رواية وعشقت يا جبل الصعيد للكاتبة ميادة مصطفى الفصل الثالث
سليم بازعاج: في ايه يا ولد انت عامل دوشه ليه
باسل بنرفزه: حد قالك علي اني مش رجل ولا شي
سليم باستغراب: ليه مين اللي قال اكدي انت رجل من ضهر سيد الرجل
باسل: طويب يعني رجل ومن ضهر سبد الرجل يتحكم علي يتجوز مين ومهيتحوز مين ولا يتجوز تاني ولا لا في ايه يا بوي اني اللي احكم علي حياتي مش حد تاني
سليم نظر لفيروز نظره كالرصاص: قولتيلو ايه خلاتي عامل اكدي يا بت خوي
باسل: بوي اتحدت معاي اني هيا مقالتش شي.
سليم موجهه كلامه لفيروز برضو: انطقي قولي خابرتي ايه
باسل: بوي قولتلك اتحدت معاي اني
فيروز بخوف: اني مقولتش حاجه يا عمي اني قولتلو لازم تتجوز
باسل نظر لفيروز: ايه قولتلو لازم تتجوز دي انتو هتمشوني ولا ايه متفوقو
فيروز ببكاء: انت فعلا لازم تتجوز لازم عشان خاطري اتجوز وكفايه ذل ليا عشان مهخلفش ارجوك ابوس يدك يا باسل وقربت منه عشان تبزس ايدو لكنه شال ايديه بسرعه وجذابها لحضنه اسمع كلام عمي.
باسل وهيا في حضنه: هش هش يالا نطلع قوضتنا واهدي انتي كدا وبعد كدا نتكلم
اخد باسل فيروز وذهب إلى غرفتهم
زوجه ابو باسل تتحدث مع سليم: ايه اللي انت بتعملو دا يا ابو باسل بطريقتك دي هتخسر ولادك كلهم
سلمي: بوي موضوع جواز باسل دا هيخرب حاجات كتير اديني قولتلك اهو
سليم: يخرب اللي يخربه
زوجه سليم: متخليش الماضي يخسرك ولدك هو مالوش ذنب انه يدفع التمن وعشان امه عصيتك عايزه هو يطيعك في كل شي حرام.
سليم بعصبيه: انت هتقولي ايه انتي واعيه للحديت اللي هتحكي في دا انتي اتجنيتي
زوجه سليم: لا اني بقول الحقيقه
في المنزل الذي تعيش في ليندا
ليندا تتحدث في الهاتف وتبكي: انت لسه فاكراني يا بابا كويس اوي انك لسه فاكر انك عندك بنت ومراتك مش نسيتك بنتك الوحيده.
ابو ليندا: انتي بتقولي ايه يا حبيبتي حد ينسي بنته نور عينه بس انا كان لازم اعيش حياتي انتي مسيرك هتتجوزي وتبعدي وانا كنت هفضل لوحدي زي مانتي عامله دلوقتي بعدتي وسبتيني لوحدي
ليندا بضحكه مع دموع: هههه صدق ضحكتني يا بابا انا سيبتك بعد ما انت سبتني زمان عشان واحده اخدتك من حضني وجفتك عليه وبقي اكنك معندكش بنت يعني حضرتك عارف انا فين دلوقتي لا طبعا تبقي ازاي اب.
ابو ليندا: يا حبيبتي اسمعيني انتي بنتي وهتفضلي بنتي طول عمرك طبعا وهيا مراتي وحبيبتي اللي اخدنا بعض بعد عذاب انتي متعرفيش هيا عملت ايه عشاني باعت ابنها الوحيد واتنزلت عنه عشان خاطري عشان عايزاني بتحبني والحد دلوقتي متعرفش شكل ابنها بقي ايه عايزاني انا ازاي اسيبها فهميني
ليندا بدموع اكتر: متسيبهاش سبني انا للكلاب ينهشو فيا مع السلامة يا بابا.
ابو ليندا: استني كلمي ماما مه قاطع كلامه قفل ليندا الهاتف كدا يا ليندا بتقفلي في وشي ماشي
ليندا رامت هاتفها وفضلت تبكي بحرقه: اااه يارب ارحمني من الدنيا دي يارب انا ماليش غيرك
في غرفة فيروز وباسل
فيروز في حضن باسل ومازالت تبكي: ارجوك اسمعني بقي يا باسل اتجوز واني اتفقت مع عمي ان العيل اللي هيجي هيتكتب باسمي
باسل بعصبيه: ومين المجنونه اللي هتبيع ولدها وتخليكي تكتبي ولدها علي اسمك.
فيروز: في بناتا كتير غلابه وهيفقو عليك تحت اي شرط كفايه انها هتتجوز باسل المغازي انت معرفش نفسك ولا ايه يا قلبي البناتا كلها هتموت عليك
باسل باستغراب: بجد مستغراب اول مره اشوف واحده عايزه تجوز جوزها زيكي اكدي كل دا عشان ايه افهم عشان تبقي ام اللي عايزه تبقي ام يبقي نفسها هيا اللي تخلف مش اي ولد يتكتب باسمها وخلاص وممكن كلمته ماما من اي حد تكفيها مش لازم يبقي علي اسمك يعني.
