قصص و روايات - نوفيلا :

نوفيلا لوعة العشق للكاتبة سحر فرج الفصل الخامس والأخير

نوفيلا لوعة العشق للكاتبة سحر فرج الفصل الخامس والأخير

نوفيلا لوعة العشق للكاتبة سحر فرج الفصل الخامس والأخير

امال: طيب هانعمل ايه دلوقتى يا امى وهانعرف كمال بيه ازاى انك أخته جميله.
الام: يطلع النهار بس وربنا يكتب كل خير.
امال: بس ما قولتليش ازاى يا امى طول السنتين دول وانا ملحظتش التشابه اللى في الاسماء بينك وبين كمال بيه.

الام: ما تنسيش يا امال أن اسمى مكتوب في البطاقه باسم جميله محمد احمد. لان زمان لما هربت انا وابوكى. ابوكى جرى كتير علشان يغير الاسم بتاعى وبطاقتى علشان كان خايف عليا لايوصلولى ويعملوا فيا حاجه وحشه.
لأنه كان متخيل أن جدك الله يرحمه اللى هو ابويا ممكن يأذينى لو عرف مكانى.
ومن خوفه غير اسم ابويا وجدى علشان ما حدش يعرفنى.
امال: الله يرحمك يا بابا
الام: الله يرحمه يا بنتى.

كل واحده دخلت على اوضتها وكأنها في حلم ومش مصدقين كل اللى حصل ده.
الام ما كنتش مصدقه أن اخوها بعد السنين دى كلها هاتلاقيه وهاتشوفه بعد ما فقدت الامل انها تلاقيه.
امال مكنتش مصدقه كل اللى حصل وكل اللى امها قالته وبعد
ده كله كمال بيه يطلع خالها وشريف ابن خالها.
وفجاه تليفونها رن ومكنتش تعرف مين اللى هايتصل بيها في الوقت ده.
علشان ما كنتش عارفه الرقم ده ولا مسجلاه عندها.
امال: السلام عليكم مين معايا.

شريف: وعليكم السلام ورحمه الله انا شريف يا امال.
امال: اه اهلا وسهلا شريف بيه.
شريف: مش قولنا بلاش شريف بيه دى يا آمال.
امال: ماشى يا شريف.
شريف: الله اول مرة اعرف ان اسمى حلو كده غير منك انتى.
امال: احم احم
خير فيه حاجه يا شريف.
شريف: انا كنت عاوز اطمن عليكى واشوفك عامله ايه دلوقتى.
امال: انا تمام الحمد لله وباخد العلاج وماشيه على المرهم.
شريف: امال
امال: نعم يا شريف.

شريف: كنت عاوز اقابلك بكرة ضرورى في كلام كتير عاوز اقوله ليكى.
امال: سيبها بظروفها يا شريف مش دلوقتى.
شريف: ليه بس يا امال لازم اتكلم معاكى واحكيلك على حاجات كتير جوايا.
امال: بعدين نبقى نشوف الموضوع ده.
شريف: اللى تشوفيه يا امال.
امال: طيب تصبح على خير يا شريف.
شريف: ايه ده انتى هتنامى بدرى كده.
امال: اصل فيه حاجات كتير اوى لازم اعملها بكرة.
شريف: ممكن اعرفها؟
امال: اكيد بكره هاتعرفها وهاتعرف كل حاجه.

شريف: شوقتينا أنى اعرف بس على العموم هاصبر لما تقوليلى.
امال: تصبح على خير
شريف: وانتى من اهل الجنه.
طلع النهار وصحيت الام اللى هي اصلا من كتر التفكير والفرحه انها هاتشوف اخوها ما نمتش وكان نفسها النهار يطلع باى شكل علشان تروحله وتتاكد أنه فعلا هو اخوها.
خرجت امال وصبحت على أمها واستغربت انها قاعده وجاهزة ولابسه كمان علشان ينزلوا على طول.
امال: ايه ده انتى صحيتى من امتى يا امى ولبستى كمان؟

الام: مجاليش نوم ابدا يا امال من كتر فرحتى أنى هاشوف اخويا.
البسى بسرعه يا حبيبتى ويالا ننزل على طول.
امال: حاضر يا قمر انت تؤمر يا جميل.
وبعد ما نزلوا اتفقت امال مع امها أنهم يروحوا على الشركه الاول ويخدوا عنوان كمال بيه علشان يروحوا البيت ويتاكدوا إن هو اخوها.
وفعلا خدوا تاكسى وطلعوا على الشركه ونزلت امال وسابت مامتها في التاكسى لحد ما جابت العنوان من السكرتيرة.

ركبت امال التاكسى وطلبت من السواق يروح على العنوان اللى مكتوب في الورقه.
طلع السواق بالعربيه وراح على العنوان اللى ادتهوله امال ووقف اودام قصر كبير في منطقه راقيه في التجمع الخامس.
نزلت امال ونزلت مامتها وقربوا من البواب.
البواب: نعم يا افندم خير عاوزين مين؟
امال: كنا عاوزين نقابل كمال بيه ضرورى.
البواب: اقوله مين يا افندم؟
امال: قوله امال بتاعه البوفيه في الشركه.

وفعلا راح البواب ودخل جوه وبلغ كمال بيه أن فيه واحده اسمها امال عاوزة تشوفه.
كمال: بتقول مين؟ امال وايه اللى هايجبها هنا وبدرى كده
كمال: روح انت وخليهم يدخلوا
ناهد: مين دى يا كمال اللى عاوزاك على الصبح بدرى دى.
كمال: دى امال موظفه عندى في الشركه.
اللى حكتلك عليها امبارح وشريف ابنك دلق عليها القهوة
ناهد: وعوزاك ليه دى.
كمال: علم علمك يا حبيبتى هاروح اقابلها واشوف هي عاوزة ايه.

الشغاله جت وبلغت كمال أن فيه ضيوف عوزينه.
كمال: دخليهم المكتب وانا جاى وراكى.
كمال راح لهم ودخل واستغرب أن امال مش لوحدها وان معاها واحده تانى.
قرب منهم وسلم على امال ومد أيده علشان يسلم على الست التانيه.
كمال: اهلا وسهلا بيكى يا:
بدأ يبص في ملامح ام امال اوى اوى ومكنش مصدق اللى شافه.
كمال: مش معقووول!
انتى!
جميله اختى؟
جميله: اترمت في حضن اخوها. كمال اخويا حبيبى
اخيرا يا قلبى لقيتك بعد السنين دى كلها.

انا كنت بدعى ربنا كل يوم وانا بصلى أنى اشوفك قبل ما اموت.
كمال خدها في حضنه وفضلوا يعيطوا هما التلاته.
كمال: قلب اخوكى يا حبيبتى. انا قلبت عليكى مصر كلها وملقتكيش.
انا كنت هاتجنن عليكى ياجميله واشوفك تانى.
جميله: وانا كمان يا حبيبى كان نفسى اشوفك اوى اوى.
سالت عليك كتير ومعرفتش اوصلك وقالولى انك سبت العزبه بعد ما بابا مات الله يرحمه.
كمال: وانا دورت عليكى في كل مكان ومقدرتش اوصلك.

جميله: قلب اختك يا كمال.
كمال: حبيبتى يا جميله.
امال: احم. احم نحن هنا.
كمال: معلش يا امال نسيتك خالص ومعرفتش انتم عارفين بعض ازاى.
جميله: دى امال بنتى يا كمال وسمتها على اسم ماما الله يرحمها.
كمال: معقوله يا امال انتى بنت الغاليه اختى وانا معرفش السنين دى كلها.
امال: ايوا يا كمال بيه انا بنت اختك جميله.
كمال: بيه ايه بقى قولى يا خالى يا حبيبتى.

الكلمه اللى عمرى ما سمعتها من حد واخيرا سمعتها منك يا امال يا حبيبتى.
دخلت ناهد وكان نزل شريف من فوق وكان رايح على الشركه واستغرب لما أمه قالته في ضيوف جوه مع بابا في المكتب فقرر أنه يدخل ويشوف مين.
ويادوبك داخل شريف شاف ابوه حاضن امال وعمال يبوس فيها.
كمال: شريف ناهد تعالوا شوفوا مين عندنا.
ناهد: مين دول يا كمال؟
شريف: في ايه يا بابا.
كمال: دى جميله اختى يا ناهد اللى بدور عليها بقالى سنين وسنين.

دى عمتك جميله يا شريف اللى حكتلك عنها كتير وكان نفسى اشوفها من زمان قبل ما اموت.
ناهد: معقوله جميله اختك اخيرا لقيتها.
شريف: انا مش فاهم حاجه خالص.
كمال: دى اختى يا شريف.
اختى جميله اللى بدور عليها من زمان.
وآمال طلعت بنتها.
يعنى امال طلعت بنت عمتك يا شريف.
شريف: قرب من جميله وجاى يخدها في حضنه بس امال ذقنه وقالتله ايه يا باشمهندس هاتعمل ايه؟

. شريف، انا اسف مش قصدى ومن المفاجاه ما حستش بنفسى واهلا بيكى يا بنت عمتى
ناهد راحت سلمت عليها هي وآمال وخدتهم في حضنها.
كمال: الف حمد وشكر ليك يارب.
عدى كام ساعه وكانوا بيتكلموا على ايام زمان وعلى اللى حصل بابوا كمال بعد ما جميله هربت واد ايه الاب صحته اتدهورت بهروب جميله وكلام الناس.
شويه وطلبت جميله أنهم يمشوا.
كمال: انتى بتقولى ايه مفيش مرواح لحته انا ما صدقت لقيتك يا اختى.

انتم هاتعيشوا معانا هنا ونرجع أسرة واحده زى زمان وعيله واحده.
شريف: اه طبعا يا بابا هما هايعيشوا معانا هنا ومفيش مرواح لحته
امال: وشغلى اعمل فيه ايه.
شريف: نعم يا اختى شغل ايه وبتاع ايه من هنا ورايح مفيش غير الدراسه وبس.
امال: دراسه دراسه ايه؟
شريف: هاتكملى دراستك وتدخلى كليه الاعلام اللى كان نفسك فيها وهاتكونى صحفيه كبيرة يا امال.

