قصص و روايات - نوفيلا :

نوفيلا أول نظرة للكاتبة ابتسام محمود الصيري الفصل الأول

نوفيلا أول نظرة للكاتبة ابتسام محمود الصيري الفصل الأول

نوفيلا أول نظرة للكاتبة ابتسام محمود الصيري الفصل الأول

يوم في الصباح بنت نايمه ع سرير تفتح عيناها العسلي و تقوم من ع السرير و شعرها الطويل يتفرد على ضهرها، وقفت جنب ترابيزه مسكت جريده لقت اعلان وظيفه في شركة غانم للاستراد والتصدير
ياسمين عشتهم مرتاحه من معاش ابوها لكن بتحب الشغل جدا
ياسمين بفرحه وضحك: ماما مامتي ماماتى انا لقيت شغل ( طلعت تجري ع مامتها و فتحت الجرنال قدامها ) اهو وفي مكان كويس والنبى ياست الكل نفسى اشتغل ونبي ونبي ونبي.

رانيا بتأفف: ياقلب ماما احنا مش محتاجين لشغل احنا معاش ابوكى بيكفينا وزياده
ياسمين بأصرار: عرفه يا ماما والكلام بتاع كل مره ده كله حفظته بس انا نفسى اشتغل واعرف ناس جديد امال انا اتعلمت ليه
رانيا بحب و تحضنها: حبيبة ماما العلم ده ينفعك في بيتك ومع اولادك ان شاء الله.

ياسمين بزعل: مش قلتلك انى حفظت كل الكلام ده وتحبى اقولك هتقولى ايه كمان ( وتقلد اسلوب مامتها) العلم عشان تبقى مثقفه ومتخديش حد جاهل ولازم تكونى متعلمه عشان لما تتجوزى واحد متعلم تكونى فهمه وتفكيرك زى تفكيره و تعرفي تعلمي عيالك (و تتكلم بجديه ) والله حفظت ده كله (تتكلم بدلع ) بليز ماما عشان خاطري
رانيا بضيق: خلاص ياياسمين انا تعبت من الكلام معاكى براحتك اعملى اللي انتى عايزاه.

ياسمين بفرحه: حبيبتى يا ماماتى يا احلى ام في الدنيا ( وبتهزر معاها وبتخليها تركب الهوا )
رانيا بضحك: بس يابت
ياسمين بضحك و شقاوه: قولى بتغيرى وانا اسكت يا حلو انت
رانيا بضحك: خلاص بغير اسكتي بقى
ياسمين تحضنه بحب: ايوه كده الاعتراف بالحق فضيله باستها و دخلت اوضتها اتصلت باصحابها وقالتلهم ان مامتها وافقت تشتغل واصحابها فرحوجدا
دوللي بفرحه: طيب المقابله الساعه كام
ياسمين: بكره الساعه 10ص في شركة غانم.

دوللى: طيب خلاص هنقبلك بكره بعد الظهر وهيكون معايا البنات
ياسمين: هسناكم سلام.

عند بيت اصحاب ياسمين
اميره بستفسار: هي ياسمين هتشتغل؟
دوللى: اه
اميره: فين يا دوللى؟
دوللى: في شركة غانم
ايمى بفرحه و حب: بجد انا فرحانه اووي ليها هي تستاهل كل خير، طول عمرها نفسها تشتغل، اخيرا مامتها وافقت
اميره تبصلها: وايه اللى مفرحك اووي كده، هي كده كده مش محتاجه للشغل.

ايمى: بس هي نفسها تشتغل وده هيغير من ياسمين كتيرحتى تخرج من حزنها على ابوها اللى بقاله سنين مايت وكل ما تفتكر الحادث زى مايكون امبارح
اميره فلاش باك وهما في الكليه
دوللي: بصو يابنات المعيد ده زى العسل البنات كلهم بصو بتسبيل
ياسمين بمعاكسه: ده هو العسل ذاته
ايمى بكسوف: بس اتلمو شويه عشان بيبص نحيتنا
البنات فضلو يضحكو على كسوف ايمى اللى بتتكسف من خيالها.

