قصة شباب طفلة بقلم إسراء محمود
من الفصل السادس عشر إلى الفصل العشرون
الفصل السادس عشر
فى صباح اليوم التالى
تصحى ملك من النوم تتوضى وتصلى وتروح المدرسه
ثريه: ملك يلا عشان المدرسه
ملك: ممم حاضر يا ماما قايمه اهو
ثريه: يابنتى يلا الساعه 7:30
ملك: حاضر حاضر
تقوم من على السرير تلاقى بباها بيسلم وقايم من الصلاة
ملك: حرما يا بابا . ازيك
سامى: جمعا يا ملك .الحمد لله
فى المدرسه
ملك بعفويه: صباح الخير . ازيكوا يا عيال
ايمان: صباح النور
زهره: الحمد لله
عبير: يلا يا عيال عشان الطابور
ملك.ايمان.زهره: ماشى
بعد الطابور
زهره: عاااااااااااااا
ملك: ايه يا بت فى ايه
زهره: العااااااااااااااااااااااب
ملك: ههههههههههه هييييييييه
تقعد ملك تلعب مع صحابها شويه وشويه تزهق وتقعد تتفرج عليهم وهى قاعده و...
محمد (زميل ملك فى المدرسه ): ملك
ملك باستغراب: نعم
محمد:ممكن اقعد معاكى شويه
ملك تفكر فى حاجه كدا وبعدين ترد بسرعه: لا معلش مش هينفع وتسيبه وتطلع على فصلها جرى
محمد يستغرب ويطلع وراها: ايه مالك مشيتى ليه
ملك كانت هتهزقه بس مسكت نفسها وقالت بعصبيه مكتومه: مفيش عايزه اقعد شويه لوحدى
محمد: طيب ماشى انا هقعد من غير ما اعمل صوت ومش هتحسى بحاجه اصلا
ملك سكتت ومردتش عليه
هو قاعد ورا خالص وهى قاعدن فى اول الفصل
سرحت ملك شويه وبعدين بدات تدمع وعيونها تحمر اوى
...
صباح الخير يا عمتوو
قالها ساهر لما راح عند نيرة
نيرة: صباح النور . مش يلا بقى عشان منتاخرش
ساهر: يلا. سيبى عربيتك وتعالى معايا
نيرة: اوكى . يلا
...
عند سوسن
امال: صباح الخير جبتلك الفطار
سوسن مش بترد
امال: سوسن بطلى كسل بقى يلا قومى الساعه 12:00
سوسن: _______
امال بخوف وبتهز فيها:سوسن قومى
سوسن ________
تقوم امال وتتصل باحمد بسرعه بس الخط يكون مشغول وشويه يبقى مغلق .
امال بدموع:اعمل ايه بس ياربيي
اه هتصل بالاسعاف
وهى بتتصل الجرس يرن تفتح وهى بتعيط
نيرة: مساء الخير
امال بدموع:مساء النور
نيرة: مدام سوسن موجوده
امال بصوت باكى: ايوا جوا ومش بتنطق نيرة بخضه: ليه مالها
ساهر ادخل شوفها بسرعه وهاتها على العربيه
امال طبعا معملتش حاجه غير انها راحت معاهم المستشفى كان كل همها تطمن على اختها بس حتى مكنتش تعرف مين دول
...
فى المستشفى
ساهر:ها يادكتور اخبارها ايه
الدكتور: ادعولها حالتها صعبه اوى
ساهر: يعنى ايه ؟!
الدكتور بحزن: الاعمار بيد الله
ساهر: استنى بس يا دكتور هو احنا ممكن نشوفها
الدكتور: ياريت لو دخلت متتكلمش معاها عشان متتعبش زياده
ساهر:حاضر
دخل كل من ساهر ونيرة وامال
نيرة بابتسامه: الف سلامه عليكى
سوسن بصوت خافت ومقطع: ننيرة مام مفيش وقت اا انا خلاص بموووووت ببنت فريد هى ملك
امال مكنتش سمعت لكن نيرة سمعت كلامها
نيرة: ملك ايه وفين مكانها
سوسن: اامال
امال بدموع: نعم يا حبيبتى
سوسن: مملك هتتيلى ملك
امال: ملك ايه بس دلوقتى انتى تعبانه اوى ارتاحى
سوسن: امال ارجوكى هاتيلى ملك
امال: حاضر حاضر
تخرج امال وتكلم ثريه
نيرة: ممكن ترتاحى شويه على ما ملك توصل
...