فيروز بتلقاءيه: طبعا عشان نورث ولا خيك باسم اللي من مرت بوك ياخد كل تعبك وشقاك ليه حرام
باسل فهم واديق جدا انها عايزه تبيعه بس عشان الفلوس وبتفكر في الفلوس: امممم يعني عشان الفلوس وانك تورثي لما اموت صوح حلو قوي واني موافق اني اتجوز بس بشرط هفضل مع اللي هتجوزها لحد ما تخلف مني ومش هدخل قوضتك واصل ها قولتي ايه
فيروز بتردد: - بس ازاي يعني مش هتدخلي ولا يوم حتى كيف.
باسل بثبات وقوه وامل انها ترجع في قرارها: هو دا شرطي كيف مانتي شرطي
فيروز متردد بس هيا عايزه كدا: عادي مفيش مشكله بس بعد ما تخلف هطلقها علي طول
باسل: طيب تمام وبيكلم نفسه للدرجه دي الفلوس عندك اهم مني يا فيروز ومال فين الحب
فيروز بابتسامه: طويب اني هختارلك حتت عروسة قمر بس مش اجمل مني يعني
باسل: تؤ اني اللي هختار اللي هتبقي في حضني وهخلف منها مش انتي انتي كفايا عليكي لغايت اكدي الباقي تخصصي اني وبس.
فيروز بغضب بعد الشي: ايه اللي هتبقي في حضنك وتخلف منها دي قصدك ايه محدش يبقي في حضنك غيري انا وبس
باسل بثبان وتريقه: ليه هخلف منها بالاسلكي ولا ايه لازم هحضنها طبعا وابوسها كمان اللي خلاكي سامحتي وموافقه اني اتجوز عليكي هتعلقي علي البوس والاحضان يا شيخه متبقيش هايفه اكدي
فيروز بتراجع: لا خلاص مش هتتجوز
باسل: لا.
هتجوز مش بمزاجك انتي بمزاجي اني المره دي خلاص قرارك انتي اتاخد جي الدور قراري اني اللي هيمشي سمعاني بس متجيش تندمي يا بت عمي
فيروز رمت نفسها بحضنه: عادي طلامه اكدي هتكون مبسوط عادي ثم قلبت الكلام هزار بس لما تيجي تحضنها ولا تبوسها متحضنش وتبوس قوي
باسل في حاله زهول من طريقتها وبيكلم نفسه: في بني ادم ممكن يبيع اي حاجه حلوه في حياته عشان فلوس مش قادر استوعب بجد ثم زقها بعيد عنه وقام يرتدي ملابسه.
فيروز باستغراب: هتلبس وهتروح فين في الوقت دا
باسل بعصبيه: هروح في نصيبه عايزه ايه
فيروز: مالك يا قلبي قلبت علي مره واحدة اكدي ليه
باسل: مفيش حاجه قرفان شوي هنزل اتمشي
فيروز: ماشي بس متتاخرش علي
ارتدي باسل ملابسه ونزل إلى الاسفل عند غرفته والده وخبط علي الباب فتحت له زوجة والده
زوجه والده: خير يا ولدي في حاجه
باسل: لا يا امه فين بوي
من الداخل سليم: ادخل يا ولدي خير فيك شي.
باسل: لا يا بوي اني جيت اعرفك انك كان عنديك حق واني لازم اتجوز علي فيروز ويبقالي عيال كش هقعد اكدي من غير عيال
سليم بفرحه: زين العقل اللي هتسوي دا يا ولدي الف مبروك مقدما وامك هدورلك علي عروسة زينه قوي هتعملنا اللي احنا عايزينه
زوجة سليم بفرحه: الف مبروك يا ولدي اني هجبلك عروسة زينة قوي
باسل: امه بوي انتو لحد اكدي كفايه اني اللي هختار عروستي بنفسي تمام ولا ايه.
سليم: ماشي يا ولدي اللي هتحبه مهنغصبش عليك في دي كمان براحتك اختار اللي تعجبك
جاء مروان من الخارج لاقي باب غرفة عمه مفتوحه وبداخلها باسل
مروان: السلام عليكم ايه مصحيكم لحد دلوقت انت جي من بره ولا ايه يا باسل
سليم: وعليكم السلام لسه بدري يا ولدي الساعه 9 يعني الوقت مش متاخر
باسل: بس انت عارف يا بوي قصد مروان ان الكل اهني بينام بدري قوي
مروان: ايوا دا قصدي مقولتليش جاي من بره ولا ايه.
باسل: لا لسه خارج اشم هواء شوي مخنوق قوي
سليم عشان يعرف مروان: في عريس يبقي مخنوق يا ولدي مفروض تبقي فرحان اكدي
مروان اتصدم وبلع رايقه: عريس هو باسل خلاص هيتجوز
باسل بغضب: ايوا يا ولد عمي خلاص هتجوز والبركه في خيتك اقنعتني قوي وخلتني اوفق ولقيت كلامه صوح قوي واني اللي كنت غلطان في كل شي
مروان: يعني فيروز وافقت ومش زعلانه
باسل: خالص دي فرحانه قوي عشان هيتكتب علي اسمها وهتورث.