ياسمين بمشاكسه: ايه يا ايمى طيب تنكرى انه عسل وكويس انه بيبص عليكي
ايمي بتوتر: وبيبص عليا ليه؟
كلهم ضحكو
ايمي: طيب بس بقى اسكتو والله همشي واسيبكم قالتها وهي بتبص في الارض
المعيد راح عندهم لو سمحتي يا انسه ياسمين ممكن كلمه
ياسمين تبرق و تشاور ع نفسها: انا
المعيد: بعد اذنك
ياسمين بإحراج: اتفضل
المعيد: بعد اذنك لوحدنا
ياسمين: اتفضل قول دول اصحابي ومش بخبي عنهم حاجه.

المعيد: سورى بعد اذنك وممكن لما نخلص كلام تبقى تقولي ليهم براحتك
ياسمين تقوم بأحراج: اووكى
قعدو في كافيه الجامعه.

اميره بفضول: قومه يا بنات نتسنط عليهم
ايمى: عيب كده
دوللي بضحك و تقوم و تشدها: قومي معانا يا بتاعت العيب و وقفه بعيد عنهم شويه و رمو ودنهم.

عند ياسمين
المعيد: تشربى ايه الاول
ياسمين: ميرسى اتفضل قول
المعيد: بصى بصراحه انا معجب بيكي جدا
ياسمين تنحت
المعيد: مش عايز رد دلوقتى ممكن تفكري وتردي عليا
ياسمين اندهشة من الكلام تنحنحت بإحراج و قامت: اوك هفكر بعد اذنك ( و مشيت من قدامه بسرعه )
اميره شدتها: هو كان عايز منك ايه
ياسمين تحط ايدها ع خدها وبسرحان: نعم
دوللى تمسكها من هدومها: قري و اعترفي هو كان عايز ايه.

ياسمين بكسوف تبل شفتها و تجمع حروفها: اصل اصل، كان بيقولى معجب بيا وقالي تبقي تفكري وردي عليا
ايمي تحط ايها ع بقها و يحمر وشها: احيه وانتي قاعده تسمعي الكلام ده كده عادي
البنات كلهم ضحكو ع طبعها الخجول
دوللى بتريقه: ماشي يا ست المكسوفه بعد كده تبص بس ومش تسمع
ياسمين في عالم تانى عماله تفكر في الكلام
اميره بزهق وضيق داخلي: يالا نروح بقى( كانو في السكن مع بعض بتاع الجامعه)
البنات: اوك.

(اميره كانت مضايقه عشان كانت معجبه بيه)
. باك
ايمى: ايه يا بنتى رحتي لحد فين بنكلمك
اميره بتركيز: لا معاكم
دوللى بفرحه: احنا لازم نعمل حفله لياسمين لو اتقبلت في الشغل
اميره ترجع شعرها لورا و ترمش بعينها كذا مره ورا بعض: اه طبعا
دوللي بفرحه: احنا هنخربها.

في شركة السدلانى يدخل شاب طويل لديه جسم رياضي و يبص بعينا الواسعه البنيه يقول بصوت عالي: صباح الخير يا برنس
توفيق صاحب شركة السدلانى وابو ادم يسيب القلم ع المكتب و يبصله: صباح الوش والازعاج عل الصبح عايز ايه قول وهات من الاخر عشان انا ورايا شغل
ادم بمشاكسه و بمثل البرائه: حرام عليك ده انا ابنك البكري الهادي حتى
توفيق بتأفف ياخد نفس: امم، و عايز ايه يابني البكري.

ادم يميل راسه و بضحكه خبيثه: عايز كل خير، يدوب بس هسافر مع اصحابى اسكندريه
توفيق يرفع حاجبه: طيب ايه الادب ده كله، اكيد مش جى تستأذن
ادم ضحك بصوت عالي: حبيب قلبى ياتوفه اوعى تفهمني صح
توفيق بضحك: عايز كام
ادم يعد ع صوابعه: عشرين الف بس
توفيق: اتفضل، ويالا امشي عندي شغل
ادم اخد الفلوس و قام فتح الباب و قال: سلام يا توفه.