امال: الو يا ثريه
ثريه: الو مالك صوتك يا امال فى ايه
امال بدموع: سوسن تعبانه اوى وفى الستشفى
ثريه: يا ساتر يترب وهى عامله ايه دلوقتى
امال: هى عايزه تشوف ملك دلوقتى حال
ثريه: حاضر اسم الستشفى ايه وانا اجيلك حالا... تمام انا هجيب ملك واجيلك
تقفل ثريه مع امال وتتصل بسامى تقوله وتلبس وتقول لملك عشان تلبس ويروحوا المستشفى
الفصل السابع عشر
عند سوسن فى المستشفى
ساهر: انا دلوقتى عرفت حضرتك
انتى كنتى صاحبت ماما صح
سوسن بابتسامه مريضه و اومات براسها بالإيجاب: صح
ساهر: فعلا انا شوفتك معاها كتير وانا صغير
ابتسمت سوسن لساهر لانها مكنتش قادره تتكلم.
وقتها امال كانت برا مستنيه ثرية ونيرة كانت فى البلكونه بتعمل شويه مكالمات
...
وصلت ثرية وملك وامال قابلتهم
ثرية لامال: اخبارها ايه دلوقتى
امال بدموع: ربنا معاها .. ملك تعالى ادخليلها
ملك:حاضر
تدخل ملك وثرية وامال
امال: سوسن حبيبتى ملك جت اهى
بيص ساهر عليها يشوف بنوته زى القمر (شعرها اسود وعيونها سود وبشريتها بيضه وملامحها هادييه زى الحوريات بالظبط )
سوسن بابتسامه شاحبه: تعالى يا ملك يا حبيبتى سلمى على ساهر
ملك ببراءه: اهلا يا عمو
ساهر: اهلا يا حبيبتى .. اسمك ملك صح
ملك: ايوا
ساهر: الله اسم جميل اوى
ملك بابتسامه: شكرا
ثريه: اخبارك ايه دلوقتى يا سوسن
سوسن: الحمد لله احسن
ثريه: طب الحمد لله
سوسن: امال خدى ثريه وانزلى شوفى الدكتور وهاتى شبسى وعصير لملك
ثريه: احنا فى ايه وبا فى ايه دلوقتى
سوسن: اسمعى الكلام متتعبيش قلبى
امال: حاضر يلا يا ثريه
ثريه: يلا
يخرجوا ويسيبوا ملك مع سوسن وساهر
سوسن: ساهر يابنى نادى لنيرة هانم
ساهر: حاضر
نيرة:انا جيت اقعد يا ساهر
سوسن: دى ملك اللى قولتلكوا عليها
نيرة بحنين: فعلا شبه فريد اوى
ملك واقفه مش فاهمه اى حاجه
ملك بصوت واطى لسوسن: طنط هما مين دول.
سوسن: دول قرايبك يا ملك
ملك باستغراب: قريبى؟!
ازاى قرايبى دى ماما معرفتهمش ... مممم ممكن تكونوا قرايب بابا
نيرة بصوت هادى:حبيبتى دول مش بابا ولا ماما
ملك:ها .. لا طبعا انتو بتضحكوا عليا
سوسن: صدقيهم يا ملك هما عندهم حق دول مش اهلك دول هما اللى اهلك الحقيقيين يا حبيبتى
دى نيرة اخت بباكى الحقيقى يعنى تبقى عمتك ودا ساهر اخوكى
ملك تبصلهم هما الاتنين
ملك: لا انتو كدابين اكيد فى حاجه غلط انا بنت بابا وماما دول مش حد تانى
سوسن لساهر: يابنى ممكن تاخد عينه دم من ملك عشان بعد كدا تبقوا تعملولها تحليل DNA
ملك بدموع: انا عايزه اروح لماما
نيرة: يا حبيبتى واللخ دى مش ماما اكيد لو سالتيها هتقولك الحقيقه
سوسن: ماشى يا لوكا يا حبيبتى انتى هتروحى بس توعدينى انك متقوليش لبابا او ماما حاجه من دى .. ماشى
ملك: ماشى
سوسن: حبيبتى يا لوكا يا قلبى
نيرة: بس...
