قصص و روايات - قصص رومانسية :

رواية وعد للكاتبة أماني فهمي الفصل الحادي عشر

رواية وعد للكاتبة أماني فهمي الفصل الحادي عشر

رواية وعد للكاتبة أماني فهمي الفصل الحادي عشر

توقفنا عندما ارسلت وعد يوسف الى القبطان بالعرض الجديد و طلبت من طلال إدخال بدر فى مشروع
بعد مرور ساعتين صحيت وعد وأخذت دش ولبست بنطلون و شميز ابيض وجاكت بيج وجذمة وشنطة بنفس لون الجاكت
اتصلت وعد على نورسين حتى تقابلها فوافقت على اللف فى إحدى المطاعم
نزلت وعد وتوجهت الى العربية ومعها مراد وخلفها الحرس
مراد: كنتي افضلي النهاردة بلاش خروج.

وعد: مينفعش وانت عارف المرة ديه حيات اهلى كلهم مربوتين فى رقبتي
مراد: مالك كلمني ومعرفش يوصل لحاجة
وعد: كلم جورج إسحاق ينشر رجلته ويجبلي الخبر الاكيد
مراد: بس جورج يعني
وعد: اللى عاوزة ياخده
مراد: بس هو مش عاوز فلوس هو عاوز حاجة تانية
وعد: لو زود فى الكلام يبقي هو اللى عملها
مراد: ايه رايك فى عيسى ابو هيبة
وعد: سمعت عنه بس مشفتهوش كلمه وبعد عن جورج اه
مراد: تمام مالك وعد تعبانة
وعد: لا كويسة متقلقش.

مراد: يالا وصلنا
نزلت وعد وبجوارها مراد وخلفها الحرس ودخلت المطعم ووجدت نورسين
نورسين: الناس الواطية اللى مش بتسأل
وعد بضحك: ادام عارفة انى واطية مصحباني ليه
نورسين بضحكة: علشان انا اوطي منك
وعد بضحكة رنانه: يخربيت فقرك لسه مجنونة كمان احنا كنا على الواتس من اسبوع وخربنا الدنيا
نورسين: شفتي قولتي أسبوع احنا على طول كما مع بعض
وعد: انا ميته من الجوع
نورسين: انا طلبت الاكل عارفة انك مفجوعة
وعد: حبي والله.

نورسين: تبيعي أهلك علشان الاكل
وعد بضحكة: وبيعك انتى كمان
نورسين بضحك: خلاص اسكتي الاكل وصل
نزل الاكل على التربيزة وبتدو الاكل
( يا طفسه يا وعد وانا كمان جعانة ).

عودة للبنان
كنان: مالك يا زلمه شو صاير
بدر: انت ياض اتكلم مصري علشان افهم
كنان بضحك: خلاص يا عم المهم فعلا الرجالة عرفو ان فى بنت اختفت باسم ياسمينة وفعلا من عيلة كبيرة فى مصر وكانت جاية فسحة هنا
بدر: خلاص انسي بقي
كنان: هتعمل ايه مع وعد البحيري
بدر بشر: اخلص شغلي هنا وهرجعلها وهخليها تتمني الموت ومتعرفش تطوله
كنان: اهدي بدر وعد مش قليلة وليها إتباع كتير
بدر: وأعداء اكتر.

كنان: بلاش تشتري عداوه وحده ذي ديه
بدر: انت مدى الموضوع ده اكبر من حجمة خلينا نشوف شغلنا
كنان: براحتك يا بدر يالا على الشركة.

عودة للمطعم
انهت البنات الاكل وكانت نورسين تستغرب من طريقة اكل وعد ولكن لم تعلق حتى انتهاء الاكل
نورسين: مال دراعك فيه ايه
وعد: امممممم وخده رصاصة من يومين
نورسين بشهقة: يالهوي انتى عاملة ايه دلوقتي
وعد: الحمد لله بس عاوزة اسالك سؤال
نورسين: اسألي
وعد: هو في شغل بين شركتنا و شركاتكم
نورسين: لا طبعا انتم ليكم شغل واحنا لينا شغل
وعد بهدوء: سبب الرصاصة اللي ختها كان بدر اخوكي.