في بيت توفيق
هيدى مامت ادم و ديالا عندها 42 سنه طويله و جسمها رشيق
هيدى بنرفزه: اصحى بقى يا ديالا نفسي اشوفك مره بتصحي بدرى قومى يالا
ديالا بنت عندها 19 سنه وشها مدور وعينها خضرا طولها 160 و وزنها 70 كيلو برغم تخنها لكن جسمها رياضي
تقول بكسل: حاضر يا هيدى، حاضر
هيدى تعامل اولادها انهم اخوتها الصغيرين مش امهم عشان هي اتجوزت صغيره والفرق بينهم صغير جدا.

ع السفره الشاغلين حضرو الفطار وندو عليهم عشان يفطروا
هيدى تمسك ايد ديالا و تقومها تدخلها التوالت تغسلها وشها
ديالا تفوق: يووو بقى خلاص فقت
هيدى بتحذير: الاكل ع سفره متتأخريش
ديالا تحط ايدها ع الحوض و تغمض عينها: ثانيه و هكون عندك
هيدى عملت نفسها طلعت من الحمام و قفلت الباب و وقفت ربعت ايدها تشوفها هتعمل ايه
ديالا بصوت نايم: اخيرا مشيتي ( قعدت ع الارض سندت راسها ع دلاب الحوض.

هيدى تمشي بشوش ناحيتها و تنزل راسها جنب ودنها و تقول بصوت عالي: هي دي الثانيه و تكوني عندي
ديالا اتخضت و قامت بسرعه مسكت فرشة السنان و فضلت تغسل سنانها
هيدى رفعت صبعها الكبير ان كده كويس و نزلت
ادم يدخل البيت و يشم ريحة الاكل يروح عند السفره: صباح الخير، حماتى بتحبني
ديالا تقعد ع الكرسي و تقول بضحك: اقسم بالله دي داعيه ع بنتها
ادم راح عند ديالا وبينكش شعرها: انتي اصلا متعرفيش اخوكي.

هيدى تكشر في وش ديالا بهزار: بس انتي ( وتبص ل ادم بحب ) تعالى افطر يا حبيبي
ديالا تبصلهم: ماشى ماشى هو تعالى افطر وحماتك بتحبك وانا يالا اصحي يابت و بس انتي، ( و تغمز ل اخوها )الله يسهلو
ادم يقعد ع الكرسي السفره و يبصلها و يرفع حاجبه اليمين: ايه ده هو احنا بنغير
هيدى: بس يا ادم ملكش دعوه بالسكره بتعتي ( و تبص ع ديالا ) ده انتى قلبى يا ديدي اموووووووه.

ادم يقوم: اسيبكم تحبو في بعض عشان قلبي مش بيستحمل الرومانسيه دي، وممكن اعيط هنا واجيب ناس تعيط معايا، انا هطلع احسن احضر الشنطه عشان مسافر بالليل عايزين حاجه من اسكندريه
هيدى: هات معاك حاجه حلوه ياعم الرقيق، ولو ماجبتش خلى بالك مش هتدخل البيت
ديالا بترجي: وانا وانا كمان والنبى والنبي
ادم بمشاكسه: عونيه، بس تدفعي كام يا ديدي
ديالا بضيق: مافيش حاجه لله ابدا روح يا شيخ وتعالى بسرعه.

ادم راح لحد ديالا ونعكش شعرها وطلع يجري
ديالا مش بتحب حد يلمس شعرها ابدا و اتغاظت و فضلت تصوت.

عند ياسمين الصبح صاحت بدري بنشاط و جواها فرحه انها هتتحرر و تشتغل راحت حضنت مامتها: صباح الخيريا احلى ورده في الدنيا
رانيا بتكشيره: ايوه ايوه كلى بعقلى حلوه
ياسمين بضحك: هو انا اقدر
رانيا: لسه بردو مصممه
ياسمين تمسك خدود مامتها: اكيد يا قلبى مش احنا اتكلمنا واوافقتى، مش عايزه اسمع اى حاجه غير دعوه حلوه منك على الصبح
رانيا: روحى يا بنتى ربنا يهديكي ويقويكي ويبعد عنك ولاد الحرم.

ياسمين تبوسها: دي بقى احلى حاجه على الصبح الواحد يمشي ويبقى واثق في نفسه
(نزلت ياسمين على الشركة غانم وهناك كان في بنات كتير قاعدين وعماله تدعي ربنا )
سكرتيره تنادي عليها: ياسمين عز الدين
ياسمين تقوم: ايوه
سكرتيره: اتفضلى دورك
ياسمين دخلت و حولت تخفي توتورها: صباح الخير
مدير الشركه: صباح النور اتفضلي
ياسمين بجديه: انا اسمي ياسمين خريجة تجاره انجلش بمجموع جيد جدا واعرف انجلش كويس واعرف كمبيوتر كمان.