سوسن تقاطعها: خلاص يا نيرة وتغمزلها بعنيها فتفهم وتسكت
بعدها بشويه تدخل ثرية وامال
امال: اتفضلى يا ست ملك
ملك وهى بتاخدهم:شكرا
ثرية بصرامه: يلا يا ملك عشان نروح.
سوسن: ماتخليها شويه
ثريه: معلش وقت تانى عشان بباها وكدا
تاخد ثريه ملك وتمشى وامال تطلع معاها توصلها
نيرة: انتى ليه خلتيها تمشى دى ... وسكتت فجأة كأنها افتكرت حاجه
نيرة: ساهر
ساعر: نعم
نيرة: اطلع بسرعه ورا الست دى .. دى شكلها مش طبيعى احسن تعمل فى ملك حاجه
ساهر يخرج ويرجع تانى
نيرة: ايه رجعت ليه ؟
ساهر:مشيوا خلاص
سوسن:متقلقيش انا عارفه عنوانها خديه اهو
كتب ساهر عنوان ملك و...
ساهر طب هنعمل ايه دلوقتى
نيرة:لازم تجبها النهارده قبل بكرا
الفصل الثامن عشر
تروح ملك مع ثرية وهى خايفه مش عارفه هى خايفه من ثرية ولا خايفه من كلام سوسن هى مش عارفه حاجه غير انها حاسه بالخوف و...
ثريه: يلا ادخلى يا ملك
ملك تدخل
ثرية بتودد: قوليلى يا لوكا عمتو اللى كانت فى المستشفى دى قالتلك حاجه
ملك:حاجه ايه ؟!
ثرية بضيق: اى حاجه
ملك:لا مقلتش حاجه
ثرية: طب يلا خشى غيرى هدومك
ملك:حاضر
تطلع ثرية التليفون بتاعها وتتصل بسامى
سامى: الو
ثرية:انت فين
سامى: هكون فين فى الشغل
ثرية:طب انا عيزاك تيجى دلوقتى حالا
سامى:خير
ثرية:لما تيجى هتعرف
سامى:طيب هشوف كدا واجى
...
تقفل ثريه معاة وتدخل لملك
ثرية: ها غيرتى
ملك: ايوه وهنام شويه
ثريه: طيب يلا تصبحى على خير
ملك: وانتى من اهل الخير
...
فى المستشفى عند سوسن
يتلقى ساهر تليفون
ساهر:الو
متصل:...
ساهر يقف من الخضه وبعصبيه: ازاى دا يحصل ... طيب طيب خليك معاهم انا جاى على باليل كدا لانى مش موجود فى القاهره. ... ماشى سلام
يغلق ساهر التليفون و...
نيرة:فى ايه ؟!
ساهر يبص ولامال و...
ساهر: هاا ... مفيش شويه مشاكل فى الشغل انا لازم ارجع القاهرة
نيرة: هى المشكله دى مينفعش تتاجل
ساهر: مستحيل . انا لازم ارجع دلوقتى
نيرة: طيب روح انت وانا هفضل مع سوسن
سوسن: لا مينفعش روحى انتى معاه وانا بقيت كويسه خلاص
نيرة: انتى متاكده وبصت فى عنبها
سوسن: بنظره تطمنها ايوا
نيرة بقلق: طب والموضوع اللى جايين عشانه
سوسن: متخافيش انا موجوده اهو انتو ابقوا اتصلوا بيا
نيرة: ماشى . خلى بالك من نفسك
تمشى نيرة وساهر وفى الطريق
نيرة: خير يا ساهر ايه اللى حصل
ساهر بتماسك: بيقولوا فى حريق حصل فى المصنع
نيرة بقلق: ايه . ازاى دا حصل وامتى
ساهر:مش عارفه ادينا هنروح اهو ونشوف ايه اللى حصل
...