نورسين بشهقة: بدر هو عمل فيكي حاجة
وعد: لا اخرسي علشان احكي
حكت وعد لنورسين كل شي حصل ولم تزود ولم تنقص شي
نورسين: يالهوي يا وعد بدر مش هيسك وهتقوم حرب بنكم
وعد: انا مخي واقف من اول معرفت بس طمنت مودي و الشباب
نورسين: طيب ايه رايك نعرف بدر الحقيقة
وعد: مش هيصدق وهيفتكر أننا بنكدب و بنحور عليه
نورسين: المطلوب مني ايه وعد
وعد: يعني هتسعديني.

نورسين: ايوة طبعا انا مش هسيب أخويا ولا صحبتي الوحيدة و ممكن كمان خالو يبقي معانا
وعد: شوفي الصح علشان نوقف المصيبة اللى هتحصل هنا
نورسين: هتصل عليه حالا
اتصلت نورسين على فراس حتى يأتي بسرعة
بعد مرور نصف ساعة دخل فراس المطعم وتوجه اليها
فراس: نور انتى كويسة يا قلبي
نورسين: ايوة كويسة بس الأول اخليك اعرفك على صحبتي وعد وده يا وعد خالي فراس
فراس: اهلا و
وعد بابتسامة: اهلا بيك
فراس: يستحيل انتى مش فكراني.

وعد بابتسامة: اكيد طبعا فكراك يا فندم
نورسين: انا مش فاهمة حاجة انتم تعرفو بعض منين
وعد: فاكرة يوم حادثه بدر حضرته كان فى المستشفي و ساعدني لما ضربت أيدي فى لوح زجاج وعلاج الجرح
فراس: صح ما شاء الله عليكي ذاكرة كويسة
نورسين: عارف خالو مين ديه
فراس: مش لسه قايلة ان اسمها وعد
وعد: انا وعد البحيري فراس بيه
فراس بصدمة: انتى وعد البحيري
وبغضب: وعزة وجلاله الله لهحسبك على اللى عملتيه فى بدر.

شاورت وعد للحرس بإخلاء المطعم وبالفعل تم اخلائه وخرج الحرس ايضا فى اقل من لحظات
وعد بجدية: كده نعرف نتكلم براحتنا وانا مش هزعل علشان صوتك اللى على عليا ولا علشان تهديدك ليا
فراس بغضب: والله دانتى ادامي قتلتي واحد مش جديد عليكي يالا نورسين.

وعد بغضب وصوت عالى: اقعد ولاخر مرة هسمحلك تعلي صوتك عليا وكمان قتلت مين ابن الكلب اللى بتتكلم عليه حاول يقتل أخويا عارف يعني ايه أخويا انا افديه بروحي وعمري كله انا لو وصلت انى اقتل أي حد يفكر يقرب من عيلتي امحيه من على وش الارض و اذا كان على ابن اختك انا كنت هموت علشانه من يومين فاهم يعني ايه هموت
نورسين بهدوء: ممكن تهدو يا جماعة وانت قبطان اهدي
فراس بهدوء: تمام ماشي
وعد بالم: تمام نور.

فراس: انتى كويسة يا وعد
وعد بالم: شكل الجرح شد عليا من العصبية
فراس: حاولي تهدي شوية كده غلط على الجرح هو سببه ايه
وعد: اكيد بدر حكالك كل حاجه وأكيد قالك على البنت اللى ساعدته وخدت رصاصة كمان وقعدت في البيت عنده صح
فراس: ايوة بس هو قالى اسم غير اسمك
وعد بسخرية: تفتكر لو ابن اختك المحترم كان عرف انى انا وعد البحيري كان هيعالجني ويسهر على راحتي اكيد لا كان قتلني وخلص.

نورسين: يبقي لازم نعرف من عمل كده وبسرعة علشان اي تأخير فى خطر عليكي
فراس: صح
وعد بتنهيدة: يبقي لازم نكون ايد واحدة وأي حاجة قبل منعملها نكون مخططتين صح وانا نشرت رجلتي فى لبنان علشان اعرف مين والرجالة لسه موصلوش لحاجة هناك والفريق التاني نشرته هنا ولسه
نورسين: وليه نشرتي رجالة هنا.