مروان بعدم فهم: مفهمش قصدك ايه
باسل اتخنق: ولا شي يا ولد عمي اطلع لمرتك وولادك عند اذنكم اني ماشي
سليم: ماشي يا ولدي بسلامه انت ثم وجهه كلامه لمروان بعد نزول باسل بحذرك يا مروان تلعب في دماغ خيتك تاني ولا تخليها تغير راءيها فهمني
مروان بغيظ: والعب في راسها ليه واني مالي مش هيا وافقت تشرب مالياش في
سليم طبطب علي اكتاف مروان: - برافو عليك يا ولد اخوي احبك اكدي قوي يالا اطلع لمرتك.
خرج باسل ليسير في البلد وعند سيره احس ببكاء احد تحت الشجرة
باسل بغضب: انتي ايه اللي مقعدك اكدي في الوقت دا انتي معرفاش الخطر اللي ممكن تتعرضيلو في الوقت دا
مسحت ليندا دموعها بسرعه: ايه خضتني مش تقول اي حاجه ولا تتزعق كدا وتخضني
باسل: علي اساس انك بتتخضي لما تقعدي اهني في وقت زي دا
بصت ليندا في ساعتها: وقت متاخر ايه الساعه 9 وربع لسه وانا قاعده قدام المكان اللي عايشه في يعني ممشيتش بعيد.
باسل بص ناحيته المنزل: انتي ساكنه اهني في المساكن
ليندا بدموع: ايوا ساكنه هنا
باسل: وايه اللي منزلك دلوقت وليه هتبكي بطريقه دي
ليندا بدموع: مفيش اتخنقت شوي فنزلت اتهوي وبعيط من خنقتي بس مش اكتر
باسل: طيب تمام ممكن تطلعي بقي علي قوضتك عشان ميصوحش تقعدي اكدي
ليندا: وانت مالك انت ابعد عني
باسل بيجز علي اسنانه: لا ليه اني اللي مسؤل عن البلد وانتي اهني ضيفه مش هتيجي تغيري سلو بلدنا وتقالدنا.
ليندا بغضب: تقاليدكم دي تمشيها علي نفسك وعلي اهل بيتك لكن اني لا
باسل: متستفزنيش وتخليني ادخلك بالعافيه
ليندا: ودخلني بالعافيه ليه جوزي خطيبي ابويا اخويا
باسل: استغفر الله العظيم علي طولة لسانك دي فعلا انا مقربلكيش ولا اي حاجه من اللي قولتيها وانتي شكلك معندكيش ولا حد من اللي قولتي عليه دا لانك لو عندك مكنش سابك تمشي علي حل شعرك اكدي.
ليندا: انت مش محترم وسافل علي فكره و امشي يالا انت وملكش دعوه بيه انت تمشي كلامك علي اي حد الا انا فاهم
باسل بغيظ من كلامها: لا يا قمر اني لما احب امشي كلامي علي حد همشي فاهمه
في رجلين يراقبه الموقف من بعيد: ولا مش دا باسل بيه المغازي ودي الست الدكتوره الجديده
رجل: ايوا هما واقفين مع بعض في والوقت دا ليه
رجل 2: معرفش واقفين كدا ليه.
ليندا: انت جتلي من انهي داهية انت الصبح وبليل مسصتدني ابعد ارجوك مش هتمشي كلامك عليا
فجاءه وبدون مقدمات وبغيظ واطي باسل وشال ليندا علي كتفه بطريقه كوميديه بعد الشي مع ضرب ليندا بغيظ علي ضهر باسل
ليندا بصراخ وبتضربه بقضبه ايديها الاتنين
علي ظهره: نزلني نزلني انت اتجننت ايه اللي بتهببو دا يا مجنون
ذهب باسل إلى غرفتها: هبا دي قوضتك صوح
ليندا بزعيق: نزلني نزلني
باسل بغضب: انطقي هيا دي ولا اكسرلك عضمك.
ليندا بدموع: ايوا هيا دي
نزلها باسل وبصوت جهوري: طلعي المفتاح اخلصي
ليندا وهيا تغمض عنيها من عالي صوته: خد المفتاح اهو
فتح باسل وزقها إلى الداخل: ادخلي وانا هقفل عليكي من بره وهبعت الصبح عمي سيد يفتحلك غوري
ليندا بغضب: انت هتقول ايه
باسل: قفل الباب بلمفتاح بقول اللي سمعتي المفتاح معايا وانا الصبح هبعت سيد يفتحلك تصبحي علي خير يا قمر.
الرجلين: هو ايه اللي حوصل دا شوفته شالها كيف وداخل بيها السكن يا دي الفضيحه
رجل: ربنا يسترها علي ولاينا.