عند ملك فى بيت ثريه وسامى
سامى:فى ايه يا ثرية قلقتينى
ثرية:انا شوفت نيرة النهارده
سامى بعدم فهم:نيرة مين
ثريه بعصبيه: نيرة يا سامى اخت فريد السباعى
سامى بخوف:ايه .. ششوفتيها فين دى
ثريه: شوفتها عند سوسن فى المستشفى .اكيد سوسن عرفت ان ملك مش بنتنا
سامى:ايه التخريف اللى بتقوليه دا
ثريه: دا مش تخريف ولا وقتوا اننا نتخانق دلوقتى سكتت لحظه ثم اكملت سامى
سامى:نعم
ثريه: احنا لازم نخلص من ملك
الفصل التاسع عشر
ثرية:سامى انا لازم نخلص من ملك
سامى بعصبيه: ايه اللى بتقوليه دا انتى اتجننتى رسمى
ثريه: اللى بقوله دا هو الصح ملك هى الدليل الوخيد اللى يأكد اننا كنا مشتركين فى الجريمه دى ولما ملك تموت كدا يبقى مفيش دليل علينا
سامى:لالالالا اللى خلانا منقتلهاش وهى لسه عيلة صغيره هنقتلها دلوقتى
ثرية: الظروف اتغيرت . لاما ملك تموت لاما احنا اللى هنموت .
سامى: قعد على الكرسى وسكت
ثرية: اسمعنى بس ...
وقعدت تقنع فيه ان مفيش مفر من قتل ملك والتخلص منها
وطبعا كل دا ملك سمعاه لانها مكنتش نامت زى ما قالت لثرية.
ملك فى نفسها: ايه دا ؟!
يعنى كدا كلام طنط سوسن صح .وبدات عيونها تحمر ... يعنى انا مش بنت بابا وماما .لاطبعا لو كنت بنتهم مكنوش هيموتونى ... اكملت بعياط: انا لازم اروح لطنط سوسن قبل ما يموتونى.
تمسح دموعنا وتخرج من الاوضه وهى خايفه.
ثرية تبصلها: راحه فين يا ملك
ملك بخوف مكتوم: ر راحه الدرس يا ماما
ثرية: طيب تعالى على طول متتاخرش
ملك: حاضر
تخرج ملك من البيت وتفضل تجرى تجرى،لحد ما توصل المستشفى وهناك تطلع الاوضه عند سوسن وتكون لوحدها
ملك بصوت بكاء عالى: طنط سوسن الحقينى يا طنط وتمسك اديها .
سوسن: مالك حبيبتى فى ايه
ملك: ماما وبابا عايزين يقتلونى
سوسن بخضه: ايه ازاى دا
حكتلها ملك على كل اللى سمعته
سوسن لنفسها:عملية ايه دى اللى بيقولوا عليها
تقطع كلك تفكيرها: انا عايزه امشى من هنا اكيد هتجيلى هنا . فين عمو ساهر وطنط نيرة
سوسن بحزن: مشيوا
ملك ببكاء هستيرى: لااااا انا عايزاهم ماما وبابا هيقتلونى لو فضلت هنا عااااااا . انا عايزه امشى يا طنط والنبى
سوسن: يا حبيبتى متخفيش
. فكرت فى حاجه كدا وقالت:اسمعى تعالى معايا بسرعه
ملك: فين
سوسن: سندينى بس الاول وبعدين هقولك
تقف ملك تمسح دموعها وتسند سوسن لحد ما يخرجوا من بابا المستشفى و...
ملك: احنا هنروح فين
سوسن: هنسافر (نروح) لطنط نيرة
ملك: طب انتى عارفه مكانهم.
سوسن: هاا ... احم اللى يسال ميتوهش يا ملك،يلا بس احسن نلاقى ثريه وسامى جم لينا هنا
ملك: ماشى
وقفوا تاكسى و...