وعد بسرحان: علشان اللي عمل كده من هنا مش من هناك لانى شفت واحد من الرجالة ووصفته والرجالة بدور عليه وان شاء الله خلال وقت قليل هنوصل
فراس: انا هوافق على التعامل معاكم وبالشرط الجزائي الجديد
وعد: عمو الشرط كبير جدا وأكيد هيحصل مصيبة علشان الشركتين تقع فى بعض
فراس: انتى بتتعملي مع القبطان يعني البحر لعبتي
وعد بخبث: كده تمام حضرتك هتكلم عمتو سمر و تروح تمضي معاها النهاردة و دلوقتي
فراس: ماشي هتصل حالا.

اتصل فراس على الشركة وطلب تحديد موعد حالا مع مدام سمر وحددو المعاد بعد ساعة
فراس: ساعة وهكون هناك
نورسين: وعد احنا وثقين فيكي
وعد: وحيات أخواتي مهعمل حاجة
فراس: كده تمام
تليفون وعد رن وكانت سمر تخبرها باتصال فراس وانهت المكالمة
وعد بالم: أي حاجة تحصل لازم اكون عرفاها وأي خطوة لبدر لازم توصلي
نورسين: تمام
فراس: مالك يا وعد انتى تعبانة صح
وعد بالم شديد: حد ينده لمراد بسرعة.

أسرعت نورسين للخارج واحضرت مراد الذي دخل بسرعة
مراد: وعد مالك فيكي ايه
وعد بالم: تعبانة اوى مراد الجرح تعبني اوي
مراد: تعالي لازم نروح المستشفي حالا
وعد بعيون تائهة: ماشي يالا
قامت وعد وكانت تستند على مراد ولكن سقطط مغشي عليها بين احضان فراس و مراد فحملها فراس واسرعو خلف بعض وتوجهو الى المستشفي.

في المستشفي
كان هناك أسطول من الأطباء فى انتظار وعد وعندما شاهدو السيارة اسرعو لها واخذوها من فراس ودخلو المستشفي وتوجهو الى غرفة الطوارئ للكشف عليها وبعد لحظات كان الأطباء يسرعو بها الى غرفة العمليات لوجود بعض الشظايا فى جسدها ( الشظايا وهى فتات الرصاصة )
اتصل مراد على طلال وأخبره بوجود وعد فى العمليات فأسرع طلال يجري وخلفة يوسف على المستشفي.

مراد: حضرتكم لازم تمشو حالا علشان زمان العيلة جاية ومينفعش يشفوكم هنا فى الوقت الحالي
فراس: وانت أقصد ايه
مراد: وعد مش بتخبي عليا حاجة و بلاش تقلق بدر بيه نزل عليه حرس من قبل وعد علشان الأمان
نورسين: صح خالو يالا بينا بسرعة
خرجو من المستشفى وأثناء خروجهم من الباب وجدو أسطول من السيارات يقتحم المستشفي
فراس: شكلنا دخلين على مصايب
نورسين: ربنا يستر اظن كده انت اتاكدت انها بريئة
فراس: أتأكد ربنا يستر.

فى المستشفي.

جلس طلال و يوسف على اعصابهم وبعد مرور ساعة خرج الأطباء من غرفة العمليات فاسرعو إليهم وطمانوهم على صحة وعد وتم نقلها الى غرفة عادية وبعد حوالى ساعتين فاقت وأثرت على الخروج وعدم أخبار والدهم و عمتهم بذلك الأمر وبالفعل خضع الشباب لها وعادو الى الفيلا وصعدت الى غرفتها وأحضر لها يوسف بعض الطعام واطعمها و ساعدها طلال على تبديل ملابسها واخذت العلاج ونامت ونام بجوارها طلال واخذها بين اخضانه.

- بعد مرور اسبوع عاد بدر الى مصر وكان الحرس مجمعين كل شي خاص بوعد ولكن لم يستطيعو الحصول على صورة لها
- تحسنت صحة وعد ونزل الشركة
- مضي فراس مع سمر العقد وأعتذر لها بشده على سوء التفاهم وتقبلته سمر
- فرض طلال حرس على وعد بالإضافة الى حرسها للحماية
- استطاع طلال اخذ صفقة كبيرة خاصة بوزارة الإسكان لبناء مجمع معماري كبير
- عقد بدر اجتماع لمناقشة مشروع حتى يضم شركات السيوفي تحت سيطرته.

