابو عناد: - لا والله بويه الصبح خابرني وكال لاتحجي لرسل شي خليها مفاجأه الها لان هوا كايللها يجيب امه تجي تزورنا وتوصل طروحه مرتك عنود..
عناد: - هاهيه توكل بويه خل يجون اني اترخص بويه صعدت لغرفتي
رحت يم العنود خذتها لحضني ونمت..

كعدت صبح افكر برسل يارب الله يسهل الها شافيها يا الهي رجعت للبيت لكيت سهام تاكل حته سلام متسلم اني ناوي اخليها كم شهر يمي واطلكها ما بقيها ليش اضلمها واضلم روحي وياها شفت العنود تتوجع شبيج حبيبتي كلتلي ما بيه شي بس شويه وجع ضل بالي يمها كتلها نروح دكتور بدون متعاندين
خوش كلتلي اي تدلل رحت العصر اخذتها وحجزنه انتضرته سرانه طبينه طلب تحاليل حللت طلعت تحاليل شافهن كال رايدلها راحه الها وممنوع الحمل نهائيا هي دنكت...

ها عنووود سمعتي شديكولون
عنود: - صار شيخي...
الحمل ياثر عليها بشكل جبير تموت هي كتله ماشي طلعنه من دكتور ركبت سياره وبجت اهدي بيها متسكت شبيج حبيبتي لتبجين رب العالمين مقدر هيج ولتتاذين..

عنود: - اريد طفل منك راح اموت قهر يعني ليش ممكتوبلي احبل واجيب واشوف جهالي اتمنه طفلزمنك حته اذا متت
عناد: - اسم الله لتكولين هيج الله مقاسم هل شي سكتت هي رجعت البيت واني مقهور على حالتها وعلى حالي والله تعبت...
والله تعب شنو ذنبها هيج اني تعبت من اشوف حالتها مجاي تهدا كلش ضاجت من حالتها نفسيه تاثر عليها بسبب هل موضوع الحمل عيني يا الهي على مصيبتي ومنا هاي سهام ما اعرف شنو موضوعها ولغزها استغفر الله يا ربي الله كريم.

سهام: - بعدما ما رجعنا للبيت ضليت اتواصل وي وليد الوحيد الي مصبرني على هل عيشه كال عوفي طفل احنا نربي ما ردت هل شي بس هوه رايده لان اني امه رجع حبي الوليد اقوه وكون يسوي حل حته اطلك من شيخ واتزوج منه ما اكدر اشوف غير وليد احبه اتصلت بوليد
هلو حبيبي...

وليد: - هلا يكلبي شلونج...
سهام: - موزينه بدوونك يالله شوكت تكلي شلون طلكني منه مطايقه العيشه يمهم...
وليد: - صبري ما ضل شي
سهام: - استعجل لتكبر بطني وبعدين شيخلصني...
وليد: - اي خوش ميخالف اووف سهام وترجعين الي
سهام: - اي اكيد الك مو لغيرك اني ضليت احجي وياه وفرحانه وياه سمعت صوت شيخ كتله اجه طبكته منه وضميت موبايل اجه
الشيخ عناد: - سهام عدي كلام وياج...
سهام: - تفضل شيخ...

عناد: - اني الله شاهد ما احب سالفه الهديه لان البنيه تنضلم واني مالي علاقه هدوني اياج حطوني امام امر الواقع كلت ماارفض واكسر ابت الشبخ بلديوان لان اذا رفضت اهانه لابوح واكسر بيج ومبين انتي ماهوايه هيج زواحه فليش اتعبج وتعبيني خل يصير كم شهر وطلكج ما ابقيج على ذمتي حته لا اضلمج ولا ضلميني وهسه اترخص يابت الناس.

سهام: - هوه راح واني فرحت صراحه اتصلت على وليد ما رد يلا من يجي ابشره حته يلغي فكرته كلها شهرين ٣ ارجع لبيت اهلي وطلك منه بوكتها شويه بطني تبين اتصلت مره الخ اهو غير يرد حته ابشره..
رسل: - مجاوبت حسن بخصوص حبه مكتله شب بقيت افكر مرت ايام وعلاقتي بحسن صارت اقوه وبديت احبه واتعلق بيه بعد معترفلي يحبني ورايدني بالحلال وهم صديقي كلش..