السواق:على فين يا مدام
سوسن: لو سمحت ودينا القاهره
ملك بعفويه: بسرعه لو سمحت يا عمو
السواق: حاضر
الفصل العشرون
فى المستشفى عند امال
تدخل امال الاوضه متلاقيش سوسن تشوفها فى الحمام بس بردوا متلاقيهاش
،فتخرج تسال عليها الممرضه
امال: لو سمحتى حضرتك متعرفيش المريضه اللى كانت فى الاوضه دى فين
الممرضه: لا والله معرفش
امال: طيب ماشى شكرا
تخرج امال من المستشفى تروح على بيت سوسن يمكن تلاقيها
...
فى مصنع فريد السباعى
يوصل ساعر ونيرة ويلاقى المطافى والبوليس موجوده
ساهر للظابط: خير يا فندم ايه اللى حصل ؟!
الظابط: حصل ماس كهربى ادى للى حضرتك شايفه دا،بس متقلقش اجهزة اطفاء الحريق الذاتى قدرت على ما المطافى وصلت انها تخفف الامر شويه والحمد لله مفيش اى عامل اتصاب
ساهر: الحمد لله،قدر الله وما شاء فعل
الظابط: بعد اذنك
ساهر:اتفضل
ساهر افتكر حاجه كدا و...
ساهر:عمتوا انا لازم اروح الشركه دلوقتى حالا تعالى اوصلك فى طريقى
نيرة: لا روح انت يا حبيبى وانا هكلم السواق يجى ياخدنى
ساهر: ماشى،ابقى طمنينى عليكى لما توصلى
نيرة: Ok
يطلع ساهر على الشركه بسرعه، ونيرة تقعد تتابع المصنع شويع وبعدين تكلم السواق
...
فى الطريق عن سوسن وملك
ملك من كتر التعب والبكاء نامت فى حضن سوسن
سوسن لنفسها: يارب تكون دى لسه هى الفيلا بتاعت فريد.
...
فى شركه فريد السباعى
يدخل ساهر بسرعه ويطلع على مكتبه،يفتح برج المكتب ويبص على شويه ورق ولما يلاقيه يقعد على الكرسى يتنهد تنهيده طويله وكان كان فى حمل على قلبه وراح
ساهر: ياااااااااه الحمد لله،دا انا كان ممكن يحصلى حاجه لو الورق دا حد اخده
.. يفتح الخزنه بتاعته ويحط فيها الروق ويقفلها تانى ويرجع المصنع
ساهر: اين دا يا عمتو انتى لسه مروحتيش
نيرة قولت اقعد شويه اطمن على الحجات اللى فى المصنع وكلمت السواق وهو برا اهو
ساهر: خلاص خليه يرجع وتعالى معايا
...
فى فيلا فريد السباعى
أسر: ايوا يا ماما
نيرة: الو يا اسر بص ركز معايا كدا وفى الكلام اللى هقوله
أسر: حاضر اتفضلى
نيرة: فى واحده ست هتيجى كمان شويه اسمها سوسن ومعاها بنت اسمها ملك،عيزاك تستقبلهم بنفسك وتبعد معاهم لحد ما اجى
أسر: مين دول ؟!
نيرة: بعدين يا حبيبى لما اجى هتعرف كل حاجه،المهم دلوقتى بلغ البواب عشان ميوقفهومش او ميرضاش يدخلهم.
أسر: حاضر حاضر،طالع اهو
نيرة: متنساش سوسن وملك.. يلا
اسر: باي
...
خارج الفيلا
سوسن: لو سمحت مش دى فيلا فريد بيه السباعى
البواب: ايوا هى اى خدمه يا ست
سوسن: لو سمحت كنت عايزه المدام نيرة
البواب: هى مش هنا
سوسن بحرج: طب معلش ممكن استناها هنا لحد ما تيجى
البواب:اسف مينفعش والله
آسر: عم محمد
البواب (محمد): نعم يا آسر بيه ويجرى عليه.
وملك وسوسن واقفين لسه برا