- نقلت نورسين ما حدث فى الإجتماع لوعد وهذا زاد من غضبها
- تم تحديد موعد لمقابلة بدر مع طلال و رئساء الشركة لمناقشة المشروع.

في شركة السيوفي
وصل بدر بالحرس و معه نورسين ودخلو الشركة بقوة وعظمة ودخلو الى مكتب طلال الذي استقبلهم
احسن استقبال وجلسو فى انتظار وعد ولكن أخبرتهم وعد انها سوف تتواصل معهم عن طريق التليفون فوافق طلال وهذا ما زاد من غضب بدر
وبالفعل ابتدو يتناقشو فى المشروع ولم تتحدث وعد باي كلمه و اعجب طلال بالمشروع
طلال: هايل بدر بيه المشروع ممتاز
بدر بثقة: اكيد طلال بيه انا مش هضيع وقتي على الفاضي قرارك.

طلال: اكيد بدر بيه مو
وعد: ممكن تسبنا فترة وهنرد عليك مستر بدر اكيد مشروع بالمليارات ديه وعاوز الرد فى مقابلة واحدة ولا ايه
بدر بغيظ: أعتقد طلال بيه كان موافق
طلال ببرود: ادام وعد قالت كده يبقي هي شيفة حاجة انا مشفتهاش وذي مهيا قالت ادينا فترة نناقش المشروع
بدر بسخرية: يااااه وانت بقي هتسمع كلامها وتثق وتنفذه بالسهولة ديه
وعد بثقة: اكيد مستر بدر لازم يثق احنا مش عشرة يوم ولا سنة دول 23 سنة.

طلال بعظمة: وحتى لو وعد قالت على اي حاجة لا يبقي لا وذي مهيا مقالت دول 23 سنة عشرة يعني عمر فوق العمر
نورسين بسرعة: ربنا يخليكم لبعض ويحافظ عليكم تمام ذي مقولتم خدو وقتكم واحنا فى انتظار مكالمة منكم نحدد اجتماع قريب واستاذة وعد تكون موجودة
طلال بابتسامة جميلة: اكيد انسة نورسين اكيد واوعدكم هيكون المعاد قريب
بدر بنظرة: اكيد طبعا وبعتذر منك على اي كلمه قولتها كان فيها زعل.

طلال وعيونه على نورسين: ولا يهمك كلنا بنغلط
بدر: اكيد بعد اذنك يالا يا روحي
غادر بدر ولكن ركب بمفردة وساق بسرعة وتوجه الى المجموعة وعادت نورسين الى الفيلا.

فى شركة الجارحي
بدر: منصور فين المعلومات الخاصة بوعد البحيري
منصور: حالا هيكون الملف عند حضرتك
بدر: بسرعة بسرعة منصور
غادر منصور ووقف بدر ينظر على الطريق وبعد لحظات دخل منصور واعطي له الملف
بدر: لما نشوف بقي مين هى ست الحسن و الجمال ديه
الاسم: وعد البحيري
السن: 23 سنة
العائلة: يتيمة الام و الاب عايشة من محمد السيوفي منذو الصغر والدها يكون ابن خاله محمد السيوفي
العمل: لها نسبة 49 % من أسهم الشركة.

السمعة: لا غبار عليها والجميع يطلق عليها برنسيسة الاقتصاد جبروت و قوية والجميع يعلم بأنها على علاقة بطلال السيوفي
بدر: امممممممم لازم اعرف كل حاجة عن أمها اكيد في حاجة مش عارف ليه وطلال بيكون حبيبك والبيه عينه لمعت على نورسين بس لو اعجب بيها و حبها يبقي ديه ضربه معلم وهتقسم وعد وهتكسرها للأبد مبروك وعد عليكي الهزيمة
ارسل بدر لمنصور بجمع كافة المعلومات عن والدته وعد بادق التفاصيل.

الفصل التالي
جميع الفصول
روايات الكاتب
روايات مشابهة