نوفيلا اغتصاب طفلة والفاعل معلوم بقلم هدى السيد الفصل الثامن
بعد ما اتفقوا على خطوبة أسر وندى كريم أخد رغد يوصلها ...في العربيه
كريم:عامله ايه
رغد:الحمدلله. ...وانت
كريم:مش كويس. ..رغد بصت لكريم وهو كمل كلامه.
..واحد مراتوا رافعه عليه قضية طلاق عايزه يبقى عامل ايه
رغد معرفتش ترد عليه وعنيها دمعت
كريم:انتي بتعملي كده ليه
رغد:مش عايزه اظلمك معايا
كريم بانفعال:وانتي كده مش بتظلميني. .لما تبعديني عن حببتي ده مش ظلم
رغد:افهمني يا كريم انا...
كريم وقف العربيه فجأه وهي من الخضه عيطت
كريم:افهمي انتي انا مش ممكن هطلقك حتى لو رفعتي عليا مليون قضيه
وعايزك تعرفي اني سايبك بمزاجي لكن يوم ماهقلب يا رغد والله لهتشوفي
مني وش تاني عمرك ماشوفتيه
رغد بعياط:انا...هىء...مش. ...هىء هىء. ...انت. .هىء
كريم بحده:بطلي عياط عشان اعرف بتقولي ايه
رغد:هىء. .هىء ..هىء ..هىء
كريم قرب عليها ومسح دموعها واخدها في حضنه
كريم:هشششششش خلاص ماتعيطيش
رغد:هىء هىء انت بقيت قاسي قوي يا كريم
كريم:انا الي قاسي.. عشان عايزك معايا أبقى أسي عشان مقدرش أعيش من غيرك أبقى قاسي عشان مش عايز اطلقك أبقى قاسي!انتي عايزه ايه يا رغد.؟
رغد:عايزك تطلقني وتعيش حياتك
كريم:وانتي هاتعرفي تعيشي من غيري.
رغدبحزن:...ها...هاتعود
كريم بقلة حيله:ماشي يا رغد لو ده الي هيريحك انا موافق .
.بس ياريت تاجلي الموضوع ده لبعد خطوبة أسر
رغدبصدمه:...ماشى ...وفي نفسها. .زعلانه ليه مش ده الي كنتي عايزه
كده احسن
كريم وصل رغد البيت ومرداش يطلع معاها وهي طلعت لقت خالد وريماس مستنينها
وشمس قاعده معاهم
رغد: بتحاول تبان طبعيه:السلام عليكم
الكل:عليكم السلام و رحمة الله و بركاته
خالد:ها يا حببتي اتفقتوا على ايه
رغد بتقعد جمب شمس:أسر صمم انه يكتب الكتاب هيعملوا الخطوبة وكتب الكتاب..
بعد شهر
شمس بفرحه:ها...يعني هيبقى عندنا فرح. ...
.بصي يا رغد انا عايزاكي تفضيلي نفسك خالص
رغد:وليه بقي تكونيش العروسه
شمس:أهم يا بنتي انا اخت العريس ومش أي عريس ده الباش مهندس أسر
على سن ورومح شوفي بقى عايزه فستان للخطوبه وواحد لكتب الكتاب و...
رغد باستغراب:حيلك حييك ايه يا بنتي ماهما في يوم واحد
شمس بصوت واطي:هشششش وطي صوتك لحد يسمعك
رغد بنفس صوت شمس:على فكره هما عارفين
شمس:ياستي هو انتي الي هتدفعي
ريماس بضحك:هههههههه والله يا شموسه انتي مصيبه
شمس:ليه بس كده يا انطي ده انا حتى كل أصحابي ليقولوا اني كيوت
رغد:كيوت ده انتي شلتوت انا هدخل انام أصل لو قعدت اكتر من كده هتشل
شمس:لاء والنبي أصل أبيه كريم يعلقني
رغد دخلت اوضتها غيرت هدمها وقعدت على السرير
وافتكرت كلام كريم وان خلاص لسه شهر وكل الي بنهم ينتهي
ثاني يوم رغد أخدت اجازه من الشغل قررت أنها تروح لمحسن تتكلم معاه يمكن ترتاح
رغد:ازي حضرتك يا دكتور
محسن:ازيك يا دكتوره عامله ايه
رغد:كويسه هطلق انا وكريم
محسن:وانتي زعلانه
رغد بابتسامة:خالص. .انا. ..انا الي عاوزه كده
محسن:طب كويس انك هتعملي حاجه انتي عايزاها
رغد:اه
محسن:طيب قوليلي بقى جايه ليه النهارده
رغد:ايه. ...انا. ...كنت...