مدير الشركه: عملها اختبارات و نجحت فيها كلها (و بعد ربع ساعه ) طيب كويس اووي انتى اللى بندور عليها هتبقي السكرتيره الخاصه لغانم باشا
ياسمين بفرحه: بجد طيب اكون جاهزه من امتى
مدير الشركه: بكره انشاء الله
ياسمين بفرحه تقوم و ع وشها إبتسامه: خلاص ماشى بعد اذنك
طلعت وكانت طايره من الفرحه و اول واحده اتصلت بيها في الطريق مامتها
ياسمين: الووو بركيلى يا ماماتي.

رانيا بضيق و تقول عكس ما بداخلها: مبروك يا قلبي ربنا يسعد قلبك كمان وكمان
ياسمين: كانو مبسوطين بيا اووي، انا فرحانه
رانيا بحب: الحمد الله ربنا يسعدك
قافلت مع مامتها وتصلت باصحابها
ياسمين و تقول بمشاكسه: الو الو
اميره: الو الو ايه الروقان ده في ايه
ياسمين: يالا تعالو بسرعه انا مستنياكم
اميره: طيب حصل ايه في الشركه
ياسمين: الحمد لله اتقبلت
اميره باستغراب: بجد، طيب مبروك هصحى البنات وهنيجي.

(اميره صحت البنات وقالتلهم)
دوللى بفرحه: طيب كويس يالا نروح
اميره: لا معلش انا ورايا مشوارهعمله وبعد كده نتقابل
دوللى: ماشي يالا يا ايمي ننزل
ايمى ودللى وصلو عند ياسمين سلمو ع بعض و لسه ياسمين هتتكلم جه تلفون لياسمين
ياسمين: ثوانى يا بنات، الو السلامه عليكم مين معايا
###: وعليكم السلام انسه ياسمين
ياسمين: اه مين.

###: معلش يا انسه احنا اسفين جدا بس للاسف غانم باشا جاب بنت اخوه في الشغله اللى انتى اتقدمتي ليها اسفين جدا
ياسمين اتصدمت ومش عارفه تقول ايه: طيب ماشي خلاص مافيش مشاكل بااي
###: سلام
رانيا بصتلها: مين ده يا ياسمين ومالك شكلك اتغير ليه
ياسمين تبلع رقيها و تخفي توتورها و ترجع شعرها ورا ودنها: لا مافيش حاجه يا ماما ده الرقم غلط
ايمى: في ايه مالك
ياسمين غمزت ليهم و تبل شفيفها: مافيش.

دوللى: طيب عملتى ايه في الشركه قولي كل حاجه يالا بسرعه بسرعه اخلصي
ياسمين بتغمز ليهم تانى و تبص ل مامتها: طيب ياماما متعملي حاجه للبنات يشربوها ولا اقولك اعملي كيكه
رانيا تقوم: عينى ليكم
ياسمين قفلت باب الاوضه اول ما مامتها طلعت: ارحمي امى ياشيخه عماله اغمز اغمز والبعيده مافيش احساس خالص
ايمى: طيب قولي بقى امك ميشت، الفون من مين؟ وعملتى ايه في الشركه؟

ياسمين قطعتها: هش هش هش بس عشان انا اتصدمت دلوقتى صدمه بعمري
دوللى بقلق: في ايه مش تقلقينى عليكي
ياسمين: الفون ده من واحد شغال في شركة غانم وبيقولي خلاص متيجىش الشغل، المدير جاب بنت اخو
ايمى بزعل: ليه كده بعد ماوفقه لا حول ولا قوة الا بالله، معلش هتلاقي احسن منها انشاء الله
ياسمين بزعل: ما هي ماما لو عرفت مش هترضى تنزني اشوف شغل تانى دى وافقة بالعافيه (اخدت نفس ) ياله الحمد الله هي فين اميره صحيح.

الفصل التالي
جميع الفصول
روايات الكاتب
روايات مشابهة