وبيوم من الايام عادي جداً جنه متحاجين نهار كامل
دزلي مسج ساعه ٧ ونص المغرب كلي راح نجي اني وامي وابويه علمود طروحه مرت اخويه عنود اني عبالي صدك جايين يوجبون وكذا المهم كتلهم لاهلي وكلشي طبيعي... واهلي كالو هلا بيهم عادي
اجوي وطلعت سلمت عليهم واني كلشي مادري
طلعو مخابرين ابويه الصبح وكايليله حنجي نخطب رسل واني مادري...
من دارجع للصاله سمعتهم يكولون وين نلكه احسن منه وهوه يحبهه ومداريهه...

اني بوكتهه جمدت وتوترت ماعرف شسوي
بقيت الوب وحدي اروح وارجع يم الباب اريد اسمع شيحجون همه مو كالو يزورون اخويه ومرته لان طرحت...
وراها سمعت بابا يكول همزين لكيت الشخص اليحب بنتي اكثر مني
اني هنا وضحت الصوره عندي وبقيت ارجف من الخوف...
بقيت كاعده وحدي جوه لحد مطلعو وجتي ماما كلتلي حسن جاب اهله حت يقرون الفاتحه وابوج وافق كتلها اني مادري بهذا الحجي
كالت لا خابرو الصبح واستأذنو وجوي...

ورا ١٠ ايام كالو نعقد سيد مرت الايام واجه يوم الخطووبه والنيشان نفسه اني قبلها رحت اشتريت فستان اصفر ذهبي طويل وردان لان ايدي من كد الابر والعلاجات صايره زركه من زندي فمحبيت البس صلوخ كعدت الصبح رحت للصالوون واني طويله ضخمه شعري قصير سوولي تسريحه تجنن ومككياج طلعت جني لعابه... اجوي وصارت الخطووبه وجانت الحفله عائليه وتجننن كلشي حلو بيههه ورحنا اني وبابا وماما جهزت مناك الصينيه واالتوزيعات مال مهر وصار المهر وكلشي مشى مثل منريد واحسن وعقدنا سيد وصرت مرته شرعاً وبدينا نجهز لغرفتنا يوميه نطلع ونروح ونشتري وكلشي ع ذوقنا ومثل منريد اختارينا كلشي سوه الالوان والفراش والغرفه الاثاث الملابس وبدينا نخطط لحفله الحنه والعرس وسنشوي ووين وشنو الاجراءات النسويهه..

ورحنا حجزنا بدلات واشترينا قاط اله وتفاصيل الباقيه وصارت الحنه وجنت طالعه لعابه لابسه بدله وردي وصخ وبعدين لبست فستان نيلي نص جتف وكلششش جان فرحان بيه وابد مشال عينه من عليه
واجه يوم العرس اجه الصبح اخذني من بيت اهلي اني واختي حت يوديني للصالون..

وكملت مكياجي ولبست وجهزت وانتظرته واجاني بسياره العرس عيونه رادت تطير من الفرحه وشافني واكفه منتظرته بقى مصدوم بلحشمى مالتي واني لابسه الحجاب صعدني ورحنا لموقع التصوير صورنا وكملنا ٠لسه تصوير بالشارع بحديقه يعني مو بلاستيديوو ورجعني لاهلي وهوه راح ديجيب الزفه واهله واهلي واقاربي بقو عينهم عليه ويقرولي قران وفرحانين بيه لحد مسمعت صوت المزيقه اني مكدرت بجيت اباوع ع خواتي يبجون امي تبجي وعماتي متحملت وصوت المزيقه يرهب...

وطب حسن كعد يمي واجه ابو باسني من راسي وخله ايدي بيد حسن... ونوب سلمت عله كل اهلي وحضنت بابا وسلمت عليه وعله اخويه وطلعنا لبيت حسن...

عناد: - بعد ماتزوجت اختي صار البيت وحشه بدونها جانت فرحتنا بسوالفها وشقاها شكد متكبر تبقه طفله بنضرنا فكمت اطلع ويه جماعتي واصدقائي وخاصتا اني مبتعد عن سهام ومنا عنود مريضه فاكضي برا وتالي الليل ارجع الف راسي وانام...

بوكتها جنت طالع وي جماعتي وصلني مسجات واحد وره ثاني غلست نوبه اتصل اني ترخصت باوعت على مسجات محادثات كمت اقرا وما افتهم وحده منها مكتوبه سهام ما اكدر بدونج ما اتحمل شوكت تطلكين وهي راده اصبر ما بقه شي
عقل ما ضل براسي صعدت بسياره كل سرعتي وصلت للبيت صعدت كبل للغرفه فتحتها قافلتها كسرتها سهااااام افتحي الباب.

فتحته واني تلكيتها ضرب مبقيت شي صاحي بجسمها بت تريد تعرف شكو ماضل عقل براااسي لان كل تصرفاتها ثبتت انو هيه تحب واحد وجاي تخووني
طبيت الها جريتها من شعرها تخونيني سهاااااام حتلو مترديني احترمي وجودي بحياتج علما اعوفج وطلكج لج سهااام تخونيني كسرتها تكسر اهلي صعدو امي وخرتني منها
لج سهام متخلصين مني اليوم والله اموتج ساعه مضلين هنا انتي.

تحملتج بما فيه الكفاية وخروها من وجهي امي اخذتها ترزل بيها شسويتي ام سوالف شسويتي وهي بس تبجي واني ارجف من الأعصاب اروح احك ابوها بهاي سوايه مو اني الي ينضحك عليه اني شيخ عناد الي الكل محترمتني وين صايره هاي... بس شويه هديت كلت بس اسوي هيج اكيد يموتوها خل افهم منها شنو السالفه قبل لا اخش بخطيتها وصعبه اشوه سمعتها...

مرت يومين واني اتصل على وليد اريد اكله اصبر راح يطلكني فد شهرين ٣ فرحانه هسه غير يرد اكتب مسجات اله ميرد اووف شلون سالفه هاي جنت اريد انام فجاه ندكت الباب حيل تدفر خفت كلت منو يكلي فتحي الباب هذا شيخ يمه شعده ما قبلت افتح كسر الباب موتني كتل عرفت دره بسالفه شسويت وليد ليش ورطتني مو هيج الحجي مو هيج اجت امه كوه فكتني منه ما كدرت احجي شي دفعتني امه ترزل بيه...

ضليت نايمه يم زينب اخت الشبخ لان رسل تزوجت... لبين ميهدأ الشيخ...
لثاني الصبح اجه كعدني الشيخ..
فزيت مخترعه...
الشيخ عناد: - سهام هسه تفهميني كلشي قسم بالله اذا محجيتي الصدك اروح افتهم السالفه من ابوج واخلي هوا يتصرف وياج انتي بذمه رجال تخونيني ليش بيش قصرت وياج جان فهمتبني من يوم العرس كلشي ليش هيج تسوين تردين تنزلين راسي وراس ابوج...

سهام: - شيخ راح احجي كلشي حجيتهةله ةلشب من البدايه وجب وليد الي وانو نجبرررت عليه وكلشي صار بالتفصيل الملل وانو ليهسه احب وليد بس ضميت عليه سالفه الحمل لان بس يعرف حيبقيني ومااكدر اخلص منه...

الشيخ عناد: - حسيت بيج مجبووره بس ماتصوورت الحقاره وصلت لهل درجه مال ابوج يغصبج علزواج وهيج انتو تحبون بعض مااكدر ابقيج مرا الي انتضري شهر واطلكج عاد يصير ٤ اشهر عله زواجنا ماكدر... وانتي هسه صرتي مثل اخت الي... تحرمين عليه وعفتها وطلعت...

في مكان اخر ايه...
سمعت عمتي صيح اييييه نزلي كتلها جايه ها عمه
ام معتصم: - يلا عيني خلص شهر العسل هسه نضفي البيت نسوان حموينج موضفات يجن تالي وكت تعبانات
ايه: - ماشي قسمي شغل
ام معتصم: - ماكو تقسيم كله سويي ونشوف وراها...

سكتت كتلها ادللي عود ارد اكسبها تعوج بحلكها بقلبي احجي اللهم طولج يا روح طبخت برياني ودجاج بدت معاناتي وي عمتي
صبح اشتغل ونضف فتحت الموضوع وي معتصم علمود دور ثاني امتحن جابلي الولد كتب اني غير اقرا من تعب انام حته معتصم هملته شويه والله صبح طبخ وتنضيف وغده وعشه كله واني ساكته ضليت بشهر هيج...

تالي اجه معتصم كتله حبيبي اريد اكلك شي
كولي حبي
معتصم كل العمتي خل تقسم شغل والله حرام يعني نسوان حمويني متشتغل عدهن دوام ادري دوام وبليل هم عليه مملاحظ بس انام من تعب هوه صفن كال...

هسه اجي راح اسمع صوت صياح عيب بت ناس مجايبها تخدم حرام عليج خلي الله بين عيونج عيييب اسمع ابو كله شكو كله يابه بت الناس تشتغل من صبح لليل اجيها كاضيه تعب ليش هيج خل تقسم شغل وله اكلج...

ايه عليها صبح ومرت ابنج ليل وثانيه ضهر مو يتحججن دوام هي سكتت صعد كلي باعي بس صبح تشتغلين
ايه: - حبيبي لتعصب يروحي اخاف عليك هوه هدء
معتصم: - اني جبتج ترتاحين مو تخدمين حبيبي نمت ع صدره الله يخليك الي يروحي كعدت صبح اشتغلت شغلي وصعدت ضهر كامت تحجي اي عمي نسوان خايسه حضوضها كاعده...

استغفر الله يا ربي صبرني يا الهي غلست عنها اني مرت شهرين واني صافنه اووف يربي لا اهل عدي لا هاي واني ما اريد ادخل بيت جدي...
كمت ابجي نفسيتي تعبانه هسه لو عدي اهل ارتاحلي كم يوم اسمع عرك احنا فوك اني وحماي وسطاني مرته تكله متصير مثل معتصم مدلل مرته
يباوع بحلكها..

كللها صيري مثلها مدللته دلال وقايمه بواجب البيت لتخليني احجي بت اوادم هاي غيرها طيح حضنا وسوي مشاكل هي كلتله حاط عينك عليها...
حاججججيني كلها نجبي مرت اخوي ومثل اختي شنو هل كلام عييبب عليج استغفر الله يا ربي
والله بطرانه حاسدتنا ع عيشتنا الحمدالله والشكر ياربي الف الحمدالله ع نعمه بس ليش تحسد اني عايزه الله يهديج شكول هسه ويبعد عني كل عيون ما عايزه الي بيه كافيني...

نزلت اسوي كيك عساس شافتني كالت متلزمين شي افتهمتي لو لااااا خل يجيبلج رجلج ضليت صافنه اني انصدمت يجي وكت الغده شيل الكدوره مدري وين تخليهن واني ميته جوع ريوك تقفل ثلاجه...

استغفر الله يا ربي حاجيت معتصم كتله جيب شي وياك من تجي اشو صايره اجوع لعد شكله اضل اشكي ميفيد وياها هل مره هاي جابلي لفات ونساتل وكرزات خطيه حضنته كتله مشتاقتلك حياتي...

معتصم: - فدوه يروحي انتي هسه اسبح وجيج حضريلي الاكل كتله اوك حبيبي نزلت جوه كالعاده الكدور ماكو معتصم ميحب يتغده اكل من بره اله مال بيت اجاني
ها حبي وين الغده
كتله والله مدري شكلك ماكو غده طبخت وعمتي ضمته...
شنووو نزل صاح بيه كال
لعد ذني المن
صفنت كتله والله جانن ماكو هوه كال صبي الي متت جوع صبيتله ونطيته
انقهرت حيل ليش هيج تصرف وياي اووف يربي تغده ونام هوه اني نزلت اغسل مواعين...

في مكان اخر مها...
وصلنه للمدرسه
محمد: - يالله انزل ويجي اخوي ياخذج ماريد شي يبين لخوي وامي اذا سالتج كوليله مشاكل للشغل مو اكثر
مها: - لا انه ما اعرف اجذب
محمد: - حاولي بس تحجين غير هل كلامي وشوفي شيصير وصاح بصوت عالي فضيه وتنزلي ماريد اشوف خلقة وجهج...

مها: - من كالي هيج مباشرة نزلن دموعي. ماتحملت اكثر ولو باقيه ويا بسياره بعد شويه جان اتهسترت نزلت وانه كلي خيبة امل نزلت واني اندب حضي وألوم نفسي اني صرت سبب اوجاع غيري ومو اي انسان. محمد روحي من الدنيه
خلصت الدوام. واني ع نفس السكته حته ماشاركت بأي درس. طلعت لكيت. اخو بلباب واكف كال يالله مهاوي اني عندي شغل هم يالله آمر ع امي..

مها: - يالله وصعدت ع نفس السكته
اخو محمد: - محمد كلش ضايج ومعصب شنو صاير بينكم
مها: - ماصار شي يكول بلشغل مشاكل
اخو محمد: - ما اعتقد لان سمعته يحجي بلموبايل وي محامي وطلاك ما طلاك...
مها: - شنو جاي تحجي
اخو محمد: - هذا الي سمعته بس لادكوليله لان يذبحني انه كلت اكلج حته اذا اكو شي اكدر اساعد بيه...

مها: - ماكو شي تكدر عليه اساسآ ما اعرف. شبيه وصلنه ع مدرسه ست غسق وصعدت لكتني مخنوكه كلش
ست غسق: - شبيج الي كلج شبيج تبجين ماكفاج الي سويتيه بمحمد
مها: - يعني انتي تعرفين
ست غسق: - ايي اعرف...

مها: - جا ما دكولولي ترى ما صايره هاي غير واحد يعرف نفسه شمصخم
ست غسق: - كلمن يعرف نفسه انه محمد اجاني للمدرسه وسولفلي ضليت مصدومه
مها: - يعني ماراح تحجين
ست غسق: - لا ماراح احجي ولا تحاجيني بعد رجآ
مها: - متت من ردت فعله كتله لعد مو دكولين بنتي وبنتي. وينه بنتج اذا من اول خلاف ما تحجين
ست غسق: - كتلج اسكتي من باجر انه ما اجي بلخط اروح بتكسي...

مها: - لهل درجه المشكله جبيره
ست غسق: - ايي لهل درجه
مها: - ماتحجين
لا طبعا.
براحتج وصلت للبيت سلمت ع اهلي وصعدت لغرفتي بدلت وبقيت اتصل ع محمد مايرد لو ينطيني رفض شويه وزوجة اخوي دكت البابا كالت مهاوي ماما ادكول خلي تنزل تاكل..

كتله نازله ونزلت بس ماكلت شربت عصير ليمون ورجعت صعدت ونمت لليل يالله كعدت لكيت الكل نايم باوعت تلفوني ماكو ولا مكالمه ولا رساله من محمد مامعقوله ضلت بس فكرتة انو ابن جيرانه مسولف لمحمد ماكو غيره لان انه فعلا ما مسويه شي... لهل درجه...
غير هذا اجه ثاني يوم دوام نزلت لابسه ومكملة كال بابا اني اوصلج محمد عنده شغل اليوم كال ما اكدر..

كتله حته بل رجعه كال ايي جا انتو ماتخابرتو
لا ما تخابرنه اليوم من امس
اوك يالله امشي اوصلج صعدت وي بابا وصلني وكتله لا تجي برجعه اريد ارجع مشي
لا بابا طريقه طويل موزين عليج مشي هواي وشمس
لا بس اليوم فدوه
ماشي بس مو وحدج وي صديقاتج..

تدلل نزلت للمدرسه بس جنت عباره عن اسم للصف مو اكثر. طلعت مشي وي صديقاتي وشويه وكتله راح امشي كدامجن انه ومشيت لوحدي لحد ما وصلنه كلمن البيته ودخلت للبيت نفس الروتين وبدون اكل وعكب باجر عيد ميلادي
ومحمد ماكو اي رد. وأي شي ثاني يوم صباحي كعدتي متوقعه محمد ما يجي نزلت وصلني بابا للمدرسه ونزلت للدرس الثالث حسيت الدنيه افترت بيه وفقدت السيطره ع توازني وأغمى عليه..

ماحس ع. نفسي غير انو انه بل اداره وست غسق موجوده وبابا وماما. لأداره متصله بيهم وجايين
كالو يالله ع البيت بدون اكل صار اليوم ثالث ليش شبيج. نتوسل
كتلهم ع كل حال لحد يلوم تدرون ما احب هل ملامه ومارجع للبيت يخلص الدوام يالله وهسه راح اكل المهم قنعتهم وطلعو راحو للبيت ماما وبابا وصيت بابا مايرجع عليه اطلع مشي ورجعت الاداره اكلت لفة وعصير وست غسق موجوده..

ست غسق: - ها هسه شلون صرتي
كتله بخير الحمد لله.
يالله انه هم اروح
الله يخليج سولفي شبيه محمد والله ماجاي اتحمل الوضع هيج
سترغسق: - هو يكلج من يجي الوقت المناسب
مها: - ليش هل عذاب والله راح اتخبل ليش هيج جاي يصير
ست غسق: - كلشي من ايدج..

وراحت واني كملت دوام وطلعت مشي للبيت وبنص الطريق محمد دكلي هورن وصعدت ويا احس الدنيه ضحكتلي من شفته. كتله محمد والله ما اعرف شمسويه الله يخليك سولف شكو تعبت من التفكير الف حسبه بالي
محمد: - ايي الله يساعدج هاي الي اعرف بعد غيرهه شكو...

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W