عدى كذا يوم وعاشت امال وجميله مع كمال بيه في القصر الكبير وقرر أنه يعمل حفله كبيرة بالمناسبه الحلوة دى.
ناهد كانت عزمت كل أصحابها وقرايبها على الحفله وجهزت جنينه القصر لكده وطلبت من شركه كبيرة انها تقوم بلزوم كل شىء.
شريف كان نزل مع امال واشترى ليها لبس وفساتين كتير وكلها احلا من بعض.
وهما في المول طلب منها انهم يروحوا يستريحوا الاول في اى كافيه وبعدها يكملوا باقى الحاجه.

وفعلا دخلوا كافيه شكله حلو اوى وكان نزل الشنط اللى معاهم في العربيه.
قعدوا على التربيزة وطلب من الجارسون أنه يجيب ليهم حاجه يشربوها.
شريف: امال كنت عاوز احكيلك على حاجات كتير جوايا حاسس بيها من زمان.
امال: قبل اى حاجه لازم اعرف معاملتك الوحشه ليه في الاول كان سببها ايه.
شريف حكى ليها كل اللى حصله زمان مع البنت اللى كان بيحبها لحد ما شافها في وضع مخل في شقه مشبوهه.

امال: معقوله في بنات بالمنظر ده يا شريف.
شريف: ايوا يا امال في كتير بيبقوا بكذا وش والواحد ينخدع فيهم.
شريف: المهم أن ربنا بيحبنى وعرفنى حقيقتها قبل ما اخطبها.
امال: الحمد لله
شريف: امال
امال: نعم يا شريف.
شريف: انا بحبك
امال: انت بتقول ايه يا شريف؟
شريف: عيون شريف وقلب شريف وكل شريف.
امال وشها احمر وانكسفت ومكنتش عارفه ترد تقوله ايه.
شريف: انا هاطلب ايدك من عمتى ايه رايك يا امال.
امال: مش عارفه!

شريف: نعم يا اختى انطقى وقولى بحبك عاوزة اسمعها منك.
امال: انا موافقه يا شريف.
شريف: بتقولى ايه شريف حاف كده.
امال: انا موافقه يا حبيبى.
الكل كان فرحان والحفله اشتغلت وكانت امال في اوضتها بتجهز وكانت طالعه زى القمر بفستانها الدهبى وشعرها البنى وعيونها العسلى المخضر ومكياچها كان في منتهى الروعه.
شريف كان لبس بدله وكان طالع غايه في الجمال.
جسم طويل وكتاف عريضه وشعر اصفر وعيون ملونه ولا الممثلين التركين.

يا دوبك خرج من اوضته وراح خبط على امال وفتحتله.
شريف: وااااااو ايه الحلاوة والجمال ده يا حبيبتى.
امال: بجد طالعه حلوة يا شريف.
شريف: اه طبعا طالعه زى القمر.
مد شريف أيده ومسك ايد امال ونزلوا على الجنينه علشان يشوفوا الضيوف ويعرفها على الناس.
كمال وناهد كان معاهم جميله وكانوا في استقبال الناس.
الكل كان فرحان وسعيد والاغانى كانت شغاله.

شريف قرب من جميله اودام الناس كلها وطلب ايد امال بعد موافقه ابوه وامه طبعا.
جميله رحبت ووافقت طبعا على شريف وخدته في حضنها هو وآمال..
شريف قرب من امال وباس اديها وطلع من جيبه علبه صغيره وفتحها.
شريف فتح العلبه وطلع خاتم الماظ بفص صغير وكان في منتهى الروعه ولبسه لامال.
شريف: تقبلى تتجوزيني يا امال.
امال: اه اقبل يا شريف.
شريف: عيونى وقلبى وحياتى واوعدك أنى اخليكى اسعد واحده في الدنيا دى كلها.

الناس كلها بدأت تصقف لما شافوا شريف وآمال واللحظه الرومانسيه دى.
عدى شهر واتعمل لهم اكبر فرح والكل كان بيتكلم عنه.
وكانوا طالعين زى القمر هما الاتنين.
شريف: انا بعشقك
امال: وانا بعشقك
وبدؤوا يرقصوا على اغنيه في اخر الفرح.
شو كانت حلوة الليالى
والهوى يبقى ناطرنا
وتيجى تلاقينى
وياخدنا بعيد
هدير الماى والليل
ياه ياه ياه يا سهر الليالى
ياه ياه ياه يا حلو على بالى
غنى
غنى
غنى على الطرقات.

يارب تكون النوفيلا عاجبتكم واكون عند حسن ظنكم.
ونتمنى ليهم حياه سعيده.

تمت
نهاية الرواية
أرجوا أن تكون نالت إعجابكم
جميع الفصول
روايات الكاتب
روايات مشابهة