محسن:شوفي يارغد اول طريق في العلاج النفسي انك تعترفي بالمرض
رغد:انا مشكلتي ملهاش حل
محسن:مافيش مشكله ملهاش حل بس لازم تبقي مقطنعه بده
رغد:طول عمري بخاف من كل حاجه ومن أي حد عمري ماسمحت لحد انه.
يقرب مني إلا كريم الوحيد الي كنت بحس معاه بالامان لما ببقى في مكان ويحصل أي حاجه أبقى مرعوبه وأول ما كريم يجي أبقى خلاص عارفه أن كل حاجه هتتحل والخوف الي كان عندي يروح لما قالي انه بيحبني وأنه عايز يتجوزني قولت لنفسي الحمدلله.. هعيش عمري كله مع مصدر الأمان بتاعي والشخص الي بيحميني و...وحبيبي.
اه حبيبي عمري ما حبيت ولا هحب غيره
محسن:والي بيحب حد يبعد عنه
رغد:كريم كان ديما بيحلم باليوم الي هنتجوز فيه يوم فرحنا لما قرب مني ولقاني خايفه.. اخدني في حضنه وقالي انه مش مستعجل قالي انه مستعد يستناني العمر كله ..ها.. بعد ده كلوا اخليه يعيش اول تجربه ليه مع واحده مش...
كل ده ورغد بتعيط وهي بتتكلم ومحسن سايبها تطلع كل الي جواها
محسن:كفايه كده النهارده
رغد:انا لازم امشي. ..لو سمحت ياريت محدش يعرف اني جيت هنا
محسن:من غير ماتقولي بس ياريت تيجي تاني
رغد:ربنا يسهل ...شكراً يا دكتور
محسن:انا ماعملتش حاجه ده شغلي
رغد خرجت من عند الدكتور وراحت الصيدليه لقت مالك مستنينها
مالك:رغوده ايه يا بنتي ده انا مستنيكي من بدري
رغد:معلش يا مالك اتاخرت عليك
مالك:ولا يهمك يا قمر. .ها مستعده
رغد بابتسامه:انت الي مستعد
مالك:جداً في حد يلاقي دكتوره قمر كده تضربه وميبقاش مستعد
رغد بضحك:طول عمرك بكاش يا مالك بس انا عايزاك تنسى خالص اني بنت خالتك... انا مابحبش الإستهتار والمواعيد أهم حاجه عندي المواعيد يا مالك.
مالك بحزن مصطنع:كده برده انتي تعرفي عني اني مستهتر
رغد:للأسف وأعرف اكتر من كده كمان المهم عايزاك تنسى أي حاجه بتخدها في الكليه
مالك:وده ليه أن شاء الله هو انا أفضل اذاكر وفي الآخر تقوليلي انسى كل حاجه
رغد:يا ابني أفهم الكليه انت بتتعلم فيها ازاي تركب الدواء وبتاخد فيها الأسماء العلميه للأدوية لكن هنا انت بتستعمل الأسماء التجاريه يعني المرض الواحد في له اكتر من نوع علاج.
مالك:ازاي يعني
رغد:الماده الفعاله بتبقى نفسها لكن كل شركه أدوية بتعملها اسم تبيع بيه دواها
مالك:ده شكله موال
رغد:ولا موال ولا حاجه هي مسألة تعود
رغد فضلت تشرح لمالك اساسيات الشغل وهو كل شويه يقولها كفايه كده النهارده
وهي زهقت من زنه وخلصوا ومشوا
مالك:بقولك ايه يا رغد ماتيجى معايا البيت خالتك عامله شوية محشي يستهلوا بقك
رغد:لاء يا مالك انا مش فاضيه
مالك: يابت ده محشي خالتك لايعلى عليه. ..وماتقلقيش الي بالي بالك مش هناك
رغد ماكنتش شافت خلتها من زمان وقالت بدل كريم مش في البيت تروح تقعد معاهم شويه كلمت أمها وقالتلها انها هتروح تشوف خالتها وهتتغده معاهم
رغد ومالك وصلوا البيت مالك بيطلع المفتاح عشان يفتح
مالك:اوبس. .شكلي نسيت المفتاح
رغد:عادتك ولا هتشتريها رن الجرس واخلص
مالك:هرن ياختي دلوقتي نسمعلنا كلمتين من الست شمس
مالك رن الجرس والباب اتفتح بس مش شمس الي فتحت الباب
رغد. ...كريم
مالك:والله كان في